منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 11-12-2017, 11:35 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عندما أحببت دلالية

29-01-2017, 08:08 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


عندما أحببت دلالية

    08:08 AM January, 29 2017

    سودانيز اون لاين
    عادل الباهي عبدالرازق-زي أبن بطوطه رحال
    مكتبتى
    رابط مختصر

    تنوية
    كل الاسماء الواردة هنا من نسج خيالي واي تشابه بينها وبين الواقع هي من الصدفة لا أكثر



    علوية كانت تكبرني بثلاثة عشر عاما عندما كنت في الخامسة عشر من عمري ومع ظهور علامات البلوغ
    وانتفاخ الانف وخشونة الصوت و اصبح طولي يتمدد الي أعلي كان علي أن أبحث كأي مراهق عن
    علاقات مع الجنس الآخر كأقراني الذين في عمري من أبناء ذلك الحي الخرطومي العريق ولكنني كنت
    دائما ما أبحث عن التمييز في كل شيء حتي في العلاقات العاطفية لم أفكر البتتا في التقرب لبنات
    جيلي وكنت ارغب ان انزل مقولة الشدر الكبار فيهو الصمغ علي ارض الواقع فقادني حظيء العاثر
    وفي اول تجربة غرامية من التقرب من علوية التي كانت في
    الثامنة والعشرون من عمرها وكانت تمتهن بيع الاشياء بالتقسيط كدلالية .
    دعوني أحدثكم قليلا عن علوية . علوية كانت تحمل أقبح وجه وأجمل جسم سبحان من خلق .
    لها جسم لا يوصف فارعة الطول وثديان بارزان كالرمان وأرداف ممتلئة وساقان
    ناعمتان يمكنك ببساطة أنت تري وجهك فيهن ومؤخرة مثيرة ومغرية لايستطيع أي
    رجل لو مرت علوية من امامة أن يغض بصره حتي ولو كان إمام المسجد فلجسدها
    سحر لا يقاوم ولكن طبع علوية حاد وسريعة الغضب وطويلة اللسان لذلك يتجنبها
    معظم سكان الحي نساء ورجال وطبعها هذا علي ما أعتقد هو سبب في تأخير زوجها .
    عجبت لعروة العذري أضحي أحاديثا لقوم بعد قوم
    وعروة مات موتا مستريحا وها انا ميت في كل يوم

    كما قال مجنون ليلي أنا أموت كل يوم اري فيه جسم علوية وبطبعي ضعيف أمام السكريات فظللت
    أعاكسها في الذهاب والمجيء ولكن في بداية الامر لم تعرني علوية أي أهتمام ، مرات
    تلزم الصمت ومرات توبخ ومرات تبتسم وتذهب في حالها ولا هم لها الا نماء تجارتها
    تحمل كراسة في يدها بها أسماء كل نساء الحي اللاتي
    أشترين منها بالتقسيط وتاريخ سداد الاقساط , لا تجرو ولا أي إمراءة أن تقدم أو تأخر
    القسط الذي عليها فلسان علوية سليط ، ظللت احاول واحاول معها ولم أيأس وكما يقول
    المصريين الزن علي الودان أمر من السحر وأخيرا تجاوبت معي علوية وأعطتني
    أول موعد غرامي في حياتي عند الثامنه مساءا تماما في نادي الحي وهذا الزمن في
    وقت مضي كان توقيت المسلسل اليومي لذلك تجد كل الشوارع خالية من المارة حتي ينتابك
    إحساس من كثرة السكون إنك في مدينة مسكونة وحتي بعض اللصوص كانو ينفذون جرائمهم
    في هذا التوقيت لانشغال كل الاسر صغيرهم وكبيرهم امام شاشات التلفاز .
    ظل الوقت يمضي ببطء وانا في إنتظار قدوم الساعة الثامنة والتي أتت في ذلك يوم بعد سل الروح
    من الجسد وقبلها بساعة ونصف الساعة أخذت حمام وارتديت أجمل مالدي من ملابس
    وحملت كتاب إدب انجليزي في جيب البنطلون الخلفي بحجة ذهابي للمزاكرة مع أصدقائي
    في حي ديم التعايشة فقاطعني شقيقي الاكبر وانا أهم بالخروج
    • لماذا تذهب لتزاكر اللغة الانجليزية مع أصدقائك في ديم التعايشة وعندك أبن
    جيراننا الفاتح دا ماشاءالله علية زكي ومن الاوائل
    • لالا الفاتح دا أااي زكي لكنه حاقد لا يخرج كل ماعندة من علم خشية من أن يتفوق أحد علية
    خرجت قاصدا نادي الحي وبالفعل في الثامنة تماما ظهرت علوية تحمل كراسة المستدينين
    في يدها جلسنا في ركن قصي مظلم من النادي وكنت ممنيا النفس بحب كما كنت أقراء
    عن حب عروة والعفراء ، عنترة وعبلة ، قيس وليلي ولكن علوية كانت تفهم فقط
    في الحب الحسي وانا كنت سعيد بذلك وبعد مرور نصف ساعة بدأت تحدثني عن أعمالها
    بكرة من الصباح فردوس زوجة حسن عليها قسط كفتيرة ، حاجة ام الحسن الداية قسط كبابي ،
    التومات بنات استاذ ابراهيم واحدة قسط صينية شاي والثانية سيرمس شاي ،
    سوزان بنت سعيد زوجها رسل ليها من السعودية التحويلة دي بقوم عليها من دغش الرحمن
    قبال ما تودر القروش مع ناس ابوها الاعور دا . ومع أقتراب نهاية المسلسل
    تفرق جمعنا علي أن نلتقي في نفس الزمان والمكان يوم غدا .رجعت اجرجر
    في ارجلي وأفكر هسع أنا أستحميت في البرد دا وجازفت فتيل الريحة من دولاب
    أخوي عشان تديني محاضرة في اسماء المستدينين منها ؟؟؟
                   |Articles |News |مقالات |بيانات

