بالله دي جريدة يومية الجايبه ندى القلعة في صدر الصفحة الأولى ؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 03:48 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-10-2016, 03:31 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


بالله دي جريدة يومية الجايبه ندى القلعة في صدر الصفحة الأولى ؟

    03:31 AM October, 25 2016

    سودانيز اون لاين
    يحي قباني-فى الدنيا العجيبة
    مكتبتى
    رابط مختصر

    آخر لحظة أيام الجامعة عارفنها ... .ريدة آخر لحظة دي شنو كمان ؟

    اخبار الوطن و المواطن و همومه انتهت ... ؟

    جايبين ندى القلعة على صدر الجريدة عشان يعم الفرح مثلاً ؟

    غايتو عنواين كلها نكد ...

    البشير داير ينزع الإحباط !!! طيب ما تفوت ياخ ...

    وزارة الصحة تنصح النساء بالرقيص ... الظاهر رقيص الرئيس كان دراسة و انحنا ما عارفين ...

    سودانير تتكفل بنقل جثامين السودانيين الفي الخارج مجاناً ؟ ياخي هي الحيين ما قادرة تنقلهم ...

                   |Articles |News |مقالات |بيانات

25-10-2016, 03:49 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    سودانير تتكفل بنقل جثامين السودانيين الفي الخارج مجاناً ؟ ياخي هي الحيين ما قادرة تنقلهم ...
    ______________________________________________________________

    دي مش ياها اقرع و نُزَهِي ... و لا حاجة تانية ؟

    و الله يا سودانير ... جثامينا دي كان رجتك ... أخير نحرقها و نرميها رماد في الهوا ...
                   |Articles |News |مقالات |بيانات

25-10-2016, 04:11 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    البشير : نريد أن نعطي الناس الأمل و ننزع عنهم الأحباط ... !!!
    ______________________________________________
    بركة الاقتنعت انو الناس محبطين ...


    البشير إكتشف قصة الإحباط بعد 27 سنة ...

    الله ينزع أقول ليك شنو بس ....
                   |Articles |News |مقالات |بيانات

25-10-2016, 04:20 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    و آخرتها ...

    ندى القلعة تقدم هدية الإستقلال !!!

    الاستقلال الغنو ليهو وردي و محمد الأمين ...

    بقى هيّن قدُر ده لامن تغني ليهو ندى القلعة !!!!
                   |Articles |News |مقالات |بيانات

25-10-2016, 04:36 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    بعدين وزارة الصحة دي جابت الكلام ده من وين ؟

    ياتو دراسات دي الأثبتت انو كُتر الرقيص بمنع السرطان ؟

    و الله دي أخير منها علاج الايدز بالكفتة حقة المصريين ...
                   |Articles |News |مقالات |بيانات

25-10-2016, 05:16 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13673

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)


    ياااا جوك .... ما تنفعل
    الكلام متناسق مع بعض تماماً

    الصورة: ندى القلعة
    المانشيت الرئيسي: رقيص النسوان

    عايز هارموني أكتر من كده؟

    إبتهجوا ياخ .... إبتهجوا .... مالي أراكم لا تحبون البهجة.
                   |Articles |News |مقالات |بيانات

25-10-2016, 06:11 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: محمد أبوالعزائم أبوالريش)

    تحياتي قباني وضيوفك
    من شروط طيران ناس العجيبة جدا
    {{ ممنوع نقل القطط والكلاب والجثث }} !!!!
    تذكرت لحظتها اهلنا البسطاء بالسودان
    وفي اقاصي الضهاري ..
    وهم يحملون موتانا على اكتافهم ..
    يحملونهم في غيابنا ويهللون ويكبرون ..
    يذهبون للمقابر بالآلاف ..
    يحفرون قبورهم بلا من ولا اذى ..
    ويوارونهم الثرى !!!
    ما أجمل هذا الشعب حينما يحزن
    وحينما يفرح
    وحينما يتألم
    وحينما يتعاضد ويتسامح
    وحينما يثوووور !!!!!
    حقاً إن الموت بالوطن مجرد غفوة
    غفوة يسبقها تثاؤب مصحوب بدهشة !!!!!!


