سيدي المحترم الدكتور الجهموري عفواً أنت مطالب بإعتراف وأعتذار وتوضيح

Quote: السيد الزميل الدكتور ياسر الشريف تحية وأحترام أوردت في بوست الزميل آدم صيام (صرة السودانين أنت عبد) صـرّة السودانيين، (أأنت عبـد)!صـرّة السودانيين، (أأنت عبـد)! المقال على الرابط للكاتب أبكر آدم يوسف يحتوي المقال على إساءات لوالد الطيب مصطفى ووالد فخري لكل أبناء كوبر الحاج مصطفى عبدالرحمن وكذلك أكاذيب عن مجمتع كوبر ودمغة بالعنصرية وقد قمت بالرد وتبيان بعض الأكاذيب وغرض وحقد كاتب المقال بما يكفي ولو هناك المزيد من الإيضاح يمكن الأستيضاح وسنكون حاضرين إن شاء الله المقال مسيئ ويشوه صورة مجتمع كامل ويسيئ لشيخ جليل قمت بنقله إلى أبناء كوبر فأغضبهم جداً واحرجهم قام السيد آدم صيام مع الآسف بحذف مداخلاتي رغم أنها لا تحمل أي إساءت أو سب أو تجريح وليس هناك سبب غير ضيقة بالحقيقة والراي الأخر وخوفاً من الفضح وتبيان جهلة وعنصريته بما أنك لان ينطبق عليك قول ناقل الكفر فأنت نقلت الخبر لغرض لأن البوست كان عن الرقيق والمقال عن العنصرية وأنت نقلت المقال لغرض ما هذا ما ستوضحه وأجب عليك أن تقدم أعترفاً بأن المقال مدسوس ومسيئ وتصف صاحبة بالصفات التي تراها بعد أن عرفت الحقيقة ثم تقدم أعتذاراً حقيقياً لأعضاء البورد عن نقل المقال المدسوس والمسيئ وأعتذاراً خاصاً لأسرة المرحوم الحاج مصطفى إبراهيم وأعتذاراً لأبناء كوبر ثم تقدم توضيحاً لسبب نقلك لهذا المقال لأن عندي تفسيراً لسبب نقلك المقال أخاف أن تشرد بي الظنون وأن اخطئ وأظلمك فتوضيحك مهم وتذكر أنه لأينطبق عليك عذر ناقل الكفر لأنك شخص مؤهل دكتور لا أعلم أن كنت طبيباً أو تحملها كدرجة علمية المهم هو أنك طارح نفسك كشخص مثقف وعلى قدر من الأستنارة (جمهوري) ومن المفروض أن تكون قد تحققت من المقال جيداً قبل نقله وتأذي به الناس ولك خالص الشكر والتحية ---- كان لدي أعتقاد سابق بأن الجمهوريين محاورين جيدين ويتمتعون بقدر عالي من الأحترام والتهذيب تبدل هذا الأعتقاد إلى قناعة تامة بأن الجهوريين يدعون التهذيب والاحترام كتقية لتنجيب صرامة وحزم مخالفيهم ويعتمدون في حوراتهم بإثارة الشبهات والمفردات الغريبة والسفسطائية والنقل الكثير لدحض حجج مخالفيهم هذاالبوست مهم فهو قد قد يعيدني إلى أعتقادي السابق أو يثبت قناعتي الحالية

Quote: اقيف كويس، وكان ما عاجبك أمشى لجامع العبيد قد تنكر العين ضوء الشمس من رمد ** وينكر الفم طعم الماء من سقم

