الدعم في السودان: فساد مقنن ورشوة من قبل الدولة..!!!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-11-2018, 03:51 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-11-2016, 11:27 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


الدعم في السودان: فساد مقنن ورشوة من قبل الدولة..!!!!!
                   |Articles |News |مقالات |بيانات

05-11-2016, 11:29 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (1)
    لا اميل كثيرا للأستماع لأحاديث عمر البشير (رئيس جمهورية السودان) ، واستمعت له باهتمام في بيانه العسكري الأول في ظهر 30 يونيو1989 ، وطيلة السبع وعشرين سنة من حكمه لم اكلف نفسي بالإستماع الى أي حديثه له ، بصورة كاملة ، الإ ما صدر مؤخرا ، ونشره الصديق صلاح جادات ، باعتباره تسريب لتنوير قدمه عمر البشير لأهل حزبه (حزب المؤتمر الوطني السوداني) ، واعترف اني ، مرغما ، استمعت لحديث الرجل من اوله لأخره..وباهتمام بالغ للغاية..!!
    اتابع اذاعة البي بي سي العربية ، وذلك (لحنين خاص : لأني استمع اليها هكذا منذ نعومة اظافري) ، واتصيد نقلها اخبار السودان ، واستمعت اليها اليوم وهي تتحدث عن قرار الحكومة السودانية بسحب الدعم الإقتصادي عن بعض السلع في السودان ، ونفس الخبر متزامن مع سياسيات الحكومة المصرية في تحرير سعر صرف الجنيه المصري..!
    في الحالة المصرية ، استعانت الإذاعة البريطانية بمتحدثين من المجتمع المصري (من مستوى الخبراء واهل الإختصاص في الإقتصاد والمال ، لغاية المواطن العادي ، مثل سائقي الميكروباص/ ناس الحافلات كما نسميهم بلغتنا في السودان ، مرورا باهل الإنتاج من ملاك المصانع وغيرها)..اما في الحالة السودانية.. فهو مجرد خبر عابر فقط..!!
    ولم يزعجني فكرة ان تكون اخبار السودان ، مجرد اخبار عابرة ، وانما ازعجني غياب ثقافة التوضيح والمكاشفة والشفافية ، فلا احد من السودان ، وتحديدا اهل الحكومة ، المعارضة ، المواطن ، يريد التحدث عن سياسات دولته ، سواءا بايجابية (كالدفاع عن تلك السياسات) او بسلبية (كنقدها وشتم الحكومة التي اصدرتها)..!!!
    فياترى ماذا يعني هذا؟..
    هل الشعب السوداني لا يستحق الشفافية وتمليك الحقائق ، سواءا من قبل الحكومة التي اصدرت قرارها ، او من قبل المعارضة التي تدعي مقاومتها لمثل تلك القرارات؟..
    صحيح قد تكون ، الإذاعة البريطانية ، لا تعني شيئا بالنسبة لبعض اهل النخبة في السودان ، ولكن من متابعتي واحصاءاتي الخاصة ، ومن تجربة ، الإذاعة البريطانية يتفاعل معها بعض من اهل السودان (الترتر في الجزء الشرقي من جنوب كردفان ، بابنوسة بغرب كردفان ، برام من جنوب دارفور ، الجنينة بغرب دارفور ، لغاية تشاد و غينيا)..ناهيك عمن هم وراء البحار مثل حالنا..فياترى لماذا يتجاهلها اهل النخبة السودانية؟..وليس هذا هو بالأمر المهم..
    وانما المهم ، لماذا سياسات دولة خطيرة ، مثل سياسة رفع الدعم عن بعض السلع ، او تحرير سعر الصرف بالنسبة للجنيه السوداني ، نتجاهله؟.. والأنكي لماذا نستخدمها فقط في اغراض خاصة وعابرة وضيقة (مثلا: ناس المعارضة يستغلونها للصياح بالتحذير عن كارثة ، ويستغلونها في شتم الحكومة التي تضطهد الناس وتعمل على افقارهم وزيادة معاناتهم).. اما المواطن العادي في السودان ، فينظر لها مجرد نكبة المت به دون ان يعرفها ، وبالتالي يعرف البيهو والعليهو..!!

    كبر
                   |Articles |News |مقالات |بيانات

05-11-2016, 11:33 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (2)
    في التسريبات المنسوبة لعمر البشير في تنويره لعضوية حزبه ، استغل البعض عبارات عابرة وحاول تجييرها لمصلحته الخاصة ، مثل الحديث عن الحوار الوطني ، وان البشير ركب سنبك فيمن شارك او دافع عن الحوار الوطني .. ولكن هل هذه هي الجزئية المهمة؟..ماذا عن الحديث المنكسر عن فئة الإغنياء التي تعجز الدولة السودانية عن كبح جماحها؟..ماذا عن الحديث المنكسر عن سياسات امريكا تجاه السودان؟.. ماذا عن فكرة الدعم ، التي ضرب لها عمر البشير بنموذج القمح المستورد ؟..ماذا عن نموذج الخطوط الجوية الأثيوبية التي تقدم وجبات شعبية اثيوبية(كسرة العنجيرا) في رحلاتها ؟ ماذا عن فكرة ان سكان اثيوبيا يفوقون تعدادا سكان السودان بثلاث اضعاف ، ورغما عن ذلك ، يستورد السودان قمحا بكميات تفوق ثلاث اضعاف ما تسورده اثيوبيا من قمح؟..هل ننكر حديث الرجل ، لأننا فقط مكجنين خلقتو لله ورسولو ، ام نبحث عن بعض الموضوعي في حديثه؟.. وهل لو قلنا بان في بعض حديث عمر البشير بعض من الموضوعية ، نكون قد انبطحنا وبصمنا له بالعشرة؟..فما هو ، بربكم الفرق بين السودان كدولة والسودان كفرد ، رئيس الدولة مثلا؟.. ومن يهمنا بالضبط: الفرد (رئيس الدولة) ، أم البلد ( الإنسان)؟..
    لا احد كلف نفسه ليشرح لنا بالضبط ، ماذا تعني سياسيات الدولة ( أي دولة كانت) في الدعم ، أي دعم كان ، .. ولا احد كلف نفسه ليشرح لنا ماذا يعني تعويم سعر صرف الجنيه السوداني ؟.. لا احد كلف نفسه ان يشرح لنا معنى هذا التعويم وماهي الأسباب التي ادت لتعويم سعر الصرف ، وماهي النتيجة المرجوة من مثل تلك السياسات القاسية؟..لا احد كلف نفسه ليحدثنا ماذا يجب علينا ان نفعل لتجاوز المحنة؟..بالطبع المعارضة السودانية الشامتة تظن ان المحنة هي محنة الحكومة ، وتجار المؤتمر الوطني من ضعاف النفوس الشامتون يظنون انها محنة الحكومة (بمعنى ، لو كنتم منحتونا السلطة والوزارات والإمتيازات ، لكنا فعلنا المختلف..شفتو غتاتة بعضنا كسودانيين كيف تبدو ؟.. شفتو انانيتنا كسودانيين ، كيف تبدو في المطبات؟..كلنا نجري من اجل انفسنا ومصالحنا الضيقة..!!)..فياترى ، هل يدرك مواطن السودان العادي حجم التآمر ضده (سواءا من قبل بعض اهل الحكومة ، وبعض من اهل المعارضة)؟؟؟؟


