الكوليرا تفتك بأهلنا.. وتحتاج حملة عالمية للتصدي لها..
حملة بورداب الرىاض لاغاثة اهلنا بالنيل الابيض
قضايا للحوار:اعادة تدقيق وتحقيق كتاب الطبقات.. بقلم يحيى العوض
في مسألة الكوليرا ..
ياساتر يا رب.. الكوليرا يعم النيل الابيض .. موت بالجملة
علي الحكومة ان تعلن النيل الابيض منطقة كوارث
الوضع خطير بمستشفي كوستي
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 05-25-2017, 05:27 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

حصحاص قعر النضم ...ابراهيم الميرغنى يرد على منتقديه...

05-14-2017, 08:52 AM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


حصحاص قعر النضم ...ابراهيم الميرغنى يرد على منتقديه...

    08:52 AM May, 14 2017 سودانيز اون لاين
    Mohammed Alhasan Mohammed-الدوحة قطر
    مكتبتى
    رابط مختصرحصحاص قعر النضم بقلم : ابراهيم الميرغنى يقول الطيب ( ود ضحوية ) فيما يقول :ولداً بطبق المسرى فوق المسرى يخلف ساقو فوق ضهر ابو قوائم ويسرى حقب قربينو فوق جربانو خت ابكسرة فرقاً شتى من ناس يمه زيدي الكسرة رحم الله الطيب ورفاقه من الفحول والتلوب فما حضروا زماننا الأغبر فكفاهم ، أما ود الرضى فقد تلمس بعبقريته المتقدة باكراً بدايات هذا السقوط عند منتصف القرن الماضى عندما طفت فئات منبته من متنطعى المدن ومدعى الثقافه وأشباه المتعلمين من كل غر سازج ظان أن سكنى المدن وإرتياد مدرسة يكفى لخلق نخبة تحاول أن تختزل السودان فى نمط حياتهم السطحى بل ، ويكتفى أحدهم بترديد كلمتين ( الرجعية ،، والطائفية ) بعد أن يسب هذا ويشتم ذاك دون حتى أن يدرى الخلفية التاريخي' والسياقين الإجتماعي والموضوعي البعيد تماماً عن ما يتره به ، حتى وصفهم الزعيم الأزهرى بالغوغاء ودهماء المدن ( النتائج الثانوية لعملية التحديث وبناء الدولة ) فصار التطاول على القيم والموروث ورمى الناس بالمظان وتتبع العورات وإن لم يجدوها فخيالهم الراكد كفيل بإختلاق القصص وفيهم يقول شيخنا ود الرضى فى تنبيه الغافلين فى احوال الزمن صار الفكر حاير- [ ] والياباك خلو منو شن داير فوق أهل الفكر كاس الوحيح داير نفد سوق النفاق سوق السمح باير لك الله يا سيدى لو رأيت زماننا هذا لحارت بك القوافى ( فالشين والفسل ) لا يحتاج الى التباحت وفى زمانكم وما تلاه كان فى الناس فضلة من إرث وحلم وحب الاخرين وولاء حينما يكذب أهليه الأمين كما يقول صلاح كان هناك رجال كزكى العود يضوعون على الناس عبقاً وحداة حفاظ يشدون المجتمع نحو الفضيلة والقيم النبيلة التى تشكل الأساس لتماسك الإنسان وإستمراره فى الحياة وتقديم أفضل ما لديه لنهوض المجتمع، فرغم ( هوجة ) أدعياء االمعرفة وروح القطيع التى تسود بينهم كان فى السودان ( رموز ) فى العلم والثقافة والسياسة والفن والإقتصاد والإداره تمكنوا بفعل إدراكهم العميق أن الموروث لا يتقاطع بتاتاً مع التحديث ،، نعم شرد العلامة عبد الله الطيب وإستشهد الأزهرى فى السجن وأوقد حاج حمد ناراً أضاءت المشرقين لم يصبنا من ضيائها إلا ومضات خبت وأحتفى العالم بالطيب صالح قبلنا بكثير ، وهاجرت العقول النيرات لتبنى حضارات الرمال أو تتجمد من صقيع البلاد التى تموت من البرد حيتانها رحل وردى وأعدم الشفيع وعبد الخالق وإستشهد الإمام الصنديد الهادي المهدي وصفي الشيخ الجليل محمود محمد طه .وهكذا كلما أينعت شجرة وإستوت على ساق تعصف بها أسراب الجراد وكلما تفتحت فى بلادنا زهره ذبلت من رياح الشؤم والسموم بينما العالم من حولنا يتقدم ظللنا نحن نضمحل ونتآكل ليبرز السؤال الحقيقى من يقود المجتمع السودانى الان والى أين نمضى ومع من أين القدوة دعك من الأخلاق أين القدوة فى المأكل والملبس أين بدلة الدمور البيضاء وأين التوب أين أنت يا وردى ( بقميصك النص كم الأنيق ) أين أنت يا ازاهر ويا سمار الأكروبول بل أين أنت يا مقابر ،، أين شعر جماع الرصين والتجانى العميق ،، أين أنتم يا مثقفى اليسار يا رفاق محجوب شريف بنقائه وعزته أين أنتم يا شباب الحركة الاسلامية يا إخوة على عبد الفتاح والمعز عبادى وعبد القادر على أين المنابر ومدارس الكادر يا إتحاديون .أين الشخصية السودانية والوسط العريض أين شباب الأنصار والمهاجرين الأماجد بل أين أنتم يا أهل القوم يا خلفاء الطريق ويا مقدمين ،، خذوها منى على علاتها سيلعننا التاريخ وتستهذى بنا الأمم وتسير بنا الركبان إن أضعنا هذا البلد النعمة و بينما تقوم الدنيا ولا تقعد على عريبى ( قنصلو غزال ) !!!!!!!!.إن كان ابراهيم الميرغنى هايف وهمو بارد لأنو مرق لى زراعتو ونجع لى سعيتو وواصل اهلو وفى دربو قنصلو غزال يبقا كل من روج ودلل ونبح ولت وعجن وتفسبك وتقوقل ودبج الأسافير ورقص وعرض فرحاً ( خلاص لقالو فينى فرقه ) اذا كان دا كلو فوق قنصتى مع الإعتذار الشديد للجميع يبقا أهيف مني وهمو أبرد مني وفى كلام العرب الرماد كالو ، فمن هو ابراهيم !! سوى مجرد مواطن سوداني ( هوين ) لا خيل عنده يهديها ولا مال ولا يملك سوى أن يقول لكم كلاماً ( حاراً ) يلذع النخوة فى نفس من تبقت من سودانيته جذوة ، دعوه فما ابراهيم الا بدوي أصاب شيئاً من حضارة فظن نفسه متمدناً فتركها سنينا وعاد ليجد أهلها كما فارقهم يأكلون لحم بعضهم ويسرقون أموالهم ويهتكون أعراضهم ويرمون حرائرهم بالإثم وهم يعلمون ، هذا البدوى عاد الى حيث ينتمى الى طينته التى منها خلق فبالله عليكم دعوه هذا لحمه فكلوه ودمه أسفكوه ولكن دعو روحه ترحل بعيداً الى حيث تجد السكينة هنالك فى كسمور وريره وقروره وتندلاى حيث السودان فيه بقيه ، فقد كفاه النواح على بحر الجبل الذى غير مساره ضد التاريخ وعكس الجغرافيا وغزلان الردوم وحبارى جبل مرة التى توشك أن تفارق دعوه يرثى لحال الطير المهاجر لى وطن صلاح أحمد ابراهيم ولن يجد ضل الدليب ،،، بالله عليكم شفتو مرة جبل مرة وله تخيلتم أين كان الشريف زين العابدين الهندى عليه رحمة الله ورضوانه لما قال فى ملحمته ( سودانية )بت الحر وأم الحر واخت الحر وست الضنبو مردوم بى وراهو يجر ست الفى الخشش من العصير بنتر ست الخيل وست الفى القلوب بنقر وأم الحلفو بيك وبى العذاب المر ما بختولك الشينة ومناحة كر أما أنا فأعرف أين كان ،، ( كان فى عموم السودان ) قانص مثلى وما عندكم اى عوجة الصور راقدة كان بتحلكم كل يوم جرولكم بوست ،، كفانى الله وإياكم والسودان مناحة كر .