Quote: يا ياسر الشريف بطل ورجغة إذا كنت عشت في مجتمع عنصري فدي مشكلتك ما مشكلتي أنا عشت في مجتمع متعافي مافيه عنصرية مجتمع كوبر ولي هسع ناس كوبر مافيهم عنصرية إذا كنت معتقد أني زول عنصري فدي برضه مشكلتك في نفسك وأعتقادك أنك بتقرى مافي نفسي المقال مدسوس وواضح الكضب الفيه ولو عاوز انفشو ليك قول لي والله انفشوا ليك ما اخلي ليه حاجة أنت عاوز تبتزاني وتخوفني زيك زي معاوية عبيد لمن يقول للناس اجيب ليك تاريخك ويا كذا ويا كذا أنا جيت وضحت مشكلة آدم صيام وسبب البوست أنت ما عجبك الكلام حاولت تبتزاني وهسع براك قاعد تبرر لفعلك ما سألتك بدون سبب جيت قلت Quote: Quote: اقيف كويس، وكان ما عاجبك أمشى لجامع العبيد قد تنكر العين ضوء الشمس من رمد ** وينكر الفم طعم الماء من سقم وكان لسان حالك بقول يا عبدالعزيز اسكت ساكت يا عنصري أمشي شوف العنصرية الانت فيه فيك وفي اهلك وفي حيك انتو ناس عنصريين دا لسان حالك يعني عاوز تخوفني يا ياسر الشريف وتبتزاني انا مجتمعي واهلي مافيه عنصرية والمقال مكذوب وكله كذاب وما تعتقده في راسك كذب وياهو داك جبت ليك فيديو العم سعادة اللواء محمد سعيد وهو عندك من الصادقين عن حي كوبر يا ياسر الشريف أنت جبت مقال فيه كذب لأبتزازي وتخويفي هسع اتضح انه المقال مكذوب وانت ساهمت في الترويج ليه اعتذر يازول

(عدل بواسطة Yasir Elsharif on 03-03-2015, 11:02 AM)

Quote: كان لدي أعتقاد سابق بأن الجمهوريين محاورين جيدين ويتمتعون بقدر عالي من الأحترام والتهذيب تبدل هذا الأعتقاد إلى قناعة تامة بأن الجهوريين يدعون التهذيب والاحترام كتقية لتنجيب صرامة وحزم مخالفيهم ويعتمدون في حوراتهم بإثارة الشبهات والمفردات الغريبة والسفسطائية والنقل الكثير لدحض حجج مخالفيهم هذاالبوست مهم فهو قد قد يعيدني إلى أعتقادي السابق أو يثبت قناعتي الحالية

Quote: اظنكم مطولين شديد من. البلد يا دكتور ياسر فعبارة جيب سيجارة يا عب وعامل لي فيها عب كبير....عبارات تتداول في عديد المناطق في السودان الشمالي...دون ان يشعر من قيلت له او قايلها بغبن او عنصرية.... الناس عدت من الحتة دي زمان

Quote: السلام عليك يا عبد العزيز أنت لم تجيب على سؤال مهم ما هو السبب البخلي زول يجي داخل في النادي القلتو ويسلم على الناس بقوله ازيكم يا عبيد؟ حتى بالهزار؟ انا اديك الجواب لازم يكون في خلفيات ان هؤلاء الناس كان يطلق عليهم صفة العبيد في يوم من الايام. هسع انت لو جيت لاوروبا ولاقاك واحد عنصري ممكن يقول ليك يا ن ي قر وكلمة (.........) لها محمول تاريخي معروف، ولذلك اطلاقها على شخص الان في اوروبا يعتبر إساءة وعنصرية. الناس بتاعين الجامع القلت انهم اطلقوا على مسجدهم اسم جامع العبيد كانوا يعرفون ان الناس يسمون المسجد بهذا الاسم سواء مجاهرة او سرا.