29-01-2017, 08:15 AM

معاوية عبيد الصائم
<aمعاوية عبيد الصائم
تاريخ التسجيل: 09-06-2010
مجموع المشاركات: 22474

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    تنوية
    كل الاسماء الواردة هنا من نسج خيالي واي تشابه بينها وبين الواقع هي من الصدفة لا أكثر
    ............................................................................................................................
    بنعرف نكران الذات الا نكران الفات دى جديدة
    المهم نتابع
                   |Articles |News |مقالات |بيانات

29-01-2017, 09:11 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: معاوية عبيد الصائم)


    ظللنا نتقابل بصورة راتبة في ذات الزمان والمكان وظلت علوية في حالها لا تعرف عن جلسات الغرام
    والحب غير الونسة في بضاعتها واسماء المستدينين حتي مللتها واصبحت اتحجج بحجج واهية حتي
    لا نلتقي فبدأت تحاصرني من كل الاتجاهات . في تمرين الكورة ارفع راسي أجد علوية تنتظرني
    امام رجل الرايه ، انتهي من مباراة كرة قدم تنتظرني امام باب الساحة الشعبية الي أن ذات يوم
    ركبت لي وش تاني
    • شوف الليلة الساعة تمانية جيت جيت ما جيت والله أجيك في البيت
    • ياعلوية أعقلي يأخ لو شلتي ليك بلوة بتلبسنا الاثنين
    • دا ما موضوعك أنا عاملا حسابي
    ليس هناك مفر الا الذهاب في الموعد المحدد تحت التهديد ، أعرف علوية جيدا لا تخاف ولا تختشي
    وتزكرت ذات مرة في نادي الحي تناقشت مع شباب وشابات الحي في تكوين لجنة النادي وغضبت
    فما كان عندها اسهل من تكسير أزيار النادي أمام الجميع . تجمع كل الناس وذهبو لمقابلة والدها حتي
    يثنيها من الحضور للنادي فكان رد والدها والله أنا زاتي علوية غلبتني وغلبت معاها حيلة لو جاءتكم
    تاني لو بتقدرو تدقوها دقوها ، هكذا كان رد والدها ، أذن سوف اذهب سوف اذهب رغم أنفي
    والا نفذت تهديدها بالحضور الي منزلنا .
    تواصلت لقاءتنا الي أن هدانا شيطاني الي كثير من الرجال متزوجين مثني وثلاث ورباع
    لماذا لا أدخل في تجربة غرامية عذراء مع أحد بنات جيلي وفي نفس عمري وبالفعل
    وقع أختياري علي سحر بنت حارتنا فكتبت لها خطابا كوبي آند بيست من أحد الكتب
    التي كانت تباع في ذاك الزمن بالمكتبات تحت اسم رسائل غرامية نقلت الخطاب
    من الكتاب بي ضبانتو وانتظرت سحر امام باب المدرسة وسلمتها له يد بيد ووليت
    هاربا وانتظرت ردة فعلها فأتت سريعا مع بشريات غروب الشمس خطاب
    غرامي انيق وسط كتاب الجغرافيا ولكن أقتصر حبنا العذري فقط أنتظرها
    امام المدرسة ونأتي سويا ونفترق عند مشارف الحي وفي المساء اذهب الي قدري الي علوية .
    الي أن جاء يوما مشهود واثناء اليوم الدراسي بدأت المظاهرات وخرج جميع الطلاب
    واختلط الحابل بالنابل وحاصرتنا قوات الاحتياطي المركزي بالغاز المسيل للدموع والهروات
    وتفرقنا فوجدتها فرصة أن أذهب الي سحر ونقضي بقية اليوم مع بعضنا . بسبب المظاهرات
    والفوضي توقفت كل المركبات العامة والخاصة خوفا علي سياراتهم الا القليل منهم فذهبت
    محازيا الي الشارع الرئيسي عسي ولعل ان تمر مركبة استغلها في الذهاب لمدرسة سحر
    ولكن تأتي رياح بما لاتشتهيء السفن وبينما أن اتمشي أذ اسمع صوت علوية خلفي تماما
    أأي والله علوية بشحمها ولحمها وتناديني بأسمي والتفت من هول الصدمة والمفاجاءة فوجدت
    علوية تركب في عربة كارو يجرها حصان وبالعربة جوالين أوثلاثة فحم
    • انا كنت ماشا سوق السجانة عندي بضاعة استلما ولمن سمعت بالمظاهرات خفتا ناس
    البوليس يضربوك جيتك جارية جري يلا تعال اركب
    • علوية لالا انتي أمشي وانا بتمشي بأرجلي
    • وحاة ابوي ما بمشي تعال اركب
    • علوية الكارو دا وسخان كلو فحم بيوسخ لي الرداء
    • تعال اركب لمن نوصل انا بشطفو ليك
    وهنا تدخل صاحب الكارو في الحديث
    • ياولدي اسمع كلام أمك واركب ساي
    وأول ما سمعت علوية كلمت أمك قفزت من الكارو كرجال المظلات واشطاطت غضبا
    • النما التاكلك ياعربي يا قبيح أنت لمن مابتعرف تتكلم ماتقفل خشمك دا يلا أمشي
    ما ماشين معاك وما بديك قرش واحد
    • يا بت أخوي معليش والله أنا آسف تعالو اركبو
    • أبينا ماراكبين هسع أنت فرقك شنو من حصانك دا ؟ والله حصانك يكون بيفهم أكتر
    منك قال أمك قال . أمشي يلا عامل جضومك المنفخات زي لقيمات الصدقة ديل امشي يا عربجي ياحيوان
    لم يجد صاحب الكارو المسكين شيء يعملو غير الفرار أمام لسان علوية السليط . تمشينا خطوة بخطوة
    الي ان وصلنا مشارف الحي يوجد سبيل ماء به ستة ازيار كنا نقف فيه انا وسحر ثم نقترق
    كل يوم بعد أن نأتي سويا من المدرسة . ولسوء حظي في هذا اليوم فقد سبقتني سحر الي
    هذا السبيل وقررت ان تنتظرني ربما دلها قلبها بأني سوف أتاتي ولكن لم يكون في حسبانها
    سوف آتي ومع قاطرة بشرية ولسخونة الجوء وارتفاع درجة الحرارة جلست سحر بين
    الازيار واذا كنت أدري انا بأن سحر منتظرة بين الازيار لما أتيت الي السبيل
    ولكن عند القدر يعمي البصر
                   |Articles |News |مقالات |بيانات

