11:43 AM Oct, 28 2015 سودانيز اون لاين مني عمسيب- هولندا مكتبتى فى سودانيزاونلاين
الف سلام ورحمه ونور عليك يا ست الحبايب يا حاجة نفيسة .
زمان لما يتشاكلوا اخواني وامي يغلبها الحجز تلبس طوالي توبها وتقول لينا خلاس انا طالعة سايبة البيت ويالله نحن نصدقها عشان كنا البنوت الصغار وجري وسكاليب بواراها وجرجرة من توبها وهي شكلها الغريبة بكون جادي ! لما نحن نصدقها في كتير من الاحيان بتكون ماشة تجيب ليها حاجات من الدكان اها وصادفت الشكلة هههههههه ونحن المسكينات نفتحوا بيت بكاء ونويح ونكورك للجيران . وطبعآ الجيران ناقشين الفلم عشان امي صاحبتهم وبتقول ليهم اسرارها كلها من ضمنها تهديدنا بسيب البيت .
اها انا الليلة مافي اي شئ برجعني غير ود الزين حيدر يسيب خلعتو لي كل مرة بالبروفائل دا ! والله ما طالبني حليفة لما اجي داخلة بوستات حيدر لما برجع وراء من الخلعة والغريبة كل مرة قدر ما حاولت اذكر نفسي بالبروفائل انسي ههههههه واقع في فخ الخلعة ههههههههههه .
عليكم الله ما اتخلعتوا اسه انتوا ؟؟؟؟؟
(عدل بواسطة مني عمسيب on 10-28-2015, 12:45 PM) (عدل بواسطة مني عمسيب on 10-28-2015, 03:10 PM) (عدل بواسطة مني عمسيب on 10-28-2015, 03:11 PM) (عدل بواسطة مني عمسيب on 10-28-2015, 03:13 PM)
10-28-2015, 12:45 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
لكن مافي مشكلة بمشي اكتب عريضة واخلي كل بنوت الحوش ونسائيه يوقعن ونرفعها لي سيد الحوش .. وحا اوريك لاحقآ نص العريضة . واحتمال كبير نطلب ايقاف ود الزين لانه البروفائل عندو علاقة بالارهاب والدليل كل مرة مدخني في خلعة ولو اعتذر ود الزين بقبل عذرو وبسحب العريضة .
وتابع معنا .
ومشكور .
10-28-2015, 01:59 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: ويييين يا فكية ما كفاية ( الحوار ) مسخ علينا البورت قال تمشي قال واعملي حسابك كل حاجة الا الطريفي دا ــــــــ الطريفي بيني وبينك ختوك في محلة ضيقة خلاااااس
هههههههه يعني نفهم انت مع ود الزين وما بتوقع في العريضة الرجالية معانا ؟ يا زول باجازك مدام ما معظم الناس معاي هههههههههه .
تابع معنا .
مع الود .
10-28-2015, 02:03 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: ممكن توريني الناحية الجمالية في الصورة دي عشان اقعد ما اسيب الحوش ؟
لو للشكل ومتعة النظر وكدة :) فهي مافيها جمالية ..جمالها في انها صادمة ..صادمة خاصة لحتة شكل الإنتصار المُدعىّ فيما الهزيـمة هي المشهد..! الصورة تعبيرية عن واقع بتلقيهو حولك في اشكال متعددة لناس ودول وجماعات مهزومين ومأزومين وبعد كدة بيزوروا الموقف ...
عموماً تكرمي وكل شئ ولا طلعتك من الحوش. "" وكمان ولا تهديد ود البوش "" .حا اغير البروفايل لشكل اكثر جمالية
ـــــــــــــــــــــــــــ..
10-29-2015, 09:31 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الصورة تعبيرية عن واقع بتلقيهو حولك في اشكال متعددة لناس ودول وجماعات مهزومين ومأزومين وبعد كدة بيزوروا الموقف ... عموماً تكرمي وكل شئ ولا طلعتك من الحوش. "" وكمان ولا تهديد ود البوش "" .حا اغير البروفايل لشكل اكثر جمالية
اكيد الصورة تعبيرية بالرغم من شكلها الغير مألوف البعبر عن تعبيرها هههههه وقلنا نغير شوية من الحوار والحاجات التانية الحامياني هههه ونشوف لينا شيتآ يطلعنا من الضيق لاوسع الطريق وما لقيت غير بروفائلك الغريب المتفرد واهو زي ماشائف الجمهور ما قصر بين مؤيد وعارض والشئ المؤسف كسرت لي الدش في يدي بتغييرك الفوري للبروفائل كان مفروض تكون في محاججة ومحاولة اقناع هههههه لكن ما مشكلة نمشي نجيب لينا بروفايلات عشان نتكلم عنها من باب الونسة .. وتسلم يا زين .
