|
دعواتكم لزميلنا المفكر د.الباقر العفيف بالشفاء العاجل
|
|
 Re: !!... بمناسبة الطلح والشاف .....**! (Re: عبد العزيز محمد عمر)
|
عندما كنا نعمل في مطار الخرطوم كانت طائراتنا التابعة لشركة الخطوط الفيدرالية تجوب معظم مطارات السودان.
والسودان بلد تتعدد فيه الخيرات وكل شيء... نعم كل شيء...
من ضمن المنتجات الجميلة كان الجميع يجلب معه اللحوم الحمراء والفاكهة... هذا من نيالا ... والكركدي والقونقليز من الأبيض ...
أما من المجلد ، فكانت المضيفات وبعض الموظفين يحرصون على جلب اللحم الضأن بجانب ( الطلح والشاف )... أي والله ...
كانت أنواع ممتازة جداً ... كنا نشتمها صباح كل جمعة ....أو صباح كل سبت ..
ما علينا..
| |
 
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
كان جدول الرحلات للمضيفين والمضيفات يتم عمله اسبوعياً... حيث تتم الجدولة حسب الرحلات ..
ويبقى هنالك احتياطي واحد واحتياطي اثنين .. تحسباً لأي ظرف...
رحلة المجلد كانت يوم الخميس ... قيام الساعة 6 صباحاً ... ثم تعود للخرطوم عند الرابعة عصراً...
بينما كانت رحلة نيالا أيام الجمعة والسبت والإثنين والأربعاء.
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
في أحد أيام رحلة نيالا المبرمجة يوم الجمعة ، علمت إدارة العمليات وإدارة قسم المضيفين أن أحدى المضيفات اعتذرت
هنا كان من الطبيعي أن يخطروا البديل، والتي كانت زميلتنا ( ... ) والتي كانت ستعود عصر الخميس من المجلد..
هنا قام ضابط العمليات الزميل ( كوجا اكوانج ) بكتابة الإخطار وذهب للمطار لتسليمه للمضيفة
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
نزلت الطائرة وتم إنزال الركاب والعفش ، ومن ثم بدأ طاقم الطائرة في النزول تمهيداً لتوصيلهم لمنازلهم...
مشى كوجا أكوانج مشيته المعهودة البطيئة ... وقابل زمليتنا ( ... )... قال ليها:
فلانة اعتذرت عن رحلة بكرة لنيالا... وانت رقم واحد في الاحتياطي ....
فهاكي الورقة دي وقعي لينا والعربية ح تجيك كالمعتاد اربعة ونصف صباحاً..
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
نظرت زميلتنا له شذرا ورفعت حاجبها وأنزلته ... وبوزت فمها .. وتنهدت .. ثم قالت له:
انت المرسلك لي منو يازول.؟؟؟
واحد جاي من المجلد .. وشايل لحمته معاهو ... وشايل طلحو معاهو ... والليلة الخميس .. تجي تقولي أطير نيالا... ؟؟؟؟؟
علي بالطلاق ما بطير نيالا ... لو يكتبوا لي الطيارة باسمي...
ورفضت التوقيع ... وقد كان أنها ما سافرت ....
# محاسن _ ما تقفلي البوست ..#
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: walid taha)
|
ههههههههههههه الشغيلاب قاموا
أحمد الصادق الشغيل تعال سريع شوف ود عمك ده :
-------------------
الدخان ده الحب كله
الكبريت ... محاسن قومي اتدخني
-----------------------
وأنا برضو هنا بنقل ما كتبته في بوست زهير بتاع الدخان والطلح ...
