|
|
|
 Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد عمر جبريل)
|
محمد مختار جعفر
حياك الله يا اخي
أنا غبت 9 سنوات من السودان...
لما خلصت الإجازة وجيت راجع السعودية، تقريباً كنت بنفس فهمك ده
لكن أنا عندي نظريتي الخاصة... بدون إلزام للغير
تفسي تحدثني أن البلد دخل فيها نشاط غسيل الأموال بصورة غير عادية
والحتة دي ظاهرة في الغلاء غير المبرر للعقارات
يعني أنا أتصور: ممكن يجي واحد يلاقي عمارة سعرها 6 مليار سوداني
ويقوم يشتري على طول بدون تردد... لأنه يريد إدخال ما معه من أموال في دائرة غير مشبوهة
وبالطريقة دي ينشط سوق العقار ويبلع كل غالب الأموال المشبوهة
وأعتقد بالطريقة دي حصل الغلاء في العقارات
الطفرة الحاصلة دي، مسألة غير طبيعية... خاصة البلد ليس لديها موارد
عموماً.. نتمنى الخير للبلد وأهل البلد
تحياتي
| |
 
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عماد حسين)
|
محمد مختار جعفر
حياك الله يا اخي
أنا غبت 9 سنوات من السودان...
لما خلصت الإجازة وجيت راجع السعودية، تقريباً كنت بنفس فهمك ده
لكن أنا عندي نظريتي الخاصة... بدون إلزام للغير
تفسي تحدثني أن البلد دخل فيها نشاط غسيل الأموال بصورة غير عادية
والحتة دي ظاهرة في الغلاء غير المبرر للعقارات
يعني أنا أتصور: ممكن يجي واحد يلاقي عمارة سعرها 6 مليار سوداني
ويقوم يشتري على طول بدون تردد... لأنه يريد إدخال ما معه من أموال في دائرة غير مشبوهة
وبالطريقة دي ينشط سوق العقار ويبلع كل غالب الأموال المشبوهة
وأعتقد بالطريقة دي حصل الغلاء في العقارات
الطفرة الحاصلة دي، مسألة غير طبيعية... خاصة البلد ليس لديها موارد
عموماً.. نتمنى الخير للبلد وأهل البلد
تحياتي
عماد حسين ..
أشكرك على هذه المداخلة وما سطرته من رأي
وغسيل الأموال إصبح مشكلة العالم الإقتصادي في معظم البلدان
ومحاربتها تشكل أرق إستقحل أمره حتى باتت بنوك عالمية في دائرة الشك
وفعلا كما قلت أصبح كل شيء ممكن في زمن سيطرت المادة على كل مناحي الحياة
وربك يستر ..
لك التحية
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
حمدالله ع السلامة استاذ محمد, عساها كانت اجازة سعيدة
عودة على تعليقك
نعم توجد سيارات فاخرة ونضيفة لكن كيف هو حال الشارع والأسفلت الذي تمشي عليه, البيوت فخمة و ظريفة ما هو حاال لشارع الفاتحة فيه
كيف حال الصرف الصحي و تصريف مياه الأمطار ؟ هل تم استبدال اسلاك و أعمدة الكهرباء الممتدة في سماء العاصمة و عابرة لشوارعها بكوابل مدفونة و محمية كما هو الحال في العواصم المعافاه؟
هل اختفى المتسولون و الشماشة؟ هل اختفت الكوش, هل توقف الناس عن البول في الشوارع و الحوائط؟ هل أغلقت الخيران؟
هل وهل وهل .....
يا استاذ محمد ما رايته ليس مظاهر عافية بل أعراض موت و موت سريع كمان
عندما تصبح عاصمة البلاد عبارة عن مدينتين مختلفتين تماما يشغلان نفس الحيز الجغرافي و الزماني إحداها للناس العندها كل شي و التانية للما عندهم شي
| |
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: معاوية المدير)
|
Quote: حمدالله ع السلامة استاذ محمد, عساها كانت اجازة سعيدة
عودة على تعليقك
نعم توجد سيارات فاخرة ونضيفة لكن كيف هو حال الشارع والأسفلت الذي تمشي عليه, البيوت فخمة و ظريفة ما هو حاال لشارع الفاتحة فيه
كيف حال الصرف الصحي و تصريف مياه الأمطار ؟ هل تم استبدال اسلاك و أعمدة الكهرباء الممتدة في سماء العاصمة و عابرة لشوارعها بكوابل مدفونة و محمية كما هو الحال في العواصم المعافاه؟
هل اختفى المتسولون و الشماشة؟ هل اختفت الكوش, هل توقف الناس عن البول في الشوارع و الحوائط؟ هل أغلقت الخيران؟
هل وهل وهل .....
يا استاذ محمد ما رايته ليس مظاهر عافية بل أعراض موت و موت سريع كمان
عندما تصبح عاصمة البلاد عبارة عن مدينتين مختلفتين تماما يشغلان نفس الحيز الجغرافي و الزماني إحداها للناس العندها كل شي و التانية للما عندهم شي |
الأستاذ محمد البشرى ، لك وافر التحية والتقدير ،
وأشكر لك توصيل المعلومة وضبط المدلول ، وما تفضلت به هو ما يورق النفس والحال ولكن ما رأيته كان كحبة البندول الي تريح عليلا وقتا من الزمن بعد أن
أغمض عيناه كثرة الوجع .. ومعاناة الألم الذى عشناه طويلا يا محمد البشرى ..
ما أوردته صحيح ، وهؤلاء المستثمرين وأعتقد جلهم من السودانيين سئموا طول البقاء في الخارج وطال إنتظارهم لتصحيح ما تفضلت به ، ... وأقول ، فعلاً
البنية التحتية منعدمة تماما وتكلف كثيرا والتصريف الصحي نفذ في أماكن بعينها وخاصة في المنطقة التي يوجد بها عدد من العمارات ، ومناطق سكنية حديثة ،
وخارج العاصمة بصورة واضحة ، وجه المدينة المتحضر أصبح خارج العاصمة كما هو معلوم ، ولكن الملاحظ أن يزدهر سنتر الخرطوم هو الذى جعلني أدهش ،
عموما أن تنموا الأزاهير في مكان غفرٍ غير متوقع هو الخبر ..
أشكرك ولك تحيتي ..
أُفتتح
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
سلام أخي الفاضل محمد
في زيارتك القادمة فقط أدعوك للخروج عن العاصمة ولمسافات لا تبعد عن المائتين كيلو أو أقل مثلا رفاعة - الحصاحيصا - وما حولها وتدني الخدمات المريع وستكتشف أن الانسان هو أرخص شئ في سودان هذا الزمان تدني في الخدمات الصحية والتعليم وأماكن العلاج من القذارة بمكان لا يمكن وصفه سواء أنه أماكن ناقلة للمرض
هذه العماير التي ترى لو سالت عن ملاكها معظمهم أـناس أرتضوا لأنفسهم كسب بوسائل ربما تكون غير مرضية للكثير أدناها الانتماء ... لهذا النظام هو الشفرة التي يمكن من خلالها فك الحصار والمضايقات التي يتعرض لها الفرد ... قد لا نرتضي بذلك النوع من الانتماء وبالتالي سوف تكون فرصنا أضيق ومواءمة العيش تحت مظلة الوطن ... أتمنى أن تكون بعض الظروف قد أجبرتك لزيارة المصالح الحكومية لإجراء ما ولاحظ كم الفساد الذي طال البلد في كل شئ والواسطة والمحسوبية ....
يمكنك في هذه الفترة التي قد تكون صادفت أكتوبر/ نوفمبر والسفر في اراضي السودان لالاف الهكتارات التي تكسو الأرض من الخضرة والانتاج الوفير وخاصة هذا العام والذي تبشر فيه الحكومة بأن دخل الذرة لن يقل عن ثلاثة مليارات من الدولارات هذا غير المحاصيل الأخرى والانتاج الحيواني وغيرها ولاحظ الخدمات التي تقدمها الدولة للإنسان المنتج في تلكم الأماكن ... لاشئ غير طرق وعرة لا يمكن السفر عبرها في الخريف لا مدارس لا مستشفيات وأرخص شيئ هو الانسان
البلد دخلها ما ساهل والله - لكن المال محتكر من الفئات المتحكرة باسم السلطة ومطبلاتيها ملاك تلكم الأبنية الفارهة ...
الله يكون في العون ...،،،
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: othman mohmmadien)
|
ام العروس كانت منزعجة بشدة و يبدو عليها القلق و هي تهاتي "وا فضيحتنا .. الضيوف ديل ما أكلوا و نحن بيتناهم القوي.. وا فضيحتنا الما قدرنا كفينا الضيوف و خليناهم جعانين" كانت تردد هذه العبارات بشكل هستيري...
أم الحسن و بت جادين مسكوها و قعدوها في كرسي و جابوا ليها صحن كبير مليان بما لذ و طاب.. و بعد تحانيس و تخاصيم اجبروها إنها تاكل و هي ترفض بحجة أنها لن تأكل قبل أن يكتفي الضيوف.. و لكن تحت إصرار و إلحاح ام الحسن و بت جادين رضخت للأمر و ضربت الصحن المدنكل عن بكرة ابيه.. و قامت غسلت يديها و تلفت يمنة ثم يسرة و تكرعت و نظرت في وجوه ضيوفها نظرة رضا و همست في سرها "الحمد لله كفينا كل الضيوف و شبعناهم"
ربما المغترب العائد للخرطوم في إجازته هو الذي تعافى
و لا شيء شخصي
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Hafiz Bashir)
|
| Quote: في زيارتك القادمة فقط أدعوك للخروج عن العاصمة |
والله الامر لا يحتاج للخروج من العاصمة ... اي ركن في العاصمة يصرخ بمأساوية الوضع وتخلفه
الناس ضاربم الجوع وسوء التغذية ولا علاج والسلع الفاسدة تباع عيانا بيانا وظروف عرض وبيع المواد الغذائية تفتقر لأدني شروط السلامة والفوضى تضرب اطنابها
مشكلة مواقف المواصلات دي براها - كمثال بسيط جدا وحاجة كدة بس جات في اليد- جننت الناس جن وكرهتم حياتم
التحية لصاحب البوست وللمتواجدين
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
الأخ / محمد مختار
لك التحية وأنت تنقل لنا ما شاهدته عن تعافي عاصمة السودان الذي نتمنى أن يكون تعافي حقيقي وليس مجرد خيالات ...!!
أخ محمد أنت تتحدث عن :
- تطاول البنيان وهذا ليس مقياس لتعافي الإقتصاد فعندما كان إقتصاد السودان في أحسن حالاته في
السبيعنات لم تكن هناك عمارات تتطاول في سماء الخرطوم .
- أنت تتحدث عن حركة تجارية والسودان في الأساس بلد زراعي فلم تحدثنا عن الزراعة ولا عن الإنتاج الزراعي الذي
هو أساس تعافي الإقتصاد ..!!
- أنت تتحدث عن العاصمة الخرطوم ولم تذكر لنا أحوال الأقاليم البعيدة ..!! فهل السودان هو الخرطوم فقط ؟؟؟؟
بالإنتاج وحده يحدث تعافي الإقتصاد يا شيخ محمد وهذه معلومة يعرفها حتى راعي الضان في بادية البطانة أما فخامة
المطاعم والعمارات السوامق وتجارة القطاعي فهي لم تكن يوماً مقياساً لتحسن إقتصاد أي بلد ...!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
Quote: والله الامر لا يحتاج للخروج من العاصمة ... اي ركن في العاصمة يصرخ بمأساوية الوضع وتخلفه
الناس ضاربم الجوع وسوء التغذية ولا علاج والسلع الفاسدة تباع عيانا بيانا وظروف عرض وبيع المواد الغذائية تفتقر لأدني شروط السلامة والفوضى تضرب اطنابها
مشكلة مواقف المواصلات دي براها - كمثال بسيط جدا وحاجة كدة بس جات في اليد- جننت الناس جن وكرهتم حياتم
التحية لصاحب البوست وللمتواجدين |
مهدى صلاح ..
شكرا لك ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote: تحياتي أستاذ محمد مختار جعفر
مقارنةَ بخرطوم زمان ، نعم حصلت طفرات هائلة في كل شئ السكان الطرق العمران نمط العيش .. إلخ .. الذين ينكرون ذلك أحسبهم منبهرين بعمران البلدان الغنية فأصبحوا يرون بلدهم زي الشئ الكعب -.. الواحد حقو ما ينسي كل المعاناة التي عاناها أباؤهم لتربيتهم في خرطوم السبعينات والثمانينات والتسعينات وووو .. كأنما لم يعيشوا صفوف المواصلات والبنزين والرغيف ووو .. رغم أن عدد السكان في الماضي لا يساوي خمس عدد السكان الآن ..
والناس العاوزة تقارن بالأقاليم .. متين الأقاليم كان فيها خدمات ومتين كانوا مرتاحين .؟؟!!. |
الأخ / Munir لك التحية ، وأشكر لك هذه الإضافة وهذه المقارنة
الواضحة ، وكثيرا ما يغفل البعض ما كان بالأمس ، ..
لك تحيتي..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عوض محمد احمد)
|
Quote:
الأخ / محمد مختار
لك التحية وأنت تنقل لنا ما شاهدته عن تعافي عاصمة السودان الذي نتمنى أن يكون تعافي حقيقي وليس مجرد خيالات ...!!
أخ محمد أنت تتحدث عن :
- تطاول البنيان وهذا ليس مقياس لتعافي الإقتصاد فعندما كان إقتصاد السودان في أحسن حالاته في
السبيعنات لم تكن هناك عمارات تتطاول في سماء الخرطوم .
