شريط الكاسيت..

نعى اليم ...... سودانيز اون لاين دوت كم تحتسب الزميل عبد الله بولا فى رحمه الله
يا للفجيعة ............ عبدالله بولا
رحيل زميل المنبرالفنان التشكيلي عبدالله بولا له الرحمة
رحيل الإنسان الممتاز بولا فقد عظيم للوطن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-12-2018, 01:44 PM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-02-2015, 01:48 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


شريط الكاسيت..

    01:48 PM Feb, 19 2015
    سودانيز أون لاين
    عمر الفاروق -
    مكتبتي في سودانيزاونلاين



    في الغربة ومع عيشة الشقق نفتقد لي جزء مهم جداً من البيت إسمو " المخزن" ..زمان في البيوت السودانية بتلقى ليك غرفة صغيرة كده مركونة هناااك بيلمو فيها الحاجات بإفتراض إننا شعب أييييي حاجة ما بنرميها وبنصصصر إنو الحاجة دي مهمة وحنحتاج ليها ذات يوم .. المخزن ده كنت بتلقا فيو هدوم قديمة في كراتين ..حديد .. عدة قديمة .. خشب..قزايز..علب لبن فاضية ..عقارب..شوالات فاضية ..بمبر..كراع سرير..باقي كيس أسمنت نشف جبتوهو قبل تسعة سنين لمن صلحتو جزء من البيت..
    المخزن ده في يوم جمعة في السنة بيحصل ليهو جرد ..بيكون في نفرة داخلية جوة البيت لنضافة المخزن ده ..الغريبة ماف حاجة من القديم بتتجدع بل بتزيد الحاجات الكرور ولكن فقط يتم ترتيبها بي نظام وشويتيين وتااني المخزن يجوط ..حاله حال ترتيب الدولاب ذات مزاج رايق ولحظات توقف مع قصاصات ورق قديمة تحمل ذكريات إما جكسوية وإما كراس مقرر رداسي أيام زمان ..وفي الخلفية صوت المسجل شغال ومزاجك رااايق..
    وعلى طاري المسجل نعود للغربة وإفتقدانا للمخزن ..في الغربة مخزنك إما تحت السراير في غرفة النوم والضيوف وإما ضهرية العربية ( الشنطة يا قول المغتربين)..طبعاً المغتربين عندهم وهمة ثابتة ... في بداية حياتهم الزوجية بيقومو يأجرو شقة .. أها الشقة دي بتكون فيها تلاتة غرف ..وبما إنو الراجل بيكون يادااااب في بداية حياته فبيقوم يحنك المرا إنو نشتري أوضة النوم وعفش للصالة لإستقبال الضيوف وعدة ولي المطبخ ..أها في غرفة كده بتكون طوااالي قافلة ..الغرفة دي بتكون لااامة كرور البيت كللو ..النوع البتكون فاااضية وتخش تلقا فيها شنط مجدددعة وجزم وموكيت ملفوف وتراب ..الغرفة دي المرا بتكون متنننشنة شديد لمن يجو ضيوف زيارة ومعاهم شافع هباش..بتكون مركزة مع الشافع شديد إنو ما يمشي يتشوبر جهة الغرفة دي..وبما إنو في السعودية الرجال بيكونو في الجريف شرق والنسوان في الجريف غرب فأووول ما يجوهم ناس زيارة بتحاول أتوماتيكلي تقفل السايد البيمرر المرا لي جوة البيت وبتحاول تقول ليها إتفضلو هنا عااادي خلونا نتونس مع بعض لأنو لو الضيفة لحقت فتحت الأوضة اللي هي مفروض أوضة الحريم فحتشووف بلاوي ستظل محفورة في الذاكرة سنين عددا..
    أما ضهرية العربية فحدث ولا حرج .. عربية الشافع جواها ..فرشات الحديقة جواها..كوور الأولاد جواها ..أكياس الأسواق جواها..السفنجات جواها ..عدة الميكانيكا جواها..هدوم الكورة جواها..وهنا جا طاري المسجل..من ضمن الكرور المردوم لقيت لي كيس كبيير مليان شرايط كاسيت ..عن نفسي كان ولايزال خير جليس لي في الزمان مسجل العربية ..المسجل تحديييداً وليس السي دي ولا الفلاش..المسجججل..زمان كنت بعد كل عمرة ومشية للحرم بجي أعدم الشرايط وأقول توبة توبة لا ريد لا غرام لا خطوبة عرس بس..شويتين وأرجع ألملم لي شرايط أكتر من الأولى الأعدمتها..قبل كم يوم لاحظت لي كيس كبييير مجدوووع ورا هناااك في الضهرية حقت العرية وسخااان وحالتو بي البلا..فتحت الكيس فإذا به مستتتف شرايط كاسيت شي ماكسويل وشي من غير ورقة وشي ماستر..عشوائياً إخترت لي خمسة شرايط كاسيت قلت أغيير بيها روتين السمع من الشرايط القاعدة جوة العرية ..ولعنصر المفاجئة إخترت الشرايط القديمة الما فيها أيي ورقة أو إسم يوحي الفنان البيغني فيو منو ..
    دخلت العربية وانا مفعم بي حيوية ونشاط وفرح داخلي عجييب و انا ح اجرب الشرايط دي واسمع الفيها منو والغنا الطوولت ما سمعتو ..
    وهنا كانت المفاجئة !!! وأييي مفاجئة كانت ..يااااه...
    أووول شريط لونو أسود وشفاف بالجمبات ركبت الشريط وفي بالي حفلة لي محمود أو جلسة عود لي وردي ..شغلت المسجل..صوت الهوا بتاع الشريط شغال..صوت كركبة وكررب رررب..طق طق طق..زادت لهفتي وكبر سقف توقعاتي وانا منتظر صوت البنقز أو صوت كمنجة بتجهز لبداية أغنية ..تأخخخر صوت الموسيقى ..وتأخخخر صوت الفنان ..ولسة هوا المسجل طالع بدون ما أسمع شي..بديت أحب وقلت شكلو الشريط ده فاضي..قررت أطلع الشريط وأجرب البعدو ..اللحظة الأصبعي مشى تجاه المسجل جاني صوت ...ياااا الله ياااااااااخ..ياااا الله ..نحنحة ..ثم بسم الله الرحمن الرحيم ..ثم إزيييك يااااا إبني !!!
    ياااا الله يااا الله يااا الله حالاً وبدون ساق إنزار أو تهيئة نزلت دمعة من عيني أو حقيقة ما عارف مصدرا ..دمعة لي كرسي العربية مباشرة لا مرت بالعين لا نزلت في الخد ..صوت جدي له الرحمة والمغفرة محمد أحمد الهادي ..ياااا إبني العزيز عمر ..إزيييك ..انا مشتااااق ليك شديييد ..كيف إنت مع الغربة ؟؟ ربنا يوفقك ..ربنا يعدل طريقك..ياااا عمر..وصيتني اديك الفاتحة ..وانا والله يااا إبني بصحا ليك نص الليل أدعي ليك وأقرا ليك الإخلاص حداااشر مرة ..
    ططططق رأسي دوور وشريط الذكريات إشتغل بسرعة فاقت سرعة الضوء..
    المكان : السودان..امدرمان..
    الزمان : 2002 ..
    المناسبة : أول شريط كاسيت يحمل سلام الأهل والأصدقاء..

