منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-22-2017, 11:53 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

عمك الربع و الخالة ذكريات

07-07-2017, 02:32 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


عمك الربع و الخالة ذكريات

    02:32 AM July, 07 2017 سودانيز اون لاين
    سيف النصر محي الدين-
    مكتبتى
    رابط مختصرايمن الربع بقى اسمه عمك و زكريات بقت الخالة.

    (عدل بواسطة سيف النصر محي الدين on 09-13-2017, 03:54 AM)

                   |Articles |News |مقالات |بيانات

07-07-2017, 02:40 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    عالم الزنق عالم موازي موجود رغم ان الناس تتظاهر بأنه غير موجود.
    عالم له نجومه و رموزه الذين لن يحلموا بأن تفتح لهم ابواب الاستديوهات التلفزيونية
    او أن تستضيفهم صفحات الجرائد العاصمية. كل الموجود هو هذه الفيديوهات رديئة التصوير
    و التي يرفعها على اليوتيوب "راستات" مواكبين لتكنولوجيا الاتصال.
    المهم على عكس عالم الغناء التاني يبدو أن للزنق قوانينه الخاصة تمام زي التنس لا يمكن أن تصمد
    فيه طويلا لأنه سرعان ما يأتي غر شاب ليزيحك و يحتل مكانك.

                   |Articles |News |مقالات |بيانات

07-07-2017, 03:30 AM

Elsanosi Badr

تاريخ التسجيل: 03-29-2008
مجموع المشاركات: 3795

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    تعرف يا سيف لولا وجود وسائط الاتصال الحديثة لما تمكن احدنا الي الاستماع او الاستمتاع بالثقافات المختلفة

    هناك تغول وقمع كان سائد لفترة طويلة من قبل ثقافة واحدة كانت تمتلك كل وسائل الوجود وفرضتها علي الاخر المختلف بالقوة

    من تلك الادوات كان لا اخلاقيا مثل التقليل من ثقافة الاخر ومحاولة تغييره قسر كفرض الاسماء

    وادواتها كانت من قبل المستلبين او قول المؤلفة قلوبهم

    يعني زي المتورك في القصص الشعبية

    واقرب مثال للحتة بتاعة الزول المستلب او المؤلفة قلوبهم دي زي قصة زملاء المنبر البقو كيزان في الدقايق الاخيرة وبقوا انقاذيين اكتر من ناس الانقاذ ذاتها

    عشان عوامل قمع الاخر من اهم ادواتها هم المستلبين الذين يفعلوا المستحيل to get recognized

    اول ما بدت الانقاذ كان في واحد اسمو اللواء ضحوي

    الزول ده يا سيف ما عندو اخلاق بتعريفة وكان زول نكرة ساي في الجيش يعني لا سجل بطولي ولا اوسمة شجاعة ولا من الناس المبرزين الممكن يرسلوهم دورات تدريب بره البلد لنيل خبرات
    الحته دي ماكله معاو وجات الانقاذ ولقت او لقي ضالتو او ضالتها فيهو

    الزول ده عمل عمايل في المعتقلات
    حتي الكيزان الجد بيعافو اعملوها
    كان الدافع هو انو he trying too hard to fit in

                   |Articles |News |مقالات |بيانات

07-07-2017, 03:44 AM

Abureesh
<aAbureesh
تاريخ التسجيل: 09-22-2003
مجموع المشاركات: 18173

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Elsanosi Badr)

    اى واحد جارى صفيحة فاضية ويكورك.. ويقول ليك انا فنان

    (عدل بواسطة Abureesh on 07-07-2017, 03:45 AM)

                   |Articles |News |مقالات |بيانات

07-07-2017, 04:00 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Abureesh)

    سلامات يا سنوسي
    نظرية الانسان المهمش تقول ان التهميش يحدث عندما يجد المرء نفسه مشتتا بين ثقافتين و مفروضا عليه
    واقع التهميش فيختار اما ان يكون مهمشا معزولا يعاني المرارة او ان بكون مهمشا بناء يصنع لنفسه ثقافة
    بديلة هي في الغالب خليط من الثقافتين المتصارعتين في مجتمعه، وهذا بالضبط ما فعله هؤلاء الشباب الذين
    صنعوا ثقافتهم الخاصة المتمردة. نعم لن يعترف بها المجتمع بسهولة و لكنها ستظل موجودة.
    لما ناس ضحوي ديل فهم سبب الاذى ذاتهم هههه.
                   |Articles |News |مقالات |بيانات

07-07-2017, 04:33 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 19487

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    يا ابو الريش المبدعين ديل اصلا ما قالوا هم فنانين
    ناس بتحاول تفجر كمية المواهب الفيها بابسط السبل
    ومثلما قال سيف ماعندهم طريقة لوسائل الاعلام من تلفزة وصحف
    دي قدرتهم وعلى فكرة عندهم جمهورهم كمان بسطاء مثلهم ليس لهم مقدرة في ارتياد صالات الافراح التي يتغنى فيها الفنانين الشباب
    وان جيث للجد هم زاتم مافنانين وانما مؤديين يتغنون بأغاني غيرهم
    هسع عليك الله الربع وامثاله مش اخير منهم
    على الأقل قدرو يصيغوا اغاني تعبر عن حالهم وحال الكثيرين
    شكرا سيفنا
                   |Articles |News |مقالات |بيانات

07-07-2017, 08:55 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 13747

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: حيدر حسن ميرغني)


    التحية لك يا دكتور ولضيوفك الكرام ..

    بالمناسبة :
    عالم الزنق عالم موازي موجود رغم ان الناس تتظاهر بأنه غير موجود.
    دي طبقة لايستهان بيها لانها كبيرة ومنتشرة نسبة لعشوائتها المتزائدة !
    واضيف انها هي للطبقة البسيطة البتمثل احتمال نصف المجتمع السوداني
    ولما اقول بسيطة بمعني سهلة وما مصعبة الامور والدليل انتشارها بسرعة
    وتواجدها بانتظام !

    توجد قصة بالخصوص :
    مرة عزموني جيرانا احدي المزارع ومشينا كتار زي حافلتين اها لما وصلنا
    المزرعة واستقرينا فجأة جوا بجوارنا مجموعة من عالم ( الزنق ) هههههههه
    زي ما سميتوها ! في اللازمن حضورا معدات الحفلة من ساونسيستم وطبعآ
    الفنانيين والفنانات موجودين بوفرة هههههه اها وبنفس السرعة بدأت الحفلة
    لقيت جزء من شبابنا مشوا انضموا للمجموعة هههههه وخلونا نحن محيرين
    شوية بهنا ! حب استطلاع وزي ما تقول كدا ( اعجاب ) بالفن العشوائي مشيت
    اتفرجت شوية لكن حسيت بانه الفن العشوائي عنده رسالتو برضو والدليل ( فري)
    وكل زول عايش بطريقته البتعجبو . وزي ما تقول كدا دي شرئحة ( مريحة رقبتها)
    ودا الاجمل ما فيها . والشئ الوحيد لغاية اليوم ما قادرة اوضح رائي بوضوح
    في هذه الظاهرة ( الزنقية ) ! هههههههه ...


    وشوشة :
    انا بشوف الربع ممكن جدآ يصل العالمية لانه مميز وجذاب !

    ولكم الشكر .. وللفن العشوائي ( الزنق ) ..
                   |Articles |News |مقالات |بيانات

07-07-2017, 04:04 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 1512

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: مني عمسيب)

    يمكن القول بانه نمط احتفالي موسيقي جديد ، لكن لا يمكن الجزم بأنها تنتمي لاحد ثقافات الاطراف ..وفي الحقيقة هي موسيقى عادية جدا ولا يوجد فيها ما يشير لحالة تمرد ثقافي او رفض للسائد ، الاغاني ، الالحان ، الرقص كلها عادية ، لكن يبدو ان هذه النوعية قد ورثت اغنية البنات او السباتة التي لم يتم الاعتراف بها ايضا في القنوات الرسمية فماتت في مهدها ولم تتطور. المشكلة هي انها ستصطدم بالعوائق البيروقراطية المعروفة اذا حاول "مجتمع الزنق" (مجازا )السعي لنيل الاعتراف الرسمي لأن هنالك لوائح تختص بالكلمات والالحان تخضع ايضا لتصنيفات ثقافية وجهوية ، بمعنى آخر ، توجد قوالب موسيقية جاهزة للتصنيف لا يمكن ادراج اغنية الزنق تحت اي منها ، مثلا اغنية ام درمان ـ كردفان - دارفور - جبال النوبة - الشرق الخ الخ .. اي انحراف او عدم تطابق مع اي من هذه الانماط الموسيقية سيعتبر بمثابة "تمرد ثقافي" ورفض للمألوف ، للاسف .
    لكن المجتمع اعترف بها الى حد كبير في المدن وبقت عادي جدا في حفلات الاعراس في المدن .. لكن يؤخذ عليها استغلال الخلفيات العرقية والاثنية للجمهور في الترويج للاغاني واستخدام عبارات عنصرية غاية في القبح في الاغاني..
                   |Articles |News |مقالات |بيانات

07-07-2017, 04:14 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Abdullah Idrees)

    سلام ابو الريش
    تعرف الناس ديل فيهم مبدعين حقيقيين بحسب المعايير السائدة للابداع.
    في فيديو "لعمك" الربع مع المرحوم محمود عبد العزيز و فيهو شغل سمح جدا
    و استمعت "للخالة" ذكريات تغني خارج إطار الزنق و أستطيع القول انها من أفضل
    الأصوات النسائية الموجودة حاليا.
                   |Articles |News |مقالات |بيانات

07-07-2017, 04:21 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلام يا حنين
    ابصم بالعشرة على كل ما تفضلت به. في اي ثقافة هناك نشاط ثقافي ينشأ على
    هامش الثقافة السائدة و المعترف بها و بالتأكيد هو نشاط لا ينقصه الإبداع .
    اذا أخدنا الهيب هوب مثلا في امريكا نجد ان بدايته كانت هكذا على الهامش الى
    ان انتشر و فرض نفسه في جميع أركان المعمورة و إن كان لأنصاره تحفظات على
    خضوعه للشروط التجارية للمجتمع الراسمالي و التي نشأ هو كحركة احتجاجية عليها
    في المقام الاول.
                   |Articles |News |مقالات |بيانات

07-07-2017, 05:34 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 5601

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلامات د. سيف و ضيوفك الكرام

    لو بحثت في اليوتيوب

    Adam Zango skeleton
    او
    Adam A Zango- Shake Up Banka official

    ح تلقى اغاني تشبه موسيقى الربع. ادم زنقو شاب هوساوي نيجيري

    يجيد الغناء و بارع في الرقص . انت ذكرت المزج بين ثقافتين يبدو لي

    زنقو عندو معجبين سودانيين من الهوسا و غيرهم. سمعت كثير من الاغاني

    باصوات هوساوية جميلة و لكن لم افهم اللغة.. ( ح ) شابة سودانية من

    الهوسا اثناء عملها في المنزل تقوم بتشغيل فلاش مليان اغاني هوساوية

    وانصاف مدني فنسمع معها مجبرين احيانا .

    هناك شريحة كبيرة تشتري هذه الاغاني في سوق مايو كما قيل لي .

    اكتب من تلفون لذا لم اتمكن من جلب الفيديو.

                   |Articles |News |مقالات |بيانات

07-07-2017, 05:47 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 5601

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)


    معليش الصحيح


    Adam Zango Skelebe

    و

    Adam A Zango -Shake Ur Bakka
                   |Articles |News |مقالات |بيانات

07-07-2017, 07:06 PM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: نعمات عماد)

    نعمات..حبابك يا صديقة

    ياها دي




    كبر
                   |Articles |News |مقالات |بيانات

07-07-2017, 07:38 PM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    ول ابا سيف..حبابك يا صديقي
    العنوان مضلل..غايتو من امبارح اعاين ليهو وازوغ: لأنو مفردة كاونتر بتجيب الكاروشة..خصوصا في ايام المنبر اليومين ديل..!!!
    كتر خيرك على هذه السياحة اللطيفة ، والتحية لصديقنا الغائب عضو المنبر السناتور وليد المبارك..وقد كتب من قبل عن هذه الحاجات وشاركنا في احد خيوطنا ومنو عرفنا بعض المفردات خصوصا الزنق..!
    الفنانة ذكريات ، اول مرة اقتينت ليها البوم (كاسيت) في سنة 2001 ولازال معاي..وكت داك كانت في المين استريم كلشر..لكن شايفها الآن مع الراستات..يعني اتمردت على المين استريم كلشر..!
    ايمن الربع..بتذكر ظهر في مسلسل (وتر حساس) في دور قصير مثلما كان ظهور الفنان كمال ترباس..
    نرجع لعضم الموضوع..
    من زمان وجهة نظري ان الإيقاع القاعد يشتغل عليهو ايمن الربع ، هو ليس بايقاع عدني او خليجي كما يتبادر للناس من اول وهلة ، وانما هو ايقاع سوداني ومن صميم الثقافات السودانية الأصيلة..وهو ايقاع نقارة دينكا بور(اساس ريتم المارش السوداني)..والرقصة التي يرقصها الشباب هي نفسها رقصة اهلنا الدينكا..وبالتحديد دينكا بور..!



    وبالطبع اذاعة هنا امدرمان زمان لم تفتح المجال لإيقاعات غير التم تم..اما ناس الدليب والمردوم والكرنق وايقاعات دارفور دي فرضت روحها بالإنتشار ثم بعد داك القنوات الرسمية بقت تنتبه ليها..اما نقارة الدينكا فلقد نجح ايمن الربع ان يجعلها ثقافة تمشي بين الناس..وهذا انجاز كبير..!
    جبت نماذج من قبل للشباب ديل..ولو الظروف سمحت نجيب ليك هادية بت عمك ..واماني..وبسطاوي.. وبــُنه ونيجري..ودل شباب بعد ايمن الربع..وما اكثر الناس الجات بعد الربع وشغال بنفس الإستايل بتاع الربع..!
    اما الحكاوي فدي خليها في سرك..
    هي ثقافة فرضت روحها وليها جمهورها..