- أنت تتحدث عن حركة تجارية والسودان في الأساس بلد زراعي فلم تحدثنا عن الزراعة ولا عن الإنتاج الزراعي الذي
هو أساس تعافي الإقتصاد ..!!
- أنت تتحدث عن العاصمة الخرطوم ولم تذكر لنا أحوال الأقاليم البعيدة ..!! فهل السودان هو الخرطوم فقط ؟؟؟؟
بالإنتاج وحده يحدث تعافي الإقتصاد يا شيخ محمد وهذه معلومة يعرفها حتى راعي الضان في بادية البطانة أما فخامة
المطاعم والعمارات السوامق وتجارة القطاعي فهي لم تكن يوماً مقياساً لتحسن إقتصاد أي بلد ...!! |
الأخ / Othman Al-Hasan Babikir
لك التحية والتقدير أولاً على المداخلة
وأتفق معك أن الإنتاج هو المعادلة التي تقاس بها الأشياء لاسيما إقتصادنا الوطني ،
بل الإنتاج الدروس بخططه واستراتيجيته ، وأنا لم أشر الى ما تفضلت به ، بلذكرت في عنواني
أن هناك تعافي وهي بوادر ربما تكون مطمئنة في زمن كما قلت ضاع فيه مفهوم التفاؤل وبتنا
في رجاء وتمني ، وأصبحنا نكرر كلمة ( عسى ) وعسى الله أن يبدل الحال .. أليس ذلك ..
شكراً
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
أخي مختار عساك بعافية..
عدت من الخرطوم قبل شهر تقريباً.. بعد انقضاء عطلة عيد الأضحى المبارك..
البلد فيها (بعض) المظاهر مما قلت.. هناك وفرة في كل السلع تقريباً..
لكن لا توجد فلوس عند الأغلبية لكي تشتري ما تحتاجه..
الشوارع كلها (دون استثناء) فيها حفر وأخاديد حتى الجديد منها..
لا توجد أي إضاءة ليلية في كل شوارع ولاية الخرطوم (عدا نسبة 5%) فقط..
صحة البيئة تعبانة جداً جدا.. دخلت السوق الشعبي أمدرمان فوجدته أصبح كله مكباً للنفايات
والغريبة أن المطاعم وشوايات الشاورما على بعد أمتار قليلة جداً من عوادم الحافلات والبصات
وغبار الناس.. هل دخلت ميدان جاكسون في الخرطوم لترى الفوضى بعينها في أكبر موقف مواصلات في الولاية
شارع مدني الخرطوم أصبح سيئاً جداً وصيانته لا تحتاج لجهد كبير..
مع أنه تم رفع رسوم عبور الطريق بنسبة 400% وهذا لا يحدث في كل دول العالم..
أن تكون الزيادة بهذه النسبة ودون أي مبرر..
الدولة توقفت تماماً عن تقديم أي خدمات بدون مقابل..
القبضة الأمنية هي التي أبقت وستبقي هذا النظام سواء رضي الشعب أو لم يرض..
ما يقال عن الحوار ما هو إلا استهلاك للوقت فقط.. والحكومة غير جادة في أي إصلاح..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عوض محمد احمد)
|
مرحباً أخ عوض محمدأحمد ..
أنا برضو كنت في الخرطوم الصيف الفات ده .. وفتحت بوست لتناول المثالب والإيجابيات ولكن لم أجد الوقت والمزاج للإستمرار فيه ..
عموماً عشان أحكم علي الصورة العامة لازم أتجرد وأقارن الماضي بالحاضر، وأستبعد إنبهاري بالموطن الجديد الذي أعيش فيه ، لأنو معظم المغتربين والمهاجرين - الجدد - خرجوا من السودان وهم أغلبهم أبناء أسر فقيرة وممكن تكون معدمة .. و أغلبها قد خرجت من بيئات قطاطي وبيوت جالوص وشوارع وأزقة متهالكة لا يمكن أن تكون مثل شوارع في عالم ثالث آسيا أو أمريكا الجنوبية مثلاً .. ولذلك أنا مثلاً جاي مارق من حي شعبي - زي الشعبية - ما ممكن أول ما شفت استكهولم أو امستردام أو نيويورك أقعد أسب في البلد والحكومة ووو وأنسي أني زاتي - وكل المتعلمين والحرفيين والإداريين والسياسيين - مسئولين من الوضع الحالي للبلد منذ خروج الإنجليز وحتي الآن .. ما ممكن أنا عشان عايش في بلد عمرها أسيادها وأنا قاعد أتنعَّم بنظامها وحضارتها أقوم أنسي أني أنا زاتي مفروض أسوي زي الشغل ده في البلد - مش أجي في بلد الغير أقعد أنتقد وأشتم في العفن الخليتو وراي وأنسي أني زاتي جزء من الصورة الرديئة للبلد حتي لو بأثر رجعي ..
دي نقطة .. النقطة التانية ، يجب أن لا ننسي أن الخرطوم في عقودها الأولي كانت شبه خالية، ولكن حديثاَ إنكسرت ماسورة النزوح من كل حدب وصوب مننننننن غرب أفريقيا إلي الحبشة بدون إذن ولا تأشيرة .. وهذه الأفواج البشرية التي استوطت العاصمة زحمت كل شئ .. وأنا أقول ليك لولا كثافة الطرق والكباري والجهود الكبيرة المبذولة لتحولت العاصمة لأكبر وكر للجريمة والقاذورات .. ياخي لغاية التسعينات كان كوبري النيل الأزرق ده شايل تقريباً 70 في المية من الحركة بين بحري والخرطوم وكبري النيل الأبيض شايل كل الحركة بين الخرطوم وأمدرمان .. وأنا ذاتي رغم أني كنت شغال باحث كنت بكون واقف الصباح للمواصلات ساعتين عشان ألقي حافلة الشعبية وأقطع التذكرة ماشي وجاي - واقف في الباب - عشان أصل الشغل الساعة 11 .. ومن الشغل أقيف في الحر أو أركب الحافلة ماشي وجاي عشان أصل البيت مع المغرب .. ومرات كثيرة أخدها من قصيرها وأمشي كداري عديل من الخرطوم لآخر الشعبية بحري .. اليوم أزمة المواصلات دي شبه إختفت - بل أنه الحافلات اصبحت مرات تخش الحلة عديل عشان تلقط الركاب -.. ولكن مازالت الماسورة مكسورة والنزوح من كل بقاع أفريقيا منهمر علي البلد .. لذلك الزول مفروض ينظر للصورة الكلية .. عملياً كده مع الماسورة المكسورة دي حكاية إنك تطوِّر العاصمة تظل شبه مستحيلة .. لأنو الناس البينظفوا أقل بكثير من الناس البيوسِّخوا ..
نحن في أواخر السبعينات والثمانيات كانت حياتنا كلها مساسقة بين الأفران - حايمين فوق كراع كلب مابين أفران الشعبية والمزاد وشمبات والهجرة ومرات نصل الملازمين عشان بضع رغيفات مسوِّسة .. دع عنك أزمات البصل والطماطم والفحم والسكر والزيت والصابون ،حيث كل السلع أصبحت توزَع بكروت التموين .. لو ظلت تلك الموارد كما كانت عليه بذلك الشح حتي الآن وقامت جات عليها الماسورة المكسورة دي كان الناس سفّت الواطة عديل كده .. أنا غايتو شايف إنو الخرطوم دي حتبقي زي لاغوس قريباً .. ومجهودات الدولة الآن فقط تبطئ من هذا التحوُّل الدراماتيكي .. والحاصل أنه كلما انبذل مجهود للتطوير تصبح أكثر جذباً للمزيد من البشر من تخوم 'كانو' لغاية مجاهل بنقلاديش .. ده كمان لسه المصريين ما جو كاسرين - ديل كمان حياتهم أصبحت جحيم - ..
المهم في الأمر أني أعتقد أن الحكومة باذلة مجهود خرافي بتجميل العاصمة إبتداءاً من المناطق حول النيل ، وأحسب أن الإصلاح سينساب تدريجياً لتتسع الدائرة الحضارية .. أنا لا يمكن أن أقارن الخرطوم بدبي أو أبوظبي أو الرياض أو جدة - التي تغرق كل خريف - فهذه العواصم هي عواصم أثري الدول حيث الثروة تهطل عليها بدون مجهود وعدد سكانها محدود ومغلقة إغلاق صارم عن كل وافد ما معروف جاي من وين .. وبعد ده كله تجد عمرانها في مساحات محصورة صغير لا تتناسب مع الثروة الهائلة التي تمتلكها هذه الدول ..
ثم أخيراً، حتي الدول الغربية رغم عمرانها وناطحات سحابها إلاّ أن أهلها أيضاً يعانون من شظف العيش - والله الخواجة هنا لو عزمك كباية قهوة ساي يكون عامل ليها ألف حساب - وذلك لأن الشعوب مكبلة بالديون الهائلة التي تمتد من أقساط المنزل وحتي ثمن التلفزيون و البلي ستشن .. في بلديات تعتمد علي رسوم النفايات لتغذية ميزانياتها .. أعرف بلدية في هولندا أكتشفت أن هناك خلل في الميزانية فأكتشفت أن 30 في المية من سكان المحلية لا يرمون البرميل الأخضر - الذي هو مخصص للنفايات الخضراء .. قش، بقايا طعام قشر موز قشر برتكان .. إلخ - تعرف عملوا حملة تفتيش للمنازل لسؤال أهلها لييييه ما قاعدين يطلعوا براميلهم - طبعاَ كل ما يشيلوا البرميل بتاع البيت سيد البيت يدفع 5 يورو .. أها ده مش الفلس زاتو؟؟ .. في محليتنا كان هناك نظام لرمي النفايات الخشبية - زي الترابيز المكسرة أو الدواليب أووو .. المهم تمشي تشتري sticker ب2يورو وتلصق واحدة في كل قطعة ، وتختها قدام البيت - تجي العربية تخم كل القطع الملصق فيها الsticker ولو نسيت قطعة يخلوها ليك في محلها .. - المشكلة مرات تلصقها بالليل يقوموا يجوا حرامية يسرقوا الإستيكر ويخلوا ليك القطعة في السهلة ساي - أها قامت المحلية إبتدعت نظام غبي - ناس المحليات ديل في أي حتة في العالم زي القٌراد ، قاعدين لإمتصاص دم الناس - وهو أنه بعد كده لو عاوز ترمي حاجة تضرب ليهم تلفون وهم يجوا يشيلوا ليك الحاجات العاوز ترميها وتدفع 25يورو وبعدها تدفع علي الزمن البياخدوهو في تفكيك الحاجات ورميها في العربية .. !! إستغلال مريع، صاح؟؟ قاموا الناس ما اشتغلوا بالنظام ده واصبحوا يرموا أشياءهم في السهلة ساي - في كٌوَش معدودة لرمي أنواع معينة من الفايات - زي الملابس الزجاج .. إلخ -
أووبس أنا الظاهر علي طولت البوست ..
عاوز أخلص لشنو؟ عاوز أقول أن السوداني ما يقعد يعاين ويشتم في الكرور الحاصل في بلده وينسي إنه هو زاتو كرور قاعد مستمتع بعرق جبين الآخرين ..
أيوة معروف أن هناك فساد وأي حاجة ، لكين في العموم هناك رجالة شغالة وشغلها ظاهر للعيان .. رغم الحرب والتمرد الذي هو أداة لتدمير البلد وإنهاكها ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
هناك أمر مهم يتغافل عنه الناس- ألا وهو عامل السن والبيئة والنشأة والثقافة ..
أجعص واحد عامل فيها جيفارا ويشتكي ليل نهار من سوء الأحوال المعيشية والسياسية كان في السبعينات والثمانينات وربما التسعينات طالباً أو طفلاً أو ما ولدوه ذاتو !!!.. في ذلك الزمن كان والداه متكفلان بكل حاجياته ولربما كان من طلاب الجامعات الحكومية حيث الغذاء والسكن مجاني .. تلك إذن فترة عدم تحمل المسئولية - أو قل أن المسئولية ملقاة علي عاتق الأب الكادح الذي يعاني في صمت حتي يعلِّمه هو وأخوانه لتحمل مسئولية المستقبل - إذاً فقد تحمَّل جيل الآباء معاناة تربية أبنائهم رغم ضيق ذات اليد ومحدودية الخيارات .. والحصل الآن أنهم خلفوا من بعدهم خلف غلبتهم المسئولية يتطلعون إلي ما فوق طاقتهم ، وفوق ذلك عاجزون عن النظر لمسئولياتهم ووجدوا أن أسهل طريقة لعدم الإعتراف بالعجز هي الشكوي والتذمر وإلقاء اللوم علي الحكومات .. إذن، هناك هذه المسحة الزمنية التي نقلت الزول من طفولة أو صبا أو شباب ما عنده مسئولية، بل أن مسئوليته ملقاة علي الأسرة، إلي مرحلة تحمُّل المسئولية بعد التخرج والزواج والضرب الأصبح شديد .. ده عامل شنو قلنا؟ عامل السن ..