    شريط كاسيت !!!! ياااخ كم انا سعيد بأنني ممن لحقو وحصلو لمن الأهل بيرسلوا لي ولدهم شريط كاسيت وجوابات ..
    ياااخ ده حاجة ممتعو بشااااكل..
    أجمل ما في الشريط إنو بيتداعى ليهو القريب والبعيد ..أمك..أبوك..أخوانك..أخواتك..خالاتك..خيلانك..أعمامك..عماتك..جيرانك..أصحابك.. أصحاب جيرانك..
    بتذكر تماااماً كيف لمن كنا صغار بيرسلونا نعزم ناس الحلة يجو يسجلو معانا شريط لي مغترب في بلاد ما في هذه الدنيا..
    يا خالتي نعيمة أمي قالت ليكم الليلة عايزين نسجل شريط لي ياسر في أمريكا..تعالوا سلمو عليو في الشريط..
    نفففس المشهد حصل معاي..الشريط جاتني فيو أصوات كل معارفي.. ناس بيتنا..جيرانا..سيد الدكان..سيدة الكانت بتجي تغسل الهدوم..
    يا لسخرية القدر..وانا أسمع صوت جدي وهو بيسأل أخوي بالله الناس البيرسلو ليهم الشريط ديل لو بعد فترة شغلوا الشريط ولقو فيو زول من المسجلين ليهو الشريط مات بيكون حالو كيييف؟؟؟
    الله يرحمك يا جدي للأسف لن أستطيع أن أوصف ولا أن أجاوبك على هذه السؤال..سمعت صوتك وتسجيلك وهااا انا ذا وبالصدفة أعيد سماع الشريط وإنت بين يدي ربك في جنات الخلد بإذنه تعالى...
    سبحان الله وصية عجيبة وغريبة ولطييفة جداً وصاني ليها جدي في الشريط رغماً عن إنو كان رجل متدين بل والمسئول عن مسجد الحي الذي يسكن ..
    عمر أعمل حسابك أوووعا تجي زي باقي الناس الجو من السعودية ..أووعك تبقا أنصار سنة متشدد وتغيير شكلك بي الدقن والجلابية القصيرة وتبقا متشدد..
    جدودك أنصار..حبوباتك أنصار..أبوك وأمك أنصار..نحن أنصار الله وأنصار المهدي ..أووعك يا عمر تتشدد في الدين!!!
    سبحان الله وصية من رجل حكيم لم يشهد ما يحدث الان من المتشددين ..وكأنك يا جدي تعلم عواقب التشدد ..
    لك الرحمة يا جديوانت ترقد في قبرك بسلام..بس وصيتك التانية دي يا جدي صعبتها علي شوية .. :)
    يتقطع التسجيل وجدي عليه الرحمة يقول :
    أقفلو التسجيل ده انا ما قادر أتكلم ثم أسمع صوت البكاء ...
    يعود التسجيل بصوت إبراهيم ..وإبراهيم وقتها كان طفل عمره أربع سنوات..إبراهيم ود جيرانا..ياخ ناس امدرمان ديل عجيبين خلاص ..وزي ما بتقول صديقتنا اللذيذة ياخ إنتو يا ناس امدرمان بتدفعو الشافع للزول..
    نعم ابراهيم ود جيرانا لكن قاعد بي هدومو ودولابو معانا شلناهو من أمو عمره سنة والحيطة بالحيطة بس كبر علي يدي ..
    أكيد إبراهيم اليوم في الجامعة فعمر هذا التسجيل قارب لل14 سنة..
    صوت أختي وهي بتشاغل فيو أحكي ليو يا عربي الجزيرة فضحتنا اليوم داك قلت شنو لمن شوفت الصهريج ونحن جايين من العرس..؟؟
    يرد بصوته الطفولي البرئ والجميييل ..قلت ليهم عاااينو البيّارة ...
    يقطع الحوار صوت حبوبة حياة ..لها الرحمة .. هييي يا عمر ما أديناك الشمار!!! صحبتك فلانة ديك عرسوها ..والله يا عمر راجلا شيين شناة موبااالغة ..حبوبة حياة هي أطيب إمرأة على وجه هذه البسيطة..جارتنا..قمت لقيت بيتنا وبيتهم ماف بيناتهم حيطة..البيت فاتح في البيت..ولمن أقول فاتح في البيت أعني ما أقول..بيتنا وبيتهم ماف بيناتهم حواجز ...النفاج فاتح بدون باب..الحيطة مكسورة من يوم سكنا مجاورين بعض..
    بتكتشف وإنت كبييير إنو الناس ديل ما بيبقو ليك خالاتك ولااا حبوباتك بصلة الرحم..لكن هم أكتر من كده بكتييير بحكم الجيرة والعشرة ..
    أختي تمازحني.. مااا شوفت يا عمر إيمان مرت ميرغني اليوم داك..جات داخلة قالت لي هوووي إنتي لسة بايرة؟؟؟ الليلة وووب يا عمر إيمان بقت تحسبني مع البايرات ..ويبدو إنو لإيمان نظرة ثاقبة و بعد نظر ظهرت لاحقاً :) :) :)..
    بت خالتي تقاطعهم ..بالمناسبة بكرة ماشين سماية بت خالتك الجديدة ..ويا عمر بختك أهو شرفت العائلة عروس وممكن نحجزا ليك... سبحان الله هي الان كبرت وبقت عروس فعلاً ..
    دقيقة دقيقة أفندي بلاش جا داخل تعال كلّم..وأفندي بلاش لقب كنا بنشاغل بيهو أخوي الكبير بيحب الأناقة والهندام جداً وجنننو الهدوم المكوية :)..تعااال يا أفندي بلاش تعال وصي وصاياك من نوع جيب لي بنطلون وجيب لي ريحة..
    ويااالسخرية القدر أتفاجأ بي إنو أخوي هو الطلع مشتري لي شبط وقميص جميييل ...تخيّلو ...
    الجميع شارك..الجميع أرسل تحاياها.. الجميع كان مبتسم ..الجميع يضحك..اللمة واااضح إنها كانت جميييلة وعفوية ..المناسبة تسجيل شريط لي عمر في السعودية بعد مرور شهور معدودة علي غيابه ..
    الشرايط دي لسة بتترسل للمغتربين؟؟؟
    مااا أظن...
    غايتو الما لحق رسلو ليهو شرايط ده مااا إغترب..
    قاتل الله التكنلوجيا ياااخ..الواتس اب مسسسخ الحاجات..
    الفيس بوك عووولق الاغتراب ..
    مات فينا الإندهاش...
    مسخت علينا الحاجات ..
    بقو يرسلو ليك الاحداث أول بي أول بل ربما بقينا نعرف ونعايش حاجات الناس الهناك بيكونو لسسسة ما سمعوها..
    يرسلو ليك العرس لااايف ...يصورو ليك المرحوم وهو داخل على المستشفى عااادي..
    الحاجات بقت ما لذيذة ياخ ...
    بقت ما ممتعة ..
    القلب مات..
    اللهفة قلّت..
    صارت الأمور أكثر عاديّة ..


    تخريمة :


    كان زمان الناس موده وكان كلام الريد حنان
    وكان حديث الحب مناجاه وكان لقا المحبوب امان
    وكان حلم غنوا وحكاية وكان امل اخضر
    وكان اهلنا بقولو كان الحب حلال ما كان حرام
                   |Articles |News |مقالات |بيانات

19-02-2015, 02:33 PM

أبوذر بابكر

تاريخ التسجيل: 15-07-2005
مجموع المشاركات: 6237

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    شكرن يا عمر

    مع مكابدة القلق المقيم ومكابسة الزهج العميم
    والزول وقته ويومه بقى مجابد ومن شدة العجلة ومسابقة اللاشى
    بقينا نتم الحاجات قناعة ساى

    ومن ضمن الحاجات المتمومة مويه
    ومويه مسيخة كمان من شدة الاستعجال

    حكاية القراية دى

    والله يا فاروق الواحد يشيل الجريدة ولا المجلة
    الصفحة تبقى ليهو قدر لوح الزنك

    ونفس الشى حاصل فى قراية مواضيع المنبر هنا

    لكين هسه انت كسرت لينا الاعتقاد البقى ساكن فينا

    يمين بالله قريت كلامك حرف حرف

    شوق شوق

    حنين حنين

    زنقة زنقة

    آهة آهة

    ملحوظة:

    الزنقة الواردة اعلاه تقرأ كما هى
    وتتحمل كل المعانى

    المهم شنو

    شكرن

    شكرن كتيرن
                   |Articles |News |مقالات |بيانات

19-02-2015, 03:50 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: أبوذر بابكر)

    زارتني البركة و(حبتا) والله يا ابوها..
    انا كمان زييك النفس ماف للقراية وكانت ماف للكتابة..الشريط ده سمعتو بي جاي والانفعالات خشتني بب جاي..عشان كنت كتبت كتييير وعارف معظم الناس ما اظن تقدر تقرا..انا زااااتي كتبت شنو ما عارف والله..ما فكرت ولااا رتبت..من النخيل للعميل...
    سلمت يا صاحب..
                   |Articles |News |مقالات |بيانات

19-02-2015, 04:19 PM

nadus2000
<anadus2000
تاريخ التسجيل: 04-02-2002
مجموع المشاركات: 4756

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    عمر الفاروق ياااخ الله يديك الفي مرادك
    الحمدلله بكرة الجمعة حرضت ذاكرتي بنكش كركيب المخزن، وإعادة المذاكرة والمعافرة في القديم الاتنسى فربما اعثر على ونسة طاعمة معتقة
    مرمية في الهكر (الذي لا علاقة له بحرامية النت)‘ وانما هو هكر حنين المكحل بدعوات اني عليها رحمة الله، اعلم يقينا انه سيشقني بالبكاء، ولتكن دموعنا ثمنا ليقين اضعناه
    وبديل لكرفة وقلدة لن تعوضنا عنها ريالات ودولارات قارون......
    عهد الشريط قبل ان يسمونه الكاسيت وقبل ان تشيعه الفلاشات (ميموري) ليته يعود، وكانت حفلة تسجيله توجه فيهو الدعوات للقرايب والجيران، ويشربوا عليه فناجين الجبنة بكري وتني
    فياتيك مليان حنية وموسيقى تصويرية لايف صوت غنيمات وسلام وحباب وصوت امي مليان فرح تعرف الجميع بانهم بيسجلوا في شريك لعبدو ولدي الفي قطر...
    الله يرحم امي وجدك وكل الراحلين، ويسكنهم جناته.....

    فشكرا تاني
                   |Articles |News |مقالات |بيانات

24-02-2015, 02:02 PM

walid taha
<awalid taha
تاريخ التسجيل: 28-01-2004
مجموع المشاركات: 3507

للتواصل معنا

FaceBook
تويتر Twitter
YouTube


Re: شريط الكاسيت.. (Re: أبوذر بابكر)

    الـ TDK بالذات يا عمر :))
                   |Articles |News |مقالات |بيانات

19-02-2015, 03:56 PM

محمد حيدر المشرف

تاريخ التسجيل: 20-06-2007
مجموع المشاركات: 19310

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    غايتو ما حصلنا زمن الاهل بسجلو شرايط كاسيت ..
    الا انو الكتابة دي طاعمة وحنينة بشكل !!
                   |Articles |News |مقالات |بيانات

19-02-2015, 04:04 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد حيدر المشرف)

    اوووو المشرف شررف..
    انتو يا ناس المارتديلا بيكون كانو بيرسلو ليكم DVD..
    :) :) :)..

    تخريمة:
    عايز تقنعني انك قريت النقة الكتييرة دي ؟ :)
                   |Articles |News |مقالات |بيانات

19-02-2015, 04:25 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7546

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    كيفك يا فاروق

    الكاسيت القريب دا

    ياخ في ناس أخدو تابعية الملك خالد ولسة قاعدين
    والله الواحد بيستغرب ديل كانوا قاعدين كيف لا فضائيات ولا تلفونات ياهو الجواب البجي كل ستة شهور دا
    خليك من الواتس والفيسبوك الغربة دي بقت مسيخة من ظهور الجوال وانت جاي

    ياخ زمان تحس بكتمة وتقول هسسسسة ماشي السودان
    من عدم الأخبار لكن هسة إنبهالة مبالغة

    فضفض ياخ
                   |Articles |News |مقالات |بيانات

19-02-2015, 04:35 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    عمر الفاروق
    سلام

    يا خي وصية جدك دي ما تهملها، الجزء التني ههههههههههههه
    مكانك شاغر في الحزب هههههههههههههههههههههه



    بالجد يا عمر
    أمتع كتابة أقرأها في السنة دي
    وأنا متعة القراية عندي إنه لمن أنتهى من قراية حاجة أرجع أقراها تاني
    ودا الحصل مع الكتابة دي
    وأنا اتذكرت وأنا شافع إنه سجلت كتير لأهلى المغتربين
    ولجيرانا



    يا عمر الشريط دا حولوا لسي دي واحفظوا في الكمبيوتر دي
    حاجة ما بتتلقى بسهولة
                   |Articles |News |مقالات |بيانات

19-02-2015, 04:43 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    شكراً الفاروق عمر
    تفاصيل هى ماركتك المسجلة
    وترقرقت من عيني دمعات ذكريات مشابهة......
    شكراً لك
    تغيييييييييييييب وتأتي
    ومكانك شاغر
    وكرسيك لن يستطيع أحد غيرك أن يملأه .....
    شكراً لك







    __________________

    بس لو شوية كدا بعدتا من حكاية ( أولاد أمدرمان )
    أصلها مع عمك حسين خوجلي بقت تسبب حساسية
    ثم
    في تفاصيلك المثيرة هذه يجتمع كل أهل السودان ممن عاش تلك الفترة
                   |Articles |News |مقالات |بيانات

19-02-2015, 05:38 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: شريط الكاسيت.. (Re: عاطف عمر)

    سلام يا صاحب القلم الطيب ( على وزن القلب الطيب )

    بصراحة في حاجات كثيرة زمان قيمتها أعلى من حاجات كثيرة ظهرت حديثا

    يعني كباية عصير ليمون شفافة مندية تقدم ليك ومان تقرب تبلعها بعد ما تشربها

    في المقابل كمشة من اوناع العصائر المعاصرة الآن ( من التفاح للفواكه الاخرى زايد التانك بمختلف أنواعه ) كلها لا تستطيع ان تنافس دوا القحة بتاع زمان خليك من عصير الليمون ..