    كبر
                   |Articles |News |مقالات |بيانات

07-07-2017, 10:38 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    سلام يا منى
    بختك حضرت الجماعة ديل لايف لأنو انا ما حصل شفتهم برة اليوتيوب :)
    بس ما عارف ليه وصفتي شغلهم دي بانه "عشوائي".
                   |Articles |News |مقالات |بيانات

07-07-2017, 10:46 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلام يا عبد الله
    و شكرا على التحليل و محاولة التأصيل لهذه الظاهرة و اعتقد انو ممكن يكون في
    حوار جيد بينك و بين كبر حول التأصيل الموسيقي للزنق و ايضا مع نعمات في ملاحظتها
    لما يمكن ان يكون مصدر الإيقاعات التي يعتمد عليها هؤلاء الشباب في إنتاجهم.
    اغاني البنات وجدت اهتمام من الأجهزة الإعلامية و خصوصا مؤخرا اما بالنسبة للخروج
    على الأنماط الموسيقية و الإيقاعية السودانية فلم تعتقد ان المجتمع قبل بموسيقى الجاز مثلا
    و اعتمدها ضمن الثقافة المعترف بها؟
                   |Articles |News |مقالات |بيانات

07-08-2017, 04:57 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلام د. نعمات
    شكرا على الإضافة الجيدة. الشاهد في الامر ان موسيقى الربع و تلامذته
    فيها نفس أفريقي واضح. كبر أشار الى اعتقاد البعض ان تقوم على الايقاع
    العدني او الحجازي و الذي هو أصلا نفس الايقاع العدني نقله ابناء اليمن
    الى الحجاز وفِي ظني انه هو الاخر متأثر بايقاعات أفريقية . انا لما اسمع
    موسيقى الربع تتبادر الى ذهني الموسيقى التنزانية الزنجبارية و ما يعرف
    بالطرب هناك Taarab
                   |Articles |News |مقالات |بيانات

07-08-2017, 05:06 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلامات يا كبر
    شكرا كتير على المساهمة المعتبرة و الأفكار الموحية.
    رايك شنو في الكلام الوارد في تعليقي على مداخلة نعمات عن
    إحساسي بوجود صلة بين شغل ناس الريع و موسيقى ساحل زنجبار؟
    حاحاول اشوف نماذج تدعم الفكرة.
    اؤيدك في ملاحظتك حول التشابه بين رقص جمهور الزنق و رقص دينكا بور
    بحسب النموذج الذي ارفقته في مداخلتك.
                   |Articles |News |مقالات |بيانات

07-09-2017, 04:31 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 5601

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلامات استاذ كبر

    شكرا على الفيديو و على التنوير . طبعا لا يفتى في الفولكلور والفن

    الشعبي و كبر في المدينة . مع ذلك زعم بعض الهوسا ان الربع هوساوي

    سوداني طبعا و موسيقاه كذلك . فما رأيك يا استاذنا ؟

    خالص الاحترام و التقدير.

    د . سيف النصر

    شكرا على الرد و الاشارة لفن الطرب الزنجباري الذي لا اعرف عنه

    الكثير و لكني اتوقع ان يكون مدهشا.

    تحياتي و تقديري .
                   |Articles |News |مقالات |بيانات

07-10-2017, 05:20 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: نعمات عماد)


    بت ابا دكتورة نعمات..حبابك يا صديقة..

    ده انا غلبان اوي اوي يا نعمات..فما تعملي للحنابر قنابر..!!

    قشرة ساكت يا نعمات (وانتي ختيتك في القايمة بتاعتي البقشر فيها زي ناس يحي قباني ومحمد المرتضى حامد وحيدر حسن ميرغني ، والعريبي معاوية المدير..ياخي معاوية ده اكتر زول بحس اني داير احقر بيهو..وتاني يوم يعزمني قهوة في ذات استار بكس ويقول لي: لو ده بيرضي غرورك..بقع ليك في الوطاة وامشي فوقي بجزمتك..العريبي ده يا نعمات زول من ناس زمان..!!..المهم)..

    القشرة..عندي جارتي الحيطة بالحيطة..اسمها انجيلا..اول ما اتعرفت بيها قالت لي من جمهورية شيلي..!..طقيت راسي في الحيطة ما اتذكرت من شيلي غير بنوشية وازابيلا الليندي..انقري شنو؟..جارتي قالت لي ازابيلا دي بت عمتي..!!..وما صدقت..!!..ورتني صور من سنة حفروا البحر..وانا اشيل واتفرج..وامشي استشير فكي قوقل..لمن صدقت وآمن ذاتو..!

    في مدينة ريجاينا ، قبل عشرات السنين (ونحن ما جايبين خبر لمن بقت عشرات السنين)..صديقة من زامبيا..اشيل وانق..وجبت ليها سيرة كينث كاوندا (ده الزول الجاي منو اسمو لاعب في فريق المريخ السوداني ، زمان ، واسمو السر كاوندا)..
    طلعت صديقتي الزامبية بت اخت كينث كاوندا..!!..ياخي لمن فكرت اتمرد واسوي لي حركة مسلحة في زامبيا..!!..والله صحي يا نعمات..!!

    ولو الروايات الكتبتها ، فكرت يوم احررها من الأضابير ،ح تلقي فيها بت اخت كنيث كاوندا حايمة..وباسمها كمان..!!..وتلك مجرد اماني ساكت يا صديقة..!!

    وبعد..
    اول مرة يا نعمات ، ومن كلامك اعرف انو ايمن الربع هوساي..!!

    ايام ما كنا في جامعة الخرطوم ، صديقاتنا واصدقاءنا..كانوا بيقولوا لينا معلومة عجيبة وغريبة..انو كلية الآداب بجامعة الخرطوم ، ومن ضمن برامجها التعليمية اللغوية كانت بتمنح الناس..
    Optional languages’ courses
    ودي كانت فيها برامج لغتين: اللغة السواحلية ، ولغة الهوسا..!!
    والبرامج دي ، تاريخيا ، كانت من اختراع استاذنا العظيم البروف عبد الله الطيب..!!

    ايقاعات الهوسا يا نعمات..مافيها الشغل بتاع ناس ايمن الربع ، وادم زنقا..زول متأثر كتير بفكرة المسلمين ومنظمة الأوبك والخليج المجوبك في اليومين ديل..!!..صحيح الرجل ساهم في صناعة افلام وفيديو كليب لترسيخ مشهد الهوسا في المشهد الثقافي العام في غرب افريقيا..لكنه يظل زول مصنوع ساكت..ولم يستخدم الإمكانيات المتاحة ليهو في تقديم الثقافة الحقيقية..ثقافة اهلنا الهوسا..!!

    في كل المواد المتاحة في اليوتوب يا نعمات..الناس العاملة فيها فنانين وفنات الهوسا..بتلاقي فيهم انهم بيعتمدوا على حيلة (التكنو) في تقديم اغاني الهوسا..وبعضهم صدق جاكات انهم هنود..وشغالين على الأستايل بتاع الهنود..ودي عوجة كبيرة خلاص..!!
    كتر خيرك يا صديقة..ودي هدية ،ما ليها علاقة بالبوست والنقاش هنا..!!

    ان لم تخني الذاكرة ، في البروفايل بتاعي ..ذكرت انو فناني المفضل عبد العزيز محمد داوؤد..!!..ده ايقاع الهوسا يا نعمات..مع تحريفات صغيرة..الأساس مارش ولكنه لا يشبه مارش ناس ايمن الربع ، والزنق ..!!




    تحياتي..
    كبر
                   |Articles |News |مقالات |بيانات

07-10-2017, 05:38 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 19487

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    تشكر كتير ياكبر
    ياخي انا كذا مرة قلت ليك انت زول مليان حكاوي ونضمي سمح كتيييير
    ما عاوز اكون دكتاتور (دكتاتورية قارئ) واجبرك تطل علينا من نافذة معينة
    بالتأكيد لك الحق في ارائك في حاجات كثيرة قد نختلف فيها او نتفق من غير زعل
    لكن لو بأيدي ما عاوزك تتاوق برة الصندوق الانا واضعك فيه (صندوق الحكي في الفن والتراث والقانون والادب)
                   |Articles |News |مقالات |بيانات

07-10-2017, 06:17 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    ول ابا دكتور سيف..حبابك يا صديقي
    علي بالحلال يا سيف..دكتور دي ختيتها ليك ساكت في شان الرجرجة والدهماء وبغاث الطير..وبيني بينك احب المخاطبة الحميمة..بتاعة يا اخوي ويا ول ابا والذي منو..!
    التحية لأخونا عبد الله ادريس..ولو داير نقاش ..ممكن نتفاهم معاهو ، على الأقل من باب النقد الإجتماعي بتاع ناس (الزنق)..!
    وبعد..

    نعم يا سيف جبتها من الآخر يا حبوب..الحتة الفايتة على الناس البتنقاش مثل هذه التجربة..هي فكرة تجربة ناس زنجبار (زنزبار على قولونا..!!)..ومزيكا الطرب..!!
    مزيكا الطرب..
    As musical genre
    سايدة في تنزانيا وكينيا (خصوصا ممبسا والساحل ، وملعون ابو الساحل يااااااااااااااااخ)..




    في النموذج ده يا سيف ، عاين دخول بيا كدودا (فاطمة بنت بركة)..!!

    نفس حركات ايمن الربع ..!!

    مزيكا (الطرب) يا سيف ، هي المزيكا الوحيدة في افريقيا..اتدخلت فيها الدولة في وسم صاحبنا سلطان زنزبار ، سيدي سيد..بن شنو كده ماعارف ، بن سعيد..القام فرضها على الناس وقام بتسفير بعض رعاياهو لغاية مصر المؤمنة..عشان تدرس مزيكا ، ثم جات راجعة..!!
    الجيل التاني ، في زنزبار ، كان بيقوم على تجربة (نادي اخوان الصفا)..!! أي والله يا سيف ، اخوان الصفا الواحدين ديل..!!

    قامت مزيكا الطرب على اكتاف ناس جليلة ، ولكن نذكر منهم..ستي الجميلة.. ستي بنت سعد ، ودي الزولة القامت فرضت على الجماهير في زنزبار ، والعالم من بعد ، ان الغنا يتحول من الأداء باللغة العربية الى الأداء باللغة السواحلية (فاهمة حاجة يا نعمات..؟)..وكانت حاملة الراية من بعدها الليجند فطومة بنت بركة..!!
    فطومة بنت بركة يا سيف ، رحمها الله اتوفت سنة 2013..ولغاية اخر لحظة ماسكة سيجارة وبتضرب في نقارة زي الترتيب..!!

    بس خت في بالك يا صديقي ، لمن الناس تنظر لمزيكا (الطرب) بتقول ليك انو اصولها بترجع لمنابع كتيرة ، منها المزيكا التقليدية في منطقة البحيرات العظمى في افريقيا ، يعنى هناك شبهة الماساي ودينكا بور..!!

    العدني يا قريبي ، ريتم افريقي..وعشان نثبت النقطة دي..دايرين جكة تانية..!!
    كبر
                   |Articles |News |مقالات |بيانات

07-10-2017, 05:32 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) الناس دي طربانه ولا شراب مريسة ولا سكرة (تطوطح) غالباها الوقفة ولابسين نظارات شمسية بالليل ؟؟؟
    (-) نسأل الله السلامة والعافية لنا ولاسرنا وفعلا صدق رسول الله صلى الله عليه وسلم حينما ربط الزنا مع الخمر والمعازف في الحديث الصحيح الذي اخرجه البخاري
    (-) وهو قال رسول الله صلى الله عليه وسلم (يكونن من أمتي أقوام يستحلون الحر والحرير والخمر والمعازف) فالخمر تُذهب العقل والمعازف تُذهب العقل
    (-) وكل انسان في موقع كهذا ووسط شلل كهذه اذا فاق صباحا وعاد لرشده وتفرج على ما كان يفعل لاستغرب من عمله ليلة الامس
    (-) وهو كل عاطل يلم في عاطلة وشوية شفاته وكركبه وموسيقي فاصبح المغنيات اكثر من جمهور الرياضة في السودان
    (-) مسالة مفكوكة بلا رقب ولا حسب وكل يفعل على هواه حتى وان كانت معاصى والحكومة في اخر نومه
    (-) شباب يضيع وينحرف نحو المعاصي والزناء والمعازف والاباء في غفلة يعمهون
    (-) نسال الله السلامة والعافية والعاقبة في الامر
                   |Articles |News |مقالات |بيانات

07-10-2017, 06:07 AM

عماد الدين الطيب عمر
<aعماد الدين الطيب عمر
تاريخ التسجيل: 09-22-2015
مجموع المشاركات: 726

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    كنت مستمتع بالبوست شديد
    فيديوهات سيف
    تحليلات نعمات
    و الاروع زكريات الحبيب كبر

    الى ان جاء البرنس
    يا اخي و الله عارفين الحلال و الحرام و الخير و الشر
    و كلو ...
    و ما في زول سالك من اراءك دي
    يا اخي سدّيت نفسي ...
                   |Articles |News |مقالات |بيانات

07-10-2017, 06:16 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) قال الله تعالى في سورة هو (وَلَا يَنْفَعُكُمْ نُصْحِي إِنْ أَرَدْتُ أَنْ أَنْصَحَ لَكُمْ إِنْ كَانَ اللَّهُ يُرِيدُ أَنْ يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ (34)
    (-) استمتع هنيئا سميعا بهذا الي ان ياتي اجل الله وياتي يوما لا ينفع الندم من الله في شيء
                   |Articles |News |مقالات |بيانات

07-10-2017, 08:36 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: البرنس ود عطبرة)


    حبيبنا عبد الله ادريس..حبابك يا صديق

    كلامك صاح يا صديقي ، نفس المزيكا والإستايل ، سمعتها في الدلنج ، على مرمي حجر من الحتة المرقت منها اسرار بابكر ويوسف عبد الجبار ، ويوسف القديل..!!..وحضرت ليهم حفلات حية..

    الشباب ديل (ناس الزنق) يا صديقي ، عندهم قدرة على التحايل على السستم بصورة عجيبة ومدهشة..!!

    في سنة 2012 يا منى عمسيب..حضرت ليهم نموذج حفلة..والمغنية كانت بنية..ود اختي (ود اخت المدام) الساقني الحفلة..قام يزحف ويزحف لغاية وقف قدام البنية..ويشيل ويوسوس ليها في اضانها..اتخيلتها ح تقوم وتعير بالجاكة اياها بتاعة: حبيبنا من كندا ..!!..ولكنها خذلتني..قالت خطبة عصماء في شان ناس امسودان زمان..وتوشك قامت غنت: محبوبي لاقاني..!!ياخي من العظمة العلي قربت امشي اصحي حسن عطية من قبرو..!!

