|
|
 الفول أكل المقفول
|
06:14 AM Apr, 22 2015
سودانيز اون لاين
عبدالحفيظ ابوسن-كوستي / حي الشاطئ
مكتبتى فى سودانيزاونلاين
|
ﺍﻟﺨﺮﻃﻮﻡ : ﻧﻔﺬﺕ ﺳﻠﻄﺎﺕ ﻭﻻﻳﺔ ﺍﻟﺨﺮﻃﻮﻡ، ﺃﻣﺲ ﺍﻹﺛﻨﻴﻦ،
ﻋﻤﻠﻴﺎﺕ ﺩﻫﻢ ﻭﺍﺳﻌﺔ ﻋﻠﻰ ﺑﻘﺎﻻﺕ ﻭﺳﻂ ﺍﻟﻌﺎﺻﻤﺔ- ﺗﻘﺪﻡ
ﺍﻟﻮﺟﺒﺔ ﺍﻟﺸﻌﺒﻴﺔ ﺍﻷﻛﺜﺮ ﺍﻧﺘﺸﺎﺭﺍً ﺑﻴﻦ ﺍﻟﺴﻮﺩﺍﻧﻴﻴﻦ
"ﺍﻟﻔﻮﻝ -" ، ﻭﻋﻤﺪﺕ ﺍﻟﺴﻠﻄﺎﺕ ﺇﻟﻰ ﻣﺼﺎﺩﺭﺓ ﺍﻷﺩﻭﺍﺕ
ﺍﻟﻤﺴﺘﺨﺪﻣﺔ ﻓﻲ ﻃﻬﻴﻬﺎ؛ ﺑﺤﺠﺔ ﻋﺪﻡ ﺍﻟﺤﺼﻮﻝ ﻋﻠﻰ
ﺗﺼﺎﺩﻳﻖ ﻟﺒﻴﻊ "ﺍﻟﻔﻮﻝ " ﻓﻲ ﺍﻟﻤﺤﻼﺕ ﺍﻟﺘﺠﺎﺭﻳﺔ .
ﻭﺃﺻﺪﺭﺕ ﻣﺤﻠﻴﺔ ﺍﻟﺨﺮﻃﻮﻡ ﻧﻬﺎﻳﺔ ﺍﻟﺸﻬﺮ ﺍﻟﻤﺎﺿﻲ ﻗﺮﺍﺭﺍً
ﺑﺤﻈﺮ ﺑﻴﻊ "ﺍﻟﻔﻮﻝ " ﻓﻲ ﺍﻟﺒﻘﺎﻻﺕ ﺍﻟﻤﻮﺟﻮﺩﺓ ﻭﺳﻂ
ﺍﻟﻌﺎﺻﻤﺔ ﺍﻟﺨﺮﻃﻮﻡ، ﻭﺃﺧﻄﺮﺕ ﺑﻪ ﺃﺻﺤﺎﺏ ﺍﻟﻤﺤﻼﺕ
ﺷﻔﺎﻫﺔ، ﻭﻓﺮﺿﺖ ﻋﻠﻴﻬﻢ ﻣﻌﺎﻳﻴﺮ ﻣﺸﺪﺩﺓ ﻟﺒﻴﻊ ﺍﻟﻔﻮﻝ ﺗﺘﻤﺜﻞ
ﻓﻲ ﺗﺨﺼﻴﺺ ﻣﻜﺎﻥ ﻟﺘﻨﺎﻭﻝ ﺍﻟﻮﺟﺒﺔ، ﻭﺗﺼﺪﻳﻖ ﻣﻦ
ﺍﻟﺴﻠﻄﺎﺕ ﺍﻟﺼﺤﻴﺔ ﺑﺬﻟﻚ .