    كبر
                   |Articles |News |مقالات |بيانات

05-11-2016, 11:36 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (3)..
    لست اقتصاديا ، ولا ادعي المعرفة الإقتصادية ، ولكني مواطن عادي يعرف ما يدور حوله..
    واسمحوا لي ان اتحدث بلغة مبسطة للغاية ،
    لست اقتصاديا ، ولكني مواطن يعرف حقوقه جيدا..!
    الدعم هو مال مصروف من قبل الدولة ، لتحقيق نتائج محددة ومعروفة في عالم الإقتصاد..ومعظم دول العالم تمارس هذه الخصلة..!!
    وللدعم صور عديدة ، منها:
    دعم المنتج: هنا الدولة بتدفع من جيبها الخاص ، يعني نموذج عمر البشير بتاع القمح. الدولة ، عشان تشجع منتج القمح في السودان ، بتقوم بتشتري طن القمح أو الشوال أو اي وحدة كانت .. بسعر اربعة جنيهات ، عشان يقوم المستهلك يشتريهو بجنيه ونص (يعني الدولة بتدفع للمستهلك اتنين جنيه ونص)..في شنو يعني؟.. يا ترى عشان تشتري سكوتو؟.. يا ترى عشان تحقق رفاهية؟.. (وحدهم اهل الضمير الحي من يجيب على هذا السؤال بصدق)..!!
    والأخطر ، الدولة بتاعة عمر البشير ، بتستورد قمح باسعار عالية ، وبتقوم تبيعو تاني للمستهلك ، باسعار ارخص.. يا ترى ليه؟..ده الفساد يا اهلنا ، دي اسمها انو الدولة بتقدم رشوة للمواطن ، ليه؟..يعني ما قادر ينتج مثلا؟.. بالطبع لأ.. وانما الدولة بتحاول تشتري سكوت المواطن..!!..طيب ياخي ما تعصر عليهو ، وتفهمو ان مفروض ينتج قمحو عشان يواصل دورة الحياة ..!!..ثم هل كل الناس في السودان بتاكل قمح ؟ (ما شفتها الإ في حكمك يا عمر البشير ، فشنو ، عليك الله ما تسوي لينا بيها سالفة ياااااااااااااااخ)...
    دعم المستهلك: وده الجنن عبد القادر يا عمر البشير..!!
    لماذا لا يكون هناك تنوير بالسع التي تدفع عنها الحكومة السودانية كمية من الأموال من اجل دعم المستهلك السوداني؟..
    الدعم في السوداني ، لاحظ هو المال الذي تدفعه الحكومة السودانية ، يدور في محاور محددة للغاية:
    دعم الوقود ، دعم العلاج ، دعم الغذاء ، دعم التعليم..!!
    العلاج والتعليم هي خدمات..الوقود رفاهية ( يا الحاج وراق وناس حريات)..والغذاءرفاهية برضك..والله صحي..!
    دعم العلاج ، الحكومة بتوفر قروش كتيرة للغاية ، وبتشتري العلاج بطريقة غير مباشرة ، يعني بتقوم تعمل تسهيلات للشركات الشغالة في مجال الدواء والعلاج.. يعني الشركات المسجلة في السودان ، عشان تستورد داواء من الخارج / محتاجة سيولة (دولار) ، وعشان تقوم تسلك امروها ، بتقوم الحيكومة توفر ليها دولار بسعر مخفض للغاية؟..ليه؟.. عشان تقدر تنافس في سوق المشتريات العالمي.. ودي ليس المشكلة..!
    المشكلة ، كما ذكر الكثيرون ، انو الشركات دي بتقوم تستغل التسهيل ده ، وبتقوم تشتري دولار بسعر رخيص للغاية ( لأنو الحيكومة بتدفع الفرق) في اغراض تانية ما عندها علاقة بالدواء او توفير العلاج..يعني فساد بالباب العديل يا عمر البشير.. اها دي مشكلة منو؟..دي مشكلة الدولة.. يعني لو الدولة السودانية عندها احساس بصعوبة توفير الدولار (دق حجر الدغش فيهو) ح تعرف كيف تحميهو؟..
    فالمشكلة مش انو نطالب الشعب السوداني بالصبر على الإبتلاءات (القاعدين ناس المؤتمر الوطني يرموها في حبل الله ، وبانها اقدار) وانما المشكلة في ارداة الدولة المفروض تتدخل وتوقف كل زول في حدو..!!..اما اذا الدولة بتاعتك يا عمر البشير لسه شغالة بعقلية :ده واحد من الأخوان وجاهد كتير في سبيل توطيد اركان الدولة عشان كده لازم نغض الطرف عنو ، فده كلام خطأ ، الكلام ده ممكن ينفع ايام دولة الإنقاذ الأولي ، اما ما عداها فلا معنى ليهو تب..!
    دعم المستهلك ، برضك يظهر في حكاية القمح التي ذكرها عمر البشير في التسريبات المنسوبة ليهو ، يا عمر البشير.. الشعب السوداني ممكن يشتري القمح بأي سعر كان.. لكن ليه الدولة السودانية خوافة وبتحاول تشتري صمت الشعب بالرشوة؟.. هنا يا صاحب ، السياسات مش مفروض تكون ذات خلفية اقتصادية ، هنا السياسيات مفروض تكون ذات خلفية اجتماعية وسيكولوجيا اجتماعية: بالتحديد ، ناسك بتاعين المؤتمر الوطني ديل ، أو حاجة مفروض يعرفوا ان دورهم مش الدفاع عن الحكومة وسياسيات الحكومة ، وانما دورهم مفروض يكون في خلق سلوك اجتماعي مفارق ( لا يمكن يا عمر البشير ، تقول لي كمواطن اقوم اتخلى عن المظاهر وثقافة الإستهلاك ، وعضوية الحزب الحاكم هي سادن مثل هذه الثقافة..ليه يعني؟)..
    اراضي السودان يا عمر البشير ، ممكن تنتج قمح يكفي الكرة الأرضية كلها..والله صحي..لكن نفسية الإستهلاك التي روج لها البعض (ومن ضمنهم ناس المؤتمر الوطني) هي التي تقعد الإنتاج ، ناهيك من الناس البتعمل بحقد واصرار الأ يكون في السودان انتاج (ولا انتا قايل المؤامرات دي شغل ناس المعارضة وبس؟.. ناسك ذاتهم يا قريبي شغالين مؤامرات ضد الشعب السوداني ومصالحه..!!!)
    دعم الصادرات: وهنا ، الدولة بتدفع من دم قلبها من اجل المنتج السوداني ، عشان شنو؟.. عشان الصادرات السودانية تقدر تنافس في الأسواق العالمية..ومالو ياخي.. ده سلوك اي دولة بتحترم روحها قاعدة تعملو ( يا ترى في سوداني قادر يشرحنا لينا ظاهرة العولمة ، البتتخلص في سيطرة الشركات الأمريكية والصينية؟.. في حاد قادر يشرح لينا ليه امريكا مصرة على اتفاقية النافتا البتقوم بموجبها تتوفر فرصة للصادرات الأمريكية عشان تنافس في الأسواق العالمية ، ناهيك عن ان تفرض علي دول معينة انها تشتري صادارات امريكية؟!!!)..
    ولا في سوداني ود مقنعة ، فاهم انو ليه امريكا حريصة على ان تشتري الصمغ العربي (منتوج سوداني بحت) بتراب القروش ، عشان تعيد انتاج في صناعات عديدة (من ناس الببسي كولا ، لغاية صناعة الأدوية ، عشان توفر دواء رخيص يتمتع بيهو مواطن امريكي في ام طرقا عراض)؟؟؟؟؟!
    في سوداني ود مقنعة ، بيقدر يفسر انو ليه الحروب السودانية ، وعلى مدى تاريخها ، عمرها ماثارت ولا ح تثور في مناطق انتاج الصمغ العربي في السودان؟؟
    دعم سوق العمل: يعني الدولة بتدفع من دم قلبها ، عشان انو يكون في سوق عمل للخريجين والخريجات..ياترى الشغلانة دي موجودة في دار السودان؟..وان لم تكن موجودة ، يا ترى ما هو السبب؟..هل لأن الحكومة فاسدة؟.. هل لأن الحكومة عندها اولويات اخرى اكبر من توفير سوق عمل في السودان؟ هل لأن المواطن السوداني ، مرتب ومجهز نفسيا انو ما يفكر في حاجات زي دي؟..
    دعم الضرائب: ودي خصلة شايعة في السودان الذي تحكمه يا اخي ، فالفكرة هنا الدولة بتخلق توفير مال معين عشان توفر بعض الفرص المناسبة التي تساعد في زيادة الإنتاج..!!
    تخفيض الضرائب في حق المستثمر او المنتج ، هي بطريقة أو اخرى توفير مال..وهنا الدولة بتحقق نتيجة مزدوجة : تشجع الإستثمار ، وتوفير فرص عمل كبيرة..!

    كبر
                   |Articles |News |مقالات |بيانات

06-11-2016, 05:56 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (4)
    من كل انواع الدعم المذكورة ، الدولة السودانية تركز اكثر علي دعم المستهلك ( وقود ، تعليم ، علاج ، قمح..الخ) ونادرا ما تهتم بدعم المنتج..وشماعتها المعروفة: امريكا فارضة علينا حصار اقتصادي..!!..يا سلام..!!..يعني عشان امريكا فارضة عليك حصار ، تقوم تبطل خصلة الأبداع والإبتداع جواك؟..
    المال الذي تدفعه الدولة السودانية في الدعم .. هو رشوة وفساد مقنن ، ومن عجب تقوم المعارضة تساعد الدولة في هذا الفساد المقنن..كيف؟..
    بعد حرب فيتنام ، لم تجد امريكا خيار اقتصادي ، غير تحرير سعر صرف الدولار (طبعا امريكا ما محتاجة لرفع الدعم عن بعض السلع والخدمات ، لأنو حاجات زي دي مرفوع عنها الدعم بداهة ، وقد يستغرب السوداني انو مافي حاجة اسمها مجانية تعليم أو مجانية علاج في امريكا ، وبعض الدول الصناعية الكبرى..والله صحي..!!)
    وعشان توفر الدولة السودانية ، قروش كتيرة من اجل خاطر دعم السلع والخدمات في السودان ، فهنا الدولة تجابه بحروب مستمرة ومنتشرة في كتير من بقاع السودان (وهنا يأتي دور المعارضة السودانية في تخريب الإقتصاد الوطني السوداني)..!!
    المعارضة العاطفية ، بتاعة ياخي ديل كيزان وح نحتوا معاهم قرض للطيش..!!
    ايوه حتو قرض مع الكيزان للطيش..ولكن هل السودان هو فقط كيزان وناس بتعارض الكيزان؟ ومن سيتضرر اكثر..؟
    ياخي وصفة بسيطة: تقيف الحرب في السودان ، بكرة الجنيه السوداني يكون تمنو اربعة دولارات (مثلما كان الأمر في نهاية ستينات القرن الماضي...والله صحي..!!)..
    لا يمكن ان تكون دولة (غض النظر مع اتفاقنا او اختلافنا مع اهلها) تخوض حروب وحصار لمدة سبعة وعشرين سنة ، ونحن نزعل لأنها بترفع الدعم عن السلع والخدمات؟..ولا يمكن ، اخلاقيا ، ان نخنع للفساد المقنن بان ترشونا الدولة السودانية بدعم السلع والخدمات ، ونتعطل عن الإنتاج؟..
    امريكا بتاعة شنو يا سودانيين ، وعقوبات امريكا بتاعة فنلتكم..!!
    ياخي ابقوا رجال واهل انتاج ، وخلي امريكا تعتب عليكم..!!!!
    لايمكن يا اهلنا نبكي ونسب حالنا ، ونحن لا قدرة علينا ان نغير حالنا..!!

    كبر
                   |Articles |News |مقالات |بيانات

06-11-2016, 05:58 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (5)..
    والسؤال الجوهري: ليه الدولة بترفع الدعم وبتقوم بتعويم سعر صرف العملة المحلية؟؟ هل يا ترى الدولة عاجبها كده؟.. وليه نحن ، دايما عندنا القدرة على تمثيل دور الفراجة الشامتين؟..
    الولايات المتحدة الأمريكية ، بعد ما اتزنقت في حرب فيتنام ، لجأت لسياسة تعويم سعر صرف الدولار.. ليه؟ لأنها ، وبكل غباء كانت بتصرف علي حرب فيتنام ، ثم ما يسمى بحرب النجوم..!!!
    صحيح السودان ، ما عندو شغلة بحرب النجوم ، لكن عندو حروب خاصة ومنتشرة في بقاع كتيرة.. حروب الحردانيين ، وبعضهم شغال طابور خامس عدييل للحكومة السودانية.!!
    لكن يا ترى من له الجرأة لوقف مثل هذه الحروب؟هل هي مسؤلية حكومة عمر البشر؟ هل هي مسئولية تشاركية بين الحكومة ومن يزعم معارضتها؟ هل هي مسئولية الشعب السوداني الذي يبكي لرفع الدعم ويغض الطرف عن امر الحروب السودانية؟..
    بسيطة ياخي: كل الشعب السوداني يقولها بصوت واحد وواضح: يجب وقف الحرب ، والحكومة عليها ان تلجم الفساد ( اقطع راس المفسدين فردا يا عمر البشير ، وصدقني ، تاني يوم السودان د ح يكون في حتة تانية خالص ، رغم انف امريكا..!!)..فلا يمكن يا عمر البشير تقول للناس وقفوا الحرب ، وفي نفس الوكت بطانة السوء شغالة اغتناء على حساب الشعب السوداني ، وديل اخطر من ناس عقار وعرمان والحلو وجبريل وعبد الواحد..!!
    دي النقطة المفصل: فليكن وقف الحرب مقابل لقمع الفساد ..!!