    هذه مداخلة أولى لامن حاولت أتحسس شعورك هنا بحاسة الذوق فقط ..

    حقيقة هذا الاندياح يلامس كل الحواس الخمس .. والسادسة والسابعة أن وجدت .
                   |Articles |News |مقالات |بيانات

19-02-2015, 05:45 PM

محمد محمود محمد
<aمحمد محمود محمد
تاريخ التسجيل: 04-02-2013
مجموع المشاركات: 819

للتواصل معنا

FaceBook
تويتر Twitter
YouTube


Re: شريط الكاسيت.. (Re: عاطف عمر)

    سألتني ام الأوand#65275;د بعد جابت القهوة
    معقول ح تقرا الكلام ده كلو؟..
    وكان في بالا ونسة مع فنجان القهوة.
    قلت ليها بقرا في كلام عن زمن فات..
    وهي تعرف ضعفي مع الحاجات القديمة..
    الرحمة والمغفرة لجدك ..وشكرا للكتابة الصادقة.
                   |Articles |News |مقالات |بيانات

19-02-2015, 06:20 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: شريط الكاسيت.. (Re: عاطف عمر)

    شكرا يا عمر على الونسة الجميلة.
    حقيقي ما رسلتا شرايط. لكن كتبتا جوابات لما قلتا كفى.
    فى رابعة ابتدائي...واحدة صحبتى سافرت الامارات. بقيت كل اسبوع اكتب لها جواب و هى برضو بتكتب لى. سنتين بنتراسل.
    فى المتوسط اعز صديقاتى سافرت. فضلتا اراسلها طوال سنين المتوسط. نفس الصديقة رجعت السعودية لامتحان الشهادة و رجعنا نتراسل. الان بقت دكتورة قدر الدنيا و اخصائية كبيرة و لتالت مرة رجعت السعودية. لكن كلامك صح ...كمية السعادة اللى كنتا بحس بيها لما يجينى منها خطاب فيه طوابع تعادل مليوم مرة سعادتى الان برسالة فى الواتساب.
                   |Articles |News |مقالات |بيانات

19-02-2015, 06:29 PM

محمد حيدر المشرف

تاريخ التسجيل: 20-06-2007
مجموع المشاركات: 19310

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    مرمي الله ما بترفع ..
    والله صحي !!

    هسع ده هظار ولا خفة دم ولا شنو ؟!!
    قال مارتديلا قال !!

    واما عن القراية ف بالحييييل قريتو واستمتعت بيهو ايما استمتاع ..
    كما قربت أجابد دمعة حنية فررررربت تطفر من عيني الشمال ..
    اها قوم جيب سيرة الباسطرمه !!
                   |Articles |News |مقالات |بيانات

19-02-2015, 06:52 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20313

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد حيدر المشرف)

    من العنوان قررت اخش فلي ذكريات مرحة حول اشرطة الكاسيت
    تبسمت وانا اخطو نحو البوست والتداعي في طرف لساني
    وقرأت .. فأمتلأت حنينا جارفا ... ذلك الشعور الذي يأكلك .. يأكلك منك ويحولك مضغة شوق من لهيب مستعر .. وطفرت الدمعة من عيني
    اقول ليك ليه
    شقيقي الطبيب منعم بالسعودية عندو موبابل بسجل المحادثات .. وسجل بعض محادثاته مع ابي رحمه الله .. ورسلها لي بالواتس قبل شهر تقريبا والوالد توفي قبل عام ونصف العام
    وسمعت الونسة التلقائية .. صوت ابي أتاني غضا حنينا دافئا .. ونسته التي اعرفها .. نبرات صوته وتهدجه .. معظم المحادثات عادية .. استمعت لها بشغف وحب اكثر من مرة
    تفاصيل لاحداث مرت .. واشجان واحلام وذكريات
    رحم الله امي فاطنة بت حليمة ورحم الله والدي ود اب سن .. كان رجلا عظيما كريما كرما يحكيه كل من يعرفه ..
    رحم الله موتانا وموتاكم
    ولازال الوجد يستعر ويتقد ولا يتئد في دروب الشوق
    شكرا عمر
                   |Articles |News |مقالات |بيانات

19-02-2015, 06:53 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20313

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد حيدر المشرف)

    من العنوان قررت اخش فلي ذكريات مرحة حول اشرطة الكاسيت
    تبسمت وانا اخطو نحو البوست والتداعي في طرف لساني
    وقرأت .. فأمتلأت حنينا جارفا ... ذلك الشعور الذي يأكلك .. يأكلك منك ويحولك مضغة شوق من لهيب مستعر .. وطفرت الدمعة من عيني
    اقول ليك ليه
    شقيقي الطبيب منعم بالسعودية عندو موبابل بسجل المحادثات .. وسجل بعض محادثاته مع ابي رحمه الله .. ورسلها لي بالواتس قبل شهر تقريبا والوالد توفي قبل عام ونصف العام
    وسمعت الونسة التلقائية .. صوت ابي أتاني غضا حنينا دافئا .. ونسته التي اعرفها .. نبرات صوته وتهدجه .. معظم المحادثات عادية .. استمعت لها بشغف وحب اكثر من مرة
    تفاصيل لاحداث مرت .. واشجان واحلام وذكريات
    رحم الله امي فاطنة بت حليمة ورحم الله والدي ود اب سن .. كان رجلا عظيما كريما كرما يحكيه كل من يعرفه ..
    رحم الله موتانا وموتاكم
    ولازال الوجد يستعر ويتقد ولا يتئد في دروب الشوق
    شكرا عمر
                   |Articles |News |مقالات |بيانات

19-02-2015, 08:41 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عبدالحفيظ ابوسن)

    الزول الراقي عبد الجليل "عبدو"..
    تعرف وبمناسبة صوت موسيقى وحفلة دي..ناس بيتنا عملو حاجة جمييلة شديد..وهم بيسجلو في الشريط شغلو بالفيديو تسجيل لحفلة حنة دكاكينية وجلسة خاصة للأسرة كنت فيها ماسك باقة وبدق وبغني ..جلسة عمرها سنيين وانا في عنفوان الشباب..غنيت نسانا حبيبنا الما منظور ينسانا مالو سافر ودع ما غشانا حليل الخوة الما قددر عشانا..غنيت الله ليية الليمون سقايتو عليية ورددت ياااا الله عووودة سلااامة للعاصمة..سبحان الله كانت اغاني كلها سفر وناس البيت بيعيدو لي المقاطع دي رغم اني وقتها كنت ممن قيل فيهم ولدا بتيين بقا للسفر والاغتراب والدردرة..ولااااا طاري غربة كنت طالب جامعي لسسسة..
                   |Articles |News |مقالات |بيانات

19-02-2015, 08:44 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    حمد والديبة..
    عارف البحيير شنو؟ ناس التابعية وزمن الملك خالد ديل زاااتو المرقم الوقت داك شنو؟؟ يستاااااهلو :)
    السودان كان جمييل ياااخ ماف شي بيمرقهم :)
                   |Articles |News |مقالات |بيانات

19-02-2015, 08:52 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    الصادق يا اسماعيل..
    النصيييحة جدي رحمة الله عليه ضغط علي بالوصية دي :) :)
    لكن ينظر ويفاد يا صاحب.. :)
    وشكراً لاعادة القراءة وده ان دل انما يدل علي كمية حنين كامنة جواك ..
                   |Articles |News |مقالات |بيانات

19-02-2015, 08:59 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    اوووووو هندسة ياااخ...
    عاطف يا عمر..
    الشوق حاصل ...
    طبعاً لأولاد امدرمان دي سبب..
    حرمنا المصون خرطومية..ما تتخييل كمية القلق البتنتابا لمن ننزل اجازة السودان واولادي يجو يقعدو كم يوم مع حبوبتهم وجدهم في امدرمان كم يوم.. :)
    بتقول لي انتو يا ناس امدرمان البتشيلو شفع الناس ديل بري منكم..ملااااوزة لمن نجي راجعين السعودية امي وابوي ما يدوهم ليها :) :) :)
    اتفق معاك كل ربوع السودان تتفق في معظم التفاصيل اعلاه وهي ليست حكرا علي اولاد امدرمان..لكنه محض شوق لأمدر يا عاطف..
                   |Articles |News |مقالات |بيانات

19-02-2015, 09:04 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    درديري ياخ طيب القلب انت والله الما بتشوف الا كل طيب...
    عارف ليمون زمان ده فيو حترب كده الللذ من الليمون زااتو..الحبيبات المفتفتة ديك وبالله حبيبات دي اقراها بضم الحاء عشان ما يتشابه عليك البقر.. :)
    اجمل حاجة لمن تمشي زيارة لاسرة بسييطة وما عندهم تلاجة وقتها..بيعملو ليك الليمون من موية الزير..بيحلبو الليمونة بدون صفاية..بتكون جواك مبسوووووط وهم بيقدمو ليك في الكباية وانت في نص الحوش وملايات السراير بتهبهب واهل البيت حولك محتفين بي زيارتك وبيونسو فيك ونسة طاااعمة بنفففس طعم ذلك الليمون.. :)
                   |Articles |News |مقالات |بيانات

19-02-2015, 09:09 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    محمد يا محمود..
    غايتو الله مرقك من ونسة المرا بمصاحبة القهوة دي.. :)
    غااالباً كانت حتكون ونسة مكللفة اقققل شي كان حنكوك توب جديد يا طقم ( ابداها من طقم شاي وطقم جلوس ختاما بطقم دهب ) ..
    يا كمان الونسة جابت ليها زرزرة..
    لقد نجوت يا محمد.. :)
    تحياتي وربنا يخلي ليك العيال وامهم..
                   |Articles |News |مقالات |بيانات

19-02-2015, 09:13 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    اسمارت يا انتي..
    نحن جيل اتربى علي مجلة ماجد وهواة الاصدقاء..عشان كده كتبنا الجوابات مننن نحن شفع..انطبعت في ذاكرتنا ريحة الورق وطعم الصمغ ونحن بنقفل في الجواب..
    زي ما قلتي رسائل الواتس مااا بنفس متعة الجواب..
                   |Articles |News |مقالات |بيانات