ﻭﻳﻌﺘﻤﺪ ﻣﻌﻈﻢ ﻋﻤﺎﻝ ﻭﻣﻮﻇﻔﻲ ﻭﻻﻳﺔ ﺍﻟﺨﺮﻃﻮﻡ ﻋﻠﻰ
ﺷﺮﺍﺀ ﺍﻟﻔﻮﻝ ﻣﻦ ﺃﺻﺤﺎﺏ ﺍﻟﺒﻘﺎﻻﺕ ﻟﺘﻨﺎﻭﻝ ﻭﺟﺒﺔ ﺍﻹﻓﻄﺎﺭ،
ﻻﺭﺗﻔﺎﻉ ﺳﻌﺮﻩ ﻓﻲ ﺍﻟﻜﺎﻓﻴﺘﺮﻳﺎﺕ ﻭﺍﻟﻤﻄﺎﻋﻢ ﺍﻟﻤﻮﺟﻮﺩﺓ ﻓﻲ
ﻭﺳﻂ ﺍﻟﺨﺮﻃﻮﻡ ﺇﺫ ﻳﺘﺮﺍﻭﺡ ﺳﻌﺮ ﻭﺟﺒﺔ ﺍﻟﻔﻮﻝ ﺑﻴﻦ 8 ﺇﻟﻰ
10 ﺟﻨﻴﻬﺎﺕ ﻓﻲ ﻏﺎﻟﺒﻴﺔ ﺍﻟﻤﻄﺎﻋﻢ، ﻭﻗﺎﻝ ﻋﺪﺩ ﻣﻦ ﺃﺻﺤﺎﺏ
ﺍﻟﺒﻘﺎﻻﺕ - ﻓﻀﻠﻮﺍ ﺣﺠﺐ ﺍﺳﻤﻬﻢ ﻓﻲ ﺗﺼﺮﻳﺢ ﻣﻘﺘﻀﺐ :
" ﺇﻥ ﻣﻮﻇﻔﻲ ﺍﻟﻤﺤﻠﻴﺔ ﺃﺑﻠﻐﻮﻫﻢ ﺑﻘﺮﺍﺭ ﺣﻈﺮ ﺑﻴﻊ ﺍﻟﻔﻮﻝ
ﻧﻬﺎﻳﺔ ﺷﻬﺮ ﻣﺎﺭﺱ ﺷﻔﺎﻫﺔ ﺩﻭﻥ ﺃﻥ ﻳﺒﺮﺯﻭﺍ ﻟﻬﻢ ﻧﺺ
ﺍﻟﻘﺮﺍﺭ " ، ﻭﺃﺷﺎﺭﻭﺍ ﺇﻟﻰ ﺃﻥ ﺍﻟﻤﺤﻠﻴﺔ ﺗﻔﺮﺽ ﻋﻠﻴﻬﻢ ﻏﺮﺍﻣﺔ
ﻣﺎﻟﻴﺔ ﺗﺘﺮﺍﻭﺡ ﺑﻴﻦ 200 ﺇﻟﻰ 500 ﺟﻨﻴﻪ ﺇﺫﺍ ﺫﻫﺒﻮﺍ
ﻻﺳﺘﺮﺩﺍﺩ ﺃﺩﻭﺍﺗﻬﻢ ﺍﻟﺘﻲ ﺗﺼﺎﺩﺭﻫﺎ، ﻭﺃﺷﺎﺭ- ﺃﺻﺤﺎﺏ
ﺑﻘﺎﻻﺕ- ﺇﻟﻰ ﺃﻥ ﺍﻟﻤﺤﻠﻴﺔ ﺗﺸﺘﺮﻁ ﺍﻟﺤﺼﻮﻝ ﻋﻠﻰ ﺭﺧﺼﺔ
ﺗﺠﺎﺭﻳﺔ ﺧﺎﺻﺔ ﻟﻠﻌﻤﻞ ﻓﻲ ﺑﻴﻊ ﺍﻷﻃﻌﻤﺔ ﻭﺗﺨﺼﻴﺺ ﻣﻜﺎﻥ
ﻣﻄﺎﺑﻖ ﻟﻠﻤﻮﺍﺻﻔﺎﺕ ﺍﻟﺼﺤﻴﺔ ﻣﻠﺤﻖ ﺑﻜﺮﺍﺳﻲ ﻭﻃﺎﻭﻻﺕ
ﻣﺨﺼﺼﺔ ﻟﺘﻨﺎﻭﻝ ﻭﺟﺒﺔ ﺍﻟﻔﻮﻝ .
