|
Re: شعب الله الخرخار (Re: ابراهيم عبد الوهاب)
|
تركب المواصلات تلقى الحافلة كلها خرخره ، ناس تخرخر تقول لي السواق اقفل المسجل وناس يقولوا ليك غير الفنان وناس يقولوا ليك نحنا مصدعين ، وكلهم بخرخروا في وقت واحد وكل واحد ما سامع خرخره التاني
| |
|
|
|
|
|
|
Re: شعب الله الخرخار (Re: ابراهيم عبد الوهاب)
|
Quote: تركب المواصلات تلقى الحافلة كلها خرخره ، ناس تخرخر تقول لي السواق اقفل المسجل وناس يقولوا ليك غير الفنان وناس يقولوا ليك نحنا مصدعين |
أخي إبراهيم شكرا على البوست. أنا فاهم الخرخرة باعتبارها شكل من أشكال التنصل من الالتزام أو الاتفاق، لذا لست أدري كيف يمكن أن يكون طلب أحد الركاب من السائق أن يقفل المسجل أو يغير الفنان نوعا من الخرخرة؟؟
| |
|
|
|
|
|
|
Re: شعب الله الخرخار (Re: ابراهيم عبد الوهاب)
|
والعجب خرخرة السياسين ، تلقي الواحد تمنين سنة على رئاسة الحزب بخرخر هو رئيس الحزب ومرتو الامين العام وبنتو رئيس لجنة شنو ما عارف وولدو في حزب تاني عليكم الله هسه دي ما خرخره منهم الاجتماع بتاع الحزب يعملوهو في صينية الغداء
| |
|
|
|
|
|
|
Re: شعب الله الخرخار (Re: ابراهيم عبد الوهاب)
|
كمان خرخره النسواين دي كوم براهو تجي من مناسبة تبدأ ليك الخرخرة بي والله صفية لابسه جنس دهب سدرها دا كلو دهب تقوم تخرخر انت وتقول ليها دا فالصو خرخره منها وخرخرة منك وتشتعل الخرخره وتصل مرحلة اللاعودة فجاة يجيك ولدك يخرخر ليكم ويقعد يبكي وتستمر الخرخره بان كل زول في غرفة
| |
|
|
|
|
|
|
Re: شعب الله الخرخار (Re: عبد العزيز محمد عمر)
|
خرخرتنا بعضاً من مساؤي تربيتنا وإن كانت في أزمان قد خلت لا تتجاوز حدود طربيزة الكوشتينة أو الضمنة أو طوبات المرمي ، ومع ذلك أسست فينا ومع شديد الأسف شئ من الأنانية وعدم قبول الآخر ومحاولتنا في أن نكون دائماً الأول والأعدل والأجمل والنياشين في البلي وتسديد ضربات الجزاء حتى لو كان الواحد فينا أشتر. يبقى نحن في حاجة إلى غسيل حتى نخرج كل العفن المعشش فينا والذي أوقعتنا فيه خرخرتنا والخوف كل الخوف أن يصدر قانون يضع مثل هذه العمليات في خانة زي غسيل الأموال. من مساؤي خرخرتنا أنها علمتنا الكضب حيث أننا نحاول لي عنق الحقيقة وحجب ضوء الشمس بمنخال والأدهي وأمر نستعين في ذلك بالحليفة نقسم إيمان مغلظة بأنه كذا وكذا والواقع غير ذلك تماماً. أما خرخرة مشجعين الكورة وبخاصة أنصار قطبى رحى الرياضة في السودان فهذه قصة تانية وفي منبرنا هذا شيء منها
| |
|
|
|
|
|
|
Re: شعب الله الخرخار (Re: almulaomar)
|
انت باين عليك خرخار ، من كلمة منخال دي
الخرخرة بتعلم الغلاط ، يعني تبقى علينا خرخره وغلاط فعلا الخرخره بتعلم عدم تقبل النتيجة او تقبل الاخر يعني اول ناس في افريقيا والوطن العربي وفايتين الدول الاسيوية وبعض الدول الاوربية ، في اول انتخابات ديمقراطية اها قمنا خرخرنا شوف وصلنا لشنو ، هسه لو ما الخرخرة كنا نكون اكبر ديمقراطية بعد الهند وامريكا
| |
|
|
|
|
|
|
Re: شعب الله الخرخار (Re: ابراهيم عبد الوهاب)
|
وتلقى اتنين مخطوبين .... حلوين .. عثل بس ... وكلامم ناعم ... وموائد مما يشتهون ... وكل واحد لابس قيافه ومتعطر ... تعال شوف بعد العرس .. دا اذا عرسو بعض اصلن .. خرخره شديده ...
| |
|
|
|
|
|
|
Re: شعب الله الخرخار (Re: محمد مجيدو)
|
الخرخة بتبدأ من اول يوم في شهر العسل في الفندق تقول ليك ليه جبتو الشيلة ناقصة الغريبة ابوها يكون قال ليك تعال البعدنك نحنا بنشتري راجل وتنتهي بغسيل العدة
| |
|
|
|
|
|
|
|