|
|
|
 Re: قررت أحترف الكتابة ... (Re: معاوية المدير)
|
بعد ان ادرجني الأخ طلحة ضمن قائمة اساطين الكتابة في هذا الصرح
المنيف قررت ان لا اتوارى خجلاً ؤُ جاتني هوشة قررت بموجبها ان
اتفرّغ للكتابة رغم علمي المُسبق بانّ حصيلتي وسط شاهين ورفاقه
ستكون صفر . ما معروف يمكن مجاملة طلحة دي تضرب معانا
والوآحد يبقى كاتب، لكن ان اطول المجموعة التي ادرجني طلحة
وسطها فهذا مُرتقىً صعب المنال .
كتّر خيرك يا طلحة ...
| |
 
|
|
|
|
|
|
|
 Re: قررت أحترف الكتابة ... (Re: معاوية المدير)
|
Quote:
اعترف طوالي يا عمك
الاعتراف بالذنب فضيلة |
ود الغالي يا غالي،
كتّر خيّرك كتيّر علي التصحيح والذي سبقك
عليهو الأخ جلالدونا فالشكر لكما .
زول بيغلط غلطات زي دي عليك الله مالو ؤُ مال الكتابة ؟.
مُوش حرآم يجيبوهو وسط جودة وشاهين ورفاقهم ؟...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
الاحتراف سيد الأدلة ههههههههههه
يا معاوية ولد المدير دا حقك حسب وجهة نظري
ما جبت حاجة من عندي يا راجل كلس شديد ..
راجع نفسك وشوف قدرك .. تلقاك ملان تواضع وجمال
احترف يا حبيب احترف جدا .
| |
|
|
|
|
|
|
|
|
|
Re: قررت أحترف الكتابة ... (Re: طلحة عبدالله)
|
كدى يا ود المدير اول حاجة اطلع من حتة المساكين ديل بتاعت المستنير داكا
اعترف اولا ثم احترف ثانيا
اجمل ما فيك يا مدير .. زى ما قال اخونا كبر ربنا يمسيهو بالخير .. انك بتكتب ذاتك
_____
اخونا طلحة
حياك الغمام بى المطر ام رشاش
ما مشيت بعيد لمّن كان من ضمن حاجاتك و رؤاك الخاصة خيار ود المدير
اها بى اسمك بقولو صدق سيدنا طلحة
اما بالنسبة لى ياخى شرفتنى بى متابعتك لى هترشاتى و لا ازيد
ؤ سلام
جلال فى ثياب العاقلينا
| |
|
|
|
|
|
|
|
|
|
Re: قررت أحترف الكتابة ... (Re: مني عمسيب)
|
ود المدير يستاهل قطع شك
الناس البتنزف ابداع هنا تستحق الثناء طالما
بكتبو ملح خخخخخخخخخ
Quote:
اخونا طلحة
سيدنا طلحة
|
ديل كل واحد براهو واللا مرة كدا ومرة كدا ؟
تحديد المواقف والثبات على المبدأ المعين أمر مهم
وحيوي جدا في عصر اللا مبادئ خخخخخخ
| |
|
|
|
|
|
|
|
|
|
Re: قررت أحترف الكتابة ... (Re: مني عمسيب)
|
Quote: زول بيغلط غلطات زي دي عليك الله مالو ؤُ مال الكتابة ؟.
|
ما تهمك الهفوات البسيطة دي انت قدرها وزيادة
المهم انك تحترف واترك لنا نحن الاعتراف
( لا ننقص الاخرين حقوقهم ولكن لنا تميزنا)
المقولة دي مكتوبة كشعار في لافتة حقة حلواني اسمو ود الباشا في سوق الكلاكلة اللفة
| |
|
|
|
|
|
|
|
|
 Re: قررت أحترف الكتابة ... (Re: Haytham Ghaly)
|
Quote: الاحتراف سيد الأدلة ههههههههههه
يا معاوية ولد المدير دا حقك حسب وجهة نظري
ما جبت حاجة من عندي يا راجل كلس شديد ..
راجع نفسك وشوف قدرك .. تلقاك ملان تواضع وجمال
احترف يا حبيب احترف جدا . |
دقستك يا طلحة إنك جبتني وسط حرسم وكبر، والدرديري ود كباشي، قامات
ما ظنيتني الحقا . يا اخي شكراً علي الكلآم السمح الفوق دا، ؤُ ياهو شبهك .