19-02-2015, 09:18 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    ود المشرف..
    مشاغلة والله ..ومناكفة ..
    بعدين عجبتني قرايتك لي اني نسيت باسطرمة دي فشكراً لتذكيري :)
    راااحت لي رسسسمي وقدر ما نحححت راسي ما عرفتها..قلت ياخ المهم هي حاجة كان فيها لحمة .. :)
    شكرا للقراية يا حبوب..والواحد يمشي ويجي ويلقاك لسسسة تأبط شرا :) :)
    انا لياقتي تعبانة الننادي ليك اساسي :)
                   |Articles |News |مقالات |بيانات

19-02-2015, 09:21 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    عبد الحفيظ ابو سن..
    " مضغة شوق من لهيب مستعر"..
    جبت الزيت زي ما بيقولوا..
    واختصرت نقتي الكتييييرة الفوق في البوست بي جملتك دي..
    وربنا يتقبل والدك قبول حسن ..
                   |Articles |News |مقالات |بيانات

19-02-2015, 09:15 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    Quote: عارف ليمون زمان ده فيو حترب كده الللذ من الليمون زااتو..الحبيبات المفتفتة ديك وبالله حبيبات دي اقراها بضم الحاء عشان ما يتشابه عليك البقر.. :)
    اجمل حاجة لمن تمشي زيارة لاسرة بسييطة وما عندهم تلاجة وقتها..بيعملو ليك الليمون من موية الزير..بيحلبو الليمونة بدون صفاية..بتكون جواك مبسوووووط وهم بيقدمو ليك في الكباية وانت في نص الحوش وملايات السراير بتهبهب واهل البيت حولك محتفين بي زيارتك وبيونسو فيك ونسة طاااعمة بنفففس طعم ذلك الليمون.. :)



    هههههههههههههههههههههههههههههههههههههههههههههههههههههههه ياخ لكن وصفته وصف خاصة الليمون الاخضر الصغار داك الواحدة بزردية ما تقدر تمصرها
                   |Articles |News |مقالات |بيانات

20-02-2015, 10:35 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: شريط الكاسيت.. (Re: درديري كباشي)

    رجعنالك يا عمر
    أنا رأيي أنه ارتباط الأهل بالاشياء القديمة ليس ناجما عن بخل أو خوف من الخسارة .. لكن أظنه أرتباط عاطفي .. نحن عادة الارتباط العاطفي عندنا مقدم على التبرير العقلي أو المنطقي .
    يعني عند جرد المخزن واستخراج الاشياء الغير النافعة . كل قطعة تمسكها تجد من يدافع عنها ويعيدها الى مكانها .
    لالالالالالا الكرسي دا ما ترموه دا كان حق جدك بيقعد بيه قدام البيت .. تجد اصرارك يقابل بمفاومة مضادة تشرع فيها كل الاسلحة العاطفية .. لكن يا أمي الكرسي دا ما نافع بثلاثة رجول فقط وما بتصلح مضيق المحل ..لا ما ترموه وتبدأ تبكي .. يا حليل أبوي الله يرحمه .. كم مرة وقفت جمبو في الكرسي دا اداني قرش وقال لي روحي اشتروا طعمية انت وصاحباتك يا حليل ابوي ... خلاص خليناه ..أها الرادي دا ليه عشرين سنة ما نطق وما عنده قطع غيار .. غيار شنو دا ماركوني ذاته ما يقدر يصلحه تاني .. تسمع الاعتراض ما الرادي دا ذاته كان أبوي بيقعد به في الشارع ويا حليل ابوي ويبدا البكاء من جديد . .وهكذا يعود الرادي والسجادة المقطعة وكرتونة المرحومة الغسالة وكرتونة المكيف حجمها ربع كشك ومليانة كرور .كلها ليست ذات جدوى اقتصادية لكنها باقية بسبب الارتباط العاطفي .
    أذكر ايام كنت طالب في الثانوي قررت أوظف الكركيب دي .. كان عندنا خلاطة لها جك قزاز أقوى من فانوس التراكتر ولا أذكر نحن شفناها شغالة .ز أنا فكرت وظفتها .. ركبت لمبة في كتفة باب الشارع الكبير .. ومن فوق له كفيت جك الخلاطة القديمة .. ونروتها بالليل أصبح منظرها رهيب جميل توز النوع بطريقة عجيبة ..الجيران مندهشين يسألوا فيني ..انتو اللمبة في شكل خلاطة دي جبتوها من وين ؟؟ أقول من لندن .. طبعا ما كذبت لآنها الخلاطة بريطانية .. وأظن البريطانيين ما صنعوا بعدها لانه ما لاقتني خلاطة بريطانية لا بعدها ولا قبلها .

    سنعود ان كان في الكرور باقي
                   |Articles |News |مقالات |بيانات

20-02-2015, 02:15 PM

Hadeer Alzain
<aHadeer Alzain
تاريخ التسجيل: 13-07-2008
مجموع المشاركات: 3452

للتواصل معنا

FaceBook
تويتر Twitter
YouTube


Re: شريط الكاسيت.. (Re: درديري كباشي)

    القراءة لك تطيل العمر يا عمر ..
    شكرآ على هذه المتعة الروحية الروحانية

    ليت بكري يرفع البوست أعلى المنبر ليقراه الجميع ..
                   |Articles |News |مقالات |بيانات

20-02-2015, 08:24 PM

محمد عبدالرحمن
<aمحمد عبدالرحمن
تاريخ التسجيل: 15-03-2004
مجموع المشاركات: 9059

للتواصل معنا

FaceBook
تويتر Twitter
YouTube


Re: شريط الكاسيت.. (Re: Hadeer Alzain)

    عمر الفاروق
    سلام

    يا خي وصية جدك دي ما تهملها، الجزء التني ههههههههههههه
    مكانك شاغر في الحزب هههههههههههههههههههههه



    انت ياالصادق اسماعيل يعنى عايز تقول اهلك ماوصوك ؟

    بعدين شيخنا محمد احمد الهادى عليه الرحمه والمغفره مننا نحن
    ناس الجزيرة شايفو دخلوه مع ناس امدرمان وضيعوا حقوقنا ..
    الحنية دى ذاتا بتشبهنا نحن ....

    سلام ياخينا ...
                   |Articles |News |مقالات |بيانات

20-02-2015, 08:39 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد عبدالرحمن)

    يا هدير يا زين.. ويا بلدي يا حبوب :)
    ياخ ماف شي بيرد الروح الا جنس كلامك ده..
    تشكرات كتااارااات..
                   |Articles |News |مقالات |بيانات

20-02-2015, 08:44 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    محمد عبدالرحمن..
    جدنا ود الهادي الله يرحمو اندفن فيي الهدى ..امدرمان شنو ياااخ..
    بس رحمة الله عليه لمن سجل التسجيل ده كان معاهم..
                   |Articles |News |مقالات |بيانات

23-02-2015, 05:24 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    درديري يا كباشي..
    التعلّق بالماضي والحاجات القديمة مرات ما بتلقى ليها مبرر زاتو ..تلملم ليك حاجات لي درجة إنك بعد فترة ممكن تجي تسأل نفسك هو انا الحاجة دي لميتا عشان شنو ؟؟
    مرات في لملمة بتاعت حاجات عاطفية لي درجة العوارة..
    مرة زميلتنا في الجامعة واحد من ناس فنون دي مكسر فيها وكل مرة يعزما الكفتيريا ويقعد معاها ويتونس..لحدي ما يوم قام كبّ ليها الريدة..أها زميلتنا دي قالت ليو انا قايلاها خوّة.. :)
    أها قوووم عشان تثبت ليها إنك بتحبها وفعلاً مكسر فيها قوووم يا إنت طلّع ليك مناديل ورق(تيشوز يا قول الحناكيش ولا هي إسمها شنو) المناديل كلها مستعملة ومكرفسة..طلع زولنا ده في كل قعداتو معاها بيلّم باقي المناديل الكانت الزولة دي بتستخدما .. :)


    تخريمة :
    محبّة وريد في الله..مراد ما تمّ يّلا ..يا ناس النسى لي قديمو ضلّ..
                   |Articles |News |مقالات |بيانات

23-02-2015, 05:38 AM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    صديقي الصدوق اوفي الاوفياء واحب الاحباء علي قول جوابات اسمارط بتاعت سنة رابعة

    صدق قريت البوست دا اول زول لمن نزلتو وللاسف خاصية الرد علقت عندي

    الكنت داير اعلق بيهو يومها اني اتمنيت انه البوست دا يكون كاتبو دكين صدق كان جهجه ليك اللغة جهجهة السنين وعمل شغل كدا بتاع ابن خلدون البعرف ليهو داك
    المهم البوست مناسب جدا وفيهو مساحة كويسة لانه يتكل وجدانا الرقد سلطة .. ياخ تصدق انا موش لي 15 سنة في السعودية دي .. لاسع ولا مرة بالغلط احلامي الفي النوم ديك كان اللوكيشن بتاعها خارج الخرطوم
    ياخ لدرجة انه اصحابي السعوديين الهنا لمن اكون حلمان بشوفهم ليك ماشين معاي سوق ليبيا ولا في ديم القنا

    لحدي سنة الفين واربعة عندي صحبي الوحيد اوفي الاوفياء واصدق الاصدقاء واحب الاحباء جدجد ما زيك كدا صحبة منابر واسافير كنا بنتراسل وبتذكر اني نزلت جواب منه مرة هنا سنة 2002 صدق فتشتو لقيت الجواب يرقد علي مكتبتي العامرة ..لمن قريتو تاني والله حسيت بانه وجداني اتصلح عديل
    عليك الله اخد ليك نقلة نوعية انت وود خالة حميدة في جوابات اوفي الاوفياء ^_^

    http://www.sudaneseonline.com/board/70/msg/جواب-في-السلك-1133942712.html
                   |Articles |News |مقالات |بيانات

23-02-2015, 05:55 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: اساسي)

    صديقي أساسي..
    أفتقدك بشدّة يا هذا ..أما اّن لك أن تعود ؟؟
    لا تستعجل الإجابة يا صديقي وتريّث..

