منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-23-2017, 09:41 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

السودانيين اخلاقم بقت ضيقة شديد ...!!!

04-12-2017, 08:09 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


السودانيين اخلاقم بقت ضيقة شديد ...!!!
                   |Articles |News |مقالات |بيانات

04-12-2017, 08:17 PM

aosman
<aaosman
تاريخ التسجيل: 02-04-2002
مجموع المشاركات: 2975

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    ضيق المعايش بجيب ضيق الأخلاق
                   |Articles |News |مقالات |بيانات

04-12-2017, 08:21 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    زرت السودان بعد غياب عام فقط لا غير .. ومن هول ما لمست من تعامل مع عامة الناس فكأني غبت عشرون عاما وليس عام فقط .. الكل في الاسواق وعلى مستوى الشارع العادي غابت عنه السماحة وطول البال وتراه يهيج ويرغي ويزبد عند اقل نقاش عادي .. الكل اضحى مزلوع والكل فقد من قلبه الايمان والقناعة وصار الشخص يخرج من منزله صباحا فقط وكل همه العودة بما يسد الرمق وبما يفي اقل القليل من المتطلبات المنزلية اليومية .. وفي سبيلتحقيق هذه الغاية البسيطة والتي من المفترض ان تتوفر لكل مواطن بحسبانها من ابسط مقومات الحياة الكريمة , ضاعت واختفت من الناس السماحة والبساطة والطيبة التي كانت تميزنا لقرون طويلة .. غاية كل من يخرج من منزله صباحا صارت فقط كيفية الحصول على المال باي وسيلة كانت .. رشوة .. استعباط .. استكراد .. قلع عينك يا تاجر وغيرها من الوسائل التي تسربت الى قاموسنا في غفلة من هذا الزمان الاغبر بفعل الضغوطات الاقتصادية التي طحنت المواطنين طحنا ..!!لست هنا بصدد الانطباعات التي يحكيها اغلب المغتربين الذين يزورون السودان في الاجازات حين يتحدثون عن حال البلد التي لا تسر عدوا ولا صديق ولكني اريد ان احكي عن الشي الاخطر وهو تغير طباعنا وخصالنا الكريمة التي تميزنا بها ويعلم الله كم سنحتاج من سنوات طوال ليعود الحال عما كان عليه .. فقط اسالو الله ان يلطف باهلنا واهالينا ويجنبنا سوء المنقلب وتغير الحال والاحوال .. ولندعو الله ان يتغير الحال للافضل لنرى اجيالنا واطفالنا يحيون حياة طبيعية ويعودون لطباعنا واخلاقنا وقيمنا والتي من الملاحظ لكل زي علم وبصيرة انها بدأت في التلاشي والذوبان وحلت محلها خصال لا تشبهنا .. ولو كان الطيب صالح حيا بين ظهرانينا لأشار بسبابته ولا اقول ابهامه وهو يشير لأغلبية الجموع متسائلا : من اين أتى هؤلاء ..!!

    (عدل بواسطة ناذر محمد الخليفة on 04-12-2017, 09:56 PM)

                   |Articles |News |مقالات |بيانات

04-12-2017, 08:27 PM

امجد الجميعابى
<aامجد الجميعابى
تاريخ التسجيل: 01-08-2013
مجموع المشاركات: 2338

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    دي سنة واحدة يا حبيب
    ناس ايمن دياب وش يقولون
    الله يهداك
    شفت شلون
                   |Articles |News |مقالات |بيانات

04-12-2017, 08:30 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام عثمان ..
    Quote: ضيق المعايش بجيب ضيق الأخلاق
    نعم بكل تأكيد هذا الضيق في معايش الناس هو المتهم الأوحد والقاسم المشترك في كل هذا التغيير الأخلاقي الحادث الان .. ولكني اكاد اجزم ان السودانيين عبر تاريخهم مرت عليهم فترات مماثلة وربما اشد كربة وضيقا مما هم عليه الان ولكن تبقت السمات الطيبة لم تتغير بل ان المكاره والازمات كانت دوما العامل الرئيس الذي يوحد وجدان السودانيين ويزيد من تكاتفهم وترابطهم .. فلماذا تغيرت كل هذه الفضائل الأن ؟!هل ذلك لشعورهم بالملل من تطاول أمد النظام الطويل والسودانيين معروفين بطبعهم حبهم للتغيير والجديد ؟!ام ذلك بفعل الضربات والطعنات التي تلقوها طوال السنين الفائتة في مصادر رزقهم وسبل قوتهم وعيشهم ؟!أم الأثنان معا ؟؟!!

    (عدل بواسطة ناذر محمد الخليفة on 04-12-2017, 09:58 PM)

                   |Articles |News |مقالات |بيانات

04-12-2017, 08:38 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)
                   |Articles |News |مقالات |بيانات

04-12-2017, 08:40 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    هلا أمجد ...

    Quote: دي سنة واحدة يا حبيب ناس ايمن دياب وش يقولون الله يهداك شفت شلون



    تعرف يا حبيب .. ناس ايمن ديل ومن لف لفهم ديل سكان ولايات وقرى وضهاري .. حيث أن تلك الأنحاء ربما لازالت متمسكة ومتشبثة
    بالكثير من الفضائل ولم يفقدوها كلية كما فقدها اهل المدن والحضر ..


    بس البيحيرك انو سكان الالقرى ديل مجرد ما يغادرو مناطقم ويجو المدن تتغير طباعهم ويكشرون عن انيابهم فيزيدون الوضع ضغثا على ابالة !! وربما لا يزالون
    يعانون عقدة العاصمة والمدن الكبرى فتراهم وكأنهم ينتقمون من سكان المدن خاصة وان الكثيرين منهم يتحكمون بصورة او باخرى في مهن واعمال معينة ومحصورة
    وقد ذكرت ذلك قبلا في بوست سابق بعنوان مهن العاصمة ما بين المتهجمين على الشغلة واسياد الشي زاتو أو نحو ذلك ..

    على كل حال الوضع الان يهمنا جميعا اصلاحه فكلنا سنلدغ مما نراه الان من مؤشرات عاجلا أم اجلا ..!!
                   |Articles |News |مقالات |بيانات

04-12-2017, 08:43 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    في خرمجة حاصلة فوق .. العندو الريموت يشوف الحاصل شنو .. عشان غلبني أعدلا ..!!
                   |Articles |News |مقالات |بيانات

04-12-2017, 10:06 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)









                   |Articles |News |مقالات |بيانات

04-12-2017, 10:17 PM

د.محمد بابكر
<aد.محمد بابكر
تاريخ التسجيل: 07-16-2009
مجموع المشاركات: 6424

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    أولاً حمدلله على السلامة يا باشمهندس وان شاء الله لقيت الأهل طيبين ، يا سيدى ليس هنالك شعب أرهق كما أرهق الشعب السودانى فى الثلاثين سنة الاخيرة هذى لكن اطمئن يا عزيزى نحن بس يفوتوا مننا اولاد الليل ديل و نرجع تمااام و يزول أثرهم بزوالهم الذى نتمنى الا يبقى لهم اثرا.
                   |Articles |News |مقالات |بيانات

