|
دعواتكم لزميلنا المفكر د.الباقر العفيف بالشفاء العاجل
|
|
 Re: ما بنحاورك (Re: azhary taha)
|
الغاالي أزهري طه
Quote: وهكذا الرجال مواقف والحياة ذكري قف مع شعبك لن تخسر ابدا ابدا ...شكرا دكتور معز
|
باسم شعبي
أفتح الأبواب للريح الجديدة
| |
  
|
|
|
|
|
|
|
|
Re: ما بنحاورك (Re: Dr. Moiz Bakhiet)
|
الله....الله .....الله على الروعة......
كلمات نزلت على أهلنا بردا وسلاما
وصحت روح أكتوبر في أكتوبر......
ما تبخل على وطنك المجروح بسحر كلماتك......
ولا تنسى إنو كلمات الشابي بعد عشرات السنين كانت بترن بصوت الثورة......
يا رائع .....ما تنسى وطنك
| |
|
|
|
|
|
|
|
|
|
Re: ما بنحاورك (Re: ايمن الصادق)
|
مودتي العميقة عزيزي أيمن الصادق
وبالفعل ابتعدت عن النت ومواقع التواصل بسبب ضغوط العمل والحياة
لكن نتابع هموم الوطن ونشارك في عمليات إحداث التغيير بإذن الله
محبتي الأكيدة
| |
|
|
|
|
|
|
|
|
|
Re: ما بنحاورك (Re: بدر الدين محمد)
|
دكتور معز تحياتي وتقديري
وأحببت أن أقول لك :
مابتحاور مين الجابرك ؟؟؟
ومين أداك الحق تتكلم ؟؟
باسم الشعب الحر في فكرو
شعبنا حسم الأمر اختاروا
حاجة غريبة لما الواحد
عايش بينا وصاحي بيحلم
جاي معاتب لي الفاظك
لمن قلت فقرانين
وزدت عليها مذلولين
صحح فهمك يا دكتور
احنا عزاز ماهينين
احنا عزاز مالينين
انحنا أساس
ونحنا الساس
ومابننداس.
| |
|
|
|
|
|
|
|
|
|
Re: ما بنحاورك (Re: وائل حمزه الزبير)
|
تسلم البطن الجابتك ... سلام يا دكتور .. والكلام يا هنا يا بلاش .
ما بنحاورك
_________
معز عمر بخيت
_________
ما بنحاورك
وما بنقيف قدامك لحظة
وشعبنا ناكرك
وما بنغطي عيوبك ونطلع
من أعصابنا
ونبقى حوارك
نغض أبصارنا
وننسى ديارنا
واهل الحوبة العاشوا جوارك
فقرانين بالذل عايشن
يا تاجر الدين النهب شعارك
وظلمك وجورك غطى حضورك
ما ناسين والله مجازرك
يونيو الاسود كتل احلامنا
وروح اسلامنا
وجاب من آخرك
ولسة تحاول
لا في ايدك فاس لا معاول
لا بتفزعنا ولا بتنفعنا
ولا في الدنيا ح نمشي مسارك
وشعبك ضايع وجايع وخاضع
لكن ساترك
لا طيبت مواجع الأمة
لا شبّعت بطون بأوامرك
لا فكيت من حاير غمة
لا داويت مجروح بمشاعرك
تقتل وتنفي
وتسرق وتخفي
وذنبك عاصرك
وربنا عالم انت الظالم
وانت ضميرك ميت وهاجرك
بالوسواس ومهانة الناس
والخناس في شرّك باهرك
ما تتصور انك خالد
وحكمك والد
وما تتخيل ليلك سامرك
ما بتدوم والله الدنيا
ولاك الواحد وسيّد خاطرك
ما مسامحنك
وما راضين
عن سختك وجنك
ولا التاريخ يا غادر عاذرك
ما بنحاورك
وما بنحرك ساكن حولك
لو تعفصنا بحدوة حافرك
وما بتلاقي سلاطين غيرنا
وما ح يجيك في المشهد خيرنا
فسادك غامرك
والعصيان راجيك يا جاير
والشيطان مستحلي مظاهرك
كل العالم منك نافر
وشعبي الطيب ما هو مآذرك
كيفن ترحل عن دنيانا
ما عايزنك تاني معانا
بئس اليوم الجاب اقدارك
ملعون الحس الميت وغايب
ملعون الخوف الولع نارك
ابعد و ارحل
اضحك وازعل
ودوّر ظارك
اطلع مارق زمنك فارق
صوت كشكوشك ورنة طارك
ما بنحاورك
ونبني محاورك
وما بنعيش أبداً في مدارك
ما بنحاورك
ونبني محاورك
ما بنعيش أبداً في مدارك
.....
