رياء السبيل

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-10-2018, 11:12 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-05-2017, 11:50 PM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


رياء السبيل

    10:50 PM May, 28 2017

    سودانيز اون لاين
    حاتم إبراهيم-
    مكتبتى
    رابط مختصر

    رمضان جانا.
    وعندي ملاحظة صغيرة،
    دراما اصطياد السيارات في طريق الخرطوم مدني لا تزال مستمرة
    والغرض الظاهر هو وفادة المارة وإفطار الصائم.

    الرياء ظاهر في تربصهم براكبي السيارات، وديل ما محتاجين عصيدة وموية ليمون.
    المحتاجين ليها جيرانهم بغادي للزلط على بعد أقل من 500 متر غربه، وديل موجودين منذ تأسيس مشروع الجزيرة، وممنوعين من البناء الثابت أو امتلاك أراضي أو حتى خدمات الكهرباء والموية لمجرد كونهم بشر، لكن مواقع سكنهم سموها (كنابي) في حين أن أهل الصواني البيوقفوا العربات مواقع سكنهم سموها (قرى).

    بيشربوا موية الطين البيجيبوها بالحمار من البحر وعينهم للمواسير وأعمدة الكهرباء شرق الزلط.
    هذا في رأيي رياء صريح
    المفروض والطبيعي إنو أهل القرى ديل طالما عندهم القدرة يشيلوا صوانيهم دي ويمشوا على (أخوانهم) غرب الزلط، فهم الأحوج.

    ما رأيكم دام فضلكم؟
                   |Articles |News |مقالات |بيانات

28-05-2017, 08:12 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    أكتر من سبعين سنة مقيمين (في بلدهم) منذ تأسيس مشروع الجزيرة وحدهم الحصير والخيش والجالوص ومحرومين من الخدمات بما يعني تلقائياً الحرمان من العيش الكريم والتعليم والتوظيف.

    وفي حلفا الجديدة
    وفي مشروع الرهد
    وفي كنانة
    وفي السوكي
    وفي عسلاية
    وفي الدندر


    لماذا؟
    من المسؤول؟
                   |Articles |News |مقالات |بيانات

28-05-2017, 08:46 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    فراكب السيارة مراسل جيد للأنباء
    وناقل سريع لخبر الكرم الحاتمي المصحوب بالعنف لفرض تلبية الدعوة
    ولو تطلب ذلك ربط العمم وشدها بعرض الطريق لإيقاف المركبات

    لماذا لا يذهب أحدهم لدعوة خمسة أو ستة أفراد من (الكمبو) المجاور المنظور بالعين؟
                   |Articles |News |مقالات |بيانات

28-05-2017, 09:02 AM

Saifelyazal Elmaki

تاريخ التسجيل: 09-10-2009
مجموع المشاركات: 1336

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    سلام صاحب البوست لم توفق في البوست ده يا اخونا ديل ناس طلعوا بالشيء البفطروا بيه يعني ما كلفوا نفسهم ضبيحة
    وجهبظة كسرة بملاح شرموط وين الرياء هنا ؟؟؟؟الجود بالموجود ناس الكنابي ذاتم بجوا افطروا
    وبجيبوا فطورهم معاهم واقطعوا الطريق ربطوا العمم وقطعوا لينا الطريق وكنا صائمين وفعلا محتاجين زول افطرنا

    جزاهم الله خير و ثبت اجرهم

    (عدل بواسطة Saifelyazal Elmaki on 28-05-2017, 09:04 AM)

                   |Articles |News |مقالات |بيانات

28-05-2017, 09:14 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    الرياء في قطع الطريق والمبالغة في تعطيل سفر أناس يعلمون وقت الافطار ساعة ركبوا.

    والصائم لا يختاج لعزومة إن اضطر للوقوف، الأولى بها الجار.

    ولم انتقد عدم وجود الشية والكنافة والقهوة

    ثم لماذا (كنابي)؟
                   |Articles |News |مقالات |بيانات

28-05-2017, 09:22 AM

Saifelyazal Elmaki

تاريخ التسجيل: 09-10-2009
مجموع المشاركات: 1336

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    نحن برضو ركبنا وعارفين وقت الافطار بس كان في ظروف اجبرت الناس على السفر
    ما بجبروا زول على النزول لو اصريت تركوك شفت بعيني عربات مشت يبقي
    وين الرياء
    كنابي دي قلتها انت وانا رديت عليها حتى ناس الكنابي يا شيخنا بقطعوا الطريق ده برضو رياء ؟؟؟

    (عدل بواسطة Saifelyazal Elmaki on 28-05-2017, 09:27 AM)

                   |Articles |News |مقالات |بيانات

28-05-2017, 09:30 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    الرياء في قطع الطريق والمبالغة في تعطيل سفر أناس يعلمون وقت الافطار ساعة ركبوا.