--------------------------
مرة في مطار الملك خالد كانت أمامي في صف الجمرك فتاة سودانية جميلة للغاية أظنها جاية عروس وكانت متبرجة نوعاً ما .. المهم موظف الجمرك اتلايق ووقفها مسافة طويلة (عينو زايغة) بحجة التفتيش ، وطبعاً بحكم عمله ويومياً تأتي طيارات من السودان عارف كل حاجة عن الدلكة والخمرة والشاف والطلح .. وبخبث شديد طلع علبة الدلكة ونظر للفتاة نظرة لؤم قائلاً ( وايش هذا ؟) فاستحت الفتاة وقالت بعد أن صمتت لبرهة (دي عطور سودانية) لم يكتف هذا الخبيث فسألها ( وايش تسوون فيها ؟) وحينها فار الدم في عروقي وصارت هذه الفتاة السودانية أختي في هذه الحالة فأردت التدخل بصورة ذكية فقلت موجهاً كلامي للفتاة ( يا بنت خلصي وما تتكلمي كتير وخذي حاجاتك وامشي من هنا ) ففهمت مقصدي أنني تدخلت للدفاع عنها .. فقالت ( حاضر) فرمقني هذا موظف الجمارك الخبيث نظرة حقد فأقفل الشنط الخاصة بالفتاة واستلمني أنا ، أتدرون ماذا فعل ؟ أخرج ملابسي بغيظ وعجنها وكانت مكوية ومستفة وكأنه أراد أن يستفزني لأتكلم معه ومن ثم يخلق معي مشكلة وينتقم مني وأخرج بسكويت وهرسه بيده وأدواتي فرتكها كلها .. أنا عملت فيها بارد برود انجليزي ووقفت أمامه زهاء النصف ساعة ، فما كان منه ألا أن قفل الشنطة بقوة وغيظ وعلم عليها بالطبشورة وخرجت من عنده ..
عالم بطااااالة يا مجيدو
| |
|
|
|
|
|
|
|
|
Re: !!... بمناسبة الطلح والشاف .....**! (Re: الهادي الشغيل)
|
الشغيلاب ديل في الونسة ما بتصقاعوا كلو كلو
وخاصة عندما تتعلق هاتيك الونسة بالمطارات والسفر
وما يعقب ذلك من متعة ولذة وحلاوة جكسا
.
.
لكن زميلتك الحلفت بالطلاق ليها حق ... دا يوم سفر دا عاد
.
.
البوست دا داير مباصرة ويحتاج لتكتيك فني عالي المزاج
مرفق في طيه تحياتي واحترامي
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبدالله ود البوش)
|
يا جماعة ما تنزعجوا ......المرض ده زمن حبوباتنا الكان بدخنن فى التكل الخانق وجنب صاح العواسة ما حصل يحصل هسه البقت فى أشياء كتيرة للوقاية مثلاالماسكات او الكمامة ونضارة الحام او نضارة العوم ده اذا الحفرة او الرحالة ما فى مكان ما فيهو تهويةخلى بقت أماكن الدخان تصمم مع خرطة البيت بحيث يكون فيها مكيف بعييييدوشفتا مره مهندس نشر اختراع لى حفرة متحركة بها مساند ومروحة صغيرة قصاد الوجة وسجل اختراعو
قل لن يصيبنا الا ما كتب الله لنا ولا نامت أعين الجبناء
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
Quote: ههههههههههههه الشغيلاب قاموا
أحمد الصادق الشغيل تعال سريع شوف ود عمك ده : |
زولنا ده يا الهادي عندو ذكريات برئية ووو برئية اكسترا في طيران الفدرالية وروسيا الفدرالية
(خلي بالك كونفدرالية مافي ) وبعدين حكاي في القصص دي
ولو فتح في عوالم الكبرته و الكبرتيك الا نشوف درب الغسل وين !!
عالم تحب الكيمياء !!!
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: الهادي الشغيل)
|
ما عايزين نحرف مسار البوست لكن
---------------------------------------
اولك يا بادي خلينا نشوف حكاية الطلح دي يا الهادي ولبعدين نشوف سياسة بسمارك الخارجية
.
.
شايف بت اخوي اميرة حسين قالت دا كلام فاضي ساهي
.