    أها والله وما طالبني حليفة انا زييك كده جا في بالي دكين لمن قررت أكتب..والنصييحة وما أكضب عليك قررت أقوم أكتب بي نفس فهمو لكن والله انا ملول جداً في الكتابة مع إني عااارف لو نويت أكتب بي تفكير وقعدة ومزاج بقوم أعمل لي شغل كويس وما بطّال..لكنها مدرستي يا صديقي عدم التفكير والسرحان في الكتابة ..
    نرجع لي موضوعنا (الأساسي)..عارف إنت وكم واحد تاني بعرفهم من القلائل الما تأثرت سودانيتهم بعدد سنين الاغتراب..ولمن اقول سودانيتهم دي ما قاصد وهمة الجلابية والعمة والجبة والسديري ولاا وهمة النخوة و الصدق والأمانة وما أدراك ما نحن شعب مميز ديك ..
    نووو يا حبوب ..سودانيتنا بتاعت اولاد الحلة ديك فيها الإستنكاح وفيها الفلس والفقر ..فيها الضحك والخستكة ..فيها الجد والهظار..وفيها قلة الأدرب ..سودانية بتخليك عااادي ممكن من المطار تركب بصات البراري ديك وتشاقق بي نص الحلة وأووول ما تصل البيت تشيل البستلة تمشي تشتري فول من الدكان ..تخش توووش في مجتمع الحلة وتتكلم كلامهم وتفهم لغتهم..
    الجواب ممتع يا صاحب ووالله قريتو بي طريقة مختلفة والغريبة أول مرة أشوفو وهذا إن دلّ إنما يدلّ على سطحية علاقاتي بيك في هذا الإسفير وقلة إندهاشي بما تكتب .. :)
                   |Articles |News |مقالات |بيانات

23-02-2015, 07:00 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1629

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    كتبت بلساننا، سجلتُ الكثير من "الأشرطة"، لأهلنا بالبادية، وهم يرسلونها لأبناءهم بليبيا،
    فيها مَحَنَّة،وشوق ومعزة،وسلام ونفل العمَّات والخلات والحبوبات و.....الخ وبها بعض الأشعار الجميلة، والان وأنا بالمهجر،
    عندما يطول ليل الغربة "الخازي" ويتملكني الشَّرف تجدني كثيرا،ما أُطفئ الأنوار،
    وأغلق كلّ منافذ الأصوات ،حتّي الرِّياح ، لأستمع وأستمتع بكاسيت قديم، من نفرٍ عزازٍ، علي نفسي ،
    فيدخل صوتهم الرخيم، في مسامات روحي ويدغدني من حلمة أذني، وأحيانا يكون بلسما للحنايا، ويسدُّ رقراق الهم ......
    Quote: سبحان الله وصية عجيبة وغريبة ولطييفة جداً وصاني ليها جدي في الشريط
    رغماً عن إنو كان رجل متدين بل والمسئول عن مسجد الحي الذي يسكن
    عمر أعمل حسابك أوووعا تجي زي باقي الناس الجو من السعودية ..أووعك تبقا أنصار سنة متشدد
    وتغيير شكلك بي الدقن والجلابية القصيرة وتبقا متشدد....

    إنت عارف ياعُمر، ذكرتني طُرفة لواحد من أهلنا ناس البادية إغترب وقال:
    ناسنا الواحد من ما يغترب، ويرجع لي بلدو، أول شي ، "بسوِّي ليهو دِقِن طويلة... وبقصِّر دليقيناتو....
    وبشيل شوفو وبرمي.... في ناس سيدي علي"
    وناس سيدي علي ،يقصد أن أهله ختمية، وإبنهم صار أنصار سُنّة
    معزتي
                   |Articles |News |مقالات |بيانات

23-02-2015, 11:50 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عبيد الطيب)

    عبيد يا طيّب..
    ياخ طرفتك الحكيتا دي هي بالضضضبط ما وصّى به جدّي :) :) :)
    ياخ تطرقت لي جانب تاني برضو مهم شديد ..حتة إنو زمان ينادوك كخبير تشغيل مسجلات أو لنك بتكون سيد المسجل فبتطلع معاو زي الساوند عشان ما يبوظوهو ليك فتقعد تحضر الناس البتسجل لحددي ما ينتهو وتشيل مسجك تتخارج :)
                   |Articles |News |مقالات |بيانات

23-02-2015, 02:42 PM

خالد عبد الله محمود
<aخالد عبد الله محمود
تاريخ التسجيل: 28-11-2004
مجموع المشاركات: 5393

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)



    سجمنا ... أنت قاعد في البلد دي من زمن شرايط الكاسيت يا عمر !!!
    يعني تاني الواحد يختكـ في مرتبة واحدة ناس صديق الموج و حمزاوي



    * اساسي : بالله عليكـ نهي الحوصة حصل عليها شنو ؟
                   |Articles |News |مقالات |بيانات

23-02-2015, 09:58 PM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: شريط الكاسيت.. (Re: خالد عبد الله محمود)

    يا عمر انت عربيتك دي شنو بالضبط اللسه فيها كاسيت دي :)
    لمني فيها بالله انا عندي اطنان اشرطة كاسيت مكسل احولها يواسي بي


    بالجمبة كده مشتاغون يا حبيب والله
    كتابة طاعمة والله
                   |Articles |News |مقالات |بيانات

24-02-2015, 05:03 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: نادر)

    انا هيين يا خالد..إنت بتكون من زمن التلفون بالعملات المعدنية والناس واقفة صف في الشارع .. :)
    ده إذا ما طلعت من ناس والله نحن لمن جينا الرياض كانوا بيجيبو الموية بي الكارو من البير ..
                   |Articles |News |مقالات |بيانات

24-02-2015, 05:08 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    نادر النادر ..
    انا سايق بوكسي سيوبر :) ..
    الغريبة أول ما جيت البلد دي كنت سايق لي عربية أكبر مني :) أظنها من مواليد 74 ..
    بالمناسبة إضافة للفلس فواحدة من أسباب تمسكي بي عربيتي (يارس) ياهو المسجل ده..وبالرغم من إنو إنو فيها سي دي لكن فكرة أسمع غنا من سي دي ده أصصصلو ما قادر استوعبو..
    أسة خليك عملي يا حبوب وبدل تحوّل شرايطك دي وتتعب ساي فقوووم رسلا لي انا :)
                   |Articles |News |مقالات |بيانات

24-02-2015, 07:30 AM

عمر السلمة
<aعمر السلمة
تاريخ التسجيل: 09-01-2013
مجموع المشاركات: 246

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    السلام عليكم ورحمة الله وبركاته ..
    حاجة تبكي والله ، ذكرتنا أيام لن تعود أبداً .. ياخ زمااان لما يجيك جواب تقعد تقرا فيهو شهور لحدي ما يصلك واحد تاني ..

    مرة طلعت من البريد وطوالي ركبت الحافلة وفتحت الجواب .. وبتذكر راكب في الكنبة الأخيرة ، اها مرة اضحك ومرة أبكي وكلو بالدموع
    جنبي هندي الشمار كلتو سألني الحاصل شنو ؟؟ طبعا ما قدرت اشرح ليهو ...

    طبعاً المسجلات زمان يا سانيو فورمايكة بني.... أو ناشونال ... يعني لازم يكون أصلي :)
                   |Articles |News |مقالات |بيانات

24-02-2015, 07:51 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر السلمة)

    مرحب بيك يا أبو عمير..
    طبعاً من أهم الحاجات في المراسيل والجوابات دي إنو ما بيكون عندك صبر لحدي ما تصل أوضتك أو سريرك..توووشك كده أوول ما تستلم الجواب ومحححل ما إنت قاعد تفتحو وتقراهو وتلغي وجود الاخرين وما بتنتبه لي روحك إنت وين وقدام منو .. :)
    غايتو الهندي ده كان تهوزز ليو راسك وتول ليهو " صديق إنت مافي معلوم هذا في نفر جواب سيم سيم سودان وهو في يسوي سلام .. :)
                   |Articles |News |مقالات |بيانات

24-02-2015, 09:05 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    عمر يا حبيب...والله ده تقريباً حال أى واحد عاش الفترة ديك...وبوستك رجعنا 20 سنة وشوية....زمن الجوابات تجيك بعد طلوع الروح ولما يجيك شريط تجرى الغرفة وتقفلة عليك لو معاك جماعة وتسرح بالخيال وكأنك معاهم.

    Quote: كان زمان الناس موده وكان كلام الريد حنان
    وكان حديث الحب مناجاه وكان لقا المحبوب امان
    وكان حلم غنوا وحكاية وكان امل اخضر
    وكان اهلنا بقولو كان الحب حلال ما كان حرام


    أما عن الكحلاوى الله يرحمو...كان أهلنا الجموعية بحبو شديد وكان لو فى سماية ساى بجى ويغنى وزول طروب ومرح..مرة بغنى وجات واحدة بنت شابة بترقص بغنج قال ليها حركاته ديك..أح أح أح أحى أنا أمك زمان كانت مجننانه ..وكان عادى لأنو فعلاً عاش زمن أمها وبعرفها....زمن جميل والناس كانت فى أمان فعلاً...

    تخريمة...أثرى المنبر بالحاجات الجميلة دى وبطل لولوة............مودتى
                   |Articles |News |مقالات |بيانات

24-02-2015, 09:43 AM

حمزه بابكر الكوبي
<aحمزه بابكر الكوبي
تاريخ التسجيل: 13-04-2009
مجموع المشاركات: 2121

للتواصل معنا

FaceBook
تويتر Twitter
YouTube


Re: شريط الكاسيت.. (Re: ismeil abbas)

    والله ده يعتبر بوست عام 2015 مع اننا في بداياتها مها نزل شئ جميل في المنبر ( على قلته ) ما اعتقد
    انه يصل مستوى هذا الجمال وبالرغم انه اغترابنا الذي على اعتاب ال 20 عاما ولكن كله عولميا منذ بدايته
    فاول سنواتنا كانت مع التلفون ثم الموبايل ثم ..... ثم ..... ثم .....الواتساب والفيسبوك .....الخ
    الا انني اتزكر جيدا ونحن صغار تلك الجلسات الجميلة لتسجيل الشرائط للمغتربين وكتابة الجوابات
    للخالات ولاتزال تعابير مثل ( ولا ينقصنا شئ سوى رؤياكم الغالية ) ومثيلاتها محفورة في الوجدان

    الله يديك العافية ياعمر
                   |Articles |News |مقالات |بيانات

24-02-2015, 11:31 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: حمزه بابكر الكوبي)

    إسماعيل يا حبوب..
    الكحلاوي ده قصص لا تنتهي من المتعة ..
    ما حصل حضرت لي حفلة بي الكحلاوي وما ساد المسرح الهرج والمرج وضجت ساحة الرقيص بي الحت الشديد..
    عندو ترنيمة مشهووورة بيرددا ويمسك بيها الزمن
    أرييتا..أريييتا..أريييتا ريتا ريتا ...ااااخخخخ انا ..
    طبعاً في حالة زولتكم دي عملا أحححييي انا :)
                   |Articles |News |مقالات |بيانات

24-02-2015, 11:36 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    حمزة يا بابكر..
    ياخ شكراً ليك ..لكن مااا ظنيتو قدر ده كمان :) ففي هذا المنبر من يملكون نواصي اللغة و رقة الحرف ..
    أما فيما يتعلق بجوابات المغتربين والتي لا يخلو أييي خطاب منها من ملحوظتين ..
    ملحوظة أولى:
    أرجو أن ترسل لي هيدفون وطاقية و نضارة ..