29-01-2017, 09:21 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    حضرت أنا في المقدمة اسبق علوية ببضع خطوات وما أن راتني سحر وانا اغمز لها بأن
    خلفي مصيبة ولكنها لم تفهمني ونطقت حبيبي مشتاقين ، ثارت علوية وبدأت في الصياح
    • حبيبي يا بت الكلب أنت بتستغفلوني انا يا اولاد اللزينا ؟ أطلعي لي يا سهتانا من بين
    الازيار دي يا والله اجي ادخلك جوا الزير
    استسلمت سحر علي الفور ورفعت الراية البيضاء لانها تعرف علوية تفعل ماتقول وتقول ماتفعل ولا تخاف من شي
    تداخلت انا علي الفور يا علوية أنتي فهمتي غلط
    • لالا ما فمهت غلط واضنيني ما طرش
    • شوفي يا علوية الحب دا غصب ؟ انا لا بحبك ولا عاوز معاك علاقة زاتو
    • خلاص ادفع الدين العليك
    • دين شنو كمان العلي ؟
    أخرجت علوية امام أعيننا كراس الدين وقلم وكتبت اسمي وامامه مبلغ لا طاقة لي به في ذلك الوقت
    الدين دا حق سراميس الشاي والعدة الشلتها مني
    • انا اشيل منك عدة بالدين شايافني ببيع شاي
    • العدة شلتها ووديتا لي بت حاج الصافي
    علوية قصدت تضع لي العقدة في المنشار لا علاقة لي ببنت حاج الصافي لكن حاج الصافي شغال حداد
    ولدية سبعة ابناء يكبروني سنا وكلهم لا حظ لهم في التعليم مابيعرفو الا طرق الحديد ولا هم ولا ابوهم
    عندهم مفاهمة غير البنيه كلمة كلمتين طوالي الواحد فيهم بيقفل يدو للضرب ، أصغر ابن لحاج الصافي
    يكبرني بعامين ومن كثرة ما معضل شلاليفو دي معضلات فلم تترك لي علوية الا ثلاثة خيارات في هذا اليوم
    قطع علاقتي مع سحر والمواصلة معها او دفع المبلغ الذي وضعتة من راسها علي كراسة الدين او استعد لحرب
    داحس والغبرا مع اولاد حاج الصافي وهنا تملصت سحر في دقيقة عن حبنا واردت ان تنفد بجلدها ومن
    ما تسببه لها علوية من سمعة في الحي وقبل ان تفر سحر فجاءتنا علوية
    • طايرة وين وحاة ابوي الليلة الا تمشو معاي هسع سوق السجانة نجيب العدة وتجو
    شايلنها معاي فوق رؤوسكم دي الكارو وفوتو بسببك
    • علوية خليها بكرة الاواني الدنيا سخانة يأخ
    • بتعرف تحب وتسبل للبنات يلا امشو قدامي
    توجهنا من السبيل صوب سوق السجانة والشمس تكاد تحس لو مددت يدك للمستها ورجعنا
    بعد اكثر من ساعتين نحمل معاها الاواني وبعد وصولنا مباشرة اتلفت علي سحر
    • حرمتي يا سهتانا ولا حتلعبي بي ضنبك معاي والله والله الحله دي البيعطس فيها
    انا بعرفو المرة دي سماح لكن لو وقعتي في يدي وحاة ربي الا احلق ليك زلبطا
    لبراءة سحر و صغر سنها أقسمت لها بكل عزيز لديها تاني لو شافتني في الشارع تخليهو لي
    وانصرفت وجاء دوري من بعدها مباشرة
    • الساعة تمانية تجيء النادي لو عاوزنا نستمر ماعاوزنا نستمر جيب معاك القروش
    ولو ما جيت تمانية ونصف انا بدق باب ناس حاج الصافي وشيل شيلتك
                   |Articles |News |مقالات |بيانات

