منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 21-11-2017, 02:08 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أبو القدح، شنوا أشيبي (بتصرف)

06-02-2017, 05:20 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


أبو القدح، شنوا أشيبي (بتصرف)

    05:20 AM February, 06 2017 سودانيز اون لاين
    mustafa mudathir-Canada
    مكتبتى
    رابط مختصر

    - أنتا أبو القدح دا، يعني ما لقى زول يقول ليهو؟
    - يقول ليهو شنو؟
    - يقول ليهو المسألة ما قدر كدا يا خينا، والتأقلم أحسن من ال بتعمل فيهو دا.
    - تأقلم شنو يازول؟ دا شايلا تقيل شديد.
    - هسع تشيل منو القدح دا يقولو ليك جريمة وحقوق حيوان وبتاع.
    - افتكر إنو عمل عملة في الماضي السحيق وما مصدق إنو ما اتعاقب عليها.
    - ياخي اليوم ديك واحدة أم قدح، يعني الانتاية، إتقلبت فوق ضهرها، وقعدت تفرفر لما جا أبو قدح قلبها.
    - أبو قدح؟ يعني ود حلة ساكت. حسع لو ما كان جا؟
    - لا هو جاها جاري والله، شهم يعني. قام فقعوها ضحكة والونسة استمرت.
    - إتخيل أنتاية أبو القدح تكتشف إنها ما جابت قدحها معاها للحمام فتقوم، لأنو مافي زول في البيت، تاخد الجرية
    ملط من الحمام للأوضة. قادر تتخيل شكلها كيف؟
    ضحك صاخب.
    - أها والشافها منو؟
    - الكلب. كان راقد فوق الحيطة وأصدر نفس الصوت البيطلع منو لما يكون زهجان.
    ضحك متواصل لغاية ما دخلت عليهم خجيجة وغزت كوعها في الضلمة وكان معاها بت صغيرة وكانت السيجارة قد ماتت من الضحك.
    - دي بت منو يا خجيجة.
    - انتو تضاحكو مبسوطين وأنا الصداع عايز يكسر رأسي. دي بت عاتقة. خلتها عندي عشان هي ماشة عرس.
    - حلاتا. كيفك يا شابة؟
    - هاك عليك الله نومها لي أنا ما فاضية ليها.
    - تعالي يا حلوة. صلاة النبي. تعالي. تأتيه البنت الطفلة على استحياء. يضعها في حجره ويقول لصديقه.
    - بالمناسبة شنوا أشيبي عندو قصة عن أبو القدح أنا ح أنوم بيها البت دي الليلة. ويضع البت على السرير ويبدأ وهو جالس على كرسي في سرد قصته.
    أها الطيور كانوا معزومين وليمة في السماء. ففرحوا بالعزومة وابتدوا يستعدوا فمسحوا جسمهم بالزيت الملوّن ورسمو عليهو زخارف جميلة.
    أبو القدح، مكّار جداً، شاف الحاصل دا وقعد يفكر. حقيقة أول ما سمع بالعزومة بدا حلقه ياكلو. وكانت أيام مجاعة، يعني زي ليهو شهرين ما أكل
    وجبة سمحة. وجسمه ابتدأ يكركب زي الخشبة الناشفة جوا القدح. عشان كدا فكر يخطط للعزومة ال في السما دي.
    قامت البت قالت: لكن هو ما عندو جناحين؟
    - طيب ما تصبري. ماهي دي القصة ذاتا. أبو القدح قام مشى للطيور وطلب منهم يخلوهو يمشي معاهم.الطيور قالوا ليهو: ياخي بنعرفك كويس،
    إنت زول مكار وما بتحفظ الجميل، لو سقناك معانا ح تقوم تستهبل علينا.قال ليهم: لا لا، إنتو ما عارفين. أنا ما إتغيرت ياخ. إتعلمت إنو من عمل
    حفرة لأخيه وقع فيها.ولانو أبو القدح كان لسانو حلو، شوية شوية، الطيور إقتنعت إنو إتغير فقامت كل طيرة أدتو ريشة عشان يعمل جناحين.
    في يوم العزومة الطيور كلها اتلمت في مكان واحد عشان يتحركوا مع بعض. أبو القدح كان أول زول وصل. ولما الباقين وصلوا قاموا طاروا
    كلهم في شكل واحد. أبو القدح كان فرحان وسطهم و لأنو كان خطيب مفوّه اختاروهو متحدث بإسمهم. قام وهو طاير وسطهم قال ليهم: في حاجة
    لازم نتذكرها. الواحد فيكم لما يتعزم عزومة زي دي مفروض يقوم يغير اسمه عشان المناسبة. ضيوفنا في السما بيكونو متوقعين إننا نراعي التقليد
    دا.طبعاً ولا واحد من الطيور كان عارف إنو في تقليد زي دا لكنهم اعتبرو أبو القدح صاحب خبرة وسافر كتير وبيعرف العادات والتقاليد بالرغم
