|
|
 الانقاذ دي ألذ حكومة
|
05:21 AM Feb, 26 2015
سودانيز أون لاين
عبدالحفيظ ابوسن - كوستي / حي الشاطئ
مكتبتي في سودانيزاونلاين
حصلت علي واحد انبوبة غاز طبخ ! آي اسمو كدة . ونحن الرجرجة دي بنقول غاز ساي .. حصلت علي انبوبة بعد ان استعنت بكل معارفي الذين لهم علاقة بالغاز .. والذين لا علاقة لهم بالغاز ويعرفون آخرين لهم علاقة بالغاز
مما يقارب الشهرين شكيت لطوب الارض .. واعلنت سخطي وصارت كل الحكومة عندي عبارة عن طلمبة غاز ..
تجمع سخطي من كل الجهات وتحول فقط ل انبوبة غاز طبخ ! اسمو كدة آي
ونسيت ليك اي مشاكل تانية . ديكتاتورية السلطة وفسادها .. وحكاوي عجايب الشمبلي في الجرايد .. وحتي البورد نسيتو ليك .. ومر فيني تعبير امير المؤمنين المبذول هنا دون النظر لمآلته .. ونسيت ليك تصريحات البشير حول انه ليس اخو مسلم والاخوان ديل اكعب حاجة
بي اختصار .. تحولت لي انبوبة غاز طبخ ! شرحو !
اها
كمواطن بسيط ساذج مغررا به .. ومغبش الوعي
لقيت الانبوبة بما يوازي 300% من سعرها المعلن والرسمي ودة بعد استنفاذ كل محصول معارفي الوساطية
بي الله
لامن استلمت الانبوبة فرحت فرح .. فرح شديد خلاس ..وحسيت ليك كل مشاكلي اتحلت .. رغم اني رفضت اخد علاج الملاريا ب 72 ج وقلت اعصر علي الاكل وحبة راحة والملاريا القاتلة بتروح
نسيت ليك الديكتاتورية والانتخابات والحكومة زاتا وتحولت لي شعلة من الفرح
ناس البيت زاتم فرحو معاي
|
|
 
|
|
|
|
|
|
|
|
Re: الانقاذ دي ألذ حكومة (Re: محمد الكامل عبد الحليم)
|
اها شوفو فرحتي دي بكم هسة
مش فرحتي بس .. فرحة كل الاسرة
ياخ الناس دي ابتهجت ابتهاج مبالغ فيهو
وانا زاتو عملت سيناريو ودبلجة واخراج للدخول الفاتح المنتصر ..تقول لي صلاح الدين الايوبي !!
اولا اخفيت معلومة حصولي علي الانبوبة المبروكة ! وامعانا في المأساة ضربت وقلت ليهم قالوا الغاز امكن بجي الاسبوع الجاي .. ولم تخف زوجتي استياءها مستعينة بي اغلاق الهاتف دون انذار
اها
دخلت وخزنت الانبوبة في الزقاق وقلت بي امتعاض
غداكم شنو
بامية طبيخ
سخني لينا الملاح انا جيعان
الملاح مسخن هسة طفيت نارو
سخني تاني البامية الباردة ما حلوة
حدجتني بنظرة ملتهبة تحاشيتها قبل ان تثقب قلبي ! وقامت علي الورق والفحم لاشعال نار غضبها .. وفت انا قمت
خميت ليك الانبوبة وهي منحية لاشعال الورق .. فت نطت تقول عضاها دبيب .. نظرت للانبوبة غير مصدقة حتي سالت دموعها .. فما عارف من دخان الورق ولا رؤية الانبوبة
وقربت تزغرد
ثم انهمر شلال الفرح داخل النار وشربنا شاي العصر كيتا في الفحم
اها الفرح دة بي كم
مش برضو سببو الحكومة
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
سلامات شيخنا ودأب سن
نبارك حصولكم على إنبوبة الغاز المبروكة .....
ولو كنت مكانك لما أشعلت منها ناراً ....
إنما كنت سوف أتركها مصدراً لإكرام وإدخال البهجة والسرور على ضيوفي ...
خيار أقدمه لهم .....
" تتعشوا معانا .. ولاّ أوريكم إنبوبة الغاز ؟؟ "
أو
" تشرب بارد .... ولاً تشوف إنبوبة الغاز ؟؟ "
أما عن ذلك الفرح الذي تحسه أنت الآن فقد أحسسته ذات إجازة...
عدت لأحدث صحبي هنا عن الخرطوم عاصمة ( الفرح ) الدائم ..... لمن يقدرهالخرطوم عاصمة ( الفرح ) الدائم ..... لمن يقدره .......... فما صدقني منهم يومها إلا قليل
ثم تحياتي وسلامات
| |
|
|
|
|
|
|
|
|
Re: الانقاذ دي ألذ حكومة (Re: عاطف عمر)
|
دقيقة بس ود الكامل
شوف يا عاطف دة بوست كتبتو شهر 8 سنة 2011 في منتدي كوستي سيتي
http://www.kosticity.net/forums/showthread.php?t=10549http://www.kosticity.net/forums/showthread.php?t=10549
كوستي مدينة للفرح
لامن قريت بوستك اتذكرتو نفس الفكرة
تسلم واللهhttp:// http://www.kosticity.net/forums/showthread.php?t=10549http:// http://www.kosticity.net/forums/showthread.php?t=10549
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
شكرا أخ عبد الحفيظ,
انت مفتكر الموضوع الحصل ليك دا صدفـة (تبقى راجل طيب يا عبـ حفيييييييييظ )
عزيزي كدا أنت تمام التمام وأهداف الاستراتيجية العشرية الـ ايه حضاريـــة ابليسيــة مية المية تحقق ونجحناااااااااااااااااااا (بتاعت افلام الكرتون اطفال .....)