    ملحوظة تانية :
    معليش لي رداءة الخط فأنا أكتب على إستعجال لأنو الزول الحيشيل الجواب أسة قاعد في الصالون وقال مستعجل..

    :) :) :)
                   |Articles |News |مقالات |بيانات

25-02-2015, 04:43 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    وليد يا طه ..
    وفي نوع شرايط كده الورقة بتكون مقطوعة ما بتعرف نوع الشريط زااتو شنو ..
    طبعاً زمان في حركة كده بيعملوها الشباب ..لمن يكون عندك شريط سمممح وفيو تسجيل نادر بتقوم تلصق فيو ورقة إنو ده شريط للشيخ الفلاني محاضرة بعنوان الحج .. زوووول بيقرب من الشريط ده ماف.. :)
                   |Articles |News |مقالات |بيانات

25-02-2015, 06:49 AM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1656

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    شكرا لكل هذا الجمال

    كتبت عن ماضِ جميل وذكرياتنا بضبانتا
                   |Articles |News |مقالات |بيانات

25-02-2015, 12:34 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: مجاهد محمد الهادي)

    المجاهد ..
    شاكرين يا حبوب وأهو نحن السودانيين ديل حاجاتنا بتتشابه أو كما نردد في أغنياتنا جينا وفيك ملامحنا .. :)
                   |Articles |News |مقالات |بيانات

26-02-2015, 06:24 AM

احمد التجانى احمد
<aاحمد التجانى احمد
تاريخ التسجيل: 11-11-2006
مجموع المشاركات: 3147

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عمر الفاروق)

    عمر الفاروق سلام وليك وحشة والله , شايفك خامج الفيسبوك لكن ما بيناتنا تقاطعات عشان نحن ما اسدقاء , حقيقى كتابة جميلة ورايقة , واحلى ما فى البوستات الزى دى انك ما بتحتاج تقرا اكثر من المداخلة الاساسية الفيها الزيت زى بوستات تاج السر الملك لانه باقى المداخلات بتكون علاقات عامة ناس كتابة طاعمة والبقول ليك انا لله , قد تكون ذات فائدة للكاتب لكن القراء بتمعطوا بيهن , لكن المقال بتاع شريط الكاسيت عمل ليك شهرة , لقيته حايم فى الواتساب فى اكثر من قروب , شفت التكنولوجيا دى ضيعت حقوقكم الادبية كيف
                   |Articles |News |مقالات |بيانات

26-02-2015, 06:34 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: احمد التجانى احمد)

    أحمد يا تيجاني ..
    بري يخربني ما جاني في الواتس ..الخوف يجيني الموضوع ومغيرين فيهو إسم جدي بي واحد إسم جدو مأمون عوض باشري :)..
    طبعاً انا يا قول المثقفاتية كتاباتي مبذولة للجميع :) :) ..وعليه لا تثريب بأن يتداولها الناس دون الإشارة لإسمي فأنا مناهض لقانون المليكة الفكرية وحمد الريح :)..
    أما إن دار محور سؤالكم عن خمج الفيس فعليييك الله خمجو ما سمح؟؟ الناس خاتا صور البروفايل البي الكضوب كضوب ديك لكن ترد الروح حيث الخضرة والماء والوجه الحسن :) ..
                   |Articles |News |مقالات |بيانات

26-02-2015, 06:54 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عمر الفاروق)

    عمر يا فاروق ( على طريقتك الظريفة)
    موضوع واسع لدرجة أنه هيج موجة غبار في الرأس رغم أنك قفلته في الكاسيت .. لكن عطفا عليه نحن أرتباطنا العاطفي بالقديم ليس مرتبطا بالاشياء المعينة والمعنية ذاتها فقط أنما حتى بماركاتها ..
    يعني مثلا المعجون لازم سقنال تو . والصابون لوكس والسيارة تيوتا وألاجهزة الكهربائية سوني با نوسونك أو نشينوال .. مهما تجهتد الشركات الجديدة في التطوير والتصنيع فهي لا تدخل زممنا بتعريفة .. ياخ معجون كلوس أب دا أحسن . يا أخوي سيبك منه دا بيورم الشلاليف ومعجون سونسدايد دا طعمه زي زيت الفرملة .. وصابون فا وكامي ديل بيعملوا لي حساسية أعطس طول اليوم .. والسيارة رينو .. يا زول دي كان اتعطلت تجيب ليها أسبير من وين .. والثلاجة لازم أدمريال ولا كولدير .. بلا كلفونيتر ولا سامسونق .. ديل الواحدة منها وليها تقلب حار .
    ياخ شاشة ال سي دي دي لو جبتها اليكتا أحسن من سوني فيها تقنية صورة عالية كأنها حقيقية .. والله لو شاتو الكورة جاتني في طربيزتي دي أنا غير سوني ما عايز شاشة تاني .
    شئ يحير أقرب للمعتقد منه للذوق أو المزاج .
                   |Articles |News |مقالات |بيانات

26-02-2015, 07:07 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: درديري كباشي)

    درديري يا كباشي ..
    طبعاً انا زول إنتقائي وبتاع ناسات وتراني كنت خاتيك مع الرجرجة والدهماء ساااي لكن بعد فدوى دي النتملقك يا أخوي الظروف ما معروفة مع جوائز الطيب صالح و قائمة البوكر الأولية دي نقوم يوم نقرا إسمك :) :) :)
    العقلية البشرية عموماً ويا قول ترجمة إم بي سي تو (غريبة الأطوار) إلا أن العقلية السودانية تتفرد بي إطوار قاطعاها من كنكوجة ..
    عقلية أجبرت روحا ما تستمتع بي اللحظة ..ولااا بي حاجاتا ..
    مثلاً تشتري ليك موبايل جديد مش؟ تقوم أووول شي تمشي تشتري ليو كوفر وتشتري ليو واقي شاشة وتشتري ليو شاحن تقليد وتدس الشاحن الأصلي عشان ما يبوظ..تحرم نفسك من مزايا الموبايل الأساسية العشانا إنت إشتريت الموبايل ..
    تقرر تشتري عربية مثلاً وزول يديك خيارات لي عربية مريييحة وفخمة جداً ..أووول جملة بتقولا ليهو :
    يا زووول العربية دي لمن أجي أبيعا سعرها بيدق الدلجة !!! طوااالي فكّر في إنو مفروض ح يبيع العربية دي بعد فترة..وبما إنو فكر يبيعا فطوااالي حتلقاو حرم نفسو من متعة العربية بمزاياها من الشركة الأم فبدل ما يستمتع بي فرشها الأصلي تلقاو مشى غطاها بي فرش صيني لي حماية الفرش الأصلي..وتلقاو عمل أكياس بالستيكية للأرضية عشان العربية ما تتوسخ وتلقاو ما بيمشي بيها في الدقداق وتلقاو بيوفر ما يطلع بيها كل المشاوير ..ده كلللو لأنو في بالو لمن يجي يبيعا فمفروض يحافظ عليها ويخلي الحيشتريها منو بعدو هو اللي يستمتع بيها ..
    وعلى ذلك قس .. :)
                   |Articles |News |مقالات |بيانات

26-02-2015, 07:47 AM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7242

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عمر الفاروق)

    شوف ياعمر يافاروق،،
    أسمع النحدثك :

    كتاباتك دي أحسن تلمها عليك ،،
    وتضعها في أطار جميل موشى بماء الذهب ،،
    وتستعد لنشرها بحملة ترويجية تجعلك والله رقماً في عالم الكتابة،،

    التلقائية في تناول موضوعات تثير أشجان كل من يقرأها هي طريقة جاذبة لكل الفئات العمرية من الكهول (شروانا) والشيب والشباب ، فكل منا له ذكرى
    مماثلة مع هذا الشريط،،
    كنت يومها طالبا في فرنسا ، في سنة أسكت ، المهم كنت أسجل الشريط لأهلي في السودان بإخراج إذاعي موسيقى مصاحبة
    ومرات اغني لهم بالعود ، وأخص كل فرد من أفراد الأسرة بفقرة في الشريط ، ثم أجعل فقرة للجيران نفر نفر ،،
    وبالمرة أخلي الأخ (حسين الأمين - يطراه الله بالخير - سفير السودان في جيبوتي) يسلم على الأهل ، وأخوان ليبي وصومالي
    يقاسمونا السكن كل يسلم على الأهل ،، المهم الشريط كنا نفك الكيس الخارجي ونرسل الشريط عينه بي عينه بعد نلصق
    أطرافه بالسيلوتيب ونرسله في الظرف عادي (أيام السلم والأمان) ، يقوم الأخوة في السودان بتركيب الشريط في كيس جديد
    ويستمتعوا بالبرنامج الحافل،،

    أكثر الأشياء التي يتذكرها الأهل هي المواد المسجلة بهذه الشريط وكانت توثيق لرحلة عمر ومشوار طويل،،

    ذكرياتي وخلاصة هذه الشريط: التاريخ يقول إننا في الثمانينات كنا أكثر إلتصاق بالعالم ، سافرت من السودان
    بالخطوط السودانية إلى لندن ثم باريس، وكنت والله العظيم أحتفظ للبعثة بتذكرتين : واحدة سودانية وأخرى
    على الخطوط الفرنسية ، فضلت الذهاب بالسودانية لأن حمى فرسان في الميدان كانت على أشدها ، فوصلنا
    مطار القاهرة ثم مطار هيثرو ،،
    في العودة بقى فضلت العودة المباشرة للخرطوم بالفرنسية ،، وكلو مجان !!