    (عدل بواسطة Mohammed Alhasan Mohammed on 05-14-2017, 11:20 AM)
    (عدل بواسطة Mohammed Alhasan Mohammed on 05-14-2017, 11:52 AM)
    (عدل بواسطة Mohammed Alhasan Mohammed on 05-14-2017, 11:52 AM)
    (عدل بواسطة Mohammed Alhasan Mohammed on 05-14-2017, 11:55 AM)
    (عدل بواسطة Mohammed Alhasan Mohammed on 05-14-2017, 11:57 AM)
    (عدل بواسطة Mohammed Alhasan Mohammed on 05-14-2017, 11:57 AM)
    (عدل بواسطة Mohammed Alhasan Mohammed on 05-14-2017, 11:58 AM)
    (عدل بواسطة Mohammed Alhasan Mohammed on 05-18-2017, 07:44 AM)
    (عدل بواسطة Mohammed Alhasan Mohammed on 05-18-2017, 07:45 AM)
    (عدل بواسطة Mohammed Alhasan Mohammed on 05-18-2017, 07:46 AM)
    (عدل بواسطة Mohammed Alhasan Mohammed on 05-18-2017, 07:55 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 09:06 AM

Salah Zubeir
<aSalah Zubeir
تاريخ التسجيل: 08-17-2015
مجموع المشاركات: 987

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Mohammed Alhasan Mohammed)

    اااتك ااااسيدي المرغني ... اردم الحوش...
    Quote: فئات منبته من متنطعى المدن ومدعى الثقافه وأشباه المتعلمين من كل غر سازج ظان أن سكنى المدن وإرتياد مدرسة يكفى لخلق نخبة تحاول أن تختزل السودان فى نمط حياتهم السطحى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 09:28 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Salah Zubeir)


    سلامات محمد الحسن

    تحياتي عبرك لإبراهيم الميرغني

    ياخي مآساتنا في هذا الوطن أكبــر من غزالة أبراهيم الميرغني الشالا في ضهره
    مصيبتنا في فساد الطبقة السياسيه في البلاد وميته قلبوهم وعماهم عن رؤية أزمة البلد
    بلغ أقصي مقاومتهم ونضالهم لهذا النظام محاصصته في إقتلاع عدد من الوزارات
    وعدد من مقاعد البرلمان , إنكشفت عورة وعيهم وظهروا طلاب جشعين للسلطة
    يا أبراهيم الميرغني ماذا أنتم فاعلون ؟

    برلمان بدرية سليمان أسقط التعديلات وضيق الحريات
    ماذا أنتم فاعلون ( يعني أنتم تمومة جرتق ليس إلا)...


    : حكومة من 76 وزير تنوء الجبال عن حمل مخصصاتهم
    ومرتباتهم ووقود سياراتهم ... لكم في رئيس تنزانيا أسوءة حسنه
    يحارب الفساد ويدير بلاده فقط ب19 وزير ويحافظ علي المال العام
    وأحبه شعبه .. أنتم سيلعنكم الشعب لأنكم قاسمتهم المؤتمر الوطني المسؤليه
    تبديد وهدر المال العام علي مخصصات وراوتب الدستورين في بلد
    ما قادر يوفر 200 مليون للدواء ..

    وبرضه تقولي الغزاله جاوزت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 09:40 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13101

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: عبدالعظيم عثمان)

    وقت بتعرف قدر دة يا ابراهيم الرماك مع الناس ديل شنو
    ارجو ان يطابق بلاغة قولك فعلك
    الصيد ماهو عيب وهو تراث سوداني خلده الحردلو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 09:48 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: عبدالحفيظ ابوسن)


    عندما كتب أبراهيم الميرغني مقال عن فوز ماكرون برئاسة فرنسا وحاول أن يقول بأن الصادق المهدي فعل ذلك
    في الستينات ( شتان بين إبن الزعامة والطائفة وبين رجل من عامة الناس يصعد ليصبح رئيس فرنسا)

    السقطة الثانية : قبول أبراهيم الميرغني بأن يكون ضمن جوغة الحكومة في التشكيل الوزاري الجديد
    لم أكن أتوقع بأن أبراهيم الميرغني سوف يقبل بذلك ويسهم في شرعنة الفساد والفشل ...

    ويبدو أنني أسأت التقدير للمرة الثانية
    فالرجل يسربله الوعي الطائفي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:12 AM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 02-26-2005
مجموع المشاركات: 8618

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: عبدالعظيم عثمان)

    اسعد الله أوقاتكم
    ودمه أسفكوه ولكن دعو روحه ترحل بعيداً الى حيث تجد السكينة هنالك فى كسمور وريره وقروره وتندلاى حيث السودان فيه بقيه ،

    ___________________________________________________

    وفي رحيل روحك يا وليدي , وانت ممتطئ صهوة دابتك الفخيمة
    الم تكحل الناس بين ريرة وقرورة يموتون من السل (قاتل الفقراء)
    بسبب العوز ,, ممن تنقذهم قيمة الطلقة التى ترمي بها غزالة
    ام كان تظليل دابتك حرمك من نظرة لاناس من الجوع يتحركون
    كما الاشباح في كمسور ليس لهم غير حجارة يفترشونه وسماء تظلهم
    يقتاتون المسغبة بالجوع ويشربون الفقر في أكواب الحرمان ,,
    ,,, اصطد كما تشاء ودوبي كما تشاء , وسيح في النجوع البعيدة
    أنى شئت و لكن لا تحسبنها مشاركة للفقراء
    فمن قبلكم كان هارون الرشيد يسرج خيله ويضرب في عمق البادية
    مستمعا بالصيد , وقاتل اجدادك يزيد بن معاوية (عليه لعنة الله شاعرا)
    يتزوق دوباي عصره ويدوبي أيضا و بقربه انين أجدادك صلوات الله وسلامه عليهم
    يتلوون من التعذيب في سجونه ,,
    يا وليدي لم ننغم عليك لانك صياد وولدت وفي فيك ملعقة الذهب
    ولكنا ننغم عليك وانت تتلوث بمخالطة الظالمين عمر ورهطه
    متناسين تعاليم جدكم الاكبر صل الله عليه واله وسلم
    (ولا تجعلنى للظالمين خصما) ,,

    (احفاد المهدي بحبو ركوب الخيل والبولي ,, وبرضو ويدوبو , وعصام الترابي مرجعية في الدوبيت وركوب الخيل ايضا ,)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 09:58 AM

علي الكرار هاشم
<aعلي الكرار هاشم
تاريخ التسجيل: 02-10-2007
مجموع المشاركات: 3445

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: عبدالحفيظ ابوسن)

    لا اعرف الوزير ابراهيم المرغنى
    لكن تابعت صفحته علي الفيس فهو صديق هناك بعد أن لفتنى الاسم
    بصراحة الشاب لديه أفكار جريئة داخل حزبه تختلف عن منهج المراغنه وقد اقتحم الحياة العامة والاجتماعية وظهر بقوة ثم تزوج من اعلامية بارزة
    وهاهو الحزب يقدمه كوزير برغم وجود العديد من الوجوه
    اعتقد اذا صفت النيات فان هذا يدعم مسيرة الوزير الشاب اكثر من البحث عن سلبياته
    أسجل اعجابي وأدعو له بالتوفيق فقد سئمنا من الوجوه المكررة ومن الكبار الذين افتقدوا الي عالم الدهشة والمفاجآت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:06 AM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 4540

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: علي الكرار هاشم)

    بلا اتركوه في حاله بلا بتاع
    اقعد في بيتكم شوف زول يسألك
    اما تجي تستوزر و الله يمرقولك ................. جدك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:39 AM

المسافر
<aالمسافر
تاريخ التسجيل: 06-10-2002
مجموع المشاركات: 4940

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: علي الكرار هاشم)

    شجعني صديقي للذهاب إلى عيادة عوض دكام لعلاج آلام الضرس بصفته أحسن من يقدر ظروف المرضى
    عند باب العيادة صادفناه خارج مسرعا
    ناداه صديقي ياخ الزول ده ضرسو موجعو
    وهو مندفعا في طريقه قال:

    ضرس شنو؟ انتو عندكم ضروس ؟ دي حجارة طواحين
    أمشو ما بتجيها عوجة

    نعم

    في ذلك الوقت كان الناس لا يخشون من حصاص قعر البليلة وحصحاص قعر الغلة
    لأنها بتصادف حجارة طواحين
    وحجارة تلاقي حجارة

    وفي غياب أهل البليلة وأهل الغلة
    النضم بقى يتوسد قعر الدروب وين مكانها حصحاص ورقيطاء
    ولما أصبحت شكوانا توصف بوجع الضروس
    يكفينا أن يضرسنا الوجع
    ونبقى أهل الوجعة
    مادام ما لحقنا البليلة والغلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:10 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 241

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Mohammed Alhasan Mohammed)

    الاخ محمدالحسن .الزول دا سيرتو الذاتيه شنو ؟؟؟؟؟؟؟
    قيمتو فى الوطن شنو خلاف اسم الميرغنى المقرون فى نهايه اسمو ( ليس الفتى من يقول كان أبى .......ولكن الفتى من قال ها أنا ذا ) ...
    وطوله اللسان على عباد الله شنو كمان ... عاوزنا تسكت قايلنا راضين عن اولاد الاسياد البقومو من نومهم يلقو كومهم ...سبحان الله ...!!!
    هو قايل الناس عايشين فى القرن ال19
    .وسؤال له لمذا انت بالذات من دون آل الميرغنى تم اختيارك ؟؟؟؟؟ونرجو ان يجر لنا بوست يرد فيهو بصراحه