    بإمكانهم وضع لافتة على الطريق تدعو الناس للنزول، من رغب منهم، وليس إرغاماً
    فمجرد اعتراض المركبة في الطريق العام تعطيل لها ولكل المركبات خلفها.

    لماذا لا يتقدمون بالدعوة لأهل (الكمبو)؟
    ولماذا هو (كمبو) أصلاً؟
                   |Articles |News |مقالات |بيانات

28-05-2017, 09:43 AM

Saifelyazal Elmaki

تاريخ التسجيل: 09-10-2009
مجموع المشاركات: 1336

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    الناس بتختلف في الكرم في زول بضبح ليك ناقة وفي زول بجيب ليك كسرة بموية
    في تراثنا السوداني مشار للكرم في كثير من اغاني التراث
    قدحو سبق السلام
    ...................................
    بابك ما انقفل نــــــارك تجيب اللــــم
    ما بتعزم تقــول غيـــر السـريع حــرم
    .....................................................
    عوج الدرب
    النعيم ود حمد
    ديل برضو عملهم رياء

    ناس الكنابي يا سيد حاتم مرتبطين بزراعتهم يعني هم الاختاروا اكونوا قريب من الحواشات
    وحتى على مستوى المدن هناك ناس اغنياء وعايشين في رغد العيش وفي ناس فقراء لدرجة كسرة بموية
    ناس الكنابي افضل حالا منهم ايه رايك
    دي ارزاق ما في زول بدخل فيها ده ليه عايش في كنبو وده عايش في عمارة
    اما قطع الطريق نحسبه خالص لوجه الله لانو باختصار ما بنعرف زول عشان نقول عليه رياء
    في بعض المدن برضو في ناس فيهم الفقير وفيهم الغني بتجمعوا واي عابر سبيل بكرمو

    ده ابن السبيل يا اخونا وربنا امر اعانتهم

                   |Articles |News |مقالات |بيانات

28-05-2017, 09:49 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: ناس الكنابي يا سيد حاتم مرتبطين بزراعتهم يعني هم الاختاروا اكونوا قريب من الحواشات وحتى على مستوى المدن هناك ناس اغنياء وعايشين في رغد العيش وفي ناس فقراء لدرجة كسرة بموية

    براهم دايرين كدة، مش؟

    وهل اختاروا أن لا يستقروا ببناء ثابت وخدمات لفترة سبعين عام؟
    وهل اختاروا تسمية مواقع سكنهم باللفظ (كمبو)؟
    بل هل يكونون أكثر حرصاً على الزراعة من أصحاب الحواشات؟
    _______
    لا أظنك تقبل بالتسمية (كمبو) لقريتك.
                   |Articles |News |مقالات |بيانات

28-05-2017, 09:58 AM

Saifelyazal Elmaki

تاريخ التسجيل: 09-10-2009
مجموع المشاركات: 1336

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    ياخوي من الله خلقنا ناس الكنابي ديل ياهم فيهم ناس اولادهم اتعلموا واصبحوا افضل من كثير من اصحاب الحواشات
    ديل ناس حياتهم الزراعة ما بعرفوا حاجة غير الزراعة لو سكنتوا في المدينة بموت من الضوء
    زي السمك
    اهلنا بياكلوا و بشربوا من الترعة و معاهم وبواصلوهم في افراحهم واتراحهم
    هس خلي ناس الكنابي انا القدامك ده زمان لما امشي الخرطوم بختنق
    كنت طالب في الجامعة لو خلصت الامتحان الساعة 3 الساعة 4 بكون في ا لسوق الشعبي سابقا ماشي على البلد
    ناس الكنابي ديل ريحة الزراعة عندهم
    وانت يا حاتم اظن اليوم شادي شويه هههههههههههه
    ياخي انت عارف كمبو معانا compo
    اللهي compound
                   |Articles |News |مقالات |بيانات

28-05-2017, 09:54 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: ناس الكنابي يا سيد حاتم مرتبطين بزراعتهم يعني هم الاختاروا اكونوا قريب من الحواشات

    اختاروا، مش؟

    أحدثك عن مواقع سكن تبعد عن الطريق السفري بحوالي 100 متر وليس حواشات.
    _______
    ولعلك فهمت قصدي بدليل ذكرك لأن بعضهم يأتي بطعامه وبه خصاصة، فهل أتى به من حواشة؟
                   |Articles |News |مقالات |بيانات

