تصوّروا لو لم ينفصل الجنوب لكان كل القرف الحاصل فيه دا باسم السودان

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 17-11-2018, 07:28 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-10-2016, 11:37 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


تصوّروا لو لم ينفصل الجنوب لكان كل القرف الحاصل فيه دا باسم السودان
                   |Articles |News |مقالات |بيانات

25-10-2016, 12:26 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4440

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)


    القرف الحاصل ده ما كان حيحصل لو ما انفصل الجنوب
    بعدين الاسلاميين وافقوا على انفصال الجنوب ليه ؟ ..
    الحرب الحاصلة دي أمر بديهي وكلنا تنبأنا بأنها حتحصل ..
    البيزعل أكتر من الحرب الحاصلة في الجنوب يا فرانكلي ..
    الحركة الاسلامية وافقت على الانفصال ده ليه من الأول ؟ ..
    ماتقول لي الغرب عايز كده ..
    أو تقرير مصير أو انه الجنوبيين اختاروا الانفصال ..
    الكل عارف إنه دي كانت لعبة من الغرب ..
    الانفصال ده سوتوا الحركة الاسلامية دي ..
    كان ترضى كان تابى ..
    فأنا بشوف مافي أي داعي للحسرة أوالشماته ..
    خلي الجنوبيين ينقرضوا ..
    طالما من الاول ما هموكم ولا اكترثتوا لأمرهم ..
    وسلمتوهم للغرب يلعب بهم وفي الآخر يرسلهم للمحرقة ..
    زمان قلنا الجنوب ممكن يدير أجعص حرب ..
    لكن ليس لديه القدرة في أن يدير أفشل دولة ..
    كل ده السودان الشمالي ونخبه عارفنه زي جوع بطنهم ..
    يبقى بعد ده كله يهدوا الجنوب للغرب لاستخدامه كمحرقه ليه !!! ..
    بعدين هل لو أي نظام تاني كان يحكم في الشمال ..
    هل تفتكر إنه كان سيجرؤ على فصل الجنوب ؟ ...
    العملوهوا الأخوان في السودان يا فرانكلي ليوم الدين مابروح ..
    وانفصال الجنوب أول مآسيهم ومخازيهم ..




                   |Articles |News |مقالات |بيانات

25-10-2016, 02:58 PM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: جمال ود القوز)

    سلام يا جمال

    الحركة الشعبية هي التي وافقت على فصل الجنوب وهي من فصلت الجنوب وهي بمشروعها قد دمرت الجنوب وإنسان الجنوب

    أي شماعة تانية غير منطقية

    أنت بنفسك مضطرب شديد بمحاولة تعليق خيبات الحركحة الشعبية على شماعات تانية
    قلت

    Quote: ماتقول لي الغرب عايز كده .


    وبعدها بسطر واحد قلت
    Quote:
    الكل عارف إنه دي كانت لعبة من الغرب



    الانفصال سوته الحركة الشعبية ولعبت عليه حتى أخر لحظة وصوتت عليه وخطب سلفاكايير في الكننائس بأن لا يصوتوا للوحدة

    الظاهر احركة الشعبية هم الإسلاميين والكنائيس هي المساجد حسب الشماعة دي

    المهم
    أنا برضو قلت أن الجنوب سنفصل قبل سنين من انفصاله وقلت سيكون أفشل دولة في العالم وقد صدقت النبوءتين

    لكن دا يتحمل وزره الحركة الشعبية ومشروعها الفاشل لا غير سواء قطاع جنوب أو قطاع شمال

    (عدل بواسطة Frankly on 25-10-2016, 03:01 PM)

                   |Articles |News |مقالات |بيانات

25-10-2016, 01:32 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1318

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)

    لو ما كان انفصل، ما كان ح يحصل الحاصل الآن.

    قبل أيام وقفت لسوداني بطريق العين سيارتو متعطلة،
    كعادتنا بعد المساهمة في حل مشكلة العربية
    حق الله، بق الله
    عرفت انو من مرافيد الجيش وحاقد على الاسلاميين.
    قلت ليهو أديني النصيحة، هل ممكن ناس الجيش بكونوا استعملوا كيماوي بدارفور؟
    ضحك وقال لي: دي حركات واتساب ساكت
    قال لي:
    الناس ديل حاولو يأدلجو الجيش لكن فشلوا؟!
    قال: صحي بتقبل في الجيش أولاد الكيزان، لكن لن تضمن أن يصبحوا كيزان
    عقيدة الجيش السوداني أقوى من أي شيء تاني
    تانيا:
    الجيش السوداني دا بضعفو دا
    أقوى مؤسسة بوسط وشرق أفريقيا
    قد ينهار، لكن ما هسع