    ولماذا ترقص النساء فرادى ؟؟؟؟؟
    كم اتمنى ان تصدر شطحة أخرى من وزير المالية ..
    وليست موجهة للنساء هذه المرة ..
    بل للرجال المغلوب على أمرهم
    بالرقص لأجل محاربة الاكتئاب من غلاء المعيشة ..
    والأزمة الطاحنة في كل شيء
    حينها نحقق الكثير من الصور البليغة
    فبدلا من أن ترقص زوجتك منفردة صباحا ومساءا
    فالأجمل أن يشاركها ابو القدح وصلة الرقص
    منها نقضي على السرطان والاكتئاب والملاريا
    والأهم من كل ذلك ان الرقص الجماعي ربما يحسن في العلاقات الزوجية
    ويحفز من تداعيات غرف النوم المغلقة في الغاضي !!!!



    هجمة مرتدة
    كل مرة اقول ليكم ان السودان به { بنقو اصلي }
    لكن ماقاعدين تصدقونا
    تاني ما ح اقول ليكم !!!!!
    قال رقيص جماعي قال !!!!
    كمان جابت ليها رقيص جماعي لتضاف لقاموس السكوت الجماعي
    واللحس الجماعي
    والبلع الجماعي
    والتحلل الجماعي !!!!!


    يعني تاني لو شفت ليك { كرضمة } سااااي في سدرك تقوم ترقص نص الليل !!!
    على طريقة نأكل مما نزرع
    ونلبس مما نصنع ونصلي مما ندفع { دي حقتي انا براااي }
    ونتحلل مما نبلع !!!!
    ونرقص مما نتحسس !!!
                   |Articles |News |مقالات |بيانات

25-10-2016, 07:25 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6454

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: ابوحراز)

    ودقباني
    إنت يا أخوي الوداك تقرأ الجرايد السودانية شنو ، لو قروشك محرقة روحك إتبرع بيها للمساكين الما لاقيه تاكل وبي كده تكون حليت مشكلتك ومشكلتهم وعملت صنيع معروف تؤجر عليه بإذن الله. صحيح أن ثمن الجريدة بخس لكن في النهاية بسد فرقه لناس منتظرة كل من يؤمن بمقولة حسنه قليلة ، أو ما جاء في الحديث لا تحتقرن من المعروف شيئاً ولو أن تلق اخاك بوجه طليق ، وطبعاً نحن السودانيين من الصعب أن نبتسم حتى أن الجابري تغني تلك الكلمات الرائعة (بالمناسبة الشاعر منو) سيد الإسم محبوبي وكتين يبتسم الدنيا يا ناس تنقسم ، ومع أن المحبوب هنا سايق دلاله على حبيبه إلا أنه يظل مكشر أو مبوز ويبقى طاعم حتى في تلك الصورة ، أها وكتين يبتسم الدنيا تنقسم والفرحة تملاها وتزغد فيها وعيييييييك مولد بس ، ولما كانت الدنيا كلها كآبة هذه الأيام يبدو أن المحبوب مط بوزه أكثر وأكثر لدرجة أن حتى طعامته راح في تلك التتليشه المهيبة.
    واحد رسل لي التالي:
    عاجل جداً
    تم العثور على سوادني مبتسم داخل عربيتو صباح اليوم
    وقد تم إسعافه والحمد لله حالته مستقره
    وبدأت التكشيرة ترتسم على وجهه
    والتحقيق جار لمعرفة ملابسات الواقعة
    الكلام ده اليوم الصباح
    سوف نوافيكم بمزيد من التفاصيل حال توفرها
    لقناة صم بكم ود العمايا من شارع الهوا
    أجمل ما في الأمر أن الجرايد لم تعد مادة دسمه حتى لغنم حلتنا فما عادت الغنماية تأكل أوراق الجرايد من هول ما فيها من أخبار غثه وصور مؤلمة وأقلام أشد إيلاماً فقد رأيت ذات مرة تيس العم أبنعوف وهو يلتهم باقي كيس أسمنت وبجواره بعض قصاصات جرائد فقلت في نفسي يا ربي هذا التيس من بني إسرائيل عاوز توم وفجل بدل من وسلوي وبسبوسه لكنني سرعان ما أعلنت تأييدي لهذا التيس الحصيف والذي لم يعر الجريدة إعتباراً لما حوته وأحتوته.
    أما وضع صورة فنانه بوزن ندي القلعة فهذا نوع من أنواع الـ marketing وبيع الوهم على الناس وبيني وبينك الناس زاتها بقت عاوزة كده هسي بدور القلعة وجورها ، آسف ندي القعلة دي فنانه بكل المقاييس يعني وتتوفر فيها مواصفات التطريب ولا ساء الزمن وفسدت أذواق الناس وأصبحنا في زمن الطرب الرخيص وعرض الأجساد والحلى ونقوش الحناء أين أيامك يا ست أم كلثوم وعاشه الفلاتيه ووردة الجزائرية وثناني النغم وأم بلينا السنوني ونجاة.
    والعارفون ببواطن الأمور وإن كانت الحكاية واضحة قالو أن مثل هذا الفن إن جاز تسميته بات من أكبر مهددات الامن الثقافي والقيم والاخلاق والمفاهيم في المجتمع ، فرد آخرون ربما أكثر دراية ببواطن تلك الأمور وظواهرها كمان وقالوا أصلاً لم تعد هناك ثقافة ولا قيم ولا أخلاق حتى يتتم تهديدها.
    أها دي واحدة من إبداعات سيدة الغناء السوداني كما قال أحد معجبيها في صفحتها على الفيس بوك
    بخور تيمان طلقناهو .. و بن محروق رويناهو ..
    الطيبه طبع ورثناهو..كرمنا اصل عشقناهو
    الغريبة أن الأغنية - إن جاز التعبير ويقينا لن يفعل - من ألحان ندي القعلة وأظرف ما في الأمر أن بداية الأغنية في رميه وكده بتقول:
    عين يا عنيه ياكافره يا نصرانيه طلبتك بي نبيا
    عين الصبي شرا غبي وعين العاني شرا متداني
    عين الضيف احر من السيف وعين العجوز الغنطروس
    عين الفتاة قدت الواطه حصنتك بي يس وبي القرآن الكريم
    اخرجي .. اخرجي .. اخرجي
    تعرف في الحته دي بالذات حسيت أنني قاعد في بمبر في بيت زار أو بيت عنكبوت أو بيت هناي المهم قاعد في مكان بائس.
    عن سودانير فقد قالها الخواجة زماان if you have time to spare take sudanair ومن يومها ما طارت في مواعيدها والآن بقت ل تحلق بعد أن تعبت أجنحتها ولم تعمل بوصية الرائع صلاح أحمد إبراهيم في الأداء الأكثر روعة من العملاق محمد وردي ، فلم تسرع أصلا حتى تزيد السرعة وتوس تيس نفست.
    التحية لكم ود قباني وعبركم لأبو الريش وأبو حراز وأبو الفاضل بلازا

