حبيبنا علاء .. صدقني طرب حتى الثمالة .. أهلنا الشايقية ديل الفن في دمهم .. ديل ناس جميلين والفن تلقائي عندهم .. تحياتي .. حاجة تذهب الهم وتخفف وعثاء الغربة .. بعدين الشاب ده موهوب جداً .. وكمان ظاهرة وليس فنان فقط عنده معجبين بالاف أول فنان طمبور يكون عنده معجبين من شباب المدن بهذه الاعداد
مودتي .. وشكراً على هذا الجمال
11-11-2015, 09:26 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
Quote: من اروع ما تغنى به ود النصرى " النسـايم " كلمات الشاعر سيداحمد عبدالحميد
الزول دي مو شاعر "رمال حلتنا"
ياخ الزول دي شاعر جميل ومُدهش ، زول بهبش الحنايا ممتلو ما لاقاني تحياتي أخي علاء سيد أحمد وسلامي وإعجابي بشعر هؤلاء الناس الجميلين
لا استطيع أن أكمل غنوة طمبور كاملة سماعا...! حنينة ل درجة
Quote: هلنا الشايقية ديل الفن في دمهم .. ديل ناس جميلين والفن تلقائي عندهم .. تحياتي .. حاجة تذهب الهم وتخفف وعثاء الغربة .. بعدين الشاب ده موهوب جداً .. وكمان ظاهرة وليس فنان فقط عنده معجبين بالاف أول فنان طمبور يكون عنده معجبين من شباب المدن بهذه الاعداد
صددقت أخي الأستاذ علي عبد الوهاب الناس ديل مبدعين جدا، ويتكلمون شعرا ،وناس بشارفوا لي ديارهم وبلدهم
11-12-2015, 00:27 AM
Adam D.El-Asha Adam D.El-Asha
تاريخ التسجيل: 04-26-2005
مجموع المشاركات: 410
هؤلاء المحملون على جناح الوسامة 00المضمخون بالعطر ..الذين يرسمون الفرح في دروبنا .. نحملهم كأزهار الربيع بنفسجا يضوع طيبا ، هم الذين نلجآ الي أصواتهم التي تحمل في جنباتها معاني السلام .. الشجن .. الحنين ..لسان حالنا في كثير من الأحيان ، بل جل التعابير والمفردات العصية التي تأبي أن تنسلخ عن جلد الأشياء .
النصري .. أحد هؤلاء في صوته مفردة الحنين والشجن ، نجده في عدة نصوص يلبس عباءة التجلي يأخذنا لدنياوات محفوفة بأطر المعاني التي أراد شعراؤها أن نكوف فيها .
سكة رحيل .. غيبي ياشمسي .. لونت الزمن .. يازول يا جميل .. يسوقني الشوق .. النصيب .. سلامك .. عطور الإلفة .. النسائم .. أماني .. أم الحسن .. ست الدار .. في غيابك .. شادية .. كان شوقي ومناي .. ابو الهدهد .. عبر الآثير ..سكن في عمق هذه النصوص ..عاش مفرداتها كلمة وعطر أعطاها من روحه نفحات فخرج اللحن شجيا يزغرد كعرس الأماني ، بهيا .. أنيقا في مضمونه وروعة إدائه .
كحادي الرواة .. متفردا يحتلب اللحون الخضر من ثدي الأوتار فتسري كعناق الفجر للأرض البتول ..تستعصي كما السؤال العسير وتتواضع لتحف كل الوجود غناء عذبا ودواخل حنينة .
سلامك
سلامك ما هو قلبك سلام زولا علي مجبور ليه القمرة تقسي عليّ ومن دنياي تشيل النور
أنا أجيك مشتاق .. أجيك ولهان يفيض الشوق بحور و بحور أتمني التلاقي معاك وجبر الخاطر المكسور
النسائم
ما غشت النسائم روضنا لا فتحت الأزهار لا حام الفراش في صباحو لا غازل النوار لا عادت ليالي غرامنا لا غنت الا طيار
يالحظة عشقنا السامي وينك يا صفاء الأنهار
النصري
درة الشمال وبرق الوطن اللامع ..يقف هنالك علي التلة تلوح له أذرع النخيل وتحمله علي صدر الريح .. تركض الأنجم تطارد صوته الحنين فيزدان في بريق الليل .. يتسع كالحكايا .. يصير هجعة مسافر وإتكاة غريب .