اليومين ديل البرد داخل علينا وبما انني تفرغت للكتابة تاني حا اقوم الصباح بدري آخد
حمّام دافئ واطلع بالروب اعمل شاي بالنعناع، وجبنة بالزنجبيل ثم اقعد جنب المدفئة
استمع للأخبار حتي حين مواعيد الجرايد، وبمجرد ما يصل بتاع الصُحف امرق إتناولن
من خشم الباب، واسكب فنجان قهوة، ثم اشعل سيكار رغم انني اكره التدخين حد الموت
ؤُ عندي حساسية ضدو، لكن لزوم اني كاتب لازم ادخّن . اطالع الصُحُف واتقصى ما يدور
في العالم ثم اركن للكتابة .
عندما إلتفت نحو النافذة واري الجليد يتساقط، وقد تعرّت الأشجار من اوراقها، وهي إعتادت
ان تفعل ذلك دوماً قبل قدوم الجليد وكأنها تقول له، هئت لك، يجذبني خيال الكاتب من وسط
هذا الجو الكئيب ويحلق بي في فضاءآت الوطن الحبيب لأجد نفسي مستلقيٍ تحت نخلآت
تهبهب فوق جروف السآب، فأطلق العنان للقلم كي يكتب عن مريود ؤُ مريوم ؤُ كيف الحراز
هناك مكجِن البحر، والأشجار هنا تتعرى للجليد، ؤُ مريوم ومريود جسدان عليهما هدوم
بالية لكن يكسوهما العفاف ويزينهما لباس التقوى في كل الفصول والأزمان . لكن هنا وما ادرآك
ما هنا ؟، البرد الذي يزمجر في ظلآم الشتاء يفرض الملآبس علي البشر، لكن بمجرد ان تسطع
شمس الصيف ينسون إنسانيتهم، وان الإنسان عندما بدأت له سوءته راح يحاول سترها بفطرته،
فالتخلي عن الفطرة يفقد الإنسان إنسانيته ويدهش النفس السويّة .
تُرى هل نحن قاعدين نندهش واللآ قاعدين نقهي ؟.
ضربة البدآية لإحتراف الكتابة .
ود المدير ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
هههههه
شكيت محنك ياخ
انا زاتي بحترف معاك
ابطل شغلتي وما شا الله العيال اعمامهم واخوالهم قاعدين بعيشوهم
امشي اتحكر في القهوة من الصباح ممسكا بغليوني نافثا منه الدخان الذي يخرج كدوائر تتشكل وتلتقي لتفترق ثم لتذهب في غياهب النسيان .. كما الانسان ! اتأمل الناس لابحث عن شخوص روايتي .. واشرب قهوتي سكر مظبوط .. واتجاذب اطراف الحديث مع رواد المقهي تواضعا مني
ياخوي الاحتراف دة عندو مكان بنسجل فيهو ولا طلقيبا ساي
| |
|
|
|
|
|
|
|
|
|
Re: قررت أحترف الكتابة ... (Re: عبدالحفيظ ابوسن)
|
ؤ.. هي الكتابة شنو يا ود المدير أخوي؟ سِوى البتسوي فيهو دا !
لن تكتب مثل ود مدثر ولن يكتب مثلك ود كباشي، كلٌ يكتب ذاتَهُ، كما نقل جلالدونا عن كبر
خليك كما أنت يا حبيب، عندك ناسك وبله الفاضل عندو ناسو
ياخ المستنير عندو ناسو، تصدق؟!
| |
|
|
|
|
|
|
|
|
|
Re: قررت أحترف الكتابة ... (Re: جلالدونا)
|
Quote: لكن هنا وما ادرآك
ما هنا ؟، البرد الذي يزمجر في ظلآم الشتاء يفرض الملآبس علي البشر، لكن بمجرد ان تسطع
شمس الصيف ينسون إنسانيتهم، وان الإنسان عندما بدأت له سوءته راح يحاول سترها بفطرته، |
بعد اعتزالك الورق والغناء والبنق بونق والحلل والكوارع
وبعد قرارك ده انقع مكتبات الازبكية بحثا عن روايات ود المدير
| |
|
|
|
|
|
|
|
|
Re: قررت أحترف الكتابة ... (Re: معاوية المدير)
|
عساك طيب يا ود المدير،
ما عايز أكبر ليك راسك، لكن كتاباتك بتشبه كتابات الأدباء الأخدو جوائز نوبل للاداب، والله صحى:)، بس زبط التوابل شوية حتطلع اخر حلاوة.