04-13-2017, 00:09 AM

Osama Mohammed
<aOsama Mohammed
تاريخ التسجيل: 04-02-2008
مجموع المشاركات: 3947

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: د.محمد بابكر)

    يا ناذر ازييك وكيفك وكيف لقيت تلاتة ؟
    والله دي ملاحظة لكم كمان لمن تترصد الناس في اكلها وشرابها وكمان تخوفهم بتعمل
    اكتر من كدة لانو الناس بكونو فاقدين الامل وما شايفين في حل لانو حيلتهم قليلة .
    الموضوع واضح بس انت يا دوب شفتو لانك بعدت من مركز الحث وجيت تشوفو ك outcast

    كيف الصديق العزيز ناصر والاخوان والاخوات والاسرة الكريمة
                   |Articles |News |مقالات |بيانات

04-13-2017, 04:03 AM

أيمن نواى على
<aأيمن نواى على
تاريخ التسجيل: 05-02-2015
مجموع المشاركات: 1923

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Osama Mohammed)

    غياب قانون العدالة .... وسيادة قانون الغابة يساوى اختلال فى موازين العدالة الاجتماعية والاقتصادية والتنموية ..... والمحصلة النهائية ثلث الشعب فى المصحة العقلية ..... والثلث ضيق فى الاخلاق فى طريقهم إلى الجنون ...... والثلث الأخير مصاب بالسادية يتلذذ بمعاناة الآخرين..... اما المغتربين الفارين من جحيم لظى عليهم الاختيار للانضمام لإحدى المجموعات الثلاثة او ان يكونوا غرباء كما كانوا .....يا جماعة شيلوا الفاتحة .... السودان كان بلد طيب حدادى مدادى الله يرحمه ...... يلا قوموا قسموا الورثة كل واحد ياخد نصيبه .... دى حال الدنيا ما دوامة ..... ما تبكوا وتجرسوا هذا من صنع أيدينا...... البكاء على الميت حرام...... ارفعوا الفراش بارك الله فى من زار وخفة .
                   |Articles |News |مقالات |بيانات

04-13-2017, 04:10 AM

الطيب عباس
<aالطيب عباس
تاريخ التسجيل: 09-22-2015
مجموع المشاركات: 1538

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلامات يا هندسه

    اكل العيش والمعايش ضاغطه عليهم شديد المهم يلموها ولا يعبه الكثير بانها حلال ولا حرام
                   |Articles |News |مقالات |بيانات

04-13-2017, 05:34 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2615

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: الطيب عباس)

    الحبيب ناذر ياخي حمدا لله الف على السلامه والبكره في الرجعة لديارك سالما وزي ما قال ما سبقني كيف لقيت الخرطوم 3 واهلها عساهم طيبين وكيف الاسرة الكريمه ...
    غايتو يا ناذر البلد انتهت خلاص وكل العادات والتقاليد والخصال السودانية السمحه انتهت واصبح السودان بلد بلا هوية ولا مميزات اجتماعية او ثقافية او اقتصادية كل شي اصبحت معالمه مطموسة لا ادري بفعل فاعل ام بعل الزمن والظروف الضغوطات المعيشية الحاصلة وانا متاكد اجازتك الجاية الوضع بيكون ازفت من الان والله المستعان ...
    على العموم عودا حميدا مستطاب يا حبيب وادينا طلة في الرياض اذا لقيت وقت ..... لانو عايزين نسالك عن اشياء كثييييييرة لا يتسع المجال لذكرها الأن ..


    تحياتي : ياسر العيلفون .....
                   |Articles |News |مقالات |بيانات

04-13-2017, 06:47 AM

مدثر صديق
<aمدثر صديق
تاريخ التسجيل: 04-30-2010
مجموع المشاركات: 2969

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ياسر السر)

    سلام

    انت عارف يا ناذر الاسباب كتيرة شديد ...........
    منها سبب ما شايفنوا ناس كتار ........

    شوف الخرطوم عدد السكان بزداد بوتيرة كبيرة شديد ........و لا ما بزداد مع الزيادة دي اي خدمات ........صحة و تعليم و شوارع و حدائق .........

    فالناس ديل كلهم بتقاسموا موارد بسيطة و شوارع قديمة و خدمات علاجية متهالكة ...........

    و اهم حاجة حدائق و منتزهات هي هي منذ زمن بعيد ...........

    مثال الكلاكلة و امبده و الحاج يوسف .........ديل اكبر مجمعات سكنية في الخرطوم ..........محتاجة متنفس لسكان تلك المناطق للتحرر من الضغوطات الحياتيية ........

    نفس البحصل عندنا ده حصل للمصريين في فترة السبعينات و الثمانيات ..........قبل ما ينتبهوا للكلام ده و يبدوا في الخروج من دلتا النيل ........


                   |Articles |News |مقالات |بيانات

04-13-2017, 06:57 AM

البرنس ود عطبرة
<aالبرنس ود عطبرة
تاريخ التسجيل: 01-09-2017
مجموع المشاركات: 1234

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    كل ابن ادم معرض للغضب والزهج فالوضوء يزيل الاحتقان والغضب ويريح البال والقلب
    كل ما تشعر بالغضب توضأ فقط سترجع كما كُنت إن شاء الله
                   |Articles |News |مقالات |بيانات

04-13-2017, 07:07 AM

محمد مجيدو
<aمحمد مجيدو
تاريخ التسجيل: 07-06-2013
مجموع المشاركات: 1851

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: البرنس ود عطبرة)

    Quote: شوف الخرطوم عدد السكان بزداد بوتيرة كبيرة شديد ........
    و لا ما بزداد مع الزيادة دي اي خدمات ........
    صحة و تعليم و شوارع و حدائق .........
    فالناس ديل كلهم بتقاسموا موارد بسيطة و شوارع قديمة و خدمات علاجية متهالكة ...........
    و اهم حاجة حدائق و منتزهات هي هي منذ زمن بعيد ...........


    حبيبنا .. ناذر .... سلام واشتيااق ..

    الأخ مدثر لخص ليك المشكلة في المقتبس أعلاه ..
    اضف الى ذلك حرارة الجو في معظم السنة ...
    التي تغير المزاج الى الأسواء ..
    نسال الله ان يهدي الجميع ..
    وتتحسن الاوضاع الى الاحسن .
    .تحياتي ,,

    عااالم بطااالـــــــــــــــــــة ,,

    (عدل بواسطة محمد مجيدو on 04-13-2017, 07:20 AM)

                   |Articles |News |مقالات |بيانات

04-13-2017, 07:13 AM

جمال عبد الناصر محمد
<aجمال عبد الناصر محمد
تاريخ التسجيل: 01-10-2013
مجموع المشاركات: 307

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: البرنس ود عطبرة)