    من إنو سمعتو في مناسبات تانية ما كانت طيبة. فقام كل واحد غير اسمه وأبو القدح سمى نفسه كلكم.أخيراً وصلو السما وأصحاب الدعوة فرحوا
    بجيتهم ووقف أبو القدح بثياب ملونة وشكرهم على الدعوة. وكانت خطبته جيدة لغاية ما الطيور كلهم فرحوا بكلامه وقعدوا يهزوا ريسينهم ويعاينو
    لبعض مبسوطين. كبير المضيفين إفتكر إنو أبو القدح هو ملك الطيور خاصة لأنو شكلو كان مختلف عن الباقين.وبعد توزيع جوز الكولا ناس السما
    قاموا رصو أكل كتير، حاجات ما شافها أبو القدح حتى في أحلامه.الحساء والشوربات اتقدمت ساخنة من نارها وفي نفس الماعون اللي اتعملت فيهو.
    وكانت الشوربة مليانة باللحم والسمك. أبو القدحقعد يتكرف بصوت مسموع. بعدين كان في يام دقوقة، بطاطا حلوة، ويام مطحون مطبوخ بزيت الجوز
    وسمك كتير. وبرضو كان خاتين كناتيش مليانة بالمريسة. ولما كل شيئ بقى جاهز، تقدم مندوب من أصحاب الدعوة وضاق من كل أكل شوية ثم دعا
    الطيور للأكل لكن أبو القدح نطا وسأله: لمنو الأكل دا كلو اتعمل؟الراجل قال ليهو: لكلكم.قام ابو القدح اتلفت للطيور وفال ليهم: طبعاً انتو عارفين
    اسمي، كلكم. والتقليد هنا إنو البياكل في الأول هو المتحدث الرسمي والآخرين يأكلوا بعده. فهم ح يخدموكم بعد ما أنا آكل. وبدا ياكل والطيور يعاينو
    ليهو زعلانين. ناس السما كانوا قايلين دي العادة انو يخلو الأكل كله للملك. وهكذا أكل ابو القدح أحسن الطعام وشرب بخستين من مريسة الجوز. لغاية
    ما اتملى وجسمه ملأ القوقعة حقتو. بعد داك الطير اتلمى ياكل البواقي ويمصمص في العضام ال رماها أبو القدح وبعض منهم ما قدروا ياكلو من الزعل
    واختاروا يطيروا راجعين بيوتهم على الجوع. لكن قبل ما يطيروا كلو طيرة قلعت ريشتها من أبو القدح وزولك وقف منفوخ من الأكل والشراب لكن
    بدون جناحين يطير بيها راجع. قعد يحنس الطيور إنو يوصلو منه رسالة لأهل بيته لكن الطيور رفضت. لكن بعد تحنيس ورجاء الببغان اللي هو كان أكتر
    واحد زعلان في الطير وافق فجأة انو يوصل رسالة أبو القدح لزوجته. قام أبو القدح قال ليهو:
    - قول لمرتي تطلع كل المراتب والمخدات كلها ولساتك العربات كلها ال في البيت وتردمها لي في الحوش عشان أتلب فيها من غير ما أتعرض لخطر.
    الببغان وافق يوصل الرسالة لزوجة ابو القدح وطار. لكنه لما وصل بيت أبو القدح غير الرسالة وقال لمرة أبو القدح:
    - أبو القدح قال ليك طلعي كل الحاجات السنينة وبتجرح زي السواطير والسكاكين وأب راسين والعكاكيز وختيها في الحوش.
    أبو القدح لما عاين لتحت من السما شاف مرتو بتطلع في حاجات لكن لأن المسافة بعيدة ما قدر يفرز الحاجات ال طلعتها دي شنو. أها لما كل شي بقى
    شكلو جاهز ابو القدح قام تلّب. ووقع.
    وقع، وقع لغاية ما خاف انو أصلو ما ح يقيف من الوقوع وبصوت داوي سقط في حوش بيته المليان بالموجعات.
    البت سألت:
    - أها، مات؟
    - ما مات لكن قدحه اتكسر حتة حتة. ومرته فكرت وفكرت. الحلة كان فيها بصير أشتر كدا لكن تسوي شنو مافي غيره. قامت رسلت يجيبوهو ليها.
    لكن لأنه أشتر ما عرف يلم القطع زي الناس فقام لصقها بأي طريقة.
    البنت أخدت ليها صنة كدا وقامت سألت:
    - عمو، صحي أبو القدح بعد داك اتزوج فوق مرتو كذا مرة لأنو مافي زول قدر يعرف عمرو كم؟
    الراجل وصاحبو فقعوها ضحكة.-
    ----------
    المصدر:https://yamustafaya.blogspot.ca/2017/02/blog-post.htmlhttps://yamustafaya.blogspot.ca/2017/02/blog-post.htmlhttps://yamustafaya.blogspot.ca/2017/02/blog-post.htmlأبو القدح