                   |Articles |News |مقالات |بيانات

25-10-2016, 08:29 AM

Abdalla Gaafar

تاريخ التسجيل: 10-02-2003
مجموع المشاركات: 1462

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    سلام قباني
    يوم 21 اكتوبر قدر ما فتشت عناوين الصحف السودانية ما لقيت حاجة عن ثورة اكتوبر ... اتاري هم مشغولين بي ندي القلعة وأخبار نقل سودانير للموتي ... بعدين هي سودانير بتسافر لي وين بي طيارتهم الواحدة دي لمن تنقل الجثامين مجانا
    الله يرفع ضغطهم كان رفعو ضغط العالمين كلهمت
    الملا
    أبدعت

    حية وتقدير

    (عدل بواسطة Abdalla Gaafar on 25-10-2016, 08:34 AM)

                   |Articles |News |مقالات |بيانات

25-10-2016, 08:52 AM

نصر الدين عثمان
<aنصر الدين عثمان
تاريخ التسجيل: 24-03-2008
مجموع المشاركات: 3750

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: Abdalla Gaafar)

    تحياتي ود قباني وضيوفك الأكارم،


    Quote: سودانير تتكفل بنقل جثامين السودانيين الفي الخارج مجاناً ؟ ياخي هي الحيين ما قادرة تنقلهم ...
    ______________________________________________________________

    دي مش ياها اقرع و نُزَهِي ... و لا حاجة تانية ؟

    و الله يا سودانير ... جثامينا دي كان رجتك ... أخير نحرقها و نرميها رماد في الهوا ...


    يا ود قباني .. هناك حالة واحدة تجعل من هذا العرض ممكناً ..

    إذا تم تحنيط تلك الجثامين.. وحددت مواعيد الدفن بعلم هبوطها الميمون...
                   |Articles |News |مقالات |بيانات

25-10-2016, 08:59 AM

نصر الدين عثمان
<aنصر الدين عثمان
تاريخ التسجيل: 24-03-2008
مجموع المشاركات: 3750

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: نصر الدين عثمان)

    ثم أن دولتنا السنية.. قد ركلت الدنيا ... أليست هي دار فناء!؟

    فقد وهبت لشعبها الهمام:

    الاحتساب..

