|
دعواتكم لزميلنا المفكر د.الباقر العفيف بالشفاء العاجل
|
|
 Re: لوسي كجيك وأعوانها (Re: mustafa mudathir)
|
سلامات يا مصطفى
بديع الشغل ده.
دائما اتعاطف بشدة مع الناس البكونوا مفتكرين انهم بغنوا او بعزفوا كويس و هم في الحقيقة ليسو جيدين
و استاء بصورة اشد عندما يجعلوا منهم اضحوكة في برامج المواهب و المسابقات.
بس انت و تاج السر الملك الليلة طاريين الكلاب مالكم.
| |
  
|
|
|
|
|
|
|
|
Re: لوسي كجيك وأعوانها (Re: سيف النصر محي الدين)
|
يا مصطفى، صباح الخير،
هل القصة دي مترجمة من لغة تانية؟
شنو راعي الفندق دي؟
دا كلام خلايجة
وبعدين الكلب بنبح ما بعوي إلا في بعض الحالات ليس من ضمنها الانزهاج من العزف الأشتر على الجيتار.
| |
|
|
|
|
|
|
|
|
|
Re: لوسي كجيك وأعوانها (Re: أبوبكر عباس)
|
| Quote: يا جماعة، وين لوسي كجيك دا؟ |
ما تتعب كتير يا أبوبكر. لوسي كجيك وأعوانها دا إسم البوست.
إنت هسع في زول سألك من إسمك؟
بعدين للأسف، القصة ليست عن موسيقي فاشل، أو زول بيزعج
الناس بي عزفو. نو!
د. سيف برضو وقع معك في الخطأ الإسكانوي، او خطأ قراءة المساح
وانا المساح دمع البكا....
| |
|
|
|
|
|
|
|
|
|
Re: لوسي كجيك وأعوانها (Re: أبوبكر عباس)
|
قصة جميلة ذات انتقالات سريعة ومساحة لتوليد الأسئلة في ذهن القارئ ..
طالعتها في المدونة ..
فكانت هذه الخاطرة الاستفهامية..
غايتو الكلب القزم دا تكون ترددات صوتو من النوع الذي لا يرهق الأذن ولكن يكدر الأعصاب ..
أي الصوتين كدر الأخر الجيتار أم الكلب؟
بل دعنى أسأل بوضوح أيهما كان المشاتر؟
أوتار الجيتار أم حبال الحنجرة ؟
أبدا..
أعتقد كلاهما بحاجة لدوزنة أعصابه..
لا هذا ولا ذاك ..
يبدو أن الكلب بحسه المخاباراتي كان يكفر عن صمته ..
عن ذلك الخوف الذي ألجم حنجرته يوم قتل صاحبه عازف الجيتار من قبل زوجته.
شكرا مصطفى.
| |
|
|
|
|
|
|
|
|
|
Re: لوسي كجيك وأعوانها (Re: محمد على طه الملك)
|
يا سلام يا ملك يا أستاذ
أقدّر جداً تفاعلك مع النص وصدورك عن روح ناقدة تعي ما تقول.
طبعاً افصاحك عن قراءة للنص هو تأويل له ولذلك لا اجابات عندي
لأسئاة، فلكلينا مفاتيحه للنص. ولكن ذلك الحس بشيئ حميد من جانبك هو ما
أحسست به. وبعدين ياخي لفتة بارعة إنك تقول إنك قريت النص في
مدوّنة يامصطفى!
لكن لازم نرجع للبستفة والمشاغلات،
ياخي زي الاسكانر دا!
يعني ما طلع من النص دا كلو إلاّ بكونو الكلب ينبح ولا يعوي وبعدين
يغالط روحو ويقول ليك بيعوي مرات! الله! هو في إيه؟ ما يا إما بيعوي
ولا ما بيعوي! والاسكانر بيكون النوع ال بيعوي داك لما ي ط شم، كلنا
عوينا يا بكور!
أما فكرة الموسيقي الفاشل في العزف فهو قد لطشها من دكتور سيف!
شفت كيف؟ وبعدين الاسكانر ما بيسأل زي حضرتك يا ملك، يعني
سؤالك دا :
| Quote: أي الصوتين كدر الأخر الجيتار أم الكلب؟ |
دا سؤال المتفاعل مع النص بحق لأن النص، أي نص، هو إقتحام لفضائك
لابد أن تتداركه بالأسئلة لكن البحث عن قشور زي الكلب بيسوي شنو
ولوسي كجيك وينها! لوسي كجيك هسع أستاذة في جامعة أمريكية، أقعد
اتمحرك لي!
