|
|
 Re: واقف براك والهم عصف (Re: محمد علي عثمان)
|
" ﻭﺍﻗـــﻒ ﺑــــﺮﺍﻙ "
ﻭﺍﻗﻒ ﺑﺮﺍﻙ ﻭﺍﻟﻬﻢ ﻋﺼﻒ ..
ﺭﻳﺤﺎً ﻛََﺴَﺢ ﺯﻫﺮﺓ ﺻﺒﺎﻙ ..
ﻟﻴﻼً ﻓﺘﺢ ﺷُﺮﻓﺔ ﻭَﺟَﻊ ..
ﻗﻤﺮﺍً ﺭﺣﻞ ﻓﺎﺭﻕ ﺳﻤﺎﻙ ..
ﻣﻄﺮ ﺍﻟﺤﺰﻥ ﻋﺎﻭﺩ ﻫﻄﻞ ..
ﺟﺪﺩ ﻋﺬﺍﺏ ﺍﻷﺭﺻﻔﺔ ..
ﺿﻲ ﺍﻟﻤﺼﺎﺑﻴﺢ ﺍﻟﺒﻌﻴﺪﺓ ..
ﺃﺗﻌﺐ ﻋﻴﻮﻧﻚ ﻭﺇﻧﻄﻔﺄ ..
ﻟﻤﺘﻴﻦ ﻣﻮﺍﻋﻴﺪﻙ ﺳﺮﺍﺏ ..
ﻭﺍﻟﺮﻳﺪ ﺷﻘﺎ ﻭﺣﺮﻗﺔ ﺟﻔﺎ ..
ﻭﺍﻗﻒ ﺑﺮﺍﻙ ..
ﺑﻌﺪ ﺍﻟﻤﺸﺎﻭﻳﺮ ﺍﻟﺒﻘﺖ ..
ﻣﻤﺪﻭﺩﺓ ﻓﻲ ﻧﺒﺾ ﺍﻟﺘﻌﺐ ..
ﺑﺘﻌﻮﺩ ﻭﺗﻠﻘﻰ ﺭﺟﺎﻛﺎ ﺯﻭﻝ ..
ﺣﻔﻆ ﺍﻟﻮﺩﺍﺩ ﺯﻣﻨﺎ ﺻﻌﺐ ..
ﻭﺍﻟﺒﺎﻗﻲ ﻣﻦ ﻟﻴﻞ ﺍﻟﻬﻮﻯ ..
ﻭﻋﻄﺮ ﺍﻟﺼﺒﺎﺑﺔ ﺍﻟﻤﺎ ﺇﻧﺴﻜﺐ ..
ﻭﺍﻟﺒﺎﻗﻲ ﻣﻦ ﻛﻞ ﺍﻟﻐﻨﺎ ..
ﻭﺳﻴﻞ ﺍﻟﻜﺘﺎﺑﺔ ﺍﻟﻤﺎ ﻧﻀﺐ ..
ﻭﺍﻗﻒ ﺑﺮﺍﻙ ..
ﻭﺍﻗﻒ ﺑﺮﺍﻙ ..
| |
 
|
|
|
|
محمد علي عثمان
فيس بوك
تويتر
انستقرام
يوتيوب
بنتيريست