|
|
|
 Re: المكنسة المنبرية - صورة (Re: معاوية المدير)
|
اووووو ...
حبيبنا ود المدير سلام من الله يغشاك ...
_____
بالنسبة لسؤالك ...
بعد ما تحفظ الصورة على جهاز الكمبيوتر حقك ...
تمشي للمكان الحفظت فيه الصورة وتضغط عليها باليمين وتختار من الخيارات فتح بواسطة ... تختار برنامج الفوتوشوب ...
بعد ما فتحت الصورة في برنامج الفوتوشوب ... يمكنك مسح النص [عتالة الخبير] مثلا ... بالاستيكة في الفوتوشوب وتكتب النص الدايرو ...
اوزن النص المراد بحيث يكون تحت المكنسة تماما ...
عشان تطبق الكلام الفوق دا يا معاوية لازم يكون عندك برنامج فوتوشوب على الجهاز ...
لو ما ظبتت معاك الطريقة قول عوووووووووووووك ...
لو عندك اي نص انا على استعداد ان اقوم باللازم ...
الصينين عندهم مثل بيقول (علمني أن اصطاد سمكة ولا تعطني اياه جاهزة) ...
| |
 
|
|
|
|
|
|
|
|
Re: المكنسة المنبرية - صورة (Re: قسم الفضيل مضوي محمد)
|
| Quote: لو ما ظبتت معاك الطريقة قول عوووووووووووووك ... |
والله يا قسم الفضيل أخوي أنا بس كترت خبار مِني ساكت، وما ظنيتني
إستعملا.
أغري بكري ابو بكر مني السلآم وقلو قالك ود المدير أنت رجل
عاجز رأي والله يجزيك عنا ألف خير...
| |
|
|
|
|
|
|
|
|
|
Re: المكنسة المنبرية - صورة (Re: معاوية المدير)
|
Quote: أغري بكري ابو بكر مني السلآم وقلو قالك ود المدير أنت رجل
عاجز رأي والله يجزيك عنا ألف خير... |
تعرف يا معاوية كلامك دا ذكرني قصة اهل القرية الكان الملك حقهم عنده فيل والفيل مفكوك ساي بياكل في زراعة المساكين من طرف ويكسر فيها ...
اها ناس القرية اجتمعوا وقالوا نمشي نكلم الملك ونقول ليه (لِم فيل دا عليك) ... اها وقفوا وقالوا في منو البكلم الملك ؟؟ في واحد اتبرع وقال انا ح ابدأ الكلام مع الملك وانتوا تموا الباقي ...
الجماعة مشوا للملك وفعلا صاحبنا بدأ الكلام وقال ليه يا صاحب الجلالة فيلك اااااااا ..... !!
الملك : فيلي مالوا ؟؟؟ وجماعتك وراء الخوف كتلهم وما قدرين يتكلموا ويتموا باقي الكلام زي ما متفقين ... وصاحبك شابك الملك يا صاحب الجلالة فيلك ااااااااااااااااااا
اها صاحبنا لما شاف الجماعة ساكتين وما في واحد داير يكمل ... قام صاحبنا قال للملك ... فيلك دا الوحدة ح تكتلوا ... فأنا باقترح تجيب ليه فيلة تؤانسه ....
انا اسه متخيل نفسي مشينا لصاحب الحوش دا وانتوا قدمتوني وأنا بديت الكلام وقلتا يا صاحب الحوش مكنستك ااااااااااااا ... وصاحب الحوش بيسأل فيني ... مكنستي مالها ؟؟؟
ولما شفتا ما في واحد داير يتم الكلام قمتا قلتا ليه ... مكنستك دي براها ما ح تعمل حاجة ... فلازم تشوف ليها أخت ... المكنسة الاولى لمسح مداخلات العضو والتانية لمسح العضو ذاتو من أسافير الله الواسعة دي ... 