Quote: قاسم الانصاري · الأكثر تعليقا · جامعة الخرطوم "البوست دا تدليل على سفسطائتك وجدلك العقيم والتلاعب بي الألفاظ" ده جزء من كلام عبد العزيز حسين أسي السفسطائي منو ؟ وبعدين وينو التلاعب بي الألفاظ في كلام الدكتور ياسر ؟ جملة التلاعب بي الألفاظ دي ، أصلو دا ما محلها . كلام ياسر الشريف كلام واقعي جدا ومعايشنو طول حياتنا إنو العنصرية في السودان موجودة وما عارف عبد العزيز شايل في خاطرو ليه من الإعتراف بي الحقيقة دي ؟ ومنو الإتهمو هو تحديدا بالعنصرية ؟ يازول نحن سمعنا كتير جدا يقولوا ليك من فروخ كوبر ومن فروخ الموردة كواقع مقر به . وبعدين انت لسة ياعبد العزيز عايش بي مشاعر حمية ناس حلتي ؟ والجابك الحلة دي شنو ؟ يازول دا تفكير شفع ساكت زمنو مشى . وأسي لو ثبت إنو الكلام القالو والد الطيب مصطفى دا صح ح تسوي شنو ؟ المفروض تبحث في صحة ال‘تهامات وبعدين تبني ردك على بينة أما مسألة نحن مجتمع كوبر مافيهو عنصرية دي مغالطة بس . ناس مسميين جامع لاحظ جامع بي مسجد العبيد وتقول ما فيهوعنصرية ؟ بعدين الطيب مصطفى القدامك دا الذبح الثور الأسود مش تربية مجتمع كوبر المعافى ؟ وبعد دا تتكلم عن السفسطة ؟ بعدين زول أكد ليك إنو دا رأيو هو و ليس للجمهوريين علاقة بما يقول تجي تجرجر الجمهوريين ليه ؟ التعميم هنا يكشف عن قصور شديد في ثقافة ضبط النقاش وكمان بوضح تحين الفرص . ثم كتب صاحب البوست " بالمناسبة البوست دا ما طلب أعتذار البوست دا عشان الناس يشوفوك بتتلجلج وختيت ليك الفخ واضح " بعد كدة انت مطالب بالإعتذار لنا عن اللف والدوران والتهرب لأنو مافي شي بجبرك على الإستدراج كان ممكن طوالي تنادي السيد ياسر الشريف ليثبت عدم تلجلجه وغير كدة كلامك الكتبتو تحت العنوان كان واضح جدا إنك بتطلب إعتذار لأن المقال مدسوس ومشينا معاك على الأساس دا ، تجي تقطع راسنا . وكتب " وزي ما قلت ليك سبب التسمية نوع من السخرية" سخرية من شنو ؟ انت جبت آخرك براك . رد · · تم التعديل · ‏6 مارس‏، الساعة ‏11:40 صباحاً‏

Quote: المثال الجبتو دا حجة عليك وليس في صالحك. يعني زول محترم زيك يجي داخل لناس في النادي بتاعهم ويقول ليهم "إزيكم يا عبيد" بالمزاح داير تقارنها بلفظة "يا ود الحرام" التي يقولها مراهقون في أبو ظبي مع بعضهم البعض وهم يضحكون؟