    "جمهورية الموز" مشكلتها الكبيرة انو ما عندها ارث جيش

    (عدل بواسطة أبوبكر عباس on 25-10-2016, 01:38 PM)

                   |Articles |News |مقالات |بيانات

25-10-2016, 01:45 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6454

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: أبوبكر عباس)

    (لو) دي هنا مش بتفتح عمل الشيطان دي بتذهب لأبعد من ذلك. ما يفعله النظام الحاكم في طول البلاد وعرضها أكثر دموية مما يفعله الجنوبين في دولتهم الوليدة. هل كان للجنوب يد في وضع السودان في قائمة الإرهاب أم هي فرية محبوكة من الغرب هل كان لجنوب السودان يد في أن يكون رئيس الدولة مطارداً من قبل المحاكم الدولية وحقوق الإنسان. هل وصل إقتصاد البلاد إلى ما وصل إليه بفعل حكومة جنوب السودان ، هل الإبادات الجماعية في جبال النوبة ودارفور تتم من قبل دولة جنوب السودان هل ساء حال البلد منذ الإستعمار حتى ذلكم الإنقلاب المشئوم الذي أتي بتلكم الطغمة الحاكمة بفعل ما يحدث في دولة جنوب السودان.
    من حقك أن تؤيد من تؤيد وتقف مع من تقف لكن لا يجب أن تضع نفسك في موضع يسهم في لوي عنق الحقيقة. القرف الحاصل في جمهورية السودان سير به الركبان

                   |Articles |News |مقالات |بيانات

26-10-2016, 09:11 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: almulaomar)

    almulaomar كلامك فارغ ولا يحمل أي مضمون وفكرة تناقش موضوع البوست

    هتافية مجانية بليدة

                   |Articles |News |مقالات |بيانات

26-10-2016, 07:28 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: أبوبكر عباس)

    Quote: لو ما كان انفصل، ما كان ح يحصل الحاصل الآن.

    لو ما انفصلوا كان ح يحصل دا كله في الجنوب التابع للسودان لأن مشروع الحركة الشعبية هو أس المشكلة
    Quote: "جمهورية الموز" مشكلتها الكبيرة انو ما عندها ارث جيش

    نعم هذا صحيح ولكن الحركة الشعبية تحصلت على تدريب من الجيش الأمريكي قبل الانفصال وبعد الانفصال لكن المشكلة الكبرى في مشروع الحركة الشعبية وقياداتها

                   |Articles |News |مقالات |بيانات

25-10-2016, 02:18 PM

aosman
<aaosman
تاريخ التسجيل: 04-02-2002
مجموع المشاركات: 3399

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)

    الأخ كمال الحاصل ده كله عشان إنفصلوا من السودان الأب
                   |Articles |News |مقالات |بيانات

25-10-2016, 05:57 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4440

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: aosman)


    مافي تناقض ولا اضطراب يا فرانكلي في كلامي ..
    بعدين الحركة الشعبية خايبة من يومها .. فلا تصلح أصلاً لاتخاذها شماعة ..
    المفروض طالما هي لعبة من الغرب كان يجب ايقافها .. ده قصدي ..
    الغرب عايز يلعب بالجنوب تقوم انت كنظام وكدولة ام ..
    وعشان عندك مصلحة تسلمهم الجنوب على طبق !! ..
    حركة شعبية شنو يا فرانكلي الله يرضى عليكـ ..
    ديل تجار حرب وألعن وأضل من نظام الخرطوم ..
    انا وجهة نظري إنه ما كان يتم التعامل مع الحركة الشعبية ند لند ..
    المفروض نخب الشمال كيزان وغير كيزان ..
    عندهم التجارب الكافية في الحكم والسياسة ..
    فما ممكن تخت راسك كنخب شمالية براس الحركة الشعبية ..
    الكل ثقافتها في دنيا السياسة حرب وبس ..
    هل الحركة الشعبية مؤهلة لتدير دولة بالجنوب !! ..
    قلنا الكلام ده قبل الانفصال نحن كناس ساي ..
    ما حتقدر ولو بعد مليون سنة ..
    يبقى انت كدولة أم المفروض انك مسؤول ..
    من حياة الناس البسطاء البتموت كل يوم دي ..
    الحركة الشعبية تطير وعساها ما ترك ..
    حاربت كل انظمة الشمال مافي زول فكر يسلمهم الجنوب ..
    ليه تجي تنخ انت كنظام اسلامي وتسلمهم الجنوب ..
    شعب الجنوب ده مش مفروض شعبك وانت مسؤول عنه !! ..
    نظام الشمال يا فرانكلي مسؤليته مباشرة عن الحاصل ده ..














                   |Articles |News |مقالات |بيانات

26-10-2016, 06:29 AM

مدثر صديق
<aمدثر صديق
تاريخ التسجيل: 30-04-2010
مجموع المشاركات: 3150

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: جمال ود القوز)

    سلام

    معلومات مهمة و تقريبا اي زول عارفها ...بس مهمة تكون في البال :

    ان التمرد الاول كان عن طريق حركة أنانيا بين أعوام 1955 إلى 1972.............

