|
|
|
 Re: صنغر في البنبر وبتصفح في المنبر.................. (Re: عبد المنعم موسى)
|
وفي منطقة برام لقى نفسه في وسط الزحام شاف السودانية ماشين للوراء والعالم ماشيه للامام.
وطبعا كان فاكر انو السودانية بعد ماتهجروا تنجروا. وفي اثناء مروره في الشارع العام شاف ناس طوال وناس قصار
وناس رهيفه وضعيفه التقول ممحل خريفه. وشاف ناس زى الايتام وقابل مرة عمو شاقوق رايحه تشحد ليه شوية طايوق.
وطبعا هو لا يعرف الله بيعرف الرب وهو رب الامام. وعندما يحلف بيحلف بيرب الامام والشيخ ريحان الحافظ الكتب والقرأن
والشيخ حسن ود حسونا البجيب العروس محسونة. وكمان عرف بالإضافة لرب الامام هنالك رب البندورة وممكن رب الخيار
ورب الجرجير ورب العجور.............................................وبعد مقادرته لمنطقة برام توجه لمنطقة سكانها بيشبهوا
الايتام . شاف عنوان بيقول .........تاني خلي زول يجي يمجدلي أمريكا ولا العلمانية....................فشاف العجب والصيام في رجب
فالعالم انهالوا عليه شيء ضرب وشئ لكم وشئ ركل واكلوه اكل. طبعا سأل وعرف مين هدول الناس منهم الشيوعي ومنهم العمل
الشيوعي ومنهم الاشتراكي وعرف انو في اليوم داكي شاربين وماكلين جيكن كنتاكي.........................................................
وبقى يردد ويقول الله يرحمك يا لينين ويسكنك جناته مع الشهداء والصديقين...........................وطبعا طلع بينتيجه كمايقول......
الصديق موسى عليه السلام من سيد الانام : فسعديه زى ما هيه فصيحة وقبيحة مجلبته وشها بالكريم وكاب فتيل ريحه وكل يوم
عامله فضيحه التقول بتاكل الميتة والنطيحة......................................
وحانكمل بكره
| |
 
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
ومن ثم توجه صاحبنا الى بوابة كتب اعلاها ونست حمير وكان مندهش كتير. وقرر الدخول وبعد الاستماع
الى ما دار في الحوار تخيل انو حارس ليه زريبة و عدد من المطامير وانو شيخ كبير وبسافر على ظهر بعير بين سنجه
وجزيرة منير ومن ثم توجه لبوابة تتحدث عن الهامش والمهمش نفسه والتهميش والمهمش بفعل فاعل والمهمش بقدرة
قادر وعندها شا ف و لمح كبسيبة رمز الفشل والخيبة في خشمو قرضه وعلى يمينه على الارض تجلس ريبا العجيبة تمضغ
ليها في عرديبه. وفجأة توقف الحوار فطلع بينيجة محزنة وشعر بخيبة شديده....................................وكما يقول.................
الصديق موسى عليه السلام من سيد الانام..............عن اسباب توقف الحوار فبعد اختيار ندى القلعة لابد من الانتظار لاختيار
عواطف الحنانة وانضمامها للجنة الحوار للاستفادة منها في رسم اجمل خارطة للحوار............................وان سعديه زي
ماهيه فصيحة وقبيحة وكاب فتيل ريحه وكل يوم عامله فضيحة التقول بتأكل الميته والنطيحة...............................................
