|
دعواتكم لزميلنا المفكر د.الباقر العفيف بالشفاء العاجل
|
|
 Re: البنات حلوات.. (Re: Soumeta)
|
Quote: و لم اتمني ان يكون لي أخت بت أُم و أبو،، قدر هسي..
.. |
اسئلة مشروعة وانتى تسالين عن بت ام وابو
واخرى تدعوايضا للتساؤل
وضعك لاسمك هنا كما هو مقتبس
كان احد الاصدقاء قد اتصل فى تلفون البيت
ايام كنا فى القاهرة
سالها بعد ان علم ان امها غير موجودة
فردت انها"عزة بت سلمى "
حين ضحك متسائلا ردت
ـ لو قلت ليك اى اسم تانى ما حتعرفو
هى هذه الصبية التى تدعو للفخر
شكرا لهذه الكتابة يا ابنة روحى
| |
 
|
|
|
|
|
|
|
|
Re: البنات حلوات.. (Re: سلمى الشيخ سلامة)
|
| Quote: لو قلت ليك اى اسم تانى ما حتعرفو |
شقـية .. عفـريتة ومنطـقية !!
عــزة يا مـبدعـة .. صـحتك وأخبارك ?
زمن والله يا زولة .. أتمناك دوما بخـير
Quote: هى هذه الصبية التى تدعو للفخر
شكرا لهذه الكتابة يا ابنة روحى |
نعـم أستاذة سلـمي .. حق لك أن تفخـري بها
واعـية .. هـادفة .. والسودان إنسانا ووطنا
في حـدقات عـينيها..وتعـجبني كـثيرا الحمـيمـية
الودودة بينكما حتي يظن أنكما صـديقتان !
ربنا يحـفظكم لبعـض وعـيدكم مبارك .
| |
|
|
|
|
|
|
|
|
|
Re: البنات حلوات.. (Re: عبدالوهاب علي الحاج)
|
| Quote: لم اتمني ان يكون لي أخت بت أُم و أبو،، قدر هسي |
قبل اسبوع كنت عند اهلي... مازن اخوي جا من الاردن، ومروان في كندا.. قاعدين انا ومازن بنتفرج على صور رسلها لينا مروان.. مازن علّق.. القميص اللابسه مروان في الصورة دي قميصي! موش تعبير عادي!؟ انا وقفته فيه مسافة لأنه احساس ما حصل مريت بيه.. انا برضه ما عندي اخت.. وكنت ولازلت بتمنى يكون عندي اخت...
تحياتي يا عزّة... ومبروك لزينب.. وعقبال نفرح بيك ..
| |
|
|
|
|
|
|
|
|
|
Re: البنات حلوات.. (Re: Abd Alla Elhabib)
|
عبدالله الحبيب
كل سنة و إنت طيب..
شقية انا ولي ولدك المتصور معاه الحمامة؟
اها انا كان كتبت السماء و الواطة
حمامة ما تقربني،،
و كان علي القطعة،،
ح اعمل فديها زول بكتب شرعاً
و اعتذر بي إنو الكتابة كانت قاطهاه معاي خمسة/صفر..
اظني هفيت ليها امس..
| |
|
|
|
|
|
|
|
|
|
Re: البنات حلوات.. (Re: Soumeta)
|
سوميتا كبرتى يابت
اقصد فى الكتابه
سمعنا بالحوار الغلب شيخو لكن ما سمعنا بالبت الغلبت امها
كتابه طاعمة يا سوميتا
بعد ده كل قرد يطلع كتابه
بالله ما تكسلى اقرى واكتبى طوالى وسوف تجدينا من القرايين ليك
واصلى هذا الاندياح الجميل ففيه سيرة الطفوله
وما اجمل الكتابه عنها
ما تسمعى بربيع العمر وربيع الدنيا وعثمان حسين..
وحاتك لو برجعونا للطفوله انا اعيد فى سنه تالته
خمستاشر سنه...
يا الهى....
حبيبو ننتظر باقى القصص..
وان شاء الله عروس وتجيبى اخواتك بنات انت،،،،
| |
|
|
|
|
|
|
|
|
|
Re: البنات حلوات.. (Re: صديق الموج)
|
أكفى القدر على فمّها ....
تطلع الدرّة (وفى رواية السوميتة) لأمها ....
يا سلاااااام .... والله خاترك المكسور فى إخية .... كسر خاترنا كلنا .... لاكين فى حاجات فى الدنيا دى ... بس بتقعد كدا ....
حمّور زيادة .... وحيد لا أخو لا أخت ويشكو الوحدة مراراً وتكراراً .... خاويهو .... نحن عيال شيخ الدين ديل بصّنا اتملا ... وناسنا واقفين شماعة ... إلاّ تصلى معانا آخر محطة .... حتى تلقى ليك فرقة معانا .... وحالياً بسبب الغربة بنشكو الشتات وقل الأخوان كلنا ...
وانشالله ما تعدمى اخت من الـ Sugar, Spice and Everything Nice البملن العين زيّك كدا ...
... المهم ...
| |
|
|
|
|
|
|
| |
Soumeta
سلمى الشيخ سلامة
Abd Alla Elhabib
عبدالوهاب علي الحاج
مريم بنت الحسين
عمر سعد
صديق الموج
تبارك شيخ الدين جبريل
فيس بوك
تويتر
انستقرام
يوتيوب
بنتيريست