    (عدل بواسطة Asim Ali on 05-14-2017, 10:11 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:42 AM

طارق عبد اللطيف نقد
<aطارق عبد اللطيف نقد
تاريخ التسجيل: 11-13-2005
مجموع المشاركات: 2298

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Asim Ali)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 10:58 AM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 4540

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: طارق عبد اللطيف نقد)

    الكهنوت مصيرو الموت
    او كما هتف يحى الفضلي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 11:11 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 241

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: طارق عبد اللطيف نقد)

    لقد اوردت هذه الصور فى بوست سابق يخص اعلانة وزاره كارثه الحوار الوطنى ..
    صوره تجمع بين امبراطور اليابان الراحل هيروهيتو والامبراطور الحالى (الامير )حينها اكيهيتو رغم انهم الاثنين فى ثقافتهم فى مرتبه بي الاله والانسان
    الا انهم مفيدين للانسانيه كعلماء احياءب حريه لهم دراساتهم وابحاثهم المنشوره فى الدوريات العلميه .
    لذلك اليابان هى اليابان التى يعلمها الجميعالان .لاتقعد همه الفرد فيهم مكانه مهما كانت

    .

    (عدل بواسطة Asim Ali on 05-14-2017, 11:16 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 11:17 AM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Mohammed Alhasan Mohammed)

    لم أفهم شيئا ..

    * قرأت ما يفيد أن "بعضهم" قد تناول الاستاذ إبراهيم الميرغني من مدخل السيدة الفضلى حرمه .. لو ان هذا المقال في معرض الرد على أولئك, كان يجب تحديد وجهته بدقة بدلا عن الاشارات المرسلة والتي تشمل جميع الذين مارسوا حق النقد المشروع لتكوين وشكل وشخصيات هذه الحكومة ..

    * لو كان المقال بسبب انتقاد بعضهم لصورة القنص تلك .. فالامر لا يستحق هذه الزوبعة الكلامية .. شخصية عامة وهي عرضة للتناول من مختلف المستويات الاجتماعية والثقافية ..

    *هناك مغالطة أساسية تتمثل في كونه مواطن من جملة مواطني الوطن الكبير .. اعتقد انه لو كان كذلك لما احتاج لكتابة هذا المقال اصلا ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 12:57 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: محمد حيدر المشرف)


    كلما أستوزر سياسي وقبل بمحاصصة أهل الإنقاذ
    أتذكر المثل السوداني البقول :

    السقط همته إشتري ذمته

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 01:24 PM

Hatim Alhwary
<aHatim Alhwary
تاريخ التسجيل: 01-23-2013
مجموع المشاركات: 1620

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: عبدالعظيم عثمان)

    غايتو ود ضحوية يطير وتطير البطانة

    اتو سر هوس وتعلق "الحناكيش" بالبادية والقنيص والفروسية شنو ؟

    لمن ضحكت

    اتذكرت برنامج ممل في التلفزيون جابو فيها...عصام الترابي ياهو نفس عينة الحنكوش المتفرسن دا
    عامل فيها بتاع دوبيت وخلا وحركات...:)


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 02:08 PM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 19070

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Hatim Alhwary)

    جنس قوة عين..
    انت منبطح لديكتاتور مجرم وتشتم الشعب السوداني..

    تسير عكس نضال الاتحاديين من أجل حرية الشعب..
    ومن ترفع الصوفية الأول عن ابواب السلاطين..

    يتفضل عليك ديكتاتور جبار بمقعد صوري
    تكون فيه شرابة خرج.. لا تجيب لا تؤدي..
    وإنما ديكورا لنظامه المجرم.. وهو يسير نحو تفتيت السودان..

    واي مسبة أكثر من ذلك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 03:07 PM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Elbagir Osman)

    الاحباب الكرام..

    salah zubeir
    asim ali
    hatim alhwary
    el bagir Osman
    و
    عبد العظيم عثمان
    عبد الحفيظ ابو سن
    عمار عبدالله عبد الرحمن
    على الكرار هاشم
    امجد الجميعابى
    المسافر
    محمد حيدر المشرف
    طارق عبد اللطيف نقد


    اشكر لكم مروركم الكريم ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 05:17 PM

ايمن الصادق
<aايمن الصادق
تاريخ التسجيل: 01-02-2013
مجموع المشاركات: 892

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: Mohammed Alhasan Mohammed)

    مثير للإمتعاض .. كان أحسن يسكت .
    لكنه للأسف تكلم وقرررفنا .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 05:47 PM

muntasir

تاريخ التسجيل: 11-07-2003
مجموع المشاركات: 2410

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: ايمن الصادق)

    يا مشرف ياخ الزول بتكلم عن غزال الله والرسول اب أربع كرعين وضنب فما تدخل لينا مِنِّي مِنِّي وحركات مدرسة الكادر دي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 06:05 PM

عبد الصمد محمد
<aعبد الصمد محمد
تاريخ التسجيل: 12-12-2004
مجموع المشاركات: 799

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: muntasir)


    بداية مؤسفة
    الزول دا الكبار ما أدوه الدرب ولا شنو
    يا أخوي من يتصدى للعمل العام يجب أن يتسع صدره للنقد لا سيما إن كان موضوعياً
    أما إن إردت وانت في منصب عام أن تدخل سوق المشاحنات والمخاشنات اللفظية فهذا ليس موضعها
    هل لك تجربة في أركان النقاش الجامعية تشد أزرك وتقوي ساقك وأنت في موقع بيت القزاز (غير الجامعي)
    لا عيب أن يتولى شاب نجيب في سنك موقع الوزارة
    ولكن مشكلة الناس أنهم سمعوا بأسماء شابة عركتها سوح الوغي السياسية واسمك ليس بينهم
    وثاني المحن أنك وصلت للمنصب بصفتك السيد ابن السيد وليس الكادر الحزبي المحنك
    ثالثة الأثافي هذه الصور المستفزة للغالب الأعظم من جموع شعب فقير يموت من العجز عن شراء الكلوروكين
    وتعم جموع أطفاله المشردين في معسكرات اللجوء حالات سوء التغذية
    فكيف تلومهم إن إستفزتهم صورة غزالاتك ومركباتك كأنما من كوكبين مختلفين
    الفات مات
    من جاي ولغادي وسع صدرك
    قبل أن تنتاشك الأقلام الحراب المسمومة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 05:55 PM

حامد بدري
<aحامد بدري
تاريخ التسجيل: 03-10-2013
مجموع المشاركات: 2284

للتواصل معنا

FaceBook
تويتر Twitter
YouTube


Re: حصاص قعر النضم ...ابراهيم الميرغنى يرد على (Re: ايمن الصادق)

    الختمية سفينة نوح حصل نفسك اوعا تروح
    احسن لي سطحي من ختمي
    من قولت تيت جليت المقال الطويل ده زي الزول القال حرم سيدي كرعي ماتهبش واطة جنينتي
    عينكم قوية للان تاكلوا حق الناس زي خمس الفقيه وجابتلا نبيزة وشتيمة
    حقو السطجييين ديل انتا التبوس ايدوم موش العكس لولاهم لما عرفت الصيد بالباجيييرو وتاكل الغزلان وتديهم الفتة وتنعم باللحم الطري
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-14-2017, 06:17 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)



    التحية للاخ العزيز والشقيق محمد الحسن ..
    قسما بالله ما انتبت الى انو هو كاتب البوست ..

    منتصر سلامات ..
    انا والله ما فهمت كل هذه الاستدعاءات لشعر البطانة والشخصيات التأريخية والمعاصرة من الممكن ان تكون في معرض رد زول يحتل منصب عام على مجرد تعليقات كتبت بخلفية صورة التقطت له .. وكنت قد قرأت كم من التعليقات السخيفة على التهنئة التي ساقتها السيدة الفضلى زوجة ابراهيم .. فذهب ظني الى ان هذه الكتابة المنفعلة نتيجة لذلك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 07:05 AM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد حيدر المشرف)

    التحية للاخ العزيز والشقيق محمد الحسن ..
    قسما بالله ما انتبت الى انو هو كاتب البوست ..

    ............................................................................

    شكرا يادكتور ولك التحايا العطرة ..


    طبعا الموضوع يدور كما كتب الخليل ...ابراهيم قنصلو غزال... اعجبنى المقال ولغته الجميلة الموغلة فى مفردات البادية ..و قلت اشرك بيه للناس الكتابين شديد.فى المنبر دا وبعجبم النضم السمح .زى ود اب سن و محمد حيدر المشرف ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 07:18 AM

عبد العزيز محمد عمر

تاريخ التسجيل: 02-16-2013
مجموع المشاركات: 2535

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)



    المقال مكتوب بلغة رصينة جداً .... وهذا ما أعجبني حقيقة ..