...............................................وحا نكمل بكره
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
وبعد نزول صاحبنا من على ظهر البعير وهو غضبان وتعبان كثير بسبب الرحلة بين سنجة وجزيرة منير فخرج الى
ليمشي في شارع المنبر العام. واثناء سيره شاف باب كتب اعلاه هل قتل الرحمن ضيوفه في البداية قال ده كفر عديل وخاف من
الزلازل والبراكين وغضب الرحمن وان هدول الاخوان من عبدة الشيطان واستغفر بالرحمن من افعال الجوان. ولكن في النهاية قرر
الدخول. وبعد الدخول وجد النزاع محتدم مع صراخ وعويل ناس تهدد بالرجم عديل للشيخ الكبير وناس بالتكفير لصاحب الفيديو
بسبب تركه للملة والدين وان صاحب الحلبة يستقوي بالنصارى والحاقدين والشامتين بالإسلام والمسلمين بسبب وقوع الرافعة
وتدافع الحاجين. والغضب كان ظاهر للعابرين ناس شايله اسياخ حديد وناس شايله عكاكيز . ودار العراك بعد ان قال الشيخ الكبير
ان الاسلام في مأزق كبير وتحدي خطير لا يمكن مجابهته الا بالفكرة الجمهورية الغنية والساعدة والقادرة على حل كل المشاكل التي
تواجه الانسانية. الجماعة عارضوه وقالوا ده فكرة علمانية وشيطانية لا نك تريد ان تقول ما عجز عنه خالق البرية يمكن حله عن
طريق الفكرة الجمهورية. وبدأ يتلفت شمال ويمين ولم يرى كبسيبه رمز الفشل والخيبة ولم يلمح ريبه العجيبة وقال ده حاجة غريبه.
ولو حضر كبسيبه رمز الفشل والخيبة وهو ترباية حبوبه لقال ما في داعي لكل الاحتدام والانفعال. كل الحكاية ان الرافعة مثل الطيور
والاشجاروالامطار والانهار والبحار تسجد للخالق الجبار وقال الحمد لله لأنها لوكانت طويلة لقتلت ناس في كتم وهبيله.......فطلع بنتيجة....
وكما يقول............الصديق موسى عليه السلام من سيد الانام..........ان رشيد ارتكب غلط شديد كان بدلا من اعتناق النصرانية التوجه
للفكرة الجمهورية لأنها حلت الاشكالية التي تواجه البشرية واستعصت على خالق البرية................ وان سعديه زي ما هيه فصيحة وقبيحة
مجلبته وشها بالكريم وكاب فتيل ريحه وكل يوم عامله فضيحه التقول بتأكل الميتة والنطيحة...............................................................
.................................................................................................وحا نكمل بكره ..............................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا صاحبنا بعد ما استمع للظيطة والزم بريطة. شعر بدوخة فخرج للشارع ليرتاح
فأخذ الحذر والحيطة فأتكأ على الحيطة. وبعد برهة عاد للحلبة ليرى مين حقق الغلبة ولكن وجد
الوضع زي ما هو وعلى حالو. فقال للشيخ الكبير تعال انت تقول ان الاسلام في ازمة حقيقية
وفشل في حل بعض القضايا الحياتية التي تواجه البشرية وبما ان فكرتك الحيوية مبنية على
الشريعة الاسلامية فهي ايضا في ازمة حقيقية. فأنصحك بالتوجه للعلمانية لتسعد البشرية. واخيرا قال
لوحضر كبسيبه رمز الفشل والخيبة وبمعية ريبة العجيبة لغنى وردد وقال الشريف مبسوط مني
لأنه بحب كتابتي...............وطلع بنتيجة............................................كما يقول................
الصديق موسى عليه السلام من سيد الانام.......ان سعدية زي ما هيه مجلبته وشها بالكريم وكاب
فتيل ريحة وكل يوم عاملة فضيحة التقول بتأكل الميتة والنطيحة...........................................
.............................وحا نكمل بكره
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
ماشي صاحبنا في شارع المنبر العام شاف دمار وخراب. فرب شاف الخلق متلمه . في نصهم شيخ
مفتي إفرنجي لا قفطان ولاعمة افتى كثير وقال أركان الإسلام مش مهم . قامت عليه السيد وقالت ليه يا راجل أتلمى أنت
من الكفار والمجوس واهل الذمة والبنت مبسوطة بتقوليها ما تخليه يا يمه .فصاحبنا ما عجبوا الكلام
فخرج ومن ثم دخل من باب ثاني شاف ناس أمام التلفاز تشاهد في جلسات الحوار السوداني. التفت يمين
وشمال فلمح كبسيبه رمز الفشل والخيبة وعلى يمينه مرأة ضعيفة وفي أيده شايله نعال بتشبه البنغال .
