منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 11-12-2017, 08:05 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

جابورة فجاغ السراريق

26-07-2017, 00:44 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


جابورة فجاغ السراريق

    هناك في عمق الصحراء وقريبا من وادي العطاش رجل يدعي جابورة ..
    تقول جدتي امهاني ان جابورة اشجع الرجال بعد الجبور ابوصلالة واسماعين ابيريص...
    جابورة رجل في العقد الرابع من عمره حنطي البشرة حاد الملامح والنظرات وله انف معقوف...
    تقول العجوز عازين ان جابورة بيشبه (البعشوم) وملامحة اشبه بالعقاب ابو خرز وله شارب خفيف ولحية ذات صوف اصفر خفيف وتكسو ملامحة حده وتجهم من اثر الشمس...
    يقول الشاب (عيد) ان جابوره رمي شخص يقال انه سراق في البير قدامو وامتطي قعوده وذهب بعيدا...
    تقول الرواية ان جابوره ينتمي الي فخذ اولا( زيد) اكبر افخاذ المحاميد بوادي ( سيرا ) والساني دادة في الشق الاعلي لواداي هور...
    وتقع بوادي والدته (عزة بت النمير) المنحدرة من اولاد (غنيم) الي الشمال من الصحراء عند تخوم جبل العوينات حيث يعيش اولئك الاعراب علي لحوم الابل وتجارتها ونادر ما يشربون المياه’...
    جابورة هو اكبر اولاد المرحوم اللجاد و تقول جدتي ان اللجاد كان كبير قومه وهو عمها (لزم) ويناديه الاعراب في تلكم البوادي بابي (الكومين) لانو خيمة الضيوف ونهارها لم تخمد قط...
    يقول الشايب حميدان ابو البتول ان جابوره خطفه جن (ارقط) وهو صغير وعاش معهم حولين كاملين وقد دفع لهمالشيخ (يعقوب ابو امهاني) عشرة نياق لاسترداد ابن اخيه جابوره...
    يقول حمدان الحريقيص وهو مبدل ومجنون ان الجن الذي خطف جابورة اسمه (عابدين) وهو جن مسلم وله تلتمية (بت). وسبعتاشر عشيقة.

    (عدل بواسطة Elsanosi Badr on 26-07-2017, 01:37 AM)
    (عدل بواسطة Elsanosi Badr on 26-07-2017, 01:40 AM)

                   |Articles |News |مقالات |بيانات

26-07-2017, 00:59 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يقول الحريقيص انه في احدي الليالي (المقمرة) انه سمع ازيز وحركة وجلبه قريبة من الوادي وخرج ومعه امه العجوز (عازين( من خيمتهم وعند حافة الوادي رأي عيد شخص له منكبين عريضين وله (جلحات) يمتطي (همعرة).
    يقول التوم ود اللبيح ان (الهمعرة) مخلوق له وجه اشبه بالشمبانزي وبطن مثل كرش الفيل وان بعض اثرياء الجن يستعملونها في تنقلاتهم واسفارهم...
    يقول ابو الكنزة ان الفقير ابو بعراية سرق ليهو (همعرة) واتي بها الي بوادي المحاميد في عمق الصحراء وان اصحابها من الجن طلوا يبحثون عنها اياما وليالي وقد عرفوا انها في بادي اعراب المحاميد ولكنهم خشوا من اثارة اعراب الصحراء وتركوها للفقير( ابو بعراية ) غنيمة..
    يقول الحريقيص ان الجن الذي شاهدوه عند الوادي باغتهم فجأة ورفع والدته عاليا ثم رمي بها في (القنطور) واستل الحرقيص سكينه وهاجم الجن ولكن الجن بحركة بهلوانيه اسقط السكين ودفع الحريقيص علي حافة البير وتمتم بكلمات غير مفهومة.
    يقول الشايب اللحيدان ان بعض الجنون يحفظون ابيات من شعر احمد شوقي وان بعضهم شيوعيون وختمية ويقول اللحيدان وهو رجل طاعن في السن ان بعض الجن قد يكون من الصعاليك وبعضهم (وهم) ساي..

    تقول بعض الاساطير ان الاعراب في تلكم المناطق قد خاضوا حروب كثيرة مع الجن وبعض دراويش الصحراء..
    وقد اسر اسر الشايب برغوث عدد من الجن وقد سمعته مره يقول ان عددهم (تلطاشر) وهو يومئ بيده ومؤشرا بسبابته مرفقا اصبعه الاخر معه.وهو يضحكوعينيه شبه مغمضتين.
    يقول مولانا الخير وهو رجل يسكن البندر ان اعراب تلكم المناطق يتمتعون بالنظر الحاد وسرعة البديهة والجلافة والذكاء الحاد والصبر علي الشدائد.. ويردف قائلا: ان الاعراب يعرفون الصحراء جيدا ولا يخشون وحشتها وما تخفيه من اسرار في جوفها...
    وتقول الاساطير ان اكثر ما يمكن ان يخشاه الفرد في الصحراء هم اعراب الصحراء فهم اكثر كائناتها ضراوةزز ,ان اكثر ما يحتاجه الفرد في الصحراء ان يكون الاعراب في جانبه او قريبين منه لما عرفوا من نخوة وشهامة..