معز عمر بخيت
| |
|
|
|
|
|
|
|
|
|
Re: ما بنحاورك (Re: مني عمسيب)
|
سلامات يا دكتور معز
الحوار مع هذا النظام طريق مقفول. وسوف يكتشف ذلك الذين ذهبوا للحوار معه..
مصير هذا النظام السقوط ولكن قبل أن يسقط النظام سوف تسقط أكذوبة الشريعة الإسلامية التي يزعمون تطبيق قوانينها. وهذه الأكذوبة سوف تسقط بسقوطها في السعودية وإيران اللذين كان لهما أكبر الأثر في نشر الإرهاب في العالم.
ياسر
| |
|
|
|
|
|
|
|
|
|
Re: ما بنحاورك (Re: Yasir Elsharif)
|
اخي الحبيب ياسر .. صباحك زين .
Quote:
الحوار مع هذا النظام طريق مقفول. |
يا دكتور الحوار من شروطه نهايتهم فهل يعقل قتلة النظام حايوافقوا
بشروط نهايتهم المؤكدة ؟
ولك الشكر .
| |
|
|
|
|
|
|
|
|
|
Re: ما بنحاورك (Re: Dr. Moiz Bakhiet)
|
دكتور المعز لك التحية دائما الكلمة اقوى من البندقية ولكن لمن يعي الكلمة ويفهمها وسوف نحصد ثمار الكلمةوان طال الزمن ووقتها سوف يدرك الظالم ويقول يا ليت اللجرى ماكان واصل ابداعات قلمك وفقك الله
| |
|
|
|
|
|
|
|
|
|
Re: ما بنحاورك (Re: قاسم الامين عبود)
|
شكرا لكل الرائعين هنا بس دقيقة أردعلى وائل عشان في حاجة ما ممكن تمر ساي كده
Quote: مابتحاور مين الجابرك ؟؟؟
ومين أداك الحق تتكلم ؟؟
باسم الشعب الحر في فكرو |
أولا جابرني حقي الزي حقك وحق الناس كلها
تانياً أداني الحق حسي الوطني واحساسي بالآخرين
ثالثاً البشيروونظامو ما جوا بحوار عشان يمشوا بحوار
والبتحاوروا ديل ياهم نفس الجابوا السلطة واختلفوا عليها وبتحاوروا عشان يتقسموها تاني
أما الأفراد والأحزاب تتمة العدد فهؤلاء تتمة عدد لا أكثر
وزي ما جوا ح يمشوا طال الزمن أو قل
بإرادة الله وهبة الشعب بإذن الله
| |
|
|
|
|
|
|
|
|
 Re: ما بنحاورك (Re: عمر دهب)
|
شكراً بروف معز ضمير هذه الأمة
لقد عبّرت بحق عن كل ألوان الطيف السوداني في محنتهم الراهنة
كم يفتخر بك بلدك وأهلك أيها النطاسي المفطور بحب الوطن
____
الحليلة
| |
|
|
|
|
|
|
|
|
|
Re: ما بنحاورك (Re: elhilayla)
|
د.معز...
والعصيان راجيك يا جاير
...
السودانيين عاملين عصيان يوم 21 أكتوبر..
وكلامك كله حيطلع حقيقة..
لآنه الآنقاذ بقت فى الرمق الآخير..
تسلم يا دكتور..
| |
|
|
|
|
|
|
|
|
|
Re: ما بنحاورك (Re: كمال عباس)
|
بصفتي مراقب بعد سلمت الجواز، داير أسأل البروف:
إتّو الناس المعارضين من برّة ديل:
رافضين الحوار!
رافضين السلاح!
رافضين الإنتخابات!
رافضين تجوا تقعدوا في البلد تعملوا إنتفاضة!
أها المرفعين دا دايرنو يمشي كيف؟
غايتو في شيخ في أربجي قبل كدا قال ليهو لزول "أمرق مرق جلدك"
بعد يومين جلدو إتفسخ
| |
|
|
|
|
|
|
|
|
|
Re: ما بنحاورك (Re: أبوبكر عباس)
|
عافي منك يا د معــز
موقفك وانفعالك مع شعبك بالدنيا
وكلمة حق أمام سلطان جائر وأناس ضيقي التفكير ومنحصرين في ذواتهم لا يرون حقاً إلا لأنفسهـم
موقف تؤجر فيه ويسجله التاريخ الناصع للوطنيين الأحرار والمثقفين المنتمين لوطنهــم
أحمد الشايقي
| |
|
|
|
|
|
|
|
|
|
Re: ما بنحاورك (Re: أبوبكر عباس)
|
Quote: بصفتي مراقب بعد سلمت الجواز، داير أسأل البروف:
إتّو الناس المعارضين من برّة ديل:
رافضين الحوار!