    ثم التمرد الثاني كان بواسطة الحركة الشعبية بين اعوام 1983 الى 2003..............

    ان جون قرنق هو من اصر على ادارج بند تقرير المصير ضمن اتفاقية نفاشيا...........

    ......................
                   |Articles |News |مقالات |بيانات

30-10-2016, 11:14 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: جمال ود القوز)

    سلام جمال

    كيف يمكن وقف لعبة الغرب والسودان يتعرض لكل هذه الضغوط بالإضافة لضغوط داخلية؟

    واضح جداً أن الغرب كان يريد انفصال الجنوب ولكن النخب السياسية في المعارضة أخذت المرود من الغرب وفقأت به عينها نكاية في الحكومة والكيزان ووقفت وقفة منيعة مع الحركة الشعبية وكانت تتصور أن تغير لها الحركة الشعبية مسيرة الحراك السياسي في السودان كدولة فخسرت الرهان وركلتهم الحركة في أقرب مزبلة وانفصل الجنوب ولكن نكاية في الحكومة لم يلتفتوا لرميهم في المزبلة ودعموا حكومة الجنوب واستخدموها كمعين في خصومتهم مع السودان


                   |Articles |News |مقالات |بيانات

27-10-2016, 05:04 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: aosman)

    Quote: الأخ كمال الحاصل ده كله عشان إنفصلوا من السودان الأب

    تحياتي أخي الدين عثمان
    هم فاكرين شيل البندقية وقطع الطريق ح يجعلهم رجال دولة لكن الحاصل أن العقلية التي يدار بها عصابات الغابة هي نفسها التي تدير ذاك البلد الفاشل

    ولو كانت نفس هذه القيادات موجودة ومنحو الحكم الذاتي أو الفدرالي لفعلوا نفس صنيعهم فالفكرة التي ينحدرون منها واحدة وتربيتهم السياسية واحدة ومشروعهم واحد وهو الفشل والإحتراب وأكل لحوم البشر القسري

                   |Articles |News |مقالات |بيانات

26-10-2016, 07:23 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)

    تحياتي وسلامات كمال وضيوفه الكرام

    هذا هو أمر الإنفصال وهذا هو حق تقرير المصير كما رأيناه

    Quote: كتبت ذات بوست في 25/08/2010

    " في رواية كيف أخرج مارد الإنفصال من قمقمه تكمن تراجيديا تدعوننا نحن للجنون والإنتحار
    ( واقع ) الإنفصال اليوم هو طفل شرعي لـ ( حق تقرير المصير ) الذي تعامل معه ( الجميع ) باستهتار يكشف عن ( وضاعة ) قيمة الوطن عند الأشخاص الذين وضعتهم ( الصدفة ) ساسة مسؤولين عن هذا الوطن .
    لم يكن حق تقرير المصير ضمن أدبيات الحركة الشعبية لتحرير السودان رغم شراسة معاركها ضد حكومة جعفر نميرى ورغم خذلانها أمام استجابة السيد الصادق المهدي لإبتزاز الجبهة القومية الإسلامية وفركشته لإتفاقية السلام السودانية المبرمة مع السيد محمد عثمان الميرغني .
    انفصل في العام 1991 جزء من الحركة الشعبية لتحرير السودان سمى نفسه ( حركة استقلال جنوب السودان ) - سم - بقيادة د. رياك مشار ود. لام أكول أو ما عرف في أوساط الحركة بـ ( فصيل الناصر ) . تتلخص رؤية هذا الـ ( سم ) في أنه قد آن للجنوب أن ينفصل من الشمال ، وأن جون قرنق ( يهلك ) أبناء الجنوب في سبيل ( سودان جديد ) غير قابل للتحقق على أرض الواقع .
    رأت الحكومة في خطوة كارثية أن تقوي هذا الفصيل لتضعف قرنق لذلك عقدت معه إتفاق فرانكفورت الشهير 1992 وكان أهم بنوده ( حق تقرير المصير ) . وقد تطور هذا الإتفاق ليصبح لاحقاً ما يعرف بإتفاقية السلام من الداخل 1997 بنفس بند ( حق تقرير المصير ) اللعين .
    رأى د. جون قرنق أن الحركة المنفصلة عنه قد بدأت تسحب البساط من تحت أقدامه خاصة وبدأ الجنود في التململ فإذا كان ( الإستقلال ) قادم بدون حرب فلم المخاطرة بالأرواح . كسياسي محترف عدل د. قرنق من أطروحات حركته . وأضاف ( حق تقرير المصير ) وألزم به التجمع الوطني الديمقراطي في مقررات أسمرا للقضايا المصيرية يونيو 1995 وقد لا يهمنا هنا ( تطمين النفس ) الذي ساد بأن ( الوحدة هى خيارنا الأول ).
    أحزاب التجمع في لهفتها على أن تحملهم بندقية قرنق للقصر الجمهوري لم يتبصروا خطورة الأمر الذين هم بصدد الموافقة عليه .
    لذلك أصبح ( حق تقرير المصير ) هو الوحيد المتفق عليه بين أحزاب الحكومة وبين أحزاب المعارضة
    ثم كانت نيفاشا تأطيراً و شرعنة لهذا الإتفاق العجيب