.
عبدالعزيز بطل الجرسة واشتري الطلح من سكات
قال فيدرالية قال
شغيلاب وناسين جنس ونسة
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: الهادي الشغيل)
|
أقول ليك شنو مهرة جامحة وظبية تختال في مشيتها بقوامها الممشوق ...
أقول ليك شنو الكبريت والحنة للركبتين واللون زي الدهب من الدخان والسماحة
النوع البتخليك تبلع ريقك سبع مرات
-------------------------------------------------------------------------
حرم يلزمك غسل يا مولانا
.
.
سي سي طارق جبريل
زمان كنا شفع صغار بنسرح بالبهم وندوبي
الضان ود الضان الرقبة جريدة والضنب دلقان
والبطن وسيعة لي تجدع التيمان
وانا مجنني البي الدخان عرقان ول شنو كدي ما عارف
الزمن طال ولكنه شي من هذا القبيل
.
.
البوست دا فيهو سماحة عماكة
| |
|
|
|
|
|
|
|
|
 Re: !!... بمناسبة الطلح والشاف .....**! (Re: الهادي الشغيل)
|
ود البوش ..
اغتسلت وجيتكم ههههههه
-------------------------------------
هههههههههههههههههههههههههههه
عندي صاحبي مولانا اول مرة اشترى ليهو عربية
العربية سخنت وامبير الحرارة طار السماء
اتصل علي يعمل شنو في الحالة دي
قلت ليهو خليها مدورة وافتح قفل اللديتر بحذر وكب ليها موية
وبقى يكب في الموية ويعاين لمؤشر الحرارة
بعد شوية اتصل علي وقال لي
ود البوش ؟
قلت ليهو ها
قال لي
المؤشر حموسة قضت غرضا هههههههههههههههههههه
قلت ليهو دا شنو يا مولانا
قال ات ما عارف الايام دي المرة مسافرة
.
.
محاسن # ما تتونسي مع العمايك # ولا تخلي العمايك يتونسوا معاك #
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: جمال ود القوز)
|
واحد من ناس سنجة شغال فى تجارة الشاف والصباغ والطلح دى
يوم جاى محمَّل اللورى شاف وطلح من الدمازين وراكب مع السواق
وقفوا فى ودالنيل جاتهم مرتين قالن ليهم وصِّلونا معاكم فى طريقكم
صاحبنا قال ليهن والله ماعندنا مكان كان عاوزات تركبن فوق شحنة
الطلح دى اركبن ,, واحدة عاينت للشحنة وقالت ليهو: هسع ده نركب
فوقو كيفِن؟ قال ليها انتن بتركبن فوقو بى نارو غالبكن تركبن فوقو فى اللورى؟
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: طارق جبريل)
|
اوالد الشغيل اخباركم
مفترع باسطه
حكاية الطلح وما صاحبها اصبحنا من الناس المحرومين منها الله اقطع يوم الحساسية
اول ما جينا السعودية كنا عذابة وروائح الطيبات ما بتاثر فينا لانو ما مصاقرنها
لقيت زول صاحبا لي قدامي هنا ثلاثة سنين ما نزل اجازة جاء السعودية عريس ليهو سنتين
الراجل ما بعرف غير الدوام البيت المطعم الاذان اذن حتي الطشمة خلاها
اتسلطت عليهو يوم معزوم حفلة سوقتو معاي
دخلنا القاعه قعدنا جمب الباب وهبتنا هبوب ريح الطيبات شي دخاخين شي خمره والثياب الخفيفه
مرت نص ساعة صاحبنا حلف يمين ما بقعد في الحفلة خلاس قضينا الواجب
وانا احنس فيهو لاحظت الزول دا بمل كل ما اتكلم معاهو القاهو رجع مني بالكرسي لي ورا
وارجع معاهو لما دقينا في الحيط ما باقي لينا كان نقد الحيطه
في النهاية وقت زهج قال لي انت عايز ترجعنا للزمن الاغبر
ياخ ريحة النسوان تعبتني شديد كان بتعرف ليك زول في الناس البترتحو ديل اشحدو لينا كباية عشان اقعد معاك
النصيحه لي الله ما لقيت لي زول والحفلة كانت حلوة والقعاد لوحدي صعب
الراجل مسكتو حالة بول كثير حتي تخيلت انو عندو سكري ،اول الامر قلته امكن عايز ازوغ مني قال ماشي الحمامات
تابعتو بقعر عيني شايفو مشي علي حمامات النسوان جري لحقتو اديتو درب حمامات الرجال
الليل كلو اساسك فيهو يا زول ما قلنا ليك حمامات الراجل بهنا
خلاني زي غفير حمامات السوق
لا استمتعنا بالحفلة والصقط نفخنا قلتا الراجل امكن اكابس ليهو واحده من الحريم ونبقي في حاو وتر
الدخاخين بانواعها مؤلمة
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عباس الدسيس)
|
دورت
.
