العصيان من أجل السودان...رسالة إلى جمهورية الجنجويد في أمسودان الأخرى

نعى اليم ...... سودانيز اون لاين دوت كم تحتسب الزميل عبد الله بولا فى رحمه الله
يا للفجيعة ............ عبدالله بولا
رحيل زميل المنبرالفنان التشكيلي عبدالله بولا له الرحمة
رحيل الإنسان الممتاز بولا فقد عظيم للوطن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-12-2018, 09:11 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-12-2016, 04:00 PM

سيف الدين بابكر
<aسيف الدين بابكر
تاريخ التسجيل: 14-01-2016
مجموع المشاركات: 3098

للتواصل معنا

FaceBook
تويتر Twitter
YouTube


العصيان من أجل السودان...رسالة إلى جمهورية الجنجويد في أمسودان الأخرى

    04:00 PM December, 11 2016

    سودانيز اون لاين
    سيف الدين بابكر-السعودية - الرياض
    مكتبتى
    رابط مختصر


    رسالة لرئيس جمهورية الجنجويد ـ بدولة السودان الشقيق حميدتى ود دقلو
    May 20, 2014

    صلاح احمد
    [email protected]

    يشكوا مواطنى السودان أشد الشكوى من عاملك على القصر الجمهورى عمر حسن البشير ـ لتركة المجال للفساد والمفسدين بنهب مال دولتكم بدل توجيهة لراحة قواتكم المسلحة من الجنجويد ـ حيث كان من المقرر تسليم كل جنجويدى فيلا وعربة لاندكروزر ـ إلا أن كبار الحرامية بمكتب واليك على الخرطوم قد نهبوا الأموال والاراضى المخصصة لحماة النظام من جنجويدك ، وحولوها لمصلحتهم ـ كما أفيدك علماً هناك تحركات محمومة من فلول ما يسمى بالقوات… المسلحة سابقاً ، غييرة من قواتنا المسلحة الجنجويدية التى لولاها كما تفضلت سيادتكم فى خطابك الضافى بالامس لوصل التمرد إلينا فى الخرطوم ـ إن امثال السيد الصادق المهدى عميل القوات المسلحة المبادة يريد إعادتها للحياة بعد أن شبعت موت ، وهو لايعلم بخطورة تصرفاتة على جمهورية الموز فى قلب الخرطوم ـ نرجوا من سيادتكم التكرم و الضرب بيد من حديد على فلول القوات المسلحة المبادة وكل من يناصرها حماية لدولة جنجويدكم الاشاوس وضيوفهم من جهاز الأمن والمليشيات الأخرى
    سيادة الرئيس حميدتى ودقلو

    لا تشغل بالك بالمخربين فى الأصقاع النائية لجمهوريتكم ـ فهم لايشكلون خطراً علينا نحن رعاياكم ـ ولكن كل الخطر من الأحزاب المغامرة والعميلة للقوات المسلحة المبادة التى تحتمى بهذة الفلول ـ ضد قواتنا المنتصرة من الجنجويد وجهاز الأمن والمليشيات الأخرى ـ لذلك نطالب سيادتك الإرتكاز فى مبانى ما يسمى بالقوات المسلحة سابقاً فهى تليق بكم بدل اطراف العاصمة القاحلة ولعلمك أذا انتقلت قواتنا الجنجويدية المجيدة لمواقع فلول القوات المسلحة السابقة ـ ستتمكن من رقاب بنات الجامعة وهن مما ملكت ايمانكم فتمتعوا بهن وكذلك هناك الكثير من الموبايلات والاب توبات الجيدة بايديهن يمكن لجنجويدنا أخذها غنائم من هؤلائى السبايا وملك اليمين