    ناس سيدي ديل ما عندي معاهم شغلة .... وربنا دا ما عاوز ليهو واسطة ... ولا صكوك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 01:59 PM

عثمان حسن المتعارض
<aعثمان حسن المتعارض
تاريخ التسجيل: 03-03-2010
مجموع المشاركات: 404

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبد العزيز محمد عمر)

    مشكوووووور الأخ محمد الحسن علي التهذيب والكلام الجميل الذي أوردته
    السيد ابراهيم الميرغني تم إختياره كوزير بموافقة المكتب السياسي للحزب بل
    بموافقة كل الأقطاب الإتحادية ولم يأت وزيرا بإنقلاب أو علي ظهر دبابة ..
    والقدح والإعتراض علي ذلك هو قدح وتنقيص من قدر قيادة ورئاسة الحزب
    هذا الكلام موجه للإتحاديين الديمقراطيين ، أما لغير الإتحاديين من شيوعية
    ويساريين وكيزان وفوضجية أقول .. اتركوا الحزب وشأنه فقد اختار وارتضي
    خيار المشاركة وخليكم في المعارضة التي لم ولن تغير النظام إن لم تطيل
    من عمره ، أو انتظروا ربيع عربي أو دخول الناتو عشان يديكم وزارات ويلعب
    بيكم يمين وشمال ... اختشو علي عرضكم ...

    عاش ابوهاشم رغم الحاقدين الضالين والمضلين


    ....

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 02:17 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عثمان حسن المتعارض)




    Quote: السيد ابراهيم الميرغني تم إختياره كوزير بموافقة المكتب السياسي للحزب بل بموافقة كل الأقطاب الإتحادية ولم يأت وزيرا بإنقلاب أو علي ظهر دبابة .. والقدح والإعتراض علي ذلك هو قدح وتنقيص من قدر قيادة ورئاسة الحزب هذا الكلام موجه للإتحاديين الديمقراطيين


    الكلام دا غير صحيح ... الإتحادين لم يرتضزا مشاركة هذا النظام ولا شيء
    ما إرتضي المشاركة هو الميرغني ومن حوله من أتباع وبعض الإنتهازين..

    بعد مجزرة النظام وقتل المتظاهرين في سبتمبر 2013 رفعت اللجنة التي كونها الميرغني بقرار
    فض الشراكة مع المؤتمر الوطني , ماذا فعل الميرغني بتوصيات هذه اللجنه
    صمت وواصل وزراء الحزب بالعمل والذهاب الي مكاتبهم دون أن يعترضوا أو يثبتوا
    موقف للتاريخ ويرفضوا السلوك الإجرامي للنظام ( دا دليل دامغ علي الشراكة الإستراتيجية بين الميرغني وبين المؤتمر الوطني)

    بعدين من متين كانت إعتراضات الإتحادين غلي قرارات الحزب منقصة أو تشكيك في قيادته
    قيادة الحزب هي التي تتخبط وإختفت الإرادة الحزبيه ولم تشرع في قيام المؤتمر العام
    فهي قيادة بلا شرعية جماهيريه ... عشان كدا الحزب كل يوم من جرف لي هاوية

    الميرغني شغال يورث في ولده الحسن قدام الناس عينك يا تاجر ... ومرشح ولد أخوه
    للوزارة فقط لأنه من آل الميرغني جنس الدغمسة دي الإتحادين الشرفاء الخلص لن يرتضوا
    بها ... في كثير من الإتحادين أكثر كفاءة من الحسن ومن أبراهيم الميرغني اذا كان الحزب يخترم كوادره
    لما قبل بهذا العبث الطائفي والتوريث في حزب سياسي مفروض أن يكون الفيصل هو الكسب والفكر
    وليس الإنتماء لبيت الميرغني ..

    عشان كدا يا ود المتعارض ناسك ديل ماشين يقزموا الحزب الي أن يتحول الي حزب أسري يضم فقط آل الميرغني
    وأتباع الطريقة الختمية الذين يتقربون زلفا لهم ببوس الأيادي والإتقاد الراسخ بكراماتهم .. حركة الوعي حتتجاوز هكذا حزب
    وسودان المستقبل لن يحتاج الي هذا النوع من الأحزاب وبهذا النوع من الولاء ( وهنا الإختلاف)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 02:58 PM

عثمان حسن المتعارض
<aعثمان حسن المتعارض
تاريخ التسجيل: 03-03-2010
مجموع المشاركات: 404

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبدالعظيم عثمان)

    والله كلامك دا عبث وتلاعب بالحقائق الأخ عبد العظيم وليس إلا
    ويدل إنك وللأسف لاتملك اي معرفة بكيفية صدور قرار المشاركة من داخل أروقة الحزب
    المهم .. هذا هو الحزب الإتحادي الديمقراطي الأصل بزعامة القطب مولانا السيد الميرغني
    ويعتمد اساسا علي جماهير الختمية العريضة علي طول البلاد وعرضها ، التي صارت
    هتافاتها وبكل بساطة وفي كل المناسبات ... نحن نؤيد حزب السيد ... وهذا الحزب العملاق
    لايساوي قشرة بصلة بدون جماهير الختمية الهادرة ومن يوالونها ، التي إختارت الزعيم الميرغني قائدا لها ...
    للذين هم داخل الحزب أي الإتحاديين نقول لو الكلام دا ماعاجبهم فليغادروا ويكونوا مايرتضون
    من كيان آخر بس بغير مسمي الحزب الإتحادي الديمقراطي الأصل ، أما الذين يعرضون خارج
    النوبة من بقايا اليساريين الماعارفين يقبلوا وين أو من اخوان الشياطين المطرودين من ناس
    الجبهة نقول عليكم يسهل وعلينا يمهل غوروا الله لاعادكم ولقد إنتهي عهد الاستقطاب وولي
    .... هذا هو الإتحادي الديمقراطي الذي ارتضي خيار المشاركة لكي يغير من الداخل وبكل الطرق
    الديمقراطية المشروعةوالمتطورة حفاظا علي وحدة البلاد ...
    ولابديل لذلك .. عجبك عجبك .. ماعجبك الله معاك


    ........

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 03:19 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عثمان حسن المتعارض)




    Quote: ... هذا هو الإتحادي الديمقراطي الذي ارتضي خيار المشاركة لكي يغير من الداخل وبكل الطرق الديمقراطية المشروعةوالمتطورة حفاظا علي وحدة البلاد .. . ولابديل لذلك .
    . عجبك عجبك .. ماعجبك الله معاك


    يا زول دا خيار المشاركة دا تقولوا اذا كان خيار المؤتمر العام للحزب
    أو خيار الجماهير عبر إستتفاء لجماهير الحزب
    دا خيار الميرغني والتبع المعاه أصلوا ما تلصقه في جماهير الإتحادي
    الجماهير الإتحاديه مافي زول جايب خبرها .. بعدين إنتوا في غيبوبة شديده
    الولاءات إتغيرت مافي مناطق ثبات جماهيري زي زمان قلنا الكلام من قبل 20 سنه
    لكن زي نوعك دا هو المشكلة في الحزب وزي طريقة تفكيرك دي هي المصيبة..

    Quote: هذا هو الحزب الإتحادي الديمقراطي الأصل بزعامة القطب مولانا السيد الميرغني ويعتمد اساسا علي جماهير الختمية العريضة علي طول البلاد وعرضها ، التي صارت هتافاتها وبكل بساطة وفي كل المناسبات ... نحن نؤيد حزب السيد ...


    طيب ما تسوا ليكم حزب وتسموا حزب الختمية المانع شنو؟
    أعملوا ليكم حزب سموا حزب الخلفاء ومريدي الطريقه الختمية
    شوف كان في إتحادي مشي عليكم ...
    إنتوا محتطفين الحزب وإسمه وشغالين بيه شي لله يا ميرغني
    وحزب السيد دا ما يسميه حزب المراغنة (المانع شنو؟)...

    Quote: للذين هم داخل الحزب أي الإتحاديين نقول لو الكلام دا ماعاجبهم فليغادروا ويكونوا مايرتضون من كيان آخر بس بغير مسمي الحزب الإتحادي الديمقراطي الأصل


    هي وينا المؤسسة الحزبيه وينه التنظيم يا متعارض
    مافي حزب بالمعني اللفظي يعني مافي مؤسسات حزبيه شغاله
    عشان اذا في إتحادي عاوز يطلع من الحزب مافي أي مؤسسة في الحزب
    بتنظم عملية الدخول والخروج من الحزب .... ما دي المصيبة الخلت الحسن
    ولد محمد عثمان الميرغني يجي يركب فوق القيادة توووش لانه لافي باب
    ولا في حيطة ولا في حتي شباك ... ما الحزب حق أبوه زي ما بتقول إنت
    "حزب السيد" ... مقعوله في زول عاقل ممكن يقبل بوضع زي دا دون أن يطالب
    بالتغير المؤسسي والتنظيمي للحزب ...