الشئ التاني هو عامل البيئة والنشأة والتنكر لها .. وده كتبت عنه في المداخلة السابقة .. يعني الواحد يكون مارق من بيئة فقيرة تعبانة وتقوم تسوقه الظروف للخليج أو اوروبا أو امريكا أو حتي ماليزيا فيقوم ينسي نفسه وبيئته ويظن أنه سيد البلد الجديدة الإنتقل ليها دي ومن ثم يبدأ في لوم أهل بلده لييييييه ما عملوها زي ده؟؟ سيبك من الناس السافرت بره البلد ، هسه تلاحظ أن لوردات الحروب والقادة المشعللين الحرب ديل معظمهم ما شافوا العاصمة إلاّ عندما جو طلبة جامعات .. يعني الخرطوم دي ساي كانت صدمة حضارية بالنسبة ليهم وكمان لمن مرقوا بره واحتضنتهم العواصم المتطورة جد جد إنفجر إنبهارهم لتمرد عنيف تكتوي البلاد بنيرانه إلي الآن.. هناك مشكلة كبيرة جداً في أن البني آدم عاوز يكاوش أكبر قدر من الدنيا قبال يغادرها .. والمعضلة أن البون شاسع بين عواصم العالم المتحضر وعواصمنا المهترئة .. ولكن الغاضبون - في آواخر العمر- زعلانين ليييه خرطومهم ليست مثل نيويورك؟ .. فيلقون اللوم علي ناس الخرطوم وينسوا أنفسهم ..
والشئ الأنا بالجد محتار فيهو هو تلك النظرة العدائية للوطن الأب والإمعان في تبخيسه - أي واحد عامل فيها خالي مسئولية من الحاصل - وفي نفس الوكت المبالغة في مدح بلاد الغربة !! .. رغم أنهم يعيشون في هامش الحياة سواءاً في الغرب أو الخليج أو الشرق، بينما شايلين المدافع الرشاشة بسبب دعاوي التهميش في بلدهم !!!..
الناس التي تتباكي علي الديمقراطية مثلاَ تلقاهم متجدعين زي العجب في الخليج والسعودية - أسوأ بلدان في العالم من حيث توزيع الثروة والسلطة والملكية والمشيخجية والأصولية السلفية وووو ، تلك الأسباب التي مولعة النار في بلدنا - ووووووو..
نشوف لي قدام لو في زمن ..
| |
|
|
|
|
|
|
|
|
 Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
مررت في القاهرة (2013) بمحطة بنزين مزدحمة بصورة عجيبة جدا ..
وتمتد صفوف العربات لمسافات طويلة ..
فسألت "بتاع التكسي" لماذا الازدحام في هذه المحطة بالذات وغيرها يخلو تماما من الازدحام ..
فأجابني " ده بنزين مدعوم يا بيه" !!
_______
للفقراء الحق في قطعة الخبز المدعوم ولو كفاحاً ..
أو ليس إنجازا خطيرا ان توفر البنزين بسعره الحقيقي وبأرباحه في نهاية اليوم !!..
بل وقد تطال الوفرة بتلك الطريقة حتى قطع الجاتو !!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
Quote:
حمدالله ع السلامة استاذ محمد, عساها كانت اجازة سعيدة
عودة على تعليقك
نعم توجد سيارات فاخرة ونضيفة لكن كيف هو حال الشارع والأسفلت الذي تمشي عليه, البيوت فخمة و ظريفة ما هو حاال لشارع الفاتحة فيه
كيف حال الصرف الصحي و تصريف مياه الأمطار ؟ هل تم استبدال اسلاك و أعمدة الكهرباء الممتدة في سماء العاصمة و عابرة لشوارعها بكوابل مدفونة و محمية كما هو الحال في العواصم المعافاه؟
هل اختفى المتسولون و الشماشة؟ هل اختفت الكوش, هل توقف الناس عن البول في الشوارع و الحوائط؟ هل أغلقت الخيران؟
هل وهل وهل .....
يا استاذ محمد ما رايته ليس مظاهر عافية بل أعراض موت و موت سريع كمان
عندما تصبح عاصمة البلاد عبارة عن مدينتين مختلفتين تماما يشغلان نفس الحيز الجغرافي و الزماني إحداها للناس العندها كل شي و التانية للما عندهم شي |
مداخلة أخونا محمد البشرى الخضر هي المتعافية فعلاً
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Yousif A Abusinina)
|
| Quote: أو ليس إنجازا خطيرا ان توفر البنزين بسعره الحقيقي وبأرباحه في نهاية اليوم !!.. |
في ناس بالجد مساكين في الدنيا دي .. ما شافوا حاجة ..
Pricey: Regular petrol and diesel at this Paris station is nearly 1.5 euros per litre, while the story is the same across many European countries
المصدر:
http://www.dailymail.co.uk/travel/article-2021865/European-petrol-prices-Holidaymakers-warned-soaring-prices.html from here
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
أحترم كثيراً كل المتداخلين مع تباين الآراء هنا ، ولا أختلف مع بعضها
ولكني لا أنظر الى الكوب من جانب واحد بل أعيش أملاً طال إنتظاره
وهناك ماهو أقسى منه ، أن تطول قربتك وتفني فيها عمراً بدأ غضاً وانداحت
سنواته عجافاً حتى تجاوزنا الشيخوخة ووقفنا نطرق أبواب الكهولة ، متمنين أن لا
نجد مجيبا فيها ، فتوسدنا أخشابها علها تبشرنا بأملٍ تأبى ردود المتداخلين هنا
أن نفرح بها ولو قليلاً من الزمن ..
لكم جميعاً شكري وتقديري ..
محمد مختار جعفر
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote: إنتو عارفين ال1.5 يورو دي معظمها ضريبة؟؟
|
منير
سلام
الضرائب لو انعكست في الخدمات اصله ما مشكلة؟
مشكلة الخرطوم والسودان ككل إنّه القادة الحاكمين الآن لا يتمتعون بأي نظرة تخطيطية
والسبب بسيط جداً، أنا الأولوية للبقاء على كراسي السلطة
لذلك يجب أن تذهب كل الضرائب والأموال للأمن
ثم تأتي الأشياء الأخرى
كما أكدت الحكومة فشل البرنامج الاثلاثي فشلاً ذريعاً
المدهش أن نفس الذين نفذوا البرنامج الثلاثي
يريدون تنفيذ برنامج خماسي جديد
دون دراسة لأسباب الفشل الأول
والكلام دا ما كلام معارضة او تمرد
دا كلام ناس الحكومة نفسهم
فقصة أن هناك جهد مبذول دي كضبة كبيرة جداً
الفساد ضارب بأطنابه في كل تلك المشاريع
وقصة غسيل الأموال القالها عماد فوق دي ما ترموها واطة.
أنا عشت العز بتاع الخرطوم
وغبت عنها حداشر سنة
ورجعت ليها
وجدت صحتها البيئية اتدهورت لدرجة عجيبة
رجعت قبل سنتين
لقيت صحة البيئة اتدهورت بصورة أكبر
من ملاحظاتي أيضاً تكاثر العمارات والمباني الجميلة
الحكومية والخاصة
الحركة التجارية والمضاربة شغالة على قفا من يشيل
اندهشت عندما علمت أن الكثير من هذه الشركات
هي شركات حكومية وتابعة للنظام
اعتقد أن الخرطوم تحتاج لتغيير كبير لتصبح مدينة (عادية)
وصالحة للحياة وخصوصاً صحة البيئة.
طبعاً من المدهش جداً أن مدينة فاتحة على ثلاثة أنهر
وتعاني من مشكلة تصريف أمطار الخريف
(كان في بوست من زول متخصص) اتكلم عن المشكلة دي.
ونتمنى أن تزدهر الخرطوم وكل السودان
ودعاؤنا الييومي أن تقف الحرب، فمن غير أيقاف الحرب
لا أمل في تنمية لإنسان أو مدينة.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
بنسبة تضخم عالية كالتي نراها و مع تدهور سعر العملة و غلاء طاحن اضطر الناس لاكل لحوم
الحمير و الفطائس، من الصعب الحديث عن (معافاة) اقتصادية
يمكن الحديث عن قلة تتمتع بمستوى معيشة عالي تتطاول في البنيان و تتاجر في الكماليات تبيعها
لبعضها. مع اغلبية مطحونة
و هذا وضع شبيه بعديد من الدول المنهارة اقتصاديالا تخلو عواصمها من هذا التبائن الكبير بين
طبقتين مطحونة و متمكنة
الوضع شبيه بمن يكتفي بزيارة المنشية او العمارات و يقفل راجعا و يتحدث بعدها عن (رخاء) اهل الخرطوم
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: عوض محمد احمد)
|
يا إخوتي الكرام الصادق اسماعيل وعوض محمدأحمد تحياتي ليكم .. أولا خلوني أثبت حاجة ، وهي أني لست بصدد أكون حكومي أكتر من الحكومة .. فقط أنا سئمت من كثرة الكواريك ورمي الداء كله في شماعة الكيزان والحكومة بدون النظر بموضوعية لكل جوانب المحنة .. أنا عارف أني خاتي نفسي تختة لكل زول عاوز يفرِّغ غضبه من الحكومة .. وعلي أي حال أنا أعتقد أن رمي الداء كله علي الحكومات هو نوع من السلبية والإنسحاب من مواجهة الحقيقة المُرّة .. وهي عجز الشعب السوداني عن تطوير نفسه - هو الحكومة دي جاية من صلب منو؟ مش من صلب الشعب السوداني البطل ده شخصياً؟؟ .. ومتي رضي الشعب عن حكومة؟ منذ إنقلاب عبود - ثم أكتوبر - ثم إنقلاب نميري - ثم الإنفاضة - ثم إنقلاب الإنقاذ ، متين الشعب رضي عن حكومة سواءَ كانت عسكرية أو مدنية .. الإستنتاج أن الشعب عاجز عن النهوض وتنمية نفسه .. وطبعاَ العذر الجاهز هو أن الحكومة كعبة .. دي غلوتية دائرة في حلقة مفرغة .. هسه لو الحكومة تغيرت بكرة حيجوا ناس تاني فاشلين تكون أولوياتهم مختلفة فتخلق مشاكل أخري غيرمرئية تؤدي للسخط تاني وتشتعل الفوضي من أول وجديد .. غلوتية لا نهائية .. والسبب الرئيسي أن البلد دي زي الأخطبوط لها أذرع متشابكة ملتوية وناس رؤسها معصلجة بأوهام ليس لها أول أو آخر ..
وإنت في أمريكا يا الصادق أخير تمشي تعمل ساتر للتسونامي الجاي حين ينهار الدولار .. أمشي شوف البوست بهناك صرفت ليك فيهو 100 ترليون دولار زيمبابوي :)..
ويا عوض لو للمفارقة بين البشر أديك صور حية للتفاوت بين الأغنياء والفقراء في أرض الأحلام - أمريكا -
The rise in the number of homeless and hungry Americans have reached epidemic proportions.
It you can not pay the Bank, you are on the street.
This family live in the car. They have no other place to live.
This girl is an "American traveller". She lives on the cargo trains.
This family is lucky. They have got a new place to live in a public place
Calefornia dreaming. Homeless in LA.
Most of the native Americans live below the poverty line.
Social benefits. At last the chance to get a warm bowl of soup.
The skyline in Sacramento have got new tents, where Arny has his seat of power.
Life seen through a window of a tent in Detroit.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
Quote:
وقال علي محمود إن الحكومة سترفع سعر غالون البنزين (نحو أربعة لترات) خمسة جنيهات سودانية ليبلغ 13.5 جنيها (5 دولارات) بعدما كان في حدود 8.5 جنيهات (3.15 دولارات)، كما ستزيد من سعر غالون الديزل بـ2.2 جنيه (0.82 دولار) وعبوة غاز الطهي بجنيهين (0.74 دولار) وسيتم تحرير وقود الطائرات بشكل كامل.
|
..
بـ2.2 جنيه (0.82 دولار) ؟؟ .. يعني الدولار يساوي 2.68292682926829 جنيه (طلع السما عديل).. يعني الزول القال دخل الفرد 1800 دولار كلامه كان صاح .. :) ..
ود المشرف تيك إت إيزي .. ودعنا نتجاوز الجفاء المبطن .. ما عندي مصلحة في معاداتك - يدي ممدودة للتصالح رغم عدم وجود إشكال مسبق صريح -
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
يا حيدر المشرف أنا ما شغال بكل هذه الجزئيات ، والتي أعرف أن الأمور كلها سياسة وضغوط وأطماع وخوف وووو كثير من العوامل التي تضغط الساسة .. وقاعدة أفكاري كلها مبنية علي أن هذه السياسة كلها بحر متلاطم الأمواج ، ومهما بلغ السياسيون والإقتصاديون ووو من البراعة فإن السياسة والإقتصاد أعتي بكثير من إرادة وقوة أي مخلوق إلاّ أن يكون نبي أو ولي من الصالحين ... ولذلك أنا أري هذا المعترك والدواس مجرد موت وضغوط علي البؤساء الذين لا يرجون سوي الأمن ولقمة العيش بينما أهل السياسة يريدون السلطة والثروة فقط .. ما تقول لي كيزان أو شيوعيين أو غيرهم .. أي بن آدم عند المحك مستعد يبيع أبوه للنجاة بنفسه ..
الإنهيار الإقتصادي معناهو شنو؟؟ هل معناهو أن السودان ما زي السعودية أو الإمارات أو قطر؟؟ مثلاً ؟ السودان بلد فقير من قبل حكومة الإنقاذ ولا يختلف إثنان في ذلك ..
نعم العداوة ما حبابها ، ولكن الإختلافات في وجهات النظر تصل ذروتها بالحرب وإزهاق الأرواح .. وأنا أري أن الخلط والتحريض علي البلد مهدد حقيقي لأهلي بالداخل الغافلين الذين لا ينتبهون لما يحيكه لهم من يدعون الوطنية ويغذون معاداة البلد من دوائر خارجية .. وليس هناك تزييف لحقائق ولا أنا مغيّب عن الحاصل .. بل نظري للأمر أبعد من فساد الحكومة والسبب بسيط ، هو أن الفساد ليس مرتبطاً فقط بالكيزان ومافي داعي أقعد أجتر إتهامات الفساد وتصفية الحسابات عند القوي التي تدعي النضال من أجل الإصلاح ..