    (عدل بواسطة Elsanosi Badr on 26-07-2017, 02:26 AM)
    (عدل بواسطة Elsanosi Badr on 26-07-2017, 02:33 AM)
    (عدل بواسطة Elsanosi Badr on 26-07-2017, 02:42 AM)

                   |Articles |News |مقالات |بيانات

26-07-2017, 01:16 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يقول ابو الكنزة ان الشيخ اللجاد صاح عند الفجر صيحة عظيمة جفل منها النوق والحجر والطير والشدر..
    تقول العجوز عازين وهي عجوز طرشاء ان اللجاد قد امتطي قعوده الاصهب ورحل الي جوف الصحراء.
    تقول بعض الاساطير ان الشيخ اللجاد قد قتل في احد كهوف جبل العوينات ..
    وا ن هناك معركة سقط خلالها العديد وان الجن قد هربوا بعد ان باغتهم الاعراب ولم يستطيعوا ارجاع جابورة ..
    وان (ام خيان) شيقية اللجاد قد انشدت شعرا ابكي الصخر في رثاء اخيها..
    ويقول الشايب (حامته ) ان منصور العقيل ابن خالة الشيخ ( اللجاد) لم يترك الجبل حتي اليوم ويقول ان معركته لم تنتهي بعد وقد طلب منه ابو الرخية الرجوع ولكنه صرخ قائلا: انا ما برجع بلا ابو الكومين
    وقد طلبت مني جدتي امهاني ان ابحث لها عن العقيل في احدي جولاتي الاستكشافية عن جبل العوينات ووعدتها ان افعل وقد سألني افراد البعثة وبعض الرفاق عدة مرات عن اسباب دخولي الي بعض الكهوف العميقة والمخاطرة بحياتي في تلكم المناطق الموحشة والمظلمة.

    (عدل بواسطة Elsanosi Badr on 26-07-2017, 01:28 AM)

                   |Articles |News |مقالات |بيانات

26-07-2017, 01:22 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    اعزائي اكتب من الذاكرة عن شخوص وامكنة قد وطأت قدماي تلكم المناطق وقد تحتثت مع بعضهم وومنهم من تجاوز المائة من السنون وهم في تلكم الصحراء وقد يتذكر بعضهم تلك الاحداث كأنها حدثت امس

    وقد اتضح لي ان هناك اخطاء املائية قد تفقد الحكي بريقه. وان التعديل يفقد النص ألقه

    فالعذر موصول ريثما نعود ان كان في العمر بقية

    (عدل بواسطة Elsanosi Badr on 26-07-2017, 01:24 AM)

                   |Articles |News |مقالات |بيانات

26-07-2017, 01:38 AM

باسط المكي
<aباسط المكي
تاريخ التسجيل: 14-01-2009
مجموع المشاركات: 5272

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    شكرا لك متابعين ياخ
                   |Articles |News |مقالات |بيانات

26-07-2017, 01:45 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: باسط المكي)

    يا هلا ويا مية مرحبا بباسط المكي

    والله يا باسط الحكي من الواقع وبعض الاساطير عن تلكم المناطق بس الزمن ممحوق

    والكتابة زاتها يا باسط حروفها بنكندبها كنديب علي قول الجبور..


    حتما سنعود وشكرا لك علي المشاركة والدافع المعنوي
                   |Articles |News |مقالات |بيانات

26-07-2017, 02:02 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يقول اسماعين ابيرص وهو يبصق التمباك بعد ان حفر له حفرة صغيرة علي الرمل: ان الجبور اشجع الرجال وان ريحة البارود وقعقة البلجيك في عمق الصحراء من هواياته المفضلة ..
    وقد قال لي اسماعين في احدي المرات: ان الزول ده وهو يقصد جابورة زي الجواد في الجري.
    قول بعض الرعاة ان جابورة ذات مرة طرش ليهو جمل (مربيت) وهو جاري لامن كسر (مخروقة) البعير.
    تقول ان جابورة قد دفع ست نياق وقعود للعجوز ام حماد دية للجمل المربيت وقد نحر حماد الجمل وقسم لحمة للحيران وقد اعطي المخروقة ولحم الكردوس والقوقناص للفقير ابو بعراية علي حسب طلبه..
    واذكر ان ابو الكنزة قد (وبخ) حماد علي اعطاء المخروقة للفقير وقال له ان الفقير (ابوضنيب) وهو يقصد الفقير ابو بعرية قد يستخدم عظم المخروقة في كتابة الطلاسم والشعوذة..
    وقد طلب اسماعين ابيريص من الفقير احضار العظم عند العصر.. وقد ناداهو قائلا: العظم ده لو ما جبتو والله روحك لو في كعبك اسلها!
    وقد اسرها الفقير في نفسه ودخل خيمته ممسحا جلاحتو تحت الطاقية..

    (عدل بواسطة Elsanosi Badr on 26-07-2017, 02:06 AM)

                   |Articles |News |مقالات |بيانات

26-07-2017, 03:15 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يذهب الاعراب لشراء السكر والشاي الي دنقلا العرضي او الفاشر ابوزكريا او الكفرة ..
    يقول الدكتور محمود وهو بروفيسور في جامعة المانية عريقة تعود اصوله الي عرب الصحراء: انه ذهب ومعه زوجته الالمانية الي الصحراء لاجراء بعض البحوث والدراسات ان سكان تلكم المناطق اكثر الافراد صحة وخلوا من الامراض.
    ويذهب بعض الاعراب الي الاسواق المحلية مثل سوق الثلاثاء..
    يقول الحاج ابراهيم وهو (ظرماتي) ويملك مكنة خياطة ان زبائنه من الاعراب هم الاكثر . وانه يفضل التعامل مع كبار السن لما لهم من الحكمة والنخوة..
    يقول ابكر وهو تاجر عراريق ان الاعراب يحبون عراريق الدبلان وقماش (الترفيلا ) البيضاء وسراويل (الدمورية) نمرة تلاتة لانها قوية وتخينة.
    ويقول ابراهيم الظرماتي انه يعرف جابورة ويعرف والده من زمن طويل ... ويقول متذكرا وهو يمسح دموعه ان الشيخ اللجاد كان رجلا محبوبا وانه دفع له سته نياق في زواجه وانه كان رجلا كريما لا يفرق بين الناس.. وله معارف كثيرة من السكان المحليين.
    تقول (حوه) وهي امرأة تبيع (المريسة) ان كثير من الاعراب يشربون المريسة كما يشربون شراب اخر اغلي سعرا يسمي البلبل او العسيل وهو خمر بلدي يصنع من السمسم والسكر والمولاص..
    تقول خديجة وهي شابة يزين جيدها عقد من السكسك والكجيك وخاتم من (الفاروص) تعمل مع حواء في صناعة المريسة ان الهمباته من اعراب المحاميد هم الاكثر كرما عند القدوم الي سوق الثلاثاء حيث يجلب بعضهم الخرز والعقيق والخظور والكجيل وبعض الاحجار الكريمة ويقمون باهداء بعضها للنساء المحليات.
    يقول طعومة وهو احد الرعاة المراهقين ان خديجة (كاسره فيهو ضلعة) وانه يعشقها بجنون ويقول انها تجلب له بعض سجائر (البرنجي) من علبة عمها الذي بعمل سائق للوري (سفنجة) في طريق الخرطوم .. ويقول انه لا يستطيع الزواج منها بحكم تقاليد اعراب المحاميد الصارمة في الزواج من القبائل الاخري .
    وقد سالني مرة (طعومة) ودخان السجائر يخرج من فتحة انفه انه اذا كان باستطاعتي ان اتوسط له عند ابيه بالزواج من خديجة فوعدته خيرا..