    كبر
                   |Articles |News |مقالات |بيانات

06-11-2016, 06:32 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (6)
    ياخي نحن شعب ما عندو موضوع نهائي.. شعب يحب الفشخرة ولا يحتمل الرفاهية والديموقراطية والحرية الحقة.. صحيح هو كلام قاسي ، ولكن هذه هي حقيقتنا ويجب ان نجابه انفسنا قبل ان نواجه الأخرين أو نستقوى بهم..!!
    حتى اللحظة لم نقرا السلوك السيكولوجي بتاع السودانيين ايام السلام بموجب اتفاقية نيفاشا في 2005..!!
    شئنا أم ابينا ، ايام تلك الإتفاقية.. توفرت للشعب السوداني برهة رفاهية وبصيص من حرية.. فياترى كيف استغلينا تلك البرهة؟..
    اول تفكيرنا كان منصرف ، انو نعرس مثني وثلاث ورباع..
    اول تفكيرنا كان نعمل عربات كتيرة (واحدة لسيد البيت ، واحد للمدام ، واحدة للعيال)..
    اول تفكيرنا ، نجيب خدامات (من اثيوبيا ، الفلبين ،الواغ الواغ ذاتو...الخ)..
    فنحن شعب لا يحتمل البطروالرفاهية والحرية والديموقراطية ، عشان كده ملعونين ليوم الدين ، شعب يحب الفشخرة والمظاهر والإستهلاك..ومن عجب نبكي في الزنقات بتاعة رفع الدعم عن الوقود..عليك دينك يا عمر البشير في حنكشة اكتر من كده؟؟!!
    خلونا نتكلم بصراحة: هل كل الشعب السوداني راكب عربات، عشان يتأثر برفع الدعم عن البنزين؟ هل كل الشعب السوداني قاعد ياكل قمح؟...هل كل الشعب السوداني شغال بلبس البودي (بتاع سهير عبد الرحيم؟..) هل كل الشعب السوداني بتهموا داعش انهزمت ولا انتصرت؟..هل كل نسوان السودان ن همهن حنة وكريمات وتلميع (ناس متاهة قوم سود بعقلية التبيض ، كما حدثنا استاذنا الباقر العفيف)؟؟؟؟..

    كبر
                   |Articles |News |مقالات |بيانات

06-11-2016, 06:42 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (7)
    على غرار حكايتك يا عمر البشير ، عن البنيات الجافلات ، البيخافن يشلين الموية من مجرى عجلة العربية في غرب كردفان (العربية البتبكي عليها النخبة السودانية اليوم لأنو الدعم اترفع عن سعر البنزين وبالتالي ما ح تقدر تتحرك)..!!
    عمي ، الفكي زكريا جلال الدين (اخوه ضابط اداري ، حدثتنا بعض من النخبة السودانية ، انو كان من ناس صحوة قريش ولا شنو كده ما عارف..!!)..كان بيقول لي: امسودان ضاعت ، لأنو زمان الناس فيها كانت بتنسنج التكية ، وبتلون توب الزراق بالعشبة الطبعية الإسمها النيلة..بتلبس من انتاجها الخاص ، بتاكل من انتاجها الخاص.. وبتعيش الدنيا بمزاجها الخاص (شفت كيف يا عمك انت بتندهش للحبش البيقدموا الإنجيرا في خطوط الطيران الأثيوبي..!!!)..والليلة يا قريبي : ناس امسودان بتزعل لأنو موية سوبا ولا صافية ولا شنو كده (دي الحاجات الجابها زمان حكمك يا قريبي) قطعت ولا بقت غالية..!!!
    سيكولوجيا الأستهلاك يا عمر البشير : زول مستعد يدفع جنيهين في قزازة موية (لا تروي من ظمأ)، ويجدع الفاضي عشان يعمل لعبد الرحيم حسين مشكلة قمامة في العاصمة السودانية ، وناسي انو الحكومة بتعرض عليهو خمسة براميل موية بجنية واحد فقط..!!!..شفت نحن شعب لذيذ كيف يا عمك؟؟؟؟ .. ياخي بلا يخمك ويخم الموية البتحاول توفرها بسعر رخيص..!!!

    كبر
                   |Articles |News |مقالات |بيانات

06-11-2016, 06:44 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (8)..
    الدعم يا عمر البشير ، رئيس جمهورية السودان ، هو فساد مقنن ، ورشوة من قبل الدولة لإسترضاء فئات قليلة ..!!
    هنا يا صاحب ، عليك ان تقنع ناسك (بتاعين المؤتمر الوطني ، جوقة المصفقاتية اياهم ، انو يكونوا قدوة للناس ، والإ انت قايل الريادة حاجة ببلاش وسمبلا ساكت..؟!!)..بانو رفع الدعم يضيركم اولا ثم بعد داك يضير بقية ناس الشعب السوداني..!!!
    ولمن الشعب السوداني ، يمرق تلقائيا في مظاهرات تطالب بوقف الحروب السودانية ، هنا مش ح تكسب المعارضة ، وانما تكسب انت يا عمك ومعاك مؤتمرك الوطني..!!
    كمواطن سوداني ، لا اريد ان ارى السودان مثل اليمن ، سوريا ،العراق ، ليبيا ، لو غيرهم من دول الجوار والمنطقة ، فلقد اخطأتم في فصل الجنوب ، لكن السودان الفضل نريده كما هو..!!
    ابراهيم محمود ، مافي مشكلة ، يمشي ويجي تاني راجع ، لكن اوعاك يا عمر البشير تسمح بادخال اغاثة من خارج السودان (كفاية تجربة حلب يا عمك وشريان الحياة)..واياك تسمح باستعياب ناس الحركة الشعبية قطاع الشمال في مؤسسات سودانية (سواءا كانت جيش ولا امن ولا مخابرات ولا وظائف دستورية او تنفيذية..فكفاية مهازل يا عمر البشير)..!!!

    كبر
                   |Articles |News |مقالات |بيانات

06-11-2016, 06:55 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    (9)..
    ان كان الشعب السوداني يتضجر كثيرا عن رفع الدعم عن بعض السلع ، فعليه ان يترك الحنكشة والشكاوي وامتثال دور الضحية ويفعل امرا بسيط للغاية: وقف الحروب السودانية..!!
    وقف الحروب سيوفر الميزانية الكافية ، الميزانية التي تصرف على الحرب ( اخر تقديرات اعرفها: اربعة مليون دولار في اليوم..!!!) توفير هذه الأموال الباهظة ، كفيل بان يعيد الينا الدعم ، سواءا دعم مستهلك او دعم منتج..يعني لمن الحرب تقيف.. الداير بنزين بسعر رخيص ح يلقاهو ، الداير يجيب خدامة اثيوبية ولا فلبينية ولا صينية ذاتو.. برضك ح يلقى فرصة..!!
    اما عني: انا مع رفع الدعم عن المستهلك ، وفي نفس الوقت مع دعم المنتج الحقيقي (مش المنتج البيستغل فرصة الدعم عشان يعمل بيها حاجات على هواه..!!) ومع الدعم لتوفير فرص عمل..ومع الدعم لتخفيف العبء الضريبي..!!
    ومع محاربة الفساد (يعني يا عمر البشير حكاية تقول لي هناك اغنياء في زمن الإنقاذ وتقيف وتعمل نايم، دي حكاية ما بتقسم معانا يا عمك..شوفهم اغتنوا كيف ، والحساب ولد..!!)..
    حكاية معالجة رفع الدعم عن المستهلك بزيادة الأجور ، فهذا فساد مقنن يا دولة امسودان..ورشوة بالباب العديل..!!..يعني ترفع الدعم ، وتاني ترجعو باللفة..عملنا شنو يعني..!!

    نعم لسودان منتج ، مهما كلف الأمر ، نعم لسودان حر ومستقل مهما كلف الأمر..!!

    كبر
                   |Articles |News |مقالات |بيانات

06-11-2016, 06:58 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)



    (10)..
    عيال وبنات الحركة الأسلامية في السودان: ان كنتم تظنون ان اخوة الأسلام السياسي هي عروتكم الوثقى التي لا تفل ، فنحن عروتنا الوثقى هي السودان ، وشعوب السودان ، ولا نسمح بمزيد من الألاعيب و الكذب..نخطها على بلاطة: يهمنا السودان الفضل ، ولا نسمح له بان يكون سوريا او يمن اوليبيا..وصدقونا نعرف كيف ان نحمي بلدنا..ولن تنطلي علينا حكايات النخبة السودانية المستهبلة..!!
    الكارثة يا الحاج وراق (وناس جريدة حريات) مش في رفع الدعم عن الوقود او تعويم سعر صرف الجنيه السوداني ، وانما الكارثة في وجود قوات اجنبية تدنس التراب السوداني لعشرات السنين (مثل قوات اليوناميد) او فرحة المعارضة بانو امريكا جددت العقوبات الإقتصادية على حكومة عمر البشير او دعاوى منظمة العدل الدولية باستخدام الأسلحة الكيمائية في جبل مرة..!!!
    انت قايل شنو يا الحاج وراق : امريكا تدخلت في العراق بدعوى وجود اسلحة دمار شامل... وهاهي النتيجة امامك: عراق مهدود القوة ، وسوريا مهدودة القوة ويمن يعاني ما يعاني وليبيا مشطورة بين القبايل.. فهل باقي ليكم يا ناس حريات ح نسمح بحاجة زي دي تحصل في السودان؟ياخي تطير المعارضة السودانية وحكومة عمر البشير معلقة في كرعيها..!!
    السودان (الفضل) لن يكون سوريا او عراق او صومال أو ليبيا.. ومن يظن انه يستقوي بامريكا ، فليركب اعلا ما في خيله ، ونحن لها..!!

