د. النور حمد في ندوة عامة بدنڤر كولورادو يوم الأحد ٢٠ أغسطس ٢٠١٧ الساعة الواحدة ظهراً
سيبقى نجم المناضلة المقدامة فاطمة إبراهيم ساطعاً في سماء السودان بقلم د. كاظم حبيب
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-18-2017, 02:42 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

سرقة أعضاء بشرية في السودان-كما وصلني

07-10-2017, 11:45 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 22035

للتواصل معنا

FaceBook
تويتر Twitter
YouTube


سرقة أعضاء بشرية في السودان-كما وصلني

    11:45 PM July, 11 2017

    سودانيز اون لاين
    سيف اليزل برعي البدوي-
    مكتبتى
    رابط مختصر

    الى كل المواطنين تحذير رسمى
    من منسوبى قوات الشرطه السودانيه

    انتشرت ظاهره اختفاء مواطنين فى ظروف غامضه وتظهر جثثهم مقطعه وأعضائهم البشرية مفقوده تكرارات تلك الظواهر بشكل مُلفت لنظر دون اجابات وتعتيم ماعدا نسبه بسيطه سربها الاعلام ولكن لم يواصل النشر فيها
    وضح الآتى
    من شكل الجثث واضح انها عمليات سرقة أعضاء بشريه ومن طريقة تشريح الجثث اتضح وجود كوادر طبيه تشارك فى التشريح وسرقه الاعضاء مما يعنى انها شبكه منظمه.
    وردو بلاغات عديده عن عمليات خطف فاشله تمكن الضحايا من الهرب من خاطفيهم
    واتضحح ان تلك العصابات تستهدف كل الإعمار من الجنسيين وظهروا بصوره الاتيه
    ١/ عربه بوكس بدون ارقام فى كثير من الأحيان ويدعون انهم عناصر أمن ولديهم مسدسات
    ٢/ يستخدمون حافله ١٤ راكب بتكون مظله او بها ستائر تحجب الرؤيه او عربات اكسن مظلله
    ٣/ قفل الشارع بوضع كرسى طفل حديث الولاده حتى تتوقف
    ٤/ استعمل البيض او اى ماده لزجه لى رجم زجاج السيارات لاجبار السيارات على التوقف وحجب الرؤيه الرجاء عدم استخدام منش تنظيف الزجاج لان الزجاج سوف يطلطخ وتحجب الرؤيه عنك لذا ركز فى القياده فقط ولا تتوقف مهما كان السبب
    ٥ / يتمركزون فى الشواراع المظلمه ويحرصون ان تكون المنطقه هادئه لى إكمال جريمتهم الحذر من التوقف فى شوارع غير مكتظه
    ٦/ يدعون انهم رجال أمن مكلفين بعتقالك
    عزيزى المواطن عليك بالآتي
    ١/ حذرابناءك من التعامل مع الغرباء وترك مسافه خاصه اذا كان الشارع خالى من المره والركض بعيد
    ٢/ ترك مسافه بين اى سياره غربيه تتوقف بجانبك ولاحظ لشكلها وأوصافها وهل بها لوحه ام لا وانتبه لسيارات المظلله
    ٣/ لاتستجيب لا شخص يوقفك فجاء فى الشارع يدعى انه رجل امن وانه مطلوب القبض عليك اطلب منه رؤيه امر القبض والبطاقه العسكريه واستلم البطاقة بيدك وركز على قراءاه بيانات البطاقه
    ٤/ ركز على الهرب باتجاه اقرأب تجمع مواطنى وإبداء بصرخ بصوت عالى وطلب النجده ولا تتوقف وتذكر ان إنقاذ حياتك يعتمد على سرعة ركضك وصوتك العالى لطلب النجده
    ٥/ لاحظ الى انهم سوف يحولون الاحاط بك وتشتيت تركيزك قاوم بقوه واطلب الاستغاثه بصوت عالى توضح انه عمليه اخطاف حتى يتجمهر الناس