                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-15-2017, 03:49 PM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 19070

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبدالعظيم عثمان)

    جماهير الاتحادي آخر مرة سمعناها تهتف لا وفاق مع النفاق

    يبدو أن القيادة، والمستفيدين حولها، لا يستمعون لجماهيره

    ويرفضون عقد مؤتمر يحدد وجهة الحزب

    ويقودون الحزب في طريق التقزم والتبعية لعصابة المؤتمر الوطني

    راضين بما تلقيه إليهم من فتات السلطة التي سرقتها بدبابة

    الباقر موسى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-16-2017, 04:52 PM

عثمان حسن المتعارض
<aعثمان حسن المتعارض
تاريخ التسجيل: 03-03-2010
مجموع المشاركات: 404

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Elbagir Osman)

    عاش ابوهاشم عاش ابوهاشم
    عاش الميرغني أبو الوطنية
    عاش الميرغني للسودان
    الشعب يؤيد حزب السيد
    بايعناك ياعثمان أمل السودان
    أنا أصل من أصول ثابتات في بلادي
    أنا عين من عيون نابعات في البوداي
    أنا قلب من قلوب نابضات بالمبادئ
    أنا صرح شامخ في الحق هابته الأعادي
    أنا إتحادي وللشرع من قلبي أنادي
    إتحادي إتحادي إتحادي
    أنا صوت الحق والحق أصل في بلادي
    أنا نور العلم يجلو الظلم وألوان الفساد
    أنا مجد الأمس يحكي في شموخ واعتداد
    أنا الحاضر في ثوب الفضيلة والرشاد
    أنا المستقبل الوضاء بالخير أنادي
    إتحادي إتحادي إتحادي
    أنا العلم المرفرف عاليا في كل وادي
    أنا النيل الذي ينساب خيرا للعباد
    أنا السلم أنا الموت الزؤام لمن يعادي
    أنا السودان يخطو واثقا بين البلاد
    إن تسل عني فإني إتحادي إتحادي
    إتحادي إتحادي إتحادي
    هؤلاء هم الإتحاديين الديمقراطيين
    وهذا هو دستورهم وقانونهم
    ولن يغيروا اسم الإتحادي الديمقراطي الأصل
    والماعاجبو يشرب من بحر المالح
    وليس مؤتمر الحزب القادم ببعيد


    .....





                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-16-2017, 07:29 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عثمان حسن المتعارض)



    Quote: عاش ابوهاشم
    عاش ابوهاشم
    عاش الميرغني أبو الوطنية
    عاش الميرغني للسودان
    الشعب يؤيد حزب السيد
    بايعناك ياعثمان أمل السودان


    سالكي الطريقه الختميه من حقهم أن يتهتفوا لشيخهم
    كما يشأؤون .. يمارسون هذا الإرتباط الروحي الصوفي كما يريدون
    بس الكلام في السياسه ما بنفع يا متعارض تعرف ليه؟
    لانك ما حتقدر تقول للميرغني لا وهو يورث ولده قيادة الحزب
    لانك خاضع وطايع طاعة عمياء ولا تري الا ما يريدك شيخك أن تراه

    هذا الخضوع وهذه الطاعه العمياء واحدة من مشاكل إصلاح الحزب
    إنتقاد الميرغني هو إنتقاد لسلوكه السياسي ولعمله الحزبي
    المصيبه في أتباع الطريقه الختمية الذين يمارسون السياسه
    لن يستطيعوا مخالفة شيخهم وسيكونوا عقبة في طريق التغيير
    والإصلاح الحزبي وسيمارسون السياسه بنفس هذه الهرجلة التي يقوم بها ود المتعارض
    يمارس في دور درق سيده حتي لو كان سيده ظالما أو مظلوما , مخطئا أو ومصيبا
    المهم عنده أن يدافع عن شيحه تحت كافة الظروف ويتحول الي مطية يستخدمها
    شيخه في تمرير أي خط داخل الحزب , لقمع أي تحرك في الإصلاح

    وبي جنس هرجلتك دي يا ود المتعارض تحول الحزب الي ترله يجرها المؤتمر الوطني
    وحديقة خلفية يستعملها المؤتمر الوطني متي ماشاء .. لانه الميرغني وشوية الخلفاء والإنتهازين
    الحوله متحكمين في الحزب ويستخدمونه لمصالحهم الشخصية ..



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 11:57 AM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبدالعظيم عثمان)

    الخليل....الفتي الميرغني...الوزبر الصغير الكبير


    هممت بالبحث عن منفذ في مقال الوزير (ابراهيم الميرغني) فانتظرت مقيما ، افك السطور ابحث عن خرش في قوائم بيت الكلم الذي أقامه ، فاعجزني ، برز الفتي الذي كنت اظنه من (ملس) المدن ، وناعم قولهم وخطابهم فإذا بي امام (همباتي) في بذلة زرقاء ووسامة مثل مطالع (الدرت) ، والحق أن غيظا وحسدا تملكني وحسد الصحافة أشد من حسد (التيوس) وان كان الراحل البروفيسير عبد الله الطيب يعد العلماء أقسي حدا من ذكران الماعز ! واني اعذر روحه فلو انه امتهن صنعتنا هذه لما قال ما قال ، واقول عودا لمسار قصدي اني بعد ان تمعنت في مقال الوزير المبجل اعجبني حسن منطقه وأعطب عندي مشروع مكتوب كنت سأري فيه (إبراهيم) براهين (شفوت) الحارات والازقة المعطونة في صبر راع وحذر صياد خبر الفلوات ولم يقرأ عنها بيد اني وقفت ازاء شخص بخلاف ما يشي سمته يبدو ملما بتفاصيل الارض ومواريث مسارات الحياة فيها ثم من بعد فاني اكبرت فيه تلك الحمية التي فكت وثاق حرصه علي السكوت وهي خصلة امقتها في السياسيين الذين تكسبهم المناصب ذاك العي المفرط في ثقل اللسان وسوء البيان ، حتي كنت اتعجب لحرصهم علي مدير المكتب و(السكرتير الخاص) وتجاهلهم لمخصوص مساعد او معين يفك عثرتهم في الإبانة ولذا جميل ان يكون هناك وزيرا ، يكسر برتكول الصمت ببعض (النضم) ولا يهم ان كان من قاع الحصحاص او من فوران مداخل القدور
    اتمني ان يكون ابراهيم الميرغني قريبا من الاعلام والاسافير وقبلها قريبا من الناس حفيا بالارض والثري ، وليكن عمله ودعائه رَبِّ اجْعَلْ هَٰذَا بَلَدًا آمِنًا

    محمد حامد جمعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 02:00 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5262

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)

    حبيبنا محمد الحسن أو احد الاخوان

    (( حصحاص قعر النضم )) معليش يا شباب ما المقصود بهذه عبارة
    لي أكثر من ساعة افكر ما لاقي حل .. ( ناس ضواحي الدنيا )
    العامية السودانية فيها الدرر ..

    مع التحية للجميع ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 09:49 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 16384

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: علي عبدالوهاب عثمان)

    وآحد زول قنيّص قاعد في حلقة مداحين ؤ قاعد في الحلقة واحداً مكجنو،
    أها، زول من الحاضرين قال للمداح، سولنا مدحة النبي العتق الغزالة .
    طوالي المكجن صائد الغزلان نطّ قالوا، هو النبي كان عتقا وِلآد الحرام
    بيخلوها !.


    مع تحياتي لصاحب البوست
    والجمع الكريم ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 10:12 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 1348

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: معاوية المدير)

    هو ود الميرغني شاف البليلة وين لمن يعرف حصحاص قعرا !
    قال عاش مع الدبايب وصياد الخ الخ و الناس البرة السودان ضاربين الترطيبة وبجو يفكو زهجهم بالاسافير ! نحن لو عندنا مشاريع زي مشاريعكم الاستنكحتوها من جدودنا المساكين ما كنا مرقنا من البلد
    قال عندي مشاريع ! وبعدين وين الصيد البعيش في المشاريع ده ؟ ده نظام اقرار استباقي عشان مافي زول يسألوا من تصريح الصيد ، او ما يتهموهو بتدمير الحياة البرية ، قديمة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 10:55 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 7961

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Abdullah Idrees)

    مع احترامي لآرائكم وبعيدا عن الموقف السياسي ..
    حق الدفاع مكفول للشخص سواء كان وزيرا أو خفيرا ..
    يحمد لهذا الشاب أنه استانس طريق الدفاع بالقلم بدلا من ساحات القضاء ..
    ولم ييحذو حذو غيره ممن احتموا بسلطتهم .
    المقال في عضمو قطعة أدبية بليغة وثرية .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-17-2017, 11:01 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 4540

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Abdullah Idrees)

    على اي حال مفترع البوست راجل مهذب جدا
    لك كامل احترامي و تقديري
    لكن حصحاص البليلة الكان بيختوهو للملدوغ
    زولك دا لا بعرفو و لا لدغتو الحبة دي و اكان داير
    يتفذلك و لا يتحذلق علينا بمفردات و معاني نحن عشناها
    حصحاص بليلة و تصفق شدوق هو مو بيعرفا.
    و ان بقيتن زول كتبلو الكلام دا يمشي يقشربو غادي غادي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 05:55 AM

عادل ابراهيم احمد
<aعادل ابراهيم احمد
تاريخ التسجيل: 06-30-2014
مجموع المشاركات: 1723

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: امجد الجميعابى)



    هو استدعى كل تلك الشخصيات وهذه المعاني الاصيلة ليرسل رسالة لنا انه من رحم هذا الشعب ويعيش تفاصيله ..