يا زول هوي مفلوق مفلوق اصلو ما بتمرق منها كان غيرتو وكان خليتو وكمان غيرتو بواحد اكعب من اللولاني لكن عملا بالموجه الأعظم شيقوق قال فليقة صغيرة ما تخاف
10-29-2015, 10:07 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
Quote: بت عمسيب لا محاججة لا شئ انا امسك لي واقطع لك جنى وجن يفتح الله ويستر الله.. في السوق اكان مشيت بسأل اعرف سعر الشئ ومن اول ملف بشتري بالسعر العادل
باين عليك اخلاقك نتشة في الشراء والبيع زيي اشهد الله انا زيك لابحاجج ولا يحاجوني من اول دكان بشتري كل شئ ولو سالت من السعر للدفع فقط وليست المحاججة هههههه لكن برحع الكلام دا عشان اخلاقي النتشة في الحتة دي لكن لقيتك زيي هههههه .
Quote: كترت السؤال دي خلت موظف الاستقبال بتاع المحطة يتماسخ في ود البوش لمن حنف وشو هههههههههههههه
هههههههه يعني ود البوش حنف وشو ؟ اهو لقينا ليهو اسم حركي تاني فترنا من الاسامي الحركية هيلة الشكر والحماسه لومك علي يا ود الزين اكان لقيتني بخاطب ود البوش بي اب وشآ محنوف ما تكضبني ههههههههه اها يا ود البوش الفلقة ما تكون غريقة الموت مو دايرلو سبب هههه .
تسلموا يا احلي ناس .
(عدل بواسطة مني عمسيب on 10-29-2015, 10:32 AM) (عدل بواسطة مني عمسيب on 10-29-2015, 10:33 AM)
فعلا صورة بروفايل تشبه النعي أو خطاب بعض الأيدولوجيات الدينية رغم إنو الكلام كلام افلاطون والصورة الأولى كانت قمة في الرمزية وتشفيرا عالي جدا ومعبرة عن مواقف كتيرة وناس أكتر...
خلو الزول دا لأنو إحتمال الصورة الجاية تبقى كارثة,,
التحايا موصولة لود البوش وشيقوق وودالزين وهيثم و الصادق الخالدى,,,
أحسن نعرش على كدا والله.. ونشوف قصة العرديب دى شنها
الموضوع دا يا منى ممكن ياخذ وكت طويل لحدي ما حيدر يلاحظ انو الصورة لا تليق بمقامنا! حيدر أخد وكت طويل لحدي ما لاحظ انو اسمو كان مكتوب في حسابو غلط! ما في غير الصبر وآهو الديمقراطية عندها ضريبة
يا جماعة سلام المستنير ابوبكر عباس دا مجلللط جليطة كبيرة خالس زول يهبشو راسو :) وانا اصلي ما بوريهو تجليطتو ... والله صحي ....!!