    خلاصة الذكرى والذكريات والعبر ياعمر : أتيحت لي فرصة البقاء في فرنسا للعب الكرة بفريق من فرق
    الدرجة الثانية في مدينة بيزانسون الفرنسية ، على أن يتولوا هم تمديد الأقامة ومنها كان سهلا الحصول على
    الجنسية الفرنسية بحكم القانون ، لكني رفضت مجرد التفكير في ذلك العرض وكنت لا أتمنى شيئاً في حياتي
    وقتها سوى العودة إلى السودان ،،

    هل أنا نادم على قراري ذلك ؟؟؟
    دا شريط تاني إن شاء الله ،،

    وأشكرك والله ياحبيب على صنفرة الذاكرة !!
                   |Articles |News |مقالات |بيانات

26-02-2015, 08:11 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عبد اللطيف بكري أحمد)

    هههههههههههههههه
    لا متخافش علي وعليك من حكاية الجوائز دي أنا مليش فيها وهي ما لهاش في ..
    لآنه شرطهم الأساسي أنه النص ما يكون نشر قبل ذلك في أي وسيلة نشر ..
    وأنا زول نشار ما بتتلبش فولة بين أصابعي الا تكون سابحة في بحور النت .شي مدونة وشي فيس ومنابر .. بل يمكن أنا بجهز المشابك والحبل قبل النشر نفسه .. يعني أفتح صفحة موضوع جديد في المنبر ومن الكيبورد مباشرة وهاك يا نشر .

    بس كمان قائمة الرجرجة والدهماء بتاعتك دي عارفك ما بتعنيها وما عندها وجود .. ياخ خلتني أعمل فيد باك لكل مواضيعك ومداخلاتي منذ أشتراكي في المنبر قبل سنتين ..وأنت شخص تأتي على هواي بأسلوبك وطرحك للسهل الممتنع وجرأتك في التناول وتفحيطك في نص الموضوع لشئ مختلف .. ياخ تذكرني برمة محمد عطا للطائرة البوينج في أحداث سبتمبر بعد العياذ بالله واختلاف المقامات والمواقف داك زول عايز يموت وما فارقه معاه حتى لو أنقسمت الطائرة نصفين .. تناول الحاجات البنجي ماشين فيها دون أن نتذكر ننظر لها . هو ما جعل كتاباتك شئ مختلف جدا وجاذب .
                   |Articles |News |مقالات |بيانات

26-02-2015, 08:16 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عبد اللطيف بكري أحمد)

    أووو المدريدي الذي أحببت ..
    عبد اللطيفنا يا بكري..
    النبدا ليك بي القلبة والنسرح ليك بي خيالي فيما بتعلق بعناوين الصحف الفرنسية في ثمانينيات القرن الماضي.. لتيفو السوداني يواصل التألق ..كابتن لتيفو يفتح باب الإحتراف للاعب السوداني..
    انا خايف كنا بعد شوية سمعنا إنو كلمة " تيفو" المستخدمة حالياً من قبل جماهير الأولتراس لرسم لوحة ي المدرجات كانو الناس حي قولوا أصلها لاعب سوداني إسمو عبد اللطيف الفرنسيين كانو بيقولوا ليو لتيفو ومنها بقت تيفو :)
    شرايطك شكلها كتيييرة يا عبد اللطيف ولو باريت البوست ده ممكن عااادي توصلو لي عشرة صفحات لأنو أكيد بيكون عندك شي شريط للمحبوبة وشي شريط لي ناس البيت وشي شريط لي أولاد الحلة وشلة العمود وشي شريط لي دفعة الدراسة و و و ..
    ده غير الشرايط البتكون فيها فضفضة مع نفسك وملبدة في مكان ما :)

    أما فيما يتعلق بي لملمة كتاباتي فياخ يا عبد اللطيف ياخ انا زول بكتب ساي وللأمانة كتاباتي عادية بس إنتو الحنينين أكتر من اللازم :) فياخ ما تحرضني أعيش الوهمة وأقوم أصدق واقوم تاني أتعامل معاكم كروائي وقاص :)
                   |Articles |News |مقالات |بيانات

26-02-2015, 08:27 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عمر الفاروق)

    لالا إطمّن يا درديري لا وجود لها ..فأنا رجل كما تعلم أقبل الهدايا وأمشي في الأسواق .. :)
    وزي ما قال حبيبنا أحمد تيجاني فوق الموضوع بعد داك بيتحول لي ثلوج تكسّر وتسييح بين يا رائع ويا مزهل ويا مبدع فتضيع الحاجات فياخ ما تخليني أصدق :) :)
                   |Articles |News |مقالات |بيانات

26-02-2015, 08:24 AM

tabaldy

تاريخ التسجيل: 27-04-2003
مجموع المشاركات: 1233

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: عبد اللطيف بكري أحمد)

    Quote: الغريبة أول ما جيت البلد دي كنت سايق لي عربية أكبر مني :) أظنها من مواليد 74


    تحياتي يا أب كلامن طاعم
                   |Articles |News |مقالات |بيانات

26-02-2015, 08:31 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الخادمة السودانية في المملكة العربية اصبحت امر واقع وشوف عين ... (Re: tabaldy)

    تبلدي يا قونقليز ..
    الطعامة كان بقت في الكلام هيّنة ومقدور عليها ..
    كعب يا قول صديقي أساسي الزول يبقا فييي روحو طاعم :)
    ونبقى في شيلة الجلابية في طرف الإيد اليمين والكمشة في الإيد الشمال وتجيب ليها ردحي :)
    نبرا ونستبرا يا يمة .. :)
                   |Articles |News |مقالات |بيانات

27-02-2015, 04:57 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19207

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    والله يا عمر فعلاَ أمدرمانى أصيل عندما كانت أمدرمان حكايه النفاج والعفويه والجار بدور الجار والأهل يجتمعون وعكس
    الأحوال والله إنت مشروع ظريف يحل محل ظرفائها الذين رحل بعضهم وبلغ بالبعض الكبر مقاماً لا يمكن لك أن تسمعهم أو
    يسمعوك ياخ كل أركان الأرض سمعت معاك الشريط وكلم أهلك بذلك شريط أوسكار يا مان
                   |Articles |News |مقالات |بيانات

26-02-2015, 09:16 AM

محمد عبدالقادر ضرار
<aمحمد عبدالقادر ضرار
تاريخ التسجيل: 04-09-2014
مجموع المشاركات: 55

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    Quote: عمر الفاروق : ونبقى في شيلة الجلابية في طرف الإيد اليمين والكمشة في الإيد الشمال وتجيب ليها ردحي :)
    نبرا ونستبرا يا يمة .. :)


    ياخ حياك الغمام بما تنشرة من سعادة وفرحة وإبتسامات طفولية بريئة على صدق الواصف وروعة الموصوف ( الوصف ) يا ود الفاروق
    تعرف يا عمر وانا بقرا بوستك دا ويمكن قبال اساسي القاليك انو اول واحد قراهو وانا مرة دمعة ومرة بسمة على وزن ( لفتة ، نظرة هههههههه )
    تقوم امي تقول لي مالك يا محمد ، اها قريت ليها كلامكم دة كوووولو وبالاخص انت ودرديري بتاع السيجنال تو هههههههه واساسي ، ردت لي وقالت قول
    لي عمر ياخ الله يفتحها ليك دنيا واخرة وعلى وليداتك على كل كلمة وحرف منك بنشم ونستلذ بي طعم الايام السممممحة ديك الخليناها خلف اسوار تقادم اعمارنا
    وقالت ليك هي واولادي ان شاء الله الكمشة الفوق راسك جوووة بيتك هههههههه اكان بعدت تاني من هنا او تطول غيباتك ....

    بالمناسبة درديري دا اوووعك تشوفو كدة ساي ، ياخ دة متعة الكتابة والوصف ، لو ما مصدقني خلي اليحكي ليك قصة السوداني الزهجان يوم قابل الاسد

    وسلام يا ملك
                   |Articles |News |مقالات |بيانات

26-02-2015, 09:32 AM

محمد عبدالقادر ضرار
<aمحمد عبدالقادر ضرار
تاريخ التسجيل: 04-09-2014
مجموع المشاركات: 55

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    Quote: عمر الفاروق : حتلقاو حرم نفسو من متعة العربية بمزاياها من الشركة الأم فبدل ما يستمتع بي فرشها الأصلي تلقاو مشى غطاها بي فرش صيني لي حماية الفرش الأصلي..


    لا ويقولوا ليك اوووعك تشغل تكييف العربية ، لانو بيهلكها ، واحسن عربية تعيش معاك كريسيدا يا سيوبر 83 اها ديل بس ( تموت تخلي )
                   |Articles |News |مقالات |بيانات

26-02-2015, 10:52 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد عبدالقادر ضرار)

    محمد يا عبدالقادر ياااا ضرار..
    وقااادر يا كريم ربنا يخلي ليك الوالدة والوليدات ..
    بعدين ياخ درديري ده زول كتاباتو من مدرسة الاناقة في البساطة وحاجاتو بتخش توووش كده ياااخ..ما تسمع مشاغلتي ليو بتاعا قريعتي راحت دي :)
    بالمناسبة عندي قصثدة كتبتها في ديوان ما بعد الحداثة " التفاحة" اسمها فطور عريي..
    ح اهديها لي الوالدة بالله توصلا ليها.. وتقول ليها حليييل ايام الطباخ بشييل الكمشة..طباخين الزمن ده بيجي شايل مايكرويف وفرن كهربا وبقو مساكييين مااا بينهرزو النسوان الخمجانات :)
                   |Articles |News |مقالات |بيانات

26-02-2015, 11:12 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    فطور العريس ..

    طباخ تمام ..
    الكمشة في إيدو اليمين ويشيل ويردح بي الشمال ..
    وتعالي يا بت يا سهام ..
    خليكي قاعدة يا منال ..
    ووصاف وصف !! لا حولة لا قولة ..
    وشناف شنف !! يحلك منو الحلّ بلة ..
    والساعة اليطب ليك جلابيتو ..
    ويقوووم كده يرمي طعميتو ..
    هيي يا يمة هيييي عجينكم ما سمح ..
    أجي يا بنات أمي !! وينو القمح ..؟
    قهقهات تشق صدر ذاك الليل ..
    نساء حارتنا يجتمعن حوله غير ابهات ...
    يضحكن غير مباليات ..
    غير أن أكثر ما يؤرقني ذلك الثور المربوط في قارعة الطريق..
    خصوووصاً لو قام فكّ الحبل وجرى ..
    ترى كيف سنمسك به يا ترى ..
    وكيف نسلم من لسان ذلك الطباخ الشرير..
    بري..بري..بري.. منكم الرجالة تطير..
    ناوليني المحشي ده النقضي شغلتي ..
    والرسول فيك جيبي الصاج ده يا بتي ..
    وصوت جدي وهو يحمل إبريقه لقطع الجمار..
    واذان الفجر حي على الصلاة ..
    وصوت نحنحات ..
    عفواً هذا المرحاض مشغول الان ..
    وشفع صحو بدري يلحقو شاي اللبن قبال يخلص..
    وبت جيرانا في كامل أناقتها في طريقها إلى حبيبي مفلس..
    طباخنا يا زول جميل..
    يا الما خمج يا زول عديل ..
    مني ليكا تحيتين ..
    ووردتين ..
    يا زول حلو ..ويا زول نضيف ..
    يا روعة حد الإندهاش ..
    عندك فكة خمسمية ؟
                   |Articles |News |مقالات |بيانات

26-02-2015, 01:19 PM

الشاذلى خيرى عبد الله
<aالشاذلى خيرى عبد الله
تاريخ التسجيل: 30-04-2010
مجموع المشاركات: 649

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    يا سلاااااام يا عمر ياخ

    طولنا من كتاباتك الطاعمة يا زوووق ..
    رد الله غربتك سالما غانما ..
    ورحمه الله جدك وعوضه الجنة ...

