|
دعواتكم لزميلنا المفكر د.الباقر العفيف بالشفاء العاجل
|
|
 Re: رحلتي من بلاد العم سام للقاهرة (Re: رشيدة عثمان فقيري)
|
اخذت المدعوا الكرت وبلهفه جنونيه مهروله لبوابه الوصول وانا افتش بشغف عن ذلك الحبيب الذي تمعنته ذات صباح وهو بملابس العمل عن تلك الروح الطيبه تلك العشرة وتلك الايام النضرة التي تعشعش في الخاطر ومن وسط الزحام بحثت عن وجهه وقلت ربما اتاخر لظروف قاصرة وربما زحمه القاهرة.
| |
 
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
سفريه ممتعه جدا نصها نوم ونصها قرايه واستمتاع الملاحظ ان احد الحجاج قد مل وقام عمل الطواف والسعي جوة الطيارة وعموما استمتعت برحلتي وتعرفت علي عدد من الاصدقاء والصديقات وتبادلنا ارقام هواتفنا وودعنا بعضنا وثم غبنا في زحام الامنيات وكيف يبدوا طعم ايام السفر
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
المهم اتصلت مرة اخري وقد تغير الرقم والقديم خارج نطاق الخدمه في المطار وتلك الصاله المكتظه بالقادمين لمحت شاب يافع السن جاءني بشهامه وبلهجه مصريه حادة خلي عنك يا ستي وحمل عني الحقائب واوصلني الي تلك المقاعد التي تنادي بالرحيل فجلست والترقب حافه احساسي كان سائق التاكسي نفس الشخص الذي يحمل تلك اللافته ينظر تارة نحوي وتارة نحو القادمين
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
الاهل والحمد لله كتتتتتتار في القاهرة اما التعريف بالقاهرة فهو لا ينتهي بكلام احببت القاهرة جدا وهذه مدينه مليانه بالصخب والضجر والفرح الهلامي شوارعها واصوات الركشات والزحمه طيف هلامي الالوان وطيف يطاردني في زحمه القاهرة ومااجمل القاهرة كم احبها من مدينه.
ولامن تحب زول ويبقي هو كل شئ صعب شديد خالص,سنين وشوارع الروح تمشط شجن وتعيد ترتيب نفسها حتي لاتضيع وسط الترقب والحنين ووصلت بلهفه جنونيه اعرف ان الذي لم يحضرك لي الشديد القوي اخذت كلي من بعضي وبعضي كل من كلي وبعضي حروف وكلي انت يا روحي اين انت مني الان اين انت كم تحدثنا عن تلك اللهفه وجنون الشوق وكيف ساقابلك وعندها نزلت دموعي منهمرة وان التفت وابحث وانتظر وتلفت في كل الاتجاهات وفجاءة
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
وجدت نفسي امام الامر الواقع هو لم يحضر وكل الذي تمنيته ان يكون بخير فقط لا غير وطالما وصلت اكيد حنتلاقا واخذت الباص المؤدي لمحطات التكاسي وذهبت لمنزل احد الاقارب ووصلت وعملت اتصالاتي بالاخ جلال وقال انهم ذهبوا منذ ليله امس وحصل تعاقب ودكه معاهوا سلمت عليه واعطيته وصف البيت وقال حيكون هناك حالا
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
تعريف بسيط بدكه ;-
رجل قويم بسيط يحب الناس لكل الناس بيحب الخير احببته من بدري خالص لانه بيفهمني جدا وتمنيته زوج وحصل والحمد لله وتحمله عنان الغربه يدل علي حبه لي وهذا ما محتاج توضيح( والغربه تلك اللعنه المجبورون عليها كسودانيين .)
دكه في الكلاكله ياهوا الفي مصر وتحمله علي الغربه دليل علي انسانيته واصدقاء دكه لا حصر لهم ولا عدد وكم اتتني اصوات تحاول هدم الذي بيني وبينه .
عموما اعرف ان اعز اصدقائه هنا بالمنبر خضر حسين خليل وعاصم الحزين وياسر بيتاوي وادركت ان دكه رجل يستحق الوقوف والاحترام ليس لانه زوجي بل لانه يجبرك علي الاحترام.
رجل بسيط مهذب بمعني الكلمه وحقاني جدا يكره الظلم والخضوع والذله , تزوجني بمال حلال من عرق جبينه و رضيته زوج علي سنه الله ورسوله الامين
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
جوني عرسان لا عد لهم ولا حصر عندهم كل شئ الا احساسي بالانتماء لهم لانهم جوني اما لغرض او لشئ في نفوسهم الدنيئه حد الطراش وبالجد مافي قسمه لان نواياهم كانت ذي الزفت كلامهم كله ختي الطرحه والبسي طويل ما ياهوا لو ما مستورين ما كان جيت طلبت تعرس مننا .
والكلام ليك يا المنطط عينيك وعارف نفسك كويس
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
المقدمه دي كلها لسبب طبعا لاني لمن نزلت في بيت في القاهرة وهم اقارب كان هناك ضيف يدعي عبد الجليل ومهنته كامنجي وعرفت بعد ان صرح هو بذلك مسك موضوعنا وهاك يا كلام وصوته يعلوا وهو يكورك عديل انا قلت دا مالوا دا.