    (عدل بواسطة Elsanosi Badr on 26-07-2017, 03:23 AM)

                   |Articles |News |مقالات |بيانات

26-07-2017, 03:40 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يقول التوم ود اللبيح وهو يدخل يديه في (خرتوية) من قماش الدبلان ويخرج حفنة من التمر ويقوم بتوزيعها علي الحاضرين: ان ابن خالته جابورة رجل مثل عين الشمس وانه سافر معه الي بلاد فزان وكان نعم الرفيق..
    تقول بعض النسوة ان جابورة رجل ذو خلق وفارس قبيلة وضئ ..

    يقول الدحلوب وهو ينشد شعرا من الدوبيت والتويا..
    ات يالجبر لحاق الغريق والمهيون في الحين
    اتا يالابواتك فاتحين خيرهم للغني ومسكين

    قال لي الدحلوب ذات مره وهو يوسوس في اذني: حرم تيراب الزول ده لو انقطع يا ها الدنيا الخربت وهو يقصد جابورة الاصم
                   |Articles |News |مقالات |بيانات

26-07-2017, 03:43 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 5281

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    سلام ود بدر
    يا سلام ياخ على الكتابة ال بتخلّى الزول مبسوط
    و هادى قعدة
    و يا ريت كمان لو طعومة يكون عرّس خجيجة
                   |Articles |News |مقالات |بيانات

26-07-2017, 04:12 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: جلالدونا)

    يا هلا يا جلال يا خ ياخي
    والله طارين الجيه عندكم في فينكس ما تقول كمان ارزينتكم دي بتذكرنا الناس هناك وجبالها وتلالها وصحاريها..
    وبتخلي الواحد يتذكر حاجات كتيرة ويبدأ يكتب ..
    لكن والله الوكت هنا فوق ممحوق محقة جد..
    ساعود لكم وساحكي عن جابورة وطعومة والنمير والدحلوب واسماعين والجبور وعن أولئك الرجال الذي كانوا ارقاما في تلكم الصحراء صاغ بعضهم احداثها ودفن بعضهم في تلك الرمال..

    هل تعلم يا جلال في الصحراء في حاجة اسمها duel وهي انو يكون في شخصين (متحاقرين) يربطوا يدينهم ببعض وكل واحد يدوهو سوط ويقوموا بجلد بعض لحد واحد ينهزم للتاني ..
    وفي بعض الاحايين بيعطوا كل واحد (مخرز) لحدي ما التاني يصرخ ويقول استسلم الحاجة دي شفتها في افلام الكابوي الامريكية كجزء من التاريخ الامريكي طبعا استغربت جدا لانتقالها هناك ...

    وبرضو في حاجة اسمها fugitive hunter او فجاغ السراريق زي قصتنا اللحنا بصددها دي وما بها من احداث دامية انتقل بعضها الي المدن...
    احاول ان اكتب بحذر لان شخوص الرواية حقيقين والقصة في مجملها حقيقية ...وان كانت احداثها مرت منذ ازمنة مضت الا ان الروايات في اذهان المحاميد لا تسقط بالتقادم ...
    جابورة هو احد ابطال الرواية دي وهو من يطارد المجرمين من بلد لبلد ....
    القصة اشبه بالافلام كل ذلك تحت تحقيق العدل وقضايا يؤمن بها جابورة بعضها صحيح له مقابل مالي يعين علي الاسفار, فالرجل طارد كثير من عتاة المجرمين ونال منهم وحقق عدالة لناس لا يعرفهم ويرتبط معهم في الانسانية ,,
    مبدأ الرجل وان اختلفنا حوله كان تحقيق العدالة ...

    لا اريد حرق القصة لكن جابورة تحرك لتحقيق العدالة من عمق الصحراء الي اكثر من ثلاث قارات..
    وعاد الي الصحراء الي جوف الصحراء وعمقها

    هناك فيقلب الصحراء قصص عجيبة

    (عدل بواسطة Elsanosi Badr on 26-07-2017, 04:21 AM)

                   |Articles |News |مقالات |بيانات

26-07-2017, 06:10 AM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 10134

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)


    أقيف ما تقدنا سكات .. العنوان والقصة فيهما أنتحال ..