وجهة نظري أن الحكومة رغم كثير من سياساتها fired back لكن الإجتهاد حصل والإنجاز برضو واضح .. وأؤمن بأن السبب الرئيسي للإخفاقات هو الحرب التي تغذيها الدول المعادية للسودان بصورة سافرة .. إنت وباقي الشيوعيين لو خاتين في بالكم أن مشكلة الحكومة هي لا إله إلاّ الله فأبشروا بمعاداة الحزبين الكبيرين وعلي رأسهم ناس الله أكبر ولله الحمد ..!!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
إنتبهت الآن لحكاية البنزين كان مدعوم والسلع كانت مدعومة ووو .. وداير أرجع للنقطة دي .. إنت يا حيدر ربما تكون في أوائل الثلاثينات بالكتير .. ولذلك أحب أذكرك أن البلد دي كانت معتمدة علي المعونات .. وأذكرك أن أطول شارع زلط في بحري - وكان حده الجيلي - إسمه شارع المعونة المعونة الأمريكية .. وذكرك أن أزمات البنزين والعيش كانت تفكها المعونات الخليجية والأمريكية .. باخرة قمح من امريكا ، باخرة بنزين من السعودية إلخ.. وكانت تلك المعونات بمقابل شراء المواقف السياسية التي تتبع الخليج وأمريكا - بما في ذلك ترحيل الفلاشا - والمعونات المالية كانت تذهب لدفع مرتبات الخدمة المدنية ومخصصات السياسيين .. وذلك كان عندما كانت الخدمة المدنية كلها بضع آلاف .. وعلي ذلك قس .. يعني الشغلة كلها معونات في معونات ولذلك كان هناك فروقات كبيرة بين أسعار الأشياء في السودان والخارج .. عشان كده مغتربي السبعينات كانوا مبحبحين لآخر درجة .. الواحد بمئة ريال يملأ البلد كلها هدايا ويملأ عقول الشباب بأحلام الغربة ، والغربة كانت مجدية لفارق الأسعار .. فالأسعار المدعومة في السودان كانت وهمية .. ولكن في الزمن الحالي - زمن العولمة والتحرير الإقتصادي - لم تعد هناك مناطق ضغط مرتفع وضغط منخفض في أسعار السلع .. فعولمة الأسعار جعلت رطل الزيت في الخرطوم يساوي رطل الزيت في بروكسل .. فتلاشت كل ميزات الإغتراب .. والشئ الذي ضاعف تأثير ذلك علي السودان هو الحصار الرهيب المضروب علي السودان .. ووو.. لا أظنني أحتاج أن أسهب أكثر من ذلك ، فكل ذو فطنة يمكنه أن يستنتج نهايات إسترسالي ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
أخطر شعار أتت به الإنقاذ - ويبدو أنها تحت الضغوط تخلت عنه - هو شعار نأكل مما نزرع ونلبس مما نصنع .. وذلك كان شعاراً طموحا قوياَ ، ولكنه كان يمثل مهدداً رهيباَ للهيمنة الإمبريالية علي الدول الفقيرة وخاصة الأفريقية ..ولذلك واجهته بكل ما أوتيت من قوة وبضغوط هائلة حتي تجهض هذه الروح الخطرة من دولة مثل السودان تمتلك كل مقومات الإعتماد علي الذات وقادرة علي تنفيذ هذا الشعار الخطير .. ولذلك إزداد تسعير الحرب لإجهاض أي إعتماد علي الذات محتمل .. وما يزال الضغط مستمراً ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote: وجهة نظري أن الحكومة رغم كثير من سياساتها fired back لكن الإجتهاد حصل والإنجاز برضو واضح ..
وأؤمن بأن السبب الرئيسي للإخفاقات هو الحرب التي تغذيها الدول المعادية للسودان بصورة سافرة ..
إنت وباقي الشيوعيين لو خاتين في بالكم أن مشكلة الحكومة هي لا إله إلاّ الله فأبشروا بمعاداة الحزبين الكبيرين وعلي رأسهم ناس الله أكبر ولله الحمد ..!!!
|
منير
سلامات
بصرف النظر عن من يحكم السودان
التخبط في سياسات الحكومة واضح لدرجة أن من يقول ذلك الحكومة نفسها
فيا خي ما تقوم نفسك ساكت، الحكومة قايمة بموضوع اعترافها بفشلها
وفشل سياساتها الإقتصادية
وما في زول قال ما في فقر في العالم
لكن المشكلة إنه في السودان في إفقار
وإفقار نالتج عن تخبط بتاع سياسات
وأي مواطن ما دام الحكومة بتشيل منه ضرايب مفروض يحاسبها
والناس دي ما تقول لي كعبة
لأنه نفس الناس دي
أنا وإنت كمثال بنشتغل لمن نلقى عايد مقابل شغلنا
في السودان الكلام دا ما حاصل
وإنتا وأنا وأي زول عارف الكلام دا
يعني أنا كمواطن ما بلقى شغل إلا بواسطة
وفي وظائف معينة ما بتدخلها لو (أذنت)
وبالتالي فإنت كمواطن حتحمل وزر الحكاية دي للحكومة
بعدين يا خي الحكومة دي ليها 25 سنة حاكمة السودان
ودفتر الإنجازات العادت على المواطن شنو؟
يا ها بتردد في نفس الاسطوانة إنه الحرب دي قايداها دول معادية للسودان
يعنى من الإستقلال الدول دي ما عندها شغلة غير السودان
يا خي لمن بد\ت حربنا دي في دول كتيرة ما كانت استقلت من اساسه
أها الدول دي استغلت وعملت حروباتها الأهلية ووقفت الحروبات دي
نحنا عندنا شنو اكتر من الناس دي الحرؤبنا مدورة لحدي هسع
القصة مش في الإنجاز والإجتهاد
القصة في الرؤية والتخطيط
وحكومتنا ما عندها الرؤية دي ولا عندها التخطيط
وبتعيد في تعبئة نفس الخمرة في قزازيز جديدة.
أنا ما من الناس المؤمنين إنه تغيير الحكومة حيؤدي لرخاء
لكن مؤمن تماماً إنّه حكومة ما عندها تخطيط ولا رؤية حتفشل وتظل فاشلة.
الناس بالمناسبة عاملة العليها
يا هو القاعد جوة وبكابس والمرق برة
وبيدعم في مرتبات أهله عشان يعيشوا
أها المطلوب منهم شنو اكتر من كدا؟
البلد بقت للقادرين فقط ودا واضح من شكل الخدمات
والفقراء ليهم الله وعيشة السوق.
وقصة الحرب والسلام دا قرار سياسي
والحكومة ما عندها خطة ليها ولا عندها موقف مبديئ حتى
أهو المفاوضات جارية ونفس الحاجات الإترفضت من البداية
الحكومة بترجع توافق عليها.
يعني الناس مطلوب منها تعمل شنو؟
أنا أعتقد أن مقولة حسن الكوز هي المخارجة الوحيدة
لأنه حسن الكوز أي حاجة غلط بما فيها الفساد
بيقول ليك دا (ابتلاء من الله)
فهسع نحن برضه نكتف ايدينا ونقول دا ابتلاء من الله
لكن ما بيحل في حاجة، لأنه طاحونة الموت مدورة في البلد
واخلاقياً نحن مسؤولين من البيحصل دا.
طبعاً ممكن نطنش زي ما الناس بتتاعمل هسع، ونقول السودان بخير
وما في حرب وما في مشاكل
والحكومة مجتهدة لكن غالبها
فيا عزيزنا منير
الخرطوم دي بعماراتها وعشواياتها
احسن بمليون مرة من الباقي
الحاصل برة الخرطوم افظع بكتير
والحاصل في مناطق الحرب افظع
والبلد ماشي في انهيار بخطى ثابتة
والحلول القصيرة دي بتزيد الطين بلة
والمؤكد انه المسؤولين
ما عنده اي افق نظر لحل المشكلة
واهو قاعدين نراعي
ونعمل اضعف الايمان
نكتب عن الحاصل
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
أصلا اختلاف ال 180 درجة وال 270 درجة ده ذاتو مظهر من مظاهر الفشل السياسي في مجتمع يحكم بنظام عسكري أمني فاسد ومفسد لمدة 25 عاما متواصلا ...
والحروبات المتواصلة لم تهبط علينا من السماء ..
والانهيار الاقتصادي (تعريفو انو الدولة تصل مرحلة العجز في إدارة الدولة إقتصاديا ويهرع مسؤوليها لدول الخليج لتلقي المساعدات العاجلة وتمظهراتو الاجتماعية كثيرة كزيادة نسبة الفقر الفساد وتردي الخدمات الخ) ناتج عن أزمة حكم عميقة جدا ونظام فاسد قابض على كراسي الحكم ومتشبث بها ويصرف ميزانيات ضخمة جدا على اجهزتو الأمنية والعسكرية وعلاج ازماتو هو ذاتو ..
ما معنى ان يحكم شخص واحد لمدة 26عاما ؟!
وبذات تلك الوجوه القديمة والفاسدة تدار بلاد كاملة ومنذ أكثر من ربع قرن ..
اليس ذلك هو الخطأ الأساسي والجوهري جدا والبيمثل راس الخيط المعلق كل البلد من عرقوبها ؟!!
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: سيف اليزل الماحي)
|
سلام يا منير
عايز اعلق على جزئية وردت في حديثك عن مواقف الحكومة و التي بسببها فقدت المعونات بل وحوربت في رزقها
دا برضو فشل للحكومة ومسؤوليتها, اول موقف خالفت فيه الحكومة المنطق و الحق هو دعم موقف العراق من احتلال الكويت, ودا موقف خاطئ بالطبع و جرعليها العديد من المشكلات
لا يوجد منطق يخليك تدعم احتلال دولة لدولة أخرى مهما قيل من مبررات
وأخيرا وقوفهم مع ايران بلامصلحة حقيقية للسودان وحتى هذا الوقوف شكلهم ماشين ينطوا منو وللأسف متأخرين ولن يفيد
مراعاة مصلحة شعبك ليست انتهازية, ماذا استفدنا من معاداة العالم : لا شيئ
لا ربحوا دين ولا دنيا
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
منير صاحبنا الزمان ... كيفك يا رجل لعلك بخير ...
شايفك دخلت بالبوست الغابة وتوهت الناس في تفاصيل كثيرة وردمت القراء بمبان تقيل:) عشان نرجع لموضوع البوست ...
هل الخرطوم اليوم افضل من خرطوم السبعينات والثمانينات وعشان الكلام ما يكون انشاء نمسك الاشياء الاساسية ...
الخدمات الصحية ... التعليم ... الامن ... دخل الافراد مقارنة باسعار السلع... العدالة الاقتصادية وتوزيع الثروة ... الحياة الاجتماعية... الفساد.. الخ..
محاولة التحدث عن الهجمات الامبريالية ومحاصرة النظام دا كلام يدين النظام ولا يبرئه لانه اتى شاهرا سيفه متوعدا امريكا وروسيا بعذاب مبين حالما
بنشر مشروعه الحضاري جنوبا بدعم قوات جيش الرب وشرقا بدعم حركات المقاومة الاسلامية الارترية وشمالا بقتل فرعون مصر الذي بغى وغربا
بدعم حركات التمرد التشادية ...بادر بمحاربة الكل وعندما فشل في مسعاه بات يشكتي لماذا يعاديه الكل!! ...
تتحدث عن هجرات كبيرة وماسورة كاسرة الخ من المسؤول عن هذه الهجرات ... على من يقع عاتق معرفة اسباب هذه الهجرات وتنظيمها وتقنينها ؟
هل سمعت يوم نقاش عن مشاكل سببتها الهجرات في البرلمان السوداني؟ وهل اذا وفرت او لنقل حافطت الحكومة على اسباب العيش الكريم لمواطينها في
اقاليمهم البعيدة كانوا اتوا للخرطوم في الاساس؟
السبب الاساسي لما الت اليه الخرطوم بل السودان ككل ناتج عن عدم التخطيط والتخبط في السياسات الاقتصادية وابعاد ذوي الخبرات من دفة ادارة الخدمة
المدنية وتسليمها لذوي الولاء ..اصبحت الوزارات اقطاعيات يهدوها لبعضهم البعض ... اما عن الفساد فحدث ولا حرج...
بالله عليك اقرأ وشاهد الفيديوهات التي تتحدث عن التدمير الممنهج الذي حصل لمشروع الجزيرة الذي كان احد اكبر روافد الاقتصاد السوداني ...
اقرأ عن التدمير الذي حصل لهيئة السكة حديد ... الم يصلك خبر ما صار للمشافي الحكومية في اقطاعية مامون حميدة..
باتت المستشفيات خطرا على الصحة العامة فالداخل اليها مفقود والخارج منها مولود... فصار الفقراء يتداون بالقرض والحرجل .الخ..
سيبك من سكان الجالوص السافروا الخليج وامريكا امشي للكانوا ومازالوا ساكنين في الجالوص للان واسالهم عن ما كانوا عليه وما الت اليه
احوالهم وسياتوك بالخبر اليقين..
