علي مهدي وزيرا للثقافة ؟؟!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-11-2018, 05:17 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-02-2017, 02:37 PM

محمد عكاشة
<aمحمد عكاشة
تاريخ التسجيل: 27-01-2005
مجموع المشاركات: 8262

للتواصل معنا

FaceBook
تويتر Twitter
YouTube


علي مهدي وزيرا للثقافة ؟؟!!

    02:37 PM February, 09 2017

    سودانيز اون لاين
    محمد عكاشة-
    مكتبتى
    رابط مختصر


    ربع قرن تصرم علي هجمة (الإنقاذ ) المرتدة علي مشروعات الإحياء الثقافي والفني وعلي حياة الناس وفق زعم مستغرب لإعادة (صياغة) الإنسان السوداني الذي زلزله المشروع ( الحضاري ) زلزلة وهز (كيانه ) هزا حتي ضج وصاح بوجه المشرع ..أها.. وكيف ناوي تعمل بي قلوبنا وحنانا ؟؟
    تراجعت المواسم المسرحيه وغدا الغناء عرضة لتخاصم المنظرين الأخفياء جدالا حول الحل والحرمة والأمور المشتبهات حتي صيغت علي عجل قوانين وأوامر محلية ضد الحريات لتحد من حركة الإبداع وتحاكمه من خارجه..
    إذاك فقد السودان جزء نادرا من الآثار التي تدل علي حضارته التالدة ولقدتم تهريب معظمها للخارج من قبل بعض المتاجرين ليصمت علماء الآثار مكرهين وهم يتغاضون عن ذلك في حسرة خشية اتلافها من قبل الحكومة وهي تتغافل عن قيمتها بتفكيرها (السلفي ) المضطرب الذي ينكص إلي الماضي دون استبصار بمقتضيات العصر..
    كادت مكتبة تلفزيون السودان الذاخرة تتلف جملة واحدة بفعل ( الهوس ) الذي تلبس البعض وقتها وقضي بحرق (نفائس ) من عيون الحقيبة ومن شعر المحدثين الرقراق لمجرد ورود كلمة خمر أوكأس أوغزل رفيع ولولا أن قيض الله بعض العاملين بالتلفزيون استهموا لنقل بعض الاشرطه الي أمكنة ومظان أمينه لضاع إرث عظيم..
    ثم تمضي الأيام وتلفزيون السودان ذاته يعود ليتجه نحو الإنتاج الدرامي بصورة مكثفة رغم(المحاذير ) ولقد كان لوجود الاستاذالسرالسيد علي إدارة الدراما دور مهم فالدراماعمل يصوب نحو المجتمع ويعبر عن الهوية ويسهم في التنمية الثقافية والحراك المجتمعي..
    الإنتاج الدرامي في تلفزيون السودان ينهض في خط مواز له حينذاك مهرجان ليالي البقعه المسرحيه والذي جعل ليوم المسرح العالمي ميقاتا لانطلاقته ولنشاطه ولقدكان سانحة للشباب للتنافس في شرف مروم يوظف طاقاتهم ويعكس ابداعاتهم فالمسرح أبا الفنون ولاريب..
    مهرجان( البقعه) يعتبر نشاطا أهليا يقوم به المسرح الوطني حرا بلاقيد ثم هو لأهميته التي ثابر لإثباتها يلفت نظر المؤسسات الرسمية بما فيها وزارة الثقافة ورئاسة الجمهورية وجهات أخري عديدة.. كيف لا وقد غدا محفلا حاشدا وموسما لإحياء ثقافي جامع يضج لمتابعته جمهور عريض يتدافع نحو المسرح القومي بامدرمان..
    نشاط (البقعه ) المسرحي هو من بنات أفكار الاستاذ علي مهدي ومن مشروعاته اللافته وهو برغم مايلاقي من نقد في سبيله ومايجترح مسعاه فيه من ممانعة من قبل البعض سواء من المسرحيين أو الكاتبين إلا أنه مضي نحو التأسيس لنشاطه بصورة متقدمة ليتشارك (البقعة) في لياليه عددمن الفرق والجماعات المسرحية من اوروبا ومصر والدول العربية في تظاهرة لا تستطيعها وزارة الثقافة التي يتناوب حقيبتها في كل تعديل وزاري من يسترضون حزبه وجماعته في قسمة ضيزي تضر بقطاع الثقافة وتذري بدورها في رتق النسيج الاجتماعي والوحدة المرجوة..
    الاستاذ علي مهدي بعلاقاته الخارجيه الواسعه ومشاركاته في المهرجانات الاقليمية والدوليه المختلفه وبمقترحاته واطروحاته الثرة لإغناء الثقافة الوطنيه وبفصاحته المبينة قال بترشيحه وزيرا للثقافة في العهد الجديد الاستاذ جمال عنقرة في ( تأملاته ) وهو به زعيم ونحن بدورنا نتطلع الي حكومة تعود بالإنسان السوداني إلي ماقبل برامج إعادة صياغته وترجع بالنشاط الثقافي إلي سابق عهده وذلك بالاستاذ علي مهدي وزيرا للثقافة او بالاستاذ عنقره ذاته...
    المافي شنو؟؟
    --------------
    الثلاثاء7فبراير2017
    صحيفة المستقلة
                   |Articles |News |مقالات |بيانات