    ول أبا محمد حامد جمعة .. كتب رواية: فجاغ عيال أبليس من قبل .. وهنا بعض منها ..
    Quote: يسمى (الخير ) ... أباه وجيه من وجهاء المنطقة انه الحاج ( موسى جادو ) المعروف والمكنى باسم (باحش ) و(الباحش ) في لغة بادية (البقارة ) هو (الأسد ) ولم أقع على مرجع وتفسير يدلني على مدخل لتفكيك (الباحش ) وردها إلى تخريج معين وليت من يملك دفعا في هذا الاتجاه يفيد هذا المقام بما تيسر وسمى كذلك كما يقال من ملامح وجهه إذ أن بين عينيه (صرة ) تشابه تلكم المميزة لملاح الأسود فضلا عن عينين (خضرواتين ) وبشرة بها مسحه من بياض (اصفر ) وشعر يتطاول ليعود ينكفئ منسدلا على أكتافه ،
    موسى (باحش ) يقال أيضا انه يحب دوما الجلوس بعيدا عن (الضوء ) وقالوا انه حين يجلس في (الضرا ) وهو ساحة تتوسط القرى بدور (البقارة ) يجتمع فيها الرجال و(العيال ) ممن هم على مشارف (البلوغ ) للعشاء وتناول الطعام والحديث والثرثرة وقطع الأمسيات فيما يعرف بعبارة (التعليل ) ، قالوا كان (باحش ) حين ياتى يأمر بتقليل أوار النار المضيئة لموقع (الضرا ) كان يتوجع في عينيه من (ضوء النار ) وكان هذا سببا إضافيا لحصوله على لقب (الباحش ) فقد قالوا أن (الأسد ) ينفر من ضوء (النيران ) ويلحظ من يصحب رحلا من الرعاة من دارفور إلى مناطق (البحر ) بحر العرب تجاه الصعيد (الجنوب ) أن الرعاة في الأمسيات يشعلون من روث الأبقار نيران مختلفة الدوائر والأغراض منها ما يتعلق بطرد الذباب والحشرات عبر (الدخان ) ومنها ما يتعلق بإخافة (عدو ) يكون في الغالب (باحش ) قد تربص بالماشية و(البار ) اى الأبقار .
    بالمناسبة لحظت أن في أثيوبيا يطلقون ذات التسمية تقريبا مع اختلال واختلاف في النطق على الأبقار .


    هنا الوصلة ..
    فجاغ عيال إبليسفجاغ عيال إبليس


    والشيئ بالشيئ يذكر ..

    بريمة
                   |Articles |News |مقالات |بيانات

26-07-2017, 06:53 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Biraima M Adam)

    يا هلا يا بريمة وحمد لله علي السلامة ياخ!

    الرواية او الاحداث التي بصددها لا علاقة لها برابط اخونا محمد حامد جمعة رد الله غربته

    يمكن الاشتراك الوحيد مع الرابط هو كلمة فجاغ ! وهي تعني عدة معاني وفي روايتي فجاغ السراريق اعني بها مقارب بال fugitive hunter
    والسرد في الروايتين مختلف تماما وحتي الامكنة والشخوص وتسلسل الاحداث لو ملاحظ برضو فيهم اختلاف جذري

    قصتي وطريقة سردي اشبه بالتقصي والتوثيق وتلاحظ ذلك من اعتمادي علي شخوص الرواية مثل؛
    قالت العجوز عازين وقال الشايب حامته والي اخره
    اعتمد علي الروايات الشفاهية والتحقيق في سردي للقصة وهي طريقتي ممكن عشان التاثير الاكاديمي له دور فيما اكتب!

    وبعدين يا بريمة شكلك زعلان من طريقة ما تقدنا ساكت!!!
    يقدوك كيف يا بريمة هو الكتابة هنا بتقدلها زول!!

    ممكن عادي نتوقف اذا كتابتنا ما بتعجبك !!
    وما تنقد!
    لانو الزول لامن ينقد بدفق
    واحنا ازول ما بندورلك الدفاق!!
                   |Articles |News |مقالات |بيانات

26-07-2017, 06:45 AM

walid taha
<awalid taha
تاريخ التسجيل: 28-01-2004
مجموع المشاركات: 3293

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    حكى طاعم بإمتياز
    حكاوي الصحراء لا تُمل أبدا
                   |Articles |News |مقالات |بيانات

26-07-2017, 09:20 AM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3696

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: walid taha)

    واصل يا سنوسي ..
                   |Articles |News |مقالات |بيانات

26-07-2017, 09:37 AM

عادل ابراهيم احمد
<aعادل ابراهيم احمد
تاريخ التسجيل: 30-06-2014
مجموع المشاركات: 1897

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: جمال ود القوز)


    يا سلام يا دكتور

    متابعين بشغف

    الصحراء شمال دارفور وكردفان وحتى ليبيا وتشاد والنيجر والعوينات تمور بالقصص ..

    سمعت بعضا منها في تسجيلات شاعر الكبابيش والخبير بدروب واهوال الصحاري ود قدال ..

    قصة البئر التي يحرسها ثعبان من الجن وغيرها ..

                   |Articles |News |مقالات |بيانات

26-07-2017, 09:40 AM

kamal omer
<akamal omer
تاريخ التسجيل: 07-01-2013
مجموع المشاركات: 805

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: جمال ود القوز)

    عن رواية ( واو الصغرى ) للروائي إبراهيم الكوني ، كُتِب :
    ( فى رواية" واو الصغرى" نجد ونحن نتلمس عبر بحثنا عن بؤرة ضوء في نسيجه المعقد اختلافا جذريا بين أعمال إبراهيم الكوني وكافة الأعمال الروائية السابقة اختلاف في المنهج والأسلوب والبني واللغة والثقافة المطروحة
    فإبراهيم الكوني لا يقدم رموزا أسطورية تحيل لعوالم رمزية أو مقدسة ، إنه يقدم الأسطورة في حال تفاعلها وانتهاكها للمعقول وهي تحدث
    في واو الصغرى, نجد تشكيلاً لمجتمع الصحراء، بكل طقوسه وأفكاره وعالمه. تصنف الرواية (كرواية من سير) مما يوحي بالانفصال بينها ظاهريا واجتماعها كليا تحت مظلة النص .
    إضافة إلي أن السيرة تعني عادة تأريخ عبر استنطاق واع لذاكرة شعب ما أو قبيلة ما أو مجموعة الأشخاص عبر نص مكتوب أو منطوق ، وتترابط في لا وعينا بسير أجيال أخري مثل أبو زيد الهلالي مثلا .
    حيث يبدو واضحاً رغبة الكاتب في (أسطرة) تلك المرحلة التي تمثلها واو الصغرى وشخصياتها التي رغِبَ في تخليدها،تلك الشخصيات التي كانت قبل مرحلة الاستقرار والخلود للأرض . )انتهى
    الروايات المخلوطة بالأساطير عندها سحر و بريق عجيب
    تحياتي يا دكتور ، و واصل بالله
                   |Articles |News |مقالات |بيانات

26-07-2017, 10:30 AM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 10134

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: kamal omer)


    Quote: وبعدين يا بريمة شكلك زعلان من طريقة ما تقدنا ساكت!!!
    يقدوك كيف يا بريمة هو الكتابة هنا بتقدلها زول!!