    كبر
                   |Articles |News |مقالات |بيانات

06-11-2016, 07:00 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)




    (11)
    أي مواطن سوداني ، داير يبكي ويتشكي عن رفع الدعم عن السلع الإستهلاكية في السودان..عليه ان يمارس الوضوح: قبل ان تطالب وتشكو من غلاء المعيشة ، عليك ان تطالب بوقف الحرب في السودان.. لأن ميزانية الحرب في السودان هي التي اوصلتك للضائقة المعيشية..ورفع الدعم عن السلع والخدمات..!
    هل هناك فساد؟.بالطبع ، وعشان توقف الفساد ، طالب بوقف الحرب.. لأن الحرب لو وقفت.. فالفساد سيقف ، ببساطة لأن قوة وقف الحرب ، كفيلة بان توقف الفساد ، والسودان ليس سوريا او العراق.. نعم بكل هذه البساطة..!!
    اما ان كانت النخبة السودانية المعارضة لسع بتحلم بانها بتحارب اسلام سياسي ولا شنو كده ما عارف ، فهذه معركة لا تهم المواطن السوداني ، وانما هي حال بتوضح انو النخبة السودانية هي اكبر طابور خامس للحكومة..!!
    فهل يا ترى الشعوب السودانية عندها القدرة ان تتجاوز الإتنين (الحكومة والمعارضة ، سواءا كانت مسلحة او مدنية) بالطبع نعم ومليون نعم..!

    انتهت الونسة..
    كبر
                   |Articles |News |مقالات |بيانات

06-11-2016, 07:03 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    يقبل كل هذا يا صديقي، يقبل جداً لو كان الذي توجهه إليه فيه مجرد بارقة أمل ضئيل
    يا صديقي، عمر البشير يد باطشة لا حول لها ولا قوة إلا فيما استخدمت من أجله، وعنه لن تحيد
    أنها السياسة العليا، السياسة الاقتصادية التي تصب في جيوبٍ بعينها، وبالتالي هي المتحكمة الرئيسية في كل السياسات، حتى الهرجلة السياسية ومراحلها المختلفة
    وليس ذلك بتخرصات وإنما واقع حال
    عمر البشير إن دخل بالبيان الذي سمعته إلى سدة الحكم، بقي فيه حتى اللحظة لأنه ألعوبة في يد الاقتصاديين
    فإن سمع حديثك هذا، بدأ مجرد بداية فقط في تنفيذه فسيكون ذلك هو بداية نهايته.

    أما عن الشعب، عنا، فإن السياسة والطحن الذي لا طائل من ورائه، الطحن على مع أو ضد دائماً تجعلنا في مؤخرة الركب، ولن نسبقه إلا إن أصابت صحوة فجائية كل واحد منا على حدة وأنكب يبدع من أجل أسرته ومحيطه ودولته...

    ومن قبل ومن بعد سلام عليك...
                   |Articles |News |مقالات |بيانات

06-11-2016, 07:05 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: بله محمد الفاضل)

    هذا
    وليس عندي أي أمل على الإطلاق في هذه الحكومة، في عمر البشير هذا، في محيطه الاقتصادي المتورم
    لقد نبت كل جزء فيه، وتورم، تورم من السحت
    وما من حل إلا اجتثاثه كله
    .........
                   |Articles |News |مقالات |بيانات

06-11-2016, 07:47 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: بله محمد الفاضل)


    بله..حبابك يا صديقي
    كتر خيرك على المرور هنا..
    ليس بالضرورة يا صديقي ان يسمع عمر البشير وينفذ ، ولكن بالضرورة ان يصل الرأي الى الشعب السوداني ، حتى يواصل تجربته في الحياة عن طريق التعلم المباشر والبحث والإستدراك والإختبار..!
    بالطبع يا صاحب ، مافيش مواطن عاقل بيبصم على دعم حكومة مية بالمية ، لأن الحكومات بطبعها ادوات ظلم ، والدولة اكبر الة عنف وظلم اخترعها العقل البشري ، ولكن الضرورة تحتم تبصير الناس ومحاولة تذكيرها ببعض الجوانب.. لماذا يا صاحب نسكت عن تعليم الناس عن معنى الدعم ورفع الدعم وتعويم سعر الصرف للعملة المحلية؟..لماذا نترك هذا للنخبة (سواءا كانت حاكمة ام معارضة)؟..
    الشعب عليه ان يعلم نفسه بنفسه ، وحينما يوعى الشعب ، فهذا سلاح كبير للغاية ويجعل أي حكومة تعرف قيمة المساءلة.. تجربتنا في السودان يا بله ، نترك الناس تنط في الحكومة عشان نقعد نتفرج ونسبها ونشمت عليها ، كأنما المصلحة العامة هي ليست امر يخصنا..!
    السياسة يا بله ، من تخريجي الخاص ليها ، زي ود الموية ، مافيها ابيض أو اسود ، وانما فيها الوان كثيرة ومتعددة ، عشان كده مافي حاجة اسمها حل واحد.. لأن الحل الواحد ممكن يكون نافع اللحظة وفق معطيات اللحظة ، لكن بعد ساعة فقط المتغيرات من حوله ستجعل منه حل غير موفق..لذلك..!
    فكرة الإجتثاث : جربها الشعب السوداني في اجتثاث ديكتاتورية عبود ونميري..ولكن هذا الحل السحري لم ينفع ، لأن اجتثاث حكم عبود قام جاب ديموقراطية عقبتها تجربة نميري ، ثم اجتثاث حكم نميري جاب ديموقراطية اتت بحكم عمر البشير ، والإجتثاث القادم ، ح يجيب نفس الحاجات اذا اعتقدنا ان الحل هو الإجتثاث فقط..!!
    لأن أي جهد اجتثاث سيسرقه الأخرون ، ثم يعجزون عن قيادة البلد.. وهذا لا يعني بان قيادة البشير هي الأفضل أو الأمثل..!
    اهم حقيقة تعلمها الشعب السوداني من تجاربه السابقة ، هي ان الإجتثاث ليس هو الحل الأمثل ، لذلك ، وكما نرى في البلد: حروب ومظاهرات واتفاقيات ، وتحريض علي عصيان مدني ، والشعب قاعد يتفرج..تفتكر ليه؟..
    هي دروس للنخبة السودانية ان تواجه نفسها بنقد ذاتي وتقييم لتجاربها والإعتراف باخطاءها وتقديم ضمانات واضحة بانها لن تكرر اخطاءها..!
    كتر خيرك يا صاحب..
    كبر

                   |Articles |News |مقالات |بيانات

06-11-2016, 02:57 PM

حسن ادم محمد العالم

تاريخ التسجيل: 04-03-2014
مجموع المشاركات: 1027

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)

    الاخ كبر سلام
    والله كلامك سمح ولكن يبدو ان رسالتك ضلت الطريق وانت تخاطب البشير ليحارب الفساد هل تعتقد البشير والاقربيين منه بمنأي عن الفساد
    الذي صار ديباجة كتب عليها صنع خصيصا في السودان
    وانت في البلاد البعيدة دعني احدثك ان الفساد في بلادنا صار هو المدخل للنجاح فالشخص النجاح هو الذي يستطيع الالتفاف والابداع
    في كيفية تسخير العام من اجل الخاص
    اما بخصوص قولك ان السودانيين اسرفوا واوغلو في الرفاهية وتجاوزها للزواج مثني وثلاث ورباع عن اي سودانيين تتحدث ياصديقي
    هل تعلم ان معظم الشباب عزوفوا عن الزواج وان معدلات الطلاق مخيفة وان اللذين تتحدث عنهم سهير عبدالرحيم وشقيقاتها
    هم اللذين وزعوا المورد مع الحركة الشعبية ابيان الفترة الخصيبه التي تحدثنا عنها
    اعتقد ان التعميم مخل وانت القانوني الضليع
    نعم اتفق معك بشان المعارضة وازمة النخب التي اوردتنا موارد الهلاك
    ولكن في ظل توزان الضعف الذي تعيشه المعارضة والنظام الحاكم
    يبقي انسداد الافق هو سيد الموفق وتلك مقدمات ستؤدي حتما للطوفان
    فالمعارضة عاجزة ان تتوحد من اجل مشروع وطني وتبحث عن ذاتها والنظام يمارس التكتيك الذي يطيل عمره
    وما الحوار وكل تلك الدعاوي الا لكسب الوقت
    مع مودتي
                   |Articles |News |مقالات |بيانات

06-11-2016, 05:01 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9246

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: حسن ادم محمد العالم)

    سلامات استاذ كبر وزواره الميامين..
    على الرغم من الموضوعية الظاهرة في رسالتك ..
    لكن بصراحة اكتر حاجة زعلتني تحقير الزول دا لشعبه ومؤسسات دولته !!
    هو رئيس الدولة شئنا أم أبينا ..
    معقول يتخذ قرارات كبيرة زي دي ؤ يستكثر تنوير شعبه بالدوافع والمبررات ؟
    يعني شنو يمشي يجتمع بقيادات حزبو ويحكي ليهم عن مبررات رفع الدعم ؟
    صحيح القرارات موجعة اكثر لجماعتو لإنهم وحدهم الكاتلين الجدادة وخامين بيضا ..
    بس دي قرارات تمس كل مواطن مش قيادات حزبو وحدهم ..
    قول ما داير يواجه شعبو ..
    كمان خايف من برلمانو ؟
    هي الحقرية دي كيفنها ؟
    لا متين عايزين يديروا الدولة دي من خلال المجالس الأربعينية؟
    مش كان على الأقل يورينا نهاية التجويع والمسبغة دي شنو؟ .
    هل في نتائج ايجابية وهل ستعود على الشعب ولّ بس جماعتو ديل كالعادة ؟
    ولّ الشغلا كلها وما فيها نكاية في المقاطعة الاقتصادية ؟
    بعدين المقارنات المشى فيها دي كان ما مضحكة وانصرافية أصلا ما ليها معنى ..
    عايز يقول لينا فصل الجنوب ما كان عندهم يد فيهو؟ .
    ولو ما السودانيين عارفين إنهم ما جروا للحركة الشعبية الأم ..
    إلا نكاية في حركة المرحوم الترابي لما مشى وقع وثيقة تفاهم مع الحركة بعد المفاصلة ..
    طبعا كان هدفهم فقط عزل المعارضين وكسرهم ..
    لكين تحملوا وحملوا الشعب السوداني تبعات ثقيلة أهي دي بعض نتائجها..
    هسه هو وكت فاهم قدر دا في استراتيجيات العولمة ..
    ليه ما عدل سرج الحصان الراكب فوقو 27 سنة لامن رزا؟
    معقول يا أستاذة جماعة الحوار سنتين يسمعو ليهو في اضانو ..
    عشان يجي يلخص الأزمة الاقتصادية في الموبايلات وقزايز الموية والانجيره واكياس الزبالة !!
    دا اسمو كلام !!!
    قليل من المنطق بتبلع .
                   |Articles |News |مقالات |بيانات

06-11-2016, 08:27 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9246

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: محمد على طه الملك)

    (معقول يا أستاذة ) تقرأ يا أساتذة ..
    التعديل بقى مكلف في المنبر.
                   |Articles |News |مقالات |بيانات

