|
Re: بعاما بصحبة الفحيل (Re: mohmmed said ahmed)
|
.
نحنا كنا نباري حفلات عبد المنعم الخالدي لمعرفتنا به وبكثير من الموسيقيين بالديوم، نعم كان هنالك الكثير من البعامات لكنهم أفضل من بعامات اليوم بل أفضل من فناني الرقشات!
الهادي حامد لأول مرة أسمعه صدفة في حفل زواج بمنطقة الشجرة، وأنا متجه لمنزل خالنا، إنتبهت للصوت الفخيم المزلزل، فسرعان ما وجدتني أنزل من البص، قاصدا مكان الحفل ووقفت أستمع إليه حتى إنتهى الحفل،، غادرت إلى منزل خالي عبد الرحمن الوكبل .. لكن لم يفتح لى أحد باب المنزل!
.
| |
|
|
|
|
|
|
Re: بعاما بصحبة الفحيل (Re: سيف اليزل الماحي)
|
تعرف يا سيف الهادى دا فنان ما ساهل
اسعدنا الحظ بالاستماع له فى جلسات وقعدات
فى الجلسة الخاصة يغنى الهادى بمزاج بس ما تطلب منو براهو بمزاجو مرات يدندن لام كلثوم ومرات لفيروز
| |
|
|
|
|
|
|
Re: بعاما بصحبة الفحيل (Re: اخلاص عبدالرحمن المشرف)
|
عثمان الفحيل ، شاب ظريف في ريعان الشباب ، وهو شقيق خالد الفحيل والد شريف الفحيل ، ومن اسرة دينية فنية ، ورجل لطيف جداً وفوق أننا عرفناه عازفاً للأوكوريون من شفناه صغيرا إلى أنه فاجاءني في (كبره) بالغناء الجميل وهذا الصوت الرخيم،،
انت الأن يامحمد سيدأحمد ، مطالب عشان تخارج نفسك مننا تنزل لينا أغاني عثمان الفحيل دا هنا، وياكمان تطلب منه يغني ليك (زمان غنينا لي عينيك أغاني تحنن القاسين) وتجيبها لينا !!
| |
|
|
|
|
|
|
Re: بعاما بصحبة الفحيل (Re: اخلاص عبدالرحمن المشرف)
|
يا سلاااام يا استاذ محممد ياخي بعام مع الهادي الجبل دي تعادل فنان عديييل كده ياخي دي فرصة فنية ذهبية ولا شنو .. ويا حليل زمن البعامات البخلو الفنان زاتو يغني كما لم يغني من قبل هسة البعامات بقو مختلفين شديد عن الزمان وهسة زاتو بقى بين كل ناصية وناصية فنان او عازف والبعامات ديل ما يدوك الدرب زي ما بقولوا ,, لكن يا خوي بعام مع ود الجبل ولا فنان في مركز ,,,
تحياتي : ياسر العيلفون
| |
|
|
|
|
|
|
Re: بعاما بصحبة الفحيل (Re: ياسر السر)
|
يا عبد اللطيف عثمان غنى لينا عشان خاطرنا خلى عيونك الحلوين بمصاحبة ناسى عجاج كما لم يغنها من قبل
تخريمة
عصام جبر الله بيطلب بالحاح اغنية من الفحيل قلتا ليهو يا عصام الزول دا ما سامعك
رد عصام
والله العظيم سامع لكن هو بس لمن يلقى البنات السمحات بيعمل اضانو تقيلة
| |
|
|
|
|
|
|
Re: بعاما بصحبة الفحيل (Re: mohmmed said ahmed)
|
سلام يا محمد وتحية عبرك لود حلتنا الجميل عثمان الفحيل. ولو سمعت عمر بتدي ربك العجب! أسرة مسكونة بالإبداع حتى النخاع! كنا نتفرج على عثمان من نافذة ديوانهم وهو يعزف الاكورديون. وكان من حسن الحظ ان اقف كعازف للبيز بجوار خالد الفحيل الرجل ذو الانامل الذهبية الرهيبة! وبمناسبة البعام، زي ما قلت في نوع منهم بيكون عندو درجة تذوق عالية وقبل ما الحفلة تبدأ بيقوم يراجع التوصيلات و مرات يقول ليك:" بالمناسبة صوت البيز عالي". شكرا لإرجاعنا للزمن الجميل، حاجاتنا كلها بقت ورا!
Quote: بعام مع ود الجبل ولا فنان في مركز |
اوسكار يا ياسر!!
محبتي
| |
|
|
|
|
|
|
Re: بعاما بصحبة الفحيل (Re: الفاتح ميرغني)
|
محمد سيد احمد البعام لووووووووووووول ياخ انا بقرأ و ميت بالضحك تصدق هسي البعامات ديل بقو هم العاملين فيها فنانين .