    بيعجبني صوت (هادية بت عمك) ولغاية اللحظة بفتش عشان اقتني ليها البوم..!!

    عارف يا عبد الله..لمن ظهرت غنية (راجل المرا ، حلو حلا)..جطنا ونقينا ودقينا راسنا في الحيط وبكينا ونحن نرثي الذوق السوداني الذي انحدر للطيش..بعد شوية مرقت حكومة عمر البشير بجاكة منع الغنية دي..!!..ليه؟ لأنو الناس ديل (ناس الزنق) كانوا متقدمين للغاية..لدرجة انو الحكومة كشفت نومتهم ونقدهم الإجتماعي والسياسي الذكي للغاية..!!
    اها ، من ما يوم الحيكومة وقفت غنية (راجل المرأ) انا بقيت اسمع كلام الشباب ديل بدقة وصبر وتأمل..ولقيتهم ولاد لذينا ياااااااااااااااخ..!!

    دعما لنظرية قريبي سيف النصر ، البتقول انو الريتم (الإيقاع) بتاع الشباب ديل اصلو جاي من مزيكا التمرد في زنزبار ..مزيكا الطرب..!




    المزيكا تعبانة يا عبد الله ..لأنها مزيكا شوارع وجناين(زي ما شهدت بت ابا منى عمسيب)..لكن عليك الله يا عبدالله ..اعصر علي روحك واسمعها للنهاية..!!

    من ناحية نص..الغنية اسمها (بطل حنك واستهتار ، البيلعب بي بيخش النار..!!)
    بدايتها:
    قلبي صعب تخشو ،
    ومافي زول بيغشو ،
    اقول ليك الحقيقة يا كتمة ، صعب تغشو
    بطل حنك واستهتار ، البيلعب بي بخش النار..!!
    ما دي الخوة الجديدة..!!
    في الشعبي الخوة الجديدة..!!

    اوع تصدق يا عبد الله انو النقة متعلقة بالسوق الشعبي في الخرطوم او امدرمان..اوالدلنج او شلعوها الخوالدة..!!

    اغرب صدفة يا عبد الله ، الغنية دي اتنشرت في اليوتوب في 13 ديسمبر 2012..وتقريبا في 13 ديسمبر 2011 كان اغتيال خليل ابراهيم..!!!!!!!

    هل بتقدر تقراها ، كنص مسموع ومقروء ، في سياق اختلافات ناس الجبهة الإسلامية بتاعين :مؤتمر وطني ومؤتمر شعبي؟..

    والأهم..ليه نحن بنشيل بندقية ، وكلمة قصيرة بتختصر كل التعب ده؟..

    نعم يا عبد الله..هم ناس بتفتش للإعتراف بيها في مجال المين استريم كلشر ، وصدقني زي ما حصل مع التم تم زمان ، بعد سنين ح نحاول نعترف بالثقافة الفرعية دي...!!!!!!!!!!!!!!!
    من باب ..
    Alternative History
    زي بتاع ناس دان برووان (الرمز المفقود ، وشفرة دافنشي ، والذي منو)..
    هل ممكن نقول: عمر البشير كان بيقول لشيخو حسن الترابي: بطل حنك واستهتار ، البيلعب بي بخش النار..!!
    غايتو نحن حبينا واتحبينا في دنيا امسودان ، لكن نوهائي خطاب (البيلعب بي بيخش النار) ما خطر ببالنا..!!

    ياخي نحن ، كنا ، ناس ، لو احبك العمر كلو برضو شاعر ما كفاني..!!

    لكن الشعبي ، الخوة الجديدة ، دي جديدة علينا..!!

    وبرضك شغل زنق..!!

    بطل حنك..في الشعبي الحنك ، حلاتو الحنك..!!
    عصافير الحنك..!!

    أمنتو بامون اله بشاشا يااااااااااااااااااااااااااخ..!!

    ثم الروب يا اهلنا..!!

    كبر

                   |Articles |News |مقالات |بيانات

07-10-2017, 09:07 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    Quote:
    (-) الناس دي طربانه ولا شراب مريسة ولا سكرة (تطوطح) غالباها الوقفة ولابسين نظارات شمسية بالليل ؟؟؟
    (-) نسأل الله السلامة والعافية لنا ولاسرنا وفعلا صدق رسول الله صلى الله عليه وسلم حينما ربط الزنا مع الخمر والمعازف في الحديث الصحيح الذي اخرجه البخاري
    (-) وهو قال رسول الله صلى الله عليه وسلم (يكونن من أمتي أقوام يستحلون الحر والحرير والخمر والمعازف) فالخمر تُذهب العقل والمعازف تُذهب العقل
    (-) وكل انسان في موقع كهذا ووسط شلل كهذه اذا فاق صباحا وعاد لرشده وتفرج على ما كان يفعل لاستغرب من عمله ليلة الامس
    (-) وهو كل عاطل يلم في عاطلة وشوية شفاته وكركبه وموسيقي فاصبح المغنيات اكثر من جمهور الرياضة في السودان
    (-) مسالة مفكوكة بلا رقب ولا حسب وكل يفعل على هواه حتى وان كانت معاصى والحكومة في اخر نومه
    (-) شباب يضيع وينحرف نحو المعاصي والزناء والمعازف والاباء في غفلة يعمهون
    (-) نسال الله السلامة والعافية والعاقبة في الامر
                   |Articles |News |مقالات |بيانات

07-10-2017, 09:10 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    Quote:
    (-) قال الله تعالى في سورة هو (وَلَا يَنْفَعُكُمْ نُصْحِي إِنْ أَرَدْتُ أَنْ أَنْصَحَ لَكُمْ إِنْ كَانَ اللَّهُ يُرِيدُ أَنْ يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ (34)
    (-) استمتع هنيئا سميعا بهذا الي ان ياتي اجل الله وياتي يوما لا ينفع الندم من الله في شيء
    [/quote
                       |Articles |News |مقالات |بيانات

07-10-2017, 09:11 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    Quote:
    (-) قال الله تعالى في سورة هو (وَلَا يَنْفَعُكُمْ نُصْحِي إِنْ أَرَدْتُ أَنْ أَنْصَحَ لَكُمْ إِنْ كَانَ اللَّهُ يُرِيدُ أَنْ يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ (34)
    (-) استمتع هنيئا سميعا بهذا الي ان ياتي اجل الله وياتي يوما لا ينفع الندم من الله في شيء
                   |Articles |News |مقالات |بيانات

07-10-2017, 09:13 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    صديقنا سيف..يا ريت تدينا الإذن في مطابية الأصدقاء هنا..
    ول ابا حيدر حسن ميرغني..حبابك يا صديقي
    كتر خيرك كتير يا حيدر على حسن الظن والثقة..
    وح نحاول ، بقدرة المولى ، نبقى قدر التحدي..
    شكرا يا صاحب..
                   |Articles |News |مقالات |بيانات

07-10-2017, 09:14 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    صديقنا..عماد الدين..حبابك
    كن ضميرك
    وذاتك يا صديقي ، وما تشتغل بي زول..!!
    الناس البتقول ليك حلال وحرام ديل..ما عارفين التكتح..وانما لسع في جواهم هاجس السيطرة والهيمنة على الناس..وعلى قول قريبتي البقارية: الأنجض منك بيندرع ليك في حبل الله..!!
    ديل ناس يا قريبي ..لسع حلمانة بانها تسيطر على الناس..وألأغرب مصرة علي استمرار الهيمنة..!!
                   |Articles |News |مقالات |بيانات

07-10-2017, 09:31 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    كتب مازن فضل:
    Quote:
    قال الله تعالى في سورة هو (وَلَا يَنْفَعُكُمْ نُصْحِي إِنْ أَرَدْتُ أَنْ أَنْصَحَ لَكُمْ إِنْ كَانَ اللَّهُ يُرِيدُ أَنْ يُغْوِيَكُمْ هُوَ رَبُّكُمْ وَإِلَيْهِ تُرْجَعُونَ (34)


    حبيبنا مازن فضل (البرنس ود عطبرة) يازول انتا راميك جمل ولا مارق من انداية سكران ما عارف البيك والعليك؟

    سورة (هو) بتاعة فنليتك يا مازن؟..

    القران ما فيهو سورة (هو) ولو عندك قران ناجرو من دقنوسك ..تعال جيبو هنا عشان نوريك نجوم القايلة..!!

    انت الزول الوحيد الزاني يا مازن ، والناس الدخلت البوست ده ، حتى الناس الظاهرة في الفيديوهات اشرف وانبل وانضف منك، وانت الزول الوحيد الما عندو اخلاق وفقا لتعاليم المصحف الشريف البنختمو في الأسبوع ونجي نطاقش معاك في المنبر ده..!!

    ما عندك علاقة بالدين يا مازن ، سواءا كان صحف ادم عليه السلام ، او الزبور ، او التوراة أو الإنجيل أو القرآن الكريم..!!

    داوؤد عليه السلام ، شاعر وصاحب مزامير ، وكتاب الزبور العامل فيها انك بتؤمن بيهو من ضمن الكتب الأربعة المطلوب منك شرعا تؤمن بيها ..اصلا اسمو (مزامير داوؤد)..وداوؤد..عازف قيثار ومزامير..والشيخ عبد الباسط عبد الصمد لمن يرتل القران الكريم شغال مزيكا بت امها وابوها..!!
    انت جاي من وين يازول؟..

    هل المسلم ، خليك من السوداني الأصيل ود البلد ، طعان ولعان وهمازا ويرمي الناس بالفاحشة في السهلة: يرمي الناس بالزنا في صمة خشمهم؟..ولا انتا قايل رمي الناس بالزنا حاجة زي غلاط هلال ومريخ؟..

    قدام الخلق دي كلها يا مازن: اهو ناس اتداخلت في البوست ده ، وجابت اشرطة وفيديوهات..ورينا بالضبط منو فيهم الزاني ولا الزانية؟..

    عندك راي في المزيكا واهل المزيكا اهلا وسهلا بنسمعك وبناقشك..عندك راي في اخلاق الناس بينا وبينك البينة الواضحة..!!..اثبت يا مازن انو الناس الإتداخلت هنا ، او الفيديوهات المنشورة ، فيها زاني ولازانية؟..




    البوست ح يمشي في سكتو رغم انفك يا مازن..واهو داك المنبر عريض وواسع امشى افتح بوست وقول لي تعال يا كبر وريني كيف انا ما بعرف دين وما عندي اخلاق..وحدي معاك المصحف الشريف..من المصحف يا مازن (لو بتعرف المصحف) ح اوريك كيف انت جاهل اخلاق وجاهل دين وجاهل عادات وتقاليد بتاعة السودانيين الواحدة دي..!!

    اشتم المزيكا زي ما شئت يا مازن ، لكن لمن تقول:زناة..هنا بنقول ليك جيب البينة..!!

    مازن نحن ناس السودان يا قريبي..يعني لا ناس الموصل ولا الرقة ولا حلب ولا بنغازي..!!

    كبر
                   |Articles |News |مقالات |بيانات

07-10-2017, 09:46 AM

أحمد محمد عمر

تاريخ التسجيل: 03-03-2010
مجموع المشاركات: 2002

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    السنتتة بكتبوها كيف بالكيبورد ؟
    الله يغيظك يا برنس هسة نزلتني من طيارة زنزبار وكينيا ومطار ممبسا بالاسكرول داون عشان اقول ليك ياخي البورد دة فيه خغلمية موضوع
    الما عاجبك فيهم ما تفتحوا ياخ .. الله يطوطحك
    ياخي نحن عاجبنا رقيصنا وغنانا دة وقاعدين متحكرين للحكي الطاعم بتاع الموسيقى وهسة لو عاوز بسمع ليك كل الأسماء القالها كبر دي
    انت مالك ومالنا ياخ !!!!
    بنتشوشو بالنار برانا انت ما معانا .. أطلع جنتك هناك ربنا يسعدك ويعلي مراتبك زيادة بس الله يرضى عليك خلينا نحن في رقيصنا دة وما تتعارض لينا بآيات نص الحفلة

    وحاة الطلاق لو النبي بلغ الدين بطريقتك دي كان هسة نقراهو في الشعر القديم
                   |Articles |News |مقالات |بيانات

07-10-2017, 10:07 AM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 1512

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    مرحبا كبر كل عام وانت طيب
    الشباب ديل (ناس الزنق) يا صديقي ، عندهم قدرة على التحايل على السستم بصورة عجيبة ومدهشة..!!"