الظاهر أصحابهم مشتركين في الحوار. وكبسيبه بقول خدعونا وعلى طاولة الحوار سبقونا . وظاهر انو
غضبان وزعلان وفي الحزن غرقان للاضان . وردد وقال في الحوار الثاني سنكون في الصف القدامى.
وطبعا صاحبنا طلع بنتيجة ................كما يقول.....الصديق موسى عليه السلام من سيد الأنام.. إن سعدية
زي ما هيه فصيحة وقبيحة مجلبتا وشها بالكريم وكاب فتيل ريحة . وكل يوم عاملة فضيحة التقول بتأكل
الميتة والنطيحة.
........................ وحا نكمل بكره.................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا صاحبنا ماشي في شارع المنبر العام وسط الجلبة والزحام من دون كلام.
ماشي وبتلفت يمين ويسار. فشاف لمة قرب وجد ذات الشيخ المدني عامل مفتي في
وسط اللمة يصرخ التقول عاضاه نعجة وقارصاه قمله . يتحدس عن نبي جديد حنكو
سنين وبصارع التنين قوي زي الحديد ما بيليين ويتحدس عن فشل الإسلام كقانون ودين.
والمرأة تقول ليهوا يارا جل اتلمي وما تضلل الأمة والبنت تقول ليها ما تخليه يا يمه .
وألام قالت ليها اسكتي يا شافعة ده شيخ شنوا البيلغي الحج وبحمل المسؤولية
للرافعة. والبنت مبسوطة وبتقول يا يمه هذا الشيخ حليم ورزين وعلى الأمة حنين
وحا يخلصنا من عقد ورجعية الدين. وأخيرا وصل كبسيبه رمز الفشل والخيبة برفقة
الأخت عرديبه. وصاحبنا طلع بنتيجة ......................................كما يقول......
الصديق موسى عليه السلام من سيد الأنام. إن سعدية زي ما هيه فصيحة وقبيحة
مجلبته وشها بالكريم وكاب فتيل ريحة وكل يوم عامله فضيحة التقول بتأكل الميتة والنطيحة
..................................................وحا نكمل بكره.....................................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
وكالعادة صاحبنا ما شيء في شارع المنبر العام وسط الجلبة والزحام. فرأى المرأة وبنها
ومعاهم شلة واقفين تحت شجرة المنتهى. فصاحبنا وقف وراهم وقرر تتبع خطاهم. وقال واضح انهم
عايزين يعرفوا مكان الشيخ لان المرأة شاماه والبنت حاباه. وفي النهاية دخلوا من باب كل غبار وتراب.
فشاف لمة قرب فشاف شيخ عريض قصير مليان التقول بيأكل مع العميان يصرخ التقول راكبو شيطان.
ما بيحلف بالله بيحلف بالشيخ ريحان الحافظ الكتب والقران ويقول هو من معاصريه وكان من اهم الحيران.
وكان بحبو وموضع ثقته وكان ممسكو الدكان. والمرأة منتظراه يتحدث عن الدين عشان تطلعوا جاهل وغشيم
والبنت منتظراه عشان يخلصها من احد أركان الدين . وصاحبنا واقف حزين وما بهم امر الدين منتظر قدوم كبسيبه
رمز الفشل والخيبة برفقة مدام عرديبه وفرحته بتكبر لمن تدور الشكلة بين رمز الخيبة والمدام عرديبه. لكن
امله خاب وقرر الانسحاب بعد ما السماء اتلبد بالسحاب. وطلع بنتيجة.............................كما يقول........
الصديق موسى عليه السلام من سيد الأنام ....إن سعدية زي ما هيه فصيحة وقبيحة مجلبته وشها بالكريم
وكاب فتيل ريحه وكل يوم عامله فضيحة والتقول بتأكل الميتة والنطيحة....................................
.............................وحا نكمل بكره.....................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا صاحبنا كالعادة ماشي في شارع المنبر العام وسط الجلبة والزحام.