09-02-2017, 02:51 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12618

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: محمد عكاشة)

    علي مهدي مسخ محسوب على الدراما السودانية ...

    و لكن لا استغراب يا عكاشة ...

    جات عليهو هو يعني عشان تتم الناقصة ...
                   |Articles |News |مقالات |بيانات

09-02-2017, 06:10 PM

الصادق عبدالله الحسن
<aالصادق عبدالله الحسن
تاريخ التسجيل: 26-02-2013
مجموع المشاركات: 2867

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: يحي قباني)

    Quote: علي مهدي مسخ محسوب على الدراما السودانية ... و لكن لا استغراب يا عكاشة ... جات عليهو هو يعني عشان تتم الناقصة ...
    لا تظلم الرجل يا قباني ودعنا نتفاءل
    خصوصاً وأنه في مقطع الفيديو في الأدنى هناك رأي إيجابي صريح للممثل والشاعر والناشط الاجتماعي وعضو سودانيزاونلاين (طارق الأمين) في قدرات الأستاذ علي مهدي، وسرد مفصل لنوع الإنجازات التي يمكن أن تتحقق مع مجيء الشخصية الفذة التي يرشحها الأستاذ محمد عكاشة لتقلد حقيبة الثقافة لتُلحقنا بركب الحضارة و"نتوجه معها حضارياً" ونحلِّق في آفاق ثقافية ما كنا بالغيها إلا بشق الأنفس.

    بصمات علي مهدي وأياديه البيضاء على المسرح والفنون وبيت الفنون وبقية ساحات الدراما والثقافة لا تكتفي فقط بتأهيله لمنصب متواضع كوزير للثقافة السودانية وإنما لتسنم مناصب عالمية كأمين عام لليونسكو..
    علي مهدي وفرادة إمكاناته تبدو جلية إن تأملنا بعين فاحصة ما بين سطور القصيدة وما بين ثنايا أبياتها:



    بالطبع لم يتح ضيق الوقت للأستاذ طارق الأمين تلاوة القصيدة كاملة في استديو القناة خصوصاً تلك الأبيات المكتوبة في الأسفل باللون الأحمر التي تمتدح الوزير المرشح للثقافة السودانية والأمين العام المرتقب للمنظمة العالمية للتربية والثقافة والعلوم :
    ----------------------------------------------------
    (( يارحمن أرحم بي جودك
    وخلي الحب ينزل في بلودك
    ***
    شيخنا خليل بي فرح اشعارك
    خلي غلاظ القوم تتبارك
    قوم يا الكاشف سن اوتارك
    وضوي ظلام الليل بي نارك
    ابداوود معلوم مقدارك
    ومقدار كل من زارك ودارك
    ***
    اتقدل بي عودك وطارك
    في الغافلين بيِّن اسرارك
    وامسح ظلم القوم عن جارك
    ***
    يابلدا غنت انهارك
    وبين نهرين فاحت ازهارك
    وين سمارك وين زمارك
    من برهانك لي زنقارك
    بالحب تقدل تاخد تارك
    ولىَّ خلاس زمن استحقارك
    في الوجدان الحي نتشارك
    نجر النمه بدل نتعارك
    يابوليس اعزل اشرارك
    درب الفن للسلم خيارك
    في المزيكا بهاك ووقارك
    وضرب الناس في مسرح عارك
    يابلدا ان دُرت نضارك
    افرد بين الناس مزمارك
    لاتكون فظا تلقي دمارك
    ولاتتفرزع ربي أجارك