العزيز هيثم غالي .. هههههههههههه طبعاً كلامك عن الصورة دي هي حقيقة وتكملة باقي فكرة الكاريكاتير بتاع محجوب " رسام الصورة " عن الانصارات العرب عربية ..انا وللحشمة وكدة ما جيت نظرت بيها للاخوان هنا
تحياتي ايمن الطيب وكل الشباب .. فعلاً افلاطون اوجز وعبر وكلامو مايقعش واطة ولو حى بعد ستمائة قرن .. السواد بالمناسبة عامل ماتش كويس مع مضمون الكلام لانه ليس كل من هو دون بيحس بالعبودية ... والعبودية لا لون لها :) :)
سلام ,, يا منى ,, إنتى زاتك خلعتينى بالعنوان ده انا قايل قريبى اتلوم معاك جيت شايل عكازى وعاضى جلابيتى واقوم واقع ,, حيدر ده قريبى يامنى علا مابيختا السناحة ,, التقول شيقوق هَدَّ فوقو ,, كرتون البروفايال بتاعو ده ذكرنى ,, واحد معارض فى سنجة جِنّو هتافات ضد الحكومة ,, لو لقا ليهو تلات انفار قاعدين مع بعض يعمل مظاهرة ,, يوم فى حفلة عرس دخل يرقص وكاجِن كجنة اريتا فى راس المسنوح ,, كريستال بلح اصلى ,, فشاف جماعة من بتوع الامن فى الحفلة فقعد يهتف ,, الجماعة قبقبوهو وشايلينو على البوكسى قام اشار بيده بعلامة النصر,, اتغاظوا منه واحد فيهم لوى يده ورا ضهرو ,, رفع ايدو التانية ,, بتاع الامن لوى ليهو ايديهو الاتتين ورا ضهرو وجدعوه فى البوكس ,, رفع كراعو وعمل زى الحركة الـ فى بروفايل قريبى دى
10-30-2015, 09:19 AM
عبدالله الشقليني عبدالله الشقليني
تاريخ التسجيل: 03-01-2005
مجموع المشاركات: 12736
منو الحبيبه كيقك ما طالباني حليفه يومك الفتحتي البوست كنت بجرب في حركة الاصابع دي جئت من الشغل وطبعآ قرفانه ( من كلو وما في داعي نفصل ) وقعدت اقكر في المصيبه دي , فتحت سودانيز الطاير وبقيت اعاين في بروفايلو الما خمج اها وهاك يا تجريب واجرب واتمحن , بعد ربع ساعة الصباع الكبير والصغير بقو يتناغمو ( ويتناقمو ) وهاك يا مناغمه وبعدين جاء البوست العجيب حقك ويا لها من مناقمة ومتاوقة , يا حبي الحنين الما حاسي بي . لك التحايا ولي صاحب البروفايل والله وحدو بينا وشالو الصوابع , تقولي صوابع الست !! دي صوابع ديناميت
10-31-2015, 11:27 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يا سلالالالالام بالاهي الخلعة جابتلنا الحبيب .. ابكرونا ود عباس !
Quote: الموضوع دا يا منى ممكن ياخذ وكت طويل لحدي ما حيدر يلاحظ انو الصورة لا تليق بمقامنا! حيدر أخد وكت طويل لحدي ما لاحظ انو اسمو كان مكتوب في حسابو غلط! ما في غير الصبر وآهو الديمقراطية عندها ضريبة
غايتو المداخلة دي كلها تتحول لي ود الزين . وزي ما قال ود الشريف ياسر الحرية ( لنا ولسوانا ) . ولك كل التحية والشكر والتقدير . والله حضورك اسعدني . واتمني من ود الزين النظر في طلبك .
ولك الود .
10-31-2015, 11:47 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: يا بت عمسيب بتلفحي توبك وتمرقي طيب ونحن القاعدنلها شنو ما بنلف عممنا وبنلحقك التحية لك
وشن قدرني افوتكم وانا بيتي بقي ملك ومجاوراكم بحيطة الروح . والله يا الحبيب شالتني بس الزعلة من ود الزين واهو الله يجبر خاطرو زي ما جبر خاطري . وربنا يخليكم لي كلكم يا اعز الناس وما نتفرق باشينة .
يا ود الفاروق دي من اجمل البروفيلات العاجاباني لاني انا من محبة الزهور والورود .
10-31-2015, 11:52 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: اجمل ما فى بوستك .. ده .. انى لقيت المدعو .. سمى .. الطيب شيقوق .. شدة ما متشتاق ليه كنت ناوى افتح بوست .. اسأل عنه .. حمد الل على السلامة يا سمى .. بالنمسبة لموضوع بوستك .. نتكلم فيه لما نتلم .. قريب ..
نتأسف ليك علي الخلعة .. وتاني نتأسف ليك علي عدم المرور للقهوة الله يعلم اشتقت لي الجبنة لكن جاية بعدين حضرو لي بنبر قبال ما تجي الدفسيبة ومو القي لي محل اخت فيهو رجلي ههههههههههههه والله قريبك قريب الهنا الما اتلوم معاي الهمام البسمع الكلام . الله يرضي عليهو زي ما رضي علي وبعدين بجيبو معاي القهوة حا اعزمو هناك . ولك التقدير يا فاضلابي .