    ترحيل الجثامين..

    حسن الخاتمة..

    ثم احتفظت لنفسها بإظهار النعم .. والتحلل .. الخ

    (عدل بواسطة نصر الدين عثمان on 25-10-2016, 09:01 AM)

                   |Articles |News |مقالات |بيانات

25-10-2016, 09:05 AM

kamal omer
<akamal omer
تاريخ التسجيل: 07-01-2013
مجموع المشاركات: 920

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: نصر الدين عثمان)

    و لو لقوا ناس بيرقصوا يودوهم محكمة النظام العام و يجلدوهم
    ------------------------------------
    يلقوها عند الغافل
                   |Articles |News |مقالات |بيانات

25-10-2016, 01:21 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: kamal omer)

    Quote: ياااا جوك .... ما تنفعل
    الكلام متناسق مع بعض تماماً

    الصورة: ندى القلعة
    المانشيت الرئيسي: رقيص النسوان

    عايز هارموني أكتر من كده؟

    إبتهجوا ياخ .... إبتهجوا .... مالي أراكم لا تحبون البهجة.


    يا أبو الريش يا صديقي ...

    طبعاً ... وضعوا البسمة على شفاه الأسر في السودان ...

    لما يموتوا أولادهم بره عشان يوفروا لقمة عيش حلال ...ينقلوهم مجاني ...

    في فرحة أكتر من كده ؟

    طيب المحلات الما بتصلها طيارة سودانير الوحيدة ... الناس تموت كيف و ما في ضمانت نقل مجاني ؟
                   |Articles |News |مقالات |بيانات

25-10-2016, 09:26 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    Quote: تحياتي قباني وضيوفك
    من شروط طيران ناس العجيبة جدا
    {{ ممنوع نقل القطط والكلاب والجثث }} !!!!
    تذكرت لحظتها اهلنا البسطاء بالسودان

    أبو حراز يا بديع ...

    ابدعت في وصف الحال ...

    ياخي هملنا لامن الشغلة بقت مسيخة ...

    بالجد عدم الإحساس مشكلة ... الناس البتكتب و تنشر في الجرايد دي جلدها مالو تخن كده !!!
                   |Articles |News |مقالات |بيانات

25-10-2016, 09:33 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8156

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    Quote: دي مش ياها اقرع و نُزَهِي ... و لا حاجة تانية ؟

    سلام ياقبانى المثل ده انا فاهمو طشاش طشاش لكن نُزهى دى معناتا شنو؟
    يعنى عنده صلعة وبيتنزَّه العصرية بين جناين الشاطى وقصور الروم ..
    ولا عندها معنى تانى؟

    (عدل بواسطة عبدالعزيز الفاضلابى on 25-10-2016, 09:53 PM)
    (عدل بواسطة عبدالعزيز الفاضلابى on 25-10-2016, 09:54 PM)

                   |Articles |News |مقالات |بيانات

26-10-2016, 04:33 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: عبدالعزيز الفاضلابى)

    سلام يا فاضلابي ...

    هو الشخص السفيه الذى لا يعرف حدود مقدرته فتراه ينفق ببذخ وهو مفلس ...

    او كما كتب الكاتب في نفس المقال : على أى الأحوال فإن هذا المثل أرحم من المثل الآخر المشابه له فى المعنى والذى يقول:
    عريان «التيت» يتأمز تأميز ويقول باب الخمارة منين.. أقرع ونزهى أرحم!

    زي ما البشير لما اتبرع للعيبة الكورة في مصر بعربيات ...

    البلد مفلسة وهو بتفوجج ...

    _______________________________________________

    تحياتي كمال عمر ...

                   |Articles |News |مقالات |بيانات

25-10-2016, 09:41 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    Quote: ودقباني
    إنت يا أخوي الوداك تقرأ الجرايد السودانية شنو ، لو قروشك محرقة روحك إتبرع بيها للمساكين الما لاقيه تاكل وبي كده تكون حليت مشكلتك ومشكلتهم وعملت صنيع معروف تؤجر عليه بإذن الله. صحيح أن ثمن الجريدة بخس لكن في النهاية بسد فرقه لناس منتظرة كل من يؤمن بمقولة حسنه قليلة ، أو ما جاء في الحديث لا تحتقرن من المعروف شيئاً ولو أن تلق اخاك بوجه طليق ، وطبعاً نحن السودانيين من الصعب أن نبتسم حتى أن الجابري تغني تلك الكلمات الرائعة (بالمناسبة الشاعر منو) سيد الإسم محبوبي وكتين يبتسم الدنيا يا ناس تنقسم ، ومع أن المحبوب هنا سايق دلاله على حبيبه إلا أنه يظل مكشر أو مبوز ويبقى طاعم حتى في تلك الصورة ، أها وكتين يبتسم الدنيا تنقسم والفرحة تملاها وتزغد فيها وعيييييييك مولد بس ، ولما كانت الدنيا كلها كآبة هذه الأيام يبدو أن المحبوب مط بوزه أكثر وأكثر لدرجة أن حتى طعامته راح في تلك التتليشه المهيبة.