08-11-2016, 05:56 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: محمد على طه الملك)


    حسن العالم..حبابك يا صديق
    كتر خيرك على المرور..
    وكتبت رد طويل شوية لكن ضاع مني..
    عموما يا صديقي..
    نظام قاعد قرابة التلاتين سنة ، تاني وكت شنو الداير يشتريهو؟..
    فلنكن واقعيين يا صاحب: دعم المستهلك فساد مقنن ورشوة..وهي خصلة موجودة في كل الحكومات التي حكمت السودان ..فما هو رايك؟..وماذا كنت فاعل لو ماسك البلد دي؟
    نسمع منك..
    كبر
                   |Articles |News |مقالات |بيانات

08-11-2016, 05:57 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    استاذنا محمد علي طه الملك..حبابك يا صديقي
    كتر خيرك على المرور..
    ولغاية ما نرجع بالتفصيل.. سؤال بسيط: يعني يا صديقي ، افهم ، من حديثك هنا أن كل مشكلتك هي الطريقة التي تم بها الإعلان عن مثل هذه الخطوات والسياسات الخطيرة؟..
    لأني لم ارى اعتراض منك على مزعمنا بان دعم المستهلك في السودان هو فساد مقنن ورشوة من قبل الأنظمة الحاكمة في السودان (منذ خروج المستعمر وحتى الآن)..يا ريت نسمع منك..!
    طبعا ناس الببي سي كتر خيرهم طرونا بالخير وجابوا ناس من امسودان اتكلمت عن فكرة رفع الدعم عن الدواء ، ووضحوا ماهي المخارجات التي كان يمكن ان تتبعها الحكومة لتخفيف الحدة ، والسياسات البديلة.. يعني الناس شغالة تنوير عقلاني ، حتى لو كانت رافضة لرفع الدعم عن الأدوية ، فهي لازالت عندها القدرة تجابه الواقع..!
    ديل الشباب السوداني المكافح الذي يهمنا امره : عارف الفاس واقعة في الراس ، لكن عارف كيف يباصر الحال..!

    وهكذا يا صاحب..

    ونشوفك..
    كبر
                   |Articles |News |مقالات |بيانات

08-11-2016, 11:57 AM

حسن ادم محمد العالم

تاريخ التسجيل: 04-03-2014
مجموع المشاركات: 1027

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)

    الاخ كبر سلامات ياصديق
    الانظمة الشمولية وانت ادري بهذه العقلية تريد ان تحكم للابد والسبعة عشرون عاما
    ما هي الا نزهه في عرف الانظمة الشمولية لذا يظل الرئيس يشتري الوقت ويقاتل
    الي ان يقضي الله امر كان مفعولا
    اما رائي اذا كنت المسئول وانت القانوني الضليع انه في وجود المفسدة المطلقة التي
    نشاهدها يبقي الحديث ان الاصلاح ضرب من الخيال لذا ستجدني عاجزا ولكن
    اهل الاقتصاد لهم وصفاتهم من تقليل الصرف الحكومي وما حدث في السعودية
    ليس ببعيد في تقليص دعم الدوله ومنسوبيه
    وفي حالة السودان لابد من ايقاف الحرب والانفتاح علي الاخر عبر عودة العلاقات
    وازالت اسبابها وهذا لايتأتي الا في وجود ارادة من اطراف الصراع وهذه معدومة
    فالجميع يبحث عن الحلول التكتيكية بعيدا عما هو استراتيجي
    وتلك اضاءة واكييد لديك الكثير
    مع مودتي
                   |Articles |News |مقالات |بيانات

09-11-2016, 09:09 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: حسن ادم محمد العالم)


    الصديقات والأصدقاء..ممن يتابعون هذا الخيط..حبابكم جميعا..
    بالطبع العالم مشغول ، الآن ، بالإنتخابات الأمريكية ، ببساطة لأنها تهم الجميع ، ليس ناس امريكا فقط وانما حتى من هم خارج امريكا..
    اهل السودان يهمهم السياسات الأمريكية تجاههم..
    الديموقراطيين هم من ضرب السودان مباشرة في تجربة مصنع الشفاء(يوليو 1998 ، تغطية لفضيحة بيل كلنتون الجنسية مع مونكا)..وفي عهد اوباما هم من حاول انتهاج سياسة الأبقاء على الأمور كما هي ، وفي ايامهم الأخيرة (عهد اوباما) جددوا استمرار العقوبات الإقتصادية على السودان..يعني أي رئيس امريكي جاي..ح تكون نقطة الإنطلاق في سياساته استمرار هذه العقوبات..كيف نقاومها (هذا متروك للشعب السوداني الصاحي والبيحاول يصحي نخبته التي تبيع ما بار من بضاعة..!!)
    الجمهوريين..هم من اتى بفكرة المواجهة المباشرة واستغلال حرب دارفور..وبالتالي فرض قوات اجنبية (اليوناميد)..!
    باختصار السياسة الأمريكية تجاه السودان لا تحكمها فكرة من يراس امريكا ، وانما السستم الأمريكي..
    فوز دونالد ترامب ، هو تمرد على المؤسسات الأمريكية العتيقة ، هو ضرب للسستم في امريكا ، ومثل هذا التمرد سلاح ذو حدين وأي حد سيؤدي الى عواقب خطيرة للغاية..!
    الصراع العالمي ،اللحظة وكما اراه ، مشغول بامر المواجهة في شمال العراق والوضع السوري برمته ، والحسابات تقتضى الأ تحدث مواجهة مباشرة مع روسيا..لأن مثل هذه المواجهة تعني نهاية العالم ، والروس لمحوا لأنهم قد يقبلون بسيطرة الجمهوريين على امريكا ، يعني لو فاز المرشح الجمهوري قد يحدث تفاهم يجنب العالم كارثة المواجهة بين القوى العظمى..!!
    الديموقراطيين في شمال العراق ، كانوا قاب قوسين أو ادني من المواجهة مع روسيا ، ولكن امريكا ، برمتها ، دعمت خلق داعش ، كما دعمت خلق القاعدة من قبل ، انزعجت كثيرا لنقطة بسيطة وغريبة ولا يحسبها اهل الدول النامية الآن ، وهي نقطة ان تضرب داعش ، وهي تتقهقر ، تسعة عشر بئر نفط في شمال العراق..!!..نعم قد يستغرب البعض لهذه الخلاصة المشاترة ، ولكن الحروب الدائرة هي حروب مصالح ، ومصالح عمادها النفط والغاز الطبيعي ومصادر الثروات الطبيعية الأخرى التي يحاول الجميع السيطرة عليها..!!
    بالنسبة للوضع في السودان ، امريكا القادمة ستواجه بمعطيات واقعية في السودانين: العنف في جنوب السودان ( هم يقرأون ذلك تعطيل لسيطرتهم على مصادر طبيعية مثل ثروات الجنوب ، وهنا اشكر الذكاء السوداني الذي يقاوم في ظروف قاسية ..!!)..ويقرأون حرب دارفور بانها فرصة على السيطرة على مصادر طبيعية (اليورانيوم والبترول ومعادن اخرى لا يفهم اهل السودان قيمتها بعد)..حتى لو ادى الأمر الى انفصال دارفور (برنامج سيف دارفور ، وكفاية ، اشغال دكتور اريك ريفز ..الخ.. وغيرهم كثر)..
    سياسة امريكا في السودان هي مقاومة المد الصيني والروسي (الدولة السودانية ، رغم ضعفها وموبقاتها الكثيرة ، لعبت بولتيكا صاح بخلق تواصل مع الصين وروسيا..وأي ادارة امريكية عليها ان تضع هذا في الحسبان..!!)..ومثل هذه المقاومة ، تقليديا تعني المواجهة ، وذلك بالحفاظ على استمرار الصراع السوداني وتغذيته بأي وسيلة كانت..!!
    اعلان حكومة عمر البشير لسياسات رفع الدعم (جزئيا او كليا) عن قطاعات مثل المحروقات أو النظام الدوائي أو غيرها ، هي خطوة جريئة ومحسوبة وتستوعب ما يحدث في محيطها الدولي (نعم قد نختلف مع الكيزان ، لكن نتفق معهم على خطوط حمراء مثل الحفاظ على السودان بحدوده الباقية..!!!!!!!!!)..وأي من يرغب في معارضة حكم الكيزان او يرغب في اسقاطه ، عليه ان يتفوق عنهم في هذه الناحية.. ولقد ولى امر الخطاب العاطفي يا نخبة يا سودانية يا هوي..!!
    المحك: هل السودانيين ، وبعد كل هذه المآسي ، عندهم الإستعداد ليكونوا سودانيين يضعون مصالح بلدهم واهلهم فوق مصالحهم الذاتية الضيقة (ناس ديل كيزان ، ولو انزلوا الشمس عن يميني ، والقمر عن شمالوا ، برضك ما ح ينفع..!!؟؟؟)..!
    نعم لرفع الدعم ، ونعم لفهم فلسفة الدعم بانها فساد مقنن ورشوة من قبل الدولة لبطانة الفساد..!!
    ما يجب على اهل السودان فهمه بصورة صحيحة كما اعتقد: أن معركة الوجود والبقاء لا تحتاج للممحاكات بتاعة حكومة ومعارضة .. وانما تحتاج لتبيان الخطوط الحمراء الباقية..!!
    يا نبقى سودانيين حريصين على البلد ، يا كمان نبيع شرف امهاتنا من اجل مصلحة عابرة..وبالتالي نبيع البلد وبما فيها..!!
    يا وزير المالية في امسودان ، ما يطق ليك عرق ساكت..!!
    اهو نحن السودانيين كده يا عمك..ولكن البقاء للحقيقة ..!!
    لو كنت مكانك ، لفعلت ما هو اقسى ، في سبيل ان يبقى السودان الفضل..!!..
    فلا يغرنك الخطاب العاطفي..!!
    اشتغل مع ناس امسودان بالأرقام ، بالواقعية..حتى لو كانوا ما دايرين يفهموا.. بكرة ح يفهموا يا عمك..!!!
    كبر
                   |Articles |News |مقالات |بيانات

