قصّة قمر

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 08:30 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-08-2015, 06:43 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


قصّة قمر

    06:43 PM Aug, 16 2015
    سودانيز اون لاين
    أبوبكر عباس-الإمارات
    مكتبتى فى سودانيزاونلاين



    قلت ما في داعي أفتش البوست وأتعب الناس الما متابعة والمتابعة بقراية كلام كتير، وآ هو أحسن نبدأ من هنا، والحاجات المشتتة دي بتلقى ليها زول في النهاية لو ربنا كفانا شر الهكر يلمها مع بعض.
    زوجها مشى يغيّر زيت العربية وخلانا في صالة الفندق، نفس الروح الحلوة والقعقعة الخليتها بيها من خمس وعشرين سنة، قلت ليها: يعني يا قمر، يوم ختيتي يدك في كتفي ونطيتي من اللوري والإسكيرت إتعلق في المسمار في ضوء القمر داك، موش عرفتيني أخدت القاضية وإتكسرت نهائي فيك؟!
    - قالت لي: وحات الله، يا أبكر، عارفاك كنت بتريدني وأنا ذاتي كنت بريدك خالص، وأكتر حاجة كان ممكن تخليني أتمسك بيك هي جنّك داك، وعارفا ومتأكدة لو كان إنتظرتك ما كنت بندم، لكن يا أبكر، نحن كنّا دفعة، ونحن البنات بننتبه للحياة قبلكم خالص، وإتّا كنت مطرطش خالص ولو حاولت أنبهك وأخليك تركز كنت بتفقد طرطشتك الحلوة دي، وطرطشتك دي يا ها الكنت مكسرا فوقها!!

    (عدل بواسطة أبوبكر عباس on 30-08-2015, 03:39 AM)
    (عدل بواسطة أبوبكر عباس on 11-09-2015, 02:43 PM)

                   |Articles |News |مقالات |بيانات

16-08-2015, 07:04 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    قلت ليها: تابعتي مسلسل فريندس الأمريكي؟
    واصلت دون إنتظار رد
    بتعرفي فيبي المجنكسة الفي المسلسل داك؟
    كنت بتابع المسلسل دا عشان فيبي دي، وكل ما أشوفها كنت بتذكرك، الغريبة هي ما بتقعقع لكن روحها حلوة حلا حلا!
    يعني خلال الخمس والعشرين سنة الفاتن ديل بكون إتذكرتك بعدد حلقات المسلسل دا
                   |Articles |News |مقالات |بيانات

16-08-2015, 07:21 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    قلت ليها: المستغرب ليهو يا قمر، كيف قدرتي تعبري ربع القرن دا داخل أمدرمان من دون ما تنهزمي وتفقدي ألقك؟
    رأيك شنو في ألق دي؟
    - سألتني يا أبكر وأنا بحب الأسئلة الساهلة
    يا سيدي، بعد محاولة إغتيال مبارك -الوكت داك كنت متزوجة لي خمس ولّ ست سنين- جاني زي إلهام زي بتاع الأنبيا وزي كشف كدا للسنين العجاف الحا يجن وتذكرت حلم سيدنا يوسف بتاع السنابل داك، وبيني وبين نفسي حددت درع وقاية نفسية من الجايي علينا ونفذتو بشكل دقيق
    أحكي ليك حوارات مع نسابتي (أخوات زوجي) وإتّا منها شوف الدرق الإتحصنت بيهو
    قبل تبدأ جاء راجلها داخل، سبيت ليهو (طبعا بسري) ووقفت وقلت ليهو: شوف يا وداعة، الزولة دي عندي معاها ونسة خمسة وعشرين سنة ولازم لازم أسمعها، بالله، ما تعمل لي فيها زوجها وحركات
    إنفقع من الضحك لحدي ما قعد في الواطة، وقال لي: أوعة تكون وصلت معاك قصة صلعة أمي؟!
                   |Articles |News |مقالات |بيانات

16-08-2015, 07:48 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    قاطعتنا: دقيقة قبل أحكي ليك الحوارات داير أقول ليك: واللاي يا أبكر، كلما أسمع أغنية أجمل الحلوين والمناظر على التلال كنت بتذكرك.
    قلت ليها: أجمل الحلوين متذكر مناسبتا، لكن ثنائي العاصمة ديل ما متذكر
    قالت لي: في بص السلخانة كنت أول ما تركب ببهدلتك وتفتك ديك كنت قاعد تكورك لنور الدين يغني ليك المناظر على التلال.
    همست ليها: بكون عشان مقطع: المزمزم ضرب مثل عجوة معطونة في عسل!!

    (عدل بواسطة أبوبكر عباس on 17-08-2015, 06:42 PM)

                   |Articles |News |مقالات |بيانات

16-08-2015, 08:24 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    ياسلام يا سلالالالالام يا رائع ..
    أها ما فضل ليك زول يعمل اب غيري ..
    اقعد اتفاصح فوق اصحابك لسه..
    لكين بيني وبيك هو من يشوف ليهو قطر بخار بقعد يتنخج ..
    زيما لوري التيمس والمراحات بفتحو شهيتك ..
    :
    :
    :

    :
    :
    للحكي طبعا.
                   |Articles |News |مقالات |بيانات

16-08-2015, 09:30 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد على طه الملك)

    Quote: أها ما فضل ليك زول يعمل اب غيري ..

    مصداقا لكلامك دا يا ملك، بروف أمين نوتة رسل لي رسالة قال لي فيها ما داير معاي كلام ليوم الدين؟؟
    عشان أنا أمنت على غوصنتو في بوستات صلاح جادات
    رديت ليهو قلت ليهو هو ذاتو ما في يوم دين.

    بحاول أرضيهو وبهدي ليهو بقية المداخلة دي فقط
    البوست كلو ما بقدر أهديهو ليهو كامل.

    قلت لقمر: أغنية ود اللمين بتاعت عيال أبجويلي بتذكرك شنو؟
    قالت لي: وداللمين ذاتو بكجنو
    قلت: أول ما دخلنا كردفان في الرحلة ديك لو تذكري، وقفنا بسوق حلة اسمها عيال أبجويلي، وبعد إتغدينا إدّورنا حول ست شاي سمحة خلاص، وأنا بشلاقتي قلت ليها:
    جنسك شنو؟
    قالت مجانين وهي بتصفي في الشاي
    إفتكرتها زعلت مني، دكتور محمد الأمين همس لي: المجانين اسم قبيلة كردفانية
    قلت ليها: أغنية محمد اللمين بتاعت عيال أبجويلي هل قالوها في ناس الحلة ديل؟
    ردّت: ناس العيال سرقوا منهم ناقة، شيخ الحلة زعل وحلف على الصبيان يمرقوا يجيبوها وما في زول فيهم يشيل ليهو سلاح ولا حتى عصاية
    وحلف عليهم يمشوا حفايا
    بعد يومين جابوا الناقة والحرامي مكتّف
    وصدح ود اللمين في مسرح الجزيرة:
    عيال أبجويلي الكمبلوا وعرضوا
    لديار كردفان إتغربوا وسدروا
    لبنات الأهل سمح الخبر جابوا

