|
دعواتكم لزميلنا المفكر د.الباقر العفيف بالشفاء العاجل
|
|
 Re: وداعا اخوتي بالمنبر !! (Re: ست البنات)
|
مازالت بضع كلمات لم نقلها وبعض رشفات من الشاي
مقعدك شاغرا
ولم ينضب معينك
خليك هنا يا خية
فأنتي وانتن تضفن للموقع انوثة الباذخة والمشرقة
واي مكان لا يؤنث لا يؤبه به
| |
 
|
|
|
|
|
|
|
|
Re: وداعا اخوتي بالمنبر !! (Re: عبدالحفيظ ابوسن)
|
ستنا ماشه وين
ده شعور بجيني كل حين , الجابرني شنو ؟
ما عاد هنالك ما يقال
وقد اغضبت هذا وتجاوزت الحدود مع ذاك
ثم انو البلد غرقانه
وغلبنا نلحقها
ف شنو ال نفرتق
بس يا ستنا ده اخر امل في ايصال كلمة لمجموعة واعية
طنشي شوية وتعالي
اخدي هدنه وانا عارفاك بتحاسبي روحك .... صدقيني الزعلتيهم ديل ما دايرينك تمشي
| |
|
|
|
|
|
|
|
|
|
Re: وداعا اخوتي بالمنبر !! (Re: اخلاص عبدالرحمن المشرف)
|
واحد من اولاد أم سويقو بمدني شاكل أهلو وجري قال ماشي البحر ينتحر، أمو بفردة سفنجة وأخواتو من غير تياب الصلاة، وراهو جري،
لمان وصلوا البحر لقوهو واقف جنب القيفة بفك في رباط الكبك
أمسكك أمسكك حنسك حنسك
رجعوهو البيت، بعد الغدا والليمون البارد قال ليهم:
وحات سعدابي، المرّة الجاية تكرروها أنتحر ليكم بالكبك
فشنو يا ستهن:
عليك يابا سعدابي، كان تمشي
نحن يا دوب أبتدينا
| |
|
|
|
|
|
|
|
|
|
Re: وداعا اخوتي بالمنبر !! (Re: أبوبكر عباس)
|
.
ست البنات وستنا كلنا والله
لن أقول لكِ لماذا هذه ( القسوة ) علينا ، لأن الكلمة لا تشبهك والله
كتير جداً بتكلم عن أفضال المنبر دا عليْ
كسبت إخوان وأخوات بحق ، أبناء وبنات بحق
وجودي معهم هنا يسعدني ، وبعدي عنهم يؤرقني
أبارك للعندو فرح ، وأواسي العندو كره ، وأشعر بسعادة في تواصلي معهم
يا ست البنات وستنا ، ستة سنوات ما كتيره ..(فايتانا وين مستعجله ) ؟ نحن
بنتمنى من ربنا أن يديم هذه العشرة العمر كله .
خليك معانا ولو زهجتى مننا ..أدينا طلة من وقت لآخر ، عشان نسعد بوجودك
معانا ، ونعرف أخبارِك وتعرفي أخبارنا
يا ربي يكون واحد مننا زعَّلِك ؟ سامحيهو .. وماتخلينا
إسمِك في المنبر مبعث للإطمئنان والله .. أبقي معانا أختنا ست البنات
أجبري بخاطرنا
| |
|
|
|
|
|
|
|
|
|
Re: وداعا اخوتي بالمنبر !! (Re: محمد فضل الله المكى)
|
سكينة كمبال الشهيرة بـ ست البنات، امرأة قوية الشكيمة والرأس و(نادرة على طريقتها الخاصة)
حالها حال شقيقيها اللذين عرفتهما معها عبد الواحد و أم الخير كمبال
عصامية، لم ولا تهزها عاديات الزمن ولا صعابه، لا أظنها تغادر مغاضبة، وغالبا تكون فايته بي رضاها، وأرجو ألا أكون مخطئاً
هذا المنبر يأخذ الكثير من وقتنا. ومجاراته تكون على حساب هوايات واحترافات وشبه واجبات أهملناها لأجل خاطره.
ثم هو نوع من أنواع الإدمان
قال لي صاحبي أبو ساندرا مؤخرا إنو من يستطيع أن يهجر عادةً أدمنها (ولو كانت عادة جميلة) فمن الخير ألا يعود إليها طائعا
كان ذلك في معرض إجابته عن سؤالي لتركه المنبر الذي كان له فيه صولات وجولات صائبة وخائبة
أرجو يا سكينة أنك أبدلتيه بما هو أخيَر
لك المودة التي تعلمينها
| |
|
|
|
|
|
|
|
|
|
Re: وداعا اخوتي بالمنبر !! (Re: محمد فضل الله المكى)
|
سلامات يا ستنا يا ست البنات
تعرفي البتعود على سودانيز أونلاين ما بقدر يفارقها
فهي بقت لينا وطن وشارع وسينما ومدرسة وبيت صبحية كمان..