09-11-2016, 09:11 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    صديقنا..حسن العالم..حبابك
    كتر خيرك على الحضور هنا..
    نعم يا صديقي انا ادرى بالعقلية الشمولية وتخريجاتها العجيبة ، ولكن..!!
    اضيف ، يا العالم ، واقع افريقيا من حولنا..ليه عندها انظمة شمولية تفوق الخمس اجيال في الحكم..!!
    ليه يا حسن الديموقراطية ، بالفهم الغربي الحضاري ، لم تصمد سوى في عدد قليل من الدول الأفريقية (ارجوك لا تدفعني لتعدادها هنا)..؟!!
    السيكولوجيا الأفريقية يا حسن ، وصدقني المعيار ده مش قاصر على امسودان ، وانما ستجد له شواهد عديدة في افريقيا اليوم..!!..عندها فهمها الخاص لمجازفة الواقع..!!
    اها ياحسن: أنا كانسان افريقي ، من حقي اسالك: يعني شنو انظمة شمولية؟..لاحظ انك بتتكلم عن مجتمعات ليها ثقافاتها وتقاليدها ، التي لا تؤمن بفكرة الشمولية تلك وفقط.. مجتمعات ابونا العمدة ، ابونا الناظر ، الخ..!!
    فلنكن قريبا من الواقع يا حسن ، والقرب لا يعني الإنصياع التام ، وانما يعني محاولة جديدة للفهم..!!
    نحن نحتاج لإعادة اكتشاف مفاهيم الديموقراطية والشمولية في المجتمعات الأفريقية ، ومنها امسودان ، وفي افريقيا..!!
    كل مرة يا صديقي تذكرني باني القانوني الضليع الطاشي شبكة..!!
    نعم افهم فكرة الديموقراطية في اوربا ونورث امريكا ، وفي نفس الوقت افهم مزاج وعقل انسان افريقيا..!!
    الجابون يا العالم فيها شنوبالضبط ، ناهيك عن ثوار اثيوبيا الذين اسقطوا حكم منقستو ن ودخلوا في تجربة ديكتاتورية، تجربة اريتريا بتاعة اسياس افورقي (ديكتاتورية) ، تجربة جنوب السودان بتاعة سليفا كير(ديكتاتورية) ، تجربة تشاد بتاعة ادريس ديبي (ديكتاتورية)، تجربة جيبوتي (عفر وولاد عيسى) /ديكتاتورية، تجربة جنوب افريقيا ناس المؤتمر الوطني الأفريقي (ديكتاورية مدنية مقنعة بالباب العديل).... الخ.. تجارب عديدة..!!
    فهم الشمولية بتاع ناس اوربا ، يا العالم ، ليه ما يكون عندها فهم مختلف في افريقيا (وانت العايش وشغال في اثيوبيا..ولا القصة دي بره الحساب..؟؟؟)..
    ابدا يا صاحب ، العلاج ليس ضربا من عجز الخيال.. !!!
    العلاج ، ممكن يكون وببساطة لا يتخيلها العقل البشري الحالي..!!
    بسيطة يا العالم.. عشان تخوف ليك دولة ونخبة.. ياخي اتكلم بوضوح ودقة..والله صحي..!!
    لمن المواطن يعرف التفاصيل ، النخبة ولا على كيفها ح تركع للمواطن..!!
    اصلاح الفساد يا العالم ، مش بالخطاب العاطفي (هل تصدق امريكا صرفت اموال طائلة لأهل الصحافة في امسودان عشان يتحدثوا عن فساد الدولة السودانية ، وامريكا بلعت الموضوع ، لأنها اكتشفت انو ناس الصحافة المعنيين ، في النهاية كانوا سودانيين بحق وحقيقة ، ورفضوا يشتغلوا ضد مصالح بلدهم العليا ، الناس ديل يا العالم لفوا ولفوا ، وما قدروا يقدموا شواهد فساد بالمعايير المطلوبة دوليا ، يعني ركبوا ليك امريكا في ماسورة لمن عرفت حاجة..!!)
    هل هذا ينفي الفساد في دولة الكيزان بتاعة عمر البشير؟.. بالطبع لأ..لأن الفساد الموجود ، قلة قليلة يا العالم تعرف ملامحه وتعرف كيف ان تثبته بالمعايير العالمية.. ولكن لمصلحة منو بالضبط..؟..انا عارف الفساد ، ولن اثبته بسبب اني غاضب من الكيزان وفقط..!!

    المعالجات في مواجهة رفع الدعم ، هل تصدق يا العالم ، الوصفة التي قدمتها حكومةعمر البشير في 2013 ، كان من بعضها ، تخفيض الصرف الحكومي.. مش تقليل وزارات او تخفيض رواتب دستوريين..وانما وقف الحرب في ذات نفسها..!!
    المحزن يا صديقي ، لن تقف الحرب في امسودان..والله صحي..!!
    ناس الحكومة عملوا اصلاحات تقشف.. عارف المعارضة المسلحة عملت شنو؟..
    في اجتماعات برلين ، مالك عقار خرج بتصريح تعليق المفاوضات مع الحكومة..!!
    والحكومة من جانبها ماقصرت تب ، عملت نايمة من امر التفاوض مع ناس مالك عقار..!!
    صدقني يا العالم ، لو اعلنت الحركات المسلحة في السودان انها ح توقف الحرب.. بكرة الدولار في السودان يبقى بتراب القراش..والله صحي يا قريبي..!!
    اكبر طابور خامس لحكومة البشير : الصادق المهدي ، مالك عقار ، عبد الواحد محم نور..!!
    النظام السوداني ،يا العالم ، يدفع قروش بصورة مباشرة لناس الصادق المهدي ، المؤتمر السوداني ، الحزب الشيوعي ، مالك عقار ، عبد الواحد محمد نور ، جبريل ابراهيم.. الأ يحدث استقرار في السوان..!!!
    يعني قروش امريكا والغرب والصراع الحضاري ، العالم دي بتوجهها لمصارفها الحقيقية زي الترتيب..!!!
    هل هذي هي الإرادة السودانية الحقة؟..
    السودان يا صاحب ، لم يتم اختطافه من قبل الجبهة الإسلامية وفقط ، وانما من قبل النخبة السودانية بكل كلياتها.. النخبة التي تفرح لضرب مصنع الشفاء (كان بينتج دواء لداء السل في افريقيا..وابحث عن مأسي الأفريكان امريكان مع مرض السل في الخمسينات ونهاية الستينات ، حضرت ضربة مصنع الشفاء وانا كائن عاقل..) ، والتي تفرح لتجديد العقوبات ألأقتصادية ألأمريكية على السودان ، والتي تفرح بتقرير منظمة العفو الدولية لمزاعم استخدام حكومة السودان لأسلحة كيماوية في جبل مرة ، والتي تفرح وتبصم لدرجة انها تمشي برلين لتخرج علينا بتعليق المفاوضات مع الحكومة السودانية..!!
    هذى هي صورة امسودان كما اراها ، صورة قاتمة ، ولكن هل لي القدرة على ان اجعلها زاهية الألوان ، هل لي لدي القدرة ان اعيد اليقين لإنسان امسودن؟..
    بالطبع يا صاحب ، عشان كده لم اشارك في الحوار الوطني ، ولكني دعمته وسأدعمه بطريقتي الخاصة..!!..لسبب بسيط: لكي احرج وافضح النخبة السودانية للأخر..وهل تبقى لنا شئ غير الفضح..؟..
    وقف الحرب يا صديقي ، يعني توفير الدعم للمحروقات والدواء..ورفاهية انسان امسودان الإستهلاكي..!!!
    فهل تصدق ان النخبة السودانية المستهبلة ستوقف الحرب؟..
    عاين حداك..ناس المؤتمر الوطني ، عملوا زايغين من المفاوضات..!!
    ناس المعارضة ، مشوا برلين ، وطلعوا بقرار تعليق المفاوضات..!!
    المعارضة شغالة طابور خامس للحيكومة يا حسن العالم..!!
    فهل هذه هي نهاية الدنيا؟.. بالطبع لأ..!!
    كبر..



                   |Articles |News |مقالات |بيانات

09-11-2016, 08:19 AM

عمار قسم الله
<aعمار قسم الله
تاريخ التسجيل: 21-12-2015
مجموع المشاركات: 898

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)

    أخ كبر .... تحية طيبة ....لك ولزوارك الكرام
    يا أخي كلمة (دعم) دي مضللة جدا .... لماذا تسمي الحكومات ذلك دعما -- الحكومة تأخذ منك (مجموعة ضرائب - تحت عدة مسميات) لماذا !!! - يجب أن تكون مقابل ((خدمات تقدمها لك)) - مثلا مقابل مجانية العلاج والتعليم --- أو المساهمة في تخفيض تكلفة الخدمات (المواصلات والاٍجراءآت الحكومية - والكهرباء والماء) - المال أساسا (يخرج من جيب المواطن) - ودور الدولة هي اٍعادة المال في شكل خدمات ....لأنها لا تجود به من (جيبها) الخاص .... فكلمة دعم هذه فيها (( اٍستعلائية - ومن )) علي المواطن -....كما تخصص هذه الأموال في تحفيز الزراعة والصناعة .....
    ولو رضينا بكلمة ((دعم)) وكأننا نعيش عالة علي الدولة ..... نكون قد مكناها من سلاح قوي تستخدمه وقتما تشاء ......فحين تفشل سياساتها تلجاء الي (( رفع الدعم)) والذي هو في الحقيقة (( زيادة في الضرائب والجبايات )) ....
    لك الشكر والتقدير
                   |Articles |News |مقالات |بيانات

09-11-2016, 09:35 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: عمار قسم الله)


    الحبيب عمار قسم الله..حبابك يا زول من امسودان..حبابك يا صديق..!!
    الحبيب دي بروباقندا العاطفة بتاعة ألأنصار يا صديقي ، وليتك تقبلها مني ، ولو عندك فيها رأي ممكن نسحبها..!!
    كتر خيرك يا عمار انك جيت هنا ، كسوداني اصيل حريص على انو الحاجات تبقى واضحة.. واعتذر لك عن حدتي السابقة في حقك..!!
    اقول ليك شنو ياعمار؟.. ياخي مافي سوداني ، ود مقنعة ، احرجني مثلما يفعل عمار قسم الله..!!
    نقاطتك الإطناشر ، بصمت عليها في ذات نفسي ، وكنت داير اضيف عليها النقطة رقم طلطاشر ، وفي نفس الوكت الإتفاق التام مع فكرة صديقتي الجميلة بت ابا دكتورة مهيرة..(ناس عصيان مدني نعم ، مظاهرات لأ..).. شفت السودان ده سمح ككيف يا عمار..؟؟!!
    اتفق معاك..فكرة مفهوم (الدعم ) مضللة للغاية ياعمار..
    وعشان كده ، فكرتنا في هذا الخيط توضيح الحاجات ، الدعم ياعمار مستفيدين منو التماسيح في امسودان ، ولمن المعارضة تقول الرووب وتكورك من اجل بقاء الدعم ، هنا من حق الشعب السوداني ان يكتشف استهبال النخبة السودانية..!!..يعني المعارضة حريصة على بقاء الدعم..لي شنو؟..نحن عارفين وح نقول الحقايق للطيش..!!
    شكرا يا عمار ،
    كبر


                   |Articles |News |مقالات |بيانات

09-11-2016, 10:09 AM

عمار قسم الله
<aعمار قسم الله
تاريخ التسجيل: 21-12-2015
مجموع المشاركات: 898

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)