.
هههههههههههههههههه
كنا صبيان واي قيلة في الحلة حضرناها
يوم اتغالتطنا الليلة قيلة ول فط ؟
ما اصلو يوم قيلة ويوم فط
الدغور ود الطرشا حسم الموضوع
قال شوف عيني التهجة بت حبيب الله تكسر في الطلح
.
.
وبالليل جاك كورك قال دورت ههههههههههه
.
.
الشغيلاب البوست دا سبلوا
جاب طارق جبريل والدسيس
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبدالله ود البوش)
|
Quote:
الشغيلاب البوست دا سبلوا جاب طارق جبريل والدسيس
|
حبيبنا ود البوش اخبارك
الطلح والشاف ليهو ارتباط وثيق بالبرد
اهلنا زمان ما عندهم دفايات العزابة المنقد في نص الاوضه وفيهو الطلح
المتزوجين بنومو معاهو
زمن العزابة زميل لينا بتجيهو واحده ريحة الدخان من مسافة كيلو بتشمها
ولما تطلع من الميز ثلاثة يوم ريحة الدخان ما بتروح دا لو غابت من الميز
زميلنا من الاناس التقليديين لو عايز اشكر مرا اقول ليك لما الدخان عامل طبقات في جسمها
كانت مسألة مزعجة الجماعه قالو ليهو كلمها توقف الدخان و ل انت شوف ليك واحده غيرها
طوالي من تمغرب نقة معاهو ومشاكل قالو لي انت ما بتتكلم مالك الموضوع دا عاجبك واحنا محرجين مع الجيران ممكن اطردونا
قلت ليهو ما تتعبو روحكم الزولة البتجي كل يوم ودخاخينا تكل بتجيب اجلو وتوقعو في شر اعمالو ما تتعبو نفسكم
اها كان عندو حركة بايخه اكون جوه في الاوضه حاضن الطلح والقزازة فجأة اطلع الحمام اضرب الباب طاخ لما تنط
والراجل كان بحب الكاجومور شديد متوسد الجردل معاهو والباب شغال طاخ طراخ ومع البرد امشي الحمام وارجع جاري جري
يوم ضرب الباب وطلع شوفتو اتاخر مشيت اقص اثرو
عندنا شجرة تين شوكي في الحوش لقيت ليك الزول غلبو اخش الحمام وعايز اعملها جمب الشجرة رافع كراع والثانية في الواطه اتراقص
لا قادر ابول ولا افك السرول ولا انزل كراعو خايف اقع في شجرة التين الشوكي ناديت الجماعه قلت ليهو تعالو شوفو زولكم بقتو كلـــــــ ب
الله انلعل ابو الدخان ويومو
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
ود الشغيل .... بوستيك لذيذ
والدخاخين جابتني جااري ..
زمان ونحنا عرسان ...