    بكل تأكيد .. فالثقافة الشعبية لا تستأذن من السلطة ولا تخضع لها لانها وجدت لملء فراغ معين او فجوة ثقافية معينة . لا اتفق ابدا مع من يقولون بوجود فن هابط وفن هادف او رصين ، او مين ستريم او non-main stream ، الفن تعبير اصيل عن حالة المجتمع ككل او جزء مقدر منه سواء اثنيا او فئويا واي شيء لا يتعارض مع القانون فهو قانوني .. بالنسبة للشباب ديل ، نعم الالحان سودانية مية بالمية ، واللغة سودانية 100%، لست عليما بتصنيف الايقاعات لكنها مألوفة جدا بالنسبة لي وتبدو سودانية تماما فقط سريعة بعض الشيء لكنها ايضا سرعة مألوفة ربما اقتضتها ضرورة الرقص لأن الايقاع البطيء يقتل الابداع في الرقص تحديدا عكس الايقاع السريع الذي يعطي الراقص هامش واسع للابتكار.
    بالنسبة للاعترااف الرسمي ، نعم اتفق معك ايضا ، سيأتي اليوم الذي سينال هذا النمط الاعتراف الرسمي مثل التم تم كما اوردت .. شخصيا اعتبر ان اسهام زنقار و عشة الفلاتية في تطور الاغنية السودانية الحديثة لا يعلى عليه ، تصور ان الاثنان عانيا ما عانيا من المجتمع لكي يعترف بهما وعاشا على الهامش فترة من الوقت !! لكن يظل اسهامهم اكبر من اسهام اي فنان آخر وهما من وضعا الطوبة الاولى والاهم في نظري ، يكفي ان ادء عشة الفلاتية ، رغم مرور قرابة 100 سنة على بدايتها ، مازال اداءها عصريا ومواكبا وفي غاية الروعة . ، رغم ان التاريخ الرسمي للفن السوداني يضع ابراهيم الكاشف في المقدمة كرائد تغيير. لكن المحك لفض الاشتباك في غاية البساطة و هو من سبق من ؟
    تحياتي

                   |Articles |News |مقالات |بيانات

07-10-2017, 09:32 AM

عماد الدين الطيب عمر
<aعماد الدين الطيب عمر
تاريخ التسجيل: 09-22-2015
مجموع المشاركات: 726

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سيف يا صديق
    و الله احييك على البوست
    لانو طلّع لينا جوانب من الحبيب كبر
    دقيت فيه وتر حسّاس

    متابع ....
                   |Articles |News |مقالات |بيانات

07-10-2017, 10:31 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) ليك حق تدافع عن العطالة ديل ويعجبك البوست والاسفاف الحاصل دا يا كبر طالما خاتي ليك واحده في بروفايلك شايلا جيتار ولا مصيبة من مصائب الموسيقي ما بعرفا ؛ اولا السورة سورة هود (وسقطت الدال سهو) لسرعة الكتابة وهذا خطأ مطبعي من غير قصد حتى لا تصنع منه مرقة وشمار وتضيف ليه بهارات من عندك ؛ واتهمتني بالزنا !! هنا العاقل يميز ما بيني وبين هؤلاء فلا ادفع تهمة هي اصلا في ذاتي غير موجودة ؛ ان شاء الله اسرتك كلها تطلع زي الشلة بتاعت الفيديو دي قول امين ؟؟ مش عاجباك قول لي شكرا

    (-) الزنا مربوط بالمعازف والخمر واشرح علاقة هذه المسميات ونوع الرابط اذا كُنت جاهل بالحديث النبوي المذكور او لا يهمك امر الدين كثير ويهمك الغناء ونسأل الله بأن يحشرك ربنا معاهم في يوم الدين ؛ الخمر تُذهب العقل والموسيقي تُذهب العقل ؛ الان لو وجدت انسان برقص في السوق بدون موسيقي بتقول مجنون ؛ وفي الحلفة برقص لكن ما مجنون !!! المعازف مربوطة مع الزنا لان الفنان لا يغني اذا لم يتوفر البنات والعكس من يجي يسأل كيف الشباب ؟؟ واختلاط وفجور وسكر وشراب وحشيش زي الشايفنوا في الفديو ؛ في الحفلات بوزعوا جزء عم ولا بختموا المصحف ؟؟؟ بدعوا ولا بتناقشوا في حديث شريف ؛ ما كلوا غناهم الهابط زي (وقع في قلبي ووقع في حبي ولاقيتوا باللفة واوبي ما يشوفني ......؟) ؛ وغذا كنت بتختم القران الكريم فأنت كالحمار يحمل اسفارا ليس القران الكريم قراءة بل تدبر وتمعن في الايات والخوف من العقاب والغضب الرباني واقلاع عن المحرمات والطرق التي تقود للمحرمات والمعاصي ؛ كدي اتاكد اول حاجة القاعد تختموا كل اسبوع دا القران متاكد ولا ديوان شعر لواحد من العطالة

    (-) ومزامير داود أنت ربنا سبحانه وتعالى رسل ليك داود عليه السلام ؟؟ مالك ومال تشريع وشرائع داود عليه السلام ؟؟ اعرف تشريعات نبيك محمد صلى الله عليه وسلم فانت ربنا ارسل ليك افضل واشرف الرسل والانبياء محمد مالك ماشي تفتش في الشرائع التانية ؛ الغناء في الدين حرام شرعا من الكتاب والسنة سواء غناء عادي او هابط اي موسيقي تدخل محرمه فهي مزمار الشيطان واوردت هنا من قبل ايات واحاديث عن تحريم المعازف اما اذا عاوز تحللا فادينا يايات واحاديث واضحة بكره بعلق لي واحده زي الشايلها البت بتاعتك دي واحوم معاكم من حفلة لي حفلة من حديقة لي حديقة ومن زقاق لي زقاق

                   |Articles |News |مقالات |بيانات

07-10-2017, 10:36 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) احمد محمد عمر هو باقي شنو لي انك تقراءه كما تقراء الشعر القديم ؟؟؟ فكبر يدعي بانه يختم القران كل اسبوع وخاتي بنيه عازفة في بروفايلوا
    (-) ما عارف لو بيختم جك مريسة ولا عرقي كان ختا في بروفايوا شنو ؟؟ مافي فرق اسفاف في اسفاف ونحن في اخر الزمان
                   |Articles |News |مقالات |بيانات

07-10-2017, 11:19 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 13747

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: البرنس ود عطبرة)


    دكتور سيف تسلم يا حبيب .. ومشكور علي الرد .


    اوريك كيف :
    بس ما عارف ليه وصفتي شغلهم دي بانه "عشوائي".
    لانهم اجازوا اصواتهم بنفسهم من غير لجنة تحكيم بما انه توجد
    اصوات بينهم اجمل من الاصوات المعترف بها من قبل لجان ...
    تقييم الاصوات ! وبما انهم اصحاب رسالة واضحة لكتير من
    الفئات واختص الفئة البسيطة , اضيف لي كدا انتشارهم التلقائي
    وتحت اي لحظة هم في متناول اليد . بالمناسبة لو مشيت السودان
    بس حاول ركز علي محلات الرحلات وتجدهم هم في متناولك .

    وشوشة :
    البوست دا مهم جدآ الرجاء الحفاظ عليه .. لانه ويا ريت لو قدرنا
    نعمل مقارنات صوتية ونكون نحن لجنة التحكيم لتقييم الاصوات
    لهولاء الرائعيين .. وما ننسي مدي رسالتهم الفنية للمجتمع .

    ولكم الشكر ,,, ولي عودة للمزيد .
                   |Articles |News |مقالات |بيانات

07-10-2017, 11:23 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 13747

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: مني عمسيب)


    نموذج ..

    الربع ونجاة غرزة .

    بالمناسبة طبعآ في ناس بتعالوا من هذا النوع من غناء
    ومجموعات تعتبر من الخوارج للفن لكن الكلام دا ما مفروض
    يكون لانهم العدد المستمع لهذه الفئة كبير جدآ ومتفاعل جدآ جدآ .
    عشان كدي تخطئ ممنوع سمع بس .


                   |Articles |News |مقالات |بيانات

07-10-2017, 12:50 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: مني عمسيب)

    يا برنس يا ود عطبرة
    جزاك الله خير على النصيحة و التذكرة وبارك الله فيمن زار وخف.
    اها البوستات المحتاجة للوعظ كتيرة ربنا يعينك أبقى مارق عليها انت هنا خلاص
    أديت دورك وقلت الكلمتين او البوقين الحامضين على قولة إخوانا المصريين..يبقى قعدتك
    مافي داعي ليها.
                   |Articles |News |مقالات |بيانات

07-10-2017, 01:00 PM

أحمد محمد عمر

تاريخ التسجيل: 03-03-2010
مجموع المشاركات: 2002

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: مني عمسيب)

    ههههههههههههه والله يا برنس انت راجل طيب
    Quote: الان لو وجدت انسان برقص في السوق بدون موسيقي بتقول مجنون ؛ وفي الحلفة برقص لكن ما مجنون !!!
    أنا لو لقيت زول بفنقس ويقوم ويدق راسه بالواطة بقول مجنون لكن لو تحته مصلاية بقول بصلي .. ولو لقيت زول لافي سورو وبتكلم براهو بقول مجنون لكن في كعبة بقول بعمر
    دة منطق شنو دة !

    دة حديثك الحرمت بيه الغناء ؟ (يكونن من أمتي أقوام يستحلون الحر والحرير والخمر والمعازف) !!!
    نحرم معاهو الحرير الحلاااااال بلال للنسوان وللرجال العندهم مرض جلدي ؟
                   |Articles |News |مقالات |بيانات

07-12-2017, 02:23 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: أحمد محمد عمر)

    مراحب بالقادمين الجدد للبوست عماد الدين الطيب و احمد عمر و العائدين حنين و نعمات و منى بت عمسيب و نفيسة
    و ول ابا كبر الذي ملآ البوست بهجة و حبورا و تاريخ و فن ثقافة.
    اهديكم فنانتي المفضلة في فئة الزنق رشا الزنجية.
    و الله و ما طالبني حليفة الاغنية دي ليها سنتين في المفضلة عندي:
    بتقول : حبيتو كده مني لا مصالح لا غاية ههههه


                   |Articles |News |مقالات |بيانات

07-12-2017, 02:28 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    وهنا الزنجية في اغنيتها الشهيرة و التي اشتهرت مع مقطع التخريج الاشهر بتاع عمر الفاتح مهدي



                   |Articles |News |مقالات |بيانات

07-12-2017, 05:31 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) الاخ سيف النصر محي الدين أكتب البوست في منبرك الخاص وتحكم في الاخرين من تريد وفيمن لا ترغب
    (-) أنت طرحت موضوع في منبر سوداني عام لي فيه عضوية مُعتمده وفقا للشروط النظام الاساسي للمنبر ومن حقي النقاش في اي موضوع ما لم يخرج عن نطاق البوست
    (-) اما إذا انت بتكتب لاشخاص معينين او لديك فئة معينه فاجمعها في مكان اخر لك فيه كامل الحرية والتصرف في اعضاءه ومواضيعه
    (-) سبحان الله فالقننا من الصباح حرية وديمقراطية وعند اول ممارسة للحرية والديمقراطية ينط ليك واحد يقول لك اتوكل
    (-) هذه الديمقراطية والحرية التي تريد ان تنفذها في السودان وتحارب من اجلها الحكومة الترابة في خشمنا
                   |Articles |News |مقالات |بيانات

07-12-2017, 10:54 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 13747

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: البرنس ود عطبرة)


    صباح الجمال والروعة .. لجميع محبين الحياة الجميلة .


    يا دكتور سيف لك وافر المصداقية ..
    و الله و ما طالبني حليفة الاغنية دي ليها سنتين في المفضلة
    عندي: بتقول : حبيتو كده مني لا مصالح لا غاية ههههه

    وكلامك دا وجب احترامه لانه جاء من منطلق معين اللهو العلاقة ,
    المجردة من مصلحة فقط من ناحية معنوية صادقة ! في زمن افتقدت
    فيه كتير من ما تحمل هذه الاغنية البسيطة في كل شئ ! ودي الرسالة
    القلت ليكم عليها المفروض نتكلم عنها . لحملة هولاء ( الزنق ) !

    ملاحظة فيديو :
    لو اخدنا هذه الامريكية الناشئة بنجد في شئ مشترك بينها وبين فتيات
    ( الزنق ) ونسبة لتفرد المزاج الامريكي في الغناء . والاهتمام به
    توجت هذه ( الزنقية ) وفي نفس اللحظة بالذهبي ! يعني لو كان الربع
    والجميلات المعاهو ديل في امريكا كان ممكن جدآ يكونن من المشاهير
    كما اشتهرت هذه الجميلة ( سارة ايكومو ) . لانه نفس خامة الصوت
    ونفس الطريقة المميزة في الاداء !

                   |Articles |News |مقالات |بيانات

07-12-2017, 02:57 PM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: مني عمسيب)


    اخونا مازن فضل..
    يا اخوي هوي لوداير تجاهد وتخش الجنة..اخير تلحق باقي داعش في الرقة ولا شنو كده ما عارف..السودانيين يا مازن ، بي رمتهم داخلين الجنة ، وما بيدوك فرقة تدخل بيهم الجنة..!!
    انا اتكلمت معاك في عضمك يا مازن ، وما جبت سيرة اسرتك واهلك ، وهم عندي ناس كرام ولاد وبنات كرام..!
    اما اسرتي..فما تتعب نفسك فهم ناس كويسين (وفقا لمعايير ربنا الورانا ليها) ، وح يخشوا الجنة قبالك يا مازن..!!
    البت الخاتي صورتها في البروفايل بتاعي..ماسكة جيتار..كريمة وبت كرام واكرم منك يا مازن..وغصبا عنك..خت شيخطين تحت غصبا عنك..ح تمشي الجنة قبالك..عارف ليه؟ لأنها اصيلة ونقية ..وما بتحاول تغش الله بالإستهبال البتسوي فيهو انتا هنا..!!
    اهو قدام الخلق دي كلها يا مازن..انا عارف عدد الناس العايشة في كوكب الكرة الأرضية..ليه الناس البتحب المزيكا وبتشتغل مزيكا اكتر من المتزمتين من امثالك..؟
    داوؤد نبي يا مازن ، وربي الخلقني قال لي احترم الأنبياء والكتب السماوية النزلها..يعني باقي ليك ح تقنعني بعنصريتك المجوبكة بتاعة منو نبيك وشنو كده ما عارف؟..كلامك ده قولو لي زول ما عندو حديدة ايمان يا قريبي..!
    يعني عامل فيها جبتها من الآخر يا مازن بحكاية (لو ختا جكة مريسة ولا عرقي ولا شنو ما عارف..!!)..انا لو ختيت جك عرقي قدامي يا مازن واتجليت ليك..علي بالحلال تشق صحرا ء العتمور عريان ميطي..وتقطع بحر المالح بي عدلك..!!
    قلتها ليك من قبل..القران كلمة صعبة وقاسية..ما تستشهد بيها وكتين فيك خصال ضعاف النفوس من ارتكاب الخطأ والغلط والغضب والإنفعال والإستعجال والذي منو..!!..
    الناس الدخلت هنا يا مازن ، والفيديوهات..ما فيهم زاني ولا زانية..ولو عندك دليل جيبو..!!
    اما اذا كنت متعقد في دينك..ما بنقول ليك اقطع وشك من البوست..ولكن تعال وح نملاك فقر زي الترتيب..!!.وصدقني ما ح نديك فرقة تخش بينا الجنة..بالعكس ح نجاريك ونملاك فقر لمن تقول الرووب..!!



    رشا الزنجية: ما كبيرة..!!
    دبلجت ايهاب البطل..!!
    اها يا مازن تعال ورينا قدرتك واشطب عبيد وخدم افريقيا ديل من الوجود..!!

    كبر
                   |Articles |News |مقالات |بيانات

07-12-2017, 03:27 PM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)



    كتر خيرك يا صاحب..يا سيف..ياخي الواحد متمني يعزمك نصيص ناس رهيد البردي..لم تمرق مع ناس واما بنعمة ربك فحدث..!!!
    وكتر خير الصديقات وألأصدقاء هنا..
    نعمات ، منى ، عبد الله ، حيدر ، عماد ، احمد..والمتابعين من على البعد..!!