تحياتي..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: صبري طه)
|
كون هناك انجازات حقيقية هذه لا ينكرها إلا جاحد
منذ استقلال السودان لم يشهد السودان تمنية وبنى تحتية مثل ما يشهده اليوم
طرق مسفلتة إلى كل بوادي السودان وحواضره
طرق داخلية مسفلته
كباري وجسور
سدود
محطات مياه أبار حفائر حاصدات مياه
خدمات صحية ذات جودة عالمية في الأقاليم
مصانع أدوية وحاليل طبية
مصانع حديد وصلب
مصانع اسمنت
تعافي السكك الحديدية التي قتلها الحصار للحصول على قطع غيار
الكثير من مصانع الأغذية والمشروبات
ثورة الاتصالات التي تعد واحدة من أفضل دول الجوار والقارة
لكن مع كل ذلك جيد أن يكون كل ذلك دون طموح السودانيين في الانقاذ وأنهم يريدون من الأنقاذ المزيد من الانجاز حتى تتساوى الأكتاف بدولهم التي يعيشون فيها ودولتهم التي هاجروا منها
والعافية درجات
اليوم سيارات جميلة وشوارع مسفلتة وإشارات مروروكاميرات رقابة وإضاءة على جانبي الطريق ولكن ينقصه مجرى تصريف مياه اسفله
وبما أنّ الكل يقر بأنّ الحكومة تعيش أزمة اقتصادية خانقة فهذا مبرر جيد لها بأنّ ما قصرت فيه إنما يضيق ذات اليد وليس بالعزيمة والأصرار على المضي في تحقيق المزيد من الانجاز
منازل جميلة وحدائق وارفة ولكن تنقص خدمة نقل الأوساخ والمخلفات لمعالجتها وتنقص الشوارع مجاري تصريف
مولات وحدائق وفنادق ومنتزهات ومطاعم ومحلات تجارية حديثة تعني أنّ هناك عائد مجزي من الاستثمار في هذه الأمور ما يعني أنّ هناك تعافي ولو جزئي في الحركة التجارية والإقتصادية في السودان وبالأخص في الخرطوم
أقول قولي هذا وبيني وبين المؤتمر الوطني بون
بس بنقول البشوقوه الناس بأعينهم يومياً ويكفر بها ويجحدها من كان في عداء سياسي أو فكري مع الحكومة الحالية
ستذهب هذه الحكومة لا محال في ذلك وتبقى الانجازات للمواطن السوداني بنى عليها المزيد أو أهملها فتعود ركاماً من تراب وحديد
كما ذهب الاستعمار وكما ذهب كل من حكم السودان
خلونا نكون منصفين
إن ليس مع الانقاذ مع أنفسنا صادقين
أوع واحد يقول كوز والكلام الفارغ دا
من يريد أن يعقب فليعقب على ما سطر ويقول كل هذا غير موجود ومجرد أحلام أو يصرح صراحة بوجودها مع وجود قصور وهنا لا نختلف
تحياتي كمال
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
كلامك مية مية والناس مبسوطة وشبعانه ومتفسحين ومرطبين وظاهر في وشهم
لا في فساد لا في امراض لا في انحدار اخلاقي والتعليم انسي بس عشرات الجامعات
والمدارس الخاصة حتي الروضات بقي عندها تخاريج ... اما الشباب فحدث ولا حرج
نشاط وحيوية وعمل ومستقبل مبشر السجارة الحمراء دي ما بشربوها ...عطالة اصلها مافي واكان قلت ليهم
اطلعو وسافرو وهاجرو وتجنسو بضاربوك عديل كده .........
اما الموظفين الرواتب تكفي البيت والجيران كمان لا في ديون لا في جرورة من دكان
وكل شي متوفر والقروش راقدة للجميع ..... وفي حاجات كتيرة سمحه بكون نسيتها اعذرني مستعجل وكده
وتحياتي ....
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد عبد الله الامين)
|
Quote:
أنا لا أفهم أبدا كيف لرجل حر أن لايتعاطف "على أقل تقدير" مع الشعب السوداني في مأساة الــ 25 عاما من عمر الإحتلال الإنقاذي!
في سبيل الدفاع عن نظام الإنقاذ، بعضهم له مقدرة عجيبة في التجرد من كل دواعي الحياء، تجده لا يلوم الشعب وحسب، بل يحتقره!
|
سيف الماحي .. أكاد أقسم بأنه ليس لك أي تعاطف مع الشعب المخنوق بالحصار ، بل مستفيد من معاناة الجماهير لترتيب أوضاعك ولتتحكر بإرتياح في بلاد الولفير ..
عينتك دي لعبتها الحقيرة مكشوفة .. فلا تتذاكي علي ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
محمد البشري الخضر .. سلامات ..
إحتلال الكويت تشيف وإحتلال العراق ما تشيف؟؟ :) ..
نعم تأييد إحتلال الكويت كان خطأ .. وكان من الأجدي الوقوف بالحياد ..
وطبعاً نعرف أن ناس الإنقاذ كانوا مندفعين بعنف لتكوين حلف إسلامي عالمي بدون حساب ردات الفعل العنيفة من المحيط العالمي ..
بس كمان ماننسي أن الزمن داك كانت هناك محاور سياسية متضادة بزوايا حادة .. وكان السودان يأمل في حلف مع دول الممانعة - بين ليبيا والسودان والعراق واليمن - تتذكر ؟؟ .. فحصار السودان بدأ قبل إحتلال الكويت .. وعشان نكون دقيقين أقول ليك أنو الحصار بدأ منذ زمن نميري وتطبيق قوانين سبتمبر - الشريعة - وطبعاً زي ما قلنا ليكم البلد أصلاً كانت عايشة علي المعونات - ولمن إنقطعت المعونات عن نميري الشعب جاع وقام بالإنتفاضة .. وحتي زمن الديمقراطية الحصار كان مستمر والضغط حاصل لإلغاء قوانين سبتمبر - التي كانت معترك الديمقراطية الأكبر - وأقول ليك كلام؟ الزمن داك الجيش ما كانت عنده ذخيرة يحارب بيها ومصنع الذخيرة الوحيد كان معطَّل .. والدول الغربية كانت تأبي أن تبيع الذخيرة للجيش السوداني .. ومصر كانت تبيع ليهو الفشنك ..
إذن الحنك كله في المعونات المعونات .. الشعوب ماسكنها من بطونها ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
محمد البشري الخضر .. تفتكر لييه المصريين سكتوا علي السيسي وجازفوا الديمقراطية؟؟ السبب إنو الأخوان ذوو أيدلوجية مواجهة .. وهو ما سيدخل مصر نفق الحصار الذي دخله السودان .. وتعرف أن مصر - ال80 مليون - عايشين علي المعونة الأمريكية - القمِح القمِح - ولذلك ما مستعدين للجوع .. بلا ديمقراطية بلا كلام رومانسيات ..
والجيش المصري طبعاُ لقي الراحات بعد إتفاقات كامب ديفيد وما مستعد يخش في مواجهة تاني مع إسرائيل ونبقي في قصة سهر الجداد .. if you can't beat them join them .. وعشان كده مستعدين يبيدوا ليك أهل سيناء عن بكرة أبيهم ويخنقوا رفح حتي الموت ولا يخشوا في مواجهة مع اسرائيل ..
المعونات المعونات ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
يا ألف مرحباً حسين نوباتيا .. سلامات .. أريتك تبقي طيب إنت، أنا البي كله هين .. :) ..
بالله كلمنا برضو عن التخطيط المالي الأمريكي الذي أغرق أمريكا في ديون مقدارها يفوق ال40 ترليون دولار !!!.. وماذا عن الماسورة المكسورة من المكسيك ودول الجنوب الأمريكي والكاريبي ..!! ؟؟ والصور الجبناها ليكم فوق دي رأيكم فيها شنو (خلو بالكم دي صور من أمريكا شخصياً)؟؟.!!. أنا لو قلت أسترسل في النقاط الإنت ذكرتها دي فسألقي نفسي أعيد وأكرر كلامي في هذا البوست ..
أيوة أنا من الأول عارف إنو البوست حيخش الغابة وما كنت عاوز أبوِّظ للأخ محمدمختارجعفر البوست بتاعه، لأني عارف الكلام حيسخن .. وبالجد أنا زاتو ما داير أسخِّن أكتر من كده لأني ساعة أقوم بقطِّع الهدوم :) ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
منير
سلام
طبعاً كلامك إلى حدٍ ما صحيح، لكن المطلوب هو مراعاة كل هذه الأشياء خصوصاً إذا أتيت وفرضت نفسك على أناس لم يختاروك (مجيء الإنقاذ عن طريق الإنقلاب)
والوضع في السودان ليس خافي على التنظيم الذي دبر الإنقلاب، وكان ذلك واضح في بيانه الأول.
ولربما كنت احترم الأخوان لو أصروا على ايدولوجيتهم حتى النهاية كما فعلت حكومة طالبان.
ولكن يا عزيزي منير، اسلاميو السودان الذين يشتمون الشيوعية ليل نهار، لم يتورعوا في ألإستعانة بالحزب الشيوعي الصيني
وتلقى الدعم منه لدرجة بناء دار الحزب.
بالطبع أنا لست ضد تعاون السودان مع الصين البتة، لكن أن يكون عذرك أنك مُحَاربٌ من دول الإستكبار لأنك طبقت الإسلام
فأنت لم تطبق الإسلام، وكلنا يعرف، وتقارير المراجع العام تعرف
وأعلان الحكومة عن محاربة الفساد يعرف
وسياسة التمكين تعرف. والتعاون الإستخباراتي مع أمريكا يعرف.
فأين الرؤية لتمزيق فاتورة الإعانات، حتى حينما أتتنا أموال البترول
لماذا لم تذهب لتقوية إقتصادنا والسير في طريق الإكتفاء الذاتي.
منير
عندما تأتي بالقوة وتفرض نفسك أنك المنقذ حسابك يكون عسيراً
فأنا لا أطالب بالكثير بل أطالب بتحقيق ما جاء فيهذا البيان
Quote: أيها الشعب السوداني الكريم ان قواتكم المسلحة المنتشرة في طول البلاد وعرضها ظلت تقدم النفس والنفيس حماية للتراب السوداني وصونا للعرض والكرامة
وتترقب بكل أسى وحرقة التدهور المريع الذي تعيشه البلاد في شتى أوجه الحياة وقد كان من أبرز صوره فشل الأحزاب السياسية في قيادة الأمه لتحقيق أدنى تطلعاتها في الأرض
والعيش الكريم والاستقرار السياسي حيث عبرت على البلاد عدة حكومات خلال فترة وجيزة وما يكاد وزراء الحكومة يؤدون القسم حتى تهتز وتسقط من شدة ضعفها
وهكذا تعرضت البلاد لمسلسل من الهزات السياسية زلزل الاستقرار وضيع هيبة الحكم والقانون والنظام.
أيها المواطنون الكرام
لقد عايشنا في الفترة السابقة ديمقراطية مزيفة ومؤسسات دستورية فاشلة ،وإرادة المواطنين قد تم تزييفها بشعارات براقة مضلله وبشراء الذمم والتهريج السياسي
ومؤسسات الحكم الرسمية لم تكن إلا مسرحا لإخراج قرارات السادة ومشهدا للصراعات والفوضى الحزبية وحتى مجلس رأس الدولة لم يكن إلا مسخا مشوها
أما رئيس الوزراء فقد أضاع وقت البلاد وبدد طاقاتها في كثرة الكلام والتردد في السياسات والتقلب في المواقف حتى فقد مصداقيته
أيها المواطنون الشرفاء ان الشعب مسنود بانحياز قواته المسلحة قد أسس ديمقراطية بنضال ثورته في سبيل الوحدة والحرية
ولكن العبث السياسي قد أفشل التجربة الديمقراطية وأضاع الوحدة الوطنية بإثارة النعرات العنصرية والقبلية
حتى حمل أبناء الوطن الواحد السلاح ضد اخوانهم في دارفور وجنوب كردفان علاوة على ما يجري في الجنوب من مأساة وطنية وإنسانية
مواطني الأوفياء إن عداوة القائمين على الأمر في البلاد في الفترة المنصرمة ضد القوات المسلحة جعلتهم عن قصد يهملون اعدادها
لكي تقوم بواجبها في حماية البلاد ، ظلت قواتكم المسلحة تقدم أرتالا من الشهداء كل يوم دون أن تجد من هؤلاء المسئولين الاهتمام بالاحتياجات
أو حتى الدعم المعنوي لتضحياتها مما أدى الى فقدان العديد من المواقع والأرواح حتى أضحت البلاد عرضة للاختراقات
والانفلات من اطرافها العزيزة هذا في الوقت الذي نشهد فيه اهتماما ملحوظا بالمليشيات الحزبيه.
أيها المواطنون الكرام فكما فشلت حكومات الاحزاب السياسية في تجهيز القوات المسلحة لمواجهة التمرد
فقد فشلت أيضا في تحقيق السلام الذي رفعته الأحزاب شعارا للكيد والكسب الحزبي الرخيص حتى اختلط حابل المخلصين بنابل المنافقين والخونة
وكل ذلك يؤثر سلبا على قواتكم المسلحة في مواقع القتال وهي تقوم بأشرف المعارك ضد المتمردين
ولا تجد من الحكومة عونا على الحرب أو السلام هذا وقد لعبت الحكومة بشعارات التعبئة العامة دون جدوى أو فعالية
مواطني الشــرفاء
لقد تدهور الوضع الاقتصادي بصورة مزرية وفشلت كل السياسات الرعناء في ايقاف هذا التدهور ناهيك عن تحقيق أي قدر من التنمية ،
فازدادت حدة التضخم وارتفعت الأسعار بصورة لم يسبق لها مثيل واستحال على المواطنين الحصول على ضرورياتهم
اما لانعدامها أو لارتفاع أسعارها مما جعل كثيرا من أبناء الوطن يعيشون على حافة المجاعة ، وقد أدى هذا التدهور الاقتصادي إلى خراب المؤسسات العامة
وانهيار الخدمات الصحية والتعليمية وتعطل الانتاج وبعد أن كنا نطمح أن نكون بلادا سلة غذاء العالم أصبحنا أمة متسولة
وتستجدي غذائها وضرورياتها من خارج الحدود وانشغل المسئولين بجمع المال الحرام حتى عم الفساد كل مرافق الدولة
وكل هذا مع استشراء الفساد والتهريب والسوق الأسود مما جعل الطبقات الاجتماعية من الطفيليين تزداد ثراء يوما بعد يوم بسبب فساد المسئولين وتهاونهم في ضبط الحياة والنظام.