29-01-2017, 11:27 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1628

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههههه تحياتي ود الباهي
    علوية رباطية طلعت متابع انا ههههههههههه
                   |Articles |News |مقالات |بيانات

29-01-2017, 11:27 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 28583

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    Quote: أنا أموت كل يوم اري فيه جسم علوية وبطبعي ضعيف أمام السكريات
    هههههههه
    علي اليمين من صورة بروفايك عرفت المن "نسج خيالك " دا بتاع جقق
                   |Articles |News |مقالات |بيانات

29-01-2017, 01:47 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: محمد البشرى الخضر)

    بنعرف نكران الذات الا نكران الفات دى جديدة المهم نتابع


    يا مواطن أنكر حنانو زاتو ناس الزمن دا قاعدين علي الهبشة بكرة ابقي
    في محاكم وإشانة سمعة وما أدراك ما إشانة سمعة عشان كدة استبدلت
    الاسماء الحقيقية بأسماء من دقنوسي دا وريحت ههههه
                   |Articles |News |مقالات |بيانات

29-01-2017, 02:19 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    هههههههههه تحياتي ود الباهي علوية رباطية طلعت متابع انا ههههههههههه

    حياك الله الطيب عباس

    فايتا الرباطة بي غادي ابوها زاتو لمن الشباب ذهبو يشتكو ليهو منها
    قال ليهم انا علوية غلبتني لو جاءتكم في النادي تاني وقدرتو تدقوها دقوها
    ما بسأل زول فيكم .اها دا ابوها طلع عاقل نتهور نحن
                   |Articles |News |مقالات |بيانات

29-01-2017, 02:23 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههه علي اليمين من صورة بروفايك عرفت المن "نسج خيالك " دا بتاع جقق



    يا ود البشرى الزمن داك لوكنا في بلد تحترم الطفولة علوية دي
    كانت إتحاكمت بالتحرش بقاصر

    قابلت علوية دي بعد زمن في أحدي اجازاتي وبرضو كانت عاوزا تلبسني مصيبة
    تابعا في نهاية القصة ههههههههه
                   |Articles |News |مقالات |بيانات

29-01-2017, 03:58 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    أستمرت هذة العلاقة بضعة اشهر بعد هذة الواقعة الي أن جاء يوم الخلاص الموعود ،
    ذات مساء التيار الكهربائي مقطوع عن الحي والباعوض عامل شغل في الناس ومع سخانة الجوء
    وانا مستلقي علي السرير في حوش المنزل واذا بي اسمع صوت زغروته فلم أعر الامر اهتمام
    في بداية الامر ولمن تكررت اصوات الزغاريد خرجت مستفسرا عن مصدرها فوجدت
    رجلا اصلع يسكن بالقرب من منزلنا
    • الزغاريد دي مصدرها وين يا ابراهيم
    • في بيت عمك موسي بتو علوية خطبوها
    • علوية الدلالية ؟
    • أيوة
    • أنت متأكد علوية علوية
    • قلت ليك اااي
    لم أتمالك نفسي وفجاءة قفزت في ابراهيم وبوست صلعتو عدة مرات ، دا أجمل خبر اسمعو
    في حياتي أخيرا علوية سوف تحل عن سمائي وسماء الحي حتي نتنفس هواء نقي ، رجعت
    الي سريري فرحا ولكن كنت عاوز تاكيد من مصدر اخر للخبر حتي يطمئن قلبي لبست حذائي
    ووقفت تحت عمود الانارة في ناصية الشارع كل مايمر أحد امامي اسأله عن حقيقة الزغاريد
    ولمن تأكدت تماما من خطبة علوية رجعت مطمئن القلب وعكفت في كتابة خطاب غرامي
    لسحر ولم يهداء بالي الا بعد ان قمت بتسليمها له صباحا قبل الذهاب الي المدرسة شرحت فيه
    موقفي ومبرراتي ودفوعاتي وكبيت فيهو الاشواق واللوعه والحنين وانتظرت الرد نهار نفس
    اليوم شفاهه بأن ابعد عن حياتها لن تكرر هذة التجربة مرة أخري لا معي ولا مع غيري
    ولم تري في شخصي الا انني جالب للمصائب ولم يشفع لي عندها توسلاتي وانصرفت
    • الله لا كسبك يا علوية خربتيها وقعدتي علي تلها
    أنتظرت يوم ويومين ولم تظهر علوية لا في نادي الحي ولا حتي في الشارع وقررت
    اخيرا الانتقام وتوجهت صوب منزلها وقرعت علي الباب ثواني ووجدت والدها امامي
    • سلام ياحاج علوية موجودة ؟
    • ايوة
    • اصلا رسلوني ناس البيت اسألا جابت اواني جديدة
    • دقيقة ياولدي اناديها ليك
    ودقائق كانت امامي وما أن راتني وقفت في عتبة الباب
    • نعم في شنو ؟
    • صحيح تمت خطبتك ؟
    • بتسأل ليه الحله دي كلها عارفا انت اطرش
    • وحبنا يا علوية
    • ياولد هووي حباك برص حب شنو كمان جأنا حب المراهقين
    • والكان بيننا دا اسمو شنو ؟
    • ومتين بينا كانت في حاجة
    • كويس اول ما اشوف خطيبك والله اكلمو بأي حاجة كانت بينا
    • ولا بيحصل تعرف لية ؟ لاني من دربي دا بمشي لحاج الصافي يلا شوف ليك بلد امشي ليها
    من سمعت حاج الصافي
    • انتي ياعلوية مجنونة انت صدقتي انا اعمل كدة يأخ . والله زعلتيني أنتي ياعلوية اول حب
    في حياتي جيت اشوفك اشتقت ليك واعرف الزواج متين
    • تعرف الزواج متين أنت شغال مأذون ؟ أمشي شوف ليك قراية اقراءها القر الينفخك
                   |Articles |News |مقالات |بيانات