    ونحن طالعين منها قلت ليها: المجانين كلهم سمحين كدا؟
    ابتسمت

    (عدل بواسطة أبوبكر عباس on 16-08-2015, 09:33 PM)

                   |Articles |News |مقالات |بيانات

16-08-2015, 09:41 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    كان تستنى شاهين يخلّص عيونك يا حمادة و تديها زي ستة شهور كدا الناس تنساها
    ناس الأفلام اللو بدجت بعملوا كدا, بلبدوا لامن يكون في بلوكبستر نازل :)


    ______

    رجاء ما تقرا كلامي دا تحت تأثير أو انطباع اي حوار سابق :)
                   |Articles |News |مقالات |بيانات

16-08-2015, 09:45 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد البشرى الخضر)

    لا لا يا ود البشرى، أنا وشاهين كل زول حلاوتو براها
                   |Articles |News |مقالات |بيانات

16-08-2015, 09:46 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    اكيد .. اكيد :)
                   |Articles |News |مقالات |بيانات

17-08-2015, 06:32 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد البشرى الخضر)

    كدي أبدي لي بقصة أم صلعة
    قالت لي كدي خليني أعمل ليك تمهيد أول
    تمهيد دي موش حلوة؟
    - حلوة إتّي
    - تذكّر الخيم كانت سوبرماركتات في شوارع الخرطوم؟
    الخيم دي قلبت خارطة الأغنياء في السودان، وأهل وداعة ديل من ملياديرات تحولوا لفقراء يقتسمون بيت مساحتو تلتمية متر في الثورة الحارة الساتة!!
    - طلال جمبكم؟
    - أبوهم مات بالحسرة، والبيت أصلا نجأ من الغول لأنو أبوهم كان واهبو لأحد الأقرباء مساعدة وكتر خيرو الراجل بعد حصلت مأساة إنهيارم أصرّ يرجعو
    أصعب حاجة يا أبكر، تكون غني وتفقر!!
    وبعدين طلال في عينك يا ثقيل
                   |Articles |News |مقالات |بيانات

17-08-2015, 07:12 PM

abubakr salih
<aabubakr salih
تاريخ التسجيل: 27-12-2007
مجموع المشاركات: 8834

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    انا زاتي بعمل اب فى انتظار باقي الحلاوة، يلا اتحرك يا بكور، سوقك ماشي يحر.
                   |Articles |News |مقالات |بيانات

17-08-2015, 08:27 PM

muntasir

تاريخ التسجيل: 07-11-2003
مجموع المشاركات: 3444

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: abubakr salih)

    أبكر الزنديق الحالم اهه اتسديت ليك يا ود البشرى وشاهين ما سائل في صنع الله ابراهيم
                   |Articles |News |مقالات |بيانات

18-08-2015, 02:51 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: muntasir)

    سعيد بإنضمام المثقف والسياسي الكبير أبوبكر صالح لرابطة محبي الأديب أبوبكر عباس
                   |Articles |News |مقالات |بيانات

18-08-2015, 03:38 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7611

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    لكنك بتكون حزين لانسحاب الكاتب الكبير مصطفى مدثر
    الناقد الأدبي لكتاباتك بعد زوجتك طبعا
    أي كاتب يقول ليك زوجتي هي الناقد الأول لأعمالي
    وفي الحقيقة يكون قاصد لـ عمايلو
                   |Articles |News |مقالات |بيانات

18-08-2015, 04:04 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: معاوية الزبير)

    فلاش باك:
    كنت في بوست سابق (أجمل الحلوين عهودك وين؟) كتبت عن قمر دي في رحلة طلابية باللواري:
    "ونحنا ماشين، اللوري السايقو نابري وحل في قوز رمل، وقفنا اللوري التاني في حتة ثابتة ونزلنا الصاجات وبدأت الناس تنزل للإستمتاع بدق الصاجات والنسيم والرمل وضوء القمر.
    في اللوري بتاعنا كانت معاي واحدة من بنات الحلنقة بكسلا اسمها قمر، قالت لي: بكوري أبو طويلة، عليك الله، أفتح لي الباب الخلفي بتاع اللوري وخليني أتكل في كتفك الطويل دا وإتا في الأرض؛ عشان أنزل
    أتذكر يا أخوانا، وما طالبني حليفة، أتذكر عاينت ليها وأنا قاعد في شوال جوة اللوري وهي واقفة، أتذكر إنعكاس ضوء القمر من الزمام الذهبي الكانت لابساهو في عيوني، قلت ليها بفرح شديد وباللهجة المصرية: أوي أوي هو نحنا نطول
    قالت لي من ناحية طول إتّا طويل...
    بسرعة ورشاقة وخفة شديدة تلبت من اللوري وفتحت الباب ووقفت جنبو وشبكت يديني وقلت ليها أنزلي في يديني
    قالت لي لا، إتّا بس خليني أثبت يدي اليسار في كتفك وبعدين بنط في الرمل

    وقفت جنب اللوري ديدبان، وشديت الكتف، برشاقة موش شديدة أوي، جلست في طرف اللوري بعد جدعت شبطها في الرمل، وختت يدها في كتفي ونطّت ومع وصول أقدامها للأرض صرخت بصوت عالي، إلتفتت لقيت طرف الإسكيرت (الإسكيرت من نوع الإسكيرتات الواسعة بتاعة زمان أيام القماش رخيص) إتعلق في مسمار في خشب اللوري، وبسرعة أقل رشاقة من ذي قبل، حررت الإسكيرت وقلت في سري تيمنا ب معكوس التراث الديني: سبحان الله مثبت القلوب!!"
                   |Articles |News |مقالات |بيانات

18-08-2015, 04:14 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: أبكر الزنديق الحالم اهه اتسديت ليك يا ود البشرى وشاهين ما سائل في صنع الله ابراهيم

    وحات سيدي الحسن، يا أخوانا، منتصر دا، أنا قاعد أريدو، وبتخيلو عندو كرش صغيرة، وجنّو يدردم الصعود وينفض يدينو مع بعض مع تفتفة خفيفة، وبلبس شبشب أسود مسحوق بالجنبة لأنو مشيتو ما موزونة.
                   |Articles |News |مقالات |بيانات

18-08-2015, 04:47 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    واصلت:
    قبل التمكين يا أبكر، عشتا مع الناس ديل حياة منعّمة بوصفا ليك في الدرب، هسع دايرا أعمل ليك شورت كت عشان نصل لقصة أم صلعة، لانو عارفاك ما ح تسيبني آخد راحتي في الحكي لو ما حكيتا ليك.
    "في الحكي" دي كيف؟
    - قلت ليها خطيرة، واصلي الرمسة
    - بعد موت أبو وداعة، كل أسرة وداعة ومعاهم أنا إنتقلنا لبيت الساتة، حاجة كدا سريعة زي الحلم، تخيل نفسك عايش مع أسرتك في جميرا دبي وتلقى روحك الصباح في أبي حمد من غير مقدمات؟؟
    بالمناسبة، طلال الساتة صاحب ولدي نزار ومن دورو