Quote: هههههههه والله يا دكتور أنت زول لذيذ ودمك خفيف ياخ من أمس قريت مداخلتك وبضحك لي هسع قريتها وانا بتمشي سبحان الله في نفس الحتة القابلت فيها الشباب وقعدت اضحك زي المجنون لمن أستغرب الناس من حولي Quote: المثال الجبتو دا حجة عليك وليس في صالحك. يعني زول محترم زيك يجي داخل لناس في النادي بتاعهم ويقول ليهم "إزيكم يا عبيد" بالمزاح داير تقارنها بلفظة "يا ود الحرام" التي يقولها مراهقون في أبو ظبي مع بعضهم البعض وهم يضحكون؟ SON OF BITCH تعني ودالحرام يادكتور بالغت صحي أنا حمار بس لكن ما للدرجة دي بالغتت عديل SON OF BITCH يعني ودالحرام هههههه لا يادكتور SON OF BITCH يعني يا ودالشـــــرموطة عديييل كدا المراهقين ديل تربية غربية والغرب ما عندهم حاجة اسمها اولاد حرام ودالشــــرموطة دي حارة عندنا نحنا السودانين وبنحملها حمولة تقيلة من الأهانة ما بنرضها وقد يكون ردنا عليها قد يصل القتل ولو مشيت لي ناس كوبر قلت أزيكم يا أولاد الشـــراميط حا يطقطوك ويقطعوك حتة حتة هههههههه لو جيت أنا عبدالعزيز وسلمت على ناس كوبر ازيكم يا عبيد ما حا يزعلو مني لكن لو جيت انت برضه حا يطقطوك لانه قاصد إهانتهم لو الاولاد ديل قالو لي ولد سوداني من يا ودالشرموطة كان حايطقطقهم هسع أنا لو زول جا قال لي يا عب قايلني بزعل منه لا لا والله بضحك في جهلة وغباؤة وثقتي في نفسي ومعرفتي لحقيقة كينونتي بمن اكون واعتزازي بي نفسي بخليني اضحك وديل ناس كوبر عارفين نفسهم وبعتزو بيها وعارفننا عارفين من هم وبنعزهم كلمة عب بتزعل ناس آدم صيام وناس آبكر والبمارس العنصرية زول فاجر وقليل أدب والعنصرية ما بتمارس علنا في السودان والقانون بمنعها كمان Quote: وأنت لم تعلق على ما كتبه اسحق أحمد فضل الله. وحتى لا أذهب بعيدا فمعنا هنا في هذا المنبر الأخ بريمة محمد كتب بوست قبل اربعة أيام أفتكر عنوانو: عرب السودان فقط يحق لهم المكرمة الملكية .. زناجنة السودان ينظر فى أمرهم عرب السودان فقط يحق لهم المكرمة الملكية .. زناجنة السودان ينظر فى أمرهمعرب السودان فقط يحق لهم المكرمة الملكية .. زناجنة السودان ينظر فى أمرهم وكلمة زناجنة يقصد بها ذوي الأصول الأفريقية. وهي قريبة من كلمة زناجرة التي يقولها المصريون للسودانيين. فتأمل!! ما علقت على كلامك بتاع اسحق فضل الله لأنه شيئ من هكذا هراء انت قاعد تجيبو عشان انشغل بيه وتجي تمارس سفسطائتك وتشغلني عن الموضوع الأصلي زناجرة دي أور مره أسمع بيها زناجنة من زنوج هم أسمهم الزنوج وهم زنوج زنوج السودان وبدلعوهم بي كلمة أفارقة لكن افارقة كبيرة وبتشمل برضه العرب والامازيغ وغيرهم من الساميين نحنا ساميين عرب وبرضه افارقه يعني هم بقولوا لينا عرب ونحنا رضيانين وبنعتز بي كدا هم برضه فيهم البتعز بي زنجيتو دي ويعتز بي جده كوش وجده حام المصريين زاتهم ما هم البقييم الناس وهم زاتهم حاميين اولاد عم الزنج ديل وباقي ملاقيط اتراك وانشكارية وشركس وخليط المهم يادكتور أنت قاعد تسألني وتجاوب غلط وأنا بجي أجاوبك صح طيب أنا بسألك وأنت ما قاعد تجاوب لييه فوق في أسئلة لو سمحت جاوب عليها مشكور بعدين اساس موضوع البوست دا بعد ما نفشت ليك مقال ابكر العنصري الكضاب واثبتنا ليك غرضه وأنه تبلى على أهلي في كوبر فياريت نشوف رايك بعد ما ظهرت الحقيقة وهل انت مصدق كلامي دا ولا مكذبو وياريت تخلينا في اساس البوست وما تقعد وتحشر لينا