    أقول يا باشمهندس
    بعد السلام والتحيات والف حمدالله علي سلامتك وعودتك سالما غانما
    طبعا جيت وجبت الغبرة تاني لنواحي الغربية وجزء من المنطقة الوسطي ..
    الشاهد ...
    كتير من السلوكيات تغيرت في كتير من البلدان في الزمن الأخير دا لأسباب كتيرة
    سرعة رتم الحياة وتغير الظروف الإقتصادية و.. و....
    اللافت للنظر وزي كلامك الناس همهما شرتيت اليوم بأي صورة كانت
    أحكي ليك حكاية ..
    في مرة وأنا في اجازة اتفقت مع جماعة ينقلوا لي عفش من حتة لي حتة
    صاحب العفش قال لي الدينا ب 200 جنية والعمال بي 200 جنيه
    وافقت وتمت العملية
    العمال عددهم 2 رفعوا العفش في الدينا ونزلوه عندي
    حاسبت بتاع اليدنا وحاسبت العمال
    كبير العمال مسك القروش وقال لي ما تصلحها ياخي ..
    قلت ليه يا الحبيب ما أنا اساسا متفق معاك ..
    اخد القروش بزعل شديد وهو مكشر كأنه في معركة معاي
    قلت ليه يا ابن الناس من هنا ولي قدام اوصيك
    لو جاك رزق امسكو وقول الحمد لله والشكر لله بارك الله فيما أعطي
    عشان ربنا يبارك ليك فيه
    لانك لو واصلت تمسك رزقك بالطريقة دي مليارات ما بتكفيك
    اتوكل ربنا يبارك ليك ولينا ..
    المهم ...
    الف حمدلا علي السلامة مرة أخرى
    وما قلت حتحكي عن وهماتك كمغترب مالك زغت ...
                   |Articles |News |مقالات |بيانات

04-13-2017, 10:25 AM

Munir
<aMunir
تاريخ التسجيل: 02-11-2002
مجموع المشاركات: 9957

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: جمال عبد الناصر محمد)

    سلام أخ جمال عبد الناصر محمد
    Quote: قلت ليه يا ابن الناس من هنا ولي قدام اوصيك لو جاك رزق امسكو وقول الحمد لله والشكر لله بارك الله فيما أعطي عشان ربنا يبارك ليك فيه لانك لو واصلت تمسك رزقك بالطريقة دي مليارات ما بتكفيك اتوكل ربنا يبارك ليك ولينا ..

    دى أجمل وصية ..
    القناعة كنز لا يفنى ..

    وتحية للأخ ناذز والمتداخلين .. وياناذز حركتك دى ذاتها من وهمات المغتربين الفتحت ليها بوست .. ده حالتك سنة واحدة غربة فى السعودية القريبة دى .. أمّال الناس القرعتهم راحت فى الغربة يقولوا يا منو ؟؟..
                   |Articles |News |مقالات |بيانات

04-13-2017, 10:30 AM

صبري طه
<aصبري طه
تاريخ التسجيل: 08-10-2009
مجموع المشاركات: 9411

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Munir)

    يا منير ما أظن إتغيرت حاجة عن قبل سنة واحدة !!

    لكن أخونا ناذر احتمال بس يكون عشان غاب عن الحاجات دي سنة .. زي لما تغيب عن الشمس يوم وتجي تاني يوم لو طلعت فيها ولو الدنيا برد حتقول سخانة شديدة خلاص :)

                   |Articles |News |مقالات |بيانات

04-13-2017, 10:56 AM

Munir
<aMunir
تاريخ التسجيل: 02-11-2002
مجموع المشاركات: 9957

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: صبري طه)

    ياصبرى صاحبك ناذر نفسه قصير.. قاليك سنة واحدة ولسه سخانته بتاعة السودان مابردت قام إكتشف ليك وهمات المغتربين كلها :) .. أها رجعة سريعة للسخانة وقع فى نفس الوهمات ..
    أمال ناس ودالمدير الضاربهم الزمهرير ديلاك يسووا شنو؟

    والعجب أنا ..
                   |Articles |News |مقالات |بيانات

04-13-2017, 12:31 PM

حسن محمد عمر
<aحسن محمد عمر
تاريخ التسجيل: 04-01-2016
مجموع المشاركات: 95

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Munir)

    أخلاق الناس تغيرت وبقى الهم هم (الكنجالات) وبأى طريقة لأنو وبكل أسف الحكومة مشاركة المواطن فى قوت يومه ودونك أصحاب المهن المتواضعة فمثلاً ستات الشاى هذه الشريحة من النساء الضعيفات تفرض عليهن الرسوم وإيجارات الكراسى من المحليات زى دى تبيع كم فى اليوم لكى تطعم أسرتها أم تطعم عتاولة المحليات فبالله كيف ماتتغير أخلاق الناس فى بلد دا حالها من سنين ياخى فى حاجة ماقادر أستوعبها لحد اللحظة وهى أننا شعب (دفيع ) أى حاجة فيها رسوم نرضاها ولا نسأل ولا نناقش أها دى نسميها شنو؟ ياباشمهندس (لا يغير الله مابقوم حتى يغيروا مابأنفسهم ) وعموماً حمداً لله على سلامتكم ولاحظ نزولك للسودان بعد سنة واحدة فقط تغير شنو ولا شنو كن بخير يازول
                   |Articles |News |مقالات |بيانات

04-13-2017, 01:48 PM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 187

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: حسن محمد عمر)

    المغترب ده عامل زي العربية المقرشة . .
    برجع البلد وقايل الدنيا واقفه في اخر نقطه . .
    عشان كده بتلقى المغتربين دايما نكاتم قديمه . .
    لكن كمان بتلقاهم محتفظين بي عادات قديمة حلوة . .
    والتغيير ده حصل من زمان بس ناذر ما لاحظ الا بعد شاف الصورة من بعيد . .
    ياخي السودانيين من شدة العصره بطلو القطيعه . .
                   |Articles |News |مقالات |بيانات

04-13-2017, 02:55 PM

Munir
<aMunir
تاريخ التسجيل: 02-11-2002
مجموع المشاركات: 9957

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: عمر سعيد علي)


    أتفق مع الأخ مدثر صديق فى أن السبب الرئيسى هو إزدياد الزحمة مع نفس الخدمات المحدودة القديمة .. إدارة المدن وتخطيطها ورفدها بالخدمات لبلوغ حد أدنى من رضا المواطن ليس أمراً هيناً .. الناس زمان قانعة بأقل القليل لا تلفزيونات لا ثلاجات لاتلفونات ولا مواصلات ولا ولا وكان مستوى الرضا والقناعة مرتفعينئ والناس سعداء رغم شظف العيش والكِسرة والويكة وو..
    فجأة إنفجرت العاصمة وبلغ الناس هلع الدنيا وحب الإستحواذ وإمتلاك المتاع فإستعر التنافس على الدنيا.. وصدق الرسول الكريم فى قوله (والله ما الفقر أخشى عليكم، ولكنِّي أخشى أَنْ تُبْسَط عليكم الدُّنيا كما بُسِطَتْ على من كان قبلكم، فتَنَافَسُوها كما تَنَافَسُوها، وتهلككم كما أهلكتهم) ..
    حيجى واحد يقول لى وينها الدنيا الإنبسطت ، وأقول قارن مستوى عيش أجدادنا وشباب اليوم ..
    إذن، فإن إزدحام المدن يجعل المنافسة شرسة .. وكما أشار الأخ مدثر، لاحظ المستوى العام لأخلاق المصريين بالسودانيين .. تجد أن تكدس أغلب سكان مصر فى الدلتا جعلت الشعب المصرى فى حضيض سوء الخلق ..
                   |Articles |News |مقالات |بيانات