    التعديل: إضافة كلمة واصلت للربط

    (عدل بواسطة أبوبكر عباس on 29-08-2015, 07:37 PM)

                   |Articles |News |مقالات |بيانات

18-08-2015, 04:47 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    عارف يا دكتور أجمل حاجة انك ما خاتي صورتك ..
    كدا اديتنا براح الواحد يرسمك ذي ما عايز بالذات الجكس..
    أوعك تسألني عن تصوري ..
    بعوقك ..
    عامل صبعينك الطوال ديل..
    بس من ناحية أنيق أنيق..
                   |Articles |News |مقالات |بيانات

18-08-2015, 08:03 PM

muntasir

تاريخ التسجيل: 07-11-2003
مجموع المشاركات: 3444

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد على طه الملك)

    الله لا آجرك قصاص آتر التقول مري بس طلع التمباك وصُغر الكرش
                   |Articles |News |مقالات |بيانات

18-08-2015, 08:11 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7611

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: muntasir)

    لو كنت صاحبي شديييد (أشد من كدا شوية) ومن النوع الما بتتعقّد وبتقبل كلام الرباطاب
    كان قلت ليك: نان خليت شنو غير الشبشب
                   |Articles |News |مقالات |بيانات

18-08-2015, 08:22 PM

muntasir

تاريخ التسجيل: 07-11-2003
مجموع المشاركات: 3444

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: معاوية الزبير)

    لكن يا معاوية نوسترداموس اخير نوقفوا هنا ياخ دا نقر ليك ود البشرى الحالم سبانا من جلابيتوا بس يقوم يعمل لينا عملية زولهم بتاع مدني القاليها يا حجة ادنقر ليك شُميني شوفيني ود ناس منو
                   |Articles |News |مقالات |بيانات

29-08-2015, 07:35 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: muntasir)

    بكري أبوبكر رسل لي رسالة داخلية أداني فيها باقي كوتة جادات المسحوبة
    ومن بكرة ح أرفع بوستاتي الستة الشغالات في الربع دا مع بعض

    شكرا بكور
                   |Articles |News |مقالات |بيانات

30-08-2015, 02:45 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    واصلت:
    بيت الساتة تلتمية متر 15x20 ناصية علي شارعين وفيهو تلاتة دكاكين جهة الخمستاشر متر، في الأول سكنا كلنا مع بعض، أنا ووداعة، حمادة أخوهو وزوجتو رحاب وأختين وداعة وأمو.
    خمسة نسوان في حتة صغيرة زي دي...
    تميت ليها الجملة ب: يستحيل يتفقوا
    ردت لي: شاطر طبعا إتّا في الحاجات دي.
    واصلت: يوم بعد معركة إسقاطات كبيرة بين رحاب والبنات وأمهم، إقترحت على وداعة خطة للفصل بين القوات وقلت ليهو نقسم البيت لتلاتة شرايح ويكون كل شريحة فيها دكان، أنا ووداعة أخدنا الشريحة الفي النص زي قوات الامم المتحدة.
    سميت بيتي الجديد في أدبياتي الونسية القطر، والتاني سميتو قطر حمادة، والأخير قطر أم صلعة
    أدبياتي الونسية دي كيف؟
    قلت ليها: إتّي من وين يا بنيّة وناوية علي فين السفر؟
    - كسلا الجميلة، كسلا يا أجمل خبر
    واصلت، أم درمان دي معظمها إستكت والبيوت إتقسمت زي المرارة وتقريبا معظم الناس مجانين.
                   |Articles |News |مقالات |بيانات

30-08-2015, 02:58 AM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: أم درمان دي معظمها إستكت والبيوت إتقسمت زي المرارة وتقريبا معظم الناس مجانين.

    تقول والله؟
    متأكد دا ما كان كلاما بس انت داخل بى على طمع..
                   |Articles |News |مقالات |بيانات

30-08-2015, 03:15 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد على طه الملك)

    عليك الله يا ملك، شوف محن هشام آدم وكلامو عن الأدباء المغمورين وكمان داير يمتحنم!
    هسع أنا كونو محمد طه الملك بقرأ كتاباتي، موش دي براها شهادة مرور وجمهور؟!
    آآل مغموريين آآل!
                   |Articles |News |مقالات |بيانات

30-08-2015, 03:29 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    واصلت قمر:
    الداخلة علي طمع يا ملك، كانت رحاب الحنكوشة وغلبا هي والبنات وأمهن يتأقلموا مع وضع الفقر الجديد واليوم كلو ساخطات وبسقطن زهجن دا في أي زول

    مثلا لو بخرت قطري (بيتي)
    أول ما يشمن البخور يقولن من ورا الحيطة: خلاص ولعتي الحفرة، يحفروا ليك ود اللحد، وداعة دا ما مصيتيهو كلو.
    أنا بهنا ما برد ليهن مباشرة، طوالي بنادي نزار ولدي وأقول ليهو: تعال يا نزار أمسك شاندوتش اللبشكيري دا، أبوك زمان كانوا بحشوا ليهو الكمونية بالكسرة
    والنار تنطلق فوقن ويقومن يردحن في عزهن القديم ويشتمن لي كسلا كلها

    (عدل بواسطة أبوبكر عباس on 30-08-2015, 03:31 AM)

                   |Articles |News |مقالات |بيانات

30-08-2015, 09:46 AM

Haytham Ghaly

تاريخ التسجيل: 20-01-2013
مجموع المشاركات: 3750

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: قلت ليهو هو ذاتو ما في يوم دين.



    غايتو يا شقي دي بتهدر دمك لو لمو فيها الجماعة الطيبين


    Quote: أنا بهنا ما برد ليهن مباشرة، طوالي بنادي نزار ولدي وأقول ليهو: تعال يا نزار أمسك شاندوتش اللبشكيري دا، أبوك زمان كانوا بحشوا ليهو الكمونية بالكسرة
    والنار تنطلق فوقن ويقومن يردحن في عزهن القديم ويشتمن لي كسلا كلها



    لكن دي طاعمة ومضحكة بتغفر ليك الأولى

    وقمر شكيتا علي الله بتضرب تحت الحزام

    خازية شديد
                   |Articles |News |مقالات |بيانات

30-08-2015, 10:50 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20213

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: Haytham Ghaly)

    تحياتي أبو بكر

    حكي طاعم وممتع

    أما هنا
    ***
    وقفت جنب اللوري ديدبان، وشديت الكتف، برشاقة موش شديدة أوي، جلست في طرف اللوري بعد جدعت شبطها في الرمل، وختت يدها في كتفي ونطّت ومع وصول أقدامها للأرض صرخت بصوت عالي، إلتفتت لقيت طرف الإسكيرت (الإسكيرت من نوع الإسكيرتات الواسعة بتاعة زمان أيام القماش رخيص) إتعلق في مسمار في خشب اللوري، وبسرعة أقل رشاقة من ذي قبل، حررت الإسكيرت وقلت في سري تيمنا ب معكوس التراث الديني: سبحان الله مثبت القلوب!!"
    ***

    أعتقد في حاجة ناقصة ، إنت إختزلتها بدون وصف شامل لغرض في نفس أبوبكر ود عباس.
    غايتو أنا كملتها خيال

    واصل يا أصيل
    دمتم
                   |Articles |News |مقالات |بيانات

30-08-2015, 10:59 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15471

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: ابو جهينة)

    ابكرونا ود عباس ..