    سيادة الرئيس حميدتى ود قلو

    لقد حدثنى كبير البصاصين بحديث لايرقى الشك إلية ـ أن فلول قوات الشعب المسلحة المبادة يتواصلون عبر الواتساب بالمدعوا ياسر عرمان ومناوى وصديقك عبدالواحد الذى رفض انضمامك إلية لعدم معرفتة بقدرات سيادتك الرئاسية أرجوا من رئاستك المفضلة قطع الواتساب والفيس بوك والتانيين من ايدى هؤلائى المخربين من فلول قوات الشعب المسلحة المبادة ـ فهم الآن يمثلون الطابور الخامس فاحذرهم يا سيادة الرئيس و لا تاخذك بهم رأفة بعد أن جردتهم من كثافة النيران ـ وجعلت زيهم العسكر يباع فى دكاكين الأحياء والرتب العسكرية عند ستات التسالى من ملازم إلى درجة مشير التى أنعمت بها على واليك فى القصر الجمهورى عمر جنجويد

    السيد الرئيس ودقلو

    أعلم كثرت مشاغلك وقبل انهاء خطابى لاتسمع أقوال الوشاة عنى فانا من المخلصين لجمهورية الموز وقائدها الجنجويدى وافضل من يصلح وزير إعلام بجانب سيادتكم حتى أوفر لك الحماية من المتربصين والخونة الذين يعبدون لك الطريق إلى لاهاى فى الرحلة السعيدة التى تجمعك بأعز الحبايب ـ ختاماً اعمل حسابك من موسى هلال لأنك تزوجت طليقتة وهو ما عافى ليك

    التوقيع وزير إعلام محتمل لجمهورية الموز الجنجويدية
    سير سير ياود دقلو ـ اسد افريقيا.
                   |Articles |News |مقالات |بيانات

11-12-2016, 05:08 PM

سيف الدين بابكر
<aسيف الدين بابكر
تاريخ التسجيل: 14-01-2016
مجموع المشاركات: 3098

للتواصل معنا

FaceBook
تويتر Twitter
YouTube


Re: العصيان من أجل السودان...رسالة إلى جمهورية (Re: سيف الدين بابكر)




    أعوذ بالله من الشيطان الرجيم باسم الله الرحمن الرحيم

    السيد رئيس الجمهورية المشير عمر حسن أحمد البشير

    زمان كان زول داير يوصل ليك كلام أو داير يقابلك سنتين ما بقابلك ولا سنة كاملة

    الناس تحت ليك والجنبك والناس المسؤولين ديل ما بخلو الزول يقابلك

    وما بتسمع إلا كلامهم هم

    الكلام الساكت حق الناس الشعب الصحي ..كلام الشعب الصحي صحي يلا تلقى أخباره

    حتى وفود الولايات لما تجيك وتلاقيك ما بقولوا ليك إلا الكلام السمح

    لكن حال الناس وجوع الناس وعطش الناس ما بقولوا ليك

    وهم ذاتهم سواء كان في البرلمان والآخرين ديل (أملأ كرشك)

    لما دخل البرلمان أو مسك وظيفة ومسك ليه (ديت) حق حكومة برضع تاني ذاتو كان قلت له زح من (الديت) تاني من بزح ليك

    ***************

    الكلام دا جايك من دار المسيرية هناك غرب كردفان

    ((الرأي قالوا اخذه من راعي الغنم وزولين كان قالوا ليك اهبش رأيك دا أهبشها))

    *****************

    فالأمور ما كل مرة بتجي عديل.. انتبهوا !!

    ((حقار الرجال مويت)) ...

    ما تحقر الناس .. ما تحقر الناس ...السيد الرئيس

    الحراك البسيط بسيط دا ما تحقرها ...

    ***

    انتم بدل الجيش البتودوهو هناك دا وكله بموت دا

    الجبال دي أصلاً ما بتداوس

    أمريكا بمنعها دا ...قندهار حقت افغانستان ضربتها بالراجمات ومصائبها الكتار

    ***

    يا عمر البشير:

    ((العاصرك ما بحس جعيرك))..

    الجوع دا هلك الناس كله كله

    والدولار دا كمان يعني بضرب في الجنيه كف في كف وبرميه وبضرب فيه كف وبرميه

    انتو الاقتصاد دا يعني غلبكم عديل كدا ما بتعرفوه ليه ...ولا دا الحظر شغولكو دا ...ولا شغلكم عدم بصيرة ...ولا ما لو الدولار فطس الجنيه السوداني دا والامور كلها إلا طايرة السماء دا؟
    والسعودية دي اسع تنطي في مصر في القراريش ونحن اقتصادنا لسع رااقد في التراب ...!!