سوداني الجوة وجداني بريدو
نسأل الله أن يجعل بركة كل من فقدنا فينا جميعا ويصلح لنا بلدنا ويهدي حكامه والمعارضة..
ياسر
| |
|
|
|
|
|
|
|
|
Re: وداعا اخوتي بالمنبر !! (Re: Yasir Elsharif)
|
Quote: Re: ياخوانا الزول دا الكفيل عصر عليو ولا مالو (Re: علي عبدالوهاب عثمان)
يا جماعة الزول دا قال : مشتهيلو ( تركين - ملوحة)!
ست البنات. |
لسع كنت بشرح عن ثقافة التركينج في بوست أستاذنا الطيب عباس ..
شوية لغاية ما نجهز التركينج بالقراصة ..
تحياتي ..
| |
|
|
|
|
|
|
|
|
|
Re: وداعا اخوتي بالمنبر !! (Re: علي عبدالوهاب عثمان)
|
Quote: Quote: Re: ياخوانا الزول دا الكفيل عصر عليو ولا مالو (Re: علي عبدالوهاب عثمان)
يا جماعة الزول دا قال : مشتهيلو ( تركين - ملوحة)!
ست البنات.
لسع كنت بشرح عن ثقافة التركينج في بوست أستاذنا الطيب عباس ..
شوية لغاية ما نجهز التركينج بالقراصة ..
تحياتي .. |
كان بدري عليك .. وعلي وداعك
الظاهر كراعنا حاااره
تحياتي
| |
|
|
|
|
|
|
|
|
|
Re: وداعا اخوتي بالمنبر !! (Re: اخلاص عبدالرحمن المشرف)
|
ست البنات كلهم
فايتة مروحة وين ما لسه ...
13 سنة عشرة عمر إنتي و أهل المنبر .... يعني هانت عليك ؟
عودي و لو عشان خاطر إخلاص .. من حزنها فتشت خشم البقرة :(
أتمني أن تكون مجرد إجازة صغيرة و ترجعي بالسلامة .
الرحمة و المغفرة للراحلين من أهلنا جميعا و من أعضاء المنبر
و العفو والعافية في المحيا و الممات كما يقول دكتور السنوسي .
| |
|
|
|
|
|
|
|
|
|
Re: وداعا اخوتي بالمنبر !! (Re: Emad Ahmed)
|
Quote: سلامات يا ستنا يا ست البنات
تعرفي البتعود على سودانيز أونلاين ما بقدر يفارقها
فهي بقت لينا وطن وشارع وسينما ومدرسة وبيت صبحية كمان..
سوداني الجوة وجداني بريدو
نسأل الله أن يجعل بركة كل من فقدنا فينا جميعا ويصلح لنا بلدنا ويهدي حكامه والمعارضة..
|
أي والله يا دكتور ياسر و بدري يا سكينة و إن شاء الله تلقي طريقة توافقي بين المنبر و مشغلوياتك الأخرى.
| |
|
|
|
|
|
|
|
|
|
Re: وداعا اخوتي بالمنبر !! (Re: اخلاص عبدالرحمن المشرف)
|
Quote:
وسامحوني ان مست بعض كلماتي رقيق المشاعر أو أغضبت أحدا !
|
غضب ما في لكن بوستك دا فعلا مس مشاعرى التخينة، فما بال الرقيقـة.. لكن مسامحك تب.. مداخلاتك كلها طيبة ورصينـة، ولكن انتى أدرى بظروفك وربنا يوفقك..
لكن ما تشحني الباسوورد لبكرى وكل ما لقيتى فرصـة أعفصى على الماوس..
| |
|
|
|
|
|
|
|
|
|
Re: وداعا اخوتي بالمنبر !! (Re: Kabar)
|
النِنَيِّي الفَنْجَرِيِّي...
الشِتِيلَة الشَارْبِي من نَفَسْ النِسِيمَات النَدِيِّي...
ست البنات قُولِي يا سيدِي الحَسَنْ... وراجْعِي قرارِك...
| |
|
|
|
|
|
|
|
|
|
Re: وداعا اخوتي بالمنبر !! (Re: مني عمسيب)
|
معقول يا ستهم
معقول تمشي تسيبينا
نحن هنا علشان انتى جميلة وبتدى المنتدى طعم خاص وبنتعلم منك
ارجوك علشانا ما تتركى المكان
وانتى عارفة نحن بنحبك لي تحرمينا منك !!؟
| |
|
|
|
|
|
|
|
|
|
Re: وداعا اخوتي بالمنبر !! (Re: ادم الهلباوى)
|
العزيزة سكينة بت كمبال(ست البنات)
طبعا حيؤلمنا جدا مفارقتك للمنبر العام