طبعا المره جاية من السودان شايلة كمية حطب .. شي شاف .. وشي ما شاف ..
المهم .. لصعوبة حفر الحفرة في الشقة .. ابتكرنا اختراع ( البستلة )
يعني علبة النيدو الكبيرة كانت تؤدي الغرض وبزيادة ...
اها البستلة دي .. كان يوميا يشحتوها جيرانا السودانيين .. ويمارسو فيها الطقوس ..
كان عندنا جارة لبنانية ... وقومي يا مرتنا اعزمي البت كبرتة ... لامن اتغير لونها
ومسكتها الكحة ... طبعا راجلا ما عرفا ... وتم توبيخها ودور معاها شكله ..
وعرفنا انو ساقا الحمام وعمل ليها غسيل كامل مع التشحيم وغيار الزيت ....
وقال ليها حسك عينك تاني اشوفك مع السودانيين ديل ....
محاسن جيبي دلكة ..
عااالم بطااالـــــــــــــــــــة
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: درديري كباشي)
|
كتب عبد العزيز :
Quote: ثم قالت له: انت المرسلك لي منو يازول.؟؟؟ واحد جاي من المجلد .. وشايل لحمته معاهو ... وشايل طلحو معاهو ... والليلة الخميس .. تجي تقولي أطير نيالا... ؟؟؟؟؟ علي بالطلاق ما بطير نيالا ... لو يكتبوا لي الطيارة باسمي...
|
هيييع والله مره راجلة ههههههههههه
والله الكلام ده أنا ما بقدر أقولو
خميسك كارب يا محاسن
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: درديري كباشي)
|
Quote: وخاصة عندما تتعلق هاتيك الونسة بالمطارات والسفر
وما يعقب ذلك من متعة ولذة وحلاوة جكسا
|
من ضمن قصص المطار، يوم كدا شغالين وردية صعبة في المطار لقيت زميلة في الجامعة ... يا ديك الكبرتة والجيهة...
قلت ليها مالك حايمة بي جاي قالت لي اتزوجت قبل شهر..
وهسع مسافرين كانو في نيجيريا بالطيارة بالسودانية والطيارة فاتتنا..
زوجها يعمل في السلك الدبلوماسي .. قلت ليها ربنا يعدلها عليكم تاني إلا الاسبوع الجاي...
مشيت الصالة التانية وجيت لقيتهم ليك يكابسوا في الباب .. مالك يا زولة.. ؟
قالت لي الطيارة قالوا لسه ما أقلعت .. ختفت الجوازات الحمراء ..
وخمشت الشنطة الكبيرة التقيلة ...وجريت طوالي للصالة الدولية ..
وختمنا كل حاجة .. والعفش لا وزنوهو لا أي حاجة... ولا جمارك ولا يحزنون ...
مشينا لقينا الطيارة واااقفة والمراوح شغالة .. والسلم جروهو .. كلمت رئيس الوردية ..
قام اتكلم مع الكابتن وقاليهو ديل دبلوماسيين ..
المهم فتحوا الطيارة ودخلنا العفش داخل مقصورة الركاب ....
انت عارف الشنطة الخمشتها انا دي شنو ..؟
عليك أمان الله ( طلح ) طلح عديييل كدا ... لي هسع يكركب في راسي دا...
وكل مرة جايب لي حكة وكاروشة ... وسهل دريبات الصلعة...