    لأنك متمرد .. ومناصر لحركات التمرد .. وزول يناصر التمرد ليس له خير لأهل دارفور ولا أهل السودان ولا حتى نفسه ..

    واصل نسوي شنو هو قدر الله فينا ..


    بريمة
                   |Articles |News |مقالات |بيانات

26-07-2017, 10:51 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 13750

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Biraima M Adam)

    والله يا السنوسي أخوي

    أنا عرفتك حكاي من أيام حكايتك ديك حقت (مقاس نعلات وزير الــ شنو داك)

    (الخترة) الزول بدل يريحو منه (رقــوه)

    وجاء قال (الحتات كلها باعوها)

    الزول دا ما حضر (سوق محمود) وكان حضره ما اظن كان يجيب (تعريفة أم قـد)

    المهم الحكي طاعم زي (القارص) وعليك امان الله ... الكلام دا كان لقى مترجم (مطموس)

    ونقله لي لغة الانجليز .. والله يبقى كلام فوقو فايــده ...لومك علي يبقى مال (حمر)

    واصل ومعاك متابعين

    وكلام عمك اللحيدان دا

    ,,,,يقول الشايب اللحيدان ان بعض الجنون يحفظون ابيات من شعر احمد شوقي وان بعضهم

    شيوعيون وختمية

    ويقول اللحيدان وهو رجل طاعن في السن ان بعض الجن قد يكون من الصعاليك وبعضهم (وهم) ساي..

    شهد الله ... عصــر علينا فوقو (شفت ليك فقير صوفي مصاحبه جــن) ؟

    أحمد الشايقي

    (عدل بواسطة أحمد الشايقي on 26-07-2017, 10:54 AM)

                   |Articles |News |مقالات |بيانات

26-07-2017, 10:55 AM

Nasser Amin

تاريخ التسجيل: 07-02-2017
مجموع المشاركات: 527

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: أحمد الشايقي)


    سلام السنوسي
    متابعة لحكاوي الصحاري
                   |Articles |News |مقالات |بيانات

27-07-2017, 00:30 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Nasser Amin)

    الاعزاء
    وليد طه
    جمال ود القوز
    عادل ابراهيم
    كمال عمر
    بريمة محمد
    احمد الشايقي
    ناصر امين

    اهلا بيكم وسعيد بسعادتكم عن حكاوي الصحراء
                   |Articles |News |مقالات |بيانات

27-07-2017, 00:55 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    هناك في عمق الصحراء يعيش الانسان كما الرتم و شجر السيال..
    تلفح وجووهم الشمس ويدخل الرمل محاجر اعينهم..
    يغطي الرجال النصف الادني من وجوههم..
    يقول انس اللجاد وهو طبيب عيون يعمل في في كبري المستشفيات الامريكية والذي عاش في الصحراء منذ ولادته ثم رحل عنها ولم ترحل عنه الصحراء, يقول ان الناس في الصحراء يتمتعون بنظر حاد..
    يقول الشايب بلحاتي ان الشيخ اللجاد كان ينظر الي الاشياء مسيرة ثلاثة ليالي وان البتول ابنته تستطيع التقاط الابرة في الظلام الدامس.
    الليل في الصحراء عندما يرخي سدوله تسكن كل الكائنات عدا حفيف الرياح ووقع نعل الجن وهوام الليل.
    يقول الشاب (عيد) ان الجن (عابدين) له مركوب من جلد النمر ارضيته مصنوعة من (الربل) وان احدي بناته لها شبشب اسمو (دكتور شول)..
    يقول الشايب حامته ان الربل هو نوع من المطاط تصنع ارضية الحذاء منه وله انواع بعضه بيلم (الضريسة) وهو النوع الردئ واخر أردأ وهو بيكسر (المنقاش)..
    الظرماتي ابراهيم يقول انه لا يخيط المراكيب ذات (الربل) وان ابن اخيه الذي يعيش في ادني الارض من بحر القلزم وبحر ابيض يستطيع خياطة تلك المراكيب..

    (عدل بواسطة Elsanosi Badr on 27-07-2017, 01:01 AM)

                   |Articles |News |مقالات |بيانات

27-07-2017, 01:36 PM

ادم الهلباوى
<aادم الهلباوى
تاريخ التسجيل: 27-06-2004
مجموع المشاركات: 9143

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    السلام عليكم ورحمة الله تعالى وبركاته.وقريبا إن شاء الله رواية : رقاع جنب القد.



    ..

    (عدل بواسطة ادم الهلباوى on 27-07-2017, 01:39 PM)

                   |Articles |News |مقالات |بيانات

27-07-2017, 10:39 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: ادم الهلباوى)

    هلا ادم ويا مية مرحبا

    الدنيا ام قدود بالحزن منقوعة
    زي قربة الموية الدوام مرقوعة

    الناس يا ادم غلبها السد
    عشان كده بترقع جمب القد
                   |Articles |News |مقالات |بيانات

27-07-2017, 10:56 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    جابورة اخو امهاني المن الحلاه وروياني...
    الشخطور خوي الليل الدفن السواني..
    جابوره ولد اللجاد الماك طرف براني