    مع انني مع الراي القائل انه لم يصل بعد لمرحلة ان يضرسه " حصحاص قعر البليلة " .. وهذا ليس تقصيرا منه فالرجل وجد نفسه ابن الاشراف والسادة بكل زخمهم ..

    لكن والله كونو نجد منه كل هذا الاهتمام بالتراث والالتصاق بالبسطاء فهذه محمدة ..

    فقد كسر قاعدة ان المراغنة لا يحتكون بالشعب ..

    الرجل يتكيءعلى ارث ديني وسياسي واجتماعي ..نتمنى ان يضيف عليه كسوبه هو العلمية والاكاديمية والمهارات الشخصية والسياسية التي تجعله مفيدا للشعب ..

    تحياتي مولانا ولمتداخليك

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 07:53 AM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عادل ابراهيم احمد)




                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 07:54 AM

عبد العزيز محمد عمر

تاريخ التسجيل: 02-16-2013
مجموع المشاركات: 2535

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عادل ابراهيم احمد)

    Quote: و ان بقيتن زول كتبلو الكلام دا


    تحياتي يا جميعابي

    طبعا أن ذكرت فوق أنه المقال مكتوب بلغة عالية جداً... وهذا مثير للإعجاب

    وانت ذكرت أنه ( لو زولا كتبلو الكلام دا ).. ودا طبعاً جائز جداً في الأوساط السياسية والثقافية والفنية

    ودي بتذكرني قصة الأمير الشاعر ... والذي ما إن مات ( من يكتب له ) - كما قيل - حتى توقفت كتاباته..

    نسأل الله أن يمد في أيام ( من كتب له ... ومن كتب له ) بفتح الكاف مرة وضمها في الثانية.. لنرى بذورا أخرى للنضم

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 08:37 AM

Mohammed Alhasan Mohammed
<aMohammed Alhasan Mohammed
تاريخ التسجيل: 01-08-2013
مجموع المشاركات: 684

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عادل ابراهيم احمد)

    ايمن الصادقmuntasirعبد الرحمن محمدحامد بدرى عبد العزيز محمد عمروالخليفة عثمان حسن المنعارضعلى عبد الوهاب عثمان ...تحياتى ..حصحاص قعر النضم المعنى الكامل فى بطن الكاتب ولكن اعتقد انه يقصد بهاالوصول الى مرحلة الكلام الخشن {البضرس } .......معاوية المدير ABDULLA EDREESمحمد على طه الملك امجد الجميعابى ..ولك شكرى الجزيل على كلامك الجميل فى حقى .مع التاكيد لكم وعلى مسؤليتى ان النضمى دا ياهو نضمى الزول اللابس عراقى وسط الناسى الطيبين ديل .. ... .

    الاخ الفاضل عادل ابراهيم احمد ..


    لكم شكرى الجزيل لكم جميعا على مروركم العطر واثراء البوست ....

    (عدل بواسطة Mohammed Alhasan Mohammed on 05-18-2017, 08:48 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 05:23 PM

Asim Ali
<aAsim Ali
تاريخ التسجيل: 01-25-2017
مجموع المشاركات: 241

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)

    شرق السودان منطقه نفوذ روحى لاسلافه (ناس سيدى الحسن والميرغنى ).
    لاغرابه انيوجدهناك ويحتفى به لذلك من البسطاء ظنا فى بركته الموروثه من الاسلاف.
    نتمنى ان نرى له صور مع الغبش والمهمشين من جبال النوبه وكردفان والنيل الازرق ودارفور.

    (عدل بواسطة Asim Ali on 05-18-2017, 05:25 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 05:35 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Asim Ali)



    Quote: مع احترامي لآرائكم وبعيدا عن الموقف السياسي .. حق الدفاع مكفول للشخص سواء كان وزيرا أو خفيرا .. يحمد لهذا الشاب أنه استانس طريق الدفاع بالقلم بدلا من ساحات القضاء .. ولم ييحذو حذو غيره ممن احتموا بسلطتهم . المقال في عضمو قطعة أدبية بليغة وثرية .


    سلامات الملك
    موضوع إختلافي الرئيسي مع أبراهيم الميرغني
    هو أعتماده علي الطائفة والزخم الطائفي الذي يحف إسمه الأخير
    وهو الذي أتي به الي كرسي الوزارة
    كثير من الشباب الإتحادين أكثر كفاءة منه وأكثر نضالا لم يتبوا أي منصب
    ولم يدخلوا حتي المكتب السياسي للحزب .. إحترق كثير من الشباب
    داخل هذا الحزب المأزوم بينما يأتي أبراهيم الميرغني ليقول أنه إبن باديه

    الرجل طائفي حتي النخاع والطائفية هي التي أتت به الي كرسي الوزارة

    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 09:50 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 7961

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبدالعظيم عثمان)

    شكرا عبد العظيم على تفضلك بالتعليق على مداخلتي وتبيان رؤيتك ..
    وهي رؤية تجد عندي كل الاحترام ولا أجد ما يناقضها من زاوية سياسية ..
    غير أن مدخلى لهذا الموضوع لم يكن من زاوية سياسية أو طائفية معلومة ..
    بل من زاوية حقوقيه وأدبية بحتة وضحتها في مداخلتي ..
    مودتي.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 10:19 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 4540

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد على طه الملك)

    غاب اب شنب

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 10:38 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)

    لأول مرة احس بالغضب من مجرد مداخلة من صديق (لو أن الكتوف قد لاحقت كتوفه) احس ازاءه بالكثير من الاحترام ..

    يعبر خاطرنا العابرون ليس الا ..

    مداخلة مولانا محمد طه الملك أغضبتني جدا (اتحدث عن المداخلة لا عن صاحبها بالتأكيد) .. وكنت قد كتبت جرائها بوست طويل عريض و "جميل" .. بيد انه راح شمار في مرقة قوقل كروم الذي توقف ولم يحفظ تأؤيخة سوي صفحة بكري ابوبكر البيضاء لبوست كان ليكون جميلا ..

    لربما كان ذلك جراء فاتحه قويه او مشيئة عاجله لسيدي الحسن يا مولانا الحبيب !! ..

    المهم
    هذه مقالة سياسية زاخرة باعتبارات مسيئة جدا لسكان المدن .. ربما كانت رد فعل لافعال وكتابات منفلتة .. الا ان ذلك لا يغير من طبيعتها شيئا .. هي مقالة سياسية فاسدة ذات اعتبارات مجتمعية مسيئة جدا لقسم عظيم من اهل السودان ..

    "يمه زيدي الكسرة" كجملة عامرة بالدلالات الطيبة هي شيئ لا يفهمه هذا "السيد" .. ببساطه لانه لم يكن معنيا "في حوشهم" بضيافة الضيفان .. لا أود الحديث عن احتلاب ضؤوع الفقراء ممن أجل "جنينة" .. ثم انه لا يفهم عن "ود ضحويه" التكتح .. لو كان هو "ود ضحوية" لما تقبل اهلنا الضحواب العزاء في "الكرار" حتى اليوم..ا

    لم يكن الكرار "غزالا" بطبيعة الاحوال ..

    لمهم -مرة أخرى- لسنا بازاء منحوته أدبية تحكى عن فردوس او "جنينه" مفقودة .. نحن ازاء وطن ومواقف معيبة في ذاتها ومسيئة لغيرها من الشرفاء..

    مودتي التي تعلمها يا مولانا ..
    مودتي التي قد لا تعلمها كذلك ..

