|
|
 المريخ واشياء اخري
|
05:58 AM Sep, 01 2015
سودانيز اون لاين
اخلاص عبدالرحمن المشرف-
مكتبتى فى سودانيزاونلاين
القصة ما قصة غادة المريخ ال دستها ناسا وقام واحد خشمو خفيف وفلبو اخف وفكاها في الاساقير وحير امونه وجارته
امونة سمعت الخبر ومشت لحارتها قالت ليها اه بكره السمع ب ابو العيال حجز للمريخ ماكضب
عاينت ليها كده بطرف عينها وحركت شلاليفها شمال يمين يمين شمال وقالت استغفرتك يا مالك روحي
اسع ده لزومه شنو ما تتقلي يا امونه
منو ال فال لك الكلام ده
نطت امونه في حلق جارتها = انتي ما بتشوفي التلفزيون
الجارة بشوووووف بس انتي اي شئ تصدقي
امونة ليه ما بصدقو
الجارة اسمعي كلامي ده بكرة تجي بت كلينتون والاهي مرتو ما معروف وتقعد ناس ناسا في مواعينهم
اصلها ضايفة المر من الرجال وعمايلهم يمين الله بكرة توقف ميزاتيتهم زي ال ما حصل شئ
وكمان منظارهم ال ما بلقط الا النسوان ده تكسرو ليهم
واحده كارت منهم اخر السما لاحقينها والله الاترفع عليهن قضية
|
|
 
|
|
|
|
|
|
|
|
Re: المريخ واشياء اخري (Re: اخلاص عبدالرحمن المشرف)
|
وما بين قضية = غادة السما = وغادة الارض تظهر قضايا اخري
ميزانية ناسا و برنامج تطوير الاسلحة واشعال الحروب
الحروب الكبري والحروب المنسية مثل حروبنا العبثية
حروب ادت لجيوش من المعاقين بدنيآ ونفسيآ
صديفي يتحدث عن مثلث غسيل الاموال والمخدرات والدعارة وقد صدق وهي جميعها حسب فهمي قد ولدت من رحم الحرب
والتي ولدت المثلث الاخر = فقر مرض جهل =
الا لعنة الله علي تجار الحرب
| |
|
|
|
|
|
|
|
|
|
Re: المريخ واشياء اخري (Re: اخلاص عبدالرحمن المشرف)
|
امونه عاينت لجارتها كده من طرف عينها وفالت لها كمان ازيدك من الشعر بيت
الجارة في شنو كمان
امونة قالت ليها وكمان قالو في فار , قولة فار الجارة نطت
امونه بخبث ما قت لك من اول الشئ ده مغرز
الجارة بعد دقيقة من التفكير قالت كدي بي مهلة الزوله دي طارت للمريخ ومعاها فار؟؟!!!
امونه و قاعده وحودها , اههه تاني في شنو
الحارة قالت خلاص القيامة جات
| |
|
|
|
|
|
|
|
|
|
Re: المريخ واشياء اخري (Re: اخلاص عبدالرحمن المشرف)
|
وما بين قيامة امونة وقيامة داعش قامت قيامة السودان
السودان القديم ذهب الي متحف التاريخ بفعل ابنائه مأسوف عليه من البعض وغير مبكي عليه من اخرين
ويتشكل امام ناظرينا سودان اخر
سودان حسن الترابي ومشروعه الفاشل
المخدرات , غسيل الاموال , الدعارة , وتايلند تتراجع
هذا الفشل لمشروع الترابي من يوقفه
ونقول عزه قومي
لهفي علي وطني
قلبي علي وطني
| |
|
|
|
|
|
|
|
|
|
Re: المريخ واشياء اخري (Re: اخلاص عبدالرحمن المشرف)
|
الجارة نططت عيونها وقالت الزوله دي قادرة وقاهرة يا ربي تكون شايقية
زولتن مشت للمريخ ومعاها فار ولا لقت لها فار ما فرقت ما بتصد راجعة
صحي مارس كوكب الكوارث
فار وحواء!!!!! ال يخم ويصر اب احمد
وتذكرت تلك الشايقيه المتزوجة من دنقلاوي والذي خيرها بين الطلاق وتشليخ ابنهم = ثلاثة ماشات لورا زي شنبات الكديس
وما خرج من باب البيت والا قد احضرت الموس وشلخت الولد وخلتو دمومو تكب وشالت عفشها وعلي بيت ابوها
ومن يومها والوليد اسمو الشايقي
كع كع هههع هييع علي قول ود الباوقة
ويا امنه وابورك في المريخ
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست