منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-20-2017, 00:31 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الأصدقاء الجميلين والصديقات الجميلات.أهل قلبي و آهٍليهِ(رسالة امانى حدو)

03-14-2017, 01:04 PM

معاوية عبيد الصائم

تاريخ التسجيل: 06-09-2010
مجموع المشاركات: 0

للتواصل معنا

FaceBook
تويتر Twitter
YouTube


الأصدقاء الجميلين والصديقات الجميلات.أهل قلبي و آهٍليهِ(رسالة امانى حدو)

    01:04 PM March, 14 2017 سودانيز اون لاين
    معاوية عبيد الصائم-
    مكتبتى
    رابط مختصر

    الأصدقاء الجميلين والصديقات الجميلات.....أهل قلبي و آهٍليهِأهلي و أفراد أسرتي ....أنا بخير و الحمدلله وفي تحسن…شُخصت حالتي في يوليو( 2016) بسرطان القولون و المستقيم (Colorectal cancer) خَضعت لعٍلاح كيماوي و إشعاعي ومن ثم جراحة استئصال ورم و اخضع الآن لعلاج كيماوي مرة أخرى, كل اسبوعين جرعة (وما ادراك ما الجرعة)...مياه كثيييييرة مرت من تحت الجسر وستمر مياه اكثر لا محالة طالما نحن هنا.. و للحلم بقية...ما اوّد قوله هنا انو في صورة نمطية لمريض السرطان (و لحدما هي حقيقة لكن لحالات محددة). يتبادر للذهن حال سماع كلمة (كانسر) (للغالبية العظمي وكنت انا منهم لحدي قريب) انو مريض الكانسر معلول الصحة... وهنان شعرو مافي عيونو غايرة وسهتان وكملان من العافية (دا ما يمنع في بعض الاحيان علي حسب نوع ومرحلة المرض و وبنيان الجسم للشحص والعمر قد تظهر بعض او كل هذة الاعراض مُجتمعة) ....وبرضو قد يمر المريض اثناء رحلة علاجه ببعض او كل هذة الاعراض لكن لفترات محددة ومن ثم يرجع لي وضعو الطبيعي. ..لكن النصيحة غالبية الناس اللاقيتهم حلوين حلا وجميلين ومليانين صحة و إبتسامات ولابسين بنفسج كمان (ودا غيّر مفاهيم كتيرة في ذهني حول المرض)...المهم يا اصدقائي اثناء رحلتي نحو الشفاء التي لم تكتمل بعد( ربنا يسهلا وتخلص على نجاح) ما جعلني اصمد واتماسك و اواصل في سكة العلاح السخيف الثقيل دا وجودكم حولي....بيوت جميلة واصدقاء حقيقيون مليانين ريد وغنا إحتوني وسندوني في اول فترة اكتشاف المرض ساندوني بقوة و ملوني محبة وقوة... وجود اصدقائي حولي و تتابع زياراتهم المُنسق الدقيق قاطعين بحور ومسافات ومقتطعين من جهدهم ومالهم و زمنهم الغالي وزمن اولادهم عشان يزوروني و يقدمو لي الدعم الانا مُحتاجاهو بحيث أنني و منذ تشخيص المرض دايماً ما يلازمني احدهم في محبة باينة و ودّ مقيم...قدر ما اشرح و اسهب في وصف شعوري ازاء تواجدكم والتفافكم هذا لن استطيع ان اوفي و اشرح... شعور اشبة بالتحليق في سموات من الرضى والحبور...اي (كانسر) يستطيع الصمود امام فيوض المحبة هذه اي مرض يستطيع الثبات امام جيوش الود وابتسامات الاصدقاء و وجودهم بجوارك...حدثني طبيبي السوداني المقيم بالامارات...انو مبسوط من روح التضامن والترابط دي ايما انبساط..و انو بعد ما قابلكم وشاف الود والمحبة والمراعاة والاهتمام... اثناء ايام العملية وزياراتي الاخري له انو غيّر رايو تماماً و بقى عندو امل كبير انو الشباب لسه بخير(شفتو أثركم المعدي الايجابي علي الآخرين؟؟؟)...عندي ونسات كتيرة معاكم لابد تتواصل ومشاوير وشاي بالقرنفل و وضحك و قرقراب وخستكات ما برضى غير اني أكملها معاكم... كل تلفون او مسج او زيارة او استيتوس في الفيس بوك عندي اشبة بقطرات مطر على ارض قاحلة... أستقبلها بشوق ولهفة وحوجة شديدة وبتعني لي حاجة كبيرة شديد (النبي ما توقفو ) و انا ماشة في سكة العلاج ورغم سخفو و عباطتو...لكن ما حفر عميقاً بقلبي ودعمني بشكل لا ُيوصف ..زيارات و تلفونات و مسجات و رسائل ورسومات اولادكم...ياخ دي محبة طاااازجة ومتصله ومتواراثة حُب مُعنعنْ وموصول والد عن ولد تلفون( عبدالوهاب معز) وهو يتمني لي الصحة....و سلام بنيات سارة تاج ...زيارة( حسن سردوب )ولد تقوى واحمد ومناغاته وجميل هدهدتو...زيارات( احمد اسعد) ولد مني المُتصلة... سلامات المحبة والاحضان من اولاد يوسف ومني حامد ...سؤال( احمد وسما) اولاد سحر و معتز و موانستهم لي ايام وجودي معهم اثناء فترة علاجي الاولي ...زيارة (قدال) ولد رحاب ومحمد وجمال ابتسامتة وذكاء حضوره...تلفون (هيلا وامير) اولاد كدودة ومايسة...رسالة ورسمة( موشا) بت توسل وعماد وتحايا (باسل) ومحبته.. قبلات وتحايا (مريومة) بت شيراز وحاتم ورسمة بدوري.....زيارة اولاد وفاء وشوقي ..و سعادتي بوجودهم وقصصهم و جمالهم جنونهم وشغبهم الجميل و انجليزيتهم الملخبطة بالسوداني (خففتو علينا البيت كيف....؟؟؟) و زيارات (مايا وزين) اولاد رانيا ومرتضي الاسبوعية وصبر(مايا )علي نسج الطاقية باناملها الصغيرة وبهذا الود ...الطاقية الملونة ال لّونت لي روحي بيها..الف شكر يا (مايا) يا حديقة....زيارة (عصومي ونصوري) اولاد منال قضل الله ...وابتسامة و صبر( نصوري) الانا استمديت منها القوة.....زيارة( مرهف) ولد اريج و معتصم... وزيارات اولاد صفوة وفتوح.. زيارات اولاد رباب صلاح ومصطفى و ويارة أولاد مبارك الجزولي... وكل من لم تسعفني الذاكرة بتذكره الان الّا ان وجوده و دعمه ساعدني وبقوة في رحلتي نحو التعافي ...ثمة علافات تكونت في هذة الفترة نتيجة لتشابة ظروف المرض او لوجدوهم الفيزكلي في تلك الاثناء...حمو وزوجتو من المغرب العربي ...سبقني في اكتشاف مرضه ومن ثم في العلاج والشفاء (لي فالو) ...زارني ليشرح لي ويدعمني ويقدم الLessons learnلو يعلم أثر زياراته هو و زوجتو والصغير سعد.....وليد النقر وسؤاله المستمر ونصايحه و زياراته...ثم قروب محاربين محاربات... وقروب (حدّو) الذي آنس ليالي المستشفي الصعبة ...اطبائي الذين تعدت علاقتي بهم الي اكثر بكثير من علاقة طبيب ومريض...لتصبح علاقات دم و أهل.. (د.عبدالرحمن) Abdelrahman Osman الذي يعاملني بود كبير و وجوده المُطمئن دايماً لي ولأًسرتي. (د. إيهم) و جميل دعمه وطِبابته.(د.مُبشر) Mobashir Ganiصديقي واخي الصغير مُمتنة لصدفة وجوده تلك الليلة نبطشي ..ماعارفة لو ما كان مداوم اليوم داك انا كنت حأنجو كيف؟؟؟...ما حاعرف اشكرو غايتو ...عشمي انو عارف انا واصدقائي واهلي و الكون بنريدو قدر شنو😍😍- تعبتا جداً في الفترة الفاتت دي جسدياً ونفسياً (و لا ازال) الاً ان اشد ألم إختبرته كان وفاة (سالمين)...شق علي الامر كثيراً ..اذا ان رسائله مازالت طازجة وصوته مازال يرن في أذني يسأل عن صحتي ويشد من أزري ويمدني بالقوة .. ألف رحمة و نور تغشاك يا طيب يا ابيض القلب يا سليم النوايا ويا جميل الروح.- تحت الطاقية دي في صلعه عظييييمة قادمة وبقوة (الله لا كسبها)...المهم كل الناس القالو لي حنحلق معاك صلعة وشنو وشنو انا حاااااااافظه كلامهم وحماسهم .... ف شنو انا شايفة تبلو راسكم غايتو😂😂امانى حدو