    عارف يا سيف..رشا الزنجية بتجي الحفلة في ليموزين..وقدامها مواتر ووراها مواتر..وبالجنبة مواتر..حكومة عديل يا عمك..!!
    بتنزل نص الحفلة..بتشيل المايكروفون.. وبتهز ليك وترز الحفلة زي الترتيب..ما عندها فاصل وعشا فنانين..معط من قولة تيت لغاية النهاية..وبتتخارج ..!!
    زنق للطيش يا صديقي..!!

    الفاتح عمر مهدي..متذكر..لمن كنا شباب..عندو رواية اسمها (عندما تمطر الخرطوم) شكلت الوجدان مع بقية حروف اخرى..!!..وما مستغرب لمن عمل حفلة نجلو وجاب فيها زنق..!!

    احبابنا اطباء الأسنان..الفاتح عمر مهدي ، ابكر ادم اسماعيل ، وتاج السر جعفر الخليفة..ياخي ناس مبدعين جنس ابداع..!!

    هسع تلقا رشا الزنجية دي برضو بتاعة اسنان؟؟؟؟؟؟؟؟؟؟؟؟؟

    اها للدنيا والزمان..هنا رشا الزنجية..ولمن تعاين ملامحها..تحلف على ذمة احبابنا ناس جنوب النيل الأبيض (منوت ، قيقراوي ، قريمان ، جني) انو الزولة دي من عندهم..!!..نظام شلكاوية وكده..!!..ولكن..!!
    ملاحظ يا سيف ، اصوات البنات البتغني الزنق ، انها اصوات قوية..اشبه باصوات بنات مالي؟..ودي جكة تانية..!!

    عقب نرجع نفسح صديقنا احمد..في السواحل..من بورتسودان..مصوع.جيبوتي..هرقيسا (ديل يا احمد لو شفتهم تصلي لغاية يوم القيامة عصر عشان ربنا اداك نعمة البصر والشوف والعقل) ، مقديشو..ممبسا ، دار السلام ، وجزر القمر..وجزيرة ملقاسي..!!

    اها رشا الزنجية..



    قولوا اهلا..تاني اهلا..!!

    كبر
                   |Articles |News |مقالات |بيانات

07-12-2017, 06:36 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    المتخلف الداخل في الناس مواعظ لأجل سعادة الكفيل دا خليهو يدينا رأيو في الفيديو دا



    لو صحي راجل بيفهم.
    قاصدك انت يا المسمي نفسك (برنس ود عطبرة)
                   |Articles |News |مقالات |بيانات

07-12-2017, 08:25 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 5601

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلام استاذ كبر ، د . سيف و المتداخلين / ات الاعزاء

    اشكرك كتير استاذ كبر على الهدية الرائعة ، ابو داوود

    the one and only . كل المعلومات الغزيرة المترابطة

    التي ذكرتها واضح انها نتاج شغف بالسودان .. ناسه و

    جغرافيته و تاريخه و جيرانه و الأ لما بقيت كل التفاصيل

    الصغيرة و الكبيرة في ذاكرتك .

    اوافقك ان تاثير غناء دينكا بور يبدو واضحا في موسيقى الربع

    لان الهوسا بعد هجراتهم للسودان بالتاكيد تأثروا بالغناء الشعبي

    في المناطق التي استقروا فيها .

    علمت من اسرة هوساوية ان الزنق في نيجيريا هو مجموعة

    كبيرة من القطاطي تتوسطها ساحة كبيرة . سكان الزنق كلهم هوسا .

    في السودان بنى الهوسا بيوتهم بنفس الطريقة و سموها الزنق .

    و الساحة الكبيرة التي تتوسط البيوت تقام فيها الاحتفالات مثل الاعياد

    و الافراح و بالطبع الرقص و الغناء .

    شكرا لكم استاذ كبر و د . سيف على السياحة الجميلة و التعريف بمكون

    ذا تأثير متزايد في عدد كبير من الناس . من الحكمة معرفة شرائح

    المجتمع الذي نعيش فيه ، ماهي طموحاتهم و ما يعوق تحقيقها و ما

    يمكن ان يقرب الناس من بعضها بدلا عن نبذها و اليينتها - من

    alienation - فذلك ادعي لتماسك المجتمع و تحقيق السلام المجتمعي

    و سد الثغرات التي قد يستغلها اعداء السودان .

    لكم التقدير و الاحترام .
                   |Articles |News |مقالات |بيانات

07-12-2017, 09:44 PM

نعمات عماد
<aنعمات عماد
تاريخ التسجيل: 03-08-2014
مجموع المشاركات: 5601

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    سلام ود عطبرة

    تعودنا ان نقرا او نسمع برنس شارلز.. برنس هاري. .. برنس وليام.. او

    المغني الامريكي برنس لذا يبدو لي غريبا البرنس و الوعيد ؟ يعني

    مثل ان نقول الشيخ بطرس او الامام يوحنا او الخليفة جرجس

    مع كامل احترامي للاخوة المسيحين و المسلمين من حاملي تلك

    الاسماء وكذلك الالقاب ذات الدلالة الواضحة اعلاه..

    ثم انك اطلقت اتهامات بالسكر و غيره..

    لذا: --
    حدد من تتهم بالضبط لانه من حق من تتهمه مقاضاتك !!



                   |Articles |News |مقالات |بيانات

07-13-2017, 04:48 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    أنا شايف محاولة زرزرة الراجل بكلمة اعتادها أمر لا يفيد
    أخينا (برنس) دا مأمور بإرادته، وزي كلامو دا ما يقدر يقوله في مجتمع تاني
    كل المسألة إنو بيمارس دور الهاوس نيغا علينا هنا، يعني شغل مراكز رضا الكفيل ديك

    فهسع أنا أديتو مقطع معازف وقور وأنا متأكد إنو ما عندو رأي فيهو
    ما لم يسمع الرأي من فوق ويجي يكرره لينا هنا وحتشوفوا التناقض

    الراجل حفيظ.

    أما الحكواتي اللباطي دا فمن الواضح إنو (بيعرف) نصف مشاهير الأرض.
    وعندو علاقة بيهم
    وثيقة.
                   |Articles |News |مقالات |بيانات

07-13-2017, 05:54 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) أخونا كبر وخت خطين تحت كلمة أخونا دي سلامات

    (-) لا اريد ان اخرج بالبوست من مضمونه او امحور البوست عن موضعه ولكن كل ما ذكرته هنا يُعد مجرد هُراء لأنك تسلمت أمر الرحمن وتعالى الرحمن علُوا كبيرا ان يتسلم أمره احد ؛ فادخلت صاحبت الجيتار الجنة قبلي ونسأل الله لها توبه ودخول الجنة ؛ وأتهمتني بالاستهبال الديني والعياذ بالله تعالى ان اكون كذلك فالله قادر على ان يحمي دينه وما جدلي الا لحق عرفته وليس انتصارا للذات او شوفانيه اطلبها ؛ ادخلت أسرتك الكريمة الجنة قبلي وأسال الله الكريم لها الجنة ؛ ولكن عملت معك بمبدأ البرلمان المصري حينما اراد ان يُقر قانون (الدعارة) ووقف احدهم جليل صادم البرلمان ولا تزال هنالك مُستشفى باسمه قائلا في البرلمان وطالبا مع العضو صاحب الاقتراح ان يتبرع بخمس من نساء اسرته لبدأ المهنة والترخيص فصمت البرلمان والعضو الذي طالب بان يُقر قانون يُجيز فيه الدعارة ؛ فعندما قدمنا لك دعوة من الله ان يتقبلها وان تخرج اسرتك اجيال غنائية مثل هذه الشخصيات على الفيديو لم ترغب في هذا وظهر في ردة فعلك القوية واتهامي بالداعشية والاستهبال والتأخر في دخول الجنة إن كُنت اصلا تتوقع دخولي الجنة .

    (-) الاخ الفُضلى نعمات سلامات وكتر خيرك على الرد والاهتمام بما كتبت

    (-) البقية (طبعا من ضمنهم حاتم) لانه لا يمكن ان نخصص له رد منفصلا فهو (حوار جديد) ويدخل ضمنيا عملا بمبدأ القران الكريم (فرعون وهامان وجنودهما) نشملهم الجنود والحيران دفعة واحده في الرد ؛ كان لي سجال طويل عريض في موضوع الغناء مع الاخ الفاضل مصطفى عبد الجليل وتطرقنا للموضوع من كافة جوانبه وكان نقاشا مُمتعا ووصل بنا نهاية المطاف لقناعة كل فرد ؛ وكان نقاشا مُفيدا رغم ان كل منا لم يقتنع بوجهة نظر الاخر ولكن سلك مسلك الحوار المُتحضر واخذ الموضوع الغنائي من كافة جوانبه بالدليل من الكتاب والسنة ؛ ودخولي لهذا البوست ما هو الا عودتا لنقاش قديم تم طرحه في الموسيقى والغناء ؛ وعملا بمبدأ حرية التعبير والراي عن وجهة نظر دينية في موضوع الموسيقى ولا تهمني كثيرا كما يهمني موضوع التوحيد بالله لانه الحد الفاضل ما بين الايمان والاسلام والكفر ؛ فالغناء والموسيقى يدخل في تشريع (دون ذلك) لقول الله تعالى في كتابه الكريم في سورة النساء (إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ وَمَنْ يُشْرِكْ بِاللَّهِ فَقَدِ افْتَرَى إِثْمًا عَظِيمًا (48) ؛ فكل شيء دون الشرك بالله نسميه مادون ذلك الموسيقي والخمر والميسر وووومن بقية المُحرمات

    (-) أوضحت وجهت النظر كامله وان اصبت فمن الله تعالى وان اخطأت فمن نفسي وان النفس لامارة بالسوء الا من رحم ربي الي اله المُشكتى وعبد الله تجتمع الخصوم كما قال امامنا الجليل عليه رحمة الله تعالى أبن باز
                   |Articles |News |مقالات |بيانات

07-13-2017, 05:59 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    (-) الاخت نعمات سلامات وهذا الرد منفصلا حتى لا تُحوري الرد :
    (-) أنا سألت سؤال : (-) الناس دي طربانه ولا شراب مريسة ولا سكرة (تطوطح) غالباها الوقفة ولابسين نظارات شمسية بالليل ؟؟؟
    (-) ان كُنت تعرفين الاجابة تفضلي بالرد عليها ؟؟ وان لا فليتفضل من يعرف الرد
                   |Articles |News |مقالات |بيانات

07-13-2017, 06:10 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    Quote: لبقية (طبعا من ضمنهم حاتم) لانه لا يمكن ان نخصص له رد منفصلا فهو (حوار جديد) ويدخل ضمنيا عملا بمبدأ القران الكريم (فرعون وهامان وجنودهما) نشملهم الجنود والحيران دفعة واحده في الرد


    وبرضو ما أديتنا رد على الفيديو بتاع الأوركسترا القرآني الفوق دا
    مشكلتك شنو تقول رأيك؟
    ولا ما عندك إلا الحفظ والتسميع والاتباع؟

    أها، جماعة ماليزيا الفوق ديل خلطوا الآيات بالموسيقى رأيك شنو؟

    بعدين لو عندك عقدة بنفضى ليك يا برنس روحك.
                   |Articles |News |مقالات |بيانات

07-13-2017, 03:52 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: حاتم إبراهيم)

    مراحب بحاتم ابراهيم و ننتظر مساهمتك و تحليلك الموسيقي لظاهرة الزنق.
    اخونا البرنس العطبراوي يعرض برة الدارة، ياخي السعودية رغم انو الرأي الفقهي
    الرسمي فيها يقول بحرمة الموسيقى و الغناء هي اكثر دولة بها موسيقى و غناء و قنواتها
    الفضائية المملوكة للدولة و لاناس من فصيلة "ولي الامر" هي الراعي الرسمي للموسيقى
    في المنطقة العربية.
                   |Articles |News |مقالات |بيانات

07-13-2017, 05:19 PM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)


    التحية للصديقات والأصدقاء هنا..
    لغاية نعود لاحقا ، كن ربنا حيانا ، هنا مقالة للروائي السوداني عمر الفاروق نور الدائم ، تتناول ظاهرة الزنق ، وفيها معلومات يمكن ان توضح الفكرة..المقال نشر في 23 نوفمبر 2015 في موقع صحيفة (رصيف 22) الإلكترونية..



    الزنق ، موسيقى "خدشت المجتمع المحافظ"


    عمر الفاروق نور الدائم*

    منذ أن سيطر الإخوان المسلمون على السلطة في السودان عام 1989، أصبحت الذائقة الجماعية للسودانيين أسيرة نمط محدد من الموسيقى، تفرضه الآلة الإعلامية الرسمية، التي يديرها إسلاميون أحرقوا المكتبة الموسيقية للإذاعة والتلفزيون، بحجة وجود موسيقى وألحان تتنافى مع ما سمّوه "الذوق العام".
    في ظل هذه الوصاية، برزت ظواهر موسيقية متعددة تعتبر عنواناً للرفض ومحاولة لاستعادة التنوع الثقافي الكبير، وأبرزها هو ما بات يعرف محلياً بموسيقى "الزنق"، القائمة على أنماط غنائية جديدة تعتمد على الأنغام السريعة، التي تحمل كلمات مرتجلة تصنع موسيقاها وشعريتها الخاصة بوصفها منتجاً شعبياً انتشر في مناسبات السودانيين.

    وتتباين المواقف تجاه هذا النوع من الموسيقى، فهنالك من يرى فيه هبوطاً فنياً، بينما يتفاعل معه الغالبية من الفئات الشبابية، باعتبار أنه يعبر عنهم ويتماشى وروح العصر، الأمر الذي دفع الكثير من الباحثين لدراسته بوصفه انعطافة مهمة في تاريخ الموسيقى السودانية.

    يقول الناقد والصحافي محمد فرح وهبي لرصيف22: "أعتقد أنها موسيقى إفريقية، ومارشات عسكرية، تمت إعادة إنتاجها مجدداً". ويضيف: "مجتمع الزنق صنع تعبيره الروحي موسيقياً، وخلق عالمه الخاص. إنها ثقافة موسيقية حياتية تمضي قدماً، منسجمة مع نفسها وتطلق أصداءً لدى كل المجتمع، تأسر الشباب الآن بحمولة تعبيرية كبيرة عن ثقافة موسيقية تبحث عن مكانها الخاص داخل الموسيقى السودانية التقليدية".