    يقول الشايب الدحلوب اخو الفارس عثمان الفضيل ان تلك الابيات قالتها شقيقته كلتوم بت الفضيل عندما دفع يعقوب ابو امهاني عشرة نياق للجن ( عابدين) لاستعادة ابن اخيه جابورة!
    يقول عباس القرعاني استاذ اللغة العربية بدار برقو ان الشخطور هو الوابل من المطر .. وانه ياتي بالليل دائما وان الوابل يختلف من الطل وهو المطر الخفيف ..
    كما يقول عباس ان مؤخاة المطر لليل هي سبب تسميته الشخطور (خوي) الليل ...
    ويستدرك عباس قائلا: ان هذه الابيات ايضا هي جزء من ( الفلكلور ) الشعبي لاعراب الصحراء في تلكم المناطق..
    كما يقول حسب الله زعيم الاقلية العربية في دار برقو انه سمع والده يرددها وانه كان معجب ببعض الابيات التي تقول؛
    الرهيف لخيانه تعيس .. والتعيس لخياته جاني!!
    يقول البروفيسور محمود استاذ الدراسات الاجتماعية باحدي الجامعات السودانية ان طريقة حياة السودانيين في مجتمعاتهم هي طريقة تعتمد علي التعاضد الاجتماعي وهو ما يمجد دور الاسرة الصغيرة والكبيرة في المجتمع ككل ويستطرد البروفيسور ان المجتمع كله رقيبا علي بعضه وهي حياة في الغالب تختلف عن حياة المجتمعات الغربية بالكلية التي تعتمد حياة الفرد واستغلال كينونته..

    (عدل بواسطة Elsanosi Badr on 01-08-2017, 04:20 PM)

                   |Articles |News |مقالات |بيانات

27-07-2017, 11:42 PM

محجوب البيلي
<aمحجوب البيلي
تاريخ التسجيل: 19-04-2005
مجموع المشاركات: 1866

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    Quote: يقول الشاب (عيد) ان الجن (عابدين) له مركوب من جلد النمر ارضيته مصنوعة من (الربل) وان احدي بناته لها شبشب اسمو (دكتور شول)..
    يقول الشايب حامته ان الربل هو نوع من المطاط تصنع ارضية الحذاء منه وله انواع بعضه بيلم (الضريسة) وهو النوع الردئ واخر أردأ وهو بيكسر (المنقاش)..
    الظرماتي ابراهيم يقول انه لا يخيط المراكيب ذات (الربل) وان ابن اخيه الذي يعيش في ادني الارض من بحر القلزم وبحر ابيض يستطيع خياطة تلك المراكيب..
    هذا نصٌّ عجيب يا سنوسي.
    هذا نصٌّ عجيب.
    قرأنا حكايات تدور أحداثها في الصحراء، وتأتي شخوصها من هناك... أو تروح.
    ولكن الأمر هنا يختلف (لا أدري كيف!).
    شكراً على المؤانسة والإمتاع.
                   |Articles |News |مقالات |بيانات

28-07-2017, 01:28 AM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: محجوب البيلي)

    يا هلا با ستاذنا الرائع محجوب البيلي..
    سعيد يا محجوب بمرورك واعجابك بالنص

    الكتابة دي يا محجوب من الذاكرة طوالي للموقع ده وحتي الاخطاء وصعوبة تلقيط الحروف احدي التحديات. الكمبيوتر البنستعملو (اعجمي) وبيحرن الكتاية بالعربي زي الدحش (المكادي)

    غايتو يا محجوب ان ما عرفت المكادي دي اسال منه اولد ابا كبر! لانو اخونا كبر ده موسوعة في في ثقافاتنا المحلية وارتباطها المكاني والزماني
    وبعدين لقيتك قديم يا محجوب وبتتذكر موضة شبشب (دكتور شول)

    هههههه غايتو الشبشب ابو حطب ده كان خطر خلاس ..
    تسمعو طق.. طرق... طق... طرق من بعيد واظنو ود اعمنا الدكتور محمد الأمين موسي أحمد برضو بيتذكرو!
    وبالمناسبة ياخي في كتاب اسمو الاتصال غير اللفظي في القرآن الكريم للدكتور محمد الأمين موسي أحمد وجدته مع احد الاصحاب تزاملنا في رحلة عبر الاطلسي وقرات منه بعض الفصول

    الكتاب رائع جدا احاول ان اغتنم واحد عبر الامزون عما قريب وانصح الجميع باقتناء الكتاب وهو سفر مهم للمكتبة العربية.

    شكرا يا محجوب


                   |Articles |News |مقالات |بيانات

31-07-2017, 07:34 AM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1344

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    واصل يا سنوسي
    كتابة رائعة جداً وعتيقة كمان زي حجا الحبوبات
                   |Articles |News |مقالات |بيانات

01-08-2017, 04:04 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: بدرالدين بابكر مصطفى)

    هلا عزيزنا بدرالدين بابكر

    اسعدني مرورك الجميل واسعدني اعجابك بما ورد في النص اعلاه

    (عدل بواسطة Elsanosi Badr on 01-08-2017, 04:30 PM)

                   |Articles |News |مقالات |بيانات

01-08-2017, 05:41 PM

Haytham Ghaly

تاريخ التسجيل: 20-01-2013
مجموع المشاركات: 3192

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)


    يا بريمة عليك الله سيب الشغب واستمتع انت زاتك في بت ام روحك دي

    اسع في ضمتك حكي زي دا بـ قولة السلام عليكم بقاطعو

    واصل يا ود بدر ومتابعينك بشغف

                   |Articles |News |مقالات |بيانات

01-08-2017, 06:32 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Haytham Ghaly)

    يا هلا ويا مية مرحبا بالعزيز هيثم غالي

    سعيدين بطلتك هنا

    سنواصل ما في هذا الخيط من حكاوي عمق الصحراء

    بخصوص مداخلة اخونا بريمة لقد افردت لها بوست اخر
    مع اني ما عارف ممكن اكون عندي وكت لادارة بوستين او تلاته في الفترة الجاية

    لكني بنخاول غايتو وربك يعين..

    صدمة موت اخونا جادات اذهلت الجميع وكانت مفأجاة للجميع ..
    الموت يا هيثم غالي الحقيقة الغائبة والتي يعرفها الجميع ما يزال كل يوم يدهشنا..