    ولد الجبوري من دار المسيرية غرب كردفان


                   |Articles |News |مقالات |بيانات

11-12-2016, 06:16 PM

سيف الدين بابكر
<aسيف الدين بابكر
تاريخ التسجيل: 14-01-2016
مجموع المشاركات: 3098

للتواصل معنا

FaceBook
تويتر Twitter
YouTube


Re: العصيان من أجل السودان...رسالة إلى جمهورية (Re: سيف الدين بابكر)




    الليلة آآ بلد جيتك محزم وكارب ومخلاية غناي ماليها جن ..جن وعقارب

    وحاتك يا با يا بعز الفتلت شوارب ات عارفني من زمن الدراسة مشغاب


    ****

    الليلة آآ بلد ليك الرويحة هديتها وقدااام الخطر شلتها وختيتها

    سكيني البتمرق كل يوم من بيتها تحرم يا با الليلة أكان صديتها

    يا الولد البتنتح في الموادع وسوقها بقت أحلامنا عند الكاكي تهف مخنوقة

    الدُرناها من خشم الأسد بنضوقها والناباها بخيط الوجع بنسوقها


    ****

    بقت الحكومة زي القماش مهرودة تراه رئيسها انبوبة هواء ومقدودة

    أحلامنا آآ شباب الكان مخدر عودها الليلة تب زردوها ليك بالبودة

    *****

    يا ريسنا يا ريسنا كان فكرت سهلت الوظيفة قبيل ما كنا اغتربنا وضقنا عيشة الويل

    ما دام انت الشباب لا وزن لا كيل لا بقيموك لا ببقوا جمل الشيل

    ***********

    تراه شبابنا قاعد عطال عزابة لا حق عرس لا قهوة لا ركابة

    بعد ما كانت الحرية فينا مهابة اسع شارع الموت وشارع الغابة

    **********

    بكلمة حوار أوعاك لا يغشوك ... ديل أهل النفاق بمالنا سووا بنوكا

    العقول الشاذة من زمااان مدكوكة اللي الأباها القلب قالوا اللسان ما بلوكها


    ************

    إن عندك واسطة من غير جناح بتطير وإن خاتيها يا الهاجرت ما بتسير

    الوجع البكاتل في شبابنا كتير انغشينا يوم قلنا سير يا بشير

    وشبابنا الطفش بالبحر والبر كان فحول وسكينهم بتشرط كرررر

    عايشين أسر شالين هموم بالجر ... معليش يا ضراع راكب الصعاب مضطر

    *****

    يا المغترب عندي ليك وصية...أوع الرجوع بقت البلد فقرية

    الألف الزمان الكان بجيبلو وقية ...الليلة آ جني كان طار بجيبك طعمية

    *****

    ما ليّ آمنة ما ليّ آمنة التقول معها شوطن ...وضراعتنا المخدرة يا المحوجرة عضن

    اساتك الوجع الفي الضمير بنمطن العلينا صوتن مالن بقن ما بوطن

    *****

    لا قريت جامعة ولا مسكت شهادة ... إلا المخ البشغل والضراع جبادة

    الحفرة البتزلق كل مصيبة قصادة والدابي البتنال عندي قلادة

    *****

    كرعينا آ ولد من المحن انقدن إلا (أفكارنا حية) بصبرنا بيودن

    الخلا الهموم جوه الفؤاد ينشقن بلد المك نمر قادوها لينا كوزن

    ****

    أنا في الشعر صقر وما ني حدية والرقبة المزرقنة فيها طابق الكية

    وحات المرق المصايب رية لا برجع وراء لا يوم بسوي النيبة


    مسدار العصيان

    محمد سليمان ود الرفاعي

    (عدل بواسطة سيف الدين بابكر on 11-12-2016, 06:23 PM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de