    ***
    يارجال فلاح اتلمو
    وجرو النمه جميعكم همو
    الطمو عدو الفن في فمو
    البوليس لاتهدرو دمو
    خلو شويه يخفف دمو
    ***
    يابن الدوش شيخنا الفناني
    ياصاحب الفتح الانساني
    ياعركي ونور الجيلاني
    ارمو سهامكم يافرساني
    ***
    ود الرضي عدل نيشانك
    فوق الكل عامر ديوانك
    هم ياشيخ الناس حيرانك
    في البوليس بين برهانك
    ***
    شي لله ياحسين بازرعه
    في البوليس دايرلنا جدعه
    همو سراعا وسوو الفزعه
    البوليس سوالنا الخلعه
    ***
    محمد ميرغني بي الحانك
    قوم فسرع الحق حيرانك
    يا الاستاذ الواضح شانك
    البوليس ح يجيك في بكانك
    ***
    حنان النيل حوا الطقطاقه
    افتحن البيبان والطاقه
    امسحن الدمعه الحراقه
    من اصواتكن نشحن طاقه
    تخلي الدنيا سلام وصداقه
    ***
    تور الجر كتر ضحكاتك
    في الزمن المنجوبخ وفاتك
    المسرح من بعد وفاتك
    عشعش فوقو القمري وحاتك
    ***
    ابونا الفاضل وانت الفاضل

    كنت عشان الضحكه مناضل

    يوم فارقت دروب الدنيا

    حقرت بينا ليالي حناضل
    ***
    شيخنا حجازي ومكي سناده
    وياهاشم صديقنا افاده
    خلو الميري يخلي العاده
    كان دايرين لبلدنا سعاده
    ***
    فوق الطيب صالح سمو
    ياهو الدابي البمسك سمو
    المابنو خلاس ينجمو
    ومن الحين مفروض ينطمو
    ***
    ياشبرين وياشيخ بسطاوي
    يا اللوحاتكم هي البتداوي
    الريشه تزيل الام وبلاوي
    وتملا الدنيا حكاوي غناوي
    ***
    شيخنا الصلحي سماحه الصوره
    وخلوتو في امدرمان مشهوره
    بي حيرانا مشيد سورا
    وبي سعديه ملانا قدورا
    كملت البهيان والنوره
    والمنشكك يمشي يزورا
    ***
    شيخنا الدوش اب قلما شافي
    شوف شن سوو عيال متعافي
    امرق قولك سيل وقوافي
    ورجع حضن الوطن الدافي
    ***
    بت عمسيب ينجدنا دليلك
    يالمبروكه سميح تمثيلك
    بي دعواتك طولي ليلك
    رطبي عصب البلد الهيلك
    ***
    يابا سرور ياشيخي كرومه
    تسكتو كيف والناس مظلومه
    اي حكومه وراها حكومه
    تعادي الفن حا يسغر كوما
    وبي ايديها تقرب يوما
    ***
    الشيخ يحيا ولد فضل الله
    وشيخ خطاب خسمتكن الله
    حدثو قاسم اريت يتعلا
    فسرع ضوو ضلام الحله
    وقبال نمرق من المله
    ***
    ود المك ياعلي تنجدنا
    تدلي اصابعك في منقدنا
    يالحردلو عليك مأخدنا
    ان ماعنتنا في منشدنا
    صلاح ياشيخنا وابونا ولدنا
    يالبي حرفك اتوحدنا
    البوليس جانا وهددنا
    وخرمج لينا جمال مشهدنا
    ***
    مصطفي ود سيد احمد وينك
    لسع عندنا معلوم دينك
    شيخ الهجعه الرافع عينك
    فوق استار الموت بيقينك
    سلام يازولا سمحه سنينك
    جس طوريتك والمس طينك
    وبرنا الله يبر والدينك
    ***
    ياشول دينق المسرح اصبح
    للاحزان والدمعه المطرح
    جر نماتك تب لاتسرح
    خلي جموع الخشبه التفرح
    ***
    شيخ محجوب ود مريم كيف
    عمرك ضد الخوف والزيف
    غنيه قصيده ولحن وريف
    يعبر حبا خط بارليف
    يمسح حزن الناس في ريف
    في المانيا وجاك تكليف
    ***
    خدر شمباتنا بشيرنا الراقي
    ماخد السر من عبد الباقي
    امير العود الدرق الواقي
    صوب سهمك نحو الباغي
    ***
    شي لله بابكر البدري
    يالعلامه اب سرا يسري
    ضاقت بينا الحال لوتدري
    وعارفين يابا حديثك دوغري
    ***
    عبد القادر ود شيخ سالم
    الدكتور العارف وعالم
    كيفن غير غنياتنا نسالم
    قولو الحق في وش الظالم
    ***
    مجدي النور راجنك كنا
    وبي جادينك انطمنا
    ناس علي مهدي عشان كجنا
    طنشو ساعه المعمعه عنا