    لك الجمال والحكي الطاعم والتحية .

    Quote: حررت الإسكيرت وقلت في سري تيمنا ب معكوس التراث الديني: سبحان الله مثبت القلوب!!"

    مشكور علي تحرر الكلوش اي شئ تاني ما بهمنا هههههههههههههههههه .
    الله يسعد ويضحكك زي ما ضحكتني . ما دايرة اقول عالم جبانات
    احسن اقولها في سري زي سبحان مثبت القلوب .

    مودتي يا احلي ناس .
                   |Articles |News |مقالات |بيانات

30-08-2015, 01:22 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: مني عمسيب)

    هاك دي كمان يا بت عمسيب ..
    Quote: ردّت: ناس العيال سرقوا منهم ناقة، شيخ الحلة زعل وحلف على الصبيان يمرقوا يجيبوها وما في زول فيهم يشيل ليهو سلاح ولا حتى عصاية
    وحلف عليهم يمشوا حفايا
    بعد يومين جابوا الناقة والحرامي مكتّف
    ونحن طالعين منها قلت ليها: المجانين كلهم سمحين كدا؟

    (الجري قبل الشوف قدلة )..
    والله ما أنا ود اب سن القال
                   |Articles |News |مقالات |بيانات

31-08-2015, 07:16 AM

Haytham Ghaly

تاريخ التسجيل: 20-01-2013
مجموع المشاركات: 3750

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد على طه الملك)

    Quote: ونحن طالعين منها قلت ليها: المجانين كلهم سمحين كدا؟



    ههههههههههههههههههه

    يا المك صاحبك بعد بقى جنب الباب حتى قدر يقول كلامو دا


    هههههههههههههههه
                   |Articles |News |مقالات |بيانات

31-08-2015, 05:32 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: Haytham Ghaly)

    سلام يا مستنير ..
    بوستاتك مالا بقت تغتس..
                   |Articles |News |مقالات |بيانات

01-09-2015, 03:56 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6392

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: Faisal Saad)

                   |Articles |News |مقالات |بيانات

01-09-2015, 04:35 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: جلالدونا)

    غايتو يا جلال، دي صورة حلوة حلا، حلا
    وإتّا ذاتك حلو
    الخوف يظهروا ليها أهل تأسلموا بعد السبعينات يقلعوها مننا
                   |Articles |News |مقالات |بيانات

01-09-2015, 05:18 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    يا أخوانا،
    أبكر، وبابكر، وأبوبكر، وبكّة وبكور الفي القصة دي شخصية من خيال الكاتب
    وأي تشابه مع الواقع هو محض صدفة لا غير

    التعديل: إضافة بكور

    (عدل بواسطة أبوبكر عباس on 01-09-2015, 05:21 AM)

                   |Articles |News |مقالات |بيانات

01-09-2015, 09:18 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6392

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: وإتّا ذاتك حلو

    جيد لى يا يمة
    اخيرا مداخلة عجبتك
    غايتو الحداثة الواقعية دى اقناعا صعب خلاس
    عقبال لى منتصر اخوى
    _______
    الا بس ما حدثتك عن مساعد اللورى
    اصلو ده نفس اللورى الشالكم انتو
    و كان بتاع ابوى
    و المساعد داكا ياهو انا ده
    فى الاجازات كت بطلع معاهو مساعد حلة
    و سمعتها لما قالتلك ما تكّلم زول
    انا ذاتى قت ما اكّلم زول
    بس اتّا كلّمتا ناس سودانيز
    يا خاين .. يا خاين
                   |Articles |News |مقالات |بيانات

01-09-2015, 09:22 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15471

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: جلالدونا)

    Quote:
    يا أخوانا،
    أبكر، وبابكر، وأبوبكر، وبكّة وبكور

    وابكرونا مشي وين ؟هههههههههه
                   |Articles |News |مقالات |بيانات

01-09-2015, 04:48 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: مني عمسيب)

    Quote: بوستاتك مالا بقت تغتس

    حالتو بكري ( الأصلي ) رقع ليهو الكوتا بتوصية من معاوية الزبير ..
    هسه معاوية لو عمل التوصية دي لى شاهين مش كان قيلنا في البورد؟
    :
    خلاس أنا قت العندي كمل لينا القصة يا جلالدونا ؤريحنا من حركات أبكر، وبابكر، وأبوبكر، وبكّة وبكور + ابكرونا .
                   |Articles |News |مقالات |بيانات

01-09-2015, 06:11 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: محمد على طه الملك)

    Quote: هسه معاوية لو عمل التوصية دي لى شاهين مش كان قيلنا في البورد؟

    طبعاّ يا ملك، أنا وشاهين ممتعين دي ما فيها غلاط.
    الفرق بيناتنا:
    - شاهين متعة حكاويهو متعة محبطة في النهاية.
    - بكور متعه حكاويهو متعة فيها تفاؤل والبحث عن الجميل الضائع.
    عليك الله، شوف نقاء وشفافية العلاقة البين بكور (الراوي) وقمر الراوية ومروية
    حب عذري بتاع الساعة كم!
                   |Articles |News |مقالات |بيانات

01-09-2015, 06:33 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: أعتقد في حاجة ناقصة ، إنت إختزلتها بدون وصف شامل لغرض في نفس أبوبكر ود عباس.
    غايتو أنا كملتها خيال

    تعرف يا أبا جهينة يا صديق،
    يعني بعد تسبيحة "سبحان الله مثبت القلوب" دي في كلام أكتر من كدا ممكن يتقال!
                   |Articles |News |مقالات |بيانات

01-09-2015, 06:38 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    Quote: مشكور علي تحرر الكلوش اي شئ تاني ما بهمنا هههههههههههههههههه .