Quote: هسع أنا لو زول جا قال لي يا عب قايلني بزعل منه لا لا والله بضحك في جهلة وغباؤة وثقتي في نفسي ومعرفتي لحقيقة كينونتي بمن اكون واعتزازي بي نفسي بخليني اضحك وديل ناس كوبر عارفين نفسهم وبعتزو بيها وعارفننا عارفين من هم وبنعزهم

مرة أخرى يا عبد العزيز كلامك يورطك. ليه تضحك في جهل وغباء من يقول لك يا عب؟ لماذا لا تعتبرها مزاح مثلما أنت تقول للآخرين في ناديهم ازيكم يا عبيد؟

Quote: ما علقت على كلامك بتاع اسحق فضل الله لأنه شيئ من هكذا هراء انت قاعد تجيبو عشان انشغل بيه وتجي تمارس سفسطائتك وتشغلني عن الموضوع الأصلي

لا لا أنا ما داير أشغلك، لكن قصدت أقول ليك أن العنصرية موجودة في السودان، بل في هذا المنبر، وموجودة لدى البعض أيضا في كوبر، لأن كوبر دا في السودان برضو. ولكنك قلت هنا في هذا البوست
((مافي عنصرية بتمارس في المجتمع السوداني)).. طيب إذا مافي عنصرية يكون كلام اسحق دا شنو؟ وكلام وليد الطيب قسم السيد في البوست الذي شكا فيه من امتلاء العاصمة بالعنصر الزنجي.

Quote: زناجرة دي أور مره أسمع بيها زناجنة من زنوج هم أسمهم الزنوج وهم زنوج زنوج السودان وبدلعوهم بي كلمة أفارقة لكن افارقة كبيرة وبتشمل برضه العرب والامازيغ وغيرهم من الساميين نحنا ساميين عرب وبرضه افارقه يعني هم بقولوا لينا عرب ونحنا رضيانين وبنعتز بي كدا هم برضه فيهم البتعز بي زنجيتو دي ويعتز بي جده كوش وجده حام المصريين زاتهم ما هم البقييم الناس وهم زاتهم حاميين اولاد عم الزنج ديل وباقي ملاقيط اتراك وانشكارية وشركس وخليط

حكاية ساميين وحاميين دي جزء من ثقافة الاستعباد الموروثة. فالقصة تقول أن حام ملعون من أبيه نوح الذي دعا عليه أن يكون عبدا لأخويه وأيضا ذريته. وبهذه المناسبة فإن نفس قصة الاستعباد هي التي جعلت اليهود يفهمون أنهم أبناء السيدة سارة وأن العرب هم أبناء المستعبدة هاجر.
المهم الآن محاربة ظاهرة العنصرية، وعدم الاستخفاف بالعنصرية من باب النكتة والمزاح، وهذا هو سبب مداخلاتي معك في هذا البوست.
أنت تقول أن المقال مدسوس وصاحبه يكذب .. أنا طبعا لا أعرف من هو كاتب المقال، فمن الجائز أن يكون مكتوبا باسم حقيقي ومن الجائز أن يكون باسم حركي. وقد اكتشفت الآن أن هناك نسخة من المقال نقلت إلى سودانيز أونلاين هي التي قمت أنا بنقلها ويبدو أنها تلخيص للمقال الذي نشر في الراكوبة. هذه هي الروابط:
الراكوبة بتاريخ 14 أغسطس 2012
http://www.sudaneseonline.com/articles-action-show-id-24197.htmhttp://www.sudaneseonline.com/articles-action-show-id-24197.htmhttp://www.sudaneseonline.com/articles-action-show-id-24197.htmhtt...on-show-id-24197.htm
النسخة المنقولة إلى سودانيز بتاريخ 11 سبتمبر 2012
مسجد العبيد ومسجد الأسياد في السودان !!مسجد العبيد ومسجد الأسياد في السودان !!