28-05-2017, 10:06 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: ياخوي من الله خلقنا ناس الكنابي ديل ياهم فيهم ناس اولادهم اتعلموا واصبحوا افضل من كثير من اصحاب الحواشات ديل ناس حياتهم الزراعة ما بعرفوا حاجة غير الزراعة لو سكنتوا في المدينة بموت من الضوء زي السمك

    يعني "ناس الكنابي" الله خلقهم للكنابي زي ما خلق السمك للموية؟
    معقولة التأطير دا؟
    معقولة الأحكام المصيرية دي؟
    معقولة فرض الأقدار بطريقتك دي؟
    _______
    ترضاه لأهلك؟ لا اعتقد.

                   |Articles |News |مقالات |بيانات

28-05-2017, 10:20 AM

فرح الطاهر ابو روضة
<aفرح الطاهر ابو روضة
تاريخ التسجيل: 22-10-2012
مجموع المشاركات: 11012

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)


    تحياتي
    حاتم إبراهيم
    وبالفعل سكان الكتابي يستحقون حياة أفضل
    الموضوع كبير ويلامس ما انتجته سياسة إدارة
    مشروع الجزيرة من تهميش لشغيلة المشروع
    في رأيي لو كان موضوعا منفصلا
    عن قطع الطريق في رمضان لإفطار مسافر
    الآن اختزل البوست في الرياء واجبار المسافر على النزول
    وتعطيل المركبات
    وبرضه جلس شغيلة المشروع على هامش البوست
                   |Articles |News |مقالات |بيانات

28-05-2017, 10:34 AM

Saifelyazal Elmaki

تاريخ التسجيل: 09-10-2009
مجموع المشاركات: 1336

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: يعني "ناس الكنابي" الله خلقهم للكنابي زي ما خلق السمك للموية؟

    ضربت ليك مثل بنفسي الانسان ابن بيئته
    وقلت ليك يا حاتم في كثير من ابناء الكنابي غيروا حياتهم فيهم الدكتور وفيهم المهندس يعني الموضوع ما موضوع كمبو ومدينة

    Quote: معقولة التأطير دا؟ معقولة الأحكام المصيرية دي؟ معقولة فرض الأقدار بطريقتك دي؟

    احكام شنو وعملت ليها مصرية كمان يا زول انت عطشان شديد الظاهر عليك
    انا اصلا ما حكمت على شيء قلت ليك الانسان ابن بيئته الوالد رحمة الله عليه لما جبتو معاي الامارات ما قدر اقعد قال لي رجعني
    عليك الله ما تطلع الكلام من سياقه وضربت ليك مليون مثل انا ما عارف مسكت لي كنابي كنابي
    ياخوي هس ناس الكنابي البتقول عليهم ديل احسن من مليون ساكن مدينة
    الجاب الاهل هنا شنو يا حاتم قلنا ليك اهلنا بشاركوهم حياتهم الانت شايفا لا ترقي لمستوى الانسانية
    عليك الله اقرا كويس وتعال رد
    فتك عافية
                   |Articles |News |مقالات |بيانات

28-05-2017, 10:48 AM

عمار قسم الله
<aعمار قسم الله
تاريخ التسجيل: 21-12-2015
مجموع المشاركات: 891

للتواصل معنا

FaceBook
تويتر Twitter
YouTube


Re: رياء السبيل (Re: Saifelyazal Elmaki)

    أخ حاتم ..تحية طيبة - وصيام مقبول لو أردت الدخول من ظاهرة الكرم (الرمضاني) علي الطرقات ....
    للوصول الي أهداف أخري.. مثل انعدام العدالة الاٍجتماعية ... فذلك شأن يخص السلطات والحكومات المتعاقبة ....
    ** أما أن تعيب علي أهلنا علي طول شوارع الأسفلت مشاركة افطارهم مع عابري السبيل ....
    فهذا عدم توفيق منك (في العنوان والمقصد) .ذلك شيء يتعلق (بالنوايا) والنوايا مكانها القلب . ويعلم بها (خالق القلوب) ..
    ولا يحق لك .. (تجريم) صائم حمل مائدته وافترشها علي الطريق و(تصّيد) المارة ...
    ولعلمك فهو لايتصيد السيارات فقط - بل حتي (راكبي الدواب والمشاة) - رغم قلتهم --
    وبمعني آخر هو يصر علي كلمن يعبر الطريق .....( وحتي في المناطق التي حولها الكنابي) يمكنهم قطع الطريق والمشاركة في الاٍفطار ...
    ** واضح من وصفك أنك استندت علي (مكان محدد) في حين أن هذه الظاهرة تغطي كل السودان -
    (( وليس كل السودان كنابي)) !!!في هذا الشهر الفضيل والناس تجتهد (( لتلقيط)) الحسنات -
    لماذا (( تجر نفسك - للقيط السيئات )) - أسأل الله لك التوفيق