وهو ماشي ويتلفت يمين ويسار شاف لمة ناسا منهم كثار. دخل من البوابة شاف
واحد لابس زي الصحابة يخطب في الجماعة وبقول ليهم انو اليوم قرر احتراف
الكتابة لان امبارح في المنام جاهوا الكاتب والفيلسوف والشاعر محمد ود كزام.
وقال ليه أنت لازم تحترف الكتابة وحا تكون من العظام. طبعا ما عجبوا الكلام.
فقال ليه هنالك مسألة أكيد فاتت على الفيلسوف والأديب محمد ود كزام انو احتراف
الكتابة بالكتابة مش بالكلام.
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا صاحبنا ماشي في شارع المنبر العام في وسط الجلبة والزحام حيث
يتعالى الصراخ والكلام. وعشان يبعد عن هذا الجو السام دخل حي الأميرة انغام
وعرج على شارع الملك ضرغام. فشاف ذات الشيخ المليان والتقول بيأكل مع العميان .
يصرخ التقول عاصاه نعجة وناكتاه في عينه بجعة . يصرخ ويقول نحن كل يوم بنكتر
وبنفرخ وخالتو واقفه جنبوا بتسرح. فصاحبنا سأل مين هم قالوا ليهوا هدول إخوان
الإخوان( الإخوان الجمهوريين). فقال أنا بعرف إخوان الصفا والإخوان المجرمين
الفي السودان حاكمين . في امرأة تزوجت من إخوان جمهورين بعد ما توفى تزوجت
من إخوان مسلمين. فقال ما شفت منهم في السودان . قالوا ليه بعد أبوهم ما مات
هربوا وعاشوا في الشتات بقول في منهم شوية مش كثار. فسأل وين عائشين قالوا ليه
في الصين. فسأل شوا الفرق بينهم وبين إخوانهم الثانين . قالوا ليهوا أمهم واحدة وعندهم
نفس العقلية أبوهم الروحي في قطر ورضعانين من نفس الشطر. فصاحبنا طلع بنتيجة.....
كما يعول الصديق موسى عليه السلام من سيد الأنام . أن سعدية زي ما هي فصيحة وقبيحة
مجلبته وشها بالكريم وكاب فتيل ريحة وكل يوم عامله فضيحة التقول بتأكل المية والنطيحة.
............................ وحا نكمل بكره....................................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة صاحبنا ماشي في شارع المنبر العام والغريبة الليلة ما في جلبة وزحام.
فعرج حي الأيتام ودخل في شارع أمستردام في أوله في شوية نظام. فقال ياريت لو جاب معاها
المدام. قدم شوية لقدام فشاف لمة زي النمل البياكل ليه في قملة . لقى ناس تحكي بحدة وناس
تحكي عن العنصرية وناس تحكي عن الهامش والتهميش . وناس تتحدس المخابرات وأخرين
القواصات وواحدين عن البنات الماكويسات. وناس زي الوسواس الخناس يتحدسون من
الكرشة مو من الراس ده جعلي وده غرابي وده جلابي وده من ناس الدابي واحد ميرفابي
والتاني عكدابي. كلام أهل الجاهلية الأولي وكأنهم في سوق عكاظ واحد حامل سيخه
والتاني عكاز وواحد شايل لمبة بجاز. فصاحبنا أصيب باليأس والاكتئاب وقال ليهم
عشان ما اطلع منافق وكذاب انتم ناس ما عندكم عقاب وخيبتكم انكتب فيها الف كتاب.
النظام مبسوط فيكم وهو البسا عدكم ويسهل ليكم. فصاحبنا طلع بنتيجة. كما يقول......
الصديق موسى عليه السلام من سيد الأنام أبو سنينة عائز يساعد أبو سنينتين وان سعدية
زي ماهيه فصيحة وقبيحة مجلبته وشها بالكريم وكاب فتيل ريحة وكل يوم عامله فضيحة
التقول بتأكل الميتة والنطيحة.
......................................وحا نكمل بكره ........................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
فصاحبنا اليوم مشغول لان مخطط من زمان السفر لام درمان.
