|
|
 وكت خجيجي الراجل الكان خاتبا خلاها وعرس !
|
02:22 PM Feb, 12 2015
سودانيز أون لاين
ست البنات -
مكتبتي في سودانيزاونلاين
قالتلو أولا بالتبادي تجيبلي المنجل والقيروانة اللتنا ,
وكمان تجيبلي الطاقيي الخيتها ليك والعيمي ,
وزمان وكِت كُتْ جايّ تكلم أبوي وتختبني وكان ما عندك قميصآ سمح
وأنا سرقتلك قميص من محجوب أخوي وكتين جاء في الإجازي من السعودييي ؟
أها أُمي قالتلك تجيب القميص دا أساععيتي.
وحبوبتي نعيمي مرسيلاني ليك فيشان قروش الصندوق فيحال أنا كُت أوالي بدفعلك عيلي تاني افرقتك وانقطعتلك قول أُمي نعيمي !
وعبدارحمن ود خالتي قالك أدينا حجارة البطاريي العندك وشوفلك حجاري ليبطاريتك إن شاء الله تتكبس في الضُلمّا تاني مالنا عليك.
ونواصل..
ست البنات.
|
|
  
|
|
|
|
|
|
|
|
Re: وكت خجيجي الراجل الكان خاتبا خلاها وعرس ! (Re: ست البنات)
|
وبت حومد خير قالتلك جيبلها ترمستا العند امك ,
وتعالوا شيلوا البهمي الجبتوها فحال امها ماتت لغنماية حبوبتي ترضّعا.
وكمان قول لعلويي أختك تجيبلي طرِحْتي الحمرا المبطشة الشالتا مشتبها لعرس اللمين ود الحاج ,
ماسكاها عندها لامن أسع اللمين بتو الولدوها عمرا بقي حولين وماشي للتالت !
وقولها لميلنا مقاشيشنا والبروش والحلل العندكم فيحال يبقي نسويلنا بووش قريب.
ويتواصل الحكي....
ست البنات.
| |
|
|
|
|
|
|
|
|
|
Re: وكت خجيجي الراجل الكان خاتبا خلاها وعرس ! (Re: ست البنات)
|
وعلويي اختك دي زاتا انا طالباها سبعة قروش دفعتهن ليها في الكشف الليل عرس اللمين ود الحاج
كانت ماسكاني من اكتافي تعصّر فوقي وتزقلت وتقول للحريم دي خجيجي عروس اخوي عيتمان
اكنها كانت تتقبّللي فيحال أخُتْلها السبعة قروش ، قَسمْ ماني خالاهنليها ماب يجيبنلي الصعوت ويرقعِنلي نِعْليي؟
ويوم كنا ماشين نرعي غنمنا وانت جيت تتلبت وراي هجمتني لامن انظلقت حيبيبة السكر الكت صاراها في توبي ,
اسع تجيبلي سكري الاندفق , ويوم نعجتكم البيضا ماتت ولقيتك قاعد متكفرن داك انا مشيت دكان السرير جبتلك سجارتين
بي قرش ونص يعني اكنني كمان بقيت طالباك ليهن تجيبن . وتجيبلي السوميتي اللتي الشلتها تظكار .
اها قبّال ما أنسي تعال شيل الطيرقي والمنقد الجبتهن لي في الخِتبي. وفتيل بت السودان الليلك ما تقول ناقص
أمك وعلويي أختك انريحن منه يوم عرس اللمين ود الحاج , كانن ماكلاتلهن حوت.
أنا وحات محجوب اخوي أصلو فوقي قطرة منو ما انرشت فوقي,
, انا اصلي عارفاك منعلم الله وكت خاتا في السحرة أدسدس فييو للعرس.
خجيجي.
(عدل بواسطة ست البنات on 02-12-2015, 04:20 PM)
(عدل بواسطة ست البنات on 02-12-2015, 04:21 PM)
(عدل بواسطة ست البنات on 02-12-2015, 04:25 PM)
(عدل بواسطة ست البنات on 02-12-2015, 05:16 PM)
(عدل بواسطة ست البنات on 02-12-2015, 06:42 PM)
| |
|
|
|
|
|
|
|
|
|
Re: وكت خجيجي الراجل الكان خاتبا خلاها وعرس ! (Re: ست البنات)
|
لووووووب يا ستو
خجيجى لسان حالها بقول لختيبها
يبقى لحين السداد ....
ـــــــــــــــــــــــــــــــــ
وهو المبدول المعرسلها شنو ؟
قولى لى خجيجى البشوف نصيبة غيروا تهون عليهو نصيبتو
فى جرايد الخرتوم الليله 12 فبراير 2015 قالو واحدة
باعت كليتها وادت خطيبها القروش عشان يجيب حاجات العرس
شال القروش وعرس واحده تانية ....
دحين يا خجيجى الجاتك فى هديماتك سامحتك ...