    الملا عمر يا حبيب ...

    ياخي كلامك ما بتحمل الرد ذاتو ...

    الشاعر كامل عبد الماجد ... شاعر سيد الأسم ... و تايه الخصل ...

    و الله يا ملا ... آخر مره اشتريت جريدة يومية سودانية سنة 1988 ...

    غادرت البقعة و تاني وش الضيف ... ما حضرت الإنقاذ التعيس و لا اتلحفت بي سما السودان تحت حكمهم ولا يوم واحد من الزمن داك ...

    المشكلة انو الصديق الرسل لي صورة الجريدة دي ... ما شغلوا غير موضوع ندى القلعة ... لكن في نظري العناوين الأخرى أكثر فداحة ...

    الله يديك الف عافية ياخي ... كفيت ووفيت ...
                   |Articles |News |مقالات |بيانات

26-10-2016, 04:18 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    Quote: سلام قباني
    يوم 21 اكتوبر قدر ما فتشت عناوين الصحف السودانية ما لقيت حاجة عن ثورة اكتوبر ... اتاري هم مشغولين بي ندي القلعة وأخبار نقل سودانير للموتي ... بعدين هي سودانير بتسافر لي وين بي طيارتهم الواحدة دي لمن تنقل الجثامين مجانا
    الله يرفع ضغطهم كان رفعو ضغط العالمين كلهمت

    طيارة واحدة و طايرة بي حرفنة يا عبد الله ...

    و اظن شاحدنها كمان ...

    غايتوا الاختشوا ماتوا ...
                   |Articles |News |مقالات |بيانات

26-10-2016, 04:26 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    Quote: يا ود قباني .. هناك حالة واحدة تجعل من هذا العرض ممكناً ..

    إذا تم تحنيط تلك الجثامين.. وحددت مواعيد الدفن بعلم هبوطها الميمون...

    او يتفقوا مع ملك الموت متى ما شافها وصلت أي مطار ... يشوف شغله طوالي ...

    مش هم مرفوع عنهم الحجاب !!!

    ازيك يا نصر الدين يا حبيبنا ...
                   |Articles |News |مقالات |بيانات

29-10-2016, 01:18 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12602

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    حيث قالت العرب قديما ... شر البيلة ما يضحك ...

    وردت هذه النكت في شأن العلاج بالرقص ...

    1- حاجة كبيره في سوق الخضار فجأة وقفت ترقص وتغني ورى ورا ورا .. ورا ورا طوااااالي .

    قال ليك الناس اتهجمت ... ووقفت تعاين ليها واحد قال ليها ده شنو يا حاجة ..

    قالت ليه يا ولدي مواعيد الدواء حقي قالوا لي الرقصة دي كل سته ساعات عندي التهاب مفاصل 😳

    ___________________________________________________________________

    2- تعلن كلية الطب عن فتح باب التسجيل للدراسات العليا ، ماجستير ودكتوراة، في التخصاصات التالية:

    - اخصائي رقصات غربية وسامبا

    - اخصائي جيرك وتويستي.

    - اخصائي رقصات شرقية وعشرة بلدي.

    - اخصائي رقيص عروس ورقيص بشه.

    📌 والفرص محدودة سارعو بالتسجيل
                   |Articles |News |مقالات |بيانات

29-10-2016, 02:59 PM

muntasir

تاريخ التسجيل: 07-11-2003
مجموع المشاركات: 3621

للتواصل معنا

FaceBook
تويتر Twitter
YouTube


Re: بالله دي جريدة يومية الجايبه ندى القلعة ف� (Re: يحي قباني)

    يا قبة انظر للجزء الممتلئ من الكوب واحمد ربك انهم جابوا ندى القلعة في صدر الصفحة وما لخبتوا الترتيب
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de