لكن المشي في شارع المنبر العام اصبح عندوا إدمان. فذهب لهناك ولأنه
مستعجل فوقف في الشباك. شاف لمة زي النمل بشيع في قملة . في الوسط
واحدة فاجرة وواحد خملة. واللمة كل واحد حامل كير وينفخ أنت عظيم ده
فيلسوف وداك وشه مخطوف وداك بلعب بالحوف . ده صحفي وداك دكتور
وده ملك الطيور وداك رب الديكور. ده بنبش القبور وداك بغني طنبور, وناس
تعطي إجازات ودرجات وشهادات ومافي حاجة للمدارس والمعاهد والجامعات,
ناس عائشين في حفر بيتحا شوا الاختلاط بالبشر فصيحين على بعض. ناس
بطلع ريح وناس بتنزل مطر وباس بطلع رعد فصاحبنا طلع بنتيجة كما يقول...
الصديق موسى عليه السلام من سيد الأنام..........الجاهل يزداد جهلا كلما زاد
اعتقاده انه يفهم وان سعدية زي ما هيه فصيحة وقبيحة..................................
............................وحا نكمل بكره..........................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة صاحبنا ماشي فل شارع المنبر العام وسط الجلبة والزحام.
فشاف مجموعة من الناس وتوسطهم واحد يشبه ترباس. فوقف جانبا ليستمع
على ما يدور. فصاحبنا تذكر أيام الجاهلية واحد هبل يحيط به ناس بسراويل
وناس لابسين طاقية وناس خاتين منديل . واحدين حاملين سيوف وناس حراب
وواحد شايل كوكاب. تخلف عجيب ناس لا تجيد غير الشتائم والسباب تكتل
بلاعقل متل أفيال البنجاب. أنت صادق وده كذاب أنت جلابي وده عكدابي
ناس ضد ده ولداك بتحابي. والمصيبة كل واحد فاكر نفسه حاجة ومن حيران
ابن ماجه وهو ما بيسو ريشة دجاجة. ده مخابرات أنت من نوملي وده من
القلابات وده من الفج جويا وداك من جعيبات. وقال الله يرحم من قدم نفسه
الوطن ومات.........................................وطلع بنتيجة كما يقول............
الصديق موسى علسه السلام من سيد الأنام أن سعدية زي ما هيه..............
..........................................................وحا نكمل بكره.....................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا صاحبنا ماشي في شارع المنبر العام وسط الجلبة والزحام.
شاف واحد مارق احد الأبواب نازل شتائم وسباب بشبه عبد الحليم خدام
أذن ليوري والثانية لقدام . شايل حقة تمباك عليها صغرة ولابس جلابيه
التقول ماضغاها بقرة . بمشي سك وممسح وشوا بشوية ودك قرب منوا
عرفوا ده الفحيل زعلان وحائر بيه الدليل. سأله في شنوا يالفحيل شايفك
تعبان ومضبلن القول مساهر الليل قال ليهوا ما تسأل ادخل وشوف الحاصل.
دخل بعد ما دفر الباب ونزل عليه التراب شاف ناس عجيبة غريبه واحد اسمه
مستر بق وواحد زق واحد جافا واحد راست ممسح راسو وشوا بيزيت
الباسطة واحد مسطول والثاني مصاب بالذهول وواحد شعروا مجدول وبطنوا
كبيرة زي البقر الشول وواحد قاعد بعيد بيأكل في فتة بيموية فول .واحد اسموا
الخطير شايل ليهوا جنزير نازلين في بعض نبذ وشتائم وصريخ وعويل. وقال
الله يرحمك ياسودان لو ديل مثقفيك البقية بحياتك والبركة فيك وطلع بنتيجة كما يقول
الصديق موسى عليه السلام من سيد الأنام أن 99ز9% من المواسير في السودان
ليست حديد بل أشخاص وان سعدية زي ما هيه.......................................