30-01-2017, 03:01 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    رجعت بخفي حنين من آخر مقابلة بيني وبينها وتزوجت علوية بعدها بأشهر من رجل في منتصف
    الاربعينات من عمرة نحيف وطويل وأصلع الراس واستقرت مع زوجها في حي آخر وارتحنا منها
    ولكن تمر عدة شهور وترجع علوية حبلي بطفل تجلس بمنزل اهلها وبعد الوضوع تغادر الحي وسرعان
    ما ترجع بعد كم شهر حبلي مرة أخري علي ما أعتقد كانت ترغب في تعويض ما فات من عمرها
    وتقنص اي لحظة لولادة طفل .
    أنقطعت عني اخبار علوية بمجرد سفري خارج السودان للدراسة ولكن لمحاسن الصدف في أحدي
    اجازاتي القريبة دعيت في الحي السكني الذي كنا نقطنة في السابق قبل الرحيل منه لحي آخر
    لمؤتمر جامع للتبرع لبعض المنشأت الخدمية بالحي وذهبت وجلست مع الحضور وفجاءة
    رايت إمراءة تجلس في المنصه في بداية الامر لم ادرك ملامحها فقد فعل الزمن في جسدها
    مافعل ولكن بمجرد ما بدأت في الحديث رجعت بزاكرتي للوراء هذا الصوت صوت علوية
    لا يغباني فأنحنيت ناحية اليسار هامسا لشاب يجلس شمالي
    • دي مش علوية الدلالية ؟
    • أاي علوية لكن ما الدلالية الدلالية كانت زمان هسع اسمها علوية استثمار
    • علوية اصبحت مستثمرة
    • اااي بدأت معها تجارة دبي وقلبت الصين
    • سبحان الله
    أنتظرت نهاية المؤتمر بفارق الصبر ومع نزولها من المسرح توجهت ناحيتها ووقفت امامها تماما وهمست
    • علوية ازيك يأخ
    • اهليين ماعرفتك
    نظرت ذات الشمال وذات اليمين حتي لايسمعني أحد
    • معقولة زول ينسي اول حبيب ليهو
    وهنا صاحت علوية
    • قاشر وبعد السلام والتحية الجابك شنو وظهرت من وين ؟
    • جابتني ارجلي
    • كيف احوالك اسرتك واولادك
    • زوجي اتوفي ياقاشر وعندي 8 من بت لي ولد
    • كيف ما يموت ماعامل فيها ود أبرق
    • هههههه الله يجازيك اصلو مابطلت قلة أدبك
    • يعني أنتي بطلتي طولة اللسان
    • انا هداني المرض سكري وضغط وماخفي كان أعظم أقيف أقيف اعرفك بأبنتي الكبيرة
    يا نجلاء يا نجلاء
    سبحان الله ظهرت نجلاء الخالق الناطق علوية قبل سنين مضت نفس الجسم ونفس الوجه
    ماشاءالله تبارك الله بتك تشبهك التقول انتي كاميرا كوداك
    • الله يقطعك عاوز تنشفنا أها عرستا ؟؟
    • لسع والله
    • تعال اعرس ليك نجلاء بتي دي
    • علوية بنتك فارق العمر بيننا كبير
    • انت من زمن البنات البعاينن لعمر الراجل وحاة الله ورسول الله رجال يلدوك يفتشو في عمر 18 سنة
    والواحد زاتو يمشي للخطوبة يعقدو ليهو عشان ما ينط تقول لي فارق العمر نجلاء دي عمرها
    سبعتاشر سنة ونصف وماعاوزها تغلط غلطتي أنا وتتزوج كبيرة أها قلت شنو
    أستحيت منها واصبحت اردد خليها علي الله
    • لا لا أديني رقم تلفونك ولازم تجينا تشرب معانا شاي المغرب في بيتي في الحاج يوسف ما عند ناس ابوي
    وتحت الحاحها ارغمت لاعطائها رقم الهاتف ووعدتها اتصل بها لتنسيق موعد الزيارة وبعد ما ودعتها مباشرة
    الله يقطع معرفتك يا علوية زمان هديتي حيلي بمعرفتك وعاوزا هسع تبتليني ببنتك
    لو اديتك ضوء أخضر ممكن تجيني بي دبابة في البيت أخرجت شريحة الهاتف
    وقمت بأتلافها وقذفت بها من نافذة السيارة مرددا لن اعود لحظيرة علوية الدلالية مرة أخري