طبعاً طبعاً دا الهدف الرئيسي اصلا انه المواطن يكون مشغول ومشغوف بشئ بسيط جداً انبوبة غاز طبخ مثلاً حاجات كدا في دول تانية (استكبارية) انقرضت من زمااااااااااااااااااان وأصبح غاز الطبخ وكمان (غاز التدفئة) لو ما عجبك ... بالشبكة زي الموية بالضبط (أقصد الموية بتاعتهم .. مش الموية بتاعنا المشروع حضارية )
طبعاً كدا تاني ما عندك فرصة تفكر في أي حاجة (علمانية) أو (حرياتية) أو غيره وسيبك من أي شئ غير الجرائد الصحافييها (من النوع إياه ..)
يلا حبيبنا مبروك انبوبة غاز ودقي يا مزيكا .... وعلى الانتخابات ... انتخابات .... وإيــــــــه (شعبان عبد الرحيم)
أحمد الشايقي
| |
|
|
|
|
|
|
|
|
 Re: الانقاذ دي ألذ حكومة (Re: أحمد الشايقي)
|
سلامات يا عبد الحفيظ
وضيوفك الكرام
يوميات أنبوبة غاز الطهي
طيب تاني في غاز شنو؟
يا زول البركة في الفرحة، وكأننا أكلنا معاكم ملاح البامية.. تخيل لما الواحد تكون أمنيتو أنو ياكل ملاح بامية في السودان!!
ياسر
| |
|
|
|
|
|
|
|
|
|
Re: الانقاذ دي ألذ حكومة (Re: Yasir Elsharif)
|
مرحبا ود الكامل
المنطق الغازي والانقاذي في زمان هوان الانسانية وعلو الغاز !
تلك الرائحة كما ألغز ! الكاتب صنع الله ابراهيم
اما ازالة الغاز فتتم كما قال المثل
البحميك من التوم قل أكلو !!؟
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
والله يا السودانيين انتو مفتريين
الباميه البارده مالها وكمان لو كانت بايته
لازم تسخينوها ؟ صحي شعب = منطر = وطبعو كعب
الحكومه دي تتقطع , صحي لا بتحمدو لا بتشكرو = زي نسوانكم واولادكم = اكثر من كده يسوو لكم شنو ؟ ده الرييس ذات نفسو سافر يجيب لكم الحاجات
ده خلا زراعتو واشغالو وفضل متلطع اكعب من لطعتك ال في الطلمبه
غايتو
استغفرتك يا مالك روحي
ود اب سن حمدلله علي الشوفه
| |
|
|
|
|
|
|
|
|
|
Re: الانقاذ دي ألذ حكومة (Re: اخلاص عبدالرحمن المشرف)
|
والله يا عبدالحفيظ انت كتّاب وربما تكون هناك حبكة أدبية في الموضوع
لكني مررت بنفس الحال ونفس التفاصيل
بس أنا ما مشيت وقفت في الصف ولا دفعت القروش ، أولادي هم من قام بهذا
وقد تناوبوا على الصف لثلاثة ايام
وما يزال بيتنا كله يحكي عن لحظة حصولنا على الغاز
وبرضنا نسينا اي حاجة تانية
شكلك كده تصنتّ علينا وكتبت عن حالتنا
سنفتج عليك بلاغا
| |
|
|
|
|
|
|
|
|
|
Re: الانقاذ دي ألذ حكومة (Re: ودقاسم)
|
تعرف يا الشايقي بقينا نظام
عينك فوقو وتركب فوقو
والحكومة لقت فينا ركوب الفزرة
زمااااان امي قالت لي وكنت راس هوس
لا تبقا تبقا راس يقطعوك ولا ضنب يوطوك
وكما قال عمنا المرحوم الصول الشهير بلة رقيق
ارقد طرف !
خاينة خايفة ترقد مسايفة و تاكل متعايفة
يعني ابقا من روح القطيع ! ومن البخاطبوهم وبقولو ليهم مواطني الثوار الاحرار
فبدون ما تعرف يا مواطني دي للتملك ولا ياء النداء المتأخرة ! ولا ياء الاستنكاح
ف
اها
قالوا الزول عندو كرو في ساقو .. والكرو بدور يحكو وشان كدة ما بيبري .. الزول الكرو قعد معاهو سنة .. ومشي للدكتور
قال ليهو
انت في جرح ساقك ولا قام ليك واحد في قلبك ..
الزول صاحي نايم يشاغل في سدرو محل القلب
ما تم شهر كرو الساق بري
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
مرحبا ياسر الشريف
بالاضافة لي غاز الطهي وغازات بشري الفاضل اكتشفت لنا الحكومة غازات اخري
غازات لامن تحتار بتجي مع الزنقات .. وهي غازات محلية
ياااا
زوجنا المصون بتطبخ بامية زي البامية .. اي بامياية بتكون قاعدة براها كقارة وسط محيطات المرقة .. طعم ولون
ولا تحلو لي البامية الا هكذا .. بدون وش ملاح كثيف
ممكن تاكلها بالملعقة وكذلك افعل رغم النقد
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
عبد الحفيظ يا أبوسن،
زمااان نميري إتفنن في شغل الناس في معايشهم ...... بعدين إبتكر موضوع (الرياضة الجماهيرية) ولقاها وبال عليهو لما بقى مافي مريخ ولا هلال ..... قام إتراجع عنها. رجع لي موضوع المعايش، خلى الناس يوم جاريين في الغاز، يوم في البنزين، يوم في الرغيف، لحدي ما الرغيف جاب أجلو.