    (عدل بواسطة عمار قسم الله on 28-05-2017, 10:51 AM)

                   |Articles |News |مقالات |بيانات

28-05-2017, 11:06 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4346

للتواصل معنا

FaceBook
تويتر Twitter
YouTube


Re: رياء السبيل (Re: عمار قسم الله)

    هي عادة حتى جوه الخرطوم ..
    كان جاء زول ماري بالشارع وقت الفطور والله ما بنخليهو يفوت الا يفطر ..
    وأخف واحد بيقوم يلاحقوا ويمسكو من يده يجرو كمان ..
    والبيصر على إنه لازم يمشي الناس بيخلوهو يمش ما معروف ظروفه شنو ..
    يمكن هو البيعمل الفطور لي زول كبير أو معذور في البيت ..
    عادة جميلة وتعجبني وتنم عن كرم شعبنا ..
    يا حاتم ..
    ناس الكنابي ديل ما يجوا هم ذاتم يفطروا مع الناس ..
    والعنده صينية جاهزة اليجي مارق بيها ..
    ليس هناك ما يمنع يأخ ..
                   |Articles |News |مقالات |بيانات

28-05-2017, 12:19 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4346

للتواصل معنا

FaceBook
تويتر Twitter
YouTube


Re: رياء السبيل (Re: جمال ود القوز)

    بعيدا عن شغلة فطور رمضان دي ..

    ــــــــــــــــــــــــــــــــــــــــــــــــــــــــــــــــــــــ

    الكنابي كثير منها بتكون فيهو ممارسات ما مظبوطة ..
    الحكم العاطفي في الحالات الحياتية المستمرة الزي دي ما بينفع وعن تجربة ..
    ناس الكنابي من حقهم يدوهم اراضي ملك في الخطط السكنية بخدمات ..
    لكن في أماكن أخرى بعيد عن القرية .. وكمان لا تؤثر على امكان الزراعة ..

    أنا غايتو لو كنت مكان أهل القرية لرفضت سكن أهل الكمبو معنا ..
    في نفس القرية أو حتى قربها بصورة فيها اختلاط ..
    لأني عايشت وشفت بعيني تجارب سكن الغريب المريرة في قريتنا ..
    الما فيها أكثر من 100 بيت والله كانت معاناة مستمرة ومتواصلة ..
    وفي النهاية حصلت بلاوي وأقر الناس كلهم بصحة خروج الغريب ..
    من وسطهم وخرجوهو بعيد وبالقوة الكانوا اصلا لا يحتاجوها ..
    لو فرضوا عليهم السكن بصورة مؤقتة مهما طال زمن بقاءهم ..
    كما هو حاصل في الكنابي لانه سبب بقاءهم يخصهم هم ..
    ولا يخص القرية الاصلا بتستفيد من سكان الكتابي في أوقات محددة ..
    كالزراعة او الحصاد ..
    يبقى سكنهم بصورة مؤقتة أمر فرضته ظروف قدومهم للمنطقة ..

    دي قرية يا حاتم اخوي مش مدينة ..
    رمضان كريم وأحي روح أهلنا في الريف وخروجهم بالفطور في الشارع ..





                   |Articles |News |مقالات |بيانات

28-05-2017, 11:08 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1824

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    اشققت عن صدورهم ؟؟


    رمضان كريم ك ل عام وانتم بخير
                   |Articles |News |مقالات |بيانات

28-05-2017, 07:17 PM

عبدالعظيم عثمان
<aعبدالعظيم عثمان
تاريخ التسجيل: 29-06-2006
مجموع المشاركات: 5007

للتواصل معنا

FaceBook
تويتر Twitter
YouTube


Re: رياء السبيل (Re: الطيب عباس)

    سلامات يا حاتم

    هاك الصورة دي



    يا حاتم فضل إفطار الصائم أجر يبحث عنه الصائمون
    من هذا الباب أصبح الموضوع تقليد ومظهر من مظاهر رمضان

    موضوع الكنابي دا موضوع كبير جدا ويعتبر فضيحة في السودان
    وتمييز واضح تجاه مواطنين سودانيين
    بركة ساكن في الجنقو مسامير الأرض حاول أن يعالج
    وضع شبيه بالكمبو في القضارف
    الموضوع دا تحديدا محتاج الي شجاعه في فتحة وتناوله
    وتسلي الضوء علي حجم المعاناة التي تعيشها الكنابي
                   |Articles |News |مقالات |بيانات