                   |Articles |News |مقالات |بيانات

30-01-2017, 03:12 PM

درديري كباشي
<aدرديري كباشي
تاريخ التسجيل: 08-01-2013
مجموع المشاركات: 3271

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    حلوة ياخ علوية الدلالاية نحن ناس بنعيش حياتنا بالطيبة والنية السليمة على قول الحلنقي

    كنت عاوز أدخل من أمس لكن قلت ما أشوش خليها تمشي للنهاية علوية دي ..

    ياخ حكاية فيها تلقائية وعفوية وتحس بالصدق فيها

    زي البعرفها علوية دي

                   |Articles |News |مقالات |بيانات

31-01-2017, 06:53 AM

Khalid Elsayed
<aKhalid Elsayed
تاريخ التسجيل: 25-01-2017
مجموع المشاركات: 487

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    ههههههههههههههههههههههههههههههههههههههههههههههههههههههههههههههه
                   |Articles |News |مقالات |بيانات

31-01-2017, 07:07 AM

محمد المسلمي

تاريخ التسجيل: 08-08-2009
مجموع المشاركات: 15693

للتواصل معنا

FaceBook
تويتر Twitter
YouTube


Re: عندما أحببت دلالية (Re: Khalid Elsayed)

    ود العم عادل الباهي. سلام والوجه الاخر. منور .. ومتابعة لصيقة 👍❤️❤️
                   |Articles |News |مقالات |بيانات

31-01-2017, 07:16 AM

عماد الدين الطيب عمر
<aعماد الدين الطيب عمر
تاريخ التسجيل: 22-09-2015
مجموع المشاركات: 755

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههههههههههههههههه

    يا باهي

    دي علوية و لا حسكنيت
    قرادة بس
                   |Articles |News |مقالات |بيانات

31-01-2017, 11:25 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عماد الدين الطيب عمر)


    حلوة ياخ علوية الدلالاية نحن ناس بنعيش حياتنا بالطيبة والنية السليمة على قول الحلنقي
    كنت عاوز أدخل من أمس لكن قلت ما أشوش خليها تمشي للنهاية علوية دي ..
    ياخ حكاية فيها تلقائية وعفوية وتحس بالصدق فيها
    زي البعرفها علوية دي


    حباب أستاذنا درديري كباشي
    علوية دي زمان كانت حكاية وحكاية لكن دوام الحال من المحال
    الزمن عمل ماعمل فيها لمن قابلتها آخر مرة ماتقول دي علوية
    طويلة اللسان الشرسة الكانت زمان منجضا الحي كلو .

    زراتنا البركة ياحبوب
                   |Articles |News |مقالات |بيانات

31-01-2017, 12:18 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    ههههههههههههههههههههههههههههههههههههههههههههههههههههههههههههههه

    خالد إنشاءالله دائما ضاحك يأخ
                   |Articles |News |مقالات |بيانات

31-01-2017, 12:40 PM

Khalid Saeed
<aKhalid Saeed
تاريخ التسجيل: 12-12-2005
مجموع المشاركات: 2444

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    كويس اول ما اشوف خطيبك والله اكلمو بأي حاجة كانت بينا
    • ولا بيحصل تعرف لية ؟ لاني من دربي دا بمشي لحاج الصافي يلا شوف ليك بلد امشي ليها
    من سمعت حاج الصافي
    • انتي ياعلوية مجنونة انت صدقتي انا اعمل كدة يأخ . والله زعلتيني أنتي ياعلوية اول حب
    في حياتي جيت اشوفك اشتقت ليك واعرف الزواج متين
    • تعرف الزواج متين أنت شغال مأذون ؟ أمشي شوف ليك قراية اقراءها القر الينفخك
    ___________________________________________________________________


    ههههههههههههههههههههههههههههههههههههههههههههههه عفيت منها علووووية هههههههههههههههههههههههههههههههههههههه
                   |Articles |News |مقالات |بيانات