دحين هسي الجماعة ديل حتى لو كان الغاز متوفر ما حيبهلوها للناس .... يعني هم عورا ليكم يخلو ليكم كل شئ متوفر عشان تتفرغوا لي الحريات وحقوق المواطنة والحاجات البتجيب ليهم وجع الراس دي؟
خليكم في همكم، كل ما الواحد أنجز ليهو أنبوبة غاز بعد (نضال) يمتد أسابيع، يجي يفرح ناس البيت ويمكن ناس الفريق كمان ويحس بي إنو صلاح الدين الأيوبي على قولتك.
مودتي
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
Quote: اها شوفو فرحتي دي بكم هسة
مش فرحتي بس .. فرحة كل الاسرة
ياخ الناس دي ابتهجت ابتهاج مبالغ فيهو |
دعاية مجانية لى ناس زعيط ومعيط نطاطين الحيط
يسجلوا ليك زيارة يخلوا خشمك ملح ملح .
مع التحية الأخ عبد الحفيظ
| |
|
|
|
|
|
|
|
|
|
Re: الانقاذ دي ألذ حكومة (Re: جمال خضر)
|
Quote: ولو كنت مكانك لما أشعلت منها ناراً ....
إنما كنت سوف أتركها مصدراً لإكرام وإدخال البهجة والسرور على ضيوفي ...
خيار أقدمه لهم .....
" تتعشوا معانا .. ولاّ أوريكم إنبوبة الغاز ؟؟ "
أو
" تشرب بارد .... ولاً تشوف إنبوبة الغاز ؟؟ "
|
>>>>>>>>>>>>>>>>>>>>><<<<<<<<<<<<<<>>>>>>>
ود ابوسن
شكرا ليك فقد ادخلت الفرحة في نفوسنا وازلت عنا هموم الغربة القساية..
والله انا ذاتي فرحت معاكم .. واتخيلت المدام وهي بتولع في الفحم والورق وفرحتها لمن شافت انبوبة الغاز..
وانا رأيي متفقة مع عاطف في رأيه الكاتبه فوق ده... عشان الفرحة تكون مستمرة على الأقل شهر شهرين.. وخلى المدام تصبر شوية وتستحمل
دخاخين الفحم والورق من اجل استدامة الفرحة... لأن الشعور بالفرح اصبح قليلا في بلد الإنقاذ...( معقولة يا جماعة امنيتنا في الدنيا تكون انبوبة غاز)
والله المستعان...
والله يديك الصحة والعافية
| |
|
|
|
|
|
|
|
|
|
Re: الانقاذ دي ألذ حكومة (Re: اميرة السيد)
|
تعرفي يا اخلاص مقدرين تعبو ومجازفاتو في السفر !
آي نحن كنا شحادين وما بنعرف الموبايل ولا الهوت دوق . ولا الفنكهة والفلهمة العميا وشيل البطارية في القمرة ..
لكن الانقاذ جات وورتنا جديد ما كان ع البال
وضقنا
ومن ضاق سعر
وسعرنا !
والعربي لامن يتفلهم بسوي ليهو جيب في الطاقية
ف
إمتنا يرجعونا محل ما كنا بنعرف الموبايل
يا
يوفروا لينا الرز
ليك وحشة ياخية والله
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
كتر خيرك ود قاسم
الانقاذ دي بقتنا حكاين وكتابين .آي والله صحي .. مغستنا جنس مغسة لو ما نضمنا بنطق تااااخ
هسة كم مرة سمعت بي المرحوم هسة شرب الشاي .. وقبل شوية كان بنضم معاي ولاقيتو قبيل في المواصلات
انت قايل الكتلم شنو ؟ ما طق فيهم عرق من المغسة والهجمة
ههههه
كلنا في الغاز همو !
مش تفرح حرم انت زاتك تقرب تزغرد الا تخاف يقولو الراجل جن وفقد المحنة
فدحين اياها
والخوازيق سودانية
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
=
| Quote: لامن استلمت الانبوبة فرحت فرح .. فرح شديد خلاس ..وحسيت ليك كل مشاكلي اتحلت |
جماعة "التوجه الحضاري" ( يا حفيظ) : يسرقون بترولك وغازك .. ثم يبيعونك منه أنبوبة بأضعاف ثمنها.. ثم يأمرونك أن تشكرهم على كرمهم.
الغريب أن بعض تنابلة السلطان ما يزالون يتحدثون عن (الرخاء).. وكنا سنصَّدقهم لو أنهم وضعوا حرف الراء بعد حرف الخاء، فهناك (رخاء) لا تخطئه العين وفَّرته "الأنقاذ" بامتداد أرض السودان.
| Quote: نظرت للانبوبة غير مصدقة حتي سالت دموعها |
أسلت دمعة من عين كل من يقرأ البوست بتصويرك لدمعة البامية التي تتقلب بانتظار غاز "الإنقاذ"، ثم انتزعت دمعة حارة وأنت تأخذنا لنرى تلك الدمعة التي غالبت لهيب الصبر ثم سالت فرحاً وهي تتكحل برؤية اسطوانة الغاز تُـزف كالعروس إلى داخل منزلكم بعد العناء و اللهاث و"الجهاد" و الملاريا وأوبئة "الدولة الرسالية".
بوست بنكهة "الدمعة" ويجعل من يقرأه (مرة يضحك ومرة يبكي).
تحياتي لكم والضيوف الأعزاء.
...
..
.