أنت حاولت أن تقول أن بعض معلومات الكاتب خطأ وهذا دليل عندك على أن المقال كاتبه كاذب في كل باقي المقال. ربما يكون الكاتب أو من رجع إليهم في المعلومات، يجهلون تاريخ إنشاء سجن كوبر، والصحيح أنه يعود إلى بداية القرن العشرين كما أوضح اللواء محمد سعيد. في المقال المنشور في الراكوبة نلاحظ أن الكاتب يثني على الفرقة التي كان إسم الحاج مصطفى عبد الرحمن مشهورا فيها [ليس بالضرورة عضوا فيها في ذلك الوقت] فيقول أنهم كانوا موضع حب واحترام كبيرين. وهذه الجزئية بالذات لم تظهر في المقال الذي نشر في سودانيز أونلاين ونقلته أنا إلى بوست الأخ صيام.
((من الناحية الاخرى فان مصطفى والد الطيب مصطفى كان معروفا فى الاوساط الفنية والترفيهية لحى كوبر ، فقد عرفناهم كفرقة فنية للغناء الشعبى والحديث مكونة من عازفين وكورال ومغنيين وبعض الراقصين مستخدمين آلات الرق والطبول والعود وادوات موسيقية اخرى ، لقد كانوا مجتهدين فى احياء الاحتفالات بمناطق مختلفة من الخرطوم ، وللحق فقد كانوا موضع حب واحترام كبيرين كعادة العاملين فى المهن الموسيقية والغنائية فى ذلك الزمان ، ، فهم يكدحون ويأكلون من عرق جبينهم ويطورون مهنتهم ويستحقون الاحترام ، ان علمنا ان معظمهم ايضا كانوا موظفين واصحاب مهن اخرى.))
ويقول بعد فقرة أخرى في مقال الراكوبة:
((بالعودة الى الشيخ مصطفى والذى سيتم والذى سيشتهر اسمه شهرة فيما بعد ، فقد كان يعمل باشكاتبا فى النقل النهرى حسب رواية منقولة ، وعضو فى فرقة موسيقية محترمة ، كان معروفا بالغرور الزائد ويتسلى بالنعرات العنصرية تجاه كل السودانيين تقريبا ، وربما كان لونه القمحى محفزا له ، او لديه خلفية ساعدت على بناء شخصيته على هذا النحو ، فقد لاحظنا انه كان يزدرى ويتعالى حتى على الشماليين الذين حوله وينعتهم بالعبيد ، ولا اعتقد انه مر عليه يوم لم ينطق متباهيا بنفسه ومظهره مستمتعا بالسباب الاحتقارى الاستعلائى.))
وهذا يدل على أن الكاتب لم يكن حاضرا ذلك التاريخ الذي كان فيه الشيخ مصطفى في النقل النهري أو في الفرقة ويقول "حسب رواية منقولة"..

على كل حال يبدو أن الكاتب ينقل عن آخرين خاصة في هاتين الفقرتين اللتين اعترفت أنت بنفسك بأن المزاح بمثل كلمة "عبد" شيء عادي في مجتمع كوبر:

Quote: فى شهر رمضان يبدأ معظم رجال حلة كوبر ومعهم صبيان بالتوجه تلقاء النيل الازرق للسباحة والاستمتاع بالشاطى لحين حلول موعد الافطار ، والشيخ مصطفى يحرص على حضور ذلك الحفل الاجتماعى ، وكانت سانحة لنسمع منه الكثير وربما نضحك ببراءة على تحقيره للاخرين ، فقد كنا نظن ان هذه الالفاظ غريبة فقط علينا ، ولكنها طبيعية فى حياة الشماليين فنحن اصلا مهاجرون من الغرب ولم نتمكن من الاندماج الكامل فى ذلك المجتمع الجديد . فتارة يشتم هذا بأنه عبد ، وذاك عبد محسن اللون ، وآخر انفه افطس كالعبيد ، فانبرى له رجل من خاصته ذات مرة ودافع عن نفسه منافحا " انا جعلى " ودافع عنه آخر ، " الراجل ده ما عب ، انت ما شايف شعره ده؟ ، فى زمتك ده شعر عبيد ؟" لقد كانت هذه ثقافة عامة وظلت هكذا الى اليوم ، ومجتمع كوبر يكثر من نقاش مثل هذه المواضيع وكلمة عبيد كوبر معروفة وعادية فى الاوساط الاجتماعية ، رغما من انها مدينة مستحدثة وليست عريقة ، وبدأت بالثكنات العسكرية كما اسلفنا ، ومن المؤكد ان هذه المفاهيم شكلت بواسطة المهاجرين اليها من امثال الشيخ مصطفى ، والد عراب العنصرية الاكبر الطيب مصطفى.

