حسين خوجلي يسخر من علي عثمان ويعايره بابيه ( صور فأر الفحم + صور دبدوب )

Quote: قبيل حسين خوجلي في إذاعة المساء وفي إعادة إذاعية لبرنامجه التلفزيوني الذي يستعرض فيه الصحف، وفي معرض روايته لمشكلة سيدة مع سلطات الاراضي قال: "واحدة شايقية مشلخة توفي عنها زوجها وساب ليها خمسة ستة أيتام، مشت جنينة الحيوانات، لاقاها العسكري الشايقي أبو علي عثمان وقال ليها يا الشايقية جايه تتفسحي في جنينة الحيوانات؟ قالتلو لا لا.. انا راجلي مات وخلى لي خمسة ستة أيتام، قام ساقها ومشى بيها لمدير الجنينة الذي عينها فراشة، ربت العيال وكبرتهم ولمت قروش وقدمت لقطعة أرض، أفندية بتاعين الاراضي اتلعبثوا عليها وما ادوها الارض، ولاقتني وورتني الورق والتعب التعبتو البلا فايده لاسترداد الأرض"!

Quote: في اى رابط او دليل على كلام حسين خوجلى هذا؟

Quote: قبيل حسين خوجلي في إذاعة المساء وفي إعادة إذاعية لبرنامجه التلفزيوني الذي يستعرض فيه الصحف، وفي معرض روايته لمشكلة سيدة مع سلطات الاراضي قال: "واحدة شايقية مشلخة توفي عنها زوجها وساب ليها خمسة ستة أيتام، مشت جنينة الحيوانات، لاقاها العسكري الشايقي أبو علي عثمان وقال ليها يا الشايقية جايه تتفسحي في جنينة الحيوانات؟ قالتلو لا لا.. انا راجلي مات وخلى لي خمسة ستة أيتام، قام ساقها ومشى بيها لمدير الجنينة الذي عينها فراشة، ربت العيال وكبرتهم ولمت قروش وقدمت لقطعة أرض، أفندية بتاعين الاراضي اتلعبثوا عليها وما ادوها الارض، ولاقتني وورتني الورق والتعب التعبتو البلا فايده لاسترداد الأرض"!

Quote: سلام يا صلاح في اى رابط او دليل على كلام حسين خوجلى هذا؟ وشكرا

Quote: ويا اخ بدر الدين حتى الان ليس هناك دليل ان حسين خوجلى عاير على عثمان بأنه تربى في جنينة حيوانات.. قال ابوه كان شغال في جنينة الحيوانات، وهذه مهنة شريفـة لا يمكن ان يعاير بها احد، بل لعلى عثمان ان يفخر بأنه جاء من وسط شريف وعفيف. و الشيخ مصطفى الامن عليه الرحمة كان يفتخر انه كان عاملا في الميناء واحد اثرياء ووجهاء بورتسودان كان يعلق في مكتبه الالة الحديدية التي تشبه المنجل، والتي كان يجر بها الشوالات حين كان يعمل عتالى. ولو للأخ صلاح دليل اخر ان حسين عاير على بغير هذا النص فليأتينا به. كون والده كان يعمل في الجنينة او حتى كان يسكن في جزء منها فهذه ليست معايرة أبداً

Quote: الكلام صحيح يا ابوالريش انا شاهدتة بالامس الحلقة نفس ما جاء فى الرواية قالو حسين خوجلي حرفياً .

Quote: يا أبو الريش تحياتي صلاح جادات يعتبر أن عمل والد علي عثمان في جنينة الحيوانات منقصة ومعايرة. يعني دي وجهة نظر صلاح جادات، صلاح جادات برضه بيفتكر مهنة المشاطة هي نقل القوالات فالمشكلة في صلاح جادات مش حسين خوجلي والحقيقة أن والد علي عثمان رجل شريف وخدم بكل اخلاص فكون أن اسمه يرد بانه كان شرطي في جنينة الحيوانات في قصة عن امرأة مظلومة، ليس فيه ما يعايره او يمنعه تولي منصب عام فحين كان علي عثمان نائب للترابي كان ابوه هو الشرطي بتاع جنينة الحيوانات وبرضه لمن بقى نائيب رئيس ولم اسمع أن العمل في أي وظيفة في جمنينة الحيوانات هي مسبة وعار. حسين خوجلي لم يقل ذلك صلاح جادات اعتبر أن العمل في حديقة الحيوان هو معايرة وهذا تحليل صلاح جادات لكلام حسين خوجلي

Quote: كيف يعني المرة قالت انو زوجها اتوفى و خلى ليها خمسة ستة ايتام؟ الاخ خوجلي ده راسو زي الفيهو حاجة ما تمام. _________ سلام يا جادات

Quote: علي عصمان كان رجع حسين خوجلي ألوان دي الا يبيعها في ببوركينا فاسو موش حر الجنينة دي يقلعها ما دايرها تعتر ليهو وهو ماشي القصر لا جنيني لا مجانية تعليم لا مزة ألت أسد لا ألت نمر! جني

Quote: لم أجد معايرة لعلي عثمان بأبيه... وهذه مهنة شريفة تربى عليها كثير من السودانيين... أما حسين خوجلي فكما قال جني ، فكلامه لا يخلو من دغمسة ... وإخفاء ما أريد به خيرا أما علي عثمان فهو جزء وركن ركين من هذا النظام الذي أذل الشعب وشرده وأفقره ....