28-05-2017, 10:17 PM

ناصر جامع

تاريخ التسجيل: 19-05-2004
مجموع المشاركات: 1168

للتواصل معنا

FaceBook
تويتر Twitter
YouTube


Re: رياء السبيل (Re: عبدالعظيم عثمان)

    Quote: لأني عايشت وشفت بعيني تجارب سكن الغريب المريرة في قريتنا .. الما فيها أكثر من 100 بيت والله كانت معاناة مستمرة ومتواصلة .. وفي النهاية حصلت بلاوي

    رمضان كريم حاتم و الضيوف الكرام
    جمال ممكن تدينا فكرة عن هذه البلاوي
                   |Articles |News |مقالات |بيانات

29-05-2017, 08:06 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4346

للتواصل معنا

FaceBook
تويتر Twitter
YouTube


Re: رياء السبيل (Re: ناصر جامع)

    Quote:
    جمال ممكن تدينا فكرة عن هذه البلاوي




    حدثت مشكلة ادت للقتل ..
                   |Articles |News |مقالات |بيانات

29-05-2017, 07:53 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)



    (دي عاداتنا وتقاليدنا في رمضان، دا كرمنا) 0:31
    (الناس ديل يومي على الله بيثبتوني، والله بيثبتونا طواااالي، والله ناس رجال) 1:28



    (من أجل إكرام الضيف) 1:16

                   |Articles |News |مقالات |بيانات

29-05-2017, 08:04 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: الكنابي كثير منها بتكون فيهو ممارسات ما مظبوطة ..
    +++
    أنا غايتو لو كنت مكان أهل القرية لرفضت سكن أهل الكمبو معنا .. في نفس القرية أو حتى قربها بصورة فيها اختلاط ..
    +++
    لأني عايشت وشفت بعيني تجارب سكن الغريب المريرة في قريتنا .. الما فيها أكثر من 100 بيت والله كانت معاناة مستمرة ومتواصلة .. وفي النهاية حصلت بلاوي وأقر الناس كلهم بصحة خروج الغريب .. من وسطهم وخرجوهو بعيد وبالقوة الكانوا اصلا لا يحتاجوها .. لو فرضوا عليهم السكن بصورة مؤقتة مهما طال زمن بقاءهم .. كما هو حاصل في الكنابي لانه سبب بقاءهم يخصهم هم ..

    كلامك عجيب
    فأنت أولاً بتقدم الإساءة المعممة لبشر لا تختلف عنهم في شيء ومواطنين مثلك تماماً، ولا أعرف ماذا تعني بلفظ (ممارسات غير مظبوطة) فهل نعشم في شرحك؟

    +++

    وهنا أيضاً ألاحظ مقتك غير المبرر وموقفك الدال على التوصية والنصح رغم أنك لست من سكن القرية التي ترغب في أن ترفض (أهل الكمبو) سكناً أو اختلاط قريب، هذه عنصرية يا أخ جمال، ولن ينفع ذكرك لمواقف شخصية ربما تكون أنت سبباً فيها فموقفك هذا مبدئي غض النظر عن الممارسات التي تقولها.

    +++

    من هو (الغريب) في نظرك؟
    وما هي البلاوي والتجارب المريرة التي تقصدها؟
    ألا تلاحظ أن كلامك (عاطفي)؟

    ولماذا يفرض عليهم السكن المؤقت (مهما طال بقاؤهم) برأيك؟
                   |Articles |News |مقالات |بيانات

29-05-2017, 08:15 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    سلامات يا حاتم
    تناولك لمسألة الكنابي و عزلهم و التعامل معهم سليم لكن الخلل جا من ربطك بين الظاهرتين
    مسالة افطار الصائم غير انها صارت عادة اجتماعية متجذرة فهي في الأساس عبادة و تقرب لله و سعي للأجر الذي من الأساس الناس تسعى له وتتحراه طيلة هذا الشهر الفضيل و غيره
    و عادة الفطور برة و ايقاف المارة و الاصرار عليهم ليست حكرا على اهل الجزيرة و القرى التي بالقرب من الطريق و بها كنابي قريبة
    فتجييرك لفعلة هؤلاء بانّها لأجل الرياء بعيد عن الواقع, و هذه العادة من زمن قبل انتشار الميديا و الوسائط
    ثم لمن يراؤون اساسا و ما الفائدة المرجوّة من مراءاتهم لمارة وعابري سبيل!
                   |Articles |News |مقالات |بيانات