    (عدل بواسطة محمد حيدر المشرف on 05-18-2017, 10:47 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 10:51 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 4540

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد حيدر المشرف)

    يا صديقي ود المشرف
    اتحداهو ان كان هو كاتب المقال ان يفيدني بفحوى عنوان مقاله
    دع عنك المقال في ذاته
    هذا يا رعاك الله اقتبس من كتب له المقال بافعال اهلنا ناس الضهرة في اوان لم تكن
    موجودة فيه الامصال و يا سيد ابوك ليك بيقوموا الزوال الاتلدغ بسولوا بليلة و اكتروا فوقا
    الحصاص و يوكلوا منها الليل كلو شان ما ينوم اعتقادهم انو الملدوغ اكان (رقد) رقد دي يعني نام
    بيموت شان كدا بيضرسوا بالحصاص و بعد الحصاص مون مساهرين معاهو اكان رقد بيصفقوا فوق شدوقو
    و فوق فخودو و فوق فججن حشايم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 11:13 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد حيدر المشرف)


    ابراهيم الميرغني كتب هذا الخطاب وأخرج عبره زفيرا ساخن
    وهاجم أولاد المدن ووصفهم بعبارات غير لائقة
    وحاول أن يقول بأن السودان فقط في الأرياف

    عندما وصفه الإتحاديون بأنه طائفي لم يقبل هذا
    ورماهم بوصف ( يا يمة زيدي الكسره) وإحتفي
    بتندلاي وقرورة .. للأسف الشديد هو قد لايعلم
    عن هذه القري الاإسمها .. وقد لايعلم بأن هذه
    القري أهلها يعانون معاناة لا يعلمها أبراهيم الميرغني
    يريدهم بلا تعليم أو خدمات حتي يكونوا رصيدا
    يستقوي بهم .. يريدهم يبوسون أياديه وأرقاما في صناديق
    الإنتخابات .. قد لا يعلم أن التغير الديمقرافي قد ضرب المناطق
    التي كانت توصف بمناطق الثبات الجماهيري سابقا ....

    أخطأ عندما وصف أبناء المدن بقليلي المروة وناس يا يمة زيدي الكسره
    وأخطأ أيضا وهو يتوهم بأن الريف السوداني لا يزال كما كان
    جرت مياه كثيرة وزاد الوعي وتضائل نفوذ الطائفية ..

    يا زوول أقعد وأتوهط في كرسي الوزارة النازل فيه بي برشوت الطائفيه
    الطائفية سلوك يا أبراهيم عندما تستخدم الزخم الطائفي لإسمك هذه طائفية
    عندما أزيح حاتم السر لتركب مكانه ناطق رسمي بإسم الحزب دي طائفية يا أبراهيم
    ما تغش نفسك وتعمل فيها مستنير في بيت الميرغني إنت طائفي حتي النخاع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 11:15 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)



    الجميعابي يا قريبي ..

    الزول ده (أعني مولانا السيد إبراهيم) .. المعنى هو قايلنا دراويش ولا شنو ؟!! ..

    غايتو السودان ده زي الراكبو جان !!

    ود ضحوية شنو البعرفو زولك ده "المعنى مولانا السيد ابراهيم" ..
    بعيد مهوى القرط يا عملات ذاك الذي فد قالها تغزلا على اية حال ..

    شعر "ود ضحوية ده" شعر ما عندهو ليهو رقبة هذا السيد الجديد يا قريبي .. الهمبته لا تكون بدراسة عن بعد او على ظهر همر .. المعاني أكثر عمقا بالتأكيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-18-2017, 11:41 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد حيدر المشرف)

    جذء من مضمون خطاب أبراهيم الميرغني في هذا الفيديو
    وهجومة علي أبناء المدن ووصفهم بأنصاف المتعلمين

    من الدقيقه 11--14



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2017, 12:01 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)


    عبدالعظيم سلامات وكيف الحال ..

    لا أعلم الدافع وراء إستهداف ابراهيم لأبناء المدن وأخلاقهم ومجتمعاتهم .. لو نظرنا للخريطة السكانية لوجدنا أن سكان المدن يمثلون الغالبية من أهل السودان دونما شك وما ذلك الا نتيجة للدمار الكبير الذي حاق بقطاعات الريف الخدمية والاقتصادية الخ .. وبالتالي فإن غالبية سكان المدن اليوم هم من أهل الريف ويكفي أن تقارن عدد سكان الخرطوم عند الاستقلال مثلا بعدد سكانها الآن ..

    المدنية في السودان ليست بذلك التجذر العميق في مجتمعاتنا .. ويحيث تكون اقسام كبيرة من المدن هي أقرب للريف منها للمدينة .. ولعل عمليات اريفة المدن كانت شغلا شاغلا لقطاعات واسعة من أهلها .. عموما يغلب الجذر الثقافي والحضاري للريف على أغلب سكان المدن اليوم

    ما حاق بالسودان من خراب ومن مظاهر الانحطاط العظيمة لم يكن نتيجة لما قد ندعوه ب "أخلاق المدينة" مقابل "أخلاق القرية" .. والمتطلع للتركيبة الانسانية لنظام "الانقاذ" الذي ينتمي اليه ابراهيم الآن .. قد لا يجد ما يدعم او يؤكد فرضية أن ابناء المدن هم أساس البلاء الوطني ..

    فزلكة الطائفية تأريخيا لا يجب ان تتم بصورة رغبوية .. أفهم أن هذا الشاب يحاول تكييف ظروفو الذاتية مع افكار ومكنيزمات الخلاص الوطني الحقيقي .. وأعلم حجم المفارقة في ذلك .. بيد اني اعلم أن جشع "السادة" لا ينتهي ونرجسيتهم غالبة وكيف انهم قادرون على لي أعناق الحقائق وكسرها لانهم يعلمون ان الطائفية الكهنوتية التي يتمتعون بها قادرة على تمرير الخديعة على قسم من الجماهير.

    راقني تشبية الوضع الراهن لحكومة الانقاذ بالفترة الأخيرة للتركية السابقة .. ذلك صحيح نوعا ما .. واعني الانحطاط والاستبداد والدولة ذات الطابع الاستعماري .. كثيرا ما اشبه اهل الانقاذ بالتتار .. المفارقة الآن انو ابراهيم "باشا" مولانا الآن قد عاد "باشا" كبير حكومي في هذه التركية الأخيرة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2017, 02:57 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 3043

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: محمد حيدر المشرف)

    عبدالعظيم سلامات وكيف الحال .. لا أعلم الدافع وراء إستهداف ابراهيم لأبناء المدن وأخلاقهم ومجتمعاتهم .. لو نظرنا للخريطة السكانية لوجدنا أن سكان المدن يمثلون الغالبية من أهل السودان دونما شك وما ذلك الا نتيجة للدمار الكبير الذي حاق بقطاعات الريف الخدمية والاقتصادية الخ .. وبالتالي فإن غالبية سكان المدن اليوم هم من أهل الريف ويكفي أن تقارن عدد سكان الخرطوم عند الاستقلال مثلا بعدد سكانها الآن ..

    Quote: عبدالعظيم سلامات وكيف الحال ..
    لا أعلم الدافع وراء إستهداف ابراهيم لأبناء المدن وأخلاقهم ومجتمعاتهم .. لو نظرنا للخريطة السكانية لوجدنا أن سكان
    المدن يمثلون الغالبية من أهل السودان دونما شك وما ذلك الا نتيجة للدمار الكبير الذي حاق بقطاعات الريف الخدمية و
    الاقتصادية الخ .. وبالتالي فإن غالبية سكان المدن اليوم هم من أهل الريف ويكفي أن تقارن عدد سكان الخرطوم
    عند الاستقلال مثلا بعدد سكانها الآن ..


    سلامات يا دكتور المشرف
    ضروري قراءة منطلقات أبراهيم مع الصراع داخل الحزب الإتحادي
    بين المثقفين والطائفة , أبراهيم إبن الطائفه له طموح سياسي من يقف
    في طريقه مجموعة المثقفين داخل الحزب الذي يناضلون لتحجيم دور الطائفه
    فهو يري بأن المثقفين هم أولاد المدن و يرفض بأن يوصف بالطائفي ويمتعض
    من الذين يطلقون عليه هذا الوصف .. وتناسي بأنه أقل منهم ثقافة وفكرا وتجربه
    ويستخدم هذا النفوذ الطائفي في معاركه داخل الحزب .. هذا التفسير من وجهة
    نظري يفسر لماذا تختزن ذاكرته كثير من النظرة السلبيه نحو المدن وأبنائها
    ويرغب ويتمني أن يكون الحزب كله عبارة عن جماهير بلا مثقفين من أبناء المدن
    يزعجونه ويؤخرونه في تحقسق طموحه السياسي ....

    Quote: فزلكة الطائفية تأريخيا لا يجب ان تتم بصورة رغبوية .. أفهم أن هذا الشاب يحاول تكييف ظروفو الذاتية مع افكار ومكنيزمات الخلاص الوطني الحقيقي .. وأعلم حجم المفارقة في ذلك .. بيد اني اعلم أن جشع "السادة" لا ينتهي ونرجسيتهم غالبة وكيف انهم قادرون على لي أعناق الحقائق وكسرها لانهم يعلمون ان الطائفية الكهنوتية التي يتمتعون بها قادرة على تمرير الخديعة على قسم من الجماهير.