ﺍﻟﺘﻴﺎﺭ
|
|
 
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
شاهدت بأم عيني في إجازة لي للخرطوم أيام عيد الأضحى الفات دا - منظر عن قدرة الفول في بلدي - القدرة فوق ومغتية بشوالات خيشة قديمة محروقة ومكبوسة بيها غطاية القدرة.. ليه بس كدة - الباكتيريا دي ما منكن تخش في الفول دا وتمرض الخلق دي؟ مشهد آخر كان يتكرر بس كنتا بقول ربنا كريم وحافظ : في الحلة - صاحب القدرة عندو كمشة خاتيها مع القدرة في عريشة مكشوفة يسار الدكان - بعد يغرف لزبائنو بيخت الكمشة في طاولة عيش قديمة من سنة حفرو البحر - بيركن الكمشة فوقا كدا وهي مكشوفة - شكل الكمشة ما اتنضفت من سنة يمكن.. كلمتو لكنه لم يبالي ولا هبب لكلامي وبرضو كنتا بمشي بجيب الفول .. القدرتا عليهو اني لمن أمشي اجيب الفول كنتا بشيلو في جك وبعدم أي فول تجيبو الوالدة في كيس نايلون .. ياخي لازم تكون في رقابة في بلدنا.. النظافة صفر في بلدنا محل ما تقبل.. ربنا بس يحمي الناس.. مشهد أخير : يحكي لي ابن عمة قال لي مشيت أجيب فول للبيت - هو ساكن في حي كويس ... - قال مشيت لقيت ليك صاحب البقالة مغطي قدرة الفول بأكياس بلاستيك سوداء لامن عاملة صفافير - قال لمن جا عشان يدي الفول فتح القدرة وطلع أكياس البلاستيك السودا لقاها محروقة وعاملة دخاخين - قال ليهو ياخي انتا كدة بتبيع في موت أحمر - كان رد صاحب البقالة والقدرة : ياخي الأكياس دي هي البتظبط الفول!! قال ليهو ياخي انتا كدة ظبطا الناس وراح دون شراء الفول.. هو المطاعم عندنا فيها قول لامن يجو يبيعو الفول في البقالات!!!! الطابونة العيش فيها كلو تراب ووسخ ب تحت.. البلد واضح انها ماشة ساي بلا أي رقابة.. واولادنا وناسنا يجو يمرضو.. الله يرحم كل من مات نتيجة إهمال زي دا.. ربنا يحفظ الباقين..
| |
|
|
|
|
|
|
|
|
|
Re: الفول أكل المقفول (Re: مجاهد محمد الهادي)
|
صديقي ذو الاسماء الكثيرة واللاعب الحريف سابقا والاسكافي حاليا . الشاب ابن المدينة
عادل ابوحراب او عادل اتو او الخال او عادل جاد السيد
يعتقد في الفطور كأهم وجبة في اليوم
مقرش بفطر فطور محترم ويكمل فيهو آخر قرش في جيبو . مفلس بضرب الفول .. ولها قولان متناقضان في الفول حين ميسرة وحين عسر
الفول يربي العقول
الفول اكل المقفول
وعن الفول في كناتين الحلة نحكي
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
مرحبا مجاهد
وحبابك
ما رأيته اكيد غير مقبول ولكنه ليس بهذا العموم لمنع البقالات من بيع الفول . البقالات تقدم خدمة سهلة ورخيصة للمواطنين .
