|
دعواتكم لزميلنا المفكر د.الباقر العفيف بالشفاء العاجل
|
|
 Re: جديه ام قنفــه (Re: Maawya Hussein)
|
جدي ام قنفه ام العيون كحيلا هلك عشاقا فات و خلا مقيلا
جدى ام قنفه وين جدي اب حويجباً داير اسمر لونا والخديد الناير
يوم ما روح ما خلى مقايل ابكى عليهو انا دمعي السايل شيخ القبة
انا جيتك زاير ثبت قلبى الـ من محلو طاير لى ليالى انا دليلى الحاير
اكلى هموم كمان شرابي سجاير الزول خاصمنى قفل الموبايل لا المسكول خليهو
كمان ما بتدخلو رسايل
| |
 
|
|
|
|
|
|
|
|
Re: جديه ام قنفــه (Re: Maawya Hussein)
|
يا سلاااااااااااااام يا معاوية
شفته يا حبيب اخوك اظنو من اوائل
الشباب السمعوا الاغنية دي وكنت
خاتيها في موبايلي نغمة رسمي
وحاتك .
الزول البيغني ده عندو نداوة
صوت سبحان الله اصلي ماسمعتها
صوت حنين ويخلي دموعك في عينيك
ياخ ابراهيم قرمبوز وعبدالله الزين
من اول مرة سمعوهو بكو دون اي
خوف يبكو ومبتسمين
يا سلااااام ياخ .
| |
|
|
|
|
|
|
|
|
|
Re: جديه ام قنفــه (Re: سفيان بشير نابرى)
|
Quote: الزول البيغني ده عندو نداوة
صوت سبحان الله اصلي ماسمعتها
صوت حنين ويخلي دموعك في عينيك |
صوت مباالغه شديد يا سفيان ..رغم انو التسجيل بدون مؤثرات صوتيه او موسيقي مصاحبه
| |
|
|
|
|
|
|
|
|
|
Re: جديه ام قنفــه (Re: Abureesh)
|
الصوت فريـد، وفيه نغمة لا أظن توجد فى أى موسيقى، يشبـه صوت الشيـخ محمد العجيل، صيحـة الصادقاب..
وشيـخ المادح على الهادى الذين كانا ينشدان فى الإذاعـة فى السبعينات.
لو كان التسجيل مهنيا لظهـر الأداء بصـورة افضل بكثير من هـذا، ولكن يبدو الغرفـة أو المكان لم يكن
مصمما للتسجيل والصـدى واضح لا تخظؤه الأذن.
| |
|
|
|
|
|
|
|
|
|
Re: جديه ام قنفــه (Re: Abureesh)
|
يامعاويه سلامات.......وينك ما ظاهر
ياخ الشغل ده جيبتو من وين...........هيلاهوب؟
يعنى الصوت والمعانى حقت اهل القرى والفريق ..........والاشياء الحضريه بتاعه موبايل وميسكول .........كيف بس اتلمت
الحقوق ياخ........الادبيه.......والفنيه.......... .التعريف بالمسكين ده واجب عليك
====
هيلاهوب دى عشان الموبايل والميسكول وما ادراك
| |
|
|
|
|
|
|
|
|
|
Re: جديه ام قنفــه (Re: محمد عبد الماجد الصايم)
|
| Quote: استمعت بيها جدا والله! |
طيب يا حمـودي .. ما دام إستمتعت قدر ده
أكيد تكون عارف قنفـة يعني شـنو ?!
بس عليك دينك ما تقطع لينا من راسك ..
--------------
سلامات يا معاوية
يازول يا ذواق ..
| |
|
|
|
|
|
|
|
|
|
Re: جديه ام قنفــه (Re: محمد إبراهيم علي)
|
| Quote: طيب ما تكمل باقي الترجمة ياخ! |
النعدل ليك الترجمة ديك
القنفه قيا أنها الزِمام
اها قصرنا معاك !!؟
زبطناليك الكسره .
كدي نقط لينا لي تمبس
يجي يدينا رايو في الاغنية
وفي الصوت ده .
| |
|
|
|
|
|
|
|
|
|
Re: جديه ام قنفــه (Re: Maawya Hussein)
|
Quote: ياخ قول اتعدينا مرحلة الزُمام (يتخيل لي بالضم)!
الباقي شنو؟؟ |
احتمال صح بالضمه
بس الباقي مويه بس وسااااهل
شغل مخك الكلو بطيخ ده ياخ .
يا معاوية حسين ما اظنها الفلجة
لاني زمااان سمعتها من البلوتث
زيك كده وسالته سالته قالو لي
الزُمام .
| |
|
|
|
|
|
|
|
|
|
Re: جديه ام قنفــه (Re: سفيان بشير نابرى)
|
سلام للجميع
من اجمل ما اطلعت عليه مؤخرا قصيدة عكير الدامر
واجمل الابيات فيها
يتقسم مقاطع في المشي و يتحرن
زي فرخ القطا الأماتو ركن و فرن
الي القصيدة
يا مولاي أه من غلبي
من النارو حرقت قلبي
يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي
مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني
الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا
يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك
عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري
أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن
عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني
عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت
شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو
ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
| |
|
|
|
|
|
|
| |
Maawya Hussein
khaleel
سفيان بشير نابرى
جعفر سومي
Abureesh
محمد زكريا
محمد عبد الماجد الصايم
Abd Alla Elhabib
محمد إبراهيم علي
Abdelgadir Galal Ahmed
فيس بوك
تويتر
انستقرام
يوتيوب
بنتيريست