    (عدل بواسطة mustafa mudathir on 06-02-2017, 06:02 AM)
    (عدل بواسطة mustafa mudathir on 06-02-2017, 06:14 AM)

                   |Articles |News |مقالات |بيانات

06-02-2017, 08:50 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8545

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    متعة والله يا درش
    رغم إنه، كالعادة طبعاً، في مغزى من ورا القصة
    بس ما وقع لي والله..
                   |Articles |News |مقالات |بيانات

06-02-2017, 10:20 AM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7257

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: بله محمد الفاضل)

    Quote: ياخي اليوم ديك واحدة أم قدح، يعني الانتاية، إتقلبت فوق ضهرها، وقعدت تفرفر لما جا أبو قدح قلبها.
    - أبو قدح؟ يعني ود حلة ساكت. حسع لو ما كان جا؟

    البسمع فيهم يا أبومروّة" بي قدحو" ينط من جوّة!
    كيف يعني لو ما كان جا؟
    بعدين غطي قدحك دي ما جات من الموقف ده. ههههههههه
    بصراحة عجبني الكلام الفي الاقتباس ده.
    حمدا لله على السلامة، مصطفانا.


    محبتي
                   |Articles |News |مقالات |بيانات

06-02-2017, 06:35 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: بله محمد الفاضل)

    سلام كتير يا بله
    القصة بتحاول تلقى سبب لكونه قدح أبو القدح دا مكون من أشكال غير منتظمة.
    الناس بيعرفو عمر أبو القدح بأنو يعدوا الأشكال دي.
    السؤال هل دي قصة بتنوم ليها شافع في الزمن العلينا دا؟
    القصة وردت في رواية الأشياء تتداعى لشنوا أشيبي.
                   |Articles |News |مقالات |بيانات

06-02-2017, 11:00 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    ليك وحشة والله يا فاتح
    ومرة مرة بنقرأ ليك حاجات تفتح النفس.
    طبعاً المنبر اتغير كتير وتقلصت الكتابة الابداعية
    وزادت الكتابة الدينية.
    أشيبي في روايته الأشياء تتداعى يوفر كنز ضخم من المعارف والحكم.
    كلها من بيئة لم تعرف الأديان لكنها عرفت الحكمة والأخلاق.
    المهم أنا قصدت اضافة حجوة للناس العندهم شفع عايزين ينوموهم بس
    هم يتصرفوا شوية لأني أضفت حاجات ما حقت أشيبي.
    إلى لقاء وأنت نوعي في مداخلاتك، لا عدمناك.
                   |Articles |News |مقالات |بيانات