    لكن يا منى، بعد حررت الكلوش ما ربطّ قلبي مكانو
    المهم يا منى، أي حب قديم ما بضر
                   |Articles |News |مقالات |بيانات

01-09-2015, 07:14 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    وهي بتحكي لي بالجمال والنقاء دا، جاني شعور زي لمان تشوف ليك طفلة روحا جميلة وبطنك تفور عليها وتقرب تبلعها كاملة حتى الحذاء ما تتفو!
    بس دا الشعور الداهمني وقلت ليها:
    كدي قبل تصلي قصة أم صلعة قول لي: إتّي وداعة دا متين لقيتي زمن حبيتيهو وعرستيهو؟
    عاينت لي من فوق الكتيف وقالت: إتّا يا أبكر نسيت ولّ جنيت؟!
    نسيت نظريتنا المشتركة بتاعت الحب الزمان؟!
    وحات سيدي الحسن يا أخوانا، وما طالبني حليفة، شعرت بأنني في كافتريا الزراعة وخالط قمر دي وحتى بالأمارة هي لابسة ليها فستان أخضر، ورددت معاها:
    الحب شعور جميل تنشرو حولك في شكل دوائر من دون إحتكار وأي زول يحوم في الدوائر دي.....
    قلت ليها: يعني يا بت الكلــــب بعد سبتيني ما كنتي خائفاني أنتحر؟!
    إتّا يا بكّة تنتحر؟! يا أخي، بتذكر زمان لمان تكون في حاجة تتطلب الحزن، كنت بعاين ليك بلقاك بتقتش في عيون الناس عشان تسرق ليك شعور
    إتّا تنتحر يا بكّة؟!
    عليك الله، قوم قوم جيب القهوة التركية تاني
    قمت وأخدت لي لحظة تداركت فيها أنا وين وفي ياتو زمن
                   |Articles |News |مقالات |بيانات

01-09-2015, 07:28 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    شوفو، انا خلاص ماشي أنوم
    لو جيت بكرة وما لقيت لي عشرة مداخلات هنا فيها:
    حكي طاعم يا شفيف
    أبدا أبدا ما بتم القصة دي
    وبرجع أغالطتكم في الدين لحدي ما أشكككم فيهو،
    فشنو إطعّموا معانا
                   |Articles |News |مقالات |بيانات

01-09-2015, 08:57 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    تعرف يا جلابي يا حلو، لو ماني خائف معاوية الزبير و صحبته ليك الما شديدة، كنت
    قاب قوسين من تصديق رواية انه بكري بدفع ليك و بزود الكوتة على حسب المقاولة
    كما جاء في تلميحات ود البشرى و كدا..

    يديكم العافية..
                   |Articles |News |مقالات |بيانات

01-09-2015, 09:10 PM

مرتضى احمد عبد القادر
<aمرتضى احمد عبد القادر
تاريخ التسجيل: 30-12-2009
مجموع المشاركات: 2540

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    ابوبكر دا أمين نوته في طبعته العلمانية








    متابعة وأستمتاع يا أستاذ أبوبكر
                   |Articles |News |مقالات |بيانات

03-09-2015, 05:22 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر أنا ما كملتها موش؟! (Re: أبوبكر عباس)

    طيب يا فنان يا حلو لما جابوك في الشاشة الغشاشة مع الإبل و المذيعة الانجليزية ما اهديتني التحايا مالك و عملت فيها يونس ود الدكيم براك ههههههه،، انت قايلني معاوية الزبير داير تنجر لي و تاكلني حنك و لهجة؟؟ المهم و الشاهد في الموضوع تسك لي موضوع العراقي دا شديد و تخارجنا من المنطقة الصناعية، و الويكند الجاي آخر ويكند ليك في دبي خلينا نتلاقى و نتونس لأنه بعد 21 سبتمبر انا منسق مع الشفيف م.ك بالفجيرة أمشي أعيد معاو و اعمل التجديد خروج و دخول بالمرة و كدا.. احتمال تلقى ليك ربة في اسبورو الخضراء في عيد الضحية بطه سليمان فصورها لينا ما تتلخم.

    سلام و عوافى..
                   |Articles |News |مقالات |بيانات

02-09-2015, 04:25 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    شفنا قمر بين الأزهار
    مالو الليل بقى لي نهار

    لو كنت الوكت داك شفت و مهود زي هسة
    كان غنيت ليها الفوق دا، لكن يظهر انه عناصر
    الهترشة الجلابية لم تستوي زمانئذ..

    ارقد عافية..
                   |Articles |News |مقالات |بيانات

03-09-2015, 04:27 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: Faisal Saad)

    Quote: شفنا قمر بين الأزهار
    مالو الليل بقى لي نهار

    يا شفيف، كنا زمان بنقول الشعر بعيوننا والبسمات

    غايتو يا فيصل تشجيعك لي من أيام سودانيات وإيمانك بموهبتي العظيمة ما بنساهو ليك
    ولو يوم جابوني في جاسة فنية في التلفزيون بحضور رشا الرشيد؛ بهدي ليك التحايا
    زي لمان ترباس يرسل لأماني العيد للكوباني ود أمو بالأمارات عبر شاشة الBN

    (عدل بواسطة أبوبكر عباس on 03-09-2015, 04:28 PM)

                   |Articles |News |مقالات |بيانات

03-09-2015, 04:44 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    Quote: ابوبكر دا أمين نوته في طبعته العلمانية

    يا مرتضى،
    "أبوبكر عمرو ما ببقى أمين نوتة، لكن يمكن أمين يبقى شيء من بكّة"
    (أم علي في رواية مندكورو
    لمروان الرشيد)
                   |Articles |News |مقالات |بيانات

09-09-2015, 02:53 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    Quote: عليك الله، قوم قوم جيب القهوة التركية تاني
    قمت وأخدت لي لحظة تداركت فيها أنا وين وفي ياتو زمن

    جبت القهوة وجيت،
    قلت ليها تذكري الجلسة العملناها بعد نطّة اللوري قبل أم بادر؟
    عارفاك ح تذكرني بالموضوع دا، أوعك تلوك الموضوع قدام وداعة
    أديتها الموبايل الأي فون سكس بلس عشان تقرأ الخاطرة الكتبتها عن الجلسة في بوست أجمل الحلوين عهودك وين؟
    قرأتها بصوت عالي:
    "تذكروا الطيب صالح في واحدة من رواياتو وقف اللواري في الخلا جنب بعض وصنع ليهو حفلة؟ أها لمان اللوري أبى يطلع كان الأستاذ المشرف على الرحلة ومعاهو الدكتور البيطري بتاع سودري كانوا لحقونا باللاند روفر 110 بتاع البطري وقال لينا: أوكي نزلوا السراير وأعملوا العشاء خلونا نبيت هنا..
    كل واحد فينا كان عارف مهمتو شنو، انتشرنا والطباخين جهزوا عدتم وأنا ومعتصم ضبحنا خروف وعلقناهو في شجرة، وبقية الناس صنعوا دائرة مع المساعد البيطري وقمر مسكت الإيقاع
    بدأ بأغنية الراقصين التويا
    كلمولي أبويا
    عشان أروح الدونكي
    اجيب شوية مويه

    كان اول مرّة أسمع الأغنية دي، كوركت للسواق الوحل اللوري وقلت ليهو: أحبك يا نابري
    الحب الجد جد جاني بعد إتعشينا والفنان غنى لينا أجمل الحلوين عهودك وين لو إتّا ناسي الناس أنحنا ما ناسين وصوت البنات البشيلن معاهو يرددن:
    يا أجمل الحلوين عهودك وين
    وأنا واقف أصفق ولمان يقولوا عهودك وين؟ بعاين بخبث عذري لضابط الإيقاع وأشّر بأصبعي لقلبي

    يا أخي، وحات الله، ما بقدر أوصف ليكم لمعان أسنان قمر مع أبتسامتا وزماما وضوء القمر ونشوة اللحظة!