    Quote: ياخ لدرجة انه اصحابي السعوديين الهنا لمن اكون حلمان بشوفهم ليك ماشين معاي سوق ليبيا ولا في ديم القنا


    ياااااا اساسي .

    كويس الما اترافقتو للاملاك ... ههههههههه

    أسع كان تكونو مرقتوها بورسودان ... ههههههههه


    مودتى.
                   |Articles |News |مقالات |بيانات

26-02-2015, 01:32 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: الشاذلى خيرى عبد الله)

    شازلي يا خيري..
    وين يا رجل يا بركة .. وبالمناسبة أوووعا تشبكني مشغول وجاري فقد تصادف أن تواجدت في مكان تتفقد فيه أحوال الأصدقاء هاتفياً .. :)
    أما فيما يتعلق ب أساسي فلا أملك إلا أن أقول ليك :
    سجججمك ..وشييل شيلتك :)
                   |Articles |News |مقالات |بيانات

26-02-2015, 01:39 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    والله زعلان منك زعل شديد


    ياخي ما كلمتني باغنية سكت الرباب بتاعة محمود

    تخيل اول مرة اسمعا قبل خمسة يوم

    والله العظيم سمعتها لحدي هسع مائة مرة


    ياخي بصراحة في نظري دا اجمل اغنية سودانية واجمل مزيكا واجمل لحن
                   |Articles |News |مقالات |بيانات

26-02-2015, 02:25 PM

الشاذلى خيرى عبد الله
<aالشاذلى خيرى عبد الله
تاريخ التسجيل: 30-04-2010
مجموع المشاركات: 649

للتواصل معنا

FaceBook
تويتر Twitter
YouTube


Re: شريط الكاسيت.. (Re: khaleel)

    Quote: ياخي ما كلمتني باغنية سكت الرباب بتاعة محمود


    ههههههههههههههههههه .

    انتا فاضى لى من الكورة يا هندسة ...

    ياااا عمر ..

    كنتا مع ناس البلى انتا شكلك ... اها بالله شوف جنس القتاتة دى .. دائما المتصل لا يرى العتب على المتلقى ..

    ويا صديقى ستكون لك مثلها واكثر ... شوف عين ان شاء الله ... هههههههههه

    مودتى.
                   |Articles |News |مقالات |بيانات

26-02-2015, 02:29 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: khaleel)

    بااااالغت يا خليل ...
    والله انا أسة إتبسطت منك شديييد ..عارف لييي؟؟؟
    لأنو زوقك طلع زي زوقي وتطابقت الاراء بيناتنا..
    سكت الرباب دي يا خليل من أجمل بل الأجمل ..ودي الاغنية الانا بثبت بيها نظرية عمق صوت محمود لمن يغني في الراااايق..الاغنية الوحيييدة المحمود ما بيكورك فيها نهاااائي..مننن بدايتا لححدددي ما تنتهي..على عكس العادة في محمود لأنو دوماً في أي اغنية بيكون عندو صرخة كده بيعملا ..
    الأغنية يا خلّي كتبا سعد الدين إبراهيم وكانت فيها مشكلة لأنو سعد الدين قال محمود والفاتح حسين ما إستأذنوهو وهو سمعا فجأة في الشريط ..لكنه سامح الراحل محمود لأنو أعجب بي الاداء واللحن..
    خليل انا الاغنية دي بسمعا ب إستمراااار لكن في اجواء معيينة لأنها أغنية مختلفة في كلماتها وفكرتها ..
    سائلين عليك قالوا الرباب يا ناس قسا ..خلّانا لي نار الثسا وااا خوفي من طوول الطريق أمشيهو كيف بين المغارب والمسا ..
    خليل نصيحة أخوية كده ..أسمع محمود لمن بيقول فاااقدتليالي الشوق نجيييم...تحديييدا نجيييم دي ..وأدعي لي..



    سكت الرباب قبال يقول غنواتو بي شوق يهمسا
    لما النغم الكان بدغدغ فينا إحساس وإتنسى
    علمنا أشواق العصافير للمغارب والمساء
    ياحليلو عاد حسو الحنين مابقول همسة شفايف
    والعيون لغة الاصابع الراعشة ساعة يلمسا
    فقدت ليالي الشوق نجيماً زين صفاها وآنسا
    أحبابي كيف سآلين عليك
    قالوا الرباب ياناس قسى
    خلانا لي نار القسى واخوفي من طول الطريق
    أمشيهو كيف بين المغارب والمساء
    سكت الرباب سكت الرباب
                   |Articles |News |مقالات |بيانات

26-02-2015, 04:07 PM

محمد جبره
<aمحمد جبره
تاريخ التسجيل: 12-01-2013
مجموع المشاركات: 806

للتواصل معنا

FaceBook
تويتر Twitter
YouTube


Re: شريط الكاسيت.. (Re: khaleel)

    (يا عمر كيف تمام ...... انا داير كاميرا كوداك مية و عشرة المطاولة ديك عشان ا صور ليك بيها عرس نجاة بت سميرة ....... ما تنسى )

    (بعد عشرة دقائق)

    الكميرا ما تنساها ....
    (الصفحة التانية من الشريط )
    يا عمر كودك يا عمر .....................صبج (صوت رصعة حارة ) يا شافع ما كرهتنا التسجيل دا

    في الغالب صوت الرصعة بحنن عمر و يرسل الكاميرا
    ......................................

    تحياتي يا ابو التفاصيل
                   |Articles |News |مقالات |بيانات

27-02-2015, 04:27 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: شريط الكاسيت.. (Re: محمد جبره)

    سلام يا فاروق اها أنا تفرغت لك بعد ما زفيت فدوى
    نقلب في النفس البشرية السودانية بطباعها الغريبة التي لا تماثل باقي الشعوب .. وطبعا لا نبرئ أنفسنا فنحن منهم ولنا نفس الطباع .
    وعندنا أشياء كثيرة نحشرها حشرا في قالب الكرامة والعزة كما تستيف شنطة المسافر المستعجل .
    مثلا عند المحاسبة في المطاعم والمواصلات .
    تحس كأنه ستحدث مضاربة بعد قليل ويبدأ يرتفع الصوت ومع قليل من العنف في بعض الأحيان والقسم .
    لا والله ما تدفع . والله ما تدفع أنا حلفت .. عيب عليك أنت ياخ أنت ضيفنا والله قلت أنا حلفت يازول .. وبعد مدافرة ومدافعة أمام المحاسب تثير دهشة واستغراب الحضور . ببساطة كان ممكن الموضوع يكون بسؤال المحاسب مثلا عن التكلفة .ز يقول مائة كل واحد يطلع خمسين من جيبه ويضعها قدام المحاسب ينتهي الموضوع دون أي ضرورة لهذه المشكلة الوهمية .
    وكذلك عند الشراء السوداني يفضل يشتري أشياء كثيرة رخيصة على أشياء قليلة غالية .. يعني مثلا بدل ما يشتري قميص بمائة وخمسين ريال من سوق العقارية في الرياض يفضل يشتري خمسة قمصان في ثلاثين ريال من سوق البطحاء ويفتكر نفسه هو الكسبان . بل يدافع ويناقش صاحب القميص ابو مائة وخمسين والذي غالبا يكون من جنسية غير سودانية ويتهمه بالغشاوة والجهل .. ( يا زول تاني كان داير تشتري لك هدوم قول لي أنا بسوقك معاي علي باليمين الماية وخمسين ألاتك ديل أملا لك بيهن شنطة كاملة ) .السبب أنه الأشياء واحدة طالما أنها تؤدي نفس الدور ..بالذات في الملابس ( يازول ها ما كلها دلاقين أن بقى ايطالي ولا صيني ما ياها دلاقين القطن دي .. تعرق فيها توسخها تغسلها تكويها تتقطع ) لا يهمه ماركات عالمية ولا محلية .
    وكذلك في محلات الخضر والفاكهة .. يا زول صندوق الطماط دا بكم . بعشرة .. والتاني الجمبه بكم .. داك بعشرين .طيب أدينا أتنين من أبو عشرة دا .. ليه ما تشتري واحد من أبو عشرين الجميل النظيف مدام أنك قادر تدفعها ؟؟؟؟
                   |Articles |News |مقالات |بيانات

01-03-2015, 05:10 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: درديري كباشي)

    المفتاح منصور..
    ليتني أنال شرف هكذا لقب..ما شرط ظرفاء المهم يقترن إسمي بأمدر الحبيبة..
    شكراً للإطراء يا حبوب ..
                   |Articles |News |مقالات |بيانات

01-03-2015, 05:13 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    محمد يا جبره..
    الوصايا وما أدراك ما الوصايا ..
    زمان البيوصيك ده بيكون ريحك ..لكن في نوع كده يسلم عليك ويلبد ..ما بيجيب أييي سيرة لي أييي حاجة..أها لمن تجي ترسل للناس وصاياهم الزول ده بيغلبك تشيل ليهو شنو..
    تقوم تعاين لي وصايا الناس وعلى أساسها تقوم تختار ليهو حاجة أعلى من المطلوب شوية .. :)
    أها ده بيستفيد أكتر من الموصيين زاااتهم :)
    زمان لا يخلو طلب من رسّل لي "هيد فون "..
    :)
                   |Articles |News |مقالات |بيانات

01-03-2015, 05:15 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: شريط الكاسيت.. (Re: عمر الفاروق)

    درديري يا كباشي..
    طبعاً زفة فدوى مااا عجبتني ..ودي بجيك ليها مرة تانية لو ربنا مد في الاجال والمزاج رايق..
    بالنسبة للشراية فانا عندي نظرية ..بقول ليهم الفقراء مفروض يشترو الحاجة الغالية :)
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de