رافضين السلاح!
رافضين الإنتخابات!
رافضين تجوا تقعدوا في البلد تعملوا إنتفاضة!
أها المرفعين دا دايرنو يمشي كيف؟
غايتو في شيخ في أربجي قبل كدا قال ليهو لزول "أمرق مرق جلدك"
بعد يومين جلدو إتفسخ |
الاخ ابوبكر
كلامك فيهو الصاح كتير
وفيهو برضو تجاوز الواقع
انا شخصيا بره البلد واعتقد انو عيبه كبيره تعارض بره البلد ودى منقصه لا نداريها ولا نقدر ان ندافع عنها ولن نؤصل لها بامثله في التاريخ
رافضين السلاح برضو بفهم انو السلاح حا يخلى السودان زي الصومال وسوريا والعراق وليبيا فالاحسن تلقى طريقه تا نيه غير السلاح حتى يظل
توازن الضعف قائما الى حين ...
الانتخابات في الاصل مخجوجه يعني انت ممكن تفتكر يعملو انتخابات ممكن تجيب غيرهم ودى برضو انا مقاطعه .
اما رافضين نجي نقعد في البلد نعمل (انتفاضه )دي برضو منقصه كبيره .ولاني اؤمن بي (العصيان المدني)كطريق اوحد الان)
السؤال عن المرفعين ده ببيقي انا ده راي الان انو ( اضعف الايمان ) فبلسانه واعتقد الان اللسان هى الميديا والتوعيه ونشر الوعي .....
نعلم الان ان معظم الشعب ولا املك لها اثبات ولكن مما نسمع علي وزن مما نزرع ادرك بعقم هذه الحكومه وتظل الطريقه والدباره كيفنها علي شيله هذا المرفعين
واعتقد تنامي الوعي وفضح النظام وايجاد طرق بديله لاقتلاعه خاصه اذا كنت مثلي ليس لك حزب او تنظيم يمكنك ان تتبني خطه في المقالعه
لا يكون لك سوي هذه الكلمات والتوعيه بعده طرق منها الشعر ومنها النثر ومنها النقاش
والدعوه الى عصيان مدني يحفظ الارواح من هذا المرفعين .حتي يتشكل وعي كامل بهذا العصيان
وخطاب متوازن من الحركات المتقاتله تضع رؤيتها للشعب بصوره واضحه .حتي يكون علي بصيره بنتيجه هذا العصيان المدني الذى قد ياخذ سنينا
وقد تجني ثماره اجيال بعدنا ولكن نبذر في الارض بذور الوعي علها تكون شجره وارفه من الديمقراطيه والتداول السلمي للسلطه وتوزيع عادل للثروه والعدل الاجتماعي
تلك اماني وانا خارج السودان وادعو الي اقتلاع هذا النظام بهذه الكيفيه .واعلم ان اقل مقاوم بالداخل هو اعز واكثر تضحيه مني حتي ولو ظل ساكتا
تلك رؤيتي واجابتي لهذا السؤال باعتبار هذا السؤال هو لا يخص الدكتور لحاله بل يخصنا جميعا
اخيرا نشكر لدكتورنا الكلمات الجميله التي ستكون نجمه من نجوم شنطه بلدي المليئه بنجوم كثر واقمار ساطعه كلها ستشرق يوما وتكون هدي لطريق الخير
| |
|
|
|
|
|
|
|
|
|
Re: ما بنحاورك (Re: Hatim Alhwary)
|
دكتور معز لك التحية - واهو فشل الحوار في ايس ابابا كما فشل السنة الماضية وتاني تاجيل وتحنيس لجولة اخري وهكذا .... الخ - من يحاور الكيزان لن يجني سوي الندامة
| |
|
|
|
|
|
|
| |
Dr. Moiz Bakhiet
HAIDER ALZAIN
علي دفع الله
azhary taha
أسامة خلف الله مصطفى
ايمن الصادق
Yousif A Abusinina
Mohd Ibrahim
أحمد عزالدين
خالد حاكم
بدر الدين محمد
وائل حمزه الزبير
مني عمسيب
Yasir Elsharif
قاسم الامين عبود
elhilayla
nour tawir
علاء سيداحمد
احمد حمودى
كمال عباس
عواطف ادريس اسماعيل
عمر سعد
باسط المكي
Hatim Alhwary
صلاح جادات
فيس بوك
تويتر
انستقرام
يوتيوب
بنتيريست