أيها المواطنون الشرفاء لقد امتدت يد الحزبيه والفساد السياسي الى الشرفاء فشردتهم تحت مظلة الصالح العام مما أدى الى انهيار الخدمة المدنية
وقد أصبح الولاء الحزبي والمحسوبية والفساد سببا في تقدم الفاشلين في قيادة الخدمة المدنية وأفسدوا العمل الاداري فضاعت على أيديهم هيبة الحكم وسلطات الدولة ومصالح القطاع العام
مواطني الكرام ان اهمال الحكومات المتعاقبة على الأقاليم أدى الى عزلها عن العاصمة وعن بعضها في انهيار المواصلات وغياب السياسات القومية وانفراط عقد الأمن
حتى افتقد المواطن ما يحميه ولجئوا الى تكوين المليشيات وكما انعدمت المواد التموينية في الأقاليم إلا في السوق الاسود وبأسعار خرافية.
أيها المواطنون لقد كان السودان دائما محل احترام تأييد كل الشعوب والدول الصديقة لكن اليوم أصبح في عزلة تامة والعلاقات مع الدول العربية أصبحت مجالا للصراع الحزبي
وكادت البلاد تفقد كل أصدقائها على الساحة الافريقية وقد فرطت الحكومات في بلاد الجوار الافريقي حتى تضررت العلاقات مع أغلبها وتركت الجو لحركة التمرد تتحرك
فيها بحرية مكنتها من ايجاد وضع متميز اتاح لها عمقا استراتيجيا لضرب الأمن والاستقرار في البلاد
حتى أنها أصبحت تتطلع الى احتلال وضع السودان في المنظمات الاقليمية والعالمية وهكذا انتهت علاقات السودان من العزلة مع العرب والتوتر مع افريقيا ازاء الدول الأخرى
أيها المواطنون الأوفياء إن قواتكم المسلحة ظلت تراقب كل هذه التطورات بصبر وانضباط ولكن شرفها الوطني دفعها لاتخاذ موقف ايجابي ازاء هذا التدهور الشديد الذي يهدد الوطن
واجتمعت كلمتها خلف مذكرتها الشهيرة التي رفعتها منبهة من المخاطر بتقويم الحكم وتجهيز المقاتلين للقيام بواجبهم
ولكن هيئة القيادة السابقة فشلت في حمل الحكومة على توفير الحد الأدنى لتجهيز المقاتلين واليوم يخاطبكم أبناؤكم في القوات المسلحة
وهم الذين أدوا قسم الجندية الشريفة ألا يفرطوا في شبر من أرض الوطن
وأن يصونوا عزته وكرامته وأن يحفظوا للبلاد مكانتها واستقلالها المجيد وقد تحركت قواتكم المسلحة اليوم لإنقاذ بلادنا العزيزة من أيدي الخونة والمفسدين
لا طمعا في مكاسب السلطة بل تلبية لنداء الواجب والوطن في ايقاف التدهور والمدمر ولصون الوحدة الوطنية من الفتنة السياسية
وتأمين الوطن من انهيار كيانه وتمزق أرضه ومن أجل إبعاد المواطنين عن الخوف والتشرد والشقاء والمرض .
أيها المواطنون الشرفاء إن قواتكم المسلحة ترجوكم للالتفاف حول رايتها القومية ونبذ الخلافات الحزبية والإقليمية
وتدعوكم للثورة معها ضد الفوضى والفساد واليأس من اجل انقاذ الوطن ومن أجل استمراره وطنا موحدا حرا كريما
عاشت القوات المسلحة حامية لكرامة البلاد وعاشت ثورة الانقاذ الوطني وعاش السودان حرا مستقلا والله أكبر والعزة للشعب السوداني الأبي والسلام عليكم ورحمة الله وبركاته. |
عارف يا منير
أنا خاتي البيان الأول دا قدامي طوالي، لأنه هو الأساس للمحاسبة
زيه زي البرنامج الإنتخابي، فدا موقفي من الإنقاذ
محاسبتها بالكلام القالته
مش بالشوارع العملتها ولا المباني والعمارات الشوامخ
لأنه دي الطريقة الصاح للمحاسبة
إنك تحاسب الإنسان بالشيء القال حيعمله
فكونك جيت وفرضت نفسك وشلت ليك حكومة بدعوى إنها فاشلة
فمن باب أولى إنك تقدم البديل الوعدت بيه.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
من بوست الزميل على دفع الله ..
http://حوار خطير مع اسلاموي ،، ومؤسس رئيسي لنظام المؤتمر اللاوطني ،،، حوار خطير مع اسلاموي ،، ومؤسس رئيسي لنظام المؤتمر اللاوطني ،،، http://حوار خطير مع اسلاموي ،، ومؤسس رئيسي لنظام المؤتمر الل...لمؤتمر اللاوطني ،،،
(الصيحة)
(حوار ـ محجوب عثمان)
على غير عادةِ التشبثِ بكراسي السلطة، خرج مبارك الكودة على الملأ ليعلن استقالته عن منصبه الوزاري ومغادرته للحزب الحاكم معيدًا قراره إلى أخطاء وقع فيها حزبه لم يتمكن معها إلا من إعلان التبرؤ من تجربة الإنقاذ التي يراها حادت عن طريقها..
الاستقالة والخروج من كابينة قيادة الإنقاذ طواعية أمر غير معهود، لذا فإن القناعة كانت بأن للرجل ما لم يقله بعد. “الصيحة” سعت إليه لمعرفة تفاصيل الموقف الحاسم الذي اتخذه مبارك الكودة، وكان هذا الحوار.
*بداية لماذا خرج الكودة مغاضبًا؟
- لم أخرج مُغاضِبا بل خرجت مراجعًا لنفسي بعد تجربة طويلة كنتُ مجتهداً فيها بأن ما يتم هو نصرة للدين وخدمة لهذا الوطن الذي نحبه كثيرًا، ولكني اقتنعت بعد مراجعات فكرية وواقعية بأن الذي تقوم به الإنقاذ الوطني لا علاقة له بالدِّين البتة، وبما أن القلوب بين يدي الرحمن يقلبها كيف يشاء أسأل الله أن يكون خروجي هداية وليس مغاضبة.
*ولكن خروجك أثار العديد من التساؤلات ما بين مغالبة الفساد وبين حرب مراكز القوى، والسؤال الذي يفرض نفسه: لماذا لم تعالج الأمر من الداخل والحزب يدّعي المؤسسية وسيادة اللوائح والقوانين؟
- خلافي مع الإنقاذ خلاف فكر ومنهج ومسؤولية، والإنقاذ ليست لها فكرة وليس لها منهج، وللأسف الشديد الإنقاذ غير مسؤولة. لذلك لا يمكن لي ولا لغيري أن يصلح من الداخل،وقد اتضح ذلك في الموتمر الأخير حيث خرج ممن يسمون أنفسهم بالإصلاحيين مغاضبين،وأسال الله أن يراجعوا أنفسهم لتكون المراجعة بديلاً للمغاضبة.
*هل يعني ذلك أن لا فساد في الإنقاذ؟
- فيما يتعلق بالفساد دائماً ما أقول يجب ألا نحاسب الإنقاذ بفساد الأيدي والذمم لأن ذلك يختزل القضية، والقضية أكبر بكثير من ذلك، فالإنقاذ أفسدت على الناس دينهم ودنياهم، وهذا بالطبع فساد لا يدانيه فساد، والإنقاذ قسَّمت السودان وأشعلت الحروب والفتن بين القبائل بسياساتها الخرقاء غير الراشدة وغير المسؤولة، والإنقاذ مشروع مجموعة منتفعة وليس مشروعاً وطنياً.
*هل يعني ذلك أن نتغاضى عن الأخطاء في سبيل إصلاح الفكرة عموماً؟
لا بالطبع لا يعني ذلك أن نترك من سرق ومن قتل، فهذا أمر سهل أن تحسمه أي محكمة في جلساتها، ولكن أن تحكمنا فئة ليست لها فكرة واضحة ولا منهج تهتدي به ولا خوف من أحد فهنا تكمن المشكلة والتي يجب أن يفطن إليها المواطن وقد سبق أن قلت الإنقاذ مشروع باطل وما بني علي باطل فهو باطل.
*أنت كنت واحدًا من التنفيذيين في ولاية الخرطوم مما يعني أنك كنت داخل كابينة القيادة العليا، فما هي دواعي الخروج فبعضهم يعيدها إلى المواجد الشخصية وآخرون يرون أنكم اكتشفتم فسادًا لا يعالج؟
- أعلم أخي أنه إذا فسدت الفكرة تفسد كل المخرجات.. أنا أحد المؤسسين للإنقاذ الوطني قبل أن تكون مؤتمرًا وطنيًا، بل كنت قريبًا من متخذي القرار يوماً ما، وشاركت في كثير من أخطاء النظام ولا أنكر ذلك ولم أخرج لفساد زيد أو عبيد وهذا بالطبع كثير، ولكني خرجت لفساد الفكرة والمشروع كما ذكرت لك.
*فساد الفكرة بدأ من فساد الأفراد وكثير من أهل الإنقاذ خرجوا أو أجبروا على الخروج فهل تجذّر المرض وصعب علاجه؟
- الرؤية بالنسبة لي واضحة جدًا، الحق لا ينتج إلا حقاً والحق بيّن، لذلك سيدنا علي بن أبي طالب كرم الله وجهه يقول: (أعرف الحق تعرف أهله)، وهذا يعني أن الحق مخرجاته حق والباطل مخرجاته باطل، لذلك فأنا أحاسب الإنقاذ بأصل فسادها.
*أتحدث عن المؤسسات مثلاً المؤتمر الوطني تحكمه الحركة الإسلامية التي كوّنته أليس كذلك؟
إطلاقاً.. المؤتمر الوطني يجعل من الحركة الإسلامية “درقة” ويستغل المشروع الإسلامي في الوصول لما يريد بتخدير عواطف الناس وهذا فساد أخطر وأكبر من أي اختلاس واستغلال نفوذٍ لفرد.
*ألا ترى أن واجبك تجاه الدين والوطن كان يحتم عليك البقاء في الداخل وكشف عورات النطام؟
عورات النظام لا تحتاج ليكشفها من هو في الداخل، فعورات النظام واضحة للجميع، ولكن لأن النظام افتقد المسؤولية والحياء وأصبح لا تهمه إلا نفسه لذلك تدار كل مؤسساته لصالح بقائه ولصالح المجموعة المنتفعة.
*كيف ترى ذلك؟
- المؤتمر الأخير للمؤتمر الوطني الذي عقد فى اكتوبر الماضي شاهد على أهله، فقد كان مسرحية سيئة الإخراج من ممثلين يقولون إنهم على قلب رجل واحد، ولكن الواقع قال إنهم ذوو قلوب شتى، فقد قدم الموتمر الوطني أسوأ ما عنده من تجربة، ولو كنتُ مكان الأخ الرئيس لما قبلت التكليف الذي ما جاء إلا لتناقضات من هم حوله من الرجال، ولو اتفقوا لما جاء الأخ الرئيس رئيساً.
*ولكن الحزب عبر مؤسساته كلف الرئيس بإدارة المرحلة المقبلة أنّى له أن يرفض؟
- لو كنت مكان الرئيس لما قبلت التكليف لأن الفارق قليل جدًا بينه وبين الثاني، وكان يمكن للثاني أن يكون الأول، هذا الفارق بسيط جداً لرئيس يفترض بعد كل هذه السنوات في الحكم أن يكون مجيئه إجماعًا وليس تنافسًا وما كانت افتراضات ترشيحه وتقديمه لدورة أخرى إلا من باب أنه العاصم من القواصم، فكيف لعاصم أن تكون منافسته بهذه الصورة التي لا تؤكد ذلك. وهذا يعني أن الرئيس ليس مجمعاً عليه في الموتمر الوطني.
*على ذكر المؤتمر العام للمؤتمر الوطني، هناك الكثير من اللغط حول تمويل أنشطة الحزب واتكالها على ميزانية الدولة، وهناك من يقول إنك على علم وعلاقة بهذا الملف، فما هي حقيقة هذه المزاعم؟
- أنا لست على علم بملف يسمى تمويل الحزب من مال الدولة ولكني عملت محافظاً منذ بداية الإنقاذ ووزيرًا ولائياً وكنت مسؤولاً سياسيًا في ولاية شمال كردفان وأعلم تماماً كيف تموّل أنشطة المؤتمر الوطني من الدولة ولا ينكر ذلك إلا من لا علم له أو من يعلم ويكابر.