احذرن فلس هؤلاء المتروجلين ....
| |
|
|
|
|
|
|
|
|
|
Re: وكت خجيجي الراجل الكان خاتبا خلاها وعرس ! (Re: درديري كباشي)
|
Quote: ان خجيجي ان ما سفت الصعوط تبقي كيفن شايقيي؟؟!
الشايقيات كلهن بي حققن عيللي داساتنهن!! |
صعبتيها يا ستو والله ..
الشابات يسفن كيف ؟؟ !! ...
( إلا شابات الزمن ده شوف عيني منهن البقن يسفن .. ) ..
زمان الكانن بيسفن الحبوبات بس ..
ليها حق تتشوكش خجيجي دي ..
يمكن العريس الحارياهو ..
شافها يوم بي غفلة خاته ليها سفة دقار لوري ..
أها موقفها حيكون شنو يعني ؟؟ !! ..
أكيد موقف جعان يستحق ليهو شاكوش .. 
وأهو أخدتو الشاكوش الما خمج ..
حكي طاعم ..
موغل في بساطتنا ..
وحياتنا التي أفسدها التعقيد ..
وجعلها مسيخة ترمس ..
واصلي ..
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
ست البنات
سلام
حكي طاعم معطون في بساطة اهلنا وحياتن الساهله
حكي مليان توصيف لي علاقاتنا الاجتماعية الجميلة
اختو مستلفه طرحته وهي داسة فتيل الريحة
لكن يا ست البنات خجيجي دي دحين ما اتاخرت شوي
كان تطلع لستتة قبل العرس
عسى ولعل انو الختيب كان يعود لي رشدو
وجندرة كدي وكلام مداين بقول البنت السفته دقار دي محظوظ انو ربنا خلصو منها
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
الاخت فريدة محجوب الفريدي,
سلام,
انت تنباركي ,
البت العارفي قدر السفة واهميتا!
شفتي كيف حتي السويديات قعد يسفن !
باقيلي السويديات ديل شايقيات ضلن طريقن للسويد !
كان كدي نكلم الشوايقة يمشوا يهاجروا للسويد فحال فيها التمباك,
وكمان نبقي زينا وزي المجراب العندهم حظ في سفارة المجر في السودان !
تسلمي والله ,
عليك الله تكلمي الوليدات العابو علي خجيجي الصعوط ديل فحال ما ينبشوها مالا دا .
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
الأخ علي محمد الفكي,
سلام,
مشكور علي المرور.
عيللي انت اكنك ما شفت بنوت السويد الكملن صعوط السويد ورسلن لخجيجي يشحدنها ؟!
ويا علي يا اخوي خجيجي ما قعد تعرف تكتب فيشان كدي ما كتبت اللستة القلتها دي !
خجيجي مرقت من الخلوة اوالي ومشت لقش بهايما وقفيز تمرا وياهو جاء عيتمان دا متل الزهمول ختبا.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
الأخ محمد ابو العزائم ابو الريش ,
سلام,
وشكرا علي المرور,
عيللي انت مالك تناصف في خجيجي البينيي الفريد واحدي عند امها !؟
الخجخيج يا يابا يقع علي الانتخابات !
انت ما شفت البينيي السيويديي السيميحي الخاتي سفتا في التصويري بلا خجلة !؟
أسع انصاحبت مع خجيجي فحال السفة جمعتن !
وخجيجي البارح رسلتلها جردقة وحرجل , والسويديي صدت طلبت منها تمباك وقرض للنزلة !
ست البنات.
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: عبدالحليم حامد النعيم)
|
عبد الحليم أخوي ،
سلام،
انت مالك ومال الفتني !؟
نان طارق حتي هو في الحسبي ود عمي!
أكنك اسعالو!
وخجيجي بت عمنا الاتنين!
أنا جيت قبيل مندلي بي تيحت شفت غنمايتك تعرج وباركي تاكل
في سبروق نس ابنعوف ، أخيرك أمشي صددا للكريقا قبّا ل ابنعوف ما يجي يكاتلك، بدل السواطة الجايي تسويها دي .
وشكراً علي الجيي دي.
ملحوظي:
إنت آ طارق ود عمي جبرين عيللي يكوركولك ؟ يا خرابة أكنها خجيجي دي مو هولكون ؟ حسبي في عجبي .
إن بيقيت كدي بس تاني ضُوومة مانا شايلين شِبا !
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
Quote:
ملحوظي:
إنت آ طارق ود عمي جبرين عيللي يكوركولك ؟ يا خرابة أكنها خجيجي دي مو هولكون ؟ حسبي في عجبي .
إن بيقيت كدي بس تاني ضُوومة مانا شايلين شِبا !