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
الاخ عبد الحفيظ أبوسن
اولا مبروك عليكم انبوبة الغاز وان شاء الله تكملوها بطبخ جميع انواع المأكولات الطيبات
الرجاء استعمال الانبوبه ببرنامج يعنى كل يوم جمعه او لو جو ضيوف يستاهلو شاى بالغاز مثلا مع انه الفحم و الورق متوفرين
بس عشان الانبوبة تقعد زمن طويل لو ربنا زاد فى العمر ,
والله فرحنا ليكم و فرحنا معاكم رينا يطول عمركم ويطول عمر انبوبتكم
_______________________
ياخى انته زول جميل و بستمتع بكتاباتك
مع انى اكتر الناس متاوقه فى المنبر
| |
|
|
|
|
|
|
|
|
|
Re: الانقاذ دي ألذ حكومة (Re: حمد اسماعيل)
|
انت يا ابوالريش ليه الديكتاوريات بتتشابه ؟
عبود كان بقول اليوم اجازة وغدا اجازة خلي الناس تنبسط
ولا اب عاج ما خلا إلهاء وإلا نقز فوقو ..وما اتخلقت ثقافة الازمات إلا بدخول الجماعة إياهم والذين قالوا كانوا بشتروا القمح والدقيق والسكر ويدوهو البحر لامن كانوا في المعارضة ..
اها هسة استلموا سدة الحكم .. رايكم شنو في سدة الحكم دي
وقيل قديما
جوع كلبك يتبعك
فرد آخر
ربما جاع كلبك فأكلك
انت الحكومة دي مش مفروض تبحث عن رفاهيتنا .. نحن مواطني الثوار الاحرار
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
ههههه جمال خضر
مالك ياخ
نسيبي دخلوا عليهو ما سرقوا إلا انبوبة الغاز
وزعلان
قال لي
سرقوا المليانة الما تمت ليها يوم واحد
زوجنا المصون نقزت فيني لامن جبت ليها طبلة للمطبخ العمرو كلو ما عندو طبلة
طبلة ماكنة وغالية
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
أكون قبورة داقس يا اميرة السيد
انبوبة شنو البوريها للناس
قالت اوري قال
عشان كل يوم واحدة جاية شايلة حلتها و
عليك الله يا بت امي غازي قطع وملاحي في النار وعندنا ضيوف وفحمي كمل
يعني الانبوبة تشتغل ورديات للحلة كلها
الانبوبة اول بنتربس باب الشارع ونولعها .. بعد نقضي منها بنفكها
وام العيال شغالة شكية للناس
الفحم عمي عيونا وقوم علي الازمة . وتراهو دة ابو عيالو كل يوم يفسح في الانبوبة . يمرق بيها الصباح ويجيبها العشية .. ركشات بس قطعن يدنا
قال نمرقها للناس
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
Quote: خاينة خايفة ترقد مسايفة و تاكل متعايفة
يعني ابقا من روح القطيع ! ومن البخاطبوهم وبقولو ليهم مواطني الثوار الاحرار
فبدون ما تعرف يا مواطني دي للتملك ولا ياء النداء المتأخرة ! ولا ياء الاستنكاح |
هههههههههههههه
يا ود اب سن لك التحايا العطرة
ياخ انت الذ زول ما الانقاذ.
الله يحفظ ليك العيال.
| |
|
|
|
|
|
|
|
|
|
Re: الانقاذ دي ألذ حكومة (Re: اسماعيل عبد الله محمد)
|
كتر خيرك حمد اسماعيل وشكرا ل لطف قولك وسعيد ان هترشاتي اخرجتك من متاوقتك لل التفاعل
حقيقي سعيد بك
تعرف ام العيال عندها مكنة انها مشغولة وليها حق ..فلي اطفال صغار محتاجين لكل الاهتمام والمراقبة .. وبنتي الصغيرة كارثة تسير علي قدمين ..ووليع النار بالورق والفحم متعة بالنسبة لها وقلق لامها ولا بتنحاش ليها
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
اوووو اسماعيل
وينك ياخ زمن ما جيت ماري بي شارعنا
كثير ود وتقدير لطيب قولك وسعيد بحضورك
تعرف الياءات دي كتيرة ممكن تنقري اليايات
لامن كنا صغار ياء النداء دي بتاخد كم معني وفقا لنوعية الصوت وشخصية المنادي عليك
يعني لامن تكون بتلعب وتسمع
ياااااا ولااااااد
اعصابك كلها تبوظ واصلو دي ما بتكون ياء النداء المعروفة ديك
والمصيبة لامن تكون محذوفة
ولااااااااد
كب الزوغة بس
لكن لامن تكون متأخرة بتبقا لذيذة خلاص لو كان المنادي عليك اصطلاحا بت
ولد يااااا
| |
|
|
|
|
|
|
|
|
|
Re: الانقاذ دي ألذ حكومة (Re: اخلاص عبدالرحمن المشرف)
|
ههههه
يا اخلاص النقول ليك
اميرة دي ظنيتها مرقت من البلد دي صغيرة
قالوا واحد خرطومي مشي الاقاليم لي عرس .. قالوا ليهو ناس الاقاليم بحبو الضلع وما بتلقا معاهم شي
قال ليهم انا ود البندر يدقسوني فارات الاقاليم ديل
مشي الاقاليم وقاعد في التربيزة راجين صينية الغداء في المناسبة
الصينية قبل يختوها ود البندر ختف الضلع .. والشباب تعاملوا عادي بدون اي امتعاض . وبدوا ياكلو ولا عاينو ليهو
زولنا مسك الضلع وخجل .. خجل شديد .. براحة خت الضلع . ورفع يدو
مع رفعة يدو عاين للضلع لقاهو مافي وكل شاب ماسك قطغة وبياكل فيها
| |
|
|
|
|
|
|
|
|
|
Re: الانقاذ دي ألذ حكومة (Re: علي دفع الله)
|
اووو ود دفع الله
آتا وعيالك علكم تامين وزايدبن
تعرف لا يمكنك التعويل علي الحشود الجماهير السودانية لاستقبال الحكام
ياخ الناس بجو فرجة ساي
وبجو لانو وفروا ليهم الترحيل واصلا هو ماشي السوق
وبجو لانو قالوا في وجبة وبارد
ولكن عول علي حشود
دفن حميد ووردي وكثر غيرهم
يأتي الناس راجلين باكين
الحشدين واحد بس فيهم صادق !!