10-31-2015, 12:14 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: فتحت سودانيز الطاير وبقيت اعاين في بروفايلو الما خمج اها وهاك يا تجريب واجرب واتمحن , بعد ربع ساعة الصباع الكبير والصغير بقو يتناغمو ( ويتناقمو ) وهاك يا مناغمه
يعني جربتي الحركة دي َ!!!؟ بركة الما جاك ( شرا الجداد ) اكيد بتعرفيهو موش ؟ هههههههههه اها النشرحو ليك لو ما بتعرفيهو حاجة كدا لما تحركي اصابعينك حقت كراعك وبذات حركة البروفايل دي بلاهي اصابعك دي تنشمط شمطة لفترة من الزمن الا الخالق القادر يفكها ليك ههههههههههههههههه ولي اسه انا ما عارفة الظاهرة دي سببها شنو ؟ غايتو الا يجي دكتور مرور بهنا يشرح لينا ظاهرة ( شرا الجداد )
ولك شوقي وحبي يا منقة .
10-31-2015, 12:29 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: لو للشكل ومتعة النظر وكدة :) فهي مافيها جمالية ..جمالها في انها صادمة ..صادمة خاصة لحتة شكل الإنتصار المُدعىّ فيما الهزيـمة هي المشهد..! الصورة تعبيرية عن واقع بتلقيهو حولك في اشكال متعددة لناس ودول وجماعات مهزومين ومأزومين وبعد كدة بيزوروا الموقف ...
سبحان الله !، خلي بالكم العربي دا جابلو سغافة !!!...
10-31-2015, 12:31 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
عليك الله، يا حيدر أشرح لي دي المرّة التانية أشوت ليك مداخلة بالمعنى دا داير أفهم إتّا كنت بتكتب باسم تاني؟ الموضوع محيرني زمن طويل وقلت أصلا ما بسألك مباشرة، لكن بعد كشفت نومتي، أهو سألتك.
11-01-2015, 11:32 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: كرتون البروفايال بتاعو ده ذكرنى ,, واحد معارض فى سنجة جِنّو هتافات ضد الحكومة ,, لو لقا ليهو تلات انفار قاعدين مع بعض يعمل مظاهرة ,, يوم فى حفلة عرس دخل يرقص وكاجِن كجنة اريتا فى راس المسنوح ,, كريستال بلح اصلى ,, فشاف جماعة من بتوع الامن فى الحفلة فقعد يهتف ,, الجماعة قبقبوهو وشايلينو على البوكسى قام اشار بيده بعلامة النصر,, اتغاظوا منه واحد فيهم لوى يده ورا ضهرو ,, رفع ايدو التانية ,, بتاع الامن لوى ليهو ايديهو الاتتين ورا ضهرو وجدعوه فى البوكس ,, رفع كراعو وعمل زى الحركة الـ فى بروفايل قريبى دى
اها ان شاء الله عرفتو الصورة التقطوا من ضهر ياتو بوكسي :)
Quote: عليك الله، يا حيدر أشرح لي
ابيييييييت ؛)
11-01-2015, 02:24 PM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
ود الزين من الناس الجميلين هنا ...................................
العجب لمن يجي داخل بنمرة 5 في بوستات فلان( حجبت الاسم عشان ما يعمل لينا ارضي براو لايوق) ويدي ليك بالتي فيها الحديدة ........ تلقى نفسك بتكورك لا اراديا ينصر دينك ياود الزين
(زمان كان رافع صورته على ما اعتقد انا كنت قايلو عمك كبير قبل ما اشوف صورته طلع شباب تقول لي ناس عمك ود البوش وش ضاحك)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مني عمسيب
أيمن الطيب
الصادق الخالدى
الطيب شيقوق
عبدالله ود البوش
HAIDER ALZAIN
أبوبكر عباس
الطيب رحمه قريمان
اسامة محمد ابوبكر
طلحة عبدالله
عبدالعزيز الفاضلابى
عبدالله الشقليني
معاوية المدير
فيس بوك
تويتر
انستقرام
يوتيوب
بنتيريست