..............................................................وحا نكمل بكره.....................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة صاحبنا يتجول في شارع المنبر العام وسط الجلبة
والزحام. يدخل من باب ويخرج من باب لم يسمع غير سباب في
سباب حتي أصيب بالضجر والإكتاب . رجع إلى منزله يجر رجل
بعد رجل كأنه يلبس حجل في كل رجل . ويشعر بأن بطنه طمت
وروحه انخمت وانو لازم يتزمت . وهو راجع في الطريق قابل
أعز صديق. قال له الصديق مالي أراك مرتبك وحزين زي الشام
بنزين . رد عليه قائلا كنت في مشوار في شارع المنبر العام سأله
الصديق وماذا حصل. رد عليه قائلا لا استطيع وصف ما يحصل
لكن لو عائز تصاب بالدوار وفي ضهرك يقوملك عوار حا أخذك
مشوار حا تشوف عالم سبهللية ولا تعرف الجدية. ناس في الصباح
ديمقراطية وعند العشاء عنصرية وناس ساعة مع احترام اللاجئين
وساعة رافضين . وساعة يصفون من ولدوا في السودان ليست سودانيين
مع انهم استقبلوا من قبل الأخرين. وناس فلاسفة وسياسيين ومحاربين
فالكيزان خربوا البلد وهم أبطال في الفلبين فصاحبنا طلع بنتيجة .....
كما يقول الصديق موسى عليه السلام من سيد الأنام أن سعدية زي ما هيه.......
......................................وحا نكمل بكره...........................................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة يا سعادة فصاحبنا ماشي في شارع المنبر العام وسط الجلبة
والزحام. فدخل في حي الامعجية شاف قطية سأل قالوا ليه ده تكية. دخل
وجد ناس تأكل في الفاسد ومنتهي الصلاحية. والمصيبة مفكرين حالهم تفتيحه
ميه على ميه. واحد يعيش على مخصصات الكديس وواحد مسمي نفسه سركيس
وواحد جده ابن النفيس. وهم فيهم التعيس والزليل والرخيص وفيهم البعفس جنس
تعفيس . ناس لا تعرف الثقة بالنفس وجبانة والفشل والزل والمهانة موطنا وعنوانا.
فصاحبنا طلع بنتيجة كما يقول .....الصديق موسى عليه السلام من سيد الأنام . المافيهو
خير لنفسه ما حايكون فيهو للناس التانين وان سعدية زي ماهيه فصيحة وقبيحة..........
..........................................................................وحا نكمل بكره............
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كتب عبد الرحمن عزاز ، عبر صفحة الفيس بوك:
Quote:
هلا بالدكتور .. إنت الدكتوراه بتاعتك فى شنو بالله !؟
يازول ماعندك شغلة نجيضة زى باقى الناس يا إما بتطاعن فى جاليتكم ...
أو عاوز تعمل إضراب عن الطعام وبرضو تنبذ جاليتكم ..
او تنتقد الجلسات و لقاءات الجالية !
دا ياهو دورك و مساهمتك فى إسقاط النظام كمعارض بدرجة PHD؟؟؟
إنت ياعبدالمنعم زول أجبن من نعامة تدس رأسها وسط الرمال و لن تجرؤ أن تسمى الاشياء باسمائها الحقيقية لأنك ضعيف !!
مرة كبسيبة و مرة مين ماعارف ..