    ويرى أستاذ الموسيقى الدكتور صلاح يوسف، أن "موسيقى الزنق لها جانبها الإبداعي وحضورها الجماهيري، وتتميز بالشكل الإيقاعي الراقص، وموسيقيوها بارعون في استخدام آلة الأورغ بشكل مبدع ومختلف". وأوضح أنها "نمط موسيقى شعبية، ومنتج فئة عمرية تعبر عن أشيائها وفقاً لاعتقادات هؤلاء الشباب وقناعاتهم. الأمر الذي يخلق معاييرهم الخاصة التي ينبغي أن لا يحاكموا خارجها، مثل المحاكمات الأخلاقية التي تنصب لهم، لأن الناقد ليس من مهماته فعل ذلك ما دام هنالك جمهور واسع ينجذب إلى هذا اللون الموسيقي والغنائي، علينا أن ننتظر إذا كانت ستثبت وجودها أم لا".


    موسيقى تنتج مجتمعها الخاص


    تنحصر موسيقى الزنق في عالمها الخاص، ولا تخرج إلى الفضاء العمومي إلا بالقدر اليسير، وبات الناس الآن يعرفون بعضاً من تشكيلات هذه الثقافة ذات الخصوصية، بعد أن أصبحت ملاذاً لكثير من الشباب السودانيين كونها تتعلق بالعصر الحالي وتعبيراته، كما يقول الدكتور كمال يوسف، أستاذ الموسيقى في جامعة السودان للعلوم والتكنولوجيا.

    للزنق أسئلة كثيرة وأهواء مختلفة، ومصدرون للتقليعات والموضة، وأحد أشهر وأبرز عازفي موسيقى الزنق، هو أيمن الربع، الذي يعده وهبي مؤلفاً موسيقياً، ويقول عنه: "يبتدع أصواتاً موسيقية في كل مرة. أحدث تأثيراً كبيراً، ويتبع طريقه عازفون كثر، فقد صار أيقونتهم". ويضيف: "التقى موسيقيون غربيون الربع، وكانوا يعتقدون أنه درس الموسيقى".

    ينحدر أيمن الربع ، 35 سنة، من مدينة أم درمان غربي العاصمة الخرطوم، ووالده موسيقي جاز معروف في السودان يُدعى صلاح براون، وهو يترأس اتحاد موسيق الجاز. وقد عرف عنه الانسجام التام مع الموسيقى، فلا يعود يشعر بنفسه، خصوصاً حين يؤدي عزفاً منفرداً على الغيتار. لا يخلع نظارته الشمسية السوداء إلا نادراً، ويرتدي أزياءً شبابية غير تقليدية تتماشى مع الجو العام لموسيقاه وجمهوره. ويقول كمال يوسف عنه: "هو نجم جماهيري، رغم أنه لم يدرس الموسيقى، إلا أنه استطاع أن يقدم أداءً جميلاً ومبدعاً. استمعت إليه في حفلات خاصة، وهو نجم كبير يحظى باحترام معجبيه".

    أما أبرز مغنيات الزنق المعاصرات في الخرطوم فهما: ننوسة، 34 عاماً، ونجاة غرزة، 33 عاماً، وقد عرفتا بإجادتهما أغنيات صاخبة وراقصة، مثل أغاني "الزار" التراثية، بعد إدخال بعض الإضافات إليها، وهما تنالان أجراً مرتفعاً لإحياء حفلات الزنق الراقصة.

    يضم مجتمع الزنق تشكيلات مهنية متنوعة، لكن المغنين عماده، بالإضافة إلى فنيي الـSound System، وعازفي الأورغ والآلات الموسيقية المختلفة. فضلاً عن بعض المنخرطين فيه من القوات الأمنية، و"الحلوات" وهو تعبير سوداني عن الذكور مثليي الجنس، وبعض النساء اللواتي يبعن الشاي في أسواق الحواري.
    يبدو هذا المجتمع من أكثر المجتمعات تحرراً، وسلوكه فطري علماني، ويظهر الدين في حياة أفراده كقيمة عليا ومقدسة لا كممارسة. ويرفض قطاع من محافظي المجتمع والموسيقى هذا اللون المتحرر من الموسيقى التقليدية ونمط الحياة العام. وتهاجمه وسائل الإعلام ومواقع التواصل الاجتماعي.

    مجتمعهم ليلي في الغالب، لارتباطه بإحياء الحفلات حتى ساعات الصباح الأولى. وتُستمد القيمة الفردية فيه، من درجة التفاعل معه، فيستمد الجنود النظاميون المنخرطون فيه نفوذهم، من امتلاكهم للسلطة، بفعل قدرتهم على ضغط مجتمع الزنق بأكمله عبر التهديد والوعيد، وتخويلهم القانوني الذي يمنحهم حق استخراج أو منع تصديق الحفلات. ومنذ نحو 22 سنة، لا تقام الحفلات العامة والخاصة، إلا بتصديق خاص من الشرطة، يدفع مقابله رسوم وصلت إلى نحو 500 جنيه سوداني (نحو 82 دولاراً أميركياً).

    يحتاج المنتمون للقوات النظامية، الذين ينشطون في عالم الزنق وثقافته، إلى التنفيس عن حياتهم المهنية، التي لا تحقق شروطاً جيدة للحياة، لذلك فهم يجدون في هذا العالم الوجه الآخر للحرية. ففيه تشيع العلاقات الغرامية، وتتوافر الملذات النفسية. والجمال بالنسبة إلى نساء ورجال الزنق يشكل سلطة تقيميية عالية، كذلك درجة الشهرة. فهي ثقافة تشدد على المكان، أي المدينة والحي. بينما هو في حقيقته مجتمع عاصمي بامتياز، وقلما يتم اختراقه من خارج المكان، لكن ثقافة أفراده انتقلت إلى المدن الرئيسية في السودان.

    ثقافة الزنق لا تحفل بمن يسمونهم "الفارات"، أي كل من لا يرى الدنيا حلوة، ولا يمتلىء قلبه بحب الحياة. هذه أهم الأهداف التي تسعى إليها هذه الثقافة المستقلة نفسياً وفكرياً وثقافياً لتحقيقها بين أفرادها. وهم يكرهون ويذمّون الخيانة، باعتبارها أكثر ما يُعكّر صفو البهجة المنشودة. فترصد في موسيقاهم بوضوح ذمهم الدائم لتبدل "رابطة الأخوة" كخيانة غير مغتفرة، أي أعلى درجات الخيانة، إذ يسعى هذا المجتمع للوصول بالصداقة، التي تُسمى "الخوة"، إلى لحمة أبدية.

    للغزل أيضاً مكان بارز في كلمات أغنياتهم، وهو على عكس معظم الغناء السوداني، الذي يعكس عواطف الرجل نحو المرأة، يعبّر عن مشاعر المرأة تجاه الرجل بشكل واضح، وهنا يتم الحديث عن طول الرجل ووسامته وعينيه وكل ما يتعلق به.


    ______________

    *
    عمر الفاروق نور الدائم
    قاص وروائي سوداني. حائز على جائزة الطيب صالح التقديرية للرواية في عام 2013 . عمل سابقا محررا بعدد من الصحف، ويعمل حاليا في الصحافة الإلكترونية.
                   |Articles |News |مقالات |بيانات

07-13-2017, 05:26 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5624

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)

    حبيبنا سيف النصر .. مودتي ..
    شكراً كثيراً فتحت لنا نافذه لنطل منها لاكتساب المزيد عن المجتمع السوداني والفن السوداني
    يا سيف الحبيب يا أخي نحن هناك في ضواحي الدينا في الشمال واحد ما عارف اي شيء إلى بلغ من العمر ..
    وشكراً كثيراً على إستقطاب هذا الجميل كبر .. متى أطل زاد من الاثراء والجمال ..
    خدمة لينا يا سيف بالله ما تخلي حبيبنا كبر ده يفارق البوست ..

    (( زنق )) أول مرة أسمع هذا المصطلح وأعرف هويته ..
    شكراً كبر الرائع
    شكراً سيف الجميل

    واصلوا ..
                   |Articles |News |مقالات |بيانات

07-14-2017, 08:04 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: علي عبدالوهاب عثمان)


    ول ابا علي عبد الوهاب عثمان..حبابك يا صديقي
    كل سنة وانت طيب..
    كتر خيرك على الإطراء والمفاكرة الطيبة..
    كلنا يا علي يا اخوي اولاد ضواحي ساكت ..ياخي حتى شيخ حاتم ابراهيم القدامك ده لو بحت تحت ح تلقاهو من ام طرقا عراض..!!

    نفس الضواحي ، في الشمال هناك ، يا علي ..كان فيها ناس فرقة جاز عطبرة .وباقي نواحي امسودان..فرقة جاز اللواء اربعطاشر (الدمازين)..وفرقة جاز كادقلي..!!
    وناس العقارب ، اضواء بحري ، البلو استارز ..هارامبي ، وليم اندريا..ديل ناس الخرتوم..!!

    الذكريات دي يا علي مربوطة بهدايا انوي ان اضيفها هنا لصديقتنا دكتورة نعمات..ولكل الصديقات والأصدقاء..وح توضح العلاقة بين الأشياء..يعني نظام صامولة نربطك بالواقع البتشوفو غريب يا علي..ولو استمعت واتفرجت ح تضحك كثير انو الحاجات قاعدة قدامنا لكن الذاكرة مرات خوانة..!!

    كتر خيرك يا حبيب..والبوست الإ كن ول ابا سيف النصر يقول لينا يا جماعة اتطلبوا الله واتخارجوا..لأنو عيار الدهشة كتير علينا..!!

    ونشوفك هنا ..ولو متاوقة ساكت..عشان نكب النقة النضيفة..واهلك البقارة قالوا الونسة طولة عمر..!!
    كبر
                   |Articles |News |مقالات |بيانات

07-14-2017, 08:20 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    عمك..اسياد الشي ذاتا..!!


    بت ابا دكتورة نعمات..حبابك يا صديقة..
    ابوداوؤد شخصيا؟..
    تقول الرواية يا نعمات ..انو اذاعة البي بي سي..استضافت الموسيقار وديع الصافي..والمذيع سألوا عن صوت بيحب يسمعوا..فقال ليهم فنان سوداني اسمو عبد العزيز محمد دواؤود..!!..غايتو حسب كلام الشافهم ناس البي بي سي دخلوا في اضافرهم عشان يلقوا تسجيل لإبوداؤود عليه السلام..!!!!!
    كتر خيرك يا صديقة..ومعلومة (الزنق) البيوت الوسطهن فضاية..دي اول مرة اسمع بيها..وهي اضافة حقيقية في فكرة التوثيق والتأصيل للأشياء..ودي فكرة التثاقف الحر الإيجابي..كتر خيرك..
    عبرك بعض الهدايا..ونهديها لصديقنا عضو المنبر ول ابا المعز ابو نورة..لأنو كان حاضر البديهة والذكريات وبيصحح المعلومات..التحية ليهو..


    حوار ، يا نعمات ، مع الأستاذ صلاح بروان..وهو والد ايمن الربع..!!



    واتمنى ان يجد صديقنا شيخ حاتم ابراهيم ..فرقة يسمع حكاوي صلاح براون..الكان بيغني لجيمس بروان وري تشارلس وغيرهم..!!

    المذيعة يا حاتم ابراهيم استشهدت بفكرة التوثيق لفرقة جاز كادقلي..اها رأيك شنو..صاحبك الحكواتي اللباطي..اول من وضع الفكرة على المشهد..وقاعد يثرثر بيها طوالي لمن المذيعين والمذيعات بيستشهدوا بيها..ناهيك عن فنان جبنا ليهو فيديو شعبي في المنبر وده وهديناها لحبيبنا تمبس وغيره من صديقات واصدقاء..عشان نكتشف ان القنوات انتبهت ليهو ومشت مرقتو ولمعتو وسجلت ليهو غناهو العايرة بيهو الناس سنين وسنين..!!!!!!!!

    المهم..

    في الحوار ، صلاح بروان..اتكلم عن الفنان وليم اندريا..وذكر معلومة جديدة للناس المهتمة بتجربة هذا الفنان الشاب ..انو كان فنان شامل (مزيكا ، باسكت بول ، تشكيل ورسم)..حتة التشكيل دي معلومة جديدة..وللأمانة والتاريخ..وليم اندريا اتكتل خطأءا ذات انقلاب سوداني..وهو حركة الثاني من يوليو1976 ، المعروفة بحركة محمد نور سعد..!!..وقد مرت ذكراها الواحد واربعين قبل خمس ايام من بداية هذا البوست..!!!!!!

    في الحوار ، صلاح بروان جاب سيرة الأستاذ بدر الدين عوض(اضواء بحري)..والد الفنانة دكتورة منال بدر الدين..وكانت عندها تسجيلات مع عقد الجلاد..ثم فرقة خاصة تغريبا اسمها (الدعاش) ، وهي اول فنانة خرطومية تغني اغنيتنا (نحن ناس الخلا) الشهيرة (الجنزير التقيل)..ومرقتها في مصاف متقدم للغاية..!!

    صلاح بروان قال شهادة طيبة عن ابنه ايمن الربع ..انو بيؤلف مزيكا وبيصمم رقصات وذكر على سبيل المثال تجربة البوم للفنان طه سليمان..!!

    فوق لده كلو..وفي الحوار ده ، صلاح بروان قال مافي حاجة اسمها مزيكا جاز في امسودان ، والحاصل انو شغل حديث (حداثة)..!!
    ناهيك عن الفن السوداني البيتقدم في السويد وبلجيكا..ولسع ما قادر يمرق للعالم بحقيقتو الأصلية..!!!


    هنا نموذج من اشغال الأستاذ صلاح بروان (شغل قديم)..عشان نربط الحاجات ببعضها البعض..ما يسمى بــ(الجاز) كان تمرد على السائد..والآن ما يسمى بــ(الزنق) برضك تمرد على السائد..!!




    اخونا الذي نشر المادة في اليوتوب..كاتب انو الفنان كمال كيلا..ونقلتها من قبل على هذا الأساس ..ولكن صديقنا ول ابا المعز ابو نورا وضح انو ده صلاح بروان..ومن وقتها عرفنا كيف نميز بين الحاجات وما نعير ساكت..!!

