المنافق ده منو يا ناس السعودية الوصف اسعد التاي بالشاذ ؟ ( صورة + فيديو )

Quote: الزول ده جادي ....... قال وليس هناك كبير علي القانون ...... غايتو ضحكني لما دموعي سالو

Quote: ده جاي من ياتو غابة والاّ ياتو جبل؟ أو يكون قايلنا نحن جايين من هناك. ________________ أنا غايتو حوّصت بي المرجيحة الكان راكبها ومركب معاهو الكاميرا

Quote: الزول ده واقع من وين؟ أنا شخصيا زرت سفارتنا في الرياض والقنصلية في جدة وحقيقة أسوء سفارة وقنصلية تمر بي في حياتي من كل النواحي وأنا شخصيا دخلت في مشكلة وشاهدت أكثر من مشكلة في داخل السفارة نتيجة للتعامل السيئ من أفراد الطاقم الدبلوماسي, وفعلا لو ما عندك واسطة أمورك ما بتمشي كويس. يا صلاح جادات, الزول ده هو الشاذ, قول ليهو الحكومة السودانية أرسلت وفد للتحقيق, طبعا القنصلية جرت نفسها في مشكلة بإتصالها بالشرطة السعودية المتخصصة في ترحيل الأجانب, الضابط قال ليهو ما بقدر يرحل أسعد التاي لأنه لم يرتكب شيئ يستحق الترحيل وطبعا الحكومة السعودية ما بتمرر مثل هذه الحاجات بي أخوي أخوي, بتعاملوا مع هذه الأمور بجدية, وهسي عصروا الجماعة لمن رسلوا وفد للتحقيق.

Quote: عالم دين سوداني يفتي بجواز استخدام "دخان الطلح" و "الحناء" للرجال عالم دين سوداني يفتي بجواز استخدام حذر من استخدامهما لفعل قوم لوط 01-23-2014 01:01 السودانية ـ خاص ( الدمام ) أفتى أحد علماء الدين السودانيين بجواز استخدام "دخان الطلح " للرجال لما فيه من فائدة للجسم ونوه الشيخ حسب الرسول ابوكساوي بجواز استخدام الرجل للدخان اذا كان لزوجته لكنه حذر من استخدامه لممارسة عمل قوم لوط لان في ذلك تشبه بالنساء . وأفتى الشيخ ابوكساوي في حديث خاص مع صحيفة "السودانية" أيضا بجواز استخدام "الحناء " للرجال سواء في الأيدي أو الرجلين او الرأس مستدلاً باستخدام الرسول صلى الله عليه وسلم لها اذا اشتكى الما في رجليه .. ومعروف ان الدخان والحناء هي عادة سودانية تستخدمها النساء بعد الزواج باعتبارها تقليد سوداني راسخ . الجدير بالذكر ان الشيخ ابوكساوي هو امام وخطيب مسجد سجن الاحداث بمدينة الدمام شرق المملكة العربية السعودية وهو من اعيان ومشايخ منطقة الجزيرة بالسودان . يشار الى ان عدد من الصور انتشرت على مواقع التواصل الاجتماعي والواتساب تظهر عدد من الشباب يمارسون هذه العادة التي تعرف بانها حريمية وهو ما اثار ردود افعال متباينة في الشارع السوداني

Quote: الأخ صلاح جادات مع التحية والتقدير أولاً لك الشكر كونك قمت بتنزيل فيديو نفي الأخ أبوكساوي في مكان فيديو الاتهام ويا أخي العزيز تابعنا الفيديو الأول وحقيقة الأخ ابوكساوي لم يذكر اسم سعادة الباشمهندس أسعد أو مشكلته والآن في الفيديو الثاني يقر بأنه لم يقصد قضية ومشكلة الباشمهندس أسعد التاي بل قضية فيدو الدمام نرجو أخي الكريم صلاح (حذف) كلمة منافق من عنوان ومضمون البوست طالما أبوكساوي نفي علمه وعلاقته بقضية المهندس أسعد نحن كلنا مع الباشمهندس أسعد و .. مع اني لم أعرفه الا من خلال قضيته اليوم كنت معه عبر اتصال هاتفي وقبله عبر مواقع التواصل والشبكات فقط لنشد من أزره ونوضح له بأننا كمغتربين متضامنين معه ومع قضيته تماما

Quote: والله يا صلاح نفاق هذا الرجل لا يقاس به نفاق آخر فلا تعتذر ولا تغير عنوان البوست ويكفيه نفاقا ان قال : كل الناس أمام القانون سواسية !!!!!!!!!!!!!!!!؟ فإن لم يكن هذا نفاقا إذن كيف هو النفاق !!!!؟ شكرا ليك على هذا الجهد . أبو حمــــــــــــــــــــــــد

Quote: لعنة الله عليه ان يرمي بشر مثله بما ليس فيه دين شنو البخليهو يقذف في حق الاخرين المؤتمر الوطني لا يحتاج لكل هذا العناء عشان تتقرب منه او تماليه ايها الشيخ الجهلول نسأل الله السلامة من ده الحال مشكور صلاح على فضح هذا الرجل المسخرة