أسال روحك .. ليه بتكتب وحدك و ترد وحدك و كله وحدك كالدجاجة الصغيرة الحمراء ؟؟
|
كبر
| |
|
|
|
|
|
|
|
|
Re: صنغر في البنبر وبتصفح في المنبر.................. (Re: Kabar)
|
بينما كان صاحبنا يسير في شارع المنبر العام وسط الجلبة والزحام ينظر يمين ويسار. فشاف لمة يخطب فيها شخص ظاهر عليه بلا زمة. يتحدث عن داعش خائف وعرقان ومتراعش وهو ناشف ويابس وما معروف شو لابس. أفكاره مشتتة وجلابيته مفتقة ورائحته معتته. ساعة بقول داعش من صنع النظام السوداني وساعة من صنع الحكومة القطرية وساعة بفعل الوهابية. وساعة بقول النظام ضعيف وسيسقط في هذا الخريف طبعا عامل فيها ظريف وشريف وهو من طينة الأباليس. واحد من المارين قال ليهوا أنت وول دجال وتستأهل الضرب في رويسك ده بالنعال . فصاحبنا طلع بنتيجة كما يقول الصديق موسى عليه السلام من سيد الأنام. أن سعدية زي ما هيه فصيحة وقبيحة............................................... ....................................................................وحا نكمل بكره........................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة صاحبنا يسير في شارع المنبر العام في وسط الجلبة والزحام. شاف مجموعة اقترب ليشوف شوا موضوعها. وجد مجموعة لا تتعدي أصابع اليدين والرجلين. زعيم هذه المجموعة بطنوا اكبر من التلاجة ورويس قدر فلة القزازة ومشلخ سادة . وقال هم الفرقة الناجية 72 فرقة في النار وهم في جنة عدن يأكلون الفواكه والرطب والتمور وينكحون الحور وسيبعثون مباشرة بعد الرسول. صاحبنا قال ليهوا قوم قور وطلع بنتيجة كما يقول..................... الصديق موسى عليه السلام من سيد الأنام أن سعدية زي ما هي فصيحة وقبيحة ...................................................... ...............................................................وحا نكمل بكره................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كالعادة بينما كان صاحبنا يسير في شارع المنبر العام وسط الجلبة والزحام . شاف لمه قرب حسي بنفسه انخم التقول شم رمه . وجد ناس بهدوم وناس من غير وناس بتغني لبوب مارلي وناس بتغني لام كلثوم. ناس صوتها عالي وناس تآكل في تسالي وناس نازلين بالطوب والطين في واحد اسم فرانكلين وأخرين بسبو في الدين. سأل فرانكلين خرج عن الملة والدين قيل له لقد ارتكب أثم عظيم بدعوته لمقاطعة المصريين. لانهم قتلوا وزلوا وأهانوا السودانيين فقال سبحانك يا معين ما كل العالم بدافع عن كرامة الحيوانات والبني ادمين زي ما فعل الرئيس بوتين. فصاحبنا طلع بنتيجة كما يقول الصديق موسى عليه السلام من سيد الأنام متين جماعتنا بعرفوا أن الكرامة بتساوي ملاين ويجب أن يكرموا فرانكلين ... وان سعدية زي ما هي فصيحة وقبيحة.................................................... ...................................................................وحا نكمل بكره.........
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
كل العادة يا سعادة فصاحبنا ما شي في شارع المنبر العام وسط الجلبة والزحام . شاف لمه قرب قال يقيف شويه يسمع لينجم لانوا جاي مشي من حي المتمي. شاف واحد لابس باتا نازل سب في الفلاتة . واحد لابس صدريه نازل بهدلة في السعودية وواحد لابس جلابية يشتم في السورية . الكل يرفض وجود الأجنبية وهو لابد في احدى الدول الأجنبية وبتصرمح من تكية لتكية . مبهدل ومدروش زي حاس البنية. صاحبنا طلع بنتيجة كما يقول الصديق موسى عليه السلام من سيد الأنام. هذه هي خصال اللئام مابنضفوا حتي لو اخذوا ألف حمام. وان سعدية زي ما هيه فصيحة وقبيحة......................................................... ...........................................وحا نكمل بكره....................
| |
|
|
|
|
|
|
|
|
|
Re: صنغر في البنبر وبتصفح في المنبر.................. (Re: عبد المنعم موسى)
|
طبعا كالعادة صاحبنا ماشي في شارع المنبر العام لكن اليوم لأجلبه ولا زحام . واقف في راس الشارع شاف شخص فسأله الحاصل شنوا الليلة . وين جماعة الفرقة 73 الناجية . قال ليهوا هناك قاعدين زي الأيتام والمساكين وزعلانين . ليه قال ليهوا الفرق ال 73 طلعوا كلهم إرهابين ولايوجد ناجين. لذا اختفوا لانهم مكسوفين. وطلع بنتيجة كما يقول الصديق موسى عليه السلام من سيد الأنام. أن سعديه زي ما هي فصيحة وقبيحة...........................................وحا نكمل بكره......................
| |
|
|
|
|
|
|
| |
عبد المنعم موسى
Kabar
فيس بوك
تويتر
انستقرام
يوتيوب
بنتيريست