31-01-2017, 02:04 PM

Amira Hussien
<aAmira Hussien
تاريخ التسجيل: 26-11-2016
مجموع المشاركات: 144

للتواصل معنا

FaceBook
تويتر Twitter
YouTube


Re: عندما أحببت دلالية (Re: Khalid Saeed)

    ههههههههه حلوة شديد
    لكن انت ماشى مسلم عليها مالك
                   |Articles |News |مقالات |بيانات

01-02-2017, 06:09 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1628

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههههههههههه

    ياخ زولك غير شريحتو ههههههه

                   |Articles |News |مقالات |بيانات

01-02-2017, 10:20 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: الطيب عباس)


    ود العم عادل الباهي. سلام والوجه الاخر. منور .. ومتابعة لصيقة

    حباب أبن عمي محمد المسلمي
    عساكم بخير
    ممنون ممنون لمرورك الكريم
                   |Articles |News |مقالات |بيانات

01-02-2017, 10:28 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    هههههههههههههههههههههه يا باهي دي علوية و لا حسكنيت قرادة بس

    العزيز عماد الدين الطيب

    طابت أوقاتك بكل خير

    يأخ الحسكنيت رحمة
    بس والله دواخلا طيبة بتغضب سريع وبتنسي سريع
    بس يوما النكرتني حطب قالت لي من متين في حاجة بينا
    عرفتني وانا في سن المراهقة ان بنات حواء ديل لا آمان لهن
                   |Articles |News |مقالات |بيانات

01-02-2017, 10:31 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    ههههههههههههههههههههههههههههههههههههههههههههههه عفيت منها علووووية
    هههههههههههههههههههههههههههههههههههههه



    الارباب

    تضحك يا حاقد يأخ تضامن معاي ساي
                   |Articles |News |مقالات |بيانات

01-02-2017, 10:38 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    ههههههههه حلوة شديد لكن انت ماشى مسلم عليها مالك

    حباب الاخت اميرة حسين
    في البداية مرحب بيك في حوش بكري ونتمني أن يطيب لك المقام
    مشيت أسلم عليها شلاقة مني سااي ، أنا اصلا مابعرف اقعد ساااي
    لازم اهابش هنا وهنا والشلاقة دي المغتسة حجري مرات لمن يكون
    عندي فراغ بقعد أشتغل مقالب في الناس ساااي كدة لوجه الله
                   |Articles |News |مقالات |بيانات

01-02-2017, 10:47 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههههههههههه ياخ زولك غير شريحتو ههههههه

    الطيب عباس لا يلدغ المؤمن من جحر مرتين
    زمان قلت ليها بحبك ساي وعاوز اخلع بعد اسبوع من العلاقة قالت
    ليك بجيك في البيت والله لو جاءت البيت الوالد الله يرحمو كان اداها واداني
    طلقة أقوم اكرر نفس الخطأ ؟ يعني لو أديتا ضوء أخضر لزواج وخلعتا
    زي دي بتجي بيتنا بي دبابة فالعقل بيقول اتلف الشريحة وتفقد وسيلة اتصال
    بي لمن إجازتي تخلص
                   |Articles |News |مقالات |بيانات

01-02-2017, 11:14 AM

اباذر عبد العال
<aاباذر عبد العال
تاريخ التسجيل: 26-03-2015
مجموع المشاركات: 871

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    علوية كبي قمردين

    هههههه
                   |Articles |News |مقالات |بيانات

01-02-2017, 04:16 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 5281

للتواصل معنا

FaceBook
تويتر Twitter
YouTube


Re: عندما أحببت دلالية (Re: اباذر عبد العال)

    هههههههها
    اقعد هابش لى كدة مرة دلالية و مرة غجرية
    لامن تقع فى معلمة ظار كبيرة و تشبكك كرر و اعد
                   |Articles |News |مقالات |بيانات

01-02-2017, 07:16 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 3928

للتواصل معنا

FaceBook
تويتر Twitter
YouTube


Re: عندما أحببت دلالية (Re: جلالدونا)

    علوية الدلالية ..حا اقراها وانا مدلدل كرعي مرة مرتين تلاتة الخ لانها لذيذة ...
    وهادي قعدة ... ......






    #محاسن كبي سفرجل 😅😅😅😅
    ود الباهي ازيك
                   |Articles |News |مقالات |بيانات

02-02-2017, 10:32 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 14551

للتواصل معنا

FaceBook
تويتر Twitter
YouTube


Re: عندما أحببت دلالية (Re: علي دفع الله)


    ود الباهي يا الحبيب سلام يغشاك وللعقاب .