    يا أخي، الطيب صالح شنو ولواري شنو؟؟"
                   |Articles |News |مقالات |بيانات

09-09-2015, 03:17 PM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7611

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    ابوبكر عليك الله اختم خلاص وشوف غير القصة دي
    ياخ القرآن كلو فيهو تلاتين جزء

    تعرف ألذ نكتة (قديمة) عجبني الزول القالها
    بتاعت كتاب واحد عاملين ليهو جامعة
    طبعا زي النكات دي الواحد بقولها (هنا) وهو مطمئن مافيش مشاكل
    لأنو الناس البدخلوا بوستاتك كلهم مطاميس مخستكين
    بمن فيهم عماد حسين زاتو (أرجو ألا أكون كتبت اسمو صاح)
                   |Articles |News |مقالات |بيانات

09-09-2015, 04:17 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: معاوية الزبير)

    أصلاً يا مُعاوية الحاجات بتسلسل من بعض لحدي ما تعمل جامعة،
    من القرآن جوا ناس أبو هريرة، وتبعوهو ناس البخاري، وجا بعد داك أبن حمبل شايل الكتب في حمار، ولمان وصل العراق شرطن، وعمل ليهو مذهب جديد، وجوا الصعاليك في العهد العباسي كتبوا المعلقات السبع ونجروا قصص لا حد لها، وجات بت من قرية الربدّة الجنب قرية أم طرطارة ريفي القرية أربعين القلبوا اسمها لأم القرى تيمنا بعهد التمكين، وقامت البت امتحنت وجابت خمسة وستين، وخالها المشى السعودية قال لأمها خلوها تواصل تعليمها، وقبلوها بجامعة القرآن الكريم، وسكنوهن في الداخليات الجنب سوق الموردة بتاع السمك، عجبتا فكرة الخرطوم فأحتارت؟!

    يا أخي، قمر بعد قرت الخاطرة، نزلت منها دمعة وسقطت في السراميك بتاع بهو الفندق
    بتقنية التصوير العجيبة بتاعت الأفلام الأمريكية تابعت سقوط الدمعة بالبطي، ولمان إرتدّت من السراميك إنقسمت، وواحدة من النصين استخدمت خاصية التوتر لدى السوائل وصنعت ليها كرة دموع صغيرة تدحرجت في السراميك مسافة مليمترين تلاتة، خفت الجرسون الجاي يشيل الفاضي بتاع القهوة يعفص الكورة برجلو بدون ما يشعر، وتذكرت نملة سليمان وتشابه كشف بلقيس لساقها من لجة السراميك مع حادثة مسمار اللوري مع الإسكيرت!

    باقي ليك قصة زي دي ممكن تنتهي يا مُعاوية؟

    (عدل بواسطة أبوبكر عباس on 09-09-2015, 04:20 PM)

                   |Articles |News |مقالات |بيانات

09-09-2015, 04:41 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: قصة قمر (Re: معاوية الزبير)

    دا شنو دا البتسوي فيه دا يا أبوبكر

    أنت تشيل كوتاتنا كلها وما تتوقف

    خلينا نقرا بس
                   |Articles |News |مقالات |بيانات

09-09-2015, 08:49 PM

عبد الخالق عابد
<aعبد الخالق عابد
تاريخ التسجيل: 29-06-2006
مجموع المشاركات: 672

للتواصل معنا

FaceBook
تويتر Twitter
YouTube


Re: قصة قمر (Re: درديري كباشي)

    مافى اى شخشخة قصة قمر تعبر عن كاتب ومثقف كبير بدون منازع
                   |Articles |News |مقالات |بيانات

11-09-2015, 01:49 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: عبد الخالق عابد)

    Quote: دا شنو دا البتسوي فيه دا يا أبوبكر
                   |Articles |News |مقالات |بيانات

11-09-2015, 01:52 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: عبد الخالق عابد)

    Quote: دا شنو دا البتسوي فيه دا يا أبوبكر
    مرحب بالمثقف الكبير درديري
    البسوي فيهو دا اسمو الالهام
    شيطان الكتابة دا أول ما يهجم علي بكتفني ويمسك الكي بورد يطقطق براهو، وأنا أقيف أعاين
                   |Articles |News |مقالات |بيانات

11-09-2015, 02:40 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    معاوية الزبير ياخي ما تلاوز كفاية محسن ..
    دا اسمو كلام يا بكور ؟
    وحات سيدك الحسن2015 فاكرك بعد شفت الدمعة نازلة تنط تتلقفا بكفيك واتا بتردد ..
    نشربا بى كفوفنا ؤ برضو ما نروا ( مع الاعتذار للشاعر).
                   |Articles |News |مقالات |بيانات

11-09-2015, 02:50 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: محمد على طه الملك)

    إتّا يا الملك، بصفتك القضائية قول لي:
    لو مصطفى، الخواض وبشرى الفاضل واصلوا في الحردي بتاعم دا، بلقوني ملكتا قلوب الجماهير ولّ ما بلقوني؟!
    يا أخي، دينا خالد بقت معذابني برسائل الإعجاب الداخلية،
    وأنا متااائل أوي

    (عدل بواسطة أبوبكر عباس on 12-09-2015, 02:49 AM)

                   |Articles |News |مقالات |بيانات

11-09-2015, 11:09 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    بشرى الفاضل ؟
    يا كباشي أعمل فينا معروف وحنس لينا هشام آدم ..
    قولو الزول دا مؤمن لامن ملحد بى غادي ..
    كان ما لحكتو بجي يفرش لينا أب جلابية هنا ..
    ؤ يقول وحات سيدي منصور خالد ذاتو متابع بوستاتي.
                   |Articles |News |مقالات |بيانات

12-09-2015, 02:37 AM

معاوية الزبير
<aمعاوية الزبير
تاريخ التسجيل: 07-02-2003
مجموع المشاركات: 7611

للتواصل معنا

FaceBook
تويتر Twitter
YouTube


Re: قصة قمر (Re: محمد على طه الملك)

    Quote: شيطان الكتابة دا أول ما يهجم علي بكتفني ويمسك الكي بورد يطقطق براهو، وأنا أقيف أعاين
    أها يا ود الملك لسه خايف من فواتو!
    دا كان حرد فات، البوقف كيبوردو شنو؟
    قاليك بي باقي الإلهام ساكت ح يدوّر فينا كم ربع كدا.