06-02-2017, 11:58 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8045

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    سلام يا مصطفى يا رايق هههههه
    شنوا اشيبي ده شاطر جدا في توصيف الاكل. اكل غرب افريقيا التعبان داك لما تقرا
    وصفه تقول الله يضوقني.
    ابو القدح الevolution بتاعو شكلو وقف من حوالي ملايين السنين و كمان يبدو انو التفضيل الجنسي
    بين افراده تعبان..يعني اي كلام و السلام عشان كده برضو يبدو انو الانتقاء الجنسي برضو ما اشتغل.
    ده كلام ساكت عموما و يمكن يكون علميا ما صحيح :)
                   |Articles |News |مقالات |بيانات

07-02-2017, 08:20 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: سيف النصر محي الدين)

    سلام دكتور سيف، مشتاقين.
    رايق وين ياخ؟ ما في روقة.
    إذا قصدت إنو الموضوع ما قدر همه فدا كلام صاح.
    أنا راجل غلبان ياخ.
    أحاول أن أجيب ونسة ولا حاجة كدا،
    بعدين أنا ما فكرت في تخلف السلحفاة التطوري،
    ولكن في الحوار الأولاني قبل (القصة) أنا أشرت لشيئ زي دا
    وما كان قصدي برضك، عشان بقول ليك أنا زول غلبان.
                   |Articles |News |مقالات |بيانات

07-02-2017, 09:51 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 8550

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    Quote: أنا راجل غلبان ياخ.
    أحاول أن أجيب ونسة ولا حاجة كدا

    مين قال ليك ؟
    القصة متروسة عبّر ..
    الطيور على الرغم من أصالتها في الطيران وتميزها عن أبو القدح بهذه الخاصية ..
    لكن ثقتها في تميزها معدوم إلى الحد البشوفن أبو القدح بجسده الضخم متفوق عليهن ..
    ولإنهن طيور فعلا ..
    وفاقدات الثقة مستعدات يريسو عليهن أي قدح عندو حنك سنين ..
    ويملكنو أفضل خاصيتهن ..
    حتى لو كان دنى وخائن وبطيني ..
    بس المهم البنية العايزين يخموها خمتم ..
    حجيتك ما بجيتك ..
    التحية لك ولزوارك وبركة الشوفة.
                   |Articles |News |مقالات |بيانات

08-02-2017, 01:52 PM

طه جعفر
<aطه جعفر
تاريخ التسجيل: 14-09-2009
مجموع المشاركات: 6698

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: محمد على طه الملك)


    شكراً
    يا مصطفي
    شنوا شيبي يعتد بتراث أهله
    و يعالجه بمعرفة فذة

    و ابو القدح حيوان معمر
    يصل عمره أحياناً لحوالي 150 عام
    حكاية القصة بالعامية جعلتها حميمة
                   |Articles |News |مقالات |بيانات

08-02-2017, 02:17 PM

Hatim Alhwary
<aHatim Alhwary
تاريخ التسجيل: 23-01-2013
مجموع المشاركات: 1816

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: طه جعفر)

    شكرا مدثر على المتعة

    تحياتي لك وللحضور
                   |Articles |News |مقالات |بيانات

08-02-2017, 02:37 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8045

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: Hatim Alhwary)

    أبدا و الله يا مصطفى الشغل ذه غاية في الإمتاع ، حكاية يا رايق دي قصدت بيها
    انو المنبريين شغالين خبت من طرف شي عثمان محمد صالح و شي ترامب و انت
    فتحت نافذة تتيح التأمل و التفكر.
                   |Articles |News |مقالات |بيانات

09-02-2017, 03:03 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: سيف النصر محي الدين)