    عندما أحببت دلالية
    ليه ذكرتها مهنتها وعمرها ممكن توضح ؟
    ههههههههه

    زمنكم دا كلو يا معشر الرجال تعرسوا في
    البنوت الصغار ومافي زول سالكم لما تحبونا
    ونحن اكبر منكم نقعد لي فتح البوستات ههههه
    يعني الرخص الاسلامية بس فصلتوها عليكم
    موش السيدة خديجة اتزوجت الرسول وهو اصغر
    منها ليه ما كشفتو حالها زي في الزمن دا ؟

    بالمناسبة سؤال جادي ؟
    عندكم رأي لو وحدة اتزوجت شاب اصغرها منها
    يعني علوية دي لو قالت ليك اتزوجها بكون رأيك
    شنو ؟
    وطبعآ يا عدول زي ما شايف الخواجات مستمتعين
    برخصنا الاسلامية اكتر مننا يعني ود سعنوني كدا
    يكون متزوج من وحدة اكبر منه بكتييير ويكون طاير
    بيها السماء هههههه . ما زيكم يا متخلفين يا المعارفين
    الشجر الكبار فيه الصمغ هههههههههههههه .

    تسلموا يا احلي ناس .

                   |Articles |News |مقالات |بيانات

03-02-2017, 01:40 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: مني عمسيب)

    علوية كبي قمردين هههههه


    تبآ لك يا أباذر
    اريتك لو وقعت في يدها عشان تعرف الطفيء النور منو
                   |Articles |News |مقالات |بيانات

03-02-2017, 01:44 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    هههههههها اقعد هابش لى كدة مرة دلالية و مرة غجرية لامن
    تقع فى معلمة ظار كبيرة و تشبكك كرر و اعد





    تصدق وتآمن يا جلال اصلا حاسي مغامراتي دي يوم بتضيعني
    لكن أعمل شنو في النفس الامارة بالسوء دي والله كل ما انوي
    احرم بدون ما أشعر اجد نفسي في نص معمعة بسبب الشلاقة
    الله يقطع الشلاقة يأخ
                   |Articles |News |مقالات |بيانات

03-02-2017, 01:54 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)


    علوية الدلالية ..حا اقراها وانا مدلدل كرعي مرة مرتين تلاتة الخ لانها لذيذة ... وهادي قعدة ... ......
    #محاسن كبي سفرجل 😅😅😅😅
    ود الباهي ازيك


    حباب علي دفع الله
    زارتنا البركة وحبابك الف
    علوية دي كانت عالم بحالو ، فلتة لن تتكرر ممكن تقول كدة زي كريستيانو
    رونالدو اييييييه ديك أيام الله لا عادا
                   |Articles |News |مقالات |بيانات

03-02-2017, 02:09 PM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4710

للتواصل معنا

FaceBook
تويتر Twitter
YouTube


Re: عندما أحببت دلالية (Re: عادل الباهي عبدالرازق)

    ود الباهي يا الحبيب سلام يغشاك وللعقاب .
    عندما أحببت دلالية ليه ذكرتها مهنتها وعمرها ممكن توضح ؟
    ههههههههه زمنكم دا كلو يا معشر الرجال تعرسوا في البنوت الصغار ومافي زول سالكم
    لما تحبونا ونحن اكبر منكم نقعد لي فتح البوستات ههههه يعني الرخص الاسلامية بس
    فصلتوها عليكم موش السيدة خديجة اتزوجت الرسول وهو اصغر منها ليه ما كشفتو
    حالها زي في الزمن دا ؟ بالمناسبة سؤال جادي ؟ عندكم رأي لو وحدة اتزوجت شاب
    اصغرها منها يعني علوية دي لو قالت ليك اتزوجها بكون رأيك شنو ؟ وطبعآ يا عدول
    زي ما شايف الخواجات مستمتعين برخصنا الاسلامية اكتر مننا يعني ود سعنوني
    كدا يكون متزوج من وحدة اكبر منه بكتييير ويكون طاير بيها السماء هههههه .
    ما زيكم يا متخلفين يا المعارفين الشجر الكبار فيه الصمغ
    هههههههههههههه . تسلموا يا احلي ناس .


    حياك حياك بت عمسيب
    عودا حميدا وإنشاءالله قضيتي وقت جميل مع الاهل والاحباب
    أنا زكرت مهنتها لانو الزولة دي ماعندها علاقة بالحب يأخ الزمن دك
    لو أمتحنوني في اسماء النسوان الشايلات اواني بالدين اقفل الامتحان
    معقولة بس كل يوم تقراء لي كراس الدين كلو

    هي لكن كمان يا مني الخواجاات المستمتعين برخصنا الاسلامية ديل
    ضاربم حجر دقش ؟ ما بيعرسو او يصاحبو ملح ساااي كلنا كان لقينا
    الملح دا ما بناباهو لكن نحن الواحد مهر ،فتح الخشم , قفل الخشم
    الدهب ، الصالة ، الفنان بيت الجداد بتاع الجيران يضربو جير علي
    حسابك عشان كدة الواحد لازم يأخد وقتو علي الآخر يتفحص ويتمحص
    صاحبي أيمن الزين قررب خلاص نوي علي اكمال نصف دينو وعندنا
    زميل مغربي أتزوج وجاب مرتو بعد كم شهر توفيت بعد ما مشينا الصلاة
    علي الجنازة ورجعنا قال لي تعرف يا ود الباهي انا صرفت نظر عن الزواج
    ماشي أشتري لي شقة في القاهرة . أقوم اضيع قروشي تقوم المرا تموت
    قروشي تضيع

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de