ست البنات. |
غايتو يا ست البنات في ناس يتخيل لي بيدخلوا يتاوقوا في البوست وما بيفهموا منه الحبي دي وبيتخارجوا
باقيلي لو استعنتي بمرة (زوجة) طارق جبريل ودعمك دا جات ترجمته بالنوبي و شايقي من شوايقة المدن ترجموا بالعربي يكون احسن !
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: Asim Fageary)
|
..
ستهم ..
سلام يغشاك أخيتي .... ماني زول فتني ... عِــلا بت عمكن دي .. حشاها محروق بالحيل ..
والمسنوح ود اعمك ... ما كان يرجي لامن الخبر يصلنا ... باقي هو قال ضمة تاني مو صاد لي ... شبا
قت الحقو ... عمنو الخبر .. زاع وعمى القرى والحضر ..
غنيمايتي المقصوفة .. اريت ابنعوف يلحقى الصح ... يريحني منها ... باقي بقتلي في عزيزتي .. الله يصرفها ..
... ود عمك لامليلي ما ظهر ؟؟
..
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: اخلاص عبدالرحمن المشرف)
|
يا إخلاس !
وفي رواية شايقيي أُخري إخلا !
علي وزن انتصا (إنتصار)!
ولما سألوها ليه بتقولي لإنتصار إنتصا ؟
قالتلهون : إختصا (يعني إختصار)!
أسع يا إخلا دايري اقولك شِبا بلداً لينا في الشايقيي ،
كمان هي بلد حبوبتي ستي فاطني بت شيخ سغيّر رحمهم الله،
وياها بالد ناس طارق ود عمي جبرين.
عيلي بس حاتل في فاس الما وراها ناس المنقاش البمرق الشوكي ما يقلعو يجيبو !
علك الله إنْ لاقاك قوليو آ مقطوع الطاري بس تعال املا خشمك بي حريفاً حار ففِكْبو الريق !
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
أخوي جحفر ،
سلام،
وباقيلي إنت ماك شايقي شي !
نان كيفن البطان ديل مابيفهموا نضمنا ؟ قالولك نحنا عُجُم ؟
والله ياهو !
اسع أجيب المِرق العند السام هووْ أشبعون في الدق !
واخلي جيليدون مِتل البَشَنْتيق المعطون بي موية الجنابيي !
واخليهون ينْجاضو مِتْل البهم الامو قاطي وضرِعا عدمان البولالي.
وكتّر خيرا البينيي العيديلي إخلاس قاعدي تفنّدلهون في نضمي وتوقعْلهون فيْيو !
نان تاني مالو بيغلِبون ؟ خلّهون ياكلولون هيْن بركاوي ولا تمودي إن تاني غلبتون فريد كلمي.
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
أخوي جحفر ،
سلام،
وباقيلي إنت ماك شايقي شي !
نان كيفن البطان ديل مابيفهموا نضمنا ؟ قالولك نحنا عُجُم ؟
والله ياهو !
اسع أجيب المِرق العند السام هووْ أشبعون في الدق !
واخلي جيليدون مِتل البَشَنْتيق المعطون بي موية الجنابيي !
واخليهون ينْجاضو مِتْل البهم الامو قاطي وضرِعا عدمان البولالي.
وكتّر خيرا البينيي العيديلي إخلاس قاعدي تفنّدلهون في نضمي وتوقعْلهون فيْيو !
نان تاني مالو بيغلِبون ؟ خلّهون ياكلولون هيْن بركاوي ولا تمودي إن تاني غلبتون فريد كلمي.
ست البنات.
| |
|
|
|
|
|
|
|
|
|
Re: بوست الرائعة الحبيبه ست البنات وكت خجيجي خلاها...... (Re: ست البنات)
|
| Quote: أنا المستغربلها خجيجي البخليها تسف الصعوط شنو وهي لسع ما عرست؟ ما إمكن دا الطير منها الراجل الكان خاتبا؟ |
نفس الشعور يا دكتور ياسر! أنا ود أنصار، إنت مالك؟
شكرا لصاحبة الحكي الجميل ست البنات و لضيوفها و بالمناسبة قبيلة الجوامعة في منطقة شرق كردفان مركز الرهد و أم روابة تميل نفس إمالة الشوايقة فتقول الحلي " الحلة" و الجدادي " الجدادة" و البنيي "البنية" و يقولون أي " لايوا" او آآي بتاعة المدن. يقولون الكبريتي و الدهي " الدهية". الليلي ذكرتيني أهلي في الحلي يا أخيتي!
| |
|
|
|
|
|
|
| |
ست البنات
دينا خالد
Yasir Elsharif
عبدالحفيظ ابوسن
جمال ود القوز
Farida Mahgoub
نعمات عماد
علي محمد الفكي
محمد أبوالعزائم أبوالريش
ودقاسم
د.محمد بابكر
طارق جبريل
Asim Fageary
جعفر محي الدين
Omer Abdalla Omer
فيس بوك
تويتر
انستقرام
يوتيوب
بنتيريست