29-05-2017, 08:25 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4346

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    ابدا مافي عنصرية يا حاتم وعلى الاطلاق ..
    كلام عنصرية ده ممكن يكون فيه وجاهه لو كان في المدينة ..
    لكن مجتمع القرية لابد من مراعاة خصوصيته وقلت أفراده ..
    لانه مجتمع صغير قد يسبب التباين فيه اشكالات بسبب الاختلاف ده ..
    رفضي للتباين والاختلاف مرتبط بخصوصية مجتمع القرية الضيق ..
    وعادي في المدينة التباين مقبول لانه بيفرضه تكوين المدينة ..
    صحيح انا زول مدينة ولكني لست بعيد من الريف ..
    واتواجد فيه لفترات طويلة وقضيت فيه سنوات من عمري ..
    خذ عندك كمثال صناعة الخمور البلدية من بعض قاطني الكنابي ..
    والتي كانت سببا في كثير من المشاكل ..


                   |Articles |News |مقالات |بيانات

29-05-2017, 08:11 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: موضوع الكنابي دا موضوع كبير جدا ويعتبر فضيحة في السودان وتمييز واضح تجاه مواطنين سودانيين بركة ساكن في الجنقو مسامير الأرض حاول أن يعالج وضع شبيه بالكمبو في القضارف الموضوع دا تحديدا محتاج الي شجاعه في فتحة وتناوله وتسلي الضوء علي حجم المعاناة التي تعيشها الكنابي

    لذلك فتحت موضوعين لإظهار التناقض
    فيبدو أن عقدة السوداني في طلب (المدح) ظاهرة لا تزال تطرد.

    في الفيديوهات أعلاه تلاحظ أن القائمين بأمر (قطع الطريق) يصرون على ذكر مفردة (كرم) ولاينتظرون حتى أن تقال في حقهم.

    أما موضوع الكنابي فقد فضح هذا الكرم المتسربل بالغرض.
    _________
    فقط بالنظر إلى (تصريحات) "جمال" أعلاه.
                   |Articles |News |مقالات |بيانات

29-05-2017, 08:19 AM

معتصم سليمان
<aمعتصم سليمان
تاريخ التسجيل: 28-02-2014
مجموع المشاركات: 835

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    تحية طيبة لك أخي حاتم إبراهيم

    كل عام وانت بألف خير

    انا من المهتمين جداً بكتاباتك وتعليقاتك على الآخرين

    أتفق معك جداً في فكرتك البناءة والمنتجة بخصوص الجيران
    فأنا واحد من الناس المعجبين بمايحدث في رمضان من إفطار
    لعابري السبيل في المناطق المشار إليها هنا وقد فطرت ذات
    يوم هناك............. حقيقة مسألة الجيران دي أول مرة أعرفها
    وياريتها تضاف للهمة دي عشان تكتمل الصورة التكافلية على الأقل
    في شهر الإطعام هذا ةالذي من حكمته أن يشعر غير المحتاج بالجوع والعطش
    والحرمان الذي يشعر به المحتاج ربما معظم شهور العام .

    كما أسلفت أخي حاتم أتفق معك جدا في الفكرة الجميلة

    أخي حاتم أختلف معك جداً في مسألة إطلاق صفة الرياء لأن ذلك يعود للنيو
    والنية يعلم بيها ربنا سبحانه وتعالى ..وياليتك تتراجع عن فكرة الرياء بينك وبين
    نفسك ساااااي إن شاء الله وخلي الأمور على الظاهر بس .

    تقبل تقديري
                   |Articles |News |مقالات |بيانات

29-05-2017, 08:29 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: وبالفعل سكان الكتابي يستحقون حياة أفضل الموضوع كبير ويلامس ما انتجته سياسة إدارة مشروع الجزيرة من تهميش لشغيلة المشروع في رأيي لو كان موضوعا منفصلا عن قطع الطريق في رمضان لإفطار مسافر

    مرحبا أستاذ الطاهر
    ما استغربه أن لا أحد هنا يتمنى أن تسمى منطقته (كمبو) ومع ذلك لا أعرف سر الإنكار البغيض لأهل هذه القرى لدرجة أن تمنع عنها الخدمات بينما سكانها يقدمون (الخدمات) رجالاً ونساءاً لأهل المنطقة.