Quote: حسين خوجلي خبيث ويعرف ثقافة الشعب السوداني وهو اعتمد على عنصرية واستعلائية البعض الذين سيلتقطون القفاز ويبدأون بالمعايرة. وكمثال صاحب البوست الذي يعتبر أن معنى الدغمسة هو المعايرةز الشاهد أن الموضوع ليس فيه أي معايرة إلا لشخص يعتقد أن العمل الشريف هو (عار) وبالتلي يمكن معايرة أي شخص به. الشاهد: والد على عثمان محمد طه رجل شريف كسب قوته بعمله وربي ابنائه وأدخلهم الجامعات ومن يعتبر أن عمله في حديقة الحيوان هو (معايرة) لأبنه فهذا الشخص يجدر به أن يراجع نفسه.

Quote: القاصدوا واضح جداً حسين بفتش في ناس أغبياء ومستعلواتية عشان يجوا ويعايروا علي عثمان بإحتقار مهنته نفس العملوا الوجهاء زمان ضد علي عبد اللطيف وقالوا غنهم كرام الناس حسين خبثه بيتمثل في تشغيل الاغبياء الزي صلاح جادات عشان يقولوا الكلام الهو ما يقوله. أها تفتح الفيسبوك تلقى نفس الموضوع تجي المنبر هنا تلقى صلاح جاكات يقول ليك وبكل غباء إنه حسين خوجلي بعاير على عثمان بأبوه :انوا ابو على عثمان دا حرامي ولا كتال كتلة. أهو في النهاية تخت صلاح جادات في الكورنر وتخليه يشتم وينبح ويرغي ويزبد لأنه ببساطة ما يقدر يقول إنه العمل بشرف عار طيب المعايرة وين؟ ما في طريقة غير يشتم وبس

Quote: المقصود يا صلاح جادات أن واحد يمسك ضنب الككو زيك كدا ويجي يقول الموضوع معايرة وحسين خوجلي يجي عادي ويشتمك ويقول ليك ديل ناس المعارضة بيفتكروا إنه الشغل عيب ونوع من المعايرة. حسين خوجلي نهائي في كلامو دا ما (عاير) علي عثمان جاب ليه قصة وختاها شرك للنوعية الزيك دي عشان يشغلهم ويجي ينبذهم. عشان كدا إنتا غلبك عديل وبقيت تشتم: عشان لو كتبت مليون بوست ما حتقدر تثبت فيه السخرية وين هنا والمعايرة وين؟ ودا الإنتا زغت منو وبديت تشتم لأنه حسين خوجلي مسكك ضنب الككو زي الما حصل حاجة، وهسع غلبك التعملوا؟ نصيحتي ليك: استعمل حيلة العاجز واستمر فيها اشتم وواصل الشتم لكن عليك الله ما تحتقر وتسيء للمشاطات لأنه دي برضه مهنة شريفة وربت ناس وما صاح تشتم بيها. ولو داير توصف ليك زول إنه (بينقل الكلام والقولات) عندك قاموس طويل: نمّام، قوّال، بينقل الكلام الفولة ما بتبل في خشمو نقال قوالات ثرثار. لأنه المشاطات ديل الناس وصموهو ساكت بالكلام دا ودا عشان العقلية العنصرية والمتخلفة للذكورية السودانية أها بيجي زول غبي زيك وبيحتقر مهنة شريفة وبيبدا يشتم بيها ويصف بيها الآخرين. عشان كدا نوع الخبيث حسين خوجلي بيستغل الأنواع الزيك دي لانه عارف العقلية الذكورية بتاعتهم واستحقارهم للأعمال الشريفة

Quote: ههههههههه إنتا مسكت ضنب الككو بجدارة لأنه حسين خوجلي نهائي ما قال هو (عاير) علي عثمان بابوه إنتا قلتا كدا وبقيت في ورطة وما عندك حل غير الشتيمة وبس. حسين خوجلي زول خبيث وعارف إنو نوعك دا قاعد في الأسافير ومنتظر يديهو ضنب الككو. وبعدين يا هوندا جبنا ليك بالدليل إنت بتشتم الناس بالمشاطات دون أدنى احترام وبعدين قصة (تالتن) بيان بالعمل لعقليتك الذكورية يعني براك بتجيب الدليل لنفسك، عشان كدا مسكت ضنب الككو بتاع حسين خوجلي وجيت جاري فرحان، وهسع ما بتقدر تدافع عن كلامك، وما بتقدر تقول وين حسين خوجلي (عاير) سخر من علي عثمان وعايره بشغل أبوهو. ومسكة ضنب الككو خلتك تشرد من الإجابة على السؤال: هل في وظيفة أبو على عثمان ما يسمح بالسخرية أو المعايرة؟ أها السؤال الفوق دا لو جاوبت عليه بنعم، حتكون ماسك ضنب الككو ولو جاوبت عليه بـ (لا) بيتكون عرفت إنك مسكت ضنب الككو، وإنو حسين خوجلي لعب بيك كورة ههههههههههههه شفتا ورطتك كيف؟ الحل الوحيدة هو: الشتيمة ثم النبذ ثم الشتيمة ههههههههههههه ههههههههههههههههههههه

Quote: أها السؤال الفوق دا لو جاوبت عليه بنعم، حتكون ماسك ضنب الككو ولو جاوبت عليه بـ (لا) بيتكون عرفت إنك مسكت ضنب الككو، وإنو حسين خوجلي لعب بيك كورة