طلب الفول في كوستي سادة ب 7 دة دون بيض او طعمية او جبنة . طلب واحد لي نفر واحد . لكن في الحلة ممكن تشتري من البقالة فول سادة ساي ب 5 ج ويكفي فطور البيت كلو
يستفيد بتاع البقالة وسكان الحي
يكون هذا القرار مقبولا لو كانت المحليات مهتمة بمكافحة الذباب والباعوض والحشرات الموسمية من الجندب الذي يؤدي للوفاة احيانا
لو كانت مهتمة بتنظيف الاحياء من الاوساخ وتسهيل مرور مياه الغسيل
لو
لو
القرار بهذا الشكل لا يخدم سوي
المحلية في جباية الغرامات
اصحاب المحال الكبيرة
| |
|
|
|
|
|
|
|
|
|
Re: الفول أكل المقفول (Re: محمد جمعه الخير)
|
سلام ود ابوسن
مداخلتك الرئيسية تظهر عندي مليانة مربعات وربما عند آخرين
ارجو إعادة نشرها لأهمية الموضوع، وهل هناك أهم منه ؟
تعرف عندنا هنا في العمل كافتيريا يؤمها العشرات (نحو مائة يوميا فطور وغداء) من جنسيات من مختلف أنحاء العالم
تصدق شيئا فشيئا أصبح الطبق الرئيسي عندهم هو الفول !
مع ملاحظة إنو ثلاثة أرباع الحضور يتغيرون أسبوعيا بسبب أن الموقع يضم مركزا للتدريب تتغير كورساته باستمرار
ويقصده العشرات ممن يعملون في مجال الإعلام والفنون
ثم انت وين الأيام الفاتت دي، شكلك مقاطع
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
مرحبا معاوية
بكري دة قنع مننا عديل كدة ياخ
شوف يامعاوية الفول دة عذاء شعبي لكل الناس .. ومفروض السلطة .. السلطة التي تهتم لامر شعبها ان تدعمه لا ان تضيق عليهم في الحصول عليه
وكل انبت الزمان قناة واجتهد المواطن في نزعها غرست له السلطة قناة جديدة بسنانها
وعن الفول في الاحياء الشعبية سأحكي
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
ود ابو سن حياك الله
القرار له ابعاد سليبة عجيبة
منع البقالات من بيع الفول وسط الأحياء يجبر المواطن للبحث عن بديل
وهو المطاعم التي تبعد من الاحياء مما يضطر المواطن للمواصلات عشان فول
حرمان صاحب البقالة من زيادة دخله مما يجبر كثير من اصحاب البقالات على ترك البقالة
للبحث عن مصدر رزق اخر والفول كان عامل ليهم سندة كويسة اهو بطلعوا منو حق القفة ولا حق الفطور ذاتو .
في تقديري علي جميع اصحاب البقالات عدم الالتزام بالقرار وعلى مواطني الاحياء حمايتهم
الناس ديل غير اتكاتفوا لوقف القرارات الجائرة ما عندهم طريقة
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
اول قرارات ما بعد الانتخابات وتعيين الوالي الجديد
قبلها منعوا بيع البندول والمبيدات للحشرات المنزلية في البقالات
داير حبتين بندول تركب تمشي السوق بي 3 ج وتجي راجع بي 3 وتشتري بندول بي نص ج
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
فوال تبوري بشارع الدويم .. والاساسي فيهو معاوية ابوالقاسم . شاب مهذب يجيد التعامل قليل الكلام . يحفظ دور وترتيب الواقفين غض النظر عن مكانتهم . والمحل مطل علي شارع الدويم . فول سخن ومجيهة ومكان لاكرام ضيفك ليلا
المكان نظيف ويقدم خدمات الغسيل والموية الباردة سفري او محلي
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
الكلس الخلوق ... ود ابو سن ..