    هل تكفي صفة (الجحود) لوصف هذا الفعل؟

    _____
    عموماً موضوع الرياء لن يستمر طويلاً هنا، فهو واضح إلا لمكابر.




    Quote: لو أردت الدخول من ظاهرة الكرم (الرمضاني) علي الطرقات .... للوصول الي أهداف أخري.. مثل انعدام العدالة الاٍجتماعية ... فذلك شأن يخص السلطات والحكومات المتعاقبة ....
    +++
    أما أن تعيب علي أهلنا علي طول شوارع الأسفلت مشاركة افطارهم مع عابري السبيل .... فهذا عدم توفيق منك (في العنوان والمقصد) .ذلك شيء يتعلق (بالنوايا) والنوايا مكانها القلب . ويعلم بها (خالق القلوب) ..
    +++
    ولا يحق لك .. (تجريم) صائم حمل مائدته وافترشها علي الطريق و(تصّيد) المارة ... ولعلمك فهو لايتصيد السيارات فقط - بل حتي (راكبي الدواب والمشاة) - رغم قلتهم --

    مرحبا أخ عمار
    لن يفلح التملص من الفضيحة برميها على (الحكومات)، هذه الحكومات خرجت من بيوتنا.
    +++
    وضعت الفيديوهات لبيان هذه الجزئية ولك الحكم، ولكنها في رأيي لا تخرج عن الرياء بدافع الشغف بالمدح.
    +++
    أجرمه في أن الفعل ذاته موسمي، وانتقائي، ظاهره سامي وباطنه التباهي.



    Quote: اشققت عن صدورهم ؟؟

    أبداً
    راقبت أفعالهم وحللت سلوكهم وقارنته بالمعروف عن الكرم بالضرورة.
                   |Articles |News |مقالات |بيانات

29-05-2017, 08:40 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 1731

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    Quote: فتجييرك لفعلة هؤلاء بانّها لأجل الرياء بعيد عن الواقع, و هذه العادة من زمن قبل انتشار الميديا و الوسائط ثم لمن يراؤون اساسا و ما الفائدة المرجوّة من مراءاتهم لمارة وعابري سبيل!

    سلام محمد البشرى
    في فترة سابقة من تاريخ السودان كانت الزكاة يتم إخراجها بواسطة المواطنين وتقدم في صمت للمحتاج.

    السلوك أعلاه يتجاوز ما يعرف عن الكرم بالضرورة إلى (انتقاء) الضيف، والمراء هنا في أن المسافر ينقل الخبر، بينما ساكن (الكمبو) لن يفعل ذلك إلا لمسافة 500 متر أو تزيد قليلاً.

    كانت للكرم مواقع معروفة وبعض القرى لا تزال فيها (التكايا) و(الضرا)، لكن حيلة الاصطياد هذه دخيلة، والمراء لكل من يسمع ويرى، ستجد عشرات الفيديوهات موضوعة على الانترنت وبعضها ذو إخراج عظيم، أناشيد دينية وتلاوة ودوبيت في الخلفية.

    _____
    هذه العادة ليست قديمة يا أخ بشرى، بل ظهرت صنو الأسفلت والكاميرا.
                   |Articles |News |مقالات |بيانات

29-05-2017, 09:11 AM

أحمد محمد عمر

تاريخ التسجيل: 03-03-2010
مجموع المشاركات: 2763

للتواصل معنا

FaceBook
تويتر Twitter
YouTube


Re: رياء السبيل (Re: حاتم إبراهيم)