04-13-2017, 07:27 PM

Osama Mohammed
<aOsama Mohammed
تاريخ التسجيل: 04-02-2008
مجموع المشاركات: 3947

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Munir)

    الاخ منير كتب
    Quote: حيجى واحد يقول لى وينها الدنيا الإنبسطت


    شكلك زمان كنت بتلعب استوبر ( اصطوبر ) خطير !
    تحية من ع البعد
                   |Articles |News |مقالات |بيانات

04-15-2017, 10:53 AM

Nasser Amin

تاريخ التسجيل: 02-07-2017
مجموع المشاركات: 472

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Osama Mohammed)

    سلامات اخ ناذر
    Quote: ياخي السودانيين من شدة العصره بطلو القطيعه
    هههههههههههه تعليق مبالغة يا عمر سعيد علي

    (عدل بواسطة Nasser Amin on 04-15-2017, 10:54 AM)

                   |Articles |News |مقالات |بيانات

04-18-2017, 04:45 PM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 187

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Nasser Amin)

    (سلامات اخ ناذر
    Quote: ياخي السودانيين من شدة العصره بطلو القطيعه

    هههههههههههه تعليق مبالغة يا عمر سعيد علي)


    Nasser Amin تحيه ومحبه . .
    اسعدك الله ايامك يا صديقي . .

                   |Articles |News |مقالات |بيانات

04-15-2017, 10:53 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام علوب علي ...
    Quote: السلام عليكم ورحمة الله وبركاته
    هذا شيْ طبيعي لسوء التعليم . مخرجات هذا التعليم بدات بالظهور والقادم أسوأ وهو قادم بسرعة كان لدينا أمل إختلاط الأجيال ولكن هجرة العقول والخبرات من الاجيال القديمة ستعجل من إنهيار قيمنا تلك . نسال الله اللطف ببلدنا


    سوء التعليم دا كمان مخوضوع براو حا افرد ليو بوست منفصل .. وبالرغم من ان معظم من يعملون اليوم في السودان من اجل توفير لقمة العيش الكريم لاسرهم
    هم من خريجي الجامعات الرئيسية او السطحية التي ظهرت في عهد الانقاذ الا ان السمة الغالبة فيهم هي ضعف الثقافة واسلوب المخاطبة وجهلهم حتى بابسط اساسيات التعامل وصار
    لا تفرق بينهم وبين الأمي الجاهل في شي وكان الجامعات عبارة عن حشو مواد اكاديمية ليس الا وليست مدرسة شاملة تؤهل لمجابهة عقبات الحياة العملية ..
                   |Articles |News |مقالات |بيانات

04-15-2017, 10:55 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام تاج ابراهيم ..

    Quote: يا حليل دارنا بقت عذاب القمر والنجم غاب رحم الله الشاعر والنعام آدم
    مابندور نبقوا زي العربي القال بعد ان ضاقت به الدنبا بما رحبت حيث قل ايراده عبر وسيلته الوحيدة في نقل التراب فتأوه في حسرة:
    كان الله فرجا فرجا( فرجها) وكان ما فرجا ابنيع حماري دي اب نفرجا----- لغة حمر غرب كردفان


    ببراعة اوصفت الحال المائل .. شكرا لك ..
                   |Articles |News |مقالات |بيانات

04-15-2017, 10:57 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام فضل الله ..

    Quote: مافى شى اتغير ولكن المغتربين مواليد الخمسينات والستيبات والسبعينات والثمانينات وانا منهم ومغترب من متصف الثمانينات
    عشنا حياة محبه ورخاء عشان كدة لمن نرجع فى الاجازات بنشوف الناس اتغيرك ودا زمن ناس التسعينات والالفينات لوكو الصبر بسسسسسسسسسسسسسسسسسسسسسسس


    صدق اختلف معك .. فانا من مغنربي ما بعد العقد الاول من الالفية وكم اسلفت لم يمضي على اغترابي عام واحد ولكني لمست تغييرا مخيفا ومفزعا وانا الذي كنت
    وسط هذا الحراك قبل عام واحد لا غير !!
    فليلزمنا الله جميعا الصبر وربنا يكضب الشينة .
                   |Articles |News |مقالات |بيانات

04-15-2017, 11:02 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام دكتور محمد بابكر ..

    Quote: أولاً حمدلله على السلامة يا باشمهندس وان شاء الله لقيت الأهل طيبين ، يا سيدى ليس هنالك شعب أرهق كما أرهق الشعب السودانى
    فى الثلاثين سنة الاخيرة هذى لكن اطمئن يا عزيزى نحن بس يفوتوا مننا اولاد الليل ديل و نرجع تمااام و يزول أثرهم بزوالهم الذى نتمنى الا يبقى لهم اثرا.


    الله يسلمك .. نعم الشعب ارهق ومرهق في كل شي . ولكن الاخطر الان هو ارهاقه في اخلاقه !! صارت اضيق من خرم ابرة .. نعم الضغوطات والمعايش تفعل فعلها فيهم وفينا
    والشعب يريد التغيير .. اي تغيير واي اكشن عسى ولعل ان تعدل شيئا من الحال والاحوال .. ولكن رغم كل ذلك الناس بعضهم متفائل بان الامور تسير الى احسن وبعت الضيق فرجا قريب ..
    كل الاشكالية انهم متفائلون منذ ما يقارب السبعة وعشرون عاما وعلى استعداد لمد سنوات التفاؤل هذه مثلها مستقبلا !!!

    بدأت اصدق بالفعل اننا شعب كسول مستكين الحس .. متبلد الارادة ..
                   |Articles |News |مقالات |بيانات

04-15-2017, 11:19 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    هلا اسامة ...

    Quote: يا ناذر ازييك وكيفك وكيف لقيت تلاتة ؟
    والله دي ملاحظة لكم كمان لمن تترصد الناس في اكلها وشرابها وكمان تخوفهم بتعمل
    اكتر من كدة لانو الناس بكونو فاقدين الامل وما شايفين في حل لانو حيلتهم قليلة .
    الموضوع واضح بس انت يا دوب شفتو لانك بعدت من مركز الحث وجيت تشوفو ك outcast

    كيف الصديق العزيز ناصر والاخوان والاخوات والاسرة الكريمة


    تلاتة كويسة لكن الشباب الفيها يا اما طفشو من البلد يا عجزو وكبرو ..

    دايما الزول لمن يطلع من وسط معمعة ويعاين ليها من برة بتتضح ليو اشياء كتيرة ..
    بس ضيق الاخلاق دا شي ملاحظ .. امكن الواحد هنا تعود واعتاد على البال الطويل ودي هناك بقت مافي !!
                   |Articles |News |مقالات |بيانات

04-15-2017, 11:26 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام ايمن نواي ..