    استغفر الله
                   |Articles |News |مقالات |بيانات

01-08-2017, 08:32 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    تعرف السواني بانها جمع سانية وهي البئر ذات العمق البعيد...
    يقول الشيخ كزمة ان عمق البئر يقاس بطول الرجال مثل ان تقول ان عمق البئر الفلانية هو ستة رجال او سبعة رجال ...
    وقد قيل ان الشيخ يسن قد امر رجال من الجن بحفر البير وزربها ...
    وزرب البير يعرف ايضا بالتعريش وهو قطع سيقان الاشجار وبناء البئر من الداخل خوف انجراف الاطراف ...
    وهناك اسماء لمناطق مثل الساني دادة..
    يقول الدومة وهو سائق لوري سفنجة كان يرعي الاغنام في بواكير صباه ان الساني دادة عمقها اكثر من (تلتمية رجل) او يزيد
    تقع الساني دادة في تخوم وادي سرف عمرة القريب من دار المساليت في غرب السودان ..وتعرف بالساني دادة نسبة للشيخ يسن ولد دادة وهو فقير وعالم قران من اهل شنقيط او من ارض فاس..
    يقول البعض انه من (ال) واقارب الشيخ البدر الذي يسكن الجزء الشمالي من صحراء وادي الحوض الليبي .
    .يقول الشيخ اسحق وهو رجل من حكماء المساليت ان الشيخ يس ولد دادة جلس في تلك الديار بضع سنين وان تزوج وتصاهرمع بعض القبائل وانتقل الي الدار الاخرة ودفن هناك ولا يزال البعض ومنهم شخصه يزور قبره باستمرار ويترحم عليه ويتبركون به..

    (عدل بواسطة Elsanosi Badr on 01-08-2017, 08:36 PM)

                   |Articles |News |مقالات |بيانات

03-08-2017, 04:30 PM

Kabar
<aKabar
تاريخ التسجيل: 26-11-2002
مجموع المشاركات: 15430

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    ول أباً السنوسي. حبابك ياصديقي

    طبعا حكيت اكتر من مرة في المنبر أني متابع الحكي من اول لحظة والتعليقات موجودة مافي داعي نعيدها

    جاءتني فكرة كتابة موازية تعمل على نفس الثيمات ولكن لمن تكون وصلت الجنوب قريبا من خط الاستواء

    ولكن

    ممكن نساعد بالتوضيحات. المكان الناس الأجواء

    غايتو ادخلت تجارب اهلنا مع النجوم وضرب الرمل والروغان والدولرة سواءا كانت دوارة العوين او دوارة الرايحة تكون ما قصرت تب

    السواني عندي معاها حنين غريب يا صديقي وهي لحظات ولمحات محتاجة الحكي عنها كتير لانها ظواهر عجيبة

    اما الجنون

    احمد جارود وحميدان نامير. ماشين في الخلا ولقوا ليهم خواجة تائه

    سكوا الخواجة وقبضوهو. اها الغلاط حصل

    جارود قال الشغل ده جان

    حميدان قال الشغل شيطان

    جارود قال ليهو عرفت كيف

    حميدان قال. الشيطان عيونو خضر. والجان عيونو حمر

    قيدوا الخواجة المسكين ومشوا الفريق لغاية شدرة الفكي احمد ابو حمّاد

    والفريق انقسم بين شيطان وجان

    الفكي احمد مرق على الخلا ولمن رجع لقي العوه ليها ضَل

    وأفتى بانو الشي بنادم

    الكلام ده ما عجب حميدان واتحدى الفكي وقال ليهو لو بنادم اسالوا خشم بيتو شنو في الأهل

    احتار الفكي وقال عيطوا لعميرة ولد سلمان العنقريب

    وعميرة طالب في الثانوي العام.

    اها عميرة طقش طقش طقاش مع الخواجة ما فهم غير يس ونو

    قال للجماعة الشغل ده ما بيعرف لفة الترك. واقصد اللغة الانجليزية

    والخواجة المسكين كان ألماني

    اها حميدان أتكيف انو على صواب وقال لناس الفريق الشيطان بيعادوا الزول حتى ولو التناغم معاهو

    وشورة حميدان انو عميرة ول سلمان العنقريب ح يشوطن عشان كده لازم يربطوه بحبل متين في جذع شدرة العرد ألفي نص الفريق

    وأثناء ما الجماعة مشغولين برباط عميرة الخواجة هرب

    ولغاية الليلة الفريق هلال ومريخ

    الشغل جان

    هوي يتلفان. الشغل شيطان عيونو خضر




    عفوا على المشاترة. وضروري تواصل يا ول أباً السنوسي


    كبر
                   |Articles |News |مقالات |بيانات

03-08-2017, 05:07 PM

علي عبدالوهاب عثمان

تاريخ التسجيل: 17-01-2013
مجموع المشاركات: 6118

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Kabar)

    مع التحية للاحباب ..
    حبيبنا السنوسي .. إنت مبدع
    حبيبنا بريمة .. أنت مبدع
    حبيبنا كبر ... أنت مبدع
    أتركوا أي حديث جانبي وركزوا على تراث تلك البقعة الرائعة من الوطن
    بل هو الوطن ..
    لقد وهبكم الله جمال الكلم ورعة الطبيعة من الزرع والضرع والانسان ..
    أفيضوا علينا فأنا في شوق لحروفكم .. كلكم رائعين لأنكم من تلك الحاضنة الرائعة
    مودتي للجميع ..
    ونحن في الانتظار ..
                   |Articles |News |مقالات |بيانات

05-08-2017, 03:18 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 3928

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: علي عبدالوهاب عثمان)

    فوووووق
    مع الجو الماطر دا ..
    تحياتي الجميل السنوسي
                   |Articles |News |مقالات |بيانات

05-08-2017, 05:38 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: علي دفع الله)

    الاخوان الاعزاء

    محمد النور كبر
    علي عبدالوهاب عثمان
    علي دفع الله

    اهلا ومرحبا وسعيد بمروركم الانيق

    صحيح ان القصة دي في بدايتها وساقوم بالمواصلة متي ما لقيت وقت

    هاكم شوفوا ده رثما نعود

    الرابط هو
    مقاس (نعلات) وزير الدفاع -بوست متجدد-مقاس (نعلات) وزير الدفاع -بوست متجدد-
                   |Articles |News |مقالات |بيانات

05-08-2017, 06:13 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 5281

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    شكرا يا سنوسى على الرد الضافى
    و يا ريت تجينا عشان تشوف حاجات كتيرة مشتركة مع الهنود الحمر
    Quote: هههههه غايتو الشبشب ابو حطب ده كان خطر خلاس ..