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
يا ريت يا اخلاص لو كنا من ناس الهوت دوق والفرايد جيكين والشريم
وامشي شوفي اكلتي المفضلة في البروفايل...وكمان حتلقي ان فناني المفضل الكابلي
لكن حكاية انابيب الغاز والازمة الحاصلة في السودان حاجة تغيظ وتحرق الدم..
وشوفي ود ابوسن فرح كيفن لمن لقى انبوبة الغاز...حتى ما عاوز يفرجها للناس...(وجه ضاحك)
والله يديك الصحة والعافية
| |
|
|
|
|
|
|
|
|
|
Re: الانقاذ دي ألذ حكومة (Re: اميرة السيد)
|
يا اميرة
الانقاذ دي دايرة تعلمنا الفسالة غصب
فمعظم الشعب معدم .. والفقر بقا ما داير سبب سوي الانقاذ . بتلقي تاجر .. دكتور ... مهندس ألخ معدم وفقا لوقوفه من السلطة .. وبرضو بتلقي ارازل الناس وهوام البشر يعتلون الرقاب
| |
|
|
|
|
|
|
|
|
 Re: الانقاذ دي ألذ حكومة (Re: عبدالحفيظ ابوسن)
|
اها بدل نفتح بوست لي لذاذة الحكومة نواصل فوق دة
لامن جونا جداد لنج قرضة وقبل ان نتعلم شحن الموبايلات واكل الهوت الدوق .. كانت المكاتبات تبدا ب
السيد فلان الفرتكاني
اها قاموا قالوا لينا
دة حرام والسيادة لله ونعمي بالله
اها نكتب شنو مستر فلان !؟
قالوا لا
تكتبوا
الاخ فلان بن فلان
سميناها رضينا
وبقينا اخوان وجزاك الله خير وكلمة حق اريد بها باطل
والريس بقا آخر حاجة امير المؤمنين كما مهر احد الاخوان ! بوسته ولو قلت احد الزملاء يقولو شيوعي ولا حاجة
اها داير اعرف
كيف امير المومنين يبقا مواطن !!
مواطن دي مافيها تأصيل
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
اها بدل نفتح بوست لي لذاذة الحكومة نواصل فوق دة
لامن جونا جداد لنج قرضة وقبل ان نتعلم شحن الموبايلات واكل الهوت الدوق .. كانت المكاتبات تبدا ب
السيد فلان الفرتكاني
اها قاموا قالوا لينا
دة حرام والسيادة لله ونعمي بالله
اها نكتب شنو مستر فلان !؟
قالوا لا
تكتبوا
الاخ فلان بن فلان
سميناها رضينا
وبقينا اخوان وجزاك الله خير وكلمة حق اريد بها باطل
والريس بقا آخر حاجة امير المؤمنين كما مهر احد الاخوان ! بوسته ولو قلت احد الزملاء يقولو شيوعي ولا حاجة
اها داير اعرف
كيف امير المومنين يبقا مواطن !!
مواطن دي مافيها تأصيل
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
بوست إنغازي .. يقولون بان ابن ابي بردعة قد نط وبرطعا وقال فيما قال لا أري لكم غيري والياً لماذا تريدونني ان ارحل عنكم هل تريدونها مسورة ام يامينية أو ملبلبة فعقب احد العامة من الرعاة: لا يابن ابي بردعة فأنت من جلبت لنا الأمان بفصل ذلك المكان وعبأت السوبرماركات بالحاجات وجعلتنا نتفرج عليها من خلف الألواح الزجاجية فتبسم ضاحكاً من قوله ثم هلل ثم كبر ثم قال فالترق منا الدماء .. كل الدماء نحن جيناكم بالشريعة .. ومن وسط الجموع المجلوبة أتي صوتاً مهمهماً: أرقص يا بن ابي بردعة ونحن من خلفكك مبشرون
تقولي لي انبوبة غاز وانتو من قبل الإنقاذ كنتوا بتعرفوا الانابيب
| |
|
|
|
|
|
|
|
|
|
Re: الانقاذ دي ألذ حكومة (Re: عمر الفاروق عبد الله الشيخ)
|
حبابك عمر
والله صحي . نحن مالنا ومال الغازات ! والانابيب واطفال الانابيب ! كنا مرتاحين من اقرب خلا تلقط ليك عيدان ناشفة وتولع نارك .. ولابعيرات ناشفة .. انت عارف بعر البقر المطرة ما بتطفيهو .. تعاين ليهو فوق لين وتحت نارو مولعة
قالوا واحدن متفلقص كدة . ركبت جمبو ايرانية كاربة بوقاقة بس .. وزولنا كهربتو ولعت ف حب يشوف مدخل والمداخل مع الجكس تشوبها الركاكة والكبكبة
من وين في الاهل
قالت ليهو من ايران
قال ليها رايك شنو في الطاقة الذرية
قالت ليهو
ممكن اجاوبك لكن عندي سؤال
افرجت اساريره حتي بانت نواجذة واثر الصعوط بائنا عليها
اسعلي سلي
قالت ليهو
لو عندنا خروف وبقرة وحمار واكلو نفس القش . ليه بعرة الخروف بتمرق مدورة زي الليمونة وناشفة وبعرة الحمار كبيرة ولينة وحقت البقرة كبيرة شديد وجليطة بس
ووقف حمارة قدام الموية مدحش وفغر فاهه مخلوعا وبليدا
وقال ليها لا والله ما عارف
قولي لي
قالت ليهو
زول ما بعرف يتكلم في الخرا وداير ينضم في الذرة !!؟
اخد ليهو علم زرة محترم
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
Quote: زول ما بعرف يتكلم في الخرا وداير ينضم في الذرة !!؟
اخد ليهو علم زرة محترم |
اخي عبد الحفيظ ضحكت حتي بانت اسنان اللبن .. نعمل شنو نحن مع عالم زرات كل يوم يحضرون لنا الزرة وبمزاج كمان
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
حكاية الشحادين الفي الخرطوم دي بدعو فيها
لسه ما قريت كلام كدة مجبه عنها .. لكن حسب ما سمعت
ممكن يصادروا مالو ويسجنوهو زاتو
دي ابليس زاتو ما فكر فيها
هسة شكسبير لو حضر الناس ديل مش كان حرد تاجر البندقية
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
قالوا
سيدنا عمر بن الخطاب لاقا ليهو شحاد . والشحاد شايل ليهو بقجة . وقفوا وفتح بقجتو ولقاها مليانة اكل .. نثر الاكل ودعا الناس ياكلو . وقال ليهو انت ما محتاج . والاكل العندك قايض منك
اها
لو اعتمد والي الخرطوم علي القصة دي يكون بالغ
لكن
وريتونا
| |
|
|
|
|
|
|
|
|
|
Re: الانقاذ دي ألذ حكومة (Re: عبدالحفيظ ابوسن)
|
| Quote: حدجتني بنظرة ملتهبة تحاشيتها قبل ان تثقب قلبي ! وقامت علي الورق والفحم لاشعال نار غضبها |
نظرة ملتهبة فقط لا غير..