    أخ كبر ....تحية سودانية خالصة.... ونحنا أهل الحنية .... ومابنابي عاطفة بلدنا ......
    ويا أخ كبر .... لا داعي لأي اٍعتذار ...أنا قلتها في كتير من مداخلاتي -- أنا لا أغضب (لنفسي) .... وان اختلفنا أو التقينا في الرؤي - فهو اٍثراء للحوار .... وتبادل للأفكار .. واٍكتساب للخبرات (( وقديما قال - بوابة العلم - أمير المؤمنين علي بن أبي طالب - كرّم الله وجهه -)) - قال : (( شاور الناس - شاركهم عقولهم )) ..... وأنا أعتبر نقاشاتنا سواء احتدت أو كانت هادئة هي تلخيص (لأفكارنا ومشاعرنا)... ولقد أسعدني جدا أن أجد من نتشارك معهم المواقف الوطنية .... ونختلف ولكن لأجل الدين والوطن .
    لا أذكر اٍنك قسوت (كثيرا) ... ولكني كنت أستفيد من (النقد) - ولا أتأثر بالهجوم .... وما حملت لأخ ضغينة ولا سببت أحدا .... ولكنه المنبر .... يجمع أهل السودان - في مائدة تحمل كل الأصناف ... فكل ينهل من ما يحبه - ولكن المائدة ستبقي عامرة ....
    *** والمصائب تجمعن المصابينا .... فنحن قد ابتلينا ( بجوقة من المهرجين) صاروا حكاما في غفلة من الزمان --- نحن أشبه بعملاق منهك يجثوا علي صدره (قزم مهرج)......!!!! أليس من المغضب والداعي الي (الحنق وحتي البكاء) أن يمتنّ علينا شرزمة من (رعاع القوم) .. يقولون فسقا .... ويرمون بكل اٍخفاقاتهم وأمراضهم علينا -- دون حياء - أو وازع من ضمير .....وكما قلت أنت وقال الكثيرون ... (( الدعم هو مايدخل جيوبهم وبطونهم سحتا وكفرا )) -
    لك التحية والتقدير
                   |Articles |News |مقالات |بيانات

09-11-2016, 10:30 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9246

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)

    Quote: لم ارى اعتراض منك على مزعمنا بان دعم المستهلك في السودان هو فساد مقنن ورشوة من قبل الأنظمة الحاكمة في السودان (منذ خروج المستعمر وحتى الآن)

    عزيزي الأستاذ كبر ..
    صحيح لم اتناول الموضوعية التي حللت بها الإجراء بصورة تفصيلية ..
    ولكن نوهت لها بإيجاز في المقدمة وتقبلت نقدك على صمت النخبة المتخصصة ..
    ثم دلفت للزاوية التي غابت في التحليل ..
    الدولة السودانية أصلا نشأت وماضية إلى الآن على منهج الانتاج الاقتصادي الذي وضعه المستعمر ..
    بحيث تكون الدولة هي المخدومة وليست الخادمة ..
    شوف براك كمية الإجراءات الرسمية والعراقيل التي توضع أمامك لكي تمارس عملا حرا..
    الأزمة في جذرها أزمة إنتاج ..
    والانتاج مرهون بمزاج وإرادة موظف الدولة ..
    والدولة تسن وتتشد في اجراءات الانتاج تصديقا وتمويلا دون برنامج أو منهج يسترشد به موظفها العام ..
    لذا أصبحت الدولة هي الممول الأكبر لمعاش الناس عن طريق التوظيف ..
    إلى الحد الذي أصبح فيه طموحات السوداني الاقتصادية محصورة في محيط عطاءات الدولة ( الميري) ..
    (كان فاتك الميري اتمردغ في ترابو).
                   |Articles |News |مقالات |بيانات

09-11-2016, 12:12 PM

حسن ادم محمد العالم

تاريخ التسجيل: 04-03-2014
مجموع المشاركات: 1027

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: محمد على طه الملك)

    القانوني الضليع كبر اقولها لك من باب المعرفة والالمام ببواطن الامور والمعرفة بحقوق الانسان
    والديمقراطية وكل مصطلحات الانسنه عموما وبيننا صديق مشترك ظل علي الدوام يتفهم ماتكتب
    انت وكثيرا ما نختلف حول ما تكتب بخصوص الحوار ولدي رؤية مغايرة عما تكتب واتمني ان تتيح لنا الظروف
    زمنا لندير حولها حوار لتأتي اكثر دقة وموضوعية وبعيدا عن العاطفية كما تقول
    وبهذا المناسبه تقبل تحياتي اسماعيل محمد علي وادي
    بخصوص موضوع نقاشنا احمد لك ان نقلت الحوار الي افق اكثر اتساعا
    حول مفاهيم الديمقراطية والشمولية واستوطانها في قارتنا السمراء
    والتجوال وسميها السياحه في ربوع البلدان التي ذكرتها كثقافه بدءا من شيخ الحلة والبيت والتربية
    ده مجهود جبار وكلام سمح ياحبذا لو فتحنا حوله نقاش بهذا المسمي لتعم الفائدة
    اتفق معك تماما ياصديق حول النخب وهذا المشروع الذي ظل خصما علي مجمل السودان
    ولكن ما لا اتفق معك فيه انك بامكانك ان تفعل ليس شيئا بل اشياء كثيرة بعيدا عن الاصصطاف بلادنا الان صارت معسكرات
    والاصطفاف يعمق الازمة فاللذين ايدؤا الحوار لهم مسوغاتهم واللذين رفضوا الحوار لهم مسوغاتهم
    واذا اردنا بناء مشروع وطني للدولة السودانية لابد من تقديم تنازلات من الكل وهذا ما لا المحه في كل المشاريع المطروحه
    لذا البلاد تتأزم بين مشاريع اليمين واليساروالوسط والهامش مع ذلك دعنا نواصل الحوار بتفاصيل اكثر بعيدا عن كل المؤثرات التي
    تبقي عقبة في مواصلة المسير لعلنا نساهم بما نمتلك من رؤي قد توقد شمعة في مسار المشروع الوطني الذي نطمح ان يخرجنا بلادنا
    من الحالة التي ظلت ملازمة لها منذ الميلاد
    اجدد مودتي يا صديق
                   |Articles |News |مقالات |بيانات

09-11-2016, 04:40 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7748

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: حسن ادم محمد العالم)

    حبيبنا كبر .. مودتي ..
    موضوع دسم وكتاباتك كالعادة بعمق وتميل البحثية ..
    ما دام طولت من الكتابات التراثية قلنا نجيك برضوا في الديمقراطيات والشموليات
    والممارسات السياسية .. إلخ ، مواضيع حيوية

    واحيي الاحوان معاك على هذا الاثراء
    الأحباب حسن العالم ، والملك ، وعمار ..

    واصلوا .. ولكم التحية ..
                   |Articles |News |مقالات |بيانات

11-11-2016, 09:51 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: علي عبدالوهاب عثمان)


    استاذنا محمد على طه الملك..حبابك يا صديقي
    كتر خيرك على التعقيب..
    ما تتحدث عنه هو العموميات يا صديقي ، وذكرنا مسبقا اننا لسنا من اهل الإقتصاد ، ولكنا مواطن عادي يريد أن يفهم البيهو والعليهو..!
    الإجراءات التي فعلتها الدولة السودانية في الأسبوع الماضي هي وصفات قديمة ، والناس بتلجأ ليها طيلة الخمس وثلاثين سنة الفايتة من عمر الدولة السودانية ..الإستثناء الوحيد كان فترة سلام نيفاشا ، والتي حقق فيها ألإقتصاد السوداني طفرة صغنونة كده ، رغم حصار امريكا ورغم حروب دارفور ، ورغم قدوم اليوناميد..ثم حدث ما حدث انقسمت البلد.. والدولتين رجعن لحال بائس للغاية.. فهل ده مشاكل القوى الدولية ولا مشكلة الزول السوداني الما عاجبو العجب ولا الصيام في رجب.. شفتا نحن السودانيين فينا روح تدميرية قدر شنو؟..
    ما قلته عن دعم المنتج هو الحل الأمثل حتى اللحظة ، وتوفير السيولة الكافية او الصرف على التنمية والمنتج هو الأولوية الأهم..وهذه الأولوية لا تتحق الإ بوجود لسلام ووقف دائم للحرب..
    وقلتها سابقا: هسع ده لو حصلت أي صفقة سلام بين الحكومة السودانية والحركات المسلحة والمعارضة المدنية ، اربعة وعشرين ساعة والوضع سيتحول مأئة وثمانين درجة..!
    ولكن ، في اعتقادي ، الواجب يحتم على الناس تبصير الجماهير بمثل هذه الإجراءات وشنو المتوقع منها..قصدي الإجراءات الإقتصادية الأخيرة..!!
    مش غريب يا محمد علي شعب يثور عشان سعر البنزين أو السكر ، الرغيف زاد ، وما قادر يثور على استمرار الحرب والقوات الدولية التي تدنس التراب السوداني؟..تاني فضل لينا شنو من القيم الوطنية؟..
    هل نحن شعب بطيني لهذا الحد؟..
    ودمت..
    كبر
                   |Articles |News |مقالات |بيانات