    ***
    سيدي فتاكي الساطع نورك
    السودان ملموم بي سورك
    يي دي بلدنا ندورا ندورك
    حان موعدنا وراجين دورك
    ***
    يالتاج مكي ويازيدان
    حلات اسماكم في السودان
    جرو النمه اعقدو الهمه
    السودا يحتاج فرسان
    ***
    شيخنا الموصلي من امريكا
    املا بلاد الخير مزيكا
    وياحميد قدال راجيكا
    في دار ود الريح ديكا
    شان يابلدي نعرف الليكا
    ونفرز حقنا من الكيكه
    ***
    ياعثمان وكمال ترباس
    وسيدنا الكابلي وعمر احساس
    افزعو خففو حزن الناس
    راجين سيفكم يالفراس
    لمو شتات الناس اجناس
    لمو الناس اجناس اجناس
    غنو الحب والوحده اساس
    الفنان كيفن ينداس
    قبل الحال مايبقي دواس
    قبل الحرب تدق اجراس
    بلد الخير خلوهو معلا
    قبل يفر ونكوسو كواس
    ***
    يالباشكاتب بي حنجرتك
    الحق بلدا دار تتفرتك
    وياشيخ وردي وبي مقدرتك
    لي هذا الطاعون اخترتك
    سنو غناكم
    نحن وراكم
    نحو الالفه سلامنا اتهتك
    ونحو الوحده كاخر مسلك)).


    تحياتي
    ...
    ..
    .
                   |Articles |News |مقالات |بيانات

09-02-2017, 06:45 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12618

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: الصادق عبدالله الحسن)

    Quote: لا تظلم الرجل يا قباني ودعنا نتفاءل Š......

    سلامات الصادق

    تاريخه الذي يدفعني ان أقول انه مسخ و محسوب على الدراما تاريخ قديم و محفوظ يرجع لسبعينيات القرن الماضي و حتى القريب

    لقاء و تصريحات جديدة لن تُمحي ذلك التاريخ التعيس

    كثيرين من أهل المسرح و الدراما ما زالوا على قيد الحياة و هم يعلمون من هو علي مهدي ...