قالت العرب:
- عَوَى الذِّئْبُ أَوِالْكَلْبُ أَوِالثَّعْلَبُ أَوِابْنُ آوَى :- : صَاحَ صَوْتاً مَمْدُوداً
| |
|
|
|
|
|
|
|
|
|
Re: لوسي كجيك وأعوانها (Re: mustafa mudathir)
|
| Quote: والاسكانر بيكون النوع ال بيعوي داك لما ي ط شم، كلنا عوينا يا بكور! |
وحياتك يا درش لا بطشم لا حاجتين
لكن بعوي وكت نطشم نحن.
-------
بعدين انت اقعد بستف فيهو كدا ولمّا يهبشك تقوم تخلي المنبر وكمان تسوق معاك أسامة
| |
|
|
|
|
|
|
|
|
|
Re: لوسي كجيك وأعوانها (Re: mustafa mudathir)
|
صدق يا مصطفى، استعمالك ل "يعوي" دي صاح!
الكلــــب بعوي لمان يشوف ليهو شيطان أو جن أو يكون مكلوب*
والشيطان هو ذاتو التوّر زولك دا من النوم
مواعيد حوامة الشياطين يا ها الساعة تلاتة ص
ـــــــــــــــــ
* لغير البياطرة مكلوب تعني مصاب بداء:
الكَلَبُ : مرض مُعْدٍ يعرف برهبة الماء ، ينتقل فيروسه في اللُّعاب بالعضِّ من الفصيلة الكَلبيَّة إِلى الإِنسان
| |
|
|
|
|
|
|
|
|
|
Re: لوسي كجيك وأعوانها (Re: mustafa mudathir)
|
سلام مصطفى والجميغ
هل علاقة الموسيقى بالكلب علاقة قديمة /تناسخية او وجدت فى حيوات اخر ؟
وهل هى علاقة ضمنيا فيها شىء من الحميمية والالفة و التقارب ؟
اعتقد ان بعض العبارات داخل النص المتماسك تقود بلا شك الى ذلك .
- (يسأل ربه لماذا أيقظتني في هذه الساعة ومَن هم رُسلك لهذا الإيقاظ الباكر؟
من هم هؤلاء الرسل/ الرسول ؟ اظن انها روح قديمة للكلب تعودت ان تنام بهدوء فى ما مضى تحت الانغام (وان كانت شتراء)
ويمكن الاستشهاد بقول صاحبته (- تعال يا كوتي. لقد نمت نوماً هنياً).....وابضا قول راعى الفندق (صباح الخير سيدتي، يبدو أن كلبك كان مبسوطاً بالأمس)
و ايضا ( ويضرب ذلك الوتر. يندلع عواء الكلب ) عواء الكلب هنا دليل سرور ما /بهجة او فرح داخلى ولم يكن نباح لان النباح اهتياج /خوف /غضب
وهو عكس الحالة النفسية للكلب وقد افلح الكاتب /صديقنا - ان صح لى- مصطفى فى توظيف مفردة العواء هنا.
اذلية العلاقة بين الموسيقى والكلب قد نجدها ايضا فى استخدام لفظ الفار الابيض الصغير والذى اعتقد انه اشارة الى عمر الكلب (الصغير) وقت هذه العلاقة
التى تناسها الموسيقى او دُفنت فى قعر الذاكرة بينما بقيت عند الكلب بما عُرف عنه من الوفاء.
| |
|
|
|
|
|
|
|
|
|
Re: لوسي كجيك وأعوانها (Re: امير الامين حسن)
|
شكراً ومرحياً بأمير الأمين
| Quote: هل علاقة الموسيقى بالكلب علاقة قديمة /تناسخية او وجدت فى حيوات اخر ؟ |
| Quote: اذلية العلاقة بين الموسيقى والكلب قد نجدها ايضا فى استخدام لفظ الفار الابيض الصغير والذى اعتقد انه اشارة الى عمر الكلب (الصغير) وقت هذه العلاقة التى تناسها الموسيقى او دُفنت فى قعر الذاكرة بينما بقيت عند الكلب بما عُرف عنه من الوفاء. |
سعيد أنا والله بأن النص ولّد عندك هذه التساؤلات. وبحق فإن علاقة الكلب في حياتي أنا شخصياً بالموسيقى هي أمر مؤكد. فلقد (سعيت) الإثنين في كل مراحل عمري. الموسيقي في هذا النص هو إنسان معزول ومعاقب على عزلته. شكراً لك مرة أخرى على مداخلتك.
| |
|
|
|
|
|
|
|
|
|
Re: لوسي كجيك وأعوانها (Re: mustafa mudathir)
|
البوست لمن يريد أن يعرف عن لوسي كجيك سيتواصل في المدوّنة. وبالمناسبة فإن الكجيك هو وجبة سودانية من السمك المجفف. ولكن كجيك والد لوسي... فهذا أمر آخر ستتضح معالمه فيما بعد.
| |
|
|
|
|
|
|
| |
mustafa mudathir
سيف النصر محي الدين
أبوبكر عباس
محمد على طه الملك
معاوية الزبير
فيس بوك
تويتر
انستقرام
يوتيوب
بنتيريست