    Quote: غياب قانون العدالة .... وسيادة قانون الغابة يساوى اختلال فى موازين العدالة الاجتماعية والاقتصادية والتنموية .....
    والمحصلة النهائية ثلث الشعب فى المصحة العقلية ..... والثلث ضيق فى الاخلاق فى طريقهم إلى الجنون ...... والثلث الأخير مصاب بالسادية يتلذذ بمعاناة الآخرين
    ..... اما المغتربين الفارين من جحيم لظى عليهم الاختيار للانضمام لإحدى المجموعات الثلاثة او ان يكونوا غرباء كما كانوا .....يا جماعة شيلوا الفاتحة ....
    السودان كان بلد طيب حدادى مدادى الله يرحمه ...... يلا قوموا قسموا الورثة كل واحد ياخد نصيبه .... دى حال الدنيا ما دوامة ..... ما تبكوا وتجرسوا هذا من صنع أيدينا
    ...... البكاء على الميت حرام...... ارفعوا الفراش بارك الله فى من زار وخفة


    مع انو كلامك قاسي ومؤلم لكن للاسف فيهو الكتير من الصحة والواقعية ..
    ياخي زمان الواحد لمن يكون داخل السوق بيشتري في طماطم والبائع يقول ليك الكيلو بي 20 تقول ليهو ليه بي 20 ؟ البائع يبتسم ليك ويقول ليك والله انت ما عارف حاجة الطماطم دا
    بنحصدو من شندي وندفع رسوم عتالة ورسوم جاز والسواق بيشيل كذا ولحدي ما يصلك هنا بيمر بي نقاط تحصيل بندفع فيها كذا وكذا .. وفي السوق نجيب حمالين ينزلوهو بي مذا وتجي
    المحلية تاخد كذا وايجار الدكان بي كذا وكهربتو بي كذا ..

    يديك قصة طويلة وعريضة وانت تسمع فيهو بي متعة وانتباه لامن تحن عليهو وتديهو اكتر من المبلغ القالو ..

    لكن تاني يوم من جيتي مشيت اشتري اغراض من السوق .. جيت لي محل فاكهة سالت من كيلو الموز .. بتاع الفاكهة بيعاين لي بي ريبة كدة وقال لي الكيلو بي 10 جنيه ..!! قلت ليهو ليه بي 10 ؟
    وانا منتظر يحكي لي قصة الموز مما زرعوهو لحدي جابوهو عندو .. زولك يقرب علي ويضم يدو اليمين زي العاوز يدينية بنية وقال لي : سعرو كدة عجبك شيلو ما عجبك اتخارج لينا من هنا !!

    تصور اتخارجت طوالي ..!!
                   |Articles |News |مقالات |بيانات

04-15-2017, 11:48 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام البرنس ...

    Quote: كل ابن ادم معرض للغضب والزهج فالوضوء يزيل الاحتقان والغضب ويريح البال والقلب
    كل ما تشعر بالغضب توضأ فقط سترجع كما كُنت إن شاء الله


    الموية اليتوضو بيها زاتا قاطعة !!
                   |Articles |News |مقالات |بيانات

04-15-2017, 01:11 PM

السر عبدالله
<aالسر عبدالله
تاريخ التسجيل: 11-09-2006
مجموع المشاركات: 967

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    والله يا ناذر ومهما السودانيين بقت اخلاقهم ضيقة لكن هم على الرغم
    من ذلك اطيب شعب في الدنيا واذا اي شعب تاني مر بالظروف المر بيها
    شعب السودان كانو عملوا الهوايل..لكن شعب السودان هو الشعب الصابر
    على المكاره ولا يستحق كل هذه الابتلاءات التي يمر بها...
    هناك الف والف سبب لضيق الاخلاق ..ولكن السودانيين هم ذوي المروءة
    والكرم والنخوة السودانية الاصيلة...
    ودائما بعد الكرب فرج.
                   |Articles |News |مقالات |بيانات

04-15-2017, 10:36 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام الطيب مدثر ..

    Quote: سلامات يا هندسه

    اكل العيش والمعايش ضاغطه عليهم شديد المهم يلموها ولا يعبه الكثير بانها حلال ولا حرام


    هذا ما لمسته .. الناس تطلع الصباح همها بس تجيب قروش بأي وسيلة كانت .. اخلاقية او غيرها ..
                   |Articles |News |مقالات |بيانات

04-15-2017, 10:40 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام الفنان ياسر ..

    Quote: غايتو يا ناذر البلد انتهت خلاص وكل العادات والتقاليد والخصال السودانية السمحه انتهت واصبح السودان بلد بلا هوية ولا مميزات اجتماعية او ثقافية او اقتصادية كل شي ا
    صبحت معالمه مطموسة لا ادري بفعل فاعل ام بعل الزمن والظروف الضغوطات المعيشية الحاصلة وانا متاكد اجازتك الجاية الوضع بيكون ازفت من الان والله المستعان ...
    على العموم عودا حميدا مستطاب يا حبيب وادينا طلة في الرياض اذا لقيت وقت ..... لانو عايزين نسالك عن اشياء كثييييييرة لا يتسع المجال لذكرها الأن ..


    والله هذا ما يحزن في الأمر .. التركيبة السكانية اتغيرت وحتى السحنات اختلفة وكانت قبلا بها شي من السمات الموحدة ..
    السوريين ذوو البشرة البيضاء تكاد تجزم انهم في الشوارع والاحياء الشعبية اكثر من الاثيوبين والارتريين .. ماذا يعملون ؟ كيف يعيشون .. الله وحده يعلم ..



    الله يسلمك وان شاء الله اصلكم الرياض برواقة عما قريب ..
                   |Articles |News |مقالات |بيانات

04-15-2017, 10:42 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام مدثر ..

    Quote: شوف الخرطوم عدد السكان بزداد بوتيرة كبيرة شديد ........و لا ما بزداد مع الزيادة دي اي خدمات ........صحة و تعليم و شوارع و حدائق .........

    فالناس ديل كلهم بتقاسموا موارد بسيطة و شوارع قديمة و خدمات علاجية متهالكة ...........

    و اهم حاجة حدائق و منتزهات هي هي منذ زمن بعيد ...........

    مثال الكلاكلة و امبده و الحاج يوسف .........ديل اكبر مجمعات سكنية في الخرطوم ..........محتاجة متنفس لسكان تلك المناطق للتحرر من الضغوطات الحياتيية ........

    نفس البحصل عندنا ده حصل للمصريين في فترة السبعينات و الثمانيات ..........قبل ما ينتبهوا للكلام ده و يبدوا في الخروج من دلتا النيل ........



    نعم ربما الضيق الشديد والازدحام ونقص أماكن الترفيه والمتنزهات والمتنفسات له اثر .. رغم انه والحق يقال هنالك الكثير من المتنزهات الجديدة
    اقيمت في اطراف الخرطوم وبعض الاماكن البعيدة ولكنها لا تزال غير كافية ولا تلبي متطلبات الزحف المتعاظم نحو العاصمة ..
                   |Articles |News |مقالات |بيانات

04-15-2017, 10:44 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام مجيدو ..