    الغنية فيها شغل اجتماعي كبير وجميل..ولأنو صلاح بروان من ناس امدرمان..فكان بيستصحب فكرة (عرس الكورة) ايام المهدية..هي الفكرة العاروا بيها ناس الجبهة الإسلامية في بدايات الإنقاذ..عبر ظاهرة (العرس الجماعي)..!!!!!!!!!!!!

    اها ناس (الزنق) اتكلموا عن ياتو ظواهر اجتماعية..وقاموا بتمجيد بعضها على البعض الأخر..فهذا ما يحتاج البحث والتنقيب..!!!!!

    السيوسيولجيا ..غائبة في المشهد السوداني ، يعني دراسة الظواهر ومحاولة تكييفها ومعرفة اسباب حدوثها..دي ممارسة غائبة في المشهد السوداني ..ودي الحتة المحتاجة انتباهة..!!

    وحتى الآن واقفنا في خانة التطرف بتاعة ابيض واسود..هلال ومريخ..يعني يا حلال (ونواصل فيها) ..ياحرام (ونقطع دابرها)..مافي خيار في النص..خيار قوانين الحراك الإجتماعي والأزمات الإجتماعية والسياسية والإقتصادية البنمر بيها كسودانيين..!!..واثر كل ذلك في المزاج العام..!!

    ونعتذر عن الخروج على النص لو حصل..!!

    واتمنى يا ول ابا سيف انها تكون اضاءة تساعدك غي البحث عن تأصيل الظاهرة ، خصوصا تجربة ايمن الربع..!!

    كبر
                   |Articles |News |مقالات |بيانات

07-14-2017, 09:07 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: Kabar)


    قبل الخروج..يا ول ابا سيف..الظاهرة متجذرة في المجتمع السوداني بصورة لا يتخيلها العقل..!

    في البداية كانت الإشارة الى انو دي صب كلشر ازدهرت في الحوافي والأطراف المهمشة وجدانيا وثقافيا واخلاقيا..ولكن..!

    هذا نموذج للشاب (نيجيري ، الإسم تقريبا ينطق كأنما تنسب الى جمهورية النيجر وليس نجيريا)..وملاحظ تقليده لأيمن الربع في الحركات والإنفعال مع المزيكا..ومعاهو شلتو..!!



    هذا النموذج اتعرض في المسرح القومي بامدرمان..نفس المسرح الغنت فيها ام كلثوم..وشهدنا فيه مسرحيات الفاضل سعيد وغيرها من فعاليات وانشطة..يعني الجماعة شوية شوية خاشين على ابو خاش السستم..!!


    ومن نفس المسرح القومي..نو ن ماليزيا..دي غايتو الإ كن اكتب ليكم قدامها (الفي عصر مرورو..!!)..



    غايتو يا ول ابا بدر السنوسي..الإنقاذ دي خستكت بينا..لكن كمان ما قدر ده..!!

    لاحقا ، لو لقينا فرقة ..نجيب غنية (الجقول) القام واحد سوداني مرقها (ماسونية) باب العديل..


    ونشوفكم
    كبر
                   |Articles |News |مقالات |بيانات

07-14-2017, 09:09 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    Quote: ما يسمى بــ(الجاز) كان تمرد على السائد

    كبر أخوي!
    نشوة (الحكي) واللبط ما تجرفك ساكت!
    الجاز عمره ما كان (تمرد) بل مجرد مجاراة لظروف اتخلق فيها وعي الأفارقة بالواقع الجديد.
    فلما الواحد يلقى نفسه في بيئة جديدة (لويزيانا، مسيسبي، نيوأورلينز وغيرها) ما بيكون عنده بد غير التأقلم


    كلمة (تمرد) دي تعبر فقط عن البيض لما قرروا يتبنوا موسيقى الأفارقة الجديدة عليهم
    والكان معظمهم ينظر إليها على أنها موسيقى (خدم وعبيد) زي ما أخينا صبي الكفيل (برنس) بيحاول يقول الكلام دا وهو راكب فيل الدين
    وداير يجيبا لينا "من فوق" من (السما الأحمر) مع شوية تلميحات من شاكلة (المريسة والنضارة الشمسية) والزنا
    وكثير من العقد الموروثة البتخلي أمثاله ينتفض أول ما يشوف أفريقي مستقل بثقافته

    الجاز يا كبر كان ممنوع، يعني محرم إذاعته في ألمانيا بأمر هتلر شخصياً، سموهوا (Negermusik)



    عشان تعرف ليك ولزمانك، ذات ألمانيا البقت تستقبل ري تشارز بعد الستينات

    وفي الأصل كيف (يتمردوا) وهم تحت المراقبة والقهر بقوة السلاح؟

    يبقى الموسيقى الأفريقية (غرب أفريقيا) تحديداً لما حاولت تعبر عن نفسها في محيطها الجديد
    ما لقت طريقة غير التأقلم باستخدام الإيقاع المنخفض جداً والعزف الهاديء تجنباً لإزعاج السيد الأبيض
    والألحان البتعبر في غالبيتها عن الحزن مع الارتجال، مافي تدريس موسيقى يا كبر! ولا حتى تعليم أساسي
    ودا كله نتيجة الاضطهاد والخوف من منعهم من ممارسة حقهم الطبيعي في الفرح.

    نفس الظروف دي يا كبر أوجدت للعالم موسيقى الكليزمر (klezmer) اليهودية
    ودي نشأت في نفس الظروف في أوروبا الغربية عندما كان اليهود أقلية ترزح تحت ضغط الدول الأوروبية
    وبرضو نفس السمات، موسيقى هادئة خفيضة بالكاد تميز صوت الآلات فيها

    ودلوقتي لدينا (الزنق)!
    والبتحاول تصفه انت وغيرك بأنه (مارشات)، خير!
    مين سمح ليكم تسموهوا (مارشات)؟
    شاورتوا أهلو هناك أهل نفس الموسيقى والإيقاع؟
    مش يمكن عندهم ليهو مفردات وثقافة كاملة ما معروفة؟

    ولا دا (alienated name) عشان تفرضوا عليهم وين يطبقوا الفن بتاعهم؟
    يا كمان قول لينا إنك بتنقل عن غيرك (ساكت)

    مشكلتك بتكتب بدون تفكير.
                   |Articles |News |مقالات |بيانات

07-14-2017, 10:08 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: حاتم إبراهيم)


    معليش يا حاتم..
    انا بكتب وفق سياق عام محدد..وكنت قايلك حصيف ح تفهمو زي ما بقية القراء والقارئات الأذكياء الذكيات قاعدين يلقطوها طايرة..

    نعم حدث خطأ منهجي من جانبي.. لمن قلت الجاز كان تمرد على السائد ..كنت ولازلت اتحدث عن حقل ثقافي وسيوسيولوجي محدد هو الحقل السوداني..وما يسمى بـ (الجاز) لمن ظهر في الحقل السوداني كان تمرد على السائد من ايقاعات سودانية موجودة..ونموذج اغنية الحقيبة..بنفس القدر..الزنق لمن ظهر..كان مفارقة للسائد في المشهد السوداني ، لذلك هو تمرد بحسب المعايير الموجودة..

    صحيح تسمية المارشات ..قد تكون اسقاط ثقافي مستلف..ولمن ترجعها لأصلها السوداني وفقا للإيقاعات السودانية ومسمياتها الأصيلة يبقى من حقك تتكلم..وياهو داك الحقل قدامك ولازال بكر محتاج التأصيل والتوثيق والتنظير..فدع عنك الحنكشة بتاعة انو ناس الزنق بيسموها شنو..ناس الزنق ديل لو طاروا او ركوا شغالين حاجات عندها جذور سودانية وانت اخر من يعرفها على اصولها ..فشنو خليك في العلف المجوبك بتاعك بتاع القشرات ناس اليهود عندهم مزيكا اسمها شنو ولا هتلر عمل شنو..ولا ناس امريكا رأيهم شنو في الجاز..تعال اتكلم سوداني بالدرب العديل..ولو قدرت تمرق من فكرة المدينة السودانية..بعد داك بنعتبرك مبدع ومبتكر وعندك فهم مع الناس..بخلاف ذلك ما انت الإ نموذج ردئ للغاية للمسخ المشوه..!!

    الجاز والبلوز والسول يا حاتم..حاجات حايمة في الريف السوداني ..وقمنا عليها واتربينا فيها وشكلت وجداننا البنغالطك بيهو هنا..!

    وصية اخيرة يا حاتم..امرق من عقلية الشفع بتاعة المطاردة وشيل بقج الغبائن والحوامة بيها في دروب الأسافير ، تحديدا هذا المنبر..عندك مشكلة مع كبر..اتحاسب معاهو بعيد عن حاجات الناس..!!

    دي اخر مفاهمة معاك..استعدلت وبقيت انسان متصادق مع روحو بعيدا عن الإستهبال والمحاولات البائسة لتصفية الحسابات..احتمال نعيد النظر ونتفاهم معاك..اما حكاية الشوفونية والقشرات الأنانية وتصور انك نصف اله المزيكا..فدي يا قريبي ما بتنفع معانا..!!

    انا سوداني يا حاتم..وبعرف حاجات السودان زي الترتيب..بتقدر عليها تعال اتناقش..ما بتقدر عليها..اخير تشيل ترتارتك وتتخارج..!

    سكت ليك في بوستك (ميز كبر) عارف ليه؟..لأنو وصلت لقناعة بانك اناني وبتاع قشرات ومتصور روحك مافي الدنيا غيرك..مع انك مسخ مشوه استفاد من فرصة تواجدو في امريكا (ارض الفرص) وحقق ليهو شوية نعيم دنيا زايل وافتكر روحو كل حاجة..!!

    بوست سيف النصر البتفتكرو مجرد ونسة وحكي ولبط..اكثر عمقا من كل افكارك يا حاتم ابراهيم..!

    اهو الظاهرة قاعدة قدامك..لو عندك فيها فهم مع الناس تعال سويهو وانقرع من مناقرة كبر..لأنها ما تفيدك غير ترضي غرورك الصغير بتاع انك داير تحقق ليك انتصار بأي شكل كان..!!

    لعلمك يا حاتم..كبر قاعد في المنبر ده قرابة الخمسطاشر سنة..وغيرك حاولوا قمعو وطردوا من المنبر..وفي النهاية عادوا يلقعوا جراح الإنكسار..!!


    اها ايقاعات المارشات دي في ثقافة الدنيكا ، جبال النوبة ، دارفور..اسمها شنو باللغات المحلية؟..وثقافة الغنا المارقة منها في كل حتة كان اسمها شنو؟..والنقاقير ظهرت في الثقافات دي متين..وتطور كان كيف..لغاية وصلت (الزنق)؟..ما تعلف من قوقل..جيبها تاريخ عدييل من اماكنها..ولا دي ثقافات اقل من مقامك وبتتأفف منها زيك وزي باقي مثقافتية امسودان؟..




    كبر
                   |Articles |News |مقالات |بيانات

07-14-2017, 09:32 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    Quote: يضم مجتمع الزنق تشكيلات مهنية متنوعة، لكن المغنين عماده، بالإضافة إلى فنيي الـSound System، وعازفي الأورغ والآلات الموسيقية المختلفة. فضلاً عن بعض المنخرطين فيه من القوات الأمنية، و"الحلوات" وهو تعبير سوداني عن الذكور مثليي الجنس، وبعض النساء اللواتي يبعن الشاي في أسواق الحواري.

                   |Articles |News |مقالات |بيانات

07-14-2017, 10:23 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: حاتم إبراهيم)


    وحتى اللحظة يا حاتم..ما قلت رأيك الخاص في ظاهرة الزنق..سواءا موسيقيا او سيوسيولوجيا او اخلاقيا او جماليا..!!
    شغال بنفس تكتيكك الطفشت بيهو الموصلي..تلقط كلام الناس..وتقوم تدور..!!
    وعشان نكون واضحين يا حاتم..اسلوبك زي اسلوب الداعشي البرنس ود عطبرة..جوطة في جوطة وعواء هايف بمظنة تطفيش الناس من البوست ده..!
    قول رأيك انت شخصيا..واشك في انو يكون عندك رأي..لأنك ما بتعرف المجتمع السوداني وقوانين حراكو وخلق امزجتو..ببساطة لأن المجتمع السوداني ماهو صوالين مثقافتية وطنقعة مثقافتية في الفارغة..!
    قول رأيك لو عندك رأي مع الناس..
    او شيل ترتارتك واتخارج امشي ابني ليك مجد في محل تاني..
    كبر
                   |Articles |News |مقالات |بيانات

07-16-2017, 05:45 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    Quote: مراحب بحاتم ابراهيم و ننتظر مساهمتك و تحليلك الموسيقي لظاهرة الزنق.

    شكراً أخي سيف النصر
    سأعود للتعليق على النواحي الموسيقية
    لكن بداية اسمح لي بإجراء بعض التشذيب هنا وهناك.


    Quote: يضم مجتمع الزنق تشكيلات مهنية متنوعة، لكن المغنين عماده، بالإضافة إلى فنيي الـSound System، وعازفي الأورغ والآلات الموسيقية المختلفة. فضلاً عن بعض المنخرطين فيه من القوات الأمنية، و"الحلوات" وهو تعبير سوداني عن الذكور مثليي الجنس، وبعض النساء اللواتي يبعن الشاي في أسواق الحواري.
    كلام غير محترم وغير مسؤول
    هذا رأي شخص فقير جداً في موارده الثقافية وسعة مواعينه ولا أعرف فيم حصوله على جائزة؟
    فهو يفترض (رفض المجتمع) لها ثم نعود ونكتشف أنه هو الذي يرفضها ليس لأنها موسيقى بل لأنه لا يرى فيها (أشباهه) من المستمعين والمؤدين، وهذا جهل واضح، بل يتخطى كل ذلك ليحصر مجتمع هذه الموسيقى في أفراد ومهن بعينها محاولاً ربطها بالسلوك والوضع الاجتماعي والاقتصادي.

    في عام 1961 رفض ري شارلس الغناء في جورجيا بعد أن علم من معجبيه الطلاب في جورجيا أن السلطات تفرض عليهم أن يقبعوا في المقاعد الخلفية للمسرح وذلك لأن راعي الحفل يلتزم بعدم اختلاط الزنوج بالبيض في الرقص في الساحة أمام المسرح، في تلك الفترة كانت القوانين العنصرية لا تسمح للمغني الأسود أن ينظر ناحية النساء البيض أثناء الغناء! ربما لهذا برعوا في الرقص واضطروا لوضع النظارات السوداء! ولا أقصد ري شارلس بذلك (فهو أعمى).