    أليس ما يدعو حقاً للجنون والإنتحار أن يكون البند الوحيد المتفق عليه بين ( الجميع ) هو بند تقسيم الوطن ؟؟؟؟ "


    ( حق تقرير المصير ) ... الفكرة التي دمرت بلدين ...... ( حق تقرير المصير ) ... الفكرة التي دمرت بلدين ......
    وحدة السودان ( الكاذبة ) بين ( استجداء ) أهل الشمال و( استقواء ) أهل الجنوبوحدة السودان ( الكاذبة ) بين ( استجداء ) أهل الشمال و( استقواء ) أهل الجنوب
                   |Articles |News |مقالات |بيانات

31-10-2016, 08:18 PM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: عاطف عمر)

    شكراً أخي عاطف عمر على الإضافة
                   |Articles |News |مقالات |بيانات

26-10-2016, 07:39 AM

Osman M Salih
<aOsman M Salih
تاريخ التسجيل: 18-02-2004
مجموع المشاركات: 12987

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)

    السيد فرانكلي.
    السلام عليكم.

    تكمن العلة قي مفردة القرف التي استخدمتها دون ان يطرف لك جفن.

    مع وحدويتي اقول لاهلي في الجنوب : حسنا فعلتم باختياركم الحرية والانفصال عن الشمال مادام فيه اناس مثلك يافرانكلي لاتثيير مأساة الجنوب في نفوسهم سوى القرف.

    لقد الحق غلاة الانفصاليين في شطري الوطن الهزيمة بمعسكر الوحديين، وحبب خيار الانفصال إلى نفوس الجنوبيين الذين عانوا طويلا من من سوء المعاملة والاستعلاء العربي البغيض يمارسه شماليون تحجرت قلوبهم ونزعت منها الرحمة والتعاطف من الضعفاء. ودعت الحركة الشعبية لتحرير السودان التي هي في الجوهر حركة انفصالية وان لبست لبوس الوحدة كنوع من التكتيك اهل الجنوب الى الانفصال فتبعوها.
                   |Articles |News |مقالات |بيانات

05-11-2016, 10:03 AM

Frankly
<aFrankly
تاريخ التسجيل: 05-02-2002
مجموع المشاركات: 34824

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Osman M Salih)

    وعليكم السلام
    الأستاذ عثمان محمد صالح

    إذا لم ترى أن ما يحدث في جنوب السودان "قرفاً" بمعنى الكلمة وكل دلالاتها السالبة فتحسس إنسانيتك!!!!!
                   |Articles |News |مقالات |بيانات

05-11-2016, 02:47 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37790

للتواصل معنا

FaceBook
تويتر Twitter
YouTube


Re: تصوّروا لو لم ينفصل الجنوب لكان كل القرف ا (Re: Frankly)


    ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

    1-التجاهل
    2- التجاهل
    3- التجاهل

    يجب فضح جميع الكيزان وبعض المندسين الجبناء.

    أنه لمخجل جدا أن يدعي البعض الوطنية وهم يقفون مواقف المتفرجين

    ومعا لكشف عصابة مافيا الانقاذ وجميع المأجورين

    ولا نامت أعين الجبناء والعار للذين ينشرون أكاذيب الكيزان في
    هذا المنبر


    د مصطفي محمود يونيو 2006
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de