    يا الصادق ... الرجل تسلق كثيرا و داس على بشر كثر ليصل الى ما وصل اليه ... مجرد دجال متسلق ...


















                   |Articles |News |مقالات |بيانات

09-02-2017, 06:57 PM

الصادق عبدالله الحسن
<aالصادق عبدالله الحسن
تاريخ التسجيل: 26-02-2013
مجموع المشاركات: 2867

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: يحي قباني)


    لا يا يحيى لقد ظلمت الرجل ظلماً كبيراً..
    كما أنك إن تجرأت يا يحيى وضغطت بزر الماوس على الرابط باللون الأزرق في الأدنى
    سوف تكتشف بأن هناك من تطاولوا وظلموا رئيسنا عمر البشير والعياذ بالله
    لا تظلموا الرئيس عمر البشير..لا تظلموا الرئيس عمر البشير..



    ...
    ..
    .
                   |Articles |News |مقالات |بيانات

09-02-2017, 06:49 PM

Omer Abdalla Omer
<aOmer Abdalla Omer
تاريخ التسجيل: 02-03-2004
مجموع المشاركات: 3347

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: الصادق عبدالله الحسن)

    علي مهدي مسخ محسوب على الدراما السودانية ...
    _______________________________________________________________

    فتح الله عليك يا يحى قباني!


                   |Articles |News |مقالات |بيانات

09-02-2017, 07:24 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: Omer Abdalla Omer)

    كلام قباني صاح
    اهل الدراما والفن اكثر ناس اكتوو بنار الانقاذ
    امثال علي مهدي عار على الثقافة والمثقفين
    رجل يهتم بشاربه اكثر من مهنته والمواقف الخليق بامثاله ان يقفوها في زمن التردي هذا
    علي مهدي وفرفور بل حتى عبد القادر سالم نفسه شوهوا صورة الفن والثقافة بتماههيهم مع هذا النظام
    كان ممكن احشر اسم قاسم قور بينهم ايضا لكنه اصلا محسوب عليهم من ان كان طالبا في المعهد
    علي مهدي بتاع ايه كمان يتربع على وزارة ثفافة مع انه ليس بغريب على نظام الانقاذ ان تعين امثاله
                   |Articles |News |مقالات |بيانات

09-02-2017, 07:29 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 4508

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: Omer Abdalla Omer)

    الصادق عبد اللهوحسن يااااااااااا اخي قرفتني بي كرتونك دي
    تبا لك
                   |Articles |News |مقالات |بيانات

09-02-2017, 07:59 PM

Omer Abdalla Omer
<aOmer Abdalla Omer
تاريخ التسجيل: 02-03-2004
مجموع المشاركات: 3347

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: علي دفع الله)

    كثيرين من أهل المسرح و الدراما ما زالوا على قيد الحياة و هم يعلمون من هو علي مهدي ...
    -____________________________________________________________
    فتح الله عليك.. أهل المسرح و الدراما يعرفون من هو علي مهدي..
    منهم زميلة المنبر بيان الله يطراها بالخير فقد فضحته و فضحة أنانيته و قلة مروءته !
    اما كفنان فقولوا لنا عملا واحد سيخلده؟
                   |Articles |News |مقالات |بيانات

09-02-2017, 08:52 PM

الصادق عبدالله الحسن
<aالصادق عبدالله الحسن
تاريخ التسجيل: 26-02-2013
مجموع المشاركات: 2867

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: Omer Abdalla Omer)



    (ناس علي مهدي عشان كجنا
    طنشو ساعه المعمعه عنا )



    تطابق الصورة يا حيدر يقول ما لم تستطعه الكلمات.


    ...
    ..
    .
                   |Articles |News |مقالات |بيانات

09-02-2017, 09:14 PM

Omer Abdalla Omer
<aOmer Abdalla Omer
تاريخ التسجيل: 02-03-2004
مجموع المشاركات: 3347

للتواصل معنا

FaceBook
تويتر Twitter
YouTube


Re: علي مهدي وزيرا للثقافة ؟؟!! (Re: الصادق عبدالله الحسن)

    يا لئيم!
    صادق عبدالله الحسن قد قلت بصورك هذه كل شئ!
    مبالغة والله!
    عالم eccentric
    بشير ببدلة لولي حلاة الدنيا عليهو!

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de