    Quote: الأخ مدثر لخص ليك المشكلة في المقتبس أعلاه ..
    اضف الى ذلك حرارة الجو في معظم السنة ...
    التي تغير المزاج الى الأسواء ..
    نسال الله ان يهدي الجميع ..
    وتتحسن الاوضاع الى الاحسن .
    .تحياتي ,,

    عااالم بطااالـــــــــــــــــــة ,,


    وكمان على العلينا في هذا الحر الغايظ تمت برمجة للكهرباء وستتم عملية قطع من السابعة صباحا حتى الخامسة عصرا ..

    ربنا يلطف بالجميع ..
                   |Articles |News |مقالات |بيانات

04-15-2017, 10:49 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    كيفك يا جمال ..

    Quote: أقول يا باشمهندس
    بعد السلام والتحيات والف حمدالله علي سلامتك وعودتك سالما غانما
    طبعا جيت وجبت الغبرة تاني لنواحي الغربية وجزء من المنطقة الوسطي ..
    الشاهد ...



    ههههههه مما جيت وحتى الان الغبرة والكتاحة ما وقفت عندنا هنا ..

    اسوا استقبال الواحد يلقاو قدامو ..

    Quote: في مرة وأنا في اجازة اتفقت مع جماعة ينقلوا لي عفش من حتة لي حتة
    صاحب العفش قال لي الدينا ب 200 جنية والعمال بي 200 جنيه
    وافقت وتمت العملية
    العمال عددهم 2 رفعوا العفش في الدينا ونزلوه عندي
    حاسبت بتاع اليدنا وحاسبت العمال
    كبير العمال مسك القروش وقال لي ما تصلحها ياخي ..
    قلت ليه يا الحبيب ما أنا اساسا متفق معاك ..
    اخد القروش بزعل شديد وهو مكشر كأنه في معركة معاي
    قلت ليه يا ابن الناس من هنا ولي قدام اوصيك
    لو جاك رزق امسكو وقول الحمد لله والشكر لله بارك الله فيما أعطي
    عشان ربنا يبارك ليك فيه
    لانك لو واصلت تمسك رزقك بالطريقة دي مليارات ما بتكفيك
    اتوكل ربنا يبارك ليك ولينا ..
    المهم ...
    الف حمدلا علي السلامة مرة أخرى
    وما قلت حتحكي عن وهماتك كمغترب مالك زغت ...


    ههههههه تغرف حكاية الزول يقاولك علي مبلغ معين في السودان ويتفق معاك الغرض من الاتفاق فقط انو يثبت البيعة او المقاولة لكن لمن يمشي معاك
    وتجي للجد لازم يشوف ليك 100 عذر عشات تزيد ليو القروش

    طبعا استحضر هنا قصة الرباطابي القاةل ليو ناس يبنو ليهو حيطة وبعد ما انتهو قالو عاوزين قروش زيادة .. الرباطابي قال ليهم ليه عاوزين زيادة ؟
    قالو ليهو حيطتك دي تعبتنا شديد خلاص !! قال ليهم مالا ؟ بتزوغ منكم ؟!!!
                   |Articles |News |مقالات |بيانات

04-15-2017, 10:51 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام منير ..

    Quote: وتحية للأخ ناذز والمتداخلين .. وياناذز حركتك دى ذاتها من وهمات المغتربين الفتحت ليها بوست .. ده حالتك سنة
    واحدة غربة فى السعودية القريبة دى .. أمّال الناس القرعتهم راحت فى الغربة يقولوا يا منو ؟؟..


    هههههههه ياخ البوست داك زغت منو .. صدق في ناس هنا زاااتم اخلاقا بقت في نخرتا وما بتستحمل .. الواحد يقوم يهبش حاجة كدا ولا كدا
    يبقو ليك في العزيزة .. بعد الواحد يخلص غربتو ويرجع بالسلامة امكن اواصل من هناك هههههه
                   |Articles |News |مقالات |بيانات

04-16-2017, 02:06 PM

حماد الطاهر عبدالله
<aحماد الطاهر عبدالله
تاريخ التسجيل: 06-29-2006
مجموع المشاركات: 2159

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    Quote: زرت السودان بعد غياب عام فقط لا غير

    الأخ ناذر
    تحياتي
    التغيير سنة من سنن الحياة، والمجتمعات لها خصائص ونفس زي البشر بالضبط
    فالمجتمع السعودي ترك فيك أثرا بسبب عيشك فيه لمدة عام، ثم ما لبثت ان عدت
    للسودان فلمست التغير الهائل مما يتطلب منك ( التهيئة) - Adabtation لفترة
    قد تطول أو تقصر وبالتالي فإن إجازة شهر واحد غير كافية لهذه النقلة المعرفية
    فلا تبتئس يا صديقي فطول سنوات غربتك وترحالك بين هنا وهناك ستكون مثل
    ( لا مؤاخذة) ديك السوق، تمشي ( مدلدل) وترجع ( مدلدل) وبالتالي لن تجد تفسير
    لأمور كثير هنا وهناك.... فالله يعيننا ويعينك على ما نحن فيه........
                   |Articles |News |مقالات |بيانات

04-16-2017, 02:18 PM

علي محمد الفكي
<aعلي محمد الفكي
تاريخ التسجيل: 01-08-2013
مجموع المشاركات: 3083

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: حماد الطاهر عبدالله)

    ناذر
    سلام
    ما اعتقد خلال سنة واحده اختلفتت اخلاق السودانيين
    ولكن الاختلفت تجربتك من خلال تعامل مع بيئه مختلفه
    وناس اسلبوبهم مختلف في التعامل
    عشان كده ظهرت قدامك ضيق اخلاق السودانيين
    ودي صفه قديمة لكن ما بنحسها الا لما نغترب
                   |Articles |News |مقالات |بيانات

04-17-2017, 08:31 AM

طارق عبد اللطيف نقد
<aطارق عبد اللطيف نقد
تاريخ التسجيل: 11-13-2005
مجموع المشاركات: 2300

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    من الضيق العليهم يا صاحبي .
                   |Articles |News |مقالات |بيانات

04-17-2017, 09:39 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 13550

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: طارق عبد اللطيف نقد)



    شكرا ناذر يا عزيز على اثارة الملاحظة

    لو سقت العربية في الخرطوم كمان تلاحظ انه أقل لفة يمين ولا شمال ممكن تدخل في مشاجرة

    السواقة الذوق انتهت والشباب السايقين عربات وغيرها في ضيق شديد ومصارعة وخطف الطريق والسماح بالمرور كلها أصبحت في خبر كان

    نسبة حمل السلاح الأبيض والناري كذلك في ازدياد وكثيرا ما ينصحني الأصدقاء بضرورة اصطحاب المسدس ... أصلا العكاز في الضهرية

    الخرطوم لم تعد الخرطوم وللأسف مع كل الزيادات السكانية يا ليت لو الخرطوم بقيت كما كانت بالعكس هي تتناقص وكل يوم والتاني تسمح بمصادرة ميدان

    والبناء عليه بنايات خاصة ومساجد الجماعات إياها (عليكم بالوضوء)

    أحمد الشايقي
                   |Articles |News |مقالات |بيانات

04-18-2017, 09:38 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام صبري ..