أوعى طلحة الرشحك ده يجى يقول خخخخخخخ بتاعتو دى
| |
|
|
|
|
|
|
|
|
|
Re: قررت أحترف الكتابة ... (Re: انور تاج السر)
|
انت حتي كمان با جلادونا ما تبالغ وتعملنا زينا وزي الناس العاديين .. الانفلات هو ما يميزنا نحن اصلو عندنا نظرة مختلفة للامور وشوفنا ما زي شوف الناس العاديين . عشان كدة سلوكنا ما بشبه سلوك الناس . انت تراه بنقو بقصر نظرك ونحنو نراه كما رآهو بوب مارلي ومن لف لفه
الاحتراف دة اصلو نابع من تدفق الموهبة حتي تنفلت
| |
|
|
|
|
|
|
|
|
|
Re: قررت أحترف الكتابة ... (Re: عبدالحفيظ ابوسن)
|
طيب ما ياهو دا نبع الأسحار والعبارات الحسان ذاتو
يا ود المدير .. الناقصك شنو تاني ؟ ما أظنك محتاج
امارة ولا سيكارة .. قوم إلى دواياتك أو محابرك عسى
أن تحتفي بك الكتابات والموشحات .
ما قصرت أبدا والله بالذات في حتة الدفاية دي خخخخخخخ
| |
|
|
|
|
|
|
|
|
 Re: قررت أحترف الكتابة ... (Re: جلالدونا)
|
Quote:
كدى يا ود المدير اول حاجة اطلع من حتة المساكين ديل بتاعت المستنير داكا
اعترف اولا ثم احترف ثانيا
اجمل ما فيك يا مدير .. زى ما قال اخونا كبر ربنا يمسيهو بالخير .. انك بتكتب ذاتك |
يا جلالدونا كبر دا بيمسكك من إيّدك ؤُ يحومك معاهو الفرقان فريق فريق،
من المحطة ولفريق القطاطي ؤُ يقعد يوصفلك لآمن تشوف السما شايل
شوف العين ؤُ تكرُف الزيّفة .
دائماً ما احادثك من مقهى علي الشارع السياسي وانا جالس وسط الكتب التي امست قراءتها
تستعصي علينا، فأذكر تلك الأيام التي خلت، ويطوف بخاطري زول سمح بالحيل ألا وهو جدي
(عوض الله دبورة). كان آخر عهدي به زرته وانا عريس، وكان دائماً عندما ازوره يتهلل
فرحاً ويبتهج فقد كانت له صُحبة مع الوالد . يومها قلت له بعد ان طفق يحدثني عن عطبرة
واستفاض في الحديث، آيه رايك يا جد انا اجي اسجل ذكرياتك دي ؟. بكل فرح ؤُ ترحيب
بالفكرة قال لي، تعرف يا معاوية جاني عمر الجزلي عشان يسجل معاي برنامج اسماء في
حياتنا قتلو، يا عمر داير تكتلني، لكن تعال يا معاوية وانا بحكيلك تاريخ المدينة . يا جلال في
زحمة الإجازة الممحوقة ما لقيت نفسي إلآ في كندا وكان ذلك آخر عهدي به، له الرحمة
والمغفرة . تعرف يا جلال لآمن اكلمك من علي مقهى في الشارع السياسي بتذكر مكتبته
العامرة التي كانت ملتقى للسياسيين وأهل الفن والرياضيين وجميع ألوان الطيف في
عطبرة، بتذكر مجلة المستقبل، مجلة المصور، مجلة العربي، كتب نجيب محفوظ وإحسان
عبد القدوس، وعبقريات العقاد، والجرايد وريحة الحبر المنبعثة منها عندما تختلط برائحة
الصعوط وروث حصين العتالة، ؤُ ريحة البرسيم، ؤُ ريحة زيت الورش، وكيف كنا في
ذلك الزمن مغرمين بالقراءة التي سرقتها مننا الإنترنت . تعرف بعد اصابتنا الخمالة من
القراءة انا قلت إنتهز فرصة طلحة دي وابقى كاتب، باقيلك بنفع ؟...
| |
|
|
|
|
|
|
|
|
 Re: قررت أحترف الكتابة ... (Re: معاوية المدير)
|
Quote: وانا اعترف بكتابتك .