    تعرف والله العظيم قبل شوية (اربعه صباحا) طلعت بره البيت ادخن سجاره لقيت مكيف العربية شغال والبنزين خلص
    تاريني ناسيها مدورة من سبعة بالليل
    ما تخاف على بكور دا، كان بنزينو خلص برضو مكيفو بكون شغال لكن ببقى سَموم ساكت
                   |Articles |News |مقالات |بيانات

12-09-2015, 02:59 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: معاوية الزبير)

    ولاحظ يا ملك، بنقول بشرى الفاضل حاف من غير دكتور ولا استاذ باعتبارنا ناس كار واحد.
    النصيحة أنا زعلان منو وكنت أمني نفسي بتقديم منو حين ظهر عملي الرائع "استاريكس"، تقديم على شاكلة تقديم علي المك لبشرى الفاضل حين ظهر:

    قرأت الطفابيع، تجاوزت مرحلة الدهشة، ان سفهني اسمها، كأنه يقول لي: (هكذا يجب ان تكتب القصة)، فهمت، وما قدرت حتى لحظتي هذه ان اتفهم الدرس. قرأ بشرى زمانا بعدها قصتي (كلب من صبار)، عنده ابتسامة بطعم قراصة التمر، لا تضر القلب ولا المعدة، رغم أنف الاطباء.
    قال: " يا استاذ نبوية وعبد الحق ليست اسماء سودانية". غيرتها على طول. المهم كانت الطفابيع، مخطوطة بخط نسيق، وهي قصة بديعة ذات خلق قويم. هذا البشرى جم التواضع، تصور بعد ان سافر بشرى الى حيث يتلقى العلم، ضاعت الطفابيع من مكتبي. كانت فيما علمت نسخته الوحيدة. خفت خوفا شديدا. لعنت الذين لاحقوي، يطردونني من مقام الى مقام. حسبما يشتهون. أخذت كل عفشي ورحلت الى غير مقام. ضاعت الطفابيع. جعلت اتصور ما يمكن ان يقوله الناس. صدق بشرى كلامي. ابتسامته قراصة التمر، لا تضر القلب ولا المعدة، على كل جسده. تخيلت من الحاقدين جيوشهم تقول: على المك لايريد لبشرى ان ينتشر في الناس . اتذكر كم كان حقد ساليري ، على موتسارت ، عظيما . ساليري كان مؤلفا مويقيا جيدا ، ولكنه لم يكن عبقريا ، ولذا فقد لعن الزمان الذي جعله يعيش في عصر موتسارت ، وحين خسر ساليري حربه الضوس قال كلمة الحق واعترف بالعبقري . ولست ساليري ، ولكن بشرى يملك ذلك الناي السحري. والان عادت الطفابيع ، ولا نامت للحقد أعين.

    البروفسير: علي المك
    منقول من موسوعة التوثيق الشامل

    (عدل بواسطة أبوبكر عباس on 12-09-2015, 03:00 AM)
    (عدل بواسطة أبوبكر عباس on 12-09-2015, 05:02 AM)

                   |Articles |News |مقالات |بيانات

12-09-2015, 06:15 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    تعرف يا بكور خلينا ندلعلك طالما بقيت كاتبنا المدلل

    مستصحبا الاساتذة الملك ومعاوية .

    عايز أقول الناس وأنا واحد منهم كرهت التنسيق والرتبابة والمسطرة والبرجل الزمن هو زمن توصيل الافكار بأقصر درب ممكن

    نحن في عصر العفوية والتلقائية والفوضى حبذا لو كانت خلاقة وفي التلفزيون الناس تنفر من المذيع الذي يتفلسف ويستخدم مفردات غير متداولة ليستعرض عضلاته اللغوية ..

    وفي التمثيل حاليا أكثر النجوم المصريين محبوبين على مستوى العالم العربي هم عبلة كامل ويحي الفخراني بسبب هذه العفوية والتلقائية

    حتى في الغذاء أصح العصائر هي التي تصنع من الثمرة للكباية بدون أي اضافات

    والله أنا لمست في أسلوبك هذه العفوية يا ريت تخليها منهج ثابت وتمسك فيه قوي

    (عدل بواسطة درديري كباشي on 12-09-2015, 06:27 AM)

                   |Articles |News |مقالات |بيانات

12-09-2015, 07:31 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: درديري كباشي)

    Quote: مافى اى شخشخة قصة قمر تعبر عن كاتب ومثقف كبير بدون منازع

    صديقي عبد الخالق (دنقلاوي)، عزمني عشا،
    جملة اعتراضية:
    -الحقيقة نحنا دائما نهاجمهم أوقات الوجبات وبدون ما نتصل، ونلقاهو هو وأفكار (جعلية) في نفس بشاشتهم وترحيبهم-
    جملة اعتراضية أخرى:
    -بيوت المغتربين البتلقاهو مفتوحة للزوار في أي وقت، تعرف طوالي انو ست البيت خطيرة-
    واصل:
    بعد العشا قال لي: إتّا طبعا عارف مشكلتي المزمنة مع العربي بتاعكم دي؟؟
    - تقصد التشكيلي أحمد العربي؟
    - لا لا يا أخ، العربي اللغة العربي اللغة
    - رديت: عارفك، وليالي القدال الشعرية بالنادي العربية قاعدة تتعبك تعب شديد
    نوع بين حجرين وضل ساسوية كانت نائمة
    صعب تفهمهو!!
    - واصل: لكن الغربية قصصك دا لمان أقراهو بحس انو مكتوب بالأندادي (الدنقلاوي).
    وواصل: يا هو دا الإبداع، إتّي من وين؟
    - من إندكم
    بسري قلت:
    الليلة العشا دا دفعت حقو وشكرت بكري أبوبكر وباراك أوباما

    (عدل بواسطة أبوبكر عباس on 12-09-2015, 07:36 AM)

                   |Articles |News |مقالات |بيانات

12-09-2015, 01:09 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9141

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    تصدق أنا تعلمت الكتابة باللغة الدارجة هنا في منبر بكرى ..
    مع إنو العامية نصها انداندي ..
    (عشميق ) اللصم ..
    (دقر ) الحرايق ..
    بجناحو كفت (الفرة ) ..
    أب ( كريق ) ..
    الخ .. الخ ..
    خلاص من تالاي قبلت عربون صداقتك ..
    إلا البقنع معاوية منو ؟
    ياخي من كترة محنتو( شد النون) ؤ شفقتو عليك نسى العربية ( السيارة ) مدورة ؤ مشى نام ..
    اتا منو السمى السيارة عربية باقى ليك ما اتقطع في التشبيه ؟
    :
    درديري ياخي جبتك فزعة ..
                   |Articles |News |مقالات |بيانات