*هل كنت تمول أنشطة الحزب من حساب الحكومة؟
- أنا مبارك الكودة كنت أساهم بمبلغ من المال شهريًا لأنشطة المؤتمر الوطني عندما كنت رئيساً للمؤتمر الوطني لمحلية الخرطوم ونائب الرئيس لا زال حيًّا وموجودًا والمدير التنفيذي لا زال حيّاً وموجودًا، هذا الإنكار بهذه الصورة الفجة لا يليق بمسؤول فلنراجع أنفسنا إن كان ذلك خطأ فليقف إن كان مستمرًا وإن كان صوابًا فليستمر.
*عفوًا… كنت تساهم من مالك الخاص كاشتراك شهري أم من مال المحلية؟
- من مال المحلية طبعاً وكنت رئيساً للمؤتمر الوطني مما يعني كل اشتراكات الخرطوم تمر عبري للولاية ثم المركز حسب الأسس التنظيمية فلم أسمع بكلمة اشتراك لا من وزير ولا من خفير، لم تستلم أجهزتي التنظيمية قرشًا واحدًا من أي شخصية اتحادية أو ولائية أو محلية بل كنّا في صراع وخلاف دائم في الشأن المالي مع المؤتمر الوطني.
*لتوضيح هذه النقطة جيدًا، هل هناك اشتراكات تدفع في المؤتمر الوطني من الأعضاء؟
- بالواضح أنا لم أسمع بكلمة اشتراك منذ أن جاءت الإنقاذ وكُوِّن المؤتمر الوطني، وقد كنت أقرب للعضوية في مظانها من الذين ينكرون ذلك اليوم، المحافظ أقرب مسؤول من العضو الملتزم في الموتمر الوطني من رئاسة الجمهورية ومجلس الوزراء والمكتب القيادي.
*الآن المؤتمر الرابع كلف خمسة ملايين جنيه وهو مبلغ كبير قال عنه بروفيسور غندور إنه من مال أعضاء الحزب، ولكن بحسب حديثك هو من مال الدولة وإن كان كذلك فما هي الأطر التي يتم بها التمويل دينياً وأخلاقياً؟
- أنا لا أعلم مصدر هذا المبلغ الكبير، ولكن تجاربي السابقة ومعرفتي لكيف يفكر هؤلاء أشك في حديث الأخ غندور.
*هل يمكن أن ينسحب الأمر على الهيكل الخرصاني الضخم الذي يبنى الآن داخل سور المركز العام للحزب؟
- أنا لا أريد أن أتناول التفاصيل التي لا علم لي بها ولكن الذي أعلمه أنني عملت مسؤولاً في الإنقاذ محافظًا عام ١٩٩٢، وحتى استقالتي من الحكومة أجزم القول أن المؤتمر الوطني لا يُموّل من اشتراكات عضويته بل من الحكومة في المركز والولايات.
*حسناً هل قمت يومًا بانتقاد الممارسة من الداخل؟
- في بداية الإنقاذ كنت أحسب أن كل الذي نفعله من تمويل صحيح لأنه يمكّن للدين ولأنه لصالح المسلمين طالما أنه لا يذهب لجيب أحد، ثم بدأت قناعاتي تهتز وبقدر اهتزازها كان نصحي ورفضي أحياناً، ثم أيقنت أخيراً بأن هذا خطأ صريح، وكانت الصراعات بيني وبين المؤتمر الوطني على ذلك وأبعدت شيئاً فشيئاً من مراكز السلطة السياسية حتى استقلت من منصب وزير ولائي بولاية الخرطوم.
*الآن وأنت خارج الوطني، هل أنت نادم على مشاركتك في حكومة الإنقاذ؟
- لست نادماً بمعنى الخجل من تجربتي ولكني نادم لأن الإنقاذ أتيحت لها ما لم يُتح لأي حكومة من قبل، كوادر ملتزمة وصادقة، تأييد مقدر من الشعب السوداني، فترة زمنية كافية للإنجاز، ولكن للأسف الشديد لم تنجز شيئًا بل أضرت بالوطن، والسبب أنها كانت تظن أن لها فكرة وكانت تحسب أن لها منهجًا وظلت تتخبط فخرج منها من خرج وخرج عليها من خرج، ولو صبرت الحركة الإسلامية على سنة التغيير ومنهجها لتطورت مع الزمن ولأنتجت فكرًا ومنهجًا ولكنها استعجلت فضلّت وأضلّت.
*أنا أتحدث على المستوى الشخصي؟
-على المستوى الشخصي لست نادماً باعتباري جزءاً من تجربة إنسانية عشتها بصدق مع نفسي والآخرين لم أظلم أحداً ولم استغل سلطة، وكنت مجتهدًا ولي بذلك أجر المجتهد المخطئ وخرجت بحثًا عن أجر المجتهد المصيب.
*كأنك تريد أن تقول أن المفاصلة جرفت التجربة عن مسارها؟
- لا، ما أردت قوله إن الحركة الإسلامية استعجلت قرارها باستلام السلطة وكان يمكنها أن تنمو نموًا طبيعياً وتتمكن تمكنًا طبيعياً، ولكن لأنها لم تنضج بعد، كان إنتاجها بقدر نضجها فتبدلت الفكرة من مشروع عالمي إلى دون المحلية بل أصبح مشروعًا لأفراد.
*الآن الإنقاذ انتهجت نهجًا مغايراً يبدو في ظاهره مراجعة التجربة من خلال حوار الوثبة ومن خلال تعديل الدستور لتعيين الولاة، ألا ترى أن ذلك يمكن أن يسفر عن علاج للطواهر السالبة في مسيرة الإنقاذ؟
-هذه ليست مراجعات، هذا (تكتيك) ليتمكنوا من البقاء في السلطة، يعني لو كان بقاؤهم يكمن في انتخابات الولاة لما عينوهم، أما الوثبة فهي “وثبة إكروباتية ما عارفين ليها أول ولا آخر ومجرد كلام” أما كان من الأجدى لهم أن يناقشوا بعلمية داخل المؤتمر موضوع تعيين الولاة بدلاً من تعديل الدستور بهذه الصورة الاستفزازية؟؟… أما كان من الأجدى لهم أن يناقشوا تجربة الحكم الفدرالي في المؤتمر الرابع بصورة جادة وتُناقش كل السلبيات والإيجابيات بأوراق معدة من خبراء؟… حتى قضية تمويل الحزب أما كان من الأحسن والأصوب أن تناقش لإيجاد بدائل للتمويل بدلاً من هذا الإنكار المخجل.
http://حوار خطير مع اسلاموي ،، ومؤسس رئيسي لنظام المؤتمر اللاوطني ،،، حوار خطير مع اسلاموي ،، ومؤسس رئيسي لنظام المؤتمر اللاوطني ،،، http://حوار خطير مع اسلاموي ،، ومؤسس رئيسي لنظام المؤتمر الل...لمؤتمر اللاوطني ،،،
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
يا منير الموقف من احتلال الكويت ما كان يتحمل الحياد ابدا, ناهيك عن التاييد و المظاهرات التي هتفت بحياة صدام وبالكيماوي يا صدام
أما احتلال العراق فدا موضوع مختلف وموقفنا منه كموقف غالبية الدول ولم يجر علينا ما جره الموقف الخاطئ من احتلال الكويت
وزي ما قال ليك الصادق لو كان الناس ديل صادقين كنا نقول ابتلاءات و نصبر عليها لكن للأسف ديل حتى الدين بايعنو في أقرب ملف وزنقة
بالتالي ما السبب في تعريض البلد لحصار بلا معنى غير الغباء و النظرة القاصرة او يكونوا فعلا قاصدين التدمير و التقسيم الحصل و الح يحصل
المعونات ليست شرا كلها لو كان الحاكم ذكي و يخاف الله في شعبه و أمين على مصالحه يقدر يستفيد منها و يحولها لتنمية تريحه من الحاجة لها في المستقبل
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد حيدر المشرف)
|
شوفو يا جماعة .. لو عاوزين تجوا تجاهدوا فوقي أخدوا راحتكم .. لكين حقو تعرفوا أني كلامي البكتبو ده ليس مبنياً علي تأييد زول أو عداء لزول .. ده كلام ناتج عن منظوري الخاص للسياسة في بلدنا والمحيط المجاور والحالة العالمية ، مقرون بتقييمي الخاص لهيمنة السياسة علي أخلاق الأفراد والجماعات ، مقرونة بظروف أي مخلوق التي تجعله يتقلب في المواقف حسب ما يوفر له أمانه الشخصي أولاً ثم أمان أسرته وعياله .. وبحكم أن السياسة هي في ذروتها يا قاتل أو مقتول فأنا أحسب وأقدِّر أن أي ابن أنثي مهما كانت شعاراته ومثالياته النظرية فإنه عند المحك فسيتخذ الطريق الذي سيؤمِّن حياته حتي لو أضطر يكذب وينط من مبادئه أو حتي يقتل أقرب المقربين إليه .. ولو عليّ أنا، الكيزان عارفني منذ الثانوي والجامعة أني أحمل فكر مضاد لأفكارهم رغم أن الكثيرين منهم كانوا أصدقاء لي .. إلاّ أني لم أكن مصارع سياسي لهم ولم أشأ أن أتناطح مع زول سياسياَ .. فحقو العاوز يتناقش أحسن أول شئ يبعد من التصنيف ، لأنو لو جينا للحق حنلقي معظم الذين يملأون الأسافير كواريك عبارة عن نكرات ما أظنهم كانوا يمثلون أي تهديد للنظام .. وربما أغلب الذين ماتوا واستشهدوا جد جد في مظاهرات ضد الحكومة لم يكن عندهم عداء صارخ أيدلوجي ضد الكيزان - الصبي أو الشاب يمرق في المظاهرة بكل براءة ظاناً أن الأمر نزهة يمشي يهتف ويرجع البيت عادي ، ولو قبضوه ناس البوليس حيحنوا عليه ويفكهوه - حسن ظن ساي - لكنه لا يعمل حساب أن السياسة قاسية وليست نزهة ، وفجأة يفارق الحياة بطلقة مقصودة أو طائشة لا تمهله للنظر في جدية وخطورة الأمر .... فذوي العداء الأيدلوجي الصارخ أكثرهم هربوا ومرقوا من البلد من قولة تيت قبل ما يهبشوهم زاتو .. وهذا لا ينفي أن هناك متضررين حقيقة حقيقة وتضرروا جد جد بالإبعاد والتعذيب والقتل وووو .. وتلك طبعاً زي ما قلنا هي ضريبة الصراع السياسي - الصراع علي السلطة والثروة - وهي زي ما قلنا يا قاتل يا مقتول .. وطبعاَ أراهنكم الآن أن القوي المعارضة لها أيضاَ نوايا إنتقام وتصفية حسابات شخصية إذا انقلب الحال وانتقلت مقاليد السلطة للضفة الأخري .. فرغبة البني آدم في الإنتقام لا يمكن لجمها .. وعشان كده كل طرف لازم يعضي السلطة بكل أسنانه .. قاتل أو مقتول .. وتلك دائرة ما عندها نهاية .. وطبعاً أكيد يروح الشعب بين المطرقة والسندان ..
هسه مثلاً زي يوسف الكودة الجابو لينا محمد حيدر المشرف ده.. مش الزول ده وهابي كان عنده مرتب من السعودية ووقفوه منه؟؟ ومن ثم مشي يفتش رزقه مابين الكيزان والمعارضة وأوغنده ووو ، والليلة ماعارفه وين ؟ ربما كايس ليهو ملاذ آمن في بقعة ما .. يمكن الناس تقارن خطابه عندما كان ذو حظوة وهابية أو كيزانية وتلفزيونية وخطابه الآن فيتضح جلياً كيف أن البني آدم ممكن ينطوطح بين اليمين والشمال في سبيل البحث عن الأمان الشخصي مهما كان الثمن .. وتلك هي السياسة ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote:
ولربما كنت احترم الأخوان لو أصروا على ايدولوجيتهم حتى النهاية كما فعلت حكومة طالبان.
ولكن يا عزيزي منير، اسلاميو السودان الذين يشتمون الشيوعية ليل نهار، لم يتورعوا في ألإستعانة بالحزب الشيوعي الصيني
وتلقى الدعم منه لدرجة بناء دار الحزب.
|
يا الصادق وود البشري .. عرفنا إنو الكيزان أهل نفاق وما عندهم دين وأي شئ .. أها رأيك شنو في عتاة الشيوعيين واليساريين الذين انبهلوا علي الغرب الإمبريالي ووقعوا في أحضانه بدلاَ عن أن يهرعوا في إتجاه الإتحاد السوفيتي آنذاك ؟؟ الإتحاد السوفيتي آنذاك مالو؟ عيبوهو لي .. مو ياهو الربَّي وكبَّر وعلَّم ؟؟ لكن نقول شنو .. قلبي علي جناي وقلب جناي علي حجر .. الراسماليي حِلويِ ؟؟..
أها ديل إحترامكم ليهم كيف؟؟ جاوبوا بصدق ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد مختار جعفر)
|
قبل المغادرة اود أن أقول كلمة بسيطة جدا ..
كم كنت أود لو ان أني أختلف إختلافا سياسيا مع نظام سياسي يتمتع باستقامة أخلاقية ووازع أخلاقي ويتحلى بضمير وطني أنيق..
نتفق ونختلف في البرامج الاقتصادية والسياسات الخدمية والقوانين الناظمة لمسائل كالتعليم والصحة والبيئة ,,
that is all
شكرا جزيلا ,,
ولاستاذنا محمد مختار جعفر ..
أتمنى اللا يأخذ ردود الفعل هنا بصورة شخصية ..