صاحبي ود المدير .. صباحك خير .. |
بت عمسيب يا صديقة،
يصبحك الله بالخير .
بعد دا ما عندك خيار غير تعترفي، عشان انا قررت
ؤُ ماني متراجع .
كان احد شُفع القطر الفقارا البِفنو الشايلآ إيدُن ؤُ يجرو ساكين القُطارا، الذين وصفهم شاعر
كان يوماً ما وطن حدادي مدادي، وصفهم تضامناً مع حالهم، وغناهم فنان كان وطن ينضح
حنان ويضج ثوره، غناهم ايضاً متعاطفاً معهم . تربي في كنف الفقر، كان بملابسه البالية
الممزقة حافي القدمين يجري المسافات الطويلة مع القطر في غيظ الحر ولفح سموم الخلا
يكورك بصوته المبحوح، كرآمة، كرآمة إلي ان دآرت حلقة الزمن ليزمجر هتلر من سماعة
المزياع حتي يهتزّ فوق الطاولة ويخطب بعنف لا يخلو من تهديد ووعيد مختزلاً سنين حكمه
العجاف في تحدي المحاكم الدولية بإختراق المجالآت الفضائية ليصبح الشعب في سني
حكمه ذلك الطفل البائس الذي كان هو يوماً ما .
حال الأوطان عند ما يحكمها ذوي العاهات .
شئ من تداعيات الكاتب ود المدير ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
تحياتى لجميع الحلوين،
ود المدير انت مافى حاجة بتضيعك غير مباراتك لى جلالدونا ده، ياخى ده زول غير مثقف وانت قلت داير تعحترف (مقصودة) الكتابة فرجائى ان تبارى المثقفين مع العلم اننى لست منهم.
جلالدونا ازيك يا جميل ياخ و الله انت فاكهة هذا البورد العجيب.
| |
|
|
|
|
|
|
|
|
|
Re: قررت أحترف الكتابة ... (Re: انور تاج السر)
|
Quote: ما تهمك الهفوات البسيطة دي انت قدرها وزيادة
المهم انك تحترف واترك لنا نحن الاعتراف
( لا ننقص الاخرين حقوقهم ولكن لنا تميزنا)
المقولة دي مكتوبة كشعار في لافتة حقة حلواني اسمو ود الباشا في سوق الكلاكلة اللفة |
يا ود الغالي إنت والناس الجوني ديل، هسّع اشكركم كيفِن ؟.
غايتو عِلآ تسولكم شكلة في المنبر دا ؤُ تزحوا لي منها .
بعدينك كان إستمريتو بطريقتكم دي بتلقوني لآعب في برشلونة ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote: ود المدير انت مافى حاجة بتضيعك غير مباراتك لى جلالدونا ده، ياخى ده زول غير مثقف وانت قلت داير تعحترف (مقصودة) الكتابة فرجائى ان تبارى المثقفين مع العلم اننى لست منهم.
جلالدونا ازيك يا جميل ياخ و الله انت فاكهة هذا البورد العجيب.
ثمة حدود لا يبقى الصبر بعدها فضيلة |
غايتو يا انور بقيت زى اخونا الخالدى الضلالى
تفلّق و تداوى
و تشكر على المطايبة و اتمنى اكون دايما عند حس الظن
بالمناسبة جديد ابوسن بعد الاحتراف... سراولينا ...