لكن عفيت ليها .. وإن شاء الله بيت مال وعيال
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: درديري كباشي)
|
بوست ماخد راحتو ع الاخر ههههههه
ممكن سؤال مع الاندياح الحاصل ده
الطلح ده قالو زي الساونا وممكن يعالج كتير
من الامراض بدءا من "النزلة" الزكام حتي كسير الجسم
اها في الحالة دي الراجل ممكن ياخدلو جولة جولتين كده مع المدام
ولا كيييف
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عماد كرار)
|
في ناس كتار لابدين ومستمعين بي تحت تحت خاصة المولانات وناس ادريس علم الهدى
بس الدسيس شايل وش السفاهة وقلة الحياء والرزالة
ههههههههههههههههههههههه
بكري اطبل البوست دا كان خمس بعتت ونبقى في حاو وهش والدحيشة عنفضت
شغيلاب شكيتكم على جدي ود صباحي البشيل الليل صباحي
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
Quote: زولنا ده يا الهادي عندو ذكريات برئية ووو برئية اكسترا في طيران الفدرالية وروسيا الفدرالية
(خلي بالك كونفدرالية مافي ) وبعدين حكاي في القصص دي
ولو فتح في عوالم الكبرته و الكبرتيك الا نشوف درب الغسل وين !!
عالم تحب الكيمياء !!!
|
الباك ياياتو بردن يا ود الصادق ...
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبد العزيز محمد عمر)
|
واحد شايل طلح وببيع لنسوان الحلة جاتوا واحدة قالت ليهو : عليك الله أديني طلح بثلاثة آلاف .. أداها عودين صغار
قالت ليهو : يا حاج طلحك ده مالو شوية كده ؟
قال ليها : والله طلحي ده سمح بالحيل تدخني بيهو والله تاني ما بتبولي عديل كده
هههههههه
محاسن قومي اتدخني
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: الهادي الشغيل)
|
قالوا واحدة من نسوان الحلة جات لي صاحب الزريبة وقالت ليهو إنشا الله يكون طلحك دا من النوع السمح ،،، ؟ قال ليها أنا سماحتو من عدمها مابعرفها،،،، لكن يابت العم امس الفحم خلص وشديت القدرة بالطلح الصباح جيت ادخل الكمشة أبت تدخل عديل كده ،،،،
أها رايكم شنو في طلح زي دا.
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: Ahmed Elsadig)
|
عايز يطمئن على جودة البضاعة ..
سأل عمك .. قال ليهو يا عمنا البتاع ده كيف ؟ ...
قاليهو يا ود أخوي ..
على الطلاق شرطا تتلقاهو دربكة ..
أو تعال برجع ليك قروشك ..
وكان ان وجده كما قال عمكـ .. هههههه ..
غايتو منبر بكري ده قطع شك مستحق غسل ..
ده لو ما بكري ذاااتو الشغلانة لحقتو .. هههههههه ..
الطلح والشاف نشفن عقلي نشاف ..
الخووووووور يا بكري .. الخور .. ههههههههه ...
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: Yousuf Taha)
|
زمااان يا ود البوش عندي صاحباً لي من النوع الماسك نفسو
وكل امانيهو في الدنيا دي كانت العرس بس
شابكنا ليك والله انا اعرس الا اسوي واسوي
اها في واحد من اصحابنا المتزوجين قالو يا زول هوي ما تفرط في لسانك😂😂
المهم مرت الايام وصاحبنا اتزوج وجابولو وليد
في واحدة من اجازاتي لاقيتو صدفة في الشارع
بعد حق الله بقا الله سألتو اها يا اخوي كلامك اللولي داك عملتو
اتلفت يمين شمال وقال لي
والله يا هيثم انا لي فترة شغال ليل ولجي البيت حوالي
الساعة حداشر والله لمن اجي شافي شوارع الحلة دي
واشم لي ريحة دخان طلح ارفع ايدي فووووق واقول ياااا الله ما تكون في بيتي
😂😂😂😂😂😂
خلاني افتفت بالضحك في نص الشارع
غايتو المنبر ريحتو قلبت تب
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: Haytham Ghaly)
|
واشم لي ريحة دخان طلح ارفع ايدي فووووق واقول ياااا الله ما تكون في بيتي
----------------------------------------------------------------------------------
هههههههههههههههههههههههه ود امي كنينة ما قلت انا حيدر قطامة ؟
.
.