    تخيل يا مشرف تكون مع زول زي أبراهيم دا في حزب واحد بهذا الجشع السياسي الكبير
    ويستخدم هذا النفوذ الطائفي , من الصعب علي المثقف الواعي والمدرك أن يقبل مثل هذا السلوك
    بهذا الصلف دون أن يرفض هذا التغول الطائفي علي العمل الحزبي , مثل أبراهيم والحسن الميرغني
    سيتسببوا في تمزيق ما تبقي من الحزب الإتحادي العريق وقد كان " المثقفين من الشباب الإتحادين"
    الآن إنتطموا في الحركة الإتحاديه بعيدا هذا الغول الطائفي الذي يحاول يحول الحزب الي مسيد
    طائفي الولاء فيه للسيد إبن بيت الميرغني والجميع عليهم الطاعة والمباركة والدعم والدفاع عنه

    ليس ببعيد مما يحدث النظام يقرأ هذا المشهد جيدا وما يفعله هو دعم مثل أبراهيم
    بأن يفسح له المجال والإعلام والصحافه ويسهم في تلميعه ليحدث شرخا كبير في الحزب
    وهو مستفيد من ذلك في تحقيق نقاط لصالحه داخل الحزب .

    Quote: المدنية في السودان ليست بذلك التجذر العميق في مجتمعاتنا .. ويحيث تكون اقسام كبيرة من المدن هي أقرب للريف منها للمدينة .. ولعل عمليات اريفة المدن كانت شغلا شاغلا لقطاعات واسعة من أهلها .. عموما يغلب الجذر الثقافي والحضاري للريف على أغلب سكان المدن اليوم


    تعرف موضوع المدينة والريف من وجة نظري المفهوم لا يعبر عن واقع اليوم
    لاتوجد فروقات كبيرة بين السودانين من حيث التأثر بالمكان والجغرافيا
    ليؤسس عليه فرز علي أساس القيم والصفات الشخصية كما فعل أبراهيم
    أستلف خطاب شعبي سوداني يعضد من قيم أهل الريف بينما كل السودان
    عبارة ريف كبير اذا ما قورن بينه وبين المراكز الحضرية المتقدمة
    يعني الخرطوم هي ريف القاهرة , والقاهرة دبي وهكدذا يعني موضوع
    المدينة في السودان كمفهوم من الصعب أن يستخدم كعيار للمدنية "كما في مخيلة أبراهيم"


    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2017, 04:54 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 7961

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: عبدالعظيم عثمان)

    Quote: مداخلة مولانا محمد طه الملك أغضبتني جدا (اتحدث عن المداخلة لا عن صاحبها بالتأكيد) .. وكنت قد كتبت جرائها بوست طويل عريض و "جميل" .. بيد انه راح شمار في مرقة قوقل كروم الذي توقف ولم يحفظ تأؤيخة سوي صفحة بكري ابوبكر البيضاء لبوست كان ليكون جميلا ..

    (غضبك جميل زي بسمتك ) يا دكتور ..
    لعلى ألأكثر حزنا وسوء طالع جراء ضياع البوست الذي كتبته من وحي مداخلتي ..
    ويبدو كما تفضلت أن فاتحة حفيد ( أبو علي) أصبحت مقبوضة كاش داون ..
    Quote: هذه مقالة سياسية زاخرة باعتبارات مسيئة جدا لسكان المدن .. ربما كانت رد فعل لافعال وكتابات منفلتة .. الا ان ذلك لا يغير من طبيعتها شيئا .. هي مقالة سياسية فاسدة ذات اعتبارات مجتمعية مسيئة جدا لقسم عظيم من اهل السودان ..

    أقدر جدا تقيمك لموضوعة المقال من زاوية شوفك ..
    وكما قلت للأخ عبد العظيم ..
    زاوية شوفي وإن إختلفت غير أنها لا تخالف زواياكم من حيث المبدأ..
    ولا أخال أن مداخلتي كانت على قدر من الغموض والابهاب ..
    بحيث حجبت عنك الفاصل المداري القائم بين مدخل كل منا للموضوع ..
    رؤيتك يا صديقي رعد خريفها هدر مثقلا بمطر قيم مبدئية من النظام السياسي ..
    غمرت بسيلها وديان الرجل وما أبقت من حقوقه شيئا..
    أما فاصلي المداري لم يرعد قط بسبب موقفه السياسي ..
    ولا أمطرت مزنه على خلفية ميراث طائفي معلوم للكاتب الوزير..
    بل كان دافعها رياح شديدة الانتباه للحقوق ..
    حقوق كفلت له الدفاع عن نفسه وعن زوجه التي مسها الضر ..
    لمجرد ممارستها لحقها المشروع تجاهه بعلانية اسفيرية ..
    لقد حمدت للرجل اعتصامه بالقلم عوضا عن سوح القضاء أو صولجان السلطة ..
    وهي محمدة يجمل بنا تقديرها و تشجيعها..
    في عهد أصبح فيه يسيرا على عضوٍ بلجنة الحي أن يأخذ القانون بيده..
    يا صديقي قطيعتنا السياسية ومواقفنا المبدئية من النظم الشمولية ..
    لم تمنعنا الإعجاب برصانة المرحوم عمر الحاج موسى الأدبية ولسانه الذرب ..
    ولا أقعدتنا عن إدراك نصاعة ونجاعة أفكار الدكتور منصور خالد ولغته الفارهة..
    أو أذهدتنا من تذوق طلاوة أشعار الأديب الآريب صلاح أحمد إبراهيم ..
    لا ولا فروق قيمية بين الأدب المدائني والبدوي ..
    ولكل منها أسلوب وبلاغة رائعة و تراث وتقاليد تسلب الألباب ..
    ولا تعوذك الفطنة يا صديقي بأن الإعجاب بأدب البادية والتمثل به ..
    ليس من أشراطه أن تكون من بطون وديانها أو ( أناقيب ) رعاتها ..
    Quote: نحن ازاء وطن ومواقف معيبة في ذاتها ومسيئة لغيرها من الشرفاء

    جاء إلى أمير المؤمنين عمر بن الخطاب رضي الله عنه ..
    قاتل زيد بن الخطاب أخ أمير المؤمنين ..
    فسأله أمير المؤمنين : أأنت قاتل زيد ؟
    فأجابه الرجل : بلى ..
    فقال له أمير المؤمنين : أغرب عن وجهي فإني لا أحبك حتى تحب الأرض الدم ..
    فتساءل الرجل والحيرة تكسو وجهه: يا أمير المؤمنيين أو يمنعني هذا حقي ؟
    فقال له / لا ..
    فرد الرجل / مالي وحبك إذن ..
    نعم من خلال موقفنا السياسي المتقاطع مع موقفه من النظام ..
    أوافقك الرأي بأنه معيب ومخيب لآمالنا في رفاقه من جيل شاب ..
    ظنناهم ممن إستوى سوقهم على مفاهيم عصرية لنظم الحكم المثالىة ..
    وعقدنا عليهم آمالنا في مستقبل زاهر بالممارسة الديموقراطية ..
    ولكن حتى وإن خابت آمالنا فيهم ..
    أيمنعهم غضبنا حقهم في الدفاع عن نفسهم ؟
    لكم رؤيتكم ولي رويتي ..
    ولا تفسد زاوية شوفي تقديري لزوايا شوفكم ..
    ومحبتي لك ..
    جواز بلا فيزا لاختراق وانتقاد مواقفي وآرائي بلا تحفظ.




                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-19-2017, 06:46 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 16753

للتواصل معنا

FaceBook
تويتر Twitter
YouTube


Re: حصحاص قعر النضم ...ابراهيم الميرغنى يرد عل� (Re: Mohammed Alhasan Mohammed)

    شكرا جزيلا يا مولانا ..
    وشكرا للمكان الذين يجمعنا معكم اتفاقا واختلافا ..

    التعدي على "الآخر" مرفوض بصورة مبدئية وانت من يعلمنا ذلك يا مولانا .. وللاستاذ ابراهيم ممارسة حقه الاصيل في الدفاع عن نفسه ضد من نعرضوا له ..

    ولكن من هم الذين الذين تعرضوا له ؟! .
    هل كانوا هم ابناء المدن ؟!!
    اذا كانت الاجابة بلا (وهي كذلك) .. فلقد اعتدى عليهم دونما وجه حق وليس للامر علاقة باللغة المستخدمة في ذلك ويجب ادانته بالضرورة ..

    هكذا افكر بالموضوع يا عزيزي ..
    ولا نختلف الا حول هذه الجزئية كما تعلم ..

    (عدل بواسطة محمد حيدر المشرف on 05-19-2017, 06:48 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de