    ومع أن ري شارلس اقترح تبديل الأوضاع بأن يتم وضع الأكثرية من معجبيه السود أمام المسرح حلاً للمشكلة ولكن تم رفض اقتراحه، فما كان منه إلا أن ألغى العرض من طرفه معرضاً نفسه للغرامة المالية للإخلال بالعقد، وقد برر ذلك فيما بعد قائلاً (أشعر أن هذا شيء قليل لدعم مواقفي ولمساندة الطلاب للدفاع عن المباديء التي يؤمنون بها).

    لكن بعد عامين فقط (1963) عاد ري شارلز لذات المكان (Bell Auditorium) يغني أمام جمع مختلط من السود والبيض يرقصون في الساحة أمام المسرح، والآن كل المسرح بتوسعاته يسمى (James Brown Arena).

    ذات الموقف تكرر في (السودان) في بواكير الستينيات (للمصادفة) عندما رفض أحدهم رقصة العجكو التعبيرية لأنها (لا تشبه) ما يتمناه.

    ويذكرني كاتب المقتبس بمحاولته تلك مقولة كنت قرأتها عن أحد الصحافيين بعيد الاستقلال، لا أذكر من اسمه سوى (كشة) قيل أنه كتب يستغرب على (بنات الأسر) الولوج لمجال الغناء وهو يعني ثلاث فتيات مشهورات وكأنه يوصم عائشة ومنى الخير وأم بلينة وثنائي النغم بعكس ذلك.

    ويتكرر المشهد الآن هنا في المنبر مصحوباً بنبرة دينية انتهازية برنسية غير واعية، لعلها تتمنى على الجميع أن يؤدوا العرضة النجدية بالعقال.

    _____
    تحسباً واحتساباً واستلاباً محكماً ومزمناً.

                   |Articles |News |مقالات |بيانات

07-17-2017, 10:54 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)

    Quote: مراحب بحاتم ابراهيم و ننتظر مساهمتك و تحليلك الموسيقي لظاهرة الزنق.

    مرحبا مرة أخرى
    في رأيي المتواضع أن فن (الزنق) أو هكذا يجب تسميته لا يختلف كثيراً عن الصرعات الموسيقية التي اجتاحت أمريكا فترة السبعينيات والثمانينيات إلا في الجغرافيا فقط وربما السمة الأفريقية الغالبة على الإيقاع واللحن.

    فبالرغم من القالب الموسيقي الممل والمتكرر إلا أن التعبير بالجسد مختلف بعض الشيء عن المألوف، فلو تجاهلنا الموسيقى وركزنا على شخصية واحدة من المجموعة الراقصة سنكتشف شيء أشبه بالتمثيل الصامت أو المايم (mime) وكأن أحدهم يرغب في التعبير عن حال أو قصة قصيرة.

    والموسيقى التي أراها هنا تعبيرية لا تختلف كثيراً عن موسيقى أفلام الرسوم المتحركة إلا في طبيعتها الإيقاعية والديناميكية الصاخبة وهذا شيء طبيعي نظراً لنشوءها في محيط أفريقي، ومن الواضح أنها منقادة للتعبير الحركي (motion driven) فالرقص المعروف يأتي تبعاً للموسيقى مع أنها لم تكن كذلك عند بداياتها الأولى فهذه الموسيقى النمطية كانت تأتي في خواتيم غناء البنات في الحفلات ثم استقلت بذاتها فيما يعرف الآن بالزنق غض النظر عن أصولها التكوينية.

    هذا التوجه ينتج نمط أو استايل (style) وليس نوعاً أو جنرة (genre) جديدة من الموسيقى، فبحسب التصنيف الغربي هذه الجنرة موجودة عالمياً باسم (Synthpunk) أو (Electropunk) وتؤدى بآلات مشابهة للذي يظهر في الفيديوهات، فهم يستخدمون لوحات المفاتيح من النوع الذي له قابلية تخليق الأصوات أكثر من غيرها ضمن فئة السينثايزرز مثل (technics, korg) ولعلهم لم يطلعو كفاية على المتاح الآن في الأسواق أو لعل المجتمع ذاته ليس جاهزاً لتقبل هذه الأدوات والأجهزة مع كونها أكثر غلاء وتعقيداً وربما لو أتيحت لهم لسمعنا و(رأينا) عجباً.

    هذا النمط أو الاستايل يتميز بالنزوع للإيقاع الثقيل مع تخليق الأصوات (وهي سمات موسيقى punk) والتي قد تكون تعبيرية أو غير ذلك حسب المتاح من الآلة ومع إضافة الرقصات التي لا يبدو أنها ناتجة عن تدريب بل تقليد لشخص المؤدي واهتمام شخصي واضح من فئات عمرية شبابية.

    قد تبدو مثل صرعات السبعينيات التي كادت أن تختفي وتصدرت فيها الآلات الوترية مثل الجيتار والتي عادت بقوة في مطلع الثمانينات مع ظهور النسخ الإلكترونية من آلات متعددة من بينها الإيقاعات والآن لوحات المفاتيح متعددة الاستخدامات.

    هذا النمط لن ينتهي قريباً بل ربما يتطور خاصة مع توفر التقنيات وسرعة الانتشار الإعلامي، وهو مجال مناسب لامتصاص طاقات الشباب يجب دعمه بل اعتقد أن هنالك آلات أنسب لهذه الاستعراضات الديناميكية الراقصة مثل آلة الثيريمين (theremin) بأشكالها المختلفة



    أو مثيلات الثيريمين

    _____
    شجعوهم.
                   |Articles |News |مقالات |بيانات

09-13-2017, 03:53 AM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7887

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: حاتم إبراهيم)

    شكرا يا حاتم على الاضافة الثرة.
                   |Articles |News |مقالات |بيانات

09-13-2017, 08:42 AM

مني عمسيب
<aمني عمسيب
تاريخ التسجيل: 08-22-2012
مجموع المشاركات: 13747

للتواصل معنا

FaceBook
تويتر Twitter
YouTube


Re: عمك و الخالة Counterintuitive (Re: سيف النصر محي الدين)


    التحية للزنق .. ظاهرة تعكس مشاكل وهموم البلد
    بمنتهي البساطة .. سياسية كانت ام عاطفية .... الخ .

    وبالمناسبة الربع دا ممكن جدآ يكون موسيقي عالمي .
    لكن زي ما عارفين حكومات السودان دائمآ ظالمة باهلها !

    اما بخصوص الشابات ديل ممكن يكون دورهن اكبر واكتر
    طيلة ما هم لامين راس كتير من الشباب والشابات حقيقة
    حاجة جميلة جدآ لكن الطالبنوا منهم كلهم معالجة السلبيات
    الانتشرت في المجتمع زي المخدرات وتبيض البشرة بالنسبة
    للبنوت وياريت يبدن بنفسهن .

    اغنية فيها كلمة ( منقة ) كلمتي المفضلة للحبيبة وضاحة ههههههه .

    اهداء خاص للمنقة وضاحة .

                   |Articles |News |مقالات |بيانات

09-17-2017, 01:58 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 1444

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: سيف النصر محي الدين)

    سلام سيد البوست
    داير أرد من أول أمس لكن مداخلاتي الستة ديل أشايل فيهم يمين وشمال مافي فايدة

    يا بكري أبوبكر والله حرام عليك! أنا بناقش في مواضيع بتهم الأمة بشقيها وانت مديني 6 مداخلات
    ما بكفن والله، العشرين ما بكفن، هسع زي زهير دا (برد جوفك) تديهو عشرين عشان يكلمنا عن شكلة الفنانين والخدير ماني حي الأكلو الطير ووب وأحي؟
    الأذى الجسيم.

    =======

    طيب يا كبر، رجعنالك
    طلبت مني أعلق وباهوني علقتا
    أها، أي سؤال؟
                   |Articles |News |مقالات |بيانات

09-18-2017, 07:45 PM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: حاتم إبراهيم)

    تحياتي د. سيف و ضيوفه،
    حقيقة، سعدت بهذا البوست و طرحه المتميز، و ما عارف كيف ما شفته رغم وجوده لأكثر من شهرين.
    في إطار البوست هنالك الكثير الذي لم نتطرق له، كجوانب الإمتاع Entertaining, المخاطبة و الرسائل و أفكار الفكاهة كنوع من التواصل و الإمتاع أيضاً، جماعية الأداء و المشاركة. كذلك يتمدد الزنق كفكرة ليشمل غناء ما يعرف ( بالقونات) و هن المغنيات غير التقليديات، شئ أكثر من غنا البنات المتعارف عليه و إن كان يخرج من نفس المشكاة.
    هذا الفن يملك كل المقومات ليصبح الوجه الأنصع من الفن السوداني، It will takeover .
    لي عودة بعد الإطلاع على ما كتب.
                   |Articles |News |مقالات |بيانات

09-19-2017, 03:17 AM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)

    تحياتي أخي كبر،
    لقد ذكرت بأن هذا الغناء خارج المين ستريم، و لكن قرائن الأحوال في السنين الأخيرة تثبت عكس ذلك. فمثلاً في أحد فيديوهاتك أعلاه، أولاد الكيزان طاروا بالنزنق إلى مدينتهم المنورة في ماليزيا (نيجيري و نون في ماليزيا)، كذلك هنالك فيديو لأيمن الربع في ماليزيا.
    على الصعيد المحلي، في كثير من الفنانين غنى مع الربع و زمرته و منهم طه سليمان، فهل هنالك مين استريم تاني؟؟
    الشباب ديل Entertainers عشان كده ماشين بسرعة كبيرة و بيكتسبوا أرضي جديدة بسرعة مذهلة.

                   |Articles |News |مقالات |بيانات

09-19-2017, 03:26 AM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)

    تعرف أغاني ( القونات) بأنها أغاني زنق أيضاً. و دي برضوا عندها نجومها و حضورها الطاغي. فيها Entertainers و عندهم Messaging and Communication, الموضوع فيهو Teasing, و بهجة أبعد من الغناء المحض بكثير.
    شوف الفيديوهات دي بتتحدث عن نفسها كيف!!
                   |Articles |News |مقالات |بيانات

09-19-2017, 03:28 AM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)




                   |Articles |News |مقالات |بيانات

09-19-2017, 03:29 AM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)

                   |Articles |News |مقالات |بيانات

09-19-2017, 03:49 AM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 1845

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)

    الشباب ديل، ناس الربع و نيجيري و بتاع الإيقاعات قسوم و بعض من العازفين و فريق الرقص المصاحب، معاهم فنناتهم ديل أو لو أضيف لهم بعض ممن أصبحوا يتغنوا بالإنجليزية، بحبة تنسيق ممكن يعموا أعظم مجموعة سودانية، تعمل توور في أوربا و أمريكا الشمالية، و يبقوا ما فاضين لأي فنان سوداني أو قنوات سودانية.
    الزمن ده جايي قريب صدقني و عندها مافي زول ح يتكلم عن المين استريم، لإنها حتكون العالمية، فن أفريقي مختلف و غاية في الإمتاع.
                   |Articles |News |مقالات |بيانات

09-19-2017, 04:41 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Abuzar Omer)


    ابوذر..حبابك يا صديقي

    التم تم يا صديقي ذات يوم كان مرفوض من قبل المين استريم كلشر ، ولكن بالمثابرة اثبت وجودو وحل محل الحاجات السابقة ليهو..ودي دورة التطور الطبيعية..

    الآن شغل الشباب ديل ، في البداية كان مستهجن ومرفوض ، ولكن بالمثابرة اصبح حاجة ظاهرة ومهمة ويصعب تجاوزها ، ومثلما قلت انت في يوم ح يكون هو في ذات نفسو المين استريم..لغاية ما تظهر حاجة جديدة..

    عجبتني عبارتك في توصيف المضمون..بانو
    Teasing
    يعني شغل المكاواة ، ودي نقلة في الخطاب والأخلاق التي تقف خلف هذا الخطاب وهي حاجة محتاجة لدراسة عميقة..يعني خطاب الغنية السودانية سابقا كان بيحرص على المداراة والتضمين ومحاولة الكلام بلغة استاندرد ..هسع الشباب ديل شغلهم بقى مباشر..يعني شكل الونسة العادية..وهنا اتمحت الحواجز المصطنعة بين النص والواقع..!

    كان في بالي اشير لتجربة قسوم..(صاحب النقاقير/الطار)..وكويس انك اضفت ليهو نموذج هنا ، وسوف اضيف نموذج اخر..فكرة قسوم اعتبرها انعطافة جديدة في كل مشهد الزنق ، فاشغال الطار (توظيف الطار في مثل هذا النوع من الغناء) هي لفت الإنتباه لفن مستهجن ومهمش في السودان ، وهو فن الزار..!
    ففي تجربة المشهد السوداني الغنائي والموسيقي ، نادرا ما الناس توظف فكرة الزار وطقوسه والاته (الطار والنقاقير) ، ولكن هذا الشاب بالذات انتبه لهذه الفكرة ووظفها ، واكيد بتكون اضافة جيدة..!




    كتر خيرك..
    وكتر خير صديقنا سيف النصر..صاحب هذه الكوة الجميلة..

    كبر
                   |Articles |News |مقالات |بيانات

09-19-2017, 04:49 AM

Kabar
<aKabar
تاريخ التسجيل: 11-26-2002
مجموع المشاركات: 15172

للتواصل معنا

FaceBook
تويتر Twitter
YouTube


Re: عمك الربع و الخالة ذكريات (Re: Kabar)


    اضافة صغيرة..سقطت سهوا..
    الطار ليس فقط مقصور على فن الزار ، وانما ايضا الة اصيلة عند اهلنا في الشمال..وبيظهر في كثير من فنونهم الغنائية..!
    استخدام الآلات الموسيقية السودانية مثل الطار والنقاقير (وشايف البعض الآن بيستخدم الطمبور)..، خصوصا في تجربة الزنق..هو اتجاه جيد لمحو تغريب الموسيقى السودانية ، وجعلها سودانية صرفة..يعني بعد شوية ح نشوف ازاحة للكيبورد..والكمان..مثلما اصبح الأكورديون الآن قليل الإستخدام..
    كبر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de