الله يعلم مشتاقة ليكم زي العافية ..
قلت لي بدوا في محاربة الفول .. يا زول العدس مشي وين موش اولاد اعم هههههههههه .
بلاهي اكلتي المفضل برضو حاربوها ؟ غايتو الشكية لي قدر الفول الاقوي مننا ومنهم .
وبرضو مشتاقوون .
بت نفيسة .
| |
|
|
|
|
|
|
|
|
|
Re: الفول أكل المقفول (Re: مني بت نفيسة)
|
حباب بت نفيسة
حبابك يا خية
والفول في الاحياء وبقالات الحلة اكل الطلاب منذ ان كان التعليم مجانا ! ومنذ ان كان العيش متوفرا ويباع بنص العيشة وربع العيشة
يتفرجخ الطلاب واطة الله .. واشفت واحد فيهم يقوم بتصليح الفتة التي لا تكلف الا ثمن الرغيف ويسير من مالهم الزيد
عشرة عيشات وموية فول بي تلاتة جنية وموية جبنة مجانا وزيت بي اتنين جنية وكثيرا من الشطة والمحدقات يزدردون بها فقر الوجبة ويحولنها لوجبة شهية
اولئك الطلاب الذين لا يحصل بعضهم علي قروش فطوره فيحمل عنه اصحابه عبء افطاره في اريحية وبساطة
هذه هي دكاكين الاحياء
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
تحياتي ود أو سن
جاري صاحب البقالة (الفارغة) إلا من شوية أغراض ممكن تشحنها في رقشة ...
قال لي بحسرة لولا قدرة الفول لما استمر في هذه البقالة يوما .. فهي تدر عليه دخللا صباح مساء يصل ال 50 ج صافي ؟ تعينه على مصاريف بيته وأجرة المحل ... هذا مدخل
الثاني الأهم وعشرات السنين والحال كل يوم طين في طين - الأسر المجاورة لتلك البقالات لهم لغتهم ورغبتهم بما يتناسب مع ما تيسر من (فكة) مع صاحب البقالة في الظفر بكمشة فول مع مويه مع كم رغيفة لزوم فك الريق لأطفال وشيوخ أصابهم من المرض والهزال ما لا عين رأت وأذن سمعت - فول ب جنيه - موية مصلحة - بالله في بنى آدم ممكن أن يعيش كغيره بهذه الوصفة ؟
ثالث الأسافي= الجبايات والتفنن من منسوبي الحزب الشيطان في (توسيع) مواعين الجبايات من ستات شاي - خمور - أغذية - باعة متجولين - ألخ لم يتركوا للرزق الحللال بابا - شوف حجم الغرامات المفروضة من الولاية على أصحاب هذه ( القدور) ؟؟؟ للأسف من يستطيع أن يدفع لن يجد ضمانا وتعهدا من الولاية بعدم تكرار الكشة والمصادرة
هم لم يتركوا للدهشة طريقا
الشفيع ابراهيم
| |
|
|
|
|
|
|
|
|
|
Re: الفول أكل المقفول (Re: Alshafea Ibrahim)
|
قرار سليم ميه ميه ولو انو جا متاخر كتير
بيع الفول في البقالات منظر غير حضاري نهائي
البقاله بقاله والمطعم مطعم
قدرة مرميه قدام البقاله والكمشه متكيه
في القدره والغنم بالدور يجن و يلحسن في الكمشه وخشم القدره
ومن اجل عاصمه حضاريه ستكون هنالك بوفيهات منتشره
في الدواخل و الاحياء لبيع الساندوتشات الخفيفه ومن ضمنها الفول
علي ان تكون القدرة داخل البوفيه
| |
|
|
|
|
|
|
|
|
|
Re: الفول أكل المقفول (Re: شمس الدين ساتى)
|
مرحبا عمر عثمان
وحبابك
بلاشك هو قرار جيد فقط !! إذا كانت الدولة
مهتمة بصحة المواطن من خلال اهتمامها بصحة البيئة .. فنظفت الشوارع وكافحت الباعوض والذباب والحشرات وفتحت مجاري الامطار . وازالت الاوساخ
ووفرت الحياة الكريمة المتيسرة للمواطن ولم تعيقه بالجبايات والرسوم الجزافية والرسوم المزاجية
ووفرت له العلاج
ووفرت له الغاز والمواصلات السهلة النظيفة وبأسعار تناسب مستوي الدخل له
واصلحت الخدمة المدنية
او
بمعني اشمل لو تحولت الدولة لدولة مدنية يضبطها القانون الذي يسري علي الجميع .