    سلام م ع ط الملك وطه وحاتم وشكرا على التداخل.
    انت عارف يا سيف التداخل مفيد حقيقة وانت بديتو
    بفكرة الحالة التطوريه لابو القدح ودا منظور.
    قام جا مولانا الملك وطلع لينا عبره انو الطيور رجرجه
    وعمك خماهم. انا فكرت في اختيار اشيبي لابو القدح
    وتذكرت الفكرة الأساسية ال دفعتني للترجمة هي الحتة
    ال بيوصف فيها اشيبي ابو القدح لما كان جيعان لغاية ما
    وصفو بانه نشف لما بقى يكركب جوا القدح. شفتا دي
    كيف؟ المهم صار هناك ما يقال.
                   |Articles |News |مقالات |بيانات

09-02-2017, 05:55 AM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 3891

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    Chinua Achebe
    Thinngs fall apart
    رجعتنا سنينا عددا يا مصطفى لايام الجامعة ودكتور الماحي الراقي والادب الافريقي ياااااه ..
    الاشياء تتداعى ..
    الاغراق في المحلية بقودك للانطلاق والانتشار ..
    الادب الافريقي والفن والغناء الافريقي ملان موروثات وجمال وحواديت واساطير بس منتظرة ناس مؤمنين ومتصالحين مع موروثاتهم وفخورين بيها ومن دون ادنى شك ستكون علامة مميزة في ريادة الفن العالمي ...
    ودونك اغاني المركز المتمثلة في اغاني الحقيبة ظلت غارقة في المحلية ولكن بمجرد تسويق اغاني الهامش(مجازا) عالميا وجدت قبول وانتشار لانها مليانة تراث (عبد القادر سالم .عمر احساس .الجمري حامد .احمد البدري اغاني الطمبور).
    العودة الى الجذور فنا وقيما وتراث بخلي العالم ينبهر بي منتجك ..اما التقليد ولبس تياب ما تيابك بخلي محلك سر.
    شكرا يا اديب واسف على التداعي الملخبط..
    وكلو بي بركة الجميل شينو اشيبي
                   |Articles |News |مقالات |بيانات

09-02-2017, 06:56 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1540

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: علي دفع الله)

    تحياتي الأستاذ مصطفي مدثِّر
    إنت عارف، عندنا في كردفان، وتحديدا دار الريح
    نطلق عليه أبوجفنة، وتوجد (قشة) عشب إسمها
    (قشة أبوجفنة)
    وفي زمن المدامر تكون من أجود العشب في الصيف
    أيضا اهل البادية لهم إهزوجة للأطفال :
    (أبوجفنة سمح سمح..
    أبوالقنفُود شين شين..)
    عندما يقف أبوجفنة أبوالقدح من المشي، ينشدونها له ،لأنهم يظنونه سوف يتحرك عند سماعه، لأنها مدحا
    الشناقيط درست في مدرستهم في اوائل التسعينات ويسمونه
    (الفكرون)
    أخبرني الأخ حنفي حاج الطيب بهذه القصة، عندما ذهب لواجب العزاء في شقيق صديقه بمدينة مليط،قال الأخ حنفي:
    (قابلت الشريف علي مولاي بمليط حين أستدعى أبا الحسن من حمرة الشيخ وبعد يوم واحد من أقامتنا معهم
    قال لنا الآن يمكنكم الذهاب أن كانت لديكم أعمال ( فالـحُـــرُّ فى ما مــَشًى) وأظنه لاحظ إستغرابي إذ كيف يدعو ابنه ليقطع كل تلك الرحلة وفى الصباح يطلب منه الذهاب إن أراد ؟
    ليلتفت إلىَّ متسائلاً : أتعرف الفكرون ؟
    ) نعم أنه السلحفاة ( ابو القدح)
    أ نا مثل الفــَكرون أتعرف كيف يــُرَبــٍّى الفكرون أبناءه ؟
    لا أعرف...! لا
    - الفكرون ينظر لأبناءه وحسب لا يرضعهم ولا يجلب لهم الطعام ( وانا أربى عيالى بالشوف كالفكرون تماماً ) وضحكت للمقارنة الذكيَّه فقد كان يريد أن يرى إبنه وحسب
    معزتي لك وللمتداخلين
    *التعديل ل (درَّست) اي كنت معلما بمدرستهم

