أكد رئيس الجمهورية عمر البشير على سودانية أبيي ، وقال « يمكن لكل سوداني أن يستخرج كل الأوراق الثبوتية من أبيي» . ووجه البشير لدى لقائه بمكتبه بالقصر الجمهوري هيئة البرلمانات السودانيات أمس الهيئة بالاستمرار في دعم مخرجات الحوار والتبشير به في كل ولايات السودان بهدف تحقيق الوحدة والتماسك وتعميق الولاء الوطني والعمل على نشر ثقافة السلام. وقالت رئيس الهيئة وفاء مكي الأعيسر في تصريحات صحافية إنه تم إطلاع رئيس الجمهورية على خطط وبرامج هيئة البرلمانات السودانيات والمشاركات الخارجية في عدد من المنابر الإقليمية والدولية، بحانب الترتيبات الجارية لإنشاء شبكة البرلمانيات الأفريقيات للسلام وإدارة التنوع التي سيتم تكوينها في السودان . الانتباهة
ابيي "سودانية " هذا يعني دينكا نقوك العندهم 9 نظارات سودانيين ايضا لماذا لا يلتزم المركز ببرتوكولات ابيي التي تخص دينكا نقوك؟؟ لماذا لا نراهم في المركز وزراء ونواب في البرلمان وفي القصر الجمهوري ايضا ..ذى د. فرانسيس دينق ممكن يكون وزير ثقافة مركزي ذى بونا ملوال زمان لمن كان بحكم السودان السودانيين او حتى وزاير خارجية لي ما ضم اللفرقة الثامنة للحركة الشعبية في ابيي الى الجيش السوداني ؟؟ اين حقهم 2% من نفط السودان؟ بالله كمونية بدرية سليمان العملتا بدل دستور 2005 ابقت هوية للسودانيين ؟؟ خلاص يجو كل الجنوبيين في السودان ايضا ياخذو جنسية مزدوجة والحريات الاربعة التي نصت عليها اتفاقية نيفاشا وتطبع العلاقات مع دولة جنوب السودان بعدين شنو نظام الون مان شو االبشير قال البشير سافر الباشير جا..نحن ما مصريين وده نظام مصري منتهي دولة الراعي والرعية والريع والرعاع هذه الاشياء مسؤلية المحكمة الدستورية العليا وهم تسعة قضاة عايزين برضه واحد من دينكا تقوك... البشير والاخوان المسلمين يجرون السودان نحو الفوضى والهاوية ..والزمن بينا
شكراً باسط ، الفاضلابي، عادل أمين على المداخلات القيمة بس حقو الناس ما تخلط الاشياء .. عشان حلايب يعني نخلي أبيي ؟؟ ما كله وطن واحد وللا عشان ابيي يوجد بعض الحلفاء للحركة الشعبية والمتعاطفين معها لا يعجبهم أن تكون ابيي سودانية!!!
منو القال انا ما عاجبني انه ابيي تكون شمالية انا سعيد انو دينكا نقوك جنوبيين شماليين..لكن ما سعيد لانهم ما زالو مهمشين من كمونية المركز التي لا تمثل احد في السودان خليك من ابيي ابيي =منطقة دينكا نقوك= ناس وانفصال الجنوب سببه مشروع منبت "الاخوان المسلمين " وناس منبتين"ناس الخرطوم" ربع دماغ ما قاردين يستعوبو السودان اولا وما قادرين يستوعبو البرنامج السوداني البتغطي مليون ميل مربع وقاعدين تحت جذم المصريين الاكثر منهم بلادة حتى اليوم ويجيبو لينا في المشاريع المصرية الغبية والمنتيهة الصلاحية عبر الانقلابات ويفرضوها علينا بالقوة ويقعدوا في رسانا لي يوم الدين ..شنو السودان كله تم اختزاله في البشير فقط؟؟
يا أخ عادل أمين سلام .. شنوحكايتك مع مركز وهامش دي؟؟!! مافي حاجة اسمها مركز وهامش .. توجد عواصم وحواضر وريف وبادية .. يعني إنت ناس الريف القاعدين في الولايات والغابات والكراكير والبدو في الصحارى بتعتبرهم هامش؟؟!! منو القال ليك؟ عشان ماعندهم موية وكهربا وخدمات زي المدن؟ ياخي ديل ذاتم شايفين ناس المدن ما عايشين لأنه حياتهم البسيطة الطبيعية عاجباهم ونشأوا عليها منذ آلاف السنين وبشوفوا حياة المدن مصنوعة تقصر العمر.. كل ميسر لما خلق له ياخي.. انت قايلهم بفكروا بعقليتك إنت زول المدن ؟ يعني الما لاقي خدمات المدن ما عايش ومهمش كمان؟؟؟.. وللا إنت عارف الكلام ده وبتزايد بقضية أصلاً ما موجودة على الأرض والواقع؟؟!! .. يعني زي الناس البخاطبوا بيها المجتمع الغربي المترف!!.. ياخي حتى الغربيين بحبوا حياة الريف على المدن لجوه وجماله الطبيعي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد بشير عبادى
باسط المكي
عبدالعزيز الفاضلابى
adil amin
انستقرام
يوتيوب
بنتيريست