|
دعواتكم لزميلنا المفكر د.الباقر العفيف بالشفاء العاجل
|
|
 Re: السبت 25/9 أمسية العود والجيتار لصالح (رد الجميل) (امال النور, مي محجوب ,شمت محمد نور واخري (Re: Samer Osman)
|
إنسانة ابسط ما يقال
بدرية فرغلي بت تمام
بدرية من بدر التمام
النجمة لبست طرحتك
تتحدي أسوار الظلام
شمس الضحى بتهديك
توبين من شعاع
فتحت دواليب الغمام
تتذكرك مرقت معاك
كم مرة في قلب الزحام
من اجل كلمة حق
وخير الآخرين
طرقا خفيفا في البيوت
كي لا تضام
تتذكرك كل الشبابيك
التي عرفت نسايمك
والسقوف أختا محببة للحمام
تتذكرك راية بترفرف
في هجير الالتزام
نتذكرك ولا غمدا مازلت خطاك
ولا فصدة من حد الكلام
من حط من قدر النساء
خجلان وقت شافك امام
كل المهام
كل الشوارع والأذقة
كما السلالم حيث أنك في علاك
تتشابي تُقريك السلام
ثم إنك في شغاف الأرضِ
عطرتي المسام
| |
 
|
|
|
|
|
|
|
 Re: السبت 25/9 أمسية العود والجيتار لصالح (رد الجميل) (امال النور, مي محجوب ,شمت محمد نور واخري (Re: naeem ali)
|
حجانى الشريف
يا وافرة كان بى خبرك
و بالقلب الخريف
وسمح الشمايل مطرك
و كم شارعا وريف
حاضن حفاوة أثرك
يا
شاشة فى الزمن النزيف
ما نشذ غناك ووترك
ضواية يا ام قلبا نضيف
ما كان اشتعالك قدرك و
قصادك كلامى معسم بقيف
تحلق حروفى الحزينة و ترك
يا غابة العمل الكثيف
كل المكارم شجرك
عرفتك من حكاوى الناس
عطايا منشرة
كتابك هدى و نبراس
للجوه و البره
هميمة الاحساس
عفية القدرة
بت كما الدرة
ما بخشها الوسواس
محصنة من بهارج الزيف
هى بتقرع الأجراس
تنده صفوف الصاح تقيف
للشمس منحازة
يا نسمة هجير الناس
من قمتى ركازة
يا لابسة الهم العام
جدلة و طرحة مرقة
مابتتخفى و ترجى ظلام
لابتتضارى ولاك منسرقة
بت دغرية و خاتية كلام
دخرية حوبا تسد الفرقة
بدرية و ماك وخرية
ماسكة خيوط زمنا قدام
بتصحى شعاع الفجرية
تتفقدى أول أنسام
فى دروب الناس المنسية
نبتن خطواتك أحلام
ما بين الروحة و الجية
تتوكأ عليك الأيام
كم زولا شالك شمسية
كم زولا جيتهو غمام
كم ساحة بحسك مسقية
شهقت حد الايلام
يوم جابت خبرك قمرية
و شتلوك فى البلد الأحلام
13-9-2010
عزالدين طه
| |
|
|
|
|
|
|
| |
naeem ali
Samer Osman
عمر ادريس محمد
عبد الخالق عابد
عزالدين طه
فيس بوك
تويتر
انستقرام
يوتيوب
بنتيريست