    ٦/ على المواطنين فى حاله رؤيه مشهد مثل هذا الاتصال بى ٩٩٩ بسرعه والإحاطة بهؤلا وطلب رؤيه البطاقه العسكريه وأمر القبض وحفظ بيانات البطاقه ومواصفات السياره وتاخيرهم حتى وصول الدوريه وبذلك نكون ساهمنا فى حمايه مواطن من القتل
    عزيزى المواطن عليك ان تعلم
    and ان السودان يعد من اكبر معابر تهريب البشر والسلاح والمخدرات فى العالم من حدود شرق السودان الى حدود شمال السودان
    and ان من يدير تلك الاعمال هى مافيا عالميه وضح لنا ان لها ايدى متنفذه تسمح لها بتسلل عبر الاراضى السودانيه بضائعهم تهريب بشر وتجاره اعضاء ومخدرات وتجسس وتهريب وتجاره سلاح ودعاره
    and ان لتلك المافيا تمتلك معسكرات داخل الاراضى السودانيه فى شرق السودان وان هنالك من يسهل لها عملها والا كيف تقطع كل هذه المسافه من شرق السودان مرورا بالجزيره والخرطوم والشماليه ودارفور نحو حدود لبيا دون اعتراض رغم انهم يستعملون طرق قوميه
    and تاتى نشرات دوريه من الانتربوال والشرطه الإيطالية بأسماء أعضاء وأمكن تواجد عضويه هذه المافيا لكن لاسف لايتم القبض عليهم وان تم القبض وتسليمهم لى الانتربوال يكتشف انهم ليسوا الأشخاص المطالبين مثال بارون التهريب الاريترى الذى سلم بديل له لشرطه الإيطالية فهناك من يعمل لحماية هذه العصابات
    and نشرت الصحف خلال خمسه أشهر الماضيه اخبار اختفاء مواطنين وامتلاء مواقع التواصل بختافاء اطفال عثر على جثث جزاء منهم مثال الطفل الذى وجدت جثته تحت كوبرى شمبات وهو من بين القليلين الذين تم النشر عنهم كذلك حادث خطف فتيات من قريه بولايه ألجزيره حيث تم اخذهم لعمل فى احدى الحوشات لكن تم ايقاف البص الذى يقلهم فى الولايه الشمالية ونقف ونسأل لماذا لم يتم نشر حيثيات تلك القضايا ومن يسعى لعدم النشر وطمس الادله وتغيب الحقائق وحمايه المجرمون
    الموطنون الشرفاء نحن منسوبى قوات الشرطه الشرفاء نخرج اليكم ونحن من ادى القسم لحماية الوطن والمواطن لنحذر اسرنا السودانيه ومن باب حرصنا على سلامة الجميع قمنا بلفت نظر وتنبيه لخطوره الامر فكل ماتقدمنا فى التحقيقات توضع امامنا العراقيل وتكمم الأفواه وتتلف الادله وينحرف مجرى التحقيق فلماذا يتكرار هذا التصرف فى كل القضايا الاختفاء وشحنات المخدرات والاسلحه التى تم ضبطها لماذا لا تنشر نتائج التحقيق فيها والطريف ان معظمها لايصل لقضاء
    الشرفاء منسوبى الشرطه السودانيه
    يوليو ٢٠١٧

    ساعدونا بنشر وتعميم هذا المنشور لتنبيه كل الأسر السودانيه من خطر عصابات تجاره الأعضاء (منقول )
    كما وصلني
                   |Articles |News |مقالات |بيانات

07-11-2017, 01:59 AM

قصي محمد عبدالله
<aقصي محمد عبدالله
تاريخ التسجيل: 02-28-2014
مجموع المشاركات: 2789

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: سيف اليزل برعي البدوي)

    و انا كذلك،
    قبل سويعات من الان. . واتسابيا.
                   |Articles |News |مقالات |بيانات

07-11-2017, 04:42 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 14358

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: قصي محمد عبدالله)