أماني
كلمات : عثمان عوض ضرار
زي لون الفرح زي نسمة زي طعم السعادة أماني من عينيها أول نظرة ذوبت العناد في كياني
أحلي من الأمل والله أحلي من الربيع وأزهاره لا محدود ولا متناهي نورها الفيني أشعل نارو دون إحساس وقفت أمامها دقيت لهواي أوتاره وغنيت في جمالها أغاني من وحي الغرام وأشعاره
أرتديت بعد ما توبت من قوله بريد وبعاني حتي شقاي يوم ودعتو عارف نفسو راجع تاني عارف أنو في أيامي بعض العذاب راجاني وأشواق ما بتخف تتضاري بالامه تتحداني سلمت ورضيت بالقسمه برافة فؤادي وحالو باشواق عيوني الساهرة لطيف الحبيب وخيالو عارف ما بقاوم حسنو يهزمني الجمال في دلالو تاسرني النداوة الفيه الرقة وبشاشة إستقبالو خايف من ظروفي تعيدني لآسف العواطف تاني وأرحل في دروب ودارة وأغرق في بحر أحزاني أتناسيت زمان المرة حتي زمانها إتناسني
كيف أنسي الملكني هواه وكيف تنسي الأماني ..أماني
في عينيك تبين الروعة وأروع ما حواه زماني تتوهج تشع زي فكرة .. زي نجم الصباح الداني أفسحي لي فيها مكانة خليها تكون عنواني ما دام فيها لي تجلي قدرة ربي يا إيماني يا كعبة طواف إحساسي يا مرسي الجمال ومداره جيتك والأمل سايقني لورد الخدود ونضاره أفتحي لي باب في الجنة لهمسة هواك وأسراره وأسقيني الفرح وإستني أعرفي قلبي أيه أخباره
هكذا صدح النصري ولا يزال يملأء الدنا من حولنا نغمات تفيض بالمعاني ..تحكي عن أسرار العشق .. الأحلام المكسورة.. الفرح المجبول والبوح الساكن في عمقنا.. فله التحية ..بعض من عشق وكل الأمنيات..
أدم العشا
11-12-2015, 03:58 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: حبيبنا علاء .. صدقني طرب حتى الثمالة .. أهلنا الشايقية ديل الفن في دمهم .. ديل ناس جميلين والفن تلقائي عندهم .. تحياتي .. حاجة تذهب الهم وتخفف وعثاء الغربة .. بعدين الشاب ده موهوب جداً .. وكمان ظاهرة وليس فنان فقط عنده معجبين بالاف أول فنان طمبور يكون عنده معجبين من شباب المدن بهذه الاعداد
مودتي .. وشكراً على هذا الجمال
العزيز/ على عبدالوهاب تحياتي
فعلا النصرى فنان ظاهرة ويؤدى الاغنيات باحساس عميق له التحية شكرا للمرور والاضافة القيمة .
11-12-2015, 04:02 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: هؤلاء المحملون على جناح الوسامة 00المضمخون بالعطر ..الذين يرسمون الفرح في دروبنا .. نحملهم كأزهار الربيع بنفسجا يضوع طيبا ، هم الذين نلجآ الي أصواتهم التي تحمل في جنباتها معاني السلام .. الشجن .. الحنين ..لسان حالنا في كثير من الأحيان ، بل جل التعابير والمفردات العصية التي تأبي أن تنسلخ عن جلد الأشياء .
النصري .. أحد هؤلاء في صوته مفردة الحنين والشجن ، نجده في عدة نصوص يلبس عباءة التجلي يأخذنا لدنياوات محفوفة بأطر المعاني التي أراد شعراؤها أن نكوف فيها .
11-12-2015, 04:31 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
سلام علاء شكراً على اتحافنا برائعة سيداحمد عبدالحميد ومحمد النصري ،الذي يعد افضل فنان في الساحة حالياً وصاحب أكبر جمهور ، ودا بيعود لأنه محمد بيقدم فن جميل ودائماً بينتج أغاني جديدة وكثيرة ومع ذلك مجودة . ويتعامل مع الكثير من الشعراء من داخل منطقة منحنى النيل وخارجها .
11-14-2015, 12:53 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: سلام علاء شكراً على اتحافنا برائعة سيداحمد عبدالحميد ومحمد النصري ،الذي يعد افضل فنان في الساحة حالياً وصاحب أكبر جمهور ، ودا بيعود لأنه محمد بيقدم فن جميل ودائماً بينتج أغاني جديدة وكثيرة ومع ذلك مجودة . ويتعامل مع الكثير من الشعراء من داخل منطقة منحنى النيل وخارجها .
ابوك سمى ابوى (سيداحمد عثمان ) لكنهم قطعا يختلفون فى اسم جدهم حيث اسم جدى الثالث : احمد الشريف .. وهذه ظاهرة فى تسمية اسماء المواليد في السودان حيث انك تجد ان هناك المئات بل الالاف يشتركون فى ( الاسم الاول - اسم الاب - اسم الجد ) لذلك كان القرار الصائب من الداخلية فى ان يتم كتابة الاسم رباعيا لتفادى تشابه الاسماء .
وبالنسبة للفنان المحتفى به فى هذا البوست "ودالنصرى " فانه فعلاً فنان مختلف وكما قال الصديق على عبدالوهاب فانه ظاهرة وليس فنان فحسب . شكرا لكريم مرورك والاضافة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء سيداحمد
علي عبدالوهاب عثمان
عبيد الطيب
Adam D.El-Asha
عمر دهب
أحمد سيداحمد عثمان
فيس بوك
تويتر
انستقرام
يوتيوب
بنتيريست