| |
|
|
|
|
|
|
|
|
|
Re: قررت أحترف الكتابة ... (Re: جلالدونا)
|
Quote: هههههه
شكيت محنك ياخ
انا زاتي بحترف معاك
ابطل شغلتي وما شا الله العيال اعمامهم واخوالهم قاعدين بعيشوهم
امشي اتحكر في القهوة من الصباح ممسكا بغليوني نافثا منه الدخان الذي يخرج كدوائر تتشكل
وتلتقي لتفترق ثم لتذهب في غياهب النسيان .. كما الانسان ! اتأمل الناس لابحث عن شخوص
روايتي .. واشرب قهوتي سكر مظبوط .. واتجاذب اطراف الحديث مع رواد المقهي تواضعا مني
ياخوي الاحتراف دة عندو مكان بنسجل فيهو ولا طلقيبا ساي |
يا ود ابوسن ما بنغبالنا بُكان تسجيل بعدينك الغليون دا لآزم يكون معاهو شنب ماكن
مُصفر من نفث التبغ، وشعر ابيض تخلله بعض السواد غير مُصفف، ؤُ لآمن تتصور
لآزم تخُت يدك كدا ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote: اقوم الصباح بدري آخد
حمّام دافئ واطلع بالروب اعمل شاي بالنعناع، وجبنة بالزنجبيل ثم اقعد جنب المدفئة
استمع للأخبار حتي حين مواعيد الجرايد، وبمجرد ما يصل بتاع الصُحف امرق إتناولن
من خشم الباب، واسكب فنجان قهوة، ثم اشعل سيكار رغم انني اكره التدخين حد الموت
ؤُ عندي حساسية ضدو، لكن لزوم اني كاتب لازم ادخّن . اطالع الصُحُف واتقصى ما يدور
في العالم ثم اركن للكتابة . |
غايتو كان ما قفلت السريا ماظنيتك.
| |
|
|
|
|
|
|
|
|
|
Re: قررت أحترف الكتابة ... (Re: محمد على طه الملك)
|
Quote:
ؤ.. هي الكتابة شنو يا ود المدير أخوي؟ سِوى البتسوي فيهو دا !
لن تكتب مثل ود مدثر ولن يكتب مثلك ود كباشي، كلٌ يكتب ذاتَهُ، كما نقل جلالدونا عن كبر
خليك كما أنت يا حبيب، عندك ناسك وبله الفاضل عندو ناسو
ياخ المستنير عندو ناسو، تصدق؟! |
تصدق انا وآحد من ناس المستنير دا، لكن اكان قمت عليهو بخلي ريحتو
طير، طير . من اروع رواياته التي كتبها (جك الفول)، عاين جاي، ما تكلم
مصطفى مدثر تقولو، الكاتب ود المدير قال كدا ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote:
: قررت أحترف الكتابة ...
ياود المد ير إنت هسع ما لاعب دولي ... وبرازيلي عديل كِده
بعد دا إلا تبقى كوتش
كُل الود |
ود المكي حبابو،
نبادلك الوُد .
اكان كدي دربي مرق تب .
عندك وآحد وردة فوق ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
الاستاذ الفاضل معاوية المدير..
سلامات ونثني بشدة اتجاهك للكتابة الاحترافية هي لك وانت أهلاً لها ..
يبقي اكان كدة عليك باللوازم ..
يبقى لازماك تفة وشعر منكوش ودقن لولبية مشرئبة للأسفل.. ( ديل ما عندك ليهن طريقة والله صحي 
البديل صلعة وطاقية نجيب محفوظ وغليــون .. وطالما بتكره التدخين عليك بحقة صعوط " وما تنسى النقرة وانت بتفتحها "
وغير البروفايل دا لصورة وانت فاتح كتاب وراخي النضارة..
بعدين ابعد من الرجرجة والدهماء في التداخل هنا ناس حيدر حنين وجلالدونا وود الفكي وهلمجرا ..
خلي مداخلاتك في بوستات الاخرين قليلة واكتفى في بوستاتك بالرد من على شاكلة شكراً لمروركم امتعني مرور الزوار الكرام.. شاكر حسن الظن وهكذا..
افتح برنامج الرسام ودبج ليك صورة غلاف لإصدارك الأول ويكون عنوان جاذب مثل .. مسلك سكينة في قلع الجضُل من الطينة مع لوحة سيريالة كغلاف للكتاب
تأليف الكاتب معاوية المدير.. وبالخلفية تقديم وليكن باسم اي ناقد مشهور محمد طه الملك مثلاً..
وتحته دار الأعضاء البشرية العربية للنشر والتوزيع طبعة سنة 2016م
ولتكن حقوق الطبع محفوظة..