    تحياتي سيف
    وضيوفه
    فعلا لافة ليها كم يوم
    انا شايفها ما صحيحة نقل الاعضاء ليس هكذا ونشوف راي الاطباء
    بعدينك
    حكاية يمثلو بتاعين امن دة من سلوك الحكومة
    يقول ليك امن وتقول ليهو اثبت الله قال بي قولك
    عربات بدون لوحات من سنن الحكومة كمية من عرباتهم بدون لوحات ومظللة
                   |Articles |News |مقالات |بيانات

07-14-2017, 11:57 AM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 22035

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: عبدالحفيظ ابوسن)

    نسأل الله السلامة
                   |Articles |News |مقالات |بيانات

07-14-2017, 06:39 PM

Dr. Ahmed Amin
<aDr. Ahmed Amin
تاريخ التسجيل: 02-20-2007
مجموع المشاركات: 6609

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: سيف اليزل برعي البدوي)


    ان لم يصبح السودان دولة مؤسسات ..
    ويكون القضاء مستقلاً ..
    وترفع الرقابة من الصحافة ..

    .
    .
    .
    لن يكون للسودان أي شأن يذكر .. وستأتي الطامة قريباً ..

    وعلى نفسها جنت براقش ...
                   |Articles |News |مقالات |بيانات

07-14-2017, 06:43 PM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11721

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: سيف اليزل برعي البدوي)


    هذه الرسالة وصلتني توا .
    في ال WhatsApp

    ****

    هام...... هام..... هام
    مساء الخير ،،، معليش بس لازم تقري محتوى البوست ده مهم شديد ،، زي ما عارفين اليومين ديل في ظواهر اجراميه ظهرت في العاصمه وللان ماف زول قدر يعرف هويتهم يعني هل هم جماعه مدعومه ولا افراد منفصلين ده ما مهم طالما ماف حاجه ثبتت بس بالجد الوضع بقى خطير شديد بالذات الايام دي الوضع ممكن يصل لي (تهديد الوضع الأمني للبلد) لانو حركة الافراد ديل ما طبيعيه ،،بدت بالبنت القطعوها في جبره ،والعريس اللقو بطنو فاضيه ،،والنسوان الهاجموهم بالسواطير وصاحب السوبر ماركت ال برضو هاجموهو وهو في حالة غيبوبه الان ، وغيرها من الحوادث يلا من المتوقع انو يزيد نشاطهم لانو بدو يتكشفو وفي الاغلب هي تجارة اعضاء لانو الضحايا معظمهم بكون في اعضاء مفقوده فيهم ،
    يلا عشان م اطول عليكم ،،علييييكم الله كل وحده سواء ام او اخت او صحبة تنبه اكبر عدد من الناس البتعرفهم وكل ام تنتبه على اولادها وما يطلعو براهم وتتطمن عليهم لمن يطلعو المدرسه ولمن يرجعو وياريت كل أم تحرص على انو تجيب ولدها او بنتها بنفسها لان. ماف ضمان والله الزمن بقى كعب شديد بقينا عايشين في غابة وسط ناس ما عندها رحمه وما تخلو اولادكم يطلعو براهم يعني اللعب في الشارع وجمب الباب زي زمان ما بنفع احرصو انو يكونو قدام عيونكم طول الوقت وما ترسلوهم براهم لأي شي
    وبالنسبه ل بنات الجامعه عليك الله وعليك الله وعليك الله خلي بالك من نفسك ما تتطلعي بعد المغرب واحرصي انك تكوني في البيت قبل المغرب وما تركبي هايس خاااالص حتى لو فيها ناس ولا ركشه ولا امجاد بس الحافلات الكبيره دي بس والبسي لبس طويل وواسع الناس نفوسا بقت كعبه حافظي على سلامة نفسك ولو عندك اخوان صغار انتبهي ليهم طوالي وكوني معاهم ما تخليهم يغفلو منك
    وكمان علييكم الله الاولاد الشباب كل اسره فيها اولاد شباب عاادي ممكن يجو متأخرين نبهووهم وحذروهم لانو خطر الحاجه دي زمان المجرمين بخطفو الاطفال بس لكن اسه بقى ماف حتى الشاب والراجل الكبير والمره الكبيره والبت وكلو عشان مسلحين وبكونو مجموعه ما واحد بالجد الزمن بقى كعب ،لي كل وحده في القروب نبهي ولدك او اخوك او خالك او اي ولد ليك بيهو صلة قرابه عشان يحافظ على حياتو يرجع البيت بدري والله موقف حصل لي صاحب اخوي راجع امبارح من لمة اصحاب الساعه 12 بالليل وماشي على البيت بي رجلينو وقفت هايس فيها اربعه راكبين قالو ليهو اركب نوصلك بس رفع رجلو الاولى داير يدخل راسو انتبه انو في زول جوه سوري زي المكتف طوالي جرا نزلو اتنين جرو وراهو بس انقذوهو بتاعين الدكان النايمين بره لمن قامو ديلك جرو مشو على الهايس ركبو وجرو،،، وفي مره مفقوده في ابو ادم ربنا يردها ي رب
    طولت عليكم بس بالجد الموضوع خطر خلو بالكم ونبهو بناتكم واولادكم واخوانكم واخواتكم واي زول بتعرفوهو
    ربنا يرفع البلاء مننا يا رب ويحفظنا ويغطينا
    ساعدوني بالنشر.
    **
    انتهت الرسالة.