المهم قال لي خلي الموضوع وشوفي ليك زول تاني وقلت ليه عشان شنوا في شنوا ? وبعدين مبروك شكلك عريس جديد في شنوا?
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
عندما حضر دكه ويالها من لحظه لا توصف ذهبت مع شفع البيت للدكان المجاور للبيت وعندما حضرت وجدت دكه وخفق قلبي عندها بشدة ونسيت كل من حولي وجاء عبد الجليل ومسخ عني لقاء دكه بنقنقته الكتيرة ومسك المواضيع وهاك يا كلام لمن فهمت نواياهوا غمزت لدكه وهو فهمها وهي طايرة وصمتنا في جوطه عبد الجليل .
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
تعاقب الوقت وعدم حضوره كان لسبب وجود مطارين ووجود ظرف وفاة والده صحبه وتم ارسال الجثه الي السودان وهذا هو سبب اول وثانيا هناك مطاران قديم وجديد وحصل تعاقب وبعدين يا عبد الجليل
بدا دكه حديثه و قال ليه انا حاشرح لزوجتي وانت ارجوا ان تشرفنا مراسيم الاحتفال بزواجنا طبعا العقد تم في السودان وشكرا ليك
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
لا..لا...
يا رشيدة
ما كدة..
في دي ما ليكي حق..
ما في داعي;
مالو خت الطارحة في الراس?
أنا غايتو بلبس الطارحة;
في الراس
إعتزازا بقولة ماما
( ختي الطرحة في راسك)
وكنت بحس لما تقول لينا
كدة إنها بتخاف علينا من النسمة
:)
هي النسمة بتعمل للشعر شنو
!
| |
|
|
|
|
|
|
|
|
|
Re: رحلتي من بلاد العم سام للقاهرة (Re: Safa Fagiri)
|
صفويه عسل الروح
سلام مغروس في بال الشوق والشوق غلاب
2
سنين عدت
وخمر جوف
حنان الشوق
بصيص من شوف
ومن اهات
بتتزاحم عشان
ترحل وتغشي
النيل
وللخرطوم
تقيف تسال
ولامدر خواطر
من عسل مكبوب
للقبب الهناك
تتشابي بالدعوات
والنوبات صهيل لليل
وودنوباوي سر الشوق
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
يا رشيدة
كل عام قادم وانتما بخير
سعدت للغاية للقائكما بعد طول غياب ـ دكة أو محمد أحمد ولد من جملة (أولاد الحلال)
إفتقده بشكل شخصي في هادي البلاد ويفتقده الكثيرون ـ كلما مررت بصنقعت
كلما يارشيدة لعنت تصاريف بلادنا التي تعجل برحيل الاصدقاء ,
بلغيه مني السلام وبكل تأكيد سنلتقي ,
عليش البوست ده يادوب لقيت سكة أكتب فيهو لأني كنت منتظرك تخلصي
أما عبدالجليل ده فحقيقي لا يسعني الا أن أقول لكِ جبرالله كسركم
غايتو الزول ده بالغ أيما بوليغ معاكم
مودتي واحترامي يا رشيدة
| |
|
|
|
|
|
|
|
|
|
Re: رحلتي من بلاد العم سام للقاهرة (Re: خضر حسين خليل)
|
خضر
سلامات بحجم السفر عساكم طيبين
افتقدناكم جدا في يوم الزفاف ولكن كل بيوت الفقراء بيوتنا دكه وانا وكان ذلك دليل نجاح الحفله وكانوا حضور بذاتهم النقيه وهم متلمين حولنا حسيت انه بالجد كم طيب القلب هو واصدقائه كم افتقدهم الان جدا .
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
انوا في كرت حنه تمت طباعته لحنه دكه وما عرفت الطبع الكرت منوا وما موقف دكه من هذا الكرت وليه لمن مشيت القاهرة ما
ما حضرت شريط حنته وليه دكه زاتوا كان حزين وهرب من التحدث في الموضوع وانا شنوا بالضبط كدة بالنسبه ليه وليه تحسين اوضاع طالما انه في ارتباط عاطفي
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
عندما وصلنا امام النادي ارتعشت اوصالي.
ووجدنا اصدقاء دكه من كل مكان وهم فرحون لنا
عندها عرفت ان البحبه الله بحبب الناس ليه
,وذهلت من الصفافير والفرح الهلامي
وجري الاصدقاء خلف عربتنا
وتساقطت دموعي
ومسحهم دكه بمنديله
وقال لي اتلاقينا وحققنا املنا
واوعدك اكون معك في الحلوة والمرة مدي حياتي
| |
|
|
|
|
|
|
|
|
|
Re: رحلتي من بلاد العم سام للقاهرة (Re: رشيدة عثمان فقيري)
|
تلات اسئله تدور في ذهني
1-لماذا طبعت كروت بانه الزواج تحسين اوضاع وحتي الان لم اظفر برد حتي من دكه ولا اصدقائه.
2-لماذا لم يحضر للمطار ولماذا شفته بعد يومين.من حضوري للقاهرة.
3-الانقطاع والانشغال الدائم وقفل التلفونات في وجهي باي حق ولماذا عشان ..............
| |
|
|
|
|
|
|
| |
رشيدة عثمان فقيري
Safa Fagiri
قرشى محمد عبدون
خضر حسين خليل
Nasor Abdelgalil
حبيب نورة
فيس بوك
تويتر
انستقرام
يوتيوب
بنتيريست