لو كانت الدولة تهتم بترقية المواطن وليس اعضاء الحزب الحاكم
لو
لو
لو
لكنا عضدنا قرارها والذي بالضرورة لن يكون هنالك مبررا له فلا حوجة لأن الوضع سيشبه الدولة المدنية المتحضرة
اخيرا لم اشاهد قط غنماية تلحس قدرة فول .. حليل زمن الغنم البربوهم في البيوت . الناس تاكل ولا تأكل الغنم
خالص الود والتقدير
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
Quote:
حتى لو قالو ن حبس الهوا من الناس ونبيعو في أكياس حتقولوا قرار سليم مية المية
--------
منو العاوز يبيع الهوا في اكياس ياشمس الدين
اكيد حتقولي الكيزان
ياخوي الكيزان كان حينضفو البلد ويخلو لينا العاصمه
تشبه عواصم الخلق فحياهم الله
لماذا كلما يقوم به رجالات هذه الحكومه يدرج تحت مسمي
كيزان وهاك يالت وهاك ياعجن
وتماشيا مع الثوره القايمه اليومين دي في تجميل الخرطوم
يشارك فيها الشيب والشباب والنساء والاطفال يشيلو اليشيلوهو
خلو الناس تشتغل وتنضف البلد ففي القريب العاجل سنشاهد
عاصمه تشرح القلب نباهي ونتباهي بها و بمجهودات نمر والخضر
لما تعاين لموديلات السيارات الحايمه في الشوارع والاسفلت
النضيف والمخطط وحتي الناس ولبسها في الشوارع تحس انو البلد فيها حراك وماشيه لي قدام
والاعلام وشبابنا في قسم الدراما مامقصرين |
| |
|
|
|
|
|
|
|
|
|
Re: الفول أكل المقفول (Re: عمر عثمان عبد الوهاب)
|
مرحبا الشفيع
وحبابك
لقد صدق
الفول مربح جدا . ومع غلاء الغاز والزيت والفول ذات نفسو .. بقي اقل ربحا فما محتاج لكارثة جديدة بتاعت جبايا . الجبايات الخلت المزراعين يحجمو عنو وجانا الفول الحبشي والانجليزي .. فول يجي من انجلترا ويكون ارخص من فولنا !! فالجبايات قصمت ظهر فول الجزاير والعقبات وسليم .
قدرة الفول بقت الفطور الرسمي للطلاب وربات المنازل
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
انا بتكلم عن التأييد المطلق لكل قرار عشوائى يصدر من ناس ابوجهل
وانتو تشيلو وتصفقوا ... هسا الفول دا من شفنا الدنيا دى ياهو قدام الدكان
والكمشة معلقة جمبو ..ما سمعنا زول إشتكى ولا واحد جاهو سرطان
أها شن قولك بعد الوالى قال ما أصدرنا قرار بمنع الفول في الدكاكين
طبعا جتقول كلامو سليم ويجب مراعاة الفقراء والمساكين ووووو ونؤيد عدم منع الفول في الدكاكين
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
من النفاج
تشكروا
العلي علي
الباكتيريا دي ما منكن تخش في الفول دا وتمرض الخلق دي؟
يا مجاهد عبدالهادي البكتريا ما بتجي جنب الفول نحنا بنكون شايلنها بيدنا ونختها في الفول .