    ****
    اللهم احفظ السودان .
    و أهل السودان من كل شر.





    عزالدين عباس الفحل
    ابوظبي
                   |Articles |News |مقالات |بيانات

07-15-2017, 05:48 AM

Nasruddin Al Basheer
<aNasruddin Al Basheer
تاريخ التسجيل: 12-08-2005
مجموع المشاركات: 4063

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: عزالدين عباس الفحل)



    معقول الشرطة السودانية وصل بيها الضعف والهوان إلى هذا الحد!!!
    لو البيان ده فعلاً طالع من الشرطة تبقى دي مصيبة كبيرة واعتراف ضمني
    من الشرطة بإنها عاجزة من القبض على هذه العصابات أو ممكن يكون ود امبعلو..
    طيب هم عرفوا كل هذه المعلومات عن هذه البعشومات وما قدروا يقبضوا فيهم بعشوم واحد!!!
    ممكن يكون رد ناس الشرطة (نحن متخصصين مظاهرات وستات شاي بس)..
    تجارة أعضاء دي من اختصاص وزارة التجارة والأعضاء..
    يا لهوانك يا بلد!!!

                   |Articles |News |مقالات |بيانات

07-15-2017, 11:56 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9966

للتواصل معنا

FaceBook
تويتر Twitter
YouTube


Re: سرقة أعضاء بشرية في السودان-كما وصلني (Re: Nasruddin Al Basheer)

    أخي سيف.. تحاياي،
    لا علاقه لعمليات نقل الأعضاء بحالات الإختفاء وظني أنها في معظمها - بين الكبار - طوعية لأسباب اجتماعية متباينه.
    لا أعرف في الطب ، لكن عملية نقل الأعضاء البشريه وفقا لحالات لأناس أعرفهم وتابعت حالاتهم ، مسأله غايه في التعقيد
    وتتداخل فيها تخصصات دقيقه للغايه ومؤسسات طبيه مقددمه لاتتوفر في أكبر مستشفيات السودان دعك عن سيارات
    متحركه فالمسأله ليست سباكه أو نجاره ، ووصف السيارات المتحركه يذكرني بالذين يزورون (الحراج) لشراء القطع
    المستعمله أو إصلاح المجاري ومحولات الكهرباء المعطوبه.
    أرجو ألا نساهم في بث الخوف بين الناس وإشاعة المعلومه الخاطئه بحسن نيه أو بغيرها، رغم تأكيدي على أن نحرص
    ونحرِّض على الوعي والمحافظه على الأطفال بشكل خاص وأخذ الحذر والحيطه اللازمين فقد أصبح الشر يرِدنا من
    جهات لم نتوقعها ،
    مودتي
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de