    يا حاتم العادة قديمة جداً ما ظهرت مع الكاميرات

    في اللهجة العامية عندنا عبارة (من فد رسول) تدل على الشفقة والضعة .. يعني الزول حلفوهو مرة واحدة بس طوالي قبلها
    ليه ؟ لأنه عامة السودانيين نفسهم عزيزة وعشان تكرمهم بتحتاج تحلفهم مرتين وتلاتة
    بل بتذكر مرة جارنا بحاول يعزم في أصحابه من سكان الأرياف ويحلف فيهم بي الله يدخلوا يتغدوا وهم رافضين بعد دخل بيته أبوي الله يرحمه سمعهم بطنطنوا : مستكتر علينا الطلاق يعني ! في فهمهم أكان ما حلفتهم بالطلاق انت ما حريص عليهم لأنه الطلاق دة الما بتردّ
    أنا كزول أطيل السفر ومن الجزيرة وراجل حساس أكان ما لقيت اولاد الحلة قدام باب العربية يعزمونا ويوصلونا لحدي البرش بستاء جداً ولو راكبين عربية خاصة ما بنقيف بنمشي قدام نفتش ناس مضيافين .. ولو راكب حافلة سفرية ممكن اشيل لي تمرات وموية سادة وأرجع الحافلة تاني انتظر الباقين .. بليلة مباشر ولا ضبيحة مكاشر
    الاعتراض في الطريق برضي حاجاتنا النفسية وبخلينا ندخل ناكل مجان بدون تحسس .. لو ما أصريت علي صدقني ما محتاج ليك بمشي أقرب كافتريا آكل بقروشي
    الأولاد البقيفوا في الظلط ديل عندهم عدة مهام .. أولها اعطاءك الشعور بإنهم عاوزينك شديد ويشيلوا منك الحرج والتحسس .. ثانياً إجلاسك في المكان المناسب عشان تاكل مرتاح ما تقعد تفتش للموية مثلاً .. ثالثاً بودوك محل الشفع ماسكين الأباريق يغسلوا ليك يدينك قبل وبعد الافطار .. رابعاً هم على فكرة ما بفطروا ، وقت الفطور بكونوا حايمين يخدموا على الناس ويشوفوا صوانيهم ناقصة شنو .. خامساً والأهم يشوفوا لو معاك نسوان بسوقوهن البيت المخصص للنسوان .. لو دققت دايماً بتكون في بت متضارية بي بيت قريب بأشروا ليها تستلم النسوان وتسوقهن محل اكرامهن

    المبالغة في الكرم دي ما رياء وإنما حاجة مطلوبة في نفسيتنا نحن كسودانيين .. لو أنا جيتك في بيتك وانت صاحبي ما بطالبك بالمبالغة دي بل ممكن أقول ليك هووي يا شاب أنا ما فاطر كلم الحاجة تتصرف لينا .. لكن كعابر سبيل مفترض آكل مع ناس غرباء ما حأعرف أسماؤهم وحتنتهي علاقتي بيهم بنهاية الإفطار محتاج محفز أكتر من كوني مقطوع وهم مارقين فطور في الشارع

    (عدل بواسطة أحمد محمد عمر on 29-05-2017, 09:18 AM)

                   |Articles |News |مقالات |بيانات

29-05-2017, 10:45 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1190

للتواصل معنا

FaceBook
تويتر Twitter
YouTube


Re: رياء السبيل (Re: أحمد محمد عمر)

    علاقتم مع ناس غرب الظلط علاقة انتاج زيها وزي علاقة المزارعين الأمريكان مع المهاجرين المكسيكيين غير الشرعيين، اهم شيء فيها عمالة رخيصة.
    يبدو لي من متابعة صغيرة في التسعينات بكنابي مشروع الرهد ان سكان هذه الكنابي في الغالب متجددون وليسوا ثابتون،
    بمعنى ان من يستطيع فيهم تحسين وضعه المادي ينتقل لحياة اخرى ويحل محله منتقل جديد (صراع الموارد).

                   |Articles |News |مقالات |بيانات

29-05-2017, 12:31 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19775

للتواصل معنا

FaceBook
تويتر Twitter
YouTube


Re: رياء السبيل (Re: أبوبكر عباس)

    تحياتي حاتم
    وضيوفة
    تشكر احمد علي ايراد ما وددت قوله
    بعدينك يا حاتم في حاجة مهمة جدا
    الناس البتسافر بكونوا واثقين حيفطرو في السكة . في مطاعم في الشارع . يعني مافي تأخير الزمن محسوب
    بتحصل في صينية كوستي . المدخل والمخرج للمدينة . وديل بفرشوا الزلط قبل زمن وجيز من الفطور
    ناس الكنابي عندهم بيوت وعاملين فطورهم قد يكون فقير لكن عندهم وديل علي سفر

                   |Articles |News |مقالات |بيانات

29-05-2017, 05:15 PM

Haytham Ghaly

تاريخ التسجيل: 20-01-2013
مجموع المشاركات: 3815

للتواصل معنا

FaceBook
تويتر Twitter
YouTube


Re: رياء السبيل (Re: عبدالحفيظ ابوسن)

    سلامات حاتم وضيوفه

    مسألة اغلاق الطريق دي بصراحة غلط وممكن تتسبب في حادث

    وينجم عنه ضحايا وحصل قدامي بس الله ستر

    لماذا لا يكتفي اهالي القرية الواقعة على الطريق بدعوة المسافرين

    عن طريق لافتة بجانب الشارع ووضع الافطار بصورة واضحة على جنبات الطريق

    وقوف اهالي القرية في وسط طريق الاسفلت خطر جداً وليس دليل على الكرم


    ود القوز بصراحة كلامك شين عن ناس الكنابي وما عهدناك هكذا

    اتمنى ان يكون قد خانك التعبير يا صديقي
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de