    (عدل بواسطة معاوية عبيد الصائم on 03-14-2017, 01:17 PM)

                   |Articles |News |مقالات |بيانات

03-14-2017, 01:17 PM

عباس الدسيس
<aعباس الدسيس
تاريخ التسجيل: 10-11-2012
مجموع المشاركات: 3333

للتواصل معنا

FaceBook
تويتر Twitter
YouTube


Re: الأصدقاء الجميلين والصديقات الجميلات.....أ (Re: معاوية عبيد الصائم)

    ربنا اشفي الاخت اماني
    وانشاءالله تقوم بالسلامة
                   |Articles |News |مقالات |بيانات

03-14-2017, 01:22 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 4861

للتواصل معنا

FaceBook
تويتر Twitter
YouTube


Re: الأصدقاء الجميلين والصديقات الجميلات.....أ (Re: عباس الدسيس)

    أسال الله ان يشفيها وجميع المرضى
                   |Articles |News |مقالات |بيانات

03-14-2017, 01:28 PM

Basamat Alsheikh

تاريخ التسجيل: 08-15-2015
مجموع المشاركات: 1922

للتواصل معنا

FaceBook
تويتر Twitter
YouTube


Re: الأصدقاء الجميلين والصديقات الجميلات.....أ (Re: ناصر حسين محمد)

    ربنا يشفيها ويمتعها بالصحة والعافية
    والشفاء من عند الله سبحانه وتعالى...
    وما الامراض الا ابتلاءات ...ودائما بعد الكرب فرج..
                   |Articles |News |مقالات |بيانات

03-14-2017, 07:37 PM

sadig mirghani

تاريخ التسجيل: 03-03-2014
مجموع المشاركات: 2260

للتواصل معنا

FaceBook
تويتر Twitter
YouTube


Re: الأصدقاء الجميلين والصديقات الجميلات.أهل (Re: معاوية عبيد الصائم)

    ربنا يديك العافية
                   |Articles |News |مقالات |بيانات

03-14-2017, 07:57 PM

احمد حمودى
<aاحمد حمودى
تاريخ التسجيل: 01-11-2013
مجموع المشاركات: 2608

للتواصل معنا

FaceBook
تويتر Twitter
YouTube


Re: الأصدقاء الجميلين والصديقات الجميلات.أهل (Re: sadig mirghani)

    عاجل الشفاء للاخت امانى
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de