    Quote: لكن أخونا ناذر احتمال بس يكون عشان غاب عن الحاجات دي سنة .. زي لما تغيب عن الشمس يوم وتجي تاني يوم لو طلعت فيها ولو الدنيا برد حتقول سخانة شديدة خلاص :)



    ابدا . في تغير ملحوظ .. وثبل غربتي الاخيرة كنت في غربة دراسة اخرى زكنت ارجع للسودان كل سنة ولم الحظ تغيرات خلال الاجازات رغم ان الاجازات كانت اطول
    وتصل الى شهرين وأحيانا ثلاثة ..
                   |Articles |News |مقالات |بيانات

04-18-2017, 09:43 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام حسن ..

    Quote: أخلاق الناس تغيرت وبقى الهم هم (الكنجالات) وبأى طريقة لأنو وبكل أسف الحكومة مشاركة المواطن فى قوت يومه ودونك أصحاب
    المهن المتواضعة فمثلاً ستات الشاى هذه الشريحة من النساء الضعيفات تفرض عليهن الرسوم وإيجارات الكراسى من المحليات زى دى تبيع كم فى
    اليوم لكى تطعم أسرتها أم تطعم عتاولة المحليات فبالله كيف ماتتغير أخلاق الناس فى بلد دا حالها من سنين ياخى فى حاجة ماقادر أستوعبها لحد اللحظة
    وهى أننا شعب (دفيع ) أى حاجة فيها رسوم نرضاها ولا نسأل ولا نناقش أها دى نسميها شنو؟ ياباشمهندس (لا يغير الله مابقوم حتى يغيروا مابأنفسهم )
    وعموماً حمداً لله على سلامتكم ولاحظ نزولك للسودان بعد سنة واحدة فقط تغير شنو ولا شنو كن بخير يازول


    الله يسلمك يا حبيب ...
    ملاحظة في محلها تماما .. الجميع يشكو من وطأة الرسوم المفروضة على مهن سبل كسب العيش والجميع يتذمر ويشكي من مقاسمة الحكومة له في رزقه وبالمقابل لا تقدم اي خدمات تذكر ..
    ياخذون رسوما للنفايات وجبال النفايات تتراكم وتتعاظم .. يأخذون رسوما لمياه الشرب والمواسير ضربها الشخير ورسوما لدعم الطلاب والطلاب احيانا لا بجدون ما يسد الرمق ويدرسون في بيئة
    سيئة للغاية لا تساعد على التحصيل ..

    لعمري ما ذكرته اعلاه من اكثر مسببات الضيق ..!!
                   |Articles |News |مقالات |بيانات

04-18-2017, 09:46 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    عمر سعيد ..

    Quote: المغترب ده عامل زي العربية المقرشة . .
    برجع البلد وقايل الدنيا واقفه في اخر نقطه . .
    عشان كده بتلقى المغتربين دايما نكاتم قديمه . .
    لكن كمان بتلقاهم محتفظين بي عادات قديمة حلوة . .
    والتغيير ده حصل من زمان بس ناذر ما لاحظ الا بعد شاف الصورة من بعيد . .
    ياخي السودانيين من شدة العصره بطلو القطيعه


    مع التقنيات الحديثة ووسائل التواصل لم يعد المغترب بعيدا واحيانا تصله الأحداث قبل ان تصل للكثيرين في الداخل لدرجة انه لم يعد للغربة معنى
    بعد توافر سبل التواصل اللهم فقط تبقت المعايشة الحسية فقط ..

    امكن كما تفضلت انا ما شفت الصورة الا بعد خروجي من معمعتها ولكن كما قلت في مداخلتي السابقة ان التغيير هذه المرة ملحوظ جدا بما لا يبشر معه بخير ..
                   |Articles |News |مقالات |بيانات

04-18-2017, 09:49 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    مشكور للمداخلة القيمة اخ منير ..

    Quote: أتفق مع الأخ مدثر صديق فى أن السبب الرئيسى هو إزدياد الزحمة مع نفس الخدمات المحدودة القديمة .. إدارة المدن وتخطيطها ورفدها بالخدمات لبلوغ حد أدنى من رضا المواطن ليس أمراً
    هيناً .. الناس زمان قانعة بأقل القليل لا تلفزيونات لا ثلاجات لاتلفونات ولا مواصلات ولا ولا وكان مستوى الرضا والقناعة مرتفعينئ والناس سعداء رغم شظف العيش والكِسرة والويكة وو..
    فجأة إنفجرت العاصمة وبلغ الناس هلع الدنيا وحب الإستحواذ وإمتلاك المتاع فإستعر التنافس على الدنيا.. وصدق الرسول الكريم فى قوله (والله ما الفقر أخشى عليكم، ولكنِّي أخشى أَنْ تُبْسَط عليكم الدُّنيا كما
    بُسِطَتْ على من كان قبلكم، فتَنَافَسُوها كما تَنَافَسُوها، وتهلككم كما أهلكتهم) ..
    حيجى واحد يقول لى وينها الدنيا الإنبسطت ، وأقول قارن مستوى عيش أجدادنا وشباب اليوم ..
    إذن، فإن إزدحام المدن يجعل المنافسة شرسة .. وكما أشار الأخ مدثر، لاحظ المستوى العام لأخلاق المصريين بالسودانيين .. تجد أن تكدس أغلب سكان مصر
    فى الدلتا جعلت الشعب المصرى فى حضيض سوء الخلق ..


    وقديما قالو الزحمة تسبب الضيق . أو الضيق سبب الضيق ..
                   |Articles |News |مقالات |بيانات

04-18-2017, 09:51 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام السر ...

    Quote: والله يا ناذر ومهما السودانيين بقت اخلاقهم ضيقة لكن هم على الرغم
    من ذلك اطيب شعب في الدنيا واذا اي شعب تاني مر بالظروف المر بيها
    شعب السودان كانو عملوا الهوايل..لكن شعب السودان هو الشعب الصابر
    على المكاره ولا يستحق كل هذه الابتلاءات التي يمر بها...
    هناك الف والف سبب لضيق الاخلاق ..ولكن السودانيين هم ذوي المروءة
    والكرم والنخوة السودانية الاصيلة...
    ودائما بعد الكرب فرج


    اتفق معك .. ولكن مع هذا الهلع الحاصل الأن .. هل سنستمر بذات خصالنا وطباعنا القديمة المتأصلة ام سيتغير الحال ؟!

    ربنا يكضب الشينة ..!!!
                   |Articles |News |مقالات |بيانات

04-18-2017, 09:55 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام حماد ..

    Quote: الأخ ناذر
    تحياتي
    التغيير سنة من سنن الحياة، والمجتمعات لها خصائص ونفس زي البشر بالضبط
    فالمجتمع السعودي ترك فيك أثرا بسبب عيشك فيه لمدة عام، ثم ما لبثت ان عدت
    للسودان فلمست التغير الهائل مما يتطلب منك ( التهيئة) - Adabtation لفترة
    قد تطول أو تقصر وبالتالي فإن إجازة شهر واحد غير كافية لهذه النقلة المعرفية
    فلا تبتئس يا صديقي فطول سنوات غربتك وترحالك بين هنا وهناك ستكون مثل
    ( لا مؤاخذة) ديك السوق، تمشي ( مدلدل) وترجع ( مدلدل) وبالتالي لن تجد تفسير
    لأمور كثير هنا وهناك.... فالله يعيننا ويعينك على ما نحن فيه........


