|
رأيكم شنو يا شباب نعمل مكتبة سودانيز أون لاين للكتب المستعملة في الخرطوم
|
06:02 PM Mar, 23 2015 سودانيز اون لاين النذير حجازي-بلاد الله الواسعة دي، كل شهر في بلد مكتبتى فى سودانيزاونلاين
سلام يا شباب، الفكرة مسروقة من صديقي الباشمهندس عبد الله عز الدين، والفكرة بسيطة جداً وهي هذا الموقع يعج بالمثقفين والمتعلمين وكل واحد مننا عندو كتب ثقافية أو كتب علمية إنتهى من قراءتها وممكن الناس تتبرع بيها لشباب من بورداب الخرطوم وأقترح ناذر الخليفة والناس ترسل ليهو الكتب القديمة لفتح مكتبة عامة باسم بورداب سودانيز أون لاين ومنها نسهم بنشر الثقافة في أرجاء العاصمة القومية للذين لا يمتلكون حق شراء الكتب وما دام الموضوع كله خيري ممكن الناس تبحث عن خيريين للتبرع بمكان لمكتبة سودانيز أون لاين العامة، ما رأيكم دام فضلكم، بالمناسبة أنا قبل كدا إتبرعت لصديق بتقريباً ألف كتاب من مكتبتي عندما إنتقلتُ من المملكة العربية السعودية إلى الإمارات، شوفوا كمية الكتب ح تكون قدر شنو، وخصوصاً الكتب العلمية من أمريكا وبريطانيا والكتب النادرة تساعد الطلاب في التحصيل العلمي، مارأيكم دام فضلكم
|
|
|
|
|
|
|
|
Re: رأيكم شنو يا شباب نعمل مكتبة سودانيز أون ل (Re: النذير حجازي)
|
وصلتني عبر الإيميل من القارىء بكري موسى
Quote: السلام عليكم .. انا من قراء سودانيز من سنين عددا .. بخصوص المكتبة ، السودان عدمان المكتبات ومفروض نخلي اي شئ ونهتم بتكوين مكتبات ودعم وتطوير الموجودة حاليا" زي مكتبة البشير الريح مثلا" بقت شبه ميته .. نحن بالداخل ما قادرين نعمل حاجة مع ضغوط الحياة هنا واهتماماتنا بالقراءة بقت صفر وما بتذكر اشتريت كتاب متين .. مفروص نهتم بموضوع المكتبات ده وورونا اقتراحاتكم ونحن جاهزين بالمساعدة بأي شئ .. بكري محمد موسى |
| |
|
|
|
|
|
|
|