أمكن اكون خسران عمر لكين ربحت روحي العزيزة دي

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-10-2018, 06:50 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-11-2016, 01:56 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 19697

للتواصل معنا

FaceBook
تويتر Twitter
YouTube


أمكن اكون خسران عمر لكين ربحت روحي العزيزة دي

    00:56 AM November, 16 2016

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر


    تعال كدي نشوف خسائر عمرك لحدي نهاية الشهر دا شنو !#
    كنت قاعد بمزاج في أمسية قاهرية بقهوة عميق المساحة وكمان دافية ومعي مجموعة مثقفاتية من ممثل مسرحي لرسام لقاص لروائي ما مشهور لشاعر بتاع أغاني ثورية لواحد مزعج جدا قال هو بداية مشروع لمفكر قلنا بدل الالم والازعاج اللقب دا أساسا ما مشكلة أنشالله تبقي قدروا وخليك تعال للمحامي المعارض دا محكمة في السودان ما وقف فيها يترافع ولا بقي مساعد محامي كبير عشان يتعلم أسرار المهنة ويكون ضليع بس كدا خريج قانون محامي غير عماد الفحيص قال هو دكتور باحث ما تزعل ومالو خليك باحث عن المال بدل الجراثيم و زاتو تجمع فيهو الجماعة ديل حقيقة هم من عجائب أيامنا دي كمية بتاعت أوهام وصراعات هوائية ما عندها أي معني تبدأ من قالوا قداسة الهوية الاثنية الي مشروع المثقف الوطني وكيفية أدارة للوطن وتعال أسمع كلام شيء نغيم فاهمك يا أم زين دواي ولوعة قليب ثوري باكي شيء عبارات بلغة أولاد جون في كل الاحوال بتكون مقطع من فلم حقير لممثل مغمور في نيويورك بالبورد واي أو شعر فرنسي غاتتو بفهم شوية فرنسي لكين الماني داما معي أساسا لانو قالوا لينا زمان الالمان ديل ناس حديد ساي لكين الغريبة في قبائل المثقفين الحالية تلقي بعضهم مفتون باللغة الدتوشية ما عارف السبب شنو أظنو ياربي دا أستلاب حضاري
    من هجمة الكيزان وبقايا طلقاء الحضارة الاسلامية علينا ولا شيء جديد وموضة فاتت العبد لله ما عليك أنت يا أبو الزهراء متفردة في حاجات كتيرة أهمها قادر تعيش في الاسافير وطواط ليك الان زي عشرين سنة لسع بتفرفر وليك حضور ليك ناس عماد الباحث وهثيم مناضل الحقوق المدنية وتهاني الرسامة تعرفوا الرسامة دي نقاش ذوقو راقي بتختار الالوان بحس الفنان لكين كنت قامت شرحت اللوحة أنت ح تموت بالسكته الدماغية وعليا بتاعت الفكر الجديدة أيوة دي ملحدة عديل وكافرة كمان وعندها مدونة مش تدخل النار ح تكون زي هند بنت عتبة أكلة كبد سيدناحمزة بن عبد المطلب المهم تعال شوفوا الشاعر الثوري بتاع التفاعيل رهيب خاصة لما ربنا يجمعوا بساعة صفاء معنا والمفكر الواعد حسام أسمو جميل والله حاولت معه أنو يكون أي حاجة غير مفكر لأنها مهمة مربوطة بالفقر والنحس والنهاية مجنون بشهادة من كبار قادة الالوان الفكرية المعاصرة برضو زولك رفض وأصر أنو مفكر واعد
    تعرفوا جمال القاهرة في الحيوية الثقافية اللي فيها لكين برضو
    فيها نماذج بشرية كدا بتحس أنك وسطهم أظرف المجانين وأخفهم روح وأقلهم أستهلاك للمكيفات والمسكرات وكل ما يغيب
    العقل والحضور الانساني المعقول والله جنس أشكال وكميات شعور غير محلوقة ودقون كريه وملابس رثة وكان مشيت الشقق
    يا رحمان يارحيم أللطف بعبادك بس منهم
    تعرفوا نحن جيل ما بعد السودانة عمل فينا عمايل ورثنا منو حب الذات المثقفة والهووس بالثقافة
    لكين دورنا شنو في حياة ؟
    ولفايدة منو ما معروف ؟
    وكمان قصة أنو أسلامي وأنت علماني وأنت قبائل ما عربية لا افريقية وما كانت فلسفة عميقة بي الافارقة ديل شوفوا الخواجات وجابوا المفاهيم الجديدة من هنا كمان القومية العربية عشان تقول لواحد أن عربي ولا أفريقي لماذا تفقد وقارك ويقولوا انتو ممزقين عشان أبادمكا والساحل والصحراء كلام جن كدا
    يا جماعة هنا في جيل من شباب في حالة ضايع فكري ما بصدقوا لو قلت أنو بعضهم بيتكلم عن البطل علي عبداللطيف وما عارف وين سقط شيهد في الخرطوم العاصمة والقرشي قتلوا الانجليزي والاحزاب التقليدية من ممارسات الماضي والطائفية السودانية ما حقيقة ولا صراع خضه المثقفين عشان الخلاص من الهيمنة الفكرية لتجار الدين وهم الكيزان ديل أمتداد طبيعي للطائفية والكيزان كان أهم شيء يتحقق وهم أختراق الطائفية لانو أنصارها كتيرين
    عشان تعمل للناس سنوات تكوين وتدخل منظومة الحياة العامة بس تخدم في الاستنارة هم في حدا ذاتم مشكلة قلت يا أبو الزهراء أنت زول أخرة بقيت وممكن في أي وقت ترحل من العامرة لدار القرار أتعايش معهم بس برفض شديد للفوضويةدي اها حسي بحاول والله كان في المواصلات تعاني في النقاش الحر تبكيي كدا لحدي ما تقول دي عمايلنا في صغارنا !
    المهم انا كنت بسال عن حجم الخسائر في العمر والله بصراحة
    كدا أخير مني التاجر الاعلان تفليسه ولا قاعد لحين السداد حسي أنا بقيت في متطلبات أخر العمر والخسارة أنو العمر يمشي لا تكون مشروع أنسان يقدم للاخرين شيء ولا المجتمع يستفيد من وجودك أظنها يا رفاق لعنة قديمة مصاحبة المثقف الحر ينكوي كدا بنار الصراعات ويموت ولا يحقق نصر لانو سيف خشب وعندو حصان والمحموعة الفكرية حقتو ما مؤمنة بالصلاح الفكري الذي جاء به في زمن عتوة الدولة وبركات الامام وفاتحة شيوخ التعدد ومتعة النكاح
    ضلمت خلاص والشارع أصبخ خلا
    لا الفجر بيولد ضيا جا والحلم القديم
    بنيت عليهو أفكاري قريب بالحيل
    ما خلاص عمرا أنقضي بالحنون
    ولا عمرا يطيب ليك يالخنوع
    ما قلت ليك خلاص القصة باظط
    لكم كل الود أصدقائي شباب القاهرة لكم كل التحيا وأنا علي مشارف مغادرة لا أعلم الي أين تفضي بي ولكم مني بحق كل الامتنان لقد كنتم خير الرجال وأنبل الرفاق معي !!#
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de