دعواتكم لزميلنا المفكر د.الباقر العفيف بالشفاء العاجل
|
|
 بشتاق ..
|
صحيح بشتاق ..
وأفتش ليك
وأسأل عنك الغيمات
وأوصى النسمة كان تغشاك
توصل ليك صدى الآهات
دموع الشوق وكيف برجاك
وكيف بتذكر الغنوات
وأردد أروع الآلحان
وأسأل عنك النجمات
أريتنى الليلة كان ألقاك
صحيح بشتاق
وأفتش فى عيون الناس
وأوصى القمرة كان تبراك
أمانه عليك وكت أشتاق
تجينى براك ..
* ** ** ** **
خواطر اللهفة والآشواق
تسابق الغيمة والنسمات
وتنزل طل .. وتبقى السيل
وشمساً تفضح الآهات
وتتوهج مسارب ضى
ساكنة النظرة والكلمات
وأنا المخلوقة شان أهواك
أصارع فى جوى الآنات
وأفضل أرجى يوم جيتك
وأعيش فى الدنيا شان أرجاك
وأخاف من لحظة تبعدنا
وتسرق أجمل اللحظات
وأرجع من جديد أحسب
وأسأل عنك النجمات ..
هند محمد
2007
|
|
 
|
|
|
|
|
|
|
 Re: بشتاق .. (Re: هند محمد)
|
يا سلام عليك يا هند يا رائعة , كان نفسي أسجل معك مساجلة لكن والله العظيم
مضغوط في العمل شديد جداً لكن أوعدك أقرب فرصة صغيرة اتداخل معاك .
والله قصيدتك جميلة جداً ومغرية الواحد يرد عليها , معليش أعذريني .
| |
|
|
|
|
|
|
|
|
|
Re: بشتاق .. (Re: هاشم أحمد خلف الله)
|
أشكرك استاذ هاشم على المرور والتعليق الجميل..
واكيد بعذرك 1000%100 لانه الالهام مابيجى فى اى وقت وصعب الواحد يرد على اى قصيدة
مشكور على لطفك يا ملك تسلم كتير على المرور ..
| |
|
|
|
|
|
|
|
|
 Re: بشتاق .. (Re: يازولyazoalيازول)
|
Quote: أمانة عليك وكت أشتاق
تجينى براك .. |
صدقت كلامك وجيت راجع ليك
شايل ريدي كله راجع وهايم فيك
قلت أنسى الماضي ما أصلك حبي الوحيد
لقيتك جافي وصادي ماهو طبعك ياالعنيد
جرحت قلبي وقتلت الفرحة تاني فيني من جديد
أنساه خلاص يا قلبي أصله قلبه ما بيعرف كيفن يريد
| |
|
|
|
|
|
|
|
|
|
Re: بشتاق .. (Re: مبيوع)
|
فناننا الكبير ياسر مبيوع سعيدة ان نالت قصيدتى أعجابك ..
هى لك مع امنياتى بالتوفيق فى ايجاد اللحن المناسب لها ..
مودتى واعتزازى .. شكرا جميلا..
| |
|
|
|
|
|
|
|
|
|
Re: بشتاق .. (Re: هند محمد)
|
Quote: وأنا المخلوقة شان أهواك
أصارع فى جوى الآنات
وأفضل أرجى يوم جيتك
وأعيش فى الدنيا شان أرجاك
وأخاف من لحظة تبعدنا
وتسرق أجمل اللحظات
وأرجع من جديد أحسب
وأسأل عنك النجمات ..
وأنا المخلوقة شان أهواك
أصارع فى جوى الآنات
وأفضل أرجى يوم جيتك
وأعيش فى الدنيا شان أرجاك
وأخاف من لحظة تبعدنا
وتسرق أجمل اللحظات
وأرجع من جديد أحسب
وأسأل عنك النجمات ..
من ضوء النجوم ماخد بريقك
تفتش في الظلمات حكاويك
ونسرق النظره عشان جيتــك
و نخاف من اللحظه كان غبتك
ترجع لينا ماضي البريق عنك
تهطل مطر الخريف من بسمــك
تسالم نجيمات لحظــــــــك
| |
|
|
|
|
|
|
|
|
|
Re: بشتاق .. (Re: مجدي عبدالرحيم فضل)
|
أنا مابين أشواقك تصحى
وما بين آحلم بهمساتك
أتعلمت أخاطب طيفك
أردد فى جواى غنواتك
كيف تتناسى الكان بيناتنا
دفء سلامك وبوح نظراتك
همس الليل والشوق المطّر
ونجمة ليلى الشاهدة غرامك
كيف تتناسى الماضى وترحل
كيف تتنكر لنجوانا ..!!!
مشكور استاذ مجدى على المداخلة الجميلة ..ومعذرة لم أرها الا اليوم ..
يسلم ذوقك وألهامك ..مودتى ..
| |
|
|
|
|
|
|
|
|
|
Re: بشتاق .. (Re: khaleel)
|
Quote: غليت الصدف بالدر
وبدلت العسل بالمر
وضحيت بليالي امدر
ولحظة مشينا عصر
وبراك انت الابيت تصبر |
جد ماليهو حق ..مشكور استاذ خليل على المرور الجميل ..تسلم
| |
|
|
|
|
|
|
|
|
|
Re: بشتاق .. (Re: هند محمد)
|
يا هندأً
الحياة بلا شوق كروضٍ بلا أزهار .. أبدعت وصفاً وترنماً ونغماً.. كلمات بسيطة ولكنها حبلى بالجمال والأناقة الوجدانية.. روعةٌ في الوصف.. ولقد إنبهرت بالمعاني المضمخة بإيقاع موسيقي وجرس دفيق.. وريفة كلماتك كما نخل الشمال.. ووهاد الغرب .. هي كما أهزوجة في شفاه غادة بجاوية.. وعذبة هي كماء نيلنا السلسبيل..
| |
|
|
|
|
|
|
|
|
|
Re: بشتاق .. (Re: ابوبكر يوسف إبراهيم)
|
مشكور استاذ ابوبكر على كلماتك الرائعة والتى أعطتنى دعما معنويا ومزيد من الثقة فى
أشعارى .. وما تراه من جمال يتدفق من دواخلك .. لو لم يكن بداخلك لما أحسسته ..
شكر بمقدار نقاءك ..تسلم ..
| |
|
|
|
|
|
|
|
| |
هند محمد
هاشم أحمد خلف الله
بشير جبريل علي
يازولyazoalيازول
مبيوع
مجدي عبدالرحيم فضل
khaleel
فيس بوك
تويتر
انستقرام
يوتيوب
بنتيريست