ثم قامت على الفحم !!
عفيت منها زولة مرحمنه وقمة في الوداعة ..
أبقى عليها عشرة آ زول ..
| |
|
|
|
|
|
|
|
|
|
Re: الانقاذ دي ألذ حكومة (Re: محمد حيدر المشرف)
|
ود المشرف يا صاحب
باقي عليها مليون ومية .. لم يكن غيرها ليتحمل مزاجي ونزقي وجنوني
ومما كتبته فيها ونشرته هنا ساعة كنت جديدا
لحن الحياة منك
ماتقول نسيت الناس وصرنا ناسينك
محبوبي الجميل
زخات المطر الصباحيه بللت فرشي وأنا أتمدد كتائه في صحرا وحدي , يمتد الحوش إلي ما لانهائيه هكذا أراه , تكاسلت في قيامي وأنا أموت شوقا لمداعابتك ومكايداتي
كنت أتكاسل في ذات الظروف لأحسك وأنت توقيظينى غاضبه : جنك نوم هسه المطره دي ما صحتك
لم أكن أنوم بقربك إلا لأحسب أنفاسك وأتأمل وجهك الغارق في السكينه ,
في هذا الصباح الماطر كنت أفتقدك , أفتقد طعم شاي الصباح ونحن جلوس في فناء حوشنا نرتشف بعضنا
في هذا الصباح الماطر وأنا مبلول كفرخ طائر ماتت أمه أفتقدك
لم أكن أحبها ! فقد فقدت اللغه قدرتها علي ايصال مشاعري , لقد تجاوزت معها سقف الشوق والعشق والوله
إنى لأحبها بقدر حبك للأوكجسين الذي لاتستطيع الحياة دونه إن جاز لك حب الهوا
أحبتها حتي صرتها فإن غابت عنى فكأنني غياب
إنتفت عندي ملامحها وصارت ضؤا مشعا بريقا بل برقا يرصف و يشلع فينزل مطر حبيبتي سكينه وموده واحترام
رتبت فوضتي وصرت إنسانا ! أجد في عملي وأتقنه لأري نظره اعجابها , بنيه من توبي
في هذا الصباح الخريفي والطيور تناجي في عشق حبيبات غائبات , يأتنى صوت العشاق والغرام و نداءات الخصوبه , فالأرض أنثي لاقت حبيبها مطرا سال علي وديانها و الفراشات الملونه اشبعت هامات الورود قبل العشق
وأنا