خليهو صاحبك يا هيثم انا القدامك دا امس دخلت لقيت الدخان ضارب قلت المرة دي جنت ول شنو ؟ هههههههه
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: Ibrahim Farah)
|
غايتو فى الحتة دى بقينا نصاقر الغنا بس
قال ليها
اشم فيك ريحة الكليت و الشاف و اشوف فيك صورة ماب تنشاف
اها الصورة الماب تنشاف دى شنو
المتأكد منّو دى ما الحنّة و الشوف ما شوف عين
مش قلت ليكم بحب ونسة العجايز
___
الشغيل ما تخلينا ننبهل فى الحتة دى لانو البهلة محتاجة لى انبهال ارحب و مرحّب بى قدوم الوارد
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: الهادي الشغيل)
|
بعد الزواج صديقنا صوفي من ناس الشيخ عبدالرحيم البرعي متيم بالمدايح كان بسجل لي زيارات يوم الجمعه الراجل عذابي لزوم الغذاء
ونستو كلها ...والله يا عريس حظك طابق وعامل نايم نسيتنا عدييييييييل
اها كمان جاب ليها زيادات..... والله انا اعرس مع الدخاخين والدلكة اربعة ما توقني
يوم زهجت منو قلت ليهو اسمع يا الحبيب ما تعمل لي فيها من حيران الزريبه وشايل في كتفك ابسعن
والله تعرس اربعة شنو الما بتوقفك علي اليمين تنسي مدحتكم بتاعت مصر المؤمنه القبل الاربعة ذاتا
واقول ليك اليوم الاول والثاني تعمل شنو ما عارف لكن اليوم الثالث كان ادخنت ليك بغابة تقبل منها علي الحيطه تديها عنقرتك وجعبتك
زولنا مشي السودان عرس في شهر العسل هو راقد جات انعصرت جمبو قبل علي الحيطه بطريقه غير اراديه واخد ليهو صنه
بعد شويه كااااااااااااااااااااااااااك فكاها ضحكه اتذكر كلامي
الموضوع دا لي حسي عامل ليهم مشكله قالت عايزة تعرف لي ضحك بوصوت عالي وهو مقبل علي الحيطه في شهر العسل
| |
|
|
|
|
|
|
|
|
|
Re: !!... بمناسبة الطلح والشاف .....**! (Re: عبدالله ود البوش)
|
عامل يومية و صنايعى قاطع الشق و ايدو فيه البركة
بعد يوم مضنى جا داخل على الحلة
من طرفا داعبت انفه النسايم
النسايم البتقول هوى يا ليلى هوى ديك
فى سرّو قال و الله حظّو
و الريحة ماشا زايدة
بى تعبو قال ما فى بيتى
دخل بيتو قال .. الله و كبر
با رب تعدّى الليلة دى على خير
فتح الرادى لقى الفنان بغنى يا حليلا تحلم بالوصال
و جاتو بالغدا ... فتّة لحم و شوربة حمام
و الجسيم من خلف الشّفاف يترقط و حاجات تانية مداقع بس
و اكرمتو بى مديدة دخن و كباية شاى
رشّت ارضية القطّية و شغلت ليهو المروحة
و قالتلو نوم .. جسمك تعبان و مكدود
ختالو سفى كاربة و نام
و نواصل كان الله هون
____________
الحتة دى لا تحتمل تعليق اضافى المطلوب الهدوء حتى لا نزعج النايم
| |
|
|
|
|
|
|
| |
walid taha
عبدالله ود البوش
Amira Hussien
محمد البشرى الخضر
جمال ود القوز
عبدالعزيز الفاضلابى
طارق جبريل
عباس الدسيس
محمد مجيدو
عماد كرار
معاوية الزبير
اسامه العريفي
جلالدونا
عماد قريش
عبدالحفيظ ابوسن
نصر الدين عثمان
حمد عبد الغفار عمر
فيس بوك
تويتر
انستقرام
يوتيوب
بنتيريست