انا بحكم اصاحبي برضو كلهم شباب معهد الموسيقى و غالبيتهم ناس صوت و عازفين فبيشتغلوا مع بعض و دأئماً بمشي معاهم ( بعام راكز و واثق من نفسو و حافظ الغناء قديم علي جديد ) بس مرة مشى معانا واحد اخونا ( دون ذكر اسمه لانو قااااعد هنا ) و كان الشباب البيغنوا اكتر من تلاته اها زولنا البعام دا اصر يغني ( وحياة الله جد) ادوهو المايك و طوالي بدا يغني ( يامغرور ما دي الحقيقة) - بتاعة اللحو- الغريبة بداها بامتياز و ناس الحفلة قامو يبشروا و يرقصو زولك دخلتو الرجفة و الكلام طار ليهو الاغنية كلها ماسك في يامغرور مادي الحقيقة لما العازفين قفلو الاغنية .
| |
|
|
|
|
|
|
Re: بعاما بصحبة الفحيل (Re: mohmmed said ahmed)
|
تحياتي محمد سيد احمد موضوع غاية في الإمتاع ومفيد انا اول مرة اسمع بالمصطلح دا ومنكم نستفيد سمعت بعبارة بعامي يطلقها اهلنا في الريف الشمالي على الحيوانات من الماعز والضأن عندما لا تكون لديها قرون أعلى الراس التحية لك وللمتداخلين
| |
|
|
|
|
|
|
Re: بعاما بصحبة الفحيل (Re: سيف ود الخواجة)
|
حباب ود الخواجة بالفعل بعامي يطلقه بعض اهل الشمال للبهايم المن غير قرون لكن ( بعام) هنا تقال للزول الطيارة البيكتل الحفلة من غير دعوة او يجي طيارة مع الفنان او العازفين او بتاع الساوند كما ورد ذكره. طبعاً الفنانين و العازفين و مجتمع الفنانين ديل عندهم مصطلحات عجيبة شديد و بتاعين الساوند هم ملوك المصطلحات بالله العظيم بيفكوا مصطلحات في الفنانين و العازفين و في الغنايات تكتل بالضحك . الغريبة لما تسرح مع مصطلحاتهم دي بتلاقها لافقه لفقه غريبة مع الشخصية الاطلقوها عليها لوووووووووول
يا فردة شكلي ح استمر في البوست دا
| |
|
|
|
|
|
|
Re: بعاما بصحبة الفحيل (Re: سفيان بشير نابرى)
|
العزيز محمد تحياتي ليك ولجميع البعام،،،
طبعاً كلمة بعام تعني في الأصل القرد الشمبانزي... وإستخدمها أهل الفن والمغنى عندنا لتطلق لذلك الشخص الذي ينافس الفنانين والفرقة الموسيقية في عشا الفنانين.
وعشا الفنانين في الأعراس والمناسبات السعيدة من أهم طقوس الحفلات ويأتي دائماً بعد الفاصل الأول.. لا قبله ولا بعده. هناك من يتمنع عن العزف أو الغناء في حالة التأخير أو قلة الأكل.. أو من كثرة البعام في صينية الفنان!
وكتيرون ينتظرون عشا الفنانين ليس لجوع، ولكن لحبهم للفنان والتشرف بالأكل معه.
وفي العادة يتندر الفنانين بأفعال النعام وإنتظارهم لهم في الأعراس... وبعضهم يحاول التهرب منهم بالإستخباء في صوالين جيران العرس... وإن كانت أثبتت فشلها كثيراً،
وجود البعام في الحفلات حيوي ومهم في أحيان كثيرة... ولكنه لا يسبب ضيقاً للفنانين ويتعاملون معه على أنه محاولات من معجبين للتقرب منهم... بل ويصغون لرأيهم بعناية. أكثر المحبين للبعام كان الراحل زيدان.. وأكثر من تطرف بهم كان الراحل أبو داؤود!
عموماً هي ظاهرة لها ما لها وعليها ما عليها.. وستبقى ببقاء فن الحفلات!
مع كامل الود...
| |
|
|
|
|
|
|
Re: بعاما بصحبة الفحيل (Re: Mohamed Yassin Khalifa)
|
لا يخفى عليك القارى الكريم وانت الفهيم
بانى لست بعاما اصيلا
ولكنها ضرورة كبهارات للحكى او حيلة الكاتب حتى تكتسب الشخصيات واقعيتها والاحداث مصداقيتها
فى بالى شخصيات واقعية تصلح نموذجا للبعام ولها من النودار والطرائف بس متردد فى الكتابة غايتو نشوف
| |
|
|
|
|
|
|
Re: بعاما بصحبة الفحيل (Re: اخلاص عبدالرحمن المشرف)
|
تحياتي محمد سيد احمد
طبعا زمان كان البارتي (بارطي) والاستريوهات النظيفة عند ناس محددين وكمان شرائط الحفلة بتاعة الهجيج أصحابها معروفين عشان كدا ديل ناس مهمين ،اها اي زول بمشي لو عندو حفلة بارتي لازم صاحب الاستريو يرسل مع المسجل اخوهو الصغير وطبعا دا لازم سيد الحفلة يهتم بيه شديد ويخت ليهو كرسي جنب الاستريو وبرضوا عندو مهمة انو اي شريط مانظيف مابشغلوا عشان الهيد وكدا وبعام كلاموا مسموع . تحياتي ليكم وسيد البوست !!
| |
|
|
|
|
|
|
|