11-11-2016, 09:52 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    حسن العالم..حبابك يا صديقي
    وكتر خيرك على المرور هنا..
    والتحية لصديقنا اسماعيل وادي ، وقول ليهو: لينا طولة يا صديق..
    وبعد..
    المفاهيم التي تحدثت عنها يا صديقي (الديموقراطية وحقوق الإنسان واضف عليها حقوق البيئة وصراع الحضارات ، نبوءة عمنا صمويل هنتنجون التي تفسر ما يحدث الآن في العالم ، وغيرها من مفاهيم) كل يا صديقي مرت بتجارب ودروس واثمان باهظة حتى صارت فئ هامل ننهل منه نحن ناس العالم الثالث ، ومحاولة انزاله على واقع مختلف تماما عن واقع المنبت الأصلي ، حتى الماركسية ينطبق عليها نفس القانون..ويمكن ان نفتح عنها حوار هادئ..!
    لا اتفق معك في مسألة اليأس يا صاحب..وهنا بتجي فكرة كيف نقرأ واقعنا ونعيد اكتشافه بصورة ايجابية..!
    الأصطفاف يا صاحب هو آلية النخبة السودانية العتيدة ، التي حولت مشروع الجبهة الإسلامية من مشروع يزعم انه حضاري الى مشروع طائفي وقبلي وعرقي ..مشروع الجبهة الإسلامية انهزم تماما وتحول الى نخبة عتيقة مثلما النخبة التي كان يزعم بانه يريد مفارقتها ايام شبابه الأولى.. وهذا حديث يطول شرحه..!
    الآن يا صديقي ، هناك قاعدة شبابية خارج الإصطفاف المصنوع ، وعندها حساسية عالية بقيمة الوطن الفضل ، فقط تنقصها القدوة والريادة والتبصير..وهي قاعدة متمردة تماما.. يعني فكرتها زي فكرة تمرد دونالد ترامب على السستم الأمريكي من الألف للياء ، والمدهش حقق انتصاره المؤقت..!
    اما التنازلات.. نعم يا صاحب موقعنا هو اختلاف جوهري مع الجبهة الإسلامية ، ولكن هذا لا يمنعنا ان نفحص مواقف الجميع ، لنرى أن الجبهة الإسلامية ، وحتى اللحظة ، هي الفصيل السوداني الوحيد الذي له قدرة على تقديم التنازلات ، وقدموا تنازلات سابقة ، وحتى اللحظة عندهم القدرة على تقديم تنازلات اكبر..فقط هناك شرط غائب..!
    والشرط هو لا توجد نخبة سودانية مستعدة حتى الآن على تفهم تنازلات الجبهة الإسلامية أو الوقوف في موقفها بتاع مثل اهلنا (البيوعقد النار بيدفاها)..أي الجبهة الإسلامية خاضتها في البداية ، ولسع قاعدة تكتوي بالنار التي اوقدتها ، وهي تنتظر فصيل في مثل جديتها ويستلم المهمة ..كلام غريب مش؟..ولكن صدقني هو الواقع..!
    النخبة التي تعارض الجبهة الإسلامية الآن ، هي نخبة شغالة بعقلية الستينات (على قول استاذنا الملك عن الدولة السودانية ، نحن نقول: نخبة دايرة الشعب يبقى ليها خدام يجيب ليها الإبريق ويشطف ليها كرعيها ، ويمسح العرق عن جبينها ، عشان تقعد تسوط سواطتها وتدي الشعب على قفاهو بالجزمة القديمة)..!
    المشروع الوطني قاعد يتخلق يا حسن طيلة السنوات العشرة الماضية ، والقاعدة فهمت جيدا ان الواجب يحتم عليها تجاوز النخب ، او الحد الأدني ان تفهم النخب مطالب القاعدة..!
    هذه الأجراءات يا صاحب ، خلق كتيرة في السودان عارفة انها زي حقنة الكينين او جرعة الكلوركين او الحنضل بمفهمومنا الشعبي.. وبرضك الناس صابرة عليها (باستثناء النخبة التي تحاول استغلالها لمصلحة خاصة زي بتاعة اسقاط النظام ، الجماهير التحت يا صاحب اتجاوزت النقطة دي من زمان ، ليس حبا في النظام ، ولكن لحسابات دقيقة واستراتيجية ، ولو مغالطني شوف كم مرة الناس بتنادي الجماهير للمظاهرات والعصيان المدني والناتج ضئيل للغاية..!)
    كتر خيرك يا حسن ، ويظل الود كما هو..
    ونحن بطنا غريقة يا صديقي ، وعندنا العقل المفتوح الذي يستوعب كل الوقائع...يعني حساب واحد زايد واحد ممكن نقبل ونتفاهم.. لكن بروباقندا..فهذا امر صعب قبولو باخوي واخوك.. وصدقني ملايين مثلنا في الواقع السوداني..
    ودمت..
    كبر
                   |Articles |News |مقالات |بيانات

11-11-2016, 09:54 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    ول ابا علي عثمان..حبابك يا صديقي
    كتر خيرك على المرور هنا..
    والتراث يظل دوما بالخاطر.. لأنو دي الحتة البنعرف نتكلم فيها كويس من غير عدوات وشناكل تطب عليك من حيث لا تدري..!!
    شغال في تلاتة اعمال ، ح تندهش كتير يا صاحب لو شفتها نفسها ومزاجها ومحاولة مقارنتو بمزاج ناس كبر في المنبر العام (اتذكر النقطة دي يا علي لو الحاجات دي مرت عليك ، عشان تبقى لينا شاهد.. لأنو ناس امسودان ديل مرات ما مضمونين)..
    النقة هنا يا صديقي ، بتقوم على مبدأ غريب: اهلك البقارة يا علي ، زمان ايام الدواس والحروب العجيبة.. ممكن قبيلة تداوس قبيلة لمدة سنة ، بيكتلوا أي قادر على حمل السلاح ، لكن عندهم قانون عجيبة: لا يقتلون الفارس ، واذا المقاتل سلاحو وقعوا ، المنتصر بيعمل نايم ويجري غادي..عارف ليه؟..عشان يدي المقاتل فرصة يشيل سلاحو الواقع ويواصل الدواس..!
    طبعا في مرات عديدة ، المقاتل الفي حالة زي دي ، بعد ما يشيل سلاحو الواقع ، بيقوم يبادل الآخرين نفس السلوك وينسحب من المعركة..!!
    دي الحتة البتشوفها في كرة القدم اليومين ديل: يعني لو فريق عندو لاعب وقع في الأرض ، الفريق التاني ما بيستغل الفرصة ، وانما بيقوم يشوت الكورة في الآوت ، عشان يدوا الفارس الواقع فرصة يتعالج ويقوم.. !
    اها نحن شغالين بنفس المبدأ: لمن الحيكومة تنفزر لمن سيفها يقع ..ح نقوم نأجل الدواس شوية..!
    لأنو الأفضل ان تنتصر على القوي بكامل قوته وعتاده بدل ما تنتصر على فطيسة..!!!

    ودمت..
    كبر
                   |Articles |News |مقالات |بيانات

11-11-2016, 10:42 AM

Kabar
<aKabar
تاريخ التسجيل: 26-11-2002
مجموع المشاركات: 16493

للتواصل معنا

FaceBook
تويتر Twitter
YouTube


Re: الدعم في السودان: فساد مقنن ورشوة من قبل ا� (Re: Kabar)


    كثيرا ما نطالب النخبة السودانية ، خصوصا تلك التي تدعي معارضة النظام بان تكون اكثر عقلانية ، وتعمل لمصلحة الشعب ، ولكن يبدو ان مثل تلك النخب لازالت تصدق بان السودان سيتم تحريره من النظام الحاكم بالشعارات والخطب القيافة والعاطفة التي ما عادت تجدي..لتأتي هي بكل خيباتها السابقة وتورثنا خيبات اكثر ، وهذا لن يحدث..!
    السياسيات التي اعلنتها الحكومة مؤخرا ، والتي عرفت بسياسيات رفع الدعم الجزئي عن بعض السلع ، او تعويم سعر صر ف العملة المحلية ، مثل هذه السياسات تظن المعارضة بانها شرارة قد تقدح زناد التغيير ، ولكن فات على هذه النخبة ، انها حتى ولو اسقطت النظام الحاكم لن تجد غير مثل هذه الوصفات لتسليك امورها الإقتصادية..ولن تجد غير تكرار تجربة شريان الحياة السابقة ، وهذا لن يحدث لأن الشعب السوداني عرف الكثير الكثير..!!
    حدود السودان الشرقية (مع اثيوبيا واريتريا قرابة الستمائة وخمسين كيلو ميتر ، حدود السودان مع دويلة الجنوب تفوق الألفي كيلوميتر ، حدود السودان الغربية مع افريقيا الوسطى وتشاد لا احد يعلمها بالضبط)..
    حديث الحدود ، هو الإشارة الى مشكلة الحدود المفتوحة وغير المنضبطة..وهذه لها علاقة مباشرة مع السلع المدعومة في السودان ، من دم قلب مواطن السودان..!
    فالنخبة التي تعارض مثل هذه السياسيات لا تريد ان توضح للشعب السودان مدى الخسران من الدعم ، سلع سودانية مدعومة ، تجد طريقها الى دول الجوار ، بمعنى ادق الدعم لا يذهب الى مصاريفه الطبيعة والتي تعني خدمة مصالح الإنسان السوداني..فهناك مافيا التهريب ، سواءا كانت بعلم الحكومة أو بجهلها ، وهي التي تعمل بدقة وخطة محكمة لتخريب الإقتصاد السوداني..فمن المسئول هنا؟.. وما هي وجهة النقد الأحق بالإعتبار: زرزة الحكومة لأنها رفعت الدعم ، ام ان الضرورة تحتم مساءلة الحكومة في التفريط؟..وهل الحكومة وحدها المسئولة عن البلد ام ان المواطن والمعارضة ايضا يشاركون في المسئولية عن البلد؟..
    لو كانت المعارضة صادقة ، لكان ضغطت الحكومة في امر الصرف الغير مبرر ، سواءا كان صرف في وزارات ومناصب دستورية وترضيات او ميزانية حرب..ولو كانت المعارضة صادقة لكان ضغط على اطرافها التي تحمل السلاح بان تتنازل من اجل الشعب السوداني وتوقف الحرب بغرض منح فرصة للجميع بالتفرغ بالحفاظ على ما تبقى من البلد وحمايتها من الأنياب التي تنتظر فرصتها للإنقضاض على البلد..!!
    هي اجراءات قاسية ، ولكن اكثر منها قسوة ولؤم اداء النخبة السادية التي تستمرئ تعذيب الشعب السوداني..!
    ستمرر هذه السياسات القاسية ، وسينحني لها الشعب السوداني ، ليس حبا في النظام او خوفا من النظام ، وانما لأن البديل اكثر لؤما من لؤم الجبهة الإسلامية..!!
    وان كانت المعارضة السودانية تظن انها تلعب على حبل نسيان الشعب السوداني ، فالتجارب علمت هذا الشعب الكثير الكثير ، ولقد تجاوز الأحابيل..ولن تنطلي عليه الحيل البائسة..!!
    كبر
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de