    (عدل بواسطة عبيد الطيب on 09-02-2017, 06:59 AM)

                   |Articles |News |مقالات |بيانات

09-02-2017, 10:25 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: عبيد الطيب)

    طبعاً ح أجيكم واحد واحد يا شباب، شكراً على التداخل.
    علي دفع الله كتب:
    "الاغراق في المحلية بقودك للانطلاق والانتشار. الادب الافريقي والفن والغناء الافريقي ملان موروثات وجمال
    وحواديت واساطير بس منتظرة ناس مؤمنين ومتصالحين مع موروثاتهم وفخورين بيها ومن دون ادنى شك ستكون
    علامة مميزة في ريادة الفن العالمي ... ودونك اغاني المركز المتمثلة في اغاني الحقيبة ظلت غارقة في المحلية
    ولكن بمجرد تسويق اغاني الهامش(مجازا) عالميا وجدت قبول وانتشار لانها مليانة تراث (عبد القادر سالم .عمر
    احساس .الجمري حامد .احمد البدري اغاني الطمبور)."

    دا بالظبط تقعيد عمل أشيبي في الأدب العالمي، كنموذج للعلاقة الابداعية بين المحلية والعالمية.
    طبعاً هو كتبها بانجليزية رصينة وقصد أن لا يكتبها بلغة أهله وقال إنه يضيف صوت أفريقي للغة منتشرة.
    كذلك صحيح حديثك عن ثراء المكوّن الأفريقي للشخصية السودانية وصحيح أن أغاني (الهامش) اكتسحت غناء
    (الحقيبة) في موجة انتشارها أواخر الستينات /بداية السبعينات.
    سعدت بمداخلتك وتعال راجع.
                   |Articles |News |مقالات |بيانات

11-02-2017, 00:53 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    كتب م ع ط الملك:
    Quote:
    مين قال ليك ؟ القصة متروسة عبّر .. الطيور على الرغم من أصالتها في الطيران وتميزها
    عن أبو القدح بهذه الخاصية .. لكن ثقتها في تميزها معدوم إلى الحد البشوفن أبو القدح بجسده
    الضخم متفوق عليهن .. ولإنهن طيور فعلا .. وفاقدات الثقة مستعدات يريسو عليهن أي قدح
    عندو حنك سنين .. ويملكنو أفضل خاصيتهن .. حتى لو كان دنى وخائن وبطيني .. بس المهم
    البنية العايزين يخموها خمتم .. حجيتك ما بجيتك .. التحية لك ولزوارك وبركة الشوفة.

    مولانا ياخ!
    انت اللي فيهم لأنك ضربت على وتر التأويل. هكذا تتبلور الأنالوجي، الجناس المعنوي، المجاز.
    والغريب أن الطيور كانت لهم أسباب تمنعهم من قبول قيادة أبو القدح لكن ربما كان عندهم
    أزمة معارضة (الببغاء الذي يشير لمعارضة بتاعت محاكاة وتآمر نجح في النهاية)، أبو القدح
    المعروف بسلحفائيته وبطئه يصير زعيماً للطيور أليس هناك سخرية شبيهة بهذه.
    والعزومة في السما، أي في المستقبل، في الغيب.
    الحكاية دي برضك مجاز لما يحدث في السودان وربما أتى خروجها في هذا الوقت،
    على الرغم من أنني لم أهتم كثيراً بالأنالوجي، لنطرح السؤال ماذا أعددنا من حكاوي لأولادنا
    تكون مجازاً في المعنى وتشير إلى واقعنا في صورة أحاجي مثل أحاجيك التي نشرتها لك
    من قبل.
    لكنك اكتشفتها، فشكراُ لك يا ملك على هذه القراءة الصائبة للحجوة وسأعود.
                   |Articles |News |مقالات |بيانات