23 أبريل في 03:50 صباحاً
بابكر دفع الله
دكان جوار سينما حلفايا يدنكل فول ابن كلب خالص
متعة الاجازه وانت بتضرب فول كارب وقاعد في صندوق بيبسي مقلوب
22 أبريل في 08:50 صباحاً
| |
|
|
|
|
|
|
|
|
|
Re: الفول أكل المقفول (Re: عبدالحفيظ ابوسن)
|
معروف ان الفول هو الطبق الرئيسي في السودان ومفروض حكومة الظلم دي تشجع الناس البيبيعوا الفول
يصادروا ادواتهم... يعني دائما عاوزين يزيدوا معاناة الناس الغلابة..
وبعدين يا ود ابوسن..
دايرين منك تساعد اطفال كوستي وتشن حملة في الناس الخيرين من اعضاء المنبر العام عشان
تحشد الموارد المالية لشراء اجهزة فحص السكري للأطفال وكمان ناس السعودية ممكن يشتروا الأجهزة
دي ويرسلوها للسودان .. ومعلومات جهة الاتصال مكتوبة في بوست منفصل كتبناه باسمك..
لكني متأكدة انك ما لاحظت هذا البوست.. لأنك رجل هميم بناس كوستي.. وخاصة المرة دي هم الأطفال
ودمت بالف خير وصحة وعافية
بسمات الشيخ عبد الرحيم
| |
|
|
|
|
|
|
|
|
|
Re: الفول أكل المقفول (Re: اميرة السيد)
|
مشهد أخير : يحكي لي ابن عمة قال لي مشيت أجيب فول للبيت - هو ساكن في حي كويس ... - قال مشيت لقيت ليك صاحب البقالة مغطي قدرة الفول بأكياس بلاستيك سوداء لامن عاملة صفافير -
قال لمن جا عشان يدي الفول فتح القدرة وطلع أكياس البلاستيك السودا لقاها محروقة وعاملة دخاخين - قال ليهو ياخي انتا كدة بتبيع في موت أحمر - كان رد صاحب البقالة والقدرة : ياخي الأكياس دي هي البتظبط الفول!! قال ليهو ياخي
انتا كدة ظبطا الناس وراح دون شراء الفول.. هو المطاعم عندنا فيها قول لامن يجو يبيعو الفول في البقالات!!!! الطابونة العيش فيها كلو تراب ووسخ ب تحت..
البلد واضح انها ماشة ساي بلا أي رقابة.. واولادنا وناسنا يجو يمرضو.. الله يرحم كل من مات نتيجة إهمال زي دا.. ربنا يحفظ الباقين..
..................,,,,,,,,,,,,,,,,,,,,,,,,,,,,,,,,,,,,,,,,,,.......................................
يا مجاهد
احتمال يكون ابن عمتك من الناس البينفذوا الكشات على محلات بيع الفول ويصادروا العدة .. وعشان كده يكون ألف ليك الحكاية دي وانو لقي اكياس البلاستيك
داخل قدرة الفول.. عشان يبرر الكشات وظلم الناس المساكين.. وطيب اذا هو فعلا لقى الاكياس في قدرة الفول ليه ما صور المنظر ده بتلفونه وبلغ السلطات الصحية..
وطبعا مستحيل نصدق انو سوداني يعمل كده ويعرض صحة الناس للخطر وإلا كان يستاهل السجن مدى الحياة...
ودمت بالف صحة وعافية
بسمات
| |
|
|
|
|
|
|
| |
عبدالحفيظ ابوسن
مجاهد محمد الهادي
محمد جمعه الخير
معاوية الزبير
شمس الدين ساتى
فيس بوك
تويتر
انستقرام
يوتيوب
بنتيريست