    عندنا نحنا ناس الشمال بنقولّو الكركب
    و الاسم ظنيتو ماخود من الكركبة البعملا ساعة المشى
    و العجب العجيب كان دقوك بيهو
    هنا عندنا دكتور شول للرجال يا سنوسى ياخى مريح جنس راحة
    اها النقوم نشحن لينا كرتونة لى عيال الصرماتى ابراهيم
                   |Articles |News |مقالات |بيانات

27-09-2017, 02:42 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: جلالدونا)

    Quote: عندنا نحنا ناس الشمال بنقولّو الكركب
    و الاسم ظنيتو ماخود من الكركبة البعملا ساعة المشى
    تعرف يا جلال بيقول ليك فلان جاب ضقلها يكركب!
    والكركبة يا جلال هي نوع من الفن عند بعض الناس، والكركبة قد تعني الفوضي، ومثلها الكركبة الخلاقة! او الكركبة الخلابة

    بالنسبة للشبشب دكتور شول الذي تتخذه بت الجن (عابدين) هو عنوان للترف !
                   |Articles |News |مقالات |بيانات

11-08-2017, 04:27 PM

نعمات عماد
<aنعمات عماد
تاريخ التسجيل: 08-03-2014
مجموع المشاركات: 5762

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)


    يسلم يراعك يا دكتور السنوسي

    في إنتظار بقية رحلة فجاغ السراريق في القارات الثلاث .
                   |Articles |News |مقالات |بيانات

27-09-2017, 02:18 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: نعمات عماد)

    هلا بعزيزتنا نعمات عماد

    ساواصل انشاء الله بعد ان الم القصاصات من هنا وهناك

    اعتمد علي الذاكرة في رصد بعض الاحداث
                   |Articles |News |مقالات |بيانات

27-09-2017, 02:36 PM

walid taha
<awalid taha
تاريخ التسجيل: 28-01-2004
مجموع المشاركات: 3293

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يا سلام

    كم كنت خائفا أن يغتس هذا البوست
    نجى برواقة
                   |Articles |News |مقالات |بيانات

27-09-2017, 02:55 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: walid taha)

    يا هلا بعزيزنا وليد طه

    نحاول بقدر الامكان ان لا (يحتل) البوست ده!
                   |Articles |News |مقالات |بيانات

27-09-2017, 03:08 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    يقول ادم وهو طالب يدرس في احد جامعات الخرطوم انه شاهد طعومة وهو ب
    (بتكبكب) وشعرة جلدو (بتكلب) عند مرور خديجة من امام الحضور.
    اشتري طعومة ريحة بت السودان ولفاها بقرطاس من كراس ورق الحساب الذي احضرناه للعرب البدو في مرات سابقة لمساعدتهم في تلقي العلوم في البوادي المتناثرة علي طول الصحراء.

    طوي طعومة ورقة الكراس بطريقة مخروطية اشبه بلفة ورق التسالي الذي يبيعه عثماني الفونجاوي في دار الرياضة امدرمان الواقعة شرق حي الهاشماب.

    سقطت ريحة بت السودان من يدي طعومة المرتجفة وسمعته العجوز كلتوم وصاحت فيهو قائلة: بتقطع الكاغت حق المدرس! وجفل طعومة بعيدا (حاشرا) الريحة وبعض قطع الكجيك والفاروص في جيب السديرية بسرعة البرق!
                   |Articles |News |مقالات |بيانات

30-09-2017, 06:37 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    نعود بعد حزن علي احد فرسان الصحراء ترجل وهو غر

    ترجل محيميد الذي لم يبرح الصحراء شبرا، ولكنه امتطي صهوتها طولا وعرضا.

    طوبي لنا وطوبي للصحراء الكبري بفقدك ايها الفارس الوسيم

    حزنت لك كما تحزن الان (خيارة) شيققة والدتي الصغري!

    وداعا محيميد والكل يعلم انك كنت فارس للصحراء
                   |Articles |News |مقالات |بيانات

30-09-2017, 08:05 PM

أبوذر بابكر
<aأبوذر بابكر
تاريخ التسجيل: 15-07-2005
مجموع المشاركات: 5951

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: Elsanosi Badr)

    والله يا السنوسى الشكر براهو ما بكفى ليك

    ليك كل الحاجات السمحة وطيبة

    امتاع حتى الاشباع
    و مؤانسه فسيحه ومربحه ومليحه

    ما تقيف عليك الله

    ولينا رجعه تانى اكيد
                   |Articles |News |مقالات |بيانات

30-09-2017, 10:55 PM

Elsanosi Badr
<aElsanosi Badr
تاريخ التسجيل: 29-03-2008
مجموع المشاركات: 3900

للتواصل معنا

FaceBook
تويتر Twitter
YouTube


Re: جابورة فجاغ السراريق (Re: أبوذر بابكر)

    يا بعزيزنا اباذر

    انا سعيد للغاية لاعجابك بما نكنتب

    هذه المحاولات الكتابية هي حالة من النوستالجيا التي تعتري الواحد في غربته التي طالت،

    نسعد نحن واياكم في بلدنا المترامي الاطراف، يكون فيه الانسان سودانيا كفاية
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de