| |
|
|
|
|
|
|
|
|
|
Re: المكنسة المنبرية - صورة (Re: قسم الفضيل مضوي محمد)
|
معليش يا باشنهتس فضل ما شفت بوستيك الا الآن بعد ما فتحت بوست بذات الموضوع
منذ أن أضاف الريس بكري الخاصية الجديدة في المنبر التي تتيح للعضو حذف المشاركات التي لا تروق له .أو بالآصح لا تليق به .رغم أني لا أعرف حتى الآن كيفية استخدامها وأتمنى الا أحتاجها . بدأت تحدث بعض المفارقات الطريفة .. تجسدت في بوستتات الخبير الأعلامي صلاح غريبة .. هو أعتاد أن يكتب بوستاته هذه التي تمجد أو تصب في أتجاه تيار النظام الحاكم . وله أعضاء أعداء دائمون يتربصون بمرصده ردا واستخفافا كالأخ جمال خضر .. وهو يواليهم بالاستيكة , نسأل الله أن يواليه بالعافية منهم ومنها..أصبح صراع سرعة وزمن .. على قول المصريين ( يا تلحأ يا ما تلحأش .. )..
فكرني بمحلات غوار في الرياض التي تبيع عجينة الفطائر في رمضان وتجدها زحمة وصفوف طويلة . .كثيرا من السودانين شاهدوا الصف غراهم قبل أن يغرر بهم ويجدونها عجينة لا يملكون لها زيتا ولا وقتا ..
الأستيكة في حد ذاتها أصبحت وسيلة ترويج من حيث ندري ولا ندري .. بعض البوستات كنا نؤجل الدخول إليها حتى آخر اليوم .. أو نسوف طالما أنها موجوده بغضها وغضيضها .. لكن الآن الآستيكة لا تتيح لنا تأجيل قراءة اليوم للغد .. والا لن تفهم أبدا ماذا كان يحدث هنا .
| |
|
|
|
|
|
|
|
|
|
Re: المكنسة المنبرية - صورة (Re: مزمل خيرى)
|
| Quote: ياقسم ما بلقى لى مكنسه بتشتغل بحجار بطاريه :) |
يا مزمل حجار البطارية دي دقة قديمة ... عندنا مكانس بتعمل بالطاقة الشمسية ... بادر بحجز مكنستك فالكمية محدودة :)
| |
|
|
|
|
|
|
|
|
|
Re: المكنسة المنبرية - صورة (Re: قسم الفضيل مضوي محمد)
|
| Quote: لكن كدي قول لي، الشي دي وين، وبيمسحوبا كيفِن ؟... |
يا قسم الفضيل كيفك
ود المدير أظنه بيسأ ل عن كيفية الحذف, الغريبة انت جاوبته عن كيفية عمل الصورة الإنت سوّيتها و الأغرب أنه قبل جوابك و مشّاه عادي هههههههههههههه
بالنسبة لموضوع البوست
أنا شايف إنّو الناس استعجلت برفض الخاصية الجديدة حتى قبل تطبيقها
وما أدّوها فرصة تطبيق ويشوفوا النتيجة كيف؟ مش يمكن يكون الوضع أحسن ؟
لغاية الآن ببوستك دا حسبت حوالي السبعة بوستات عن الموضوع و الغريبة غير جمال خضر ما في زول اتطبّقت فوقه :)
| |
|
|
|
|
|
|
|
|
Re: المكنسة المنبرية - صورة (Re: محمد البشرى الخضر)
|
Quote: ود المدير أظنه بيسأ ل عن كيفية الحذف, الغريبة انت جاوبته عن كيفية عمل الصورة الإنت سوّيتها و الأغرب أنه قبل جوابك و مشّاه عادي هههههههههههههه
|
فعلا يا ود البشرى ... الظاهر ود المدير كان بيسأل عن كيفية حذف المداخلات ولكن أنا كنت قايله بيسأل عن كيفية عمل المقشاشة ... وفعلا صاحبك مشى فيه الرد زي الما حاصل حاجة ... :)
______
أما بالنسبة لاستعجال الناس في تقييم سياسة المنبر الجديدة في مسح مداخلات الغير من جانب صاحب البوست وأنه ما في زول طبقها ...
الاخ جلالدونا ما قصر وعمل ليك فلاش باك سريع للناس الاستخدمت كنس المداخلات الغير مرغوب فيها من جانب صاحب البوست ...