13-02-2017, 10:14 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    مرحب بيك يا أستاذ عبيد الطيب
    شكراً على المداخلة الظريفة وعلى الدعوة للتفكر في أمر الفكرون وكمان في تربيته لأبنائه.
    Quote:
    - أتعرف الفكرون ؟
    - نعم أنه السلحفاة ( ابو القدح).
    - أ نا مثل الفــَكرون أتعرف كيف يــُرَبــٍّى الفكرون أبناءه ؟
    - لا أعرف...! لا .
    - الفكرون ينظر لأبناءه وحسب لا يرضعهم ولا يجلب لهم الطعام
    ( وانا أربى عيالى بالشوف كالفكرون تماماً )
    وضحكت للمقارنة الذكيَّه فقد كان يريد أن يرى إبنه وحسب

    والشوف ذاتو ما شيتاً ساهل. شكراً يا عبيد.
                   |Articles |News |مقالات |بيانات

13-02-2017, 11:19 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 7949

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    Quote: بِتَصَرُّف

    دى مش بِتَصَرُّف ,, ده انت اتصرفت احسن من ابوالقدح اقصد الكاتب زاتو.
    بينى وبينك قصة زى دى تخلى الشافعة عيونا فناجيل.
    شكراً على المتعة
                   |Articles |News |مقالات |بيانات

15-02-2017, 00:23 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: عبدالعزيز الفاضلابى)

    كلامك دا ذكرني الزول الكان اسمو الكاريكتيري أبو القدح، فاكر عزالدين عثمان
    وكريكاتيرات أواخر الستينات؟
    أنا ح أقيف هنا عشان المرحوم دكتور ماجد بوب.

                   |Articles |News |مقالات |بيانات

15-02-2017, 02:38 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 6672

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    سلام مصطفى،
    التعازي لكم في وفاة الأستاذ بوب

    يا سيف، دراسة جينات أبو القدح قد تحدث ثورة في الحفاظ على حيوية اعضاء الجسم وشبابها
                   |Articles |News |مقالات |بيانات

16-02-2017, 07:42 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: أبوبكر عباس)

    المستنير قاهر البعير.
    انا عارفك جابتك المهنية. انا يوم بلمهم ليك كلهم كتاب الادغال.
    لكن شايفك فاتح لي ليك مدة.

    ت
                   |Articles |News |مقالات |بيانات

16-02-2017, 08:08 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 6672

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    كيف فاتح ليك؟
    قبل أيام فتحت بوست تفقد بعنوان:
    اشتقنا لمساخة مصطفى مدثر

    لكن عداواتي الكثيرة جابت أعداء غير أحباب خربوهو، أصبح البوست لا يليق بالمقام؛ حذفته.
                   |Articles |News |مقالات |بيانات

23-02-2017, 11:09 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: أبوبكر عباس)

    سمح يا أبوبكر
    نرجع لي أبو القدح في الحكايات..
    زمان رسام الكاركتير كان بيرسم اسمعيل الازهري كأنه أبو القدح.
    أنا ما عارف سبب القصة دي وهل لها دلالة رمزية.
    المهم سأعود لمن يرغب في مزيد من هذا البوست، ود الملك غاب.
                   |Articles |News |مقالات |بيانات

24-02-2017, 02:10 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 8550

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    أغيب وين ؟ انا متابعك وراجيك تقدح كبريتة دماغك وتجينا بالجديد..
    شايفكم ما علقتو على كلامي القلت فيهو البنية خمت الرجالة ..
    طبعا بعد الحكي الطويل في النهاية البنية قالت ليهم :
    Quote: عمو، صحي أبو القدح بعد داك اتزوج فوق مرتو كذا مرة لأنو مافي زول قدر يعرف عمرو كم؟ الراجل وصاحبو فقعوها ضحكة

    دي حالتا جاين يلولوها تنوم!!
                   |Articles |News |مقالات |بيانات

24-02-2017, 05:00 AM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: محمد على طه الملك)