ياسر

(عدل بواسطة Yasir Elsharif on 03-10-2015, 09:54 PM)

Quote: السلام عليك يا عبد العزيز بخصوص معنى عبارة Son of a Bitch المعنى موجود في القاموس. تجد في السطر الأول أن العبارة تعني "ابن الحرام" وفي السطر الثاني معنى كلمة Bitch تعني عاهرة. والمعنى قريب من بعض. ولكن هذا ليس موضوعا مهما

Quote: جيب دليلك على كلامك دا جيب دليل على أنه العنصرية موجودة في السودان

نوع الكلام دا جعل البعض يحملون السلاح.

Quote: [ديل خلاص أكلوا وشبعو عايزين يحكموا أصابتهم تخمة وشبعوا ففكروا في إستلام السلطة]....!!!! (البشير عن حركات دارفور فى بداية حمل السلاح 2003).

مع أنه هو الذي كان قد قال:
(([نحن شلنا الحكومة دي بالسلاح...الدايرها اليجي ياخدها بالسلاح].
السؤال هو: لماذا ينكر على الحركات الحاملة للسلاح في دارفور أن يحكموا؟ إن لم تكن هي العنصرية والتهميش والهيمنة؟ أليسوا سودانيين أهل بلد؟

Quote: [أطلقت يد الجيش لا أريد أسيراً أو جريحاً !! سلمونا دارفور نضيف]....!!!! (البشير فى الفاشر في 13/4/2003 وبجواره الرئيس التشادى إدريس دبّى وهذه أقوى حجة بنى عليها أوكامبو إتهاماته ضد البشير بالإبادة،،، إطلاق يد الجيش يعني منحه الحرية الكاملة في اقتراف جميع الجرائم دون أن تطال أفراده المحاسبة والمساءلة وقد نفذ جنوده ومليشيات الجنجويد تعليماته حرفياً فعاثوا في أهل دارفور قتلاً وتشريداً وحرقاً وإغتصاباً وما يزالون).

كلمة نضيف تعني تخليص السودان مما هو غير نضيف، وهو الثائر من أجل حقوقه الأساسية في بلده. بنفس الطريقة نجد غازي صلاح الدين وصف الجنوبيين بما يكرره الطيب مصطفى كثيرا وهو "ديل ما بشبهونا" وهي عبارة عنصرية من الدرجة الأولى.

Quote: [نحن أقرب إلي المسيحيين الأثيوبيين من المواطنين الجنوبيين المسلمين]....!!!! (غازي صلاح الدين).

أما البشير فقد وصف الحركة الشعبية بالحشرة وهذه عنصرية فوق الوصف

Quote: [الحركة الشعبيه حشرة وسنحرر هجليج خلال ساعات]....!!!! (البشير فى كردفان خلال الإستعدادات لتحرير هجليج من الحركة الشعبية).

وأضاف

Quote: [ديل ما بنفع معاهم إلا لغة العصا ومش حنتفق معاهم يا هم في الخرطوم أو يانا في جوبا]....!!!! (البشير فى كردفان خلال الإستعدادات لتحرير هجليج من الحركة الشعبية،، ودلالة كلمة العصا معروف للجميع).