ودا غير المداخلات الما جابوا الناس خبرها ...
صلاح غريبة بالاضافة لحذف جميع مداخلات الاخ جمال خضر في بوست (مرصد صلاح غريبة الإعلامي) ...
قام بحركة خطيرة جدا وهي نقل بوست كااااااااااااااامل للمكتبة وكان مزنوق في البوست داك زنقة شديدة وهو بوست [حبوبتي بتسلم عليكم وبتقول ما تسمعوا كلام الوهم ديل وامشوا انتخبوا] ...
نقله بصمّتو للمكتبة وخلى ليك خشم المتداخلين ملح ملح
يمكنك زيارة مكتبة الخبير والتأكد من كلامي دا ... وبالتالي يعتبر لديه قصب السبق في نقل بوست للمكتبة وترك المتداخلين في السَهَلَة
| |
|
|
|
|
|
|
|
|
|
Re: المكنسة المنبرية - صورة (Re: قسم الفضيل مضوي محمد)
|
Quote: صلاح غريبة بالاضافة لحذف جميع مداخلات الاخ جمال خضر في بوست (مرصد صلاح غريبة الإعلامي) ...
قام بحركة خطيرة جدا وهي نقل بوست كااااااااااااااامل للمكتبة وكان مزنوق في البوست داك زنقة شديدة وهو بوست [حبوبتي بتسلم عليكم وبتقول ما تسمعوا كلام الوهم ديل وامشوا انتخبوا] ...
نقله بصمّتو للمكتبة وخلى ليك خشم المتداخلين ملح ملح |
حبيبنا قسم الفضيل .. لم يعد للمنبر أي طعم لأن مداخلاتنا مع الخبير وكذلك بوستاته والمداخلات الاخرى
هي ملح البوست .. وخاصة الصورة بالعقال ( يا زول يا فنان ) لكن بالغت فيها .. شبه تمام مع نقشبندية الحجاز ..
صدقني الحوش بقى بدون طعم .. أهم شيء الخبير ..
ومن هنا أناشد بكري على سحب هذه الخاصية من الخبير ..
لك التحية .. ونرشحك لقيادة الحملة ضد الكنس ..
تحياتي ومحبتي ..
وفقدنا شلة العتالة ومجلس الادارة الخاص يخيمة الخبير ..
| |
|
|
|
|
|
|
|
|
|
Re: المكنسة المنبرية - صورة (Re: علي عبدالوهاب عثمان)
|
Quote: لم يعد للمنبر أي طعم لأن مداخلاتنا مع الخبير وكذلك بوستاته والمداخلات الاخرى
هي ملح البوست .. وخاصة الصورة بالعقال ( يا زول يا فنان ) لكن بالغت فيها .. شبه تمام مع نقشبندية الحجاز ..
صدقني الحوش بقى بدون طعم .. أهم شيء الخبير .. |
يا اخونا علي عبد الوهاب ... انتا عارف من اهم اسباب زعل الخبير منكم هو الصورة بتاعتو بالعقال على ما اعتقد ...
وانا ما كنت عارف انه زعلان ومليان منكم الا بعد ما بكري اتاح خاصية مسح المداخلات دي ...
| |
|
|
|
|
|
|
|
|
|
Re: المكنسة المنبرية - صورة (Re: قسم الفضيل مضوي محمد)
|
حبيبنا قسم الفضيل ..
العكس يا أخي الحاجات دي هو بحبها جداً .. ده كان لفترة ملح ليالي جدة
شايفك انت متمكن من شغل التكنولوجيا .. أعمل أي حاجة أسحب الخاصية دي
من الخبير ..
كان أنا عايز أجرب أعمل لي مداخلة في إحدى بوستاتو .. نشوف الحكاية كيف ..
تحياتي ومحبتي
| |
|
|
|
|
|
|
| |
قسم الفضيل مضوي محمد
معاوية المدير
مزمل خيرى
محمد البشرى الخضر
جلالدونا
علي عبدالوهاب عثمان
فيس بوك
تويتر
انستقرام
يوتيوب
بنتيريست