    ربما افضل شي وصفة اعتدت عليها وتطبعت عليها هنا هي طولة البال .. وتلك الصفة كنت افتقدها قديما .. ولكن هنا اعتدت على ان امدد حبال الصبر ..
    فالكثيري من اصحاب الاعمال هنا بالهم طويل جدا في اشياء لا تحتمل طولة البال ويمكن حسمها بسهولة ولك لا احد عجول هنا وكل الامور تسير بهذه الكيفية
    وذلك مما اعتدت عليه لدرجة البرود ..

    لا ادري ان كانت تلك صفة سيئة ام جيدة ولكني علي كل اعتدت عليها وصارت ديدني في التعامل هنا ..
                   |Articles |News |مقالات |بيانات

04-18-2017, 09:58 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام الفكي

    Quote: ناذر
    سلام
    ما اعتقد خلال سنة واحده اختلفتت اخلاق السودانيين
    ولكن الاختلفت تجربتك من خلال تعامل مع بيئه مختلفه
    وناس اسلبوبهم مختلف في التعامل
    عشان كده ظهرت قدامك ضيق اخلاق السودانيين
    ودي صفه قديمة لكن ما بنحسها الا لما نغترب



    نعم قد تختلف التجربة باختلاف الاشخاص الذين تعاملت معهم حين رجوعي ولكن تظل هذه ملاحظاتي التي لمستها وثد يرى غيري خلاف ذلك ..
                   |Articles |News |مقالات |بيانات

04-18-2017, 10:00 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام طارق نقد ...

    Quote: من الضيق العليهم يا صاحبي .


    بالتأكيد ..

    نسال الله ان يلطف بنا جميعا ...
                   |Articles |News |مقالات |بيانات

04-18-2017, 10:04 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    سلام الشايقي ..

    Quote: شكرا ناذر يا عزيز على اثارة الملاحظة

    لو سقت العربية في الخرطوم كمان تلاحظ انه أقل لفة يمين ولا شمال ممكن تدخل في مشاجرة

    السواقة الذوق انتهت والشباب السايقين عربات وغيرها في ضيق شديد ومصارعة وخطف الطريق والسماح بالمرور كلها أصبحت في خبر كان

    نسبة حمل السلاح الأبيض والناري كذلك في ازدياد وكثيرا ما ينصحني الأصدقاء بضرورة اصطحاب المسدس ... أصلا العكاز في الضهرية

    الخرطوم لم تعد الخرطوم وللأسف مع كل الزيادات السكانية يا ليت لو الخرطوم بقيت كما كانت بالعكس هي تتناقص وكل يوم والتاني تسمح بمصادرة ميدان

    والبناء عليه بنايات خاصة ومساجد الجماعات إياها (عليكم بالوضوء)

    أحمد الشايقي


    ضيق السواقة دا كمان موضوع تاني .. صدق من ساعة وصولي وحتى مغادرتي ابدا ما اعتدت على السواقة في الخرطوم .. فعلا فوضى شديدة في الشارع واشارات المرور والتقاطعات
    لا تحترم قوانينها ولوائحها واعرافها .. اي زول تتكلم معاو حجتو الوحيدة (الشارع حقي) !! والله ما ادري عندك شارع مسجل بأسمك في الخرطوم ...!!

    امكن الحل في المشروع القديم المتجدد وهو نقل العاصمة لمدينة اخرى علها تنفع ..!!
                   |Articles |News |مقالات |بيانات

04-18-2017, 02:57 PM

Munir
<aMunir
تاريخ التسجيل: 02-11-2002
مجموع المشاركات: 9957

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    Quote: شكلك زمان كنت بتلعب استوبر ( اصطوبر ) خطير !

    هههه يا Osama Mohammed أنا عارف فى ناس زيك حيكونوا قانصين بالسؤال ده.. عشان كده ختيت ليكم الـstopper أول بأول ..

    لك التحية يارجل .. وأرجانى فى قنصة أخرى .. :) :) :)
                   |Articles |News |مقالات |بيانات

04-18-2017, 07:41 PM

عليش الريدة
<aعليش الريدة
تاريخ التسجيل: 08-17-2015
مجموع المشاركات: 844

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: Munir)

    يوم عندي زول من ناس البيت رقد مستشفى،وطلعت عشان أجيبليهو دوا،فتشت كم صيدلية ومالقيتو،
    قام أمبير العربة صفر،خشيت أقرب طلمبة لقيتا زحمة مبالغة،في صف واضح الناس واقفا فيهو،وبرضو في
    ناس بعملوا تخريمات كدا بالجنبة،طوالي مشيت محل التخريمة والزول الواجهتو والواقف في الصف،فتح قزاز عربتو وقالي ـــ بكل لطف ـــ
    :انا قدامك ..
    أنا كنت متوتر جدا،فرديت عليهو بجفاء ،ورفعت صوتي قلتليهو:هسّ أنا خشيت،لما أخش بعداك تعال اتكلم..
    وطبعا لو ماتكلم كان خشيت طوالي..
    المهم الزول مشى قدامي،عاينت للوحة المرور من ورا لقيتا السعودية،وقلت في سري السعودي دا ح يشيل حالنا هناك..
    ولأن الطلمبة كانت زحمة والحركة بطيئة عشان كدا لقيت فرصة نزلت من العربية
    ومشيت دقيت ليهو قزازو،بعد فتح اعتذرتليهو وقلتليهو:الكواريك دي وضعنا الطبيعي هنا،نحن أصلنا كدا،فما تاخد فيها حاجة..
    ضحك وقالي :عارف عارف..مشكور وندعي ليك في الحرم إن شاء الله.
    وأهو من فوائد ضيق الخلق طلعنا بدعوة في الحرم.
                   |Articles |News |مقالات |بيانات

04-19-2017, 02:51 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29077

للتواصل معنا

FaceBook
تويتر Twitter
YouTube


Re: السودانيين اخلاقم بقت ضيقة شديد ...!!! (Re: ناذر محمد الخليفة)

    هههههههههه يا عليش ...

    غايتو الضيق في الصفوف دا احنا اصلو ما بنخليهو ...

    في اجازتي القصيرة مشيت مستشفى التميز للأسنان في الامتداد .. ومنها قلت اعمل فحص شامل للدم .. وجهوني لي شباك عشان ادفع الرسوم
    وصلت الشباك لقيت في شكلة ليها ضل بين اتنين .. واحد بيقول هو في الصف والتاني دخل قدامو .. والشكلة دورت ..


    دي حاجة عادية اما الما عادية انو الصف كلو فيهو ستة انفار فقط لا غير .. اتنين بيتشاكلو وأربعة بيحاجزوا ويباركوها ...!!!
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de