وأركب الدقداق :)
| |
|
|
|
|
|
|
|
|
|
Re: قررت أحترف الكتابة ... (Re: HAIDER ALZAIN)
|
Quote: غايتو عِلآ تسولكم شكلة في المنبر دا ؤُ تزحوا لي منها .
|
هههههههههههههههههه
كان كدا كفكف اكمامك وشيل عكازك وابقى مارق
باقيلك الشكل الأيام دي في المنبر بفتشولو كتير
راااااااااااااااااااقد وما طلبت الا موجود
| |
|
|
|
|
|
|
|
|
|
Re: قررت أحترف الكتابة ... (Re: Haytham Ghaly)
|
Quote:
غايتو ود اب سن و ودالمدير ديل بى احترافيتن دى ح يشربو بنقو
و الله صحى |
يا زول هوي، علي اليمين انا كان نِعِست ساكت ما بجي
داخل منبركم . والله صحي .
كلو ولا كشف الحال ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote:
بعد اعتزالك الورق والغناء والبنق بونق والحلل والكوارع
وبعد قرارك ده انقع مكتبات الازبكية بحثا عن روايات ود المدير |
ههههههههههههههههههههه،
ازبكية في عينك يا ابراهيم ناصر، اقع Chapters يا اخ Chapters ازبكية !؟ إنت
قايلني بن المقفع، ازبكية قال !، . عمر خالد الذي دفعني لإعتزال لعب الورق رجع قال،
لو ما ود المدير رجع هو زاتو حا يعتزل، اما الغنا خليتو لعبد الهادي، والبنق ما عندي
ليهو نضارة، وكان ما ختيتو الكوارع يا ابراهيم يوم بلقاكم ملصقين في الحيط، انا غايتو
لا قاعد اكلآ لا بمشي عليها .
<
هنا تجد حميع إصداراتي يا ابراهومة ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote:
عساك طيب يا ود المدير،
ما عايز أكبر ليك راسك، لكن كتاباتك بتشبه كتابات الأدباء الأخدو
جوائز نوبل للاداب، والله صحى:)، بس زبط التوابل شوية حتطلع اخر حلاوة.
أوعى طلحة الرشحك ده يجى يقول خخخخخخخ بتاعتو دى |
انور التاج،
تطيب لك العافية يا رجُل .
يا اخوي كبيّر الراس دا كيفنو اول ؟...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote:
اها من هسة قمنا على السرقة الأدبية
خليك كاتب عندك أسلوبك الخاص بيك بالله نحن
التعابير دي قاعدين نتعب فيها مثلها تماما كلمة " يعج بها" |
الأديب الأريب حمد،
النحرير كمان .
يا اخي هذه من باب تبادل العبارات بين الأدباء وليست من شباك السرقات
الأدبية، لكن وكِت اصلك قررت قفل هذا الباب اوّع بالك اشوفك قاشر
بي يهترف وعلي سجيته ديل اللتنين حقاتي ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote: العلي علي
اسع من الصباح بفتبصم بالعشرة انك كاتبي المفضل ش علي البوست ده بارك الله في جلالدونا ... المهم ود المدير ا |
إنت يا العلي تتعلى ما تدلآ يا بركة من جعل محمد نبئ،
ؤُ يزيدك رب العالمين من فضلو، شاحدك يا كريم ...
| |
|
|
|
|
|
|
|
|
|
Re: قررت أحترف الكتابة ... (Re: معاوية المدير)
|
Quote:
بعدين ابعد من الرجرجة والدهماء في التداخل هنا ناس حيدر حنين وجلالدونا وود الفكي وهلمجرا .. |
ود الزين الزين،
شكراً للنصيحة الغالية وسوف آتي لباقي النصايح بالمهلة،
وايضاً سأضع الملك في الإعتبار ...
| |
|
|
|
|
|
|
| |
معاوية المدير
طلحة عبدالله
جلالدونا
مني عمسيب
عبدالحفيظ ابوسن
معاوية الزبير
محمد فضل الله المكى
ابراهيم ناصر
حمد عبد الغفار عمر
محمد على طه الملك
HAIDER ALZAIN
عزالدين عباس الفحل
Hani Arabi Mohamed
فيس بوك
تويتر
انستقرام
يوتيوب
بنتيريست