    مرحب بعودتك يا ملك
    أنا كنت عايز عودتك في حزتها لأنك طرقت على حديد المورال أو العبرة والتي هي مدهشة. مدهشة في اختيار أبو القدح
    كقائد للطيور. أبو القدح البطئ والطيور ذات الأجنحة بس لأنو صاحب حنك ودهاء. تماماً زي الشعوب التي تملك كل
    القدرة حين تنقاد لأشخاص لا موهبة لهم وجشعين. والخط دا من القراءة قادني لاكتشاف أن العزومة في السماء وأن
    الببغاء ربما يشير للسياسي الذي يردد الكلام وتضعه الظروف في قيادة الشعوب، وغيرها من العبر. وأشيبي حكى
    هذه الحكاية كنبوءة داخلية في الرواية نفسها ما يطول شرحه الآن.
    كتب م ع ط الملك:
    Quote:
    مين قال ليك ؟ القصة متروسة عبّر .. الطيور على الرغم من أصالتها في الطيران وتميزها عن أبو القدح بهذه الخاصية ..
    لكن ثقتها في تميزها معدوم إلى الحد البشوفن أبو القدح بجسده الضخم متفوق عليهن .. ولإنهن طيور فعلا .. وفاقدات الثقة
    مستعدات يريسو عليهن أي قدح عندو حنك سنين .. ويملكنو أفضل خاصيتهن .. حتى لو كان دنى وخائن وبطيني ..

    أما قصة البنت الأبت تنوم ليهم فدي من عندي لأني رأيت أن معلومة أن عمر أبو القدح يُعرف بعد الأصداف
    التي على ظهره يمكن تضمينها بما يعني أن الأصداف صارت لا تفيد في معرفة عمره، شوية جنون لا يضر.
                   |Articles |News |مقالات |بيانات

24-02-2017, 05:22 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 6667

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: mustafa mudathir)

    سعداء بعودتك يا م مدثر ولو على ظهر أبي قدح
    فالأشياء بدأت تتساقط في هذا المنبر
                   |Articles |News |مقالات |بيانات

24-02-2017, 07:45 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 8550

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: معاوية الزبير)

    Quote: أما قصة البنت الأبت تنوم ليهم فدي من عندي لأني رأيت أن معلومة أن عمر أبو القدح يُعرف بعد الأصداف التي على ظهره يمكن تضمينها بما يعني أن الأصداف صارت لا تفيد في معرفة عمره، شوية جنون لا يضر.

    بالمناسبة دي أذكى إضافة ما ظنيت لو خطرت للكاتب كان سابها ..
    شوف قرايتي ليها جات كيف في سياق الحكوه وغرضها ..
    كوننهم يقولو ليها القدح اتكسر ولملمو ولصقو ذي ما تجي ..
    مع ذلك تردفهم بسؤال ذي داك ؟
    هههه دي كدا قالت ليهم حكايتكم ( مرجوعة في مسماها ) ..
    أما بالنسبة لقرايتي الرؤية عن العبر شايفك فلفلتها تمام.
    :
    كيفك يا معاوية؟
                   |Articles |News |مقالات |بيانات

24-02-2017, 06:57 PM

mustafa mudathir
<amustafa mudathir
تاريخ التسجيل: 11-10-2002
مجموع المشاركات: 3430

للتواصل معنا

FaceBook
تويتر Twitter
YouTube


Re: أبو القدح، شنوا أشيبي (بتصرف) (Re: محمد على طه الملك)

    سلام يا ملك وتحية
    أها معاوية دا هو الكان مفقود، مرحب يا ويلي!
    والله أنا كنت بقول مياه كتيرة بتمر تحت الجسر (المنبر)، لكن النصيحة لي الله التساقط
    حاصل، وتضعضع الموقف من الرؤية التقدمية للحياة وازدياد هوس المهووسين
    من أهل الدين، سلحفاءك يا رب!
    كتب
    Quote:
    سعداء بعودتك يا م مدثر ولو على ظهر أبي قدح فالأشياء بدأت تتساقط في هذا المنبر
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de