فمن من السودانيين لم يتم تدريسه بيت أبو الطيب المتنبئ "لا تشتر العبد إلا والعصا معه ** إن العبيد لأنجاس مناكيد
مَنْ عَلّمَ الأسْوَدَ المَخصِيّ مكرُمَةً,** أقَوْمُهُ البِيضُ أمْ آبَاؤهُ الصِّيدُ.
أمْ أُذْنُهُ في يَدِ النّخّاسِ دامِيَةً,** أمْ قَدْرُهُ وَهْوَ بالفِلْسَينِ مَرْدودُ.
وبهذه المناسبة تعليم مثل هذه الأبيات في المدارس مظهر من مظاهر العنصرية ضد السود، مع أن السودانيين كلهم يعتبرون سوداً، وإسم السودان يدل على ذلك، ولكنه الاستلاب.
وعندما زار الجنوب اضطر أن يصلِّح من كلامه ولكن هيهات فقد سارت به الركبان

Quote: [يا جماعة الناس ديل قالوا، أنا قلت الجنوبيين حشرات.. لكن يا جماعة والله أنا ما قلت الكلام دا.. أنا ما قلت حشرات، انا بس غيرت إسم الحركة الشعبية]....!!!! (البشير فى زيارته للجنوب في أبريل 2013).

وشوف الطيب مصطفى [بتاع كوبر] قال شنو عن الجنوبيين بعد الانفصال:

Quote: [الحمد لله الذى أذهب عنا الأذى وعافانا]....!!!! ( وهذه العبارة يقولها المسلم عند خروج البول أو الغائط، والإشارة لا تخفى، وهي أن الجنوبيين هم البول والغائط).

فهل هناك عنصرية أكثر من هذه؟؟
ولا تنس ذبح الثور الأسود


أما نافع علي نافع فقد قال عبارة جاءت في بوست وضعه فرانكلي هنا في سودانيز أونلاين:
نافع : نحن من بقايا الأندلس والصح�...�ت مراكيبنانافع : نحن من بقايا الأندلس والصح�...�ت مراكيبنا

Quote: وقال نافع لدى مخاطبته لقاءً جماهيرياً بمدينة أبوقوتة بولاية الجزيرة في افتتاح محطة كهرباء المنطقة أمس :( نحن من بقايا الأندلس والصحابة، وراية الإسلام لن تسقط لا بكمبالا ولاغير كمبالا ، ديل تحت كرعينا والباقين تحت مراكيبنا ).

وقال أيضا أن الجبهة الثورية دخلاء:

Quote: [الحرب الآن بين الأصلاء والدخلاء]....!!!! (نافع على نافع عن الجبهة الثورية عقب الهجوم على أبو كرشولا،، إن لم يكن عقار وعبدالواحد ومينى والحلو وياسر عرمان سودانيين فمن هم السودانيون إذاً؟؟).

وفي هذا البوست بعاليه كنت قد وضعت العبارات العنصرية الكريهة التي تلفظ بها صلاح قوش، أرجو من القراء الرجوع إليها. ولكن الله أنطق قوش فاعترف بتسليح المليشيات، وهو طبعا يقصد الجنجويد:

Quote: [ان السودان سلح بالفعل القبائل والميليشيات لقتال المتمردين وقصفنا القرى فى دارفور، لكنه لن يرتكب الخطأ نفسه شرق البلاد]....!!!! (صلاح قوش عند حفل تكريمه بواسطة الحركة الشعبيّة بالخرطوم بمناسبة ترقيته لرتبة الفريق أول فى 21 فبراير 2009،، إعتراف نادر وجهير ربما كان السبب الأساسى فى قبول محكمة الموضوع الإتهامات الموجهة للبشير وتندرج تحت جرائم ضد الإنسانية، جرائم حرب وجرائم الإبادة الجماعية).

ياسر