فهو من اكثر الناس احتراما في هذا المنبر .. ونحترم وجهة نظره كيفما كانت ..فمن المؤكد جدا انه كان صادقا جدا مع نفسه عندما قال بها, رغما عن مجافاتها للواقع الحقيقي لو أخذنا ذلك الواقع بنطرة نقدية فاحصة ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
أخي محمد المشرف وأخي منير لكما التحية والتقدير والى الإخوة الذين تداخلو بالرأي والنقد ، أتقدم هنا بوافر التقدير
فقد كان لكل ماتقدم إضافة لها ثمارها ومعلومات هامة وردت برغم شيء من سخونة في الطرح أتت قليلاً ولكنه كان
كملح الطعام الذى لابد منه لكل من منير والمشرف اللذان يحظيان بالود والتقدير عندي ، فقد كانت لمداخلتهما كما عبر عنها
إخوة كانوا في إتصالٍ بي مستمر من السودان بأنها مداخلات وجدت إستحساناً كثيراً منهم ؛ حيث كانوا
في متابعة واطلاع مستمر للمتداخلين ، خاصة مداخلة منير والمشرف ، مما جعلني ألزم المتابعة ، هذا ما وصلني ، فلكما الشكر
الجزيل وللأخوة الآخرين أيضاً ..
ونتابع إن كان في الطرح من رأي وإستزادة ..
محمد مختار
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote:
كلامك مية مية والناس مبسوطة وشبعانه ومتفسحين ومرطبين وظاهر في وشهم
لا في فساد لا في امراض لا في انحدار اخلاقي والتعليم انسي بس عشرات الجامعات
والمدارس الخاصة حتي الروضات بقي عندها تخاريج ... اما الشباب فحدث ولا حرج
نشاط وحيوية وعمل ومستقبل مبشر السجارة الحمراء دي ما بشربوها ...عطالة اصلها مافي واكان قلت ليهم
اطلعو وسافرو وهاجرو وتجنسو بضاربوك عديل كده .........
اما الموظفين الرواتب تكفي البيت والجيران كمان لا في ديون لا في جرورة من دكان
وكل شي متوفر والقروش راقدة للجميع ..... وفي حاجات كتيرة سمحه بكون نسيتها اعذرني مستعجل وكده
وتحياتي ....
|
أيوة كده يا محمد عبد الله الامين .. رش الجمهور .. ده الرش الصاح ..
غيب وجيب ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
الأخ محمد مختار .. التحية المعطرة ليك وللأخوة المتابعين من السودان ..
في الحقيقة أنا أحسست بأني لو كنت حاولت أقوم علي الحماقة لأزداد التصادم والتجريح مع الأخ الأصغر محمدحيدرالمشرف ولذلك أردت أن ألعن الشيطان من بدايته .. والحمدلله علي إستجابة ود المشرف .. إلا أني أعتقد أن محمد المشرف عنده عداء تقليدي للكيزان ، مبني علي مثاليات السياسة من ديمقراطية وما أدرك ما نزاهة الساسة - وهي مقاييس لا يختلف إثنان في بداهتها - ولكن من علي وجه هذه البسيطة يتمثل هذه المثاليات .. وكنت قد زلقت لي سؤال بسيط في مداخلاتي السابقة للصادق ومحمدالبشري - عندما تحدثوا عن مبدئية الكيزان للفكر الإسلامي - سألتهم عن مبدئية الشيوعيين وعموم اليساريين في تمسكهم بالفكر والنموذج السوفيتي ولماذا هرعوا للجوء للإمبرياليين عند أول محك بدلاً عن اللجوء لأرض الإشتراكية الأم التي تربوا في حضنها؟؟ ..
عشان كده قلنا النظرية شئ والتطبيق شئ ..
وعشان كده ظللت أردد أن أمواج السياسة أعتي من أي سياسي وعند أغلب البشرية السياسة تتغلب علي الأخلاق ..
لذلك دائماً نسأل الله الثبات .. إنتو قايلين الثبات ده ساهل ؟؟ ومن هنا جاء المثل بتاع ياسر عرفات .. يا جبل ما يهزك ريح :) ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
الأخ فرانكلي .. مشكور علي الإضافة .. لاحظ أن هذا الشغل تم مع حصار شامل خانق وإنقطاع المعونات تماماَ .. وما تنسي الصناعات العسكرية المتطورة ، والصناعات الحديدية - سيارات حاصدات إلخ .. - ومصنع الفلنكات الأسمنتية التي ستنقل السودان مباشرة لعهد الhigh speed train ..
وأقول ليك أصبر شوية .. الحصار ده زاتو أظنه كان لحكمة يعلمها الله فإن أمريكا الآن في طريقها للإنهيار حيث بدأت الدول تبتعد من التعامل بالدولار وهو ما سيجعل الدولار قريباَ لا يساوي قيمة الحبر الذي يطبع به .. ولحسن الحظ أن إقتصاد السودان تحرر منذ زمن من إرتباطه بالدولار - كنتيجة بديهية للحصار الأمريكي عليه - وارتبط بالصين والآن الروس داخلين بقوة مع الصين مع كثير من الدول الصاعدة لبناء إقتصاد بديل سيترك أمريكا محاصرة ما بين المحيط الأطلسي والمحيط الهادي وتتحول الولايات المتحدة لديترويت كبيرة ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
Quote: الصادق وود البشري .. عرفنا إنو الكيزان أهل نفاق وما عندهم دين وأي شئ .. أها رأيك شنو في عتاة الشيوعيين واليساريين الذين انبهلوا علي الغرب الإمبريالي
ووقعوا في أحضانه بدلاَ عن أن يهرعوا في إتجاه الإتحاد السوفيتي آنذاك ؟؟
الإتحاد السوفيتي آنذاك مالو؟ عيبوهو لي .. مو ياهو الربَّي وكبَّر وعلَّم ؟؟ لكن نقول شنو .. قلبي علي جناي وقلب جناي علي حجر .. الراسماليي حِلويِ ؟؟..
أها ديل إحترامكم ليهم كيف؟؟ جاوبوا بصدق ..
|
منير
تحياتي
طبعاً إنت عارف يا منير أنا ما من الناس البيدسوا وجهة نظرهم أبداً
أنا طبعاً لا احترم أي زول يبيع مبادئه
دا المقياس ودا الميزان
بعد البيقع في الميزان دا هو الما مبدئي
أكان كوز أكان شيوعي
زي موقفي من شرعية مرسي ودفاعي عن الإنتهاكات التمت ضد الأخوان في مصر
مش لأنهم أخوانن لكن وقعوا في الميزان وكانوا على حق
أها عشان أكون متسق مع مباديئ بأدافع عنهم وبطالب بإطلاق سراحهم
وإعطائهم كافة حقوقهم
ومضيت معاهم في المذكرة الإترفعت للأمم المتحدة ومنظمات حقوق الإنسان
زي ما قاعد أمضي على المذكرات المرفوعة ضد انتهاك حقوق الإنسان البيقوموا بيه الكيزان في السودان.
لكن زي ما قلت ليك أنا ختيت الميزان للإنقاذ من أول يوم
لأنه دا كلامهم هم ودا التزامهم
يبقى بعد دا أنا بأقيس أعمالهم حسب الميزان دا
الكيزان ما جوا وقالوا لي حنعمل ليك خزان بديون تقع على عاتقك وما عارفين نسددها كيف
ما قالوا لي حنعمل شوارع زلط تفتقر للمقاييس العالمية وبعطاءات تفوق قيمتها الحقيقية
الكيزان ما قالوا لي حنعمل مباني للوزارات الحكومية على حساب ميزانيات التعليم والصحة.
وعععععععععععععععععععععععععععععععيييييييييييييييييييك
القالوهو يا هونداك معلق فوق
وجو بقوة السلاح؟
أنا لو زول جاني بقوة السلاح وداخل بيتي وقال لي في أنا جاي احميك من حرامي لافي في الحلة
برحب بيه
لكن كمان لمن القاه هو ذاتو الحرامي
اضعف الإيمان ما حأصدقه
وما بقدر أقول لي زول الزول دا بيحميني
وكتر خيروا
عمل ردمية قدام البيت
لأنه الردمية العمل عشان تسهل ليه المواصلات لمن يجيب عربيته يرفع المسروقات
أما بلغك نبأ زيادة رسوم العبور 400% في الأيام الماضية على طريق مدني دون إخطار
والمؤسف أن أعضاء حزب المؤتمر الوطني مستثنين من ذلك (لا ألا تصدق ذلك ولكن رأيته بأم عيني
وأنا راكب مع زول لا مؤتمر وطني ولا شيتين قال للعسكري وطني وطلع بطاقة أوضح لي فيما بعد أنها مضروبة، والعسكري مرره)
فالمهم يا منير
أنا أصلاً ما صنفتك كوز، وعارف إنك ما كوز، لكن بناقشك لأنه قادر اشوف زاوية نظرك للأمور
وحقيقة رؤيتك للمواضيع بتيح لي أختبر مقولاتي في النقاش مع زول زيك، وبتيح لي رؤية الثغرات والتمتاسك أو عدمه في خطابي.
عشان كدا حريص جداً على مناقشتك وسعيد دائماً بتواجدك في المنبر.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: الصادق اسماعيل)
|
الأخ الصادق .. ليك الإحترام الوافر علي طولة بالك وحسن خلقك .. وطبعاً تعرف أن الزول عندما يتناقش بغرض الإفادة والإستفادة يمكنه أن يكسب وراسه يلين ويفكر في الرأي الآخر مهما كان صاحبه ..
أنا مثلاً من ناحية نظرية بحتة أعتبر الشيوعية - من منطلق المعني الحرفي للكلمة فقط - هي هدف نبيل في حد ذاته لأن الغاية العظمي للمعني هي المساواة المطلقة .. ولذلك يبدو لي أني كأنما كنت أسمع من الجمهوريين أن قمة هدف الإسلام أن يصل مرحلة الشيوعية - ممكن الجمهوريين يصححوني لو سمعتها غلط - .. لا حظ هذا الهدف السامي الذي يرمي للمساواة المطلقة مقارنة بالرأسمالية الليبرالية التي تشجع الجشع وتغذي غريزة الإنسان للإمتلاك وإستحواذ متاع الدنيا حتي لو كان علي حساب الآخرين .. وهنا تجدني أتأمل لجوء غلاة الشيوعيين المعادين للإمبريالية للغرب في تناقض صارخ للمبادئ النبيلة التي ظلوا يتشدقون بها لعشرات السنين .. لا حظ أني ماعاوز ألومهم - وهم يستحقون اللوم لأنهم خانوا مبادئهم - ولكني فقط ولكني فقط أتأمل كيف أن حب الإنسان للمال والرفاهية أقوي بكثير من تحديات المبادئ ..
طبعاً الإسلاميين ليسوا إستثناء .. فهم زيهم زي الشيوعيين .. يدعون مبادئ سامية ولكنهم يسقطون تحت إغراء الدنيا عند أول ملف ..
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: Munir)
|
يا منير معذرة ما انتبهت في ردودك علي لمسألة المقارنة مع الشيوعيين أو غيرهم من القوى السياسية الأخرى
عموما بالنسبة لي و أحسب أيضا بالنسبة للكثيرين غير المنتمين لأحزاب أو ناس سياسة وليس لدينا خلاف ايديولوجي مع الكيزان المسالة بالنسبة لنا ننظر لها من زاوية أن هؤلاء هم من يحكمونناغض النظر عن فكرهم و منهجهم و مبادئهم البدعوا ليها
بالتالي هم المسؤولين أمامنا عن الفشل في تأدية حقوقنا و أبسطها الحاجات الأساسية من طعام وأمن في المقام الأول ثم صحة وتعليم و خدمات ...إلخ
ففشلهم البائن في ذلك لا اقبل تبريرا له أن يقارنوا مع اي حزب آخر لا يحكمني, خاصة وأنه لم تُتح للي حرية أن أختارهم هم او غيرهم عشان اقول على الأقل هذا كان خياري و علي أن أتحمل نواتج هذا الخيار.
| |
|
|
|
|
|
|
|
|
|
Re: عدنا ... وأسجل أن الخرطوم تتعافى وتشهد حركة تجارية غير مسبوقة وبنيان يتطاول (Re: محمد البشرى الخضر)
|
| Quote: عموما بالنسبة لي و أحسب أيضا بالنسبة للكثيرين غير المنتمين لأحزاب أو ناس سياسة وليس لدينا خلاف ايديولوجي مع الكيزان المسالة بالنسبة لنا ننظر لها من زاوية أن هؤلاء هم من يحكمونناغض النظر عن فكرهم و منهجهم و مبادئهم البدعوا ليها |
سلام يا محمد البشرى
مفروض يكون عندك معاهم خلاف أيديلوجي، إلا تكون الإيديلوجيا الإنته بتتبناها هي إيديلوجيا القتل والظلم والعنف والفساد والسرقة والكذب.
وأنا أربأ بك من ذلك، هذا مع خالص تقديري
| |
|
|
|
|
|
|
| |
محمد مختار جعفر
محمد عمر جبريل
عماد حسين
محمد البشرى الخضر
معاوية المدير
باسط المكي
othman mohmmadien
Hafiz Bashir
مهدي صلاح
elhilayla
Hani Arabi Mohamed
MOHAMMED ELSHEIKH
Othman Al-Hasan Babikir
Osman Musa
Munir
محمد حيدر المشرف
Asim Fageary
Yousif A Abusinina
الصادق اسماعيل
حيدر حسن ميرغني
حسين نوباتيا
Mohamed E. Seliaman
Frankly
فيس بوك
تويتر
انستقرام
يوتيوب
بنتيريست