13-09-2015, 01:05 PM

عبد الخالق عابد
<aعبد الخالق عابد
تاريخ التسجيل: 29-06-2006
مجموع المشاركات: 672

للتواصل معنا

FaceBook
تويتر Twitter
YouTube


Re: قصة قمر (Re: محمد على طه الملك)

    تعرف يا ابكر افكار(لمان) قرت المداخلة بتاعتك على قول وطريقة ناس مدنى وقعت فى الواطة من الضحك
    لكن قالت ليك انت فنان ومعلم كبيرليك على انشر ليك الاعمال القصصية بتاعتك دى كلها على خليج تايمز
    الاماراتية وبالانجليزى كمان يعنى اعمالك حتترجم زى الطيب صالح ..اها لقيتها كيف ؟؟
    وحتعمل معاك لقاء صحفى وفى الصفحة الاولى والله دى ناس بشرى الفاضل ما لقوها غايتوا الايام دى يا ابكر
    طالع فى الكفر براااااااك .. مخير الله

    (عدل بواسطة عبد الخالق عابد on 13-09-2015, 06:45 PM)

                   |Articles |News |مقالات |بيانات

11-11-2015, 09:13 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: عبد الخالق عابد)

    ح يحصل ترتيب جديد بالمنبر
    تبارك ح يمسك كل ما يختص بالإستنارة
    وأنا ح أتفرغ للأدب
    من حداشر حداشر اليوم
    أدب بس
                   |Articles |News |مقالات |بيانات

11-11-2015, 09:21 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    Quote: كاتبي المفضل بعد شاهين طبعا سلام عليك ، مازلت متقدما على مصطفى مدثر بتلاته سنوات ضوئية

    شكرا يا اللمين
    هو ومعاهو صاحبو بتاع الشعر داك
                   |Articles |News |مقالات |بيانات

11-11-2015, 02:48 PM

El-Saddig Abdalla Abbas
<aEl-Saddig Abdalla Abbas
تاريخ التسجيل: 03-03-2014
مجموع المشاركات: 139

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    أحب مثبت القلوب
    وأحبك
    وأحب قمر زاتها

    بس ما وريتنا
    نص الدمعة التاني الحصل عليهو شنو لأنو الصورة دي معلقة شديد
                   |Articles |News |مقالات |بيانات

11-11-2015, 02:51 PM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    واصلت قمر بعد سقوط الدمعة الكروية، وقالت:
    بداية التسعينات يا أبكر، كانت صعبة وعشنا ضنك عديل كدا، لكن وحاتك، ما حصل طبختا لي شيء في ريحة شهية إلا وأكون شايلاهو أو مقسماهو مع أم وداعة وأخواتو.
    ما بتذكر عملت لي لقيمات أو كيك أكلتو من غير ما أمشي أشرب الشاي معاهم.
    أحكي ليك قصة أم صلعة قبل وداعة يجي:
                   |Articles |News |مقالات |بيانات

11-11-2015, 05:37 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    Quote: وأنا ح أتفرغ للأدب


    الادب ولا السياسة يا مستنير؟
    اثبت ليك على راي عشان ما
    تلوش المعجبين/ات و كدا..
                   |Articles |News |مقالات |بيانات

11-11-2015, 05:41 PM

Faisal Saad
<aFaisal Saad
تاريخ التسجيل: 23-08-2015
مجموع المشاركات: 155

للتواصل معنا

FaceBook
تويتر Twitter
YouTube


Re: قصة قمر (Re: Faisal Saad)

    بعدين اعمل حسابك في موضوع التفرغ دا،
    و ما تغرد خارج الاطر و الابداعية ..
                   |Articles |News |مقالات |بيانات

12-11-2015, 09:57 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: Faisal Saad)

    خلاص، نهائي يا فيصل، تاني ما عند دخل بالسياسة ولا الغلاط
    أدب بس
    وأي زول يتداخل معاي أقل لقب بديهو ليهو: يا حلو

    واصلت قمر بعد طلبت مني تأجيل قصة صلعة نسيبتها شوية، وحكت بجمال أكتر من أول، قائلة:
    إتّا يا بكور طبعا كافر ولا تؤمن أنو في زول فوق بهندس في الواقع دا يطريقة فنيّة؟
    قلت ليها: يعني؟! حسب؟! أوكي واصلي
    - أبو وداعة دا من قرى السليم ريفي دنقلا وكان رجل شهم شهامة شديدة، أيام عزو تبنى دراسة ولد الغفير بتاع مكتبو لحجي التخرج/ والولد تخرج من كلية الطب وسافر في بعثة لاحقا للتخصص وتقريبا علاقتو بناس وداعة إنقطعت.
    سنة تمانية وتسعين جاء السودان إجازة من الخليج وفتش لناس وداعة لحدي ما وصل بيت الساتة
    الدكتور على غير عادة الدكاترة لطيف لطافة شديدة وبعد شاي المغرب ضرب معانا فتة فول إقترحتها ليهم أنا، حتى بالامارة قال: أدوني الجك أنا بجيب الفول، لكن رفضنا
    تاني يوم إتصل بوداعة عشان يشكرو وطلب منو يكلمني في التلفون، قبل يسلم علي قال: انتو فعلا ناس رائعين وأمس استمتعت بالجلسة متعة فارقتها من زمن فول السليم، داير أستشيرك في موضوع؟
    قلت ليهو: أوي اوي
    قال لي بمقدمة صغيرة: إتي عارفة معزّة أبو وداعة دا عندي، داير أخلدها بطلب يد ناهد بتو، بتساعديني؟
                   |Articles |News |مقالات |بيانات

12-11-2015, 10:36 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 1104

للتواصل معنا

FaceBook
تويتر Twitter
YouTube


Re: قصة قمر (Re: أبوبكر عباس)

    ناهد مشت شهر العسل لأثينا، ويوم مسافرة الخليج تلحق زوجها جاتني في البيت باستني بوسة كبيرة وحضنتني، ودموعها سالن وقالت لي والعبرّة خانقاها:
    شكرا
    - قلت ليها ما عملت ليكم حاجة، كلو قسمة
    - ردت: ما عشان العرس، عشان طيلة المدة الفاتت أنقذتينا وقدر ما حاولنا نعاديك ونسقط فيك غضبنا، كنتي دائما بتشيري لينا أنو الحياة فيها زوايا رؤية وأمل آخر.

    تقريبا يا بكور، من الزمن داك ناهد هي البتصرف علينا وعلى دراسة الأولاد، وشغلنا في الرعاية ديكور ساكت، وكلو ما أشوف هزيمة الزملاء المعانا في الشغل بدعو لأبو وداعة

    قلت ليها: فعلا جافر، إتّي من وين يا بنيّة وناويّة وعلى فين السفر؟
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de