أجلس مبلولا في ذلك الصباح متحكرا وسط زخات المطر اتذكرها وأذكر ساعه أنطلاق سهمها الذي لم يدمئ قلبي بل أعاد له الحياة
كنت أبحث عن أمرأة ورده و كل كاملا لأصبح معها واحدا كاملا
ابحث عمن أتكئ في صدرها فأزيد وسامه وحين أترخرخ تجبدنى قربها وتزدنى صلابه
إمرأة تجاوزت عهد الحريم وأحمر الشفاه , صار عطرها عرق الكفاح وتوشحت إدراكا
ووجدتها
فكانت هى من أفتقدها الآن
| |
|
|
|
|
|
|
|
|
|
ياسلام عليك ياسلام (Re: عبدالحفيظ ابوسن)
|
المعاناه في بلادي تولد الفرح الحزين
سرد يشبه فكر الطيب صالح ورائعة مصطفي سيد احمد عم عبد الرحيم
********************************************
فى البال القديم .. من عار التُكل
تنشايح جِراح
.. كيف الغُسُل
الدِنيِى أم صلاح تبدا من التُكُل
من حِجـّة صباح .. فى حق المُلاح
فى الغُبُن الجديد .. فى القسط القديم
وبيناتِن عشم .. فى الفرج القريب
| |
|
|
|
|
|
|
|
|
|
Re: الانقاذ دي ألذ حكومة (Re: خضر صيام)
|
ﻋﻮﻑ
ﻣﺮﺭ ﻣﺠﻠﺲ ﺗﺸﺮﻳﻌﻲ ﺍﻟﺨﺮﻃﻮﻡ ﻗﺎﻧﻮﻥ ﻣﻌﺎﻟﺠﺔ ﺍﻟﺴﺎﺋﻞ
ﻭﺍﻟﻤﺘﺴﻮﻝ ﻭﻣﻜﺎﻓﺤﺔ ﺍﻟﺘﺴﻮﻝ ﺍﻟﻤﻨﻈﻢ ﺑﺎﻹﺟﻤﺎﻉ، ﻭﻧﺺ
ﺍﻟﻘﺎﻧﻮﻥ ﻋﻠﻰ ﺳﺠﻦ ﺍﻟﻤﺘﺴﻮﻝ ﻣﺪﺓ ﻻ ﺗﺘﺠﺎﻭﺯ ﺷﻬﺮﺍً ﻣﻊ
ﺍﻟﻐﺮﺍﻣﺔ ( 3 ) ﺁﻻﻑ ﺟﻨﻴﻪ ﻟﻤﻦ ﻳﺮﺗﻜﺐ ﺟﺮﻳﻤﺔ ﺍﻟﺘﺴﻮﻝ،
ﻭﻧﺼﺖ ﺍﻟﻤﺎﺩﺓ ( 16/3 / ﺏ ) ﻋﻠﻰ ﺳﺠﻦ ﺍﻟﻤﺘﺴﻮﻝ ﻣﺪﺓ
ﻻ ﺗﺘﺠﺎﻭﺯ ﺷﻬﺮﻳﻦ ﻣﻊ ﺍﻟﻐﺮﺍﻣﺔ ﺑﻤﺎ ﻻ ﻳﺘﺠﺎﻭﺯ ( 6 ) ﺁﻻﻑ
ﺟﻨﻴﻪ ﻟﻜﻞ ﻣﺘﺴﻮﻝ ﻳﺘﺼﻨﻊ ﺍﻹﺻﺎﺑﺔ ﺑﺠﺮﻭﺡ ﺃﻭ ﻋﺎﻫﺎﺕ ﺃﻭ ﺃﻳﺔ
ﻭﺳﻴﻠﺔ ﺃﺧﺮﻯ ﻣﻦ ﻭﺳﺎﺋﻞ ﺍﻟﻐﺶ ﻻﻛﺘﺴﺎﺏ ﻋﻄﻒ ﺍﻟﺠﻤﻬﻮﺭ .
ﻭﺃﺷﺎﺭﺕ ﺍﻟﻤﺎﺩﺓ ( 16/3 / ﺝ ) ﺇﻟﻰ ﺍﻟﺴﺠﻦ ﻣﺪﺓ ﻻ ﺗﺘﺠﺎﻭﺯ
( 3 ) ﺷﻬﻮﺭ ﻣﻊ ﺍﻟﻐﺮﺍﻣﺔ ﺑﻤﺎ ﻻ ﻳﺘﺠﺎﻭﺯ ( 10 ) ﺁﻻﻑ ﺟﻨﻴﻪ
ﻟﻜﻞ ﻣﻦ ﻳﺪﻳﺮ ﺃﻭ ﻳﺤﺮﺽ ﺃﻭ ﻳﻐﺮﻱ ﺃﻭ ﻳﺴﺘﺨﺪﻡ ﺷﺨﺼﺎً
ﺑﻐﺮﺽ ﺍﻟﺘﺴﻮﻝ، ﻭﺇﺫﺍ ﻛﺎﻥ ﺫﻟﻚ ﺍﻟﺸﺨﺺ ﺫﻭ ﻗﻮﺍﻣﺔ ﺃﻭ
ﺳﻠﻄﺔ ﻋﻠﻰ ﺍﻟﻤﺘﺴﻮﻝ ﻳﻌﺎﻗﺐ ﺑﺎﻟﺴﺠﻦ ﻣﺪﺓ ﻻ ﺗﺘﺠﺎﻭﺯ ( 4 )
ﺃﺷﻬﺮ ﻣﻊ ﺍﻟﻐﺮﺍﻣﺔ ﺑﻤﺎ ﻻ ﻳﺘﺠﺎﻭﺯ ( 10 ) ﺁﻻﻑ ﺟﻨﻴﻪ، ﻭﻓﻲ
ﺣﺎﻟﺔ ﺍﻟﻌﻮﺩ ﻳﻌﺎﻗﺐ ﺑﺎﻟﺴﺠﻦ ﻣﺪﺓ ﻻ ﺗﺘﺠﺎﻭﺯ ( 6 ) ﺃﺷﻬﺮ ﻣﻊ
ﺍﻟﻐﺮﺍﻣﺔ ﺑﻤﺎ ﻻ ﻳﺘﺠﺎﻭﺯ ( 20 ) ﺃﻟﻒ ﺟﻨﻴﻪ . ﻭﻃﺎﻟﺒﺖ ﺍﻟﻤﺎﺩﺓ
( 16/4 ) ﺑﺈﺑﻌﺎﺩ ﺍﻟﻤﺘﺴﻮﻝ ﺍﻷﺟﻨﺒﻲ ﻋﻦ ﺍﻟﺒﻼﺩ ﺑﺎﻟﺘﻨﺴﻴﻖ
ﻣﻊ ﺍﻟﺠﻬﺎﺕ ﺑﻌﺪ ﺍﺳﺘﻴﻔﺎﺀ ﺍﻟﻌﻘﻮﺑﺎﺕ ﺍﻟﻤﻨﺼﻮﺹ ﻋﻠﻴﻬﺎ ﻓﻲ
ﺍﻟﻘﺎﻧﻮﻥ، ﻭﻓﻲ ﺣﺎﻟﺔ ﻋﻮﺩﺗﻪ ﺑﻌﺪ ﺗﺮﺣﻴﻠﻪ ﺃﻭ ﻗﺎﻡ ﺍﻟﻤﺘﺴﻮﻝ
ﺑﺈﺣﻀﺎﺭ ﺷﺨﺺ ﺳﺒﻖ ﺗﺮﺣﻴﻠﻪ ﺛﻢ ﺍﺭﺗﻜﺐ ﺟﺮﻳﻤﺔ ﺍﻟﺘﺴﻮﻝ
ﻳﻌﺎﻗﺐ ﺑﺎﻟﺴﺠﻦ ﻣﺪﺓ ﻻ ﺗﻘﻞ ﻋﻦ ﺳﻨﺔ ﻭﺍﻟﻐﺮﺍﻣﺔ ﺑﻤﺎ ﻻ
ﻳﺘﺠﺎﻭﺯ ( 30 ) ﺃﻟﻒ ﺟﻨﻴﻪ . ﻭﺭﺃﺕ ﺍﻟﻤﺎﺩﺓ ( 18 ) ﺃﻳﻠﻮﻟﺔ
( %50 ) ﻣﻦ ﺍﻟﻐﺮﺍﻣﺎﺕ ﺍﻟﻤﺤﻜﻮﻡ ﺑﻬﺎ ﻟﺼﺎﻟﺢ ﻭﺯﺍﺭﺓ ﺍﻟﺘﻨﻤﻴﺔ
ﺍﻻﺟﺘﻤﺎﻋﻴﺔ، ﻋﻠﻰ ﺃﻥ ﺗﻮﺩﻉ ﻓﻲ ﺍﻟﺤﺴﺎﺏ ﺍﻟﺨﺎﺹ ﻟﻤﻌﺎﻟﺠﺔ
ﻭﻣﻜﺎﻓﺤﺔ ﺍﻟﺘﺴﻮﻝ ﻭﺍﻟﺘﺸﺮﺩ . ﻭﻛﺎﻥ ﺍﻟﻤﺠﻠﺲ ﺷﻬﺪ ﺟﺪﻻً
ﺧﻼﻝ ﻣﺮﺍﺣﻞ ﺍﻟﺘﺪﺍﻭﻝ ﻋﻠﻰ ﺍﻟﻘﺎﻧﻮﻥ، ﻭﺭﺃﻯ ﻧﻮﺍﺏ ﺃﻥ
ﺍﻟﻔﺘﻮﻯ ﻭﺍﻟﻘﺎﻧﻮﻥ ﺑﻤﺜﺎﺑﺔ ﺳﻴﻒ ﻣﺴﻠﻂ ﻋﻠﻰ ﺭﻗﺎﺏ
ﺍﻟﻀﻌﻔﺎﺀ، ﻭﻃﺎﻟﺒﻮﺍ ﺑﺘﻌﻄﻴﻞ ﺍﻟﻘﺎﻧﻮﻥ ﺍﺳﺘﻨﺎﺩﺍً ﻋﻠﻰ ﻗﺮﺍﺭ
ﺃﻣﻴﺮ ﺍﻟﻤﺆﻣﻨﻴﻦ ﻋﻤﺮ ﺑﻦ ﺍﻟﺨﻄﺎﺏ ﺑﺘﻌﻄﻴﻞ ﺣﺪ ﺍﻟﺴﺮﻗﺔ ﻓﻲ
ﻋﺎﻡ ﺍﻟﺮﻣﺎﺩﺓ، ﻳﺬﻛﺮ ﺃﻥ ﻣﺠﻤﻊ ﺍﻟﻔﻘﻪ ﺍﻹﺳﻼﻣﻲ ﺃﺻﺪﺭ
ﻓﺘﻮﻯ ﺃﺟﺎﺯﺕ ﻭﺿﻊ ﻗﺎﻧﻮﻥ ﻟﻤﻜﺎﻓﺤﺔ ﺍﻟﺘﺴﻮﻝ ﻭﺍﻟﺘﺸﺮﺩ
ﺑﻮﻻﻳﺔ ﺍﻟﺨﺮﻃﻮﻡ ﺑﺎﻋﺘﺒﺎﺭ ﺃﻥ ﺍﻟﺘﺴﻮﻝ ﺟﺮﻳﻤﺔ، ﻭﻫﺎﺟﻢ ﺍﻟﻨﻮﺍﺏ
ﻣﺠﻤﻊ ﺍﻟﻔﻘﻪ ﺍﻹﺳﻼﻣﻲ ﻹﺻﺪﺍﺭﻩ ﺍﻟﻔﺘﻮﻯ، ﻭﻃﺎﻟﺒﻮﺍ ﺑﺤﻀﻮﺭﻩ
ﻟﻠﻤﺠﻠﺲ ﻭﺇﻗﻨﺎﻋﻪ، ﻭﻧﺼﺖ ﺍﻟﻔﺘﻮﻯ ﻋﻠﻰ ﺇﻧﺸﺎﺀ ﻧﻴﺎﺑﺔ
ﻭﻣﺤﺎﻛﻢ ﺧﺎﺻﺔ ﺑﺈﺟﺮﺍﺀﺍﺕ ﻭﻣﺤﺎﻛﻤﺎﺕ ﺍﻟﻤﺘﺴﻮﻟﻴﻦ ﺍﻟﻤﻬﻨﻴﻴﻦ
ﻭﺍﻟﻤﺤﺘﺮﻓﻴﻦ .
ﺍﻟﺠﺮﻳﺪﺓ
| |
|
|
|
|
|
|
| |
عبدالحفيظ ابوسن
محمد الكامل عبد الحليم
عاطف عمر
أحمد الشايقي
Yasir Elsharif
ودقاسم
محمد أبوالعزائم أبوالريش
جمال خضر
الصادق عبدالله الحسن
اسماعيل عبد الله محمد
علي دفع الله
محمد حيدر المشرف
Bushra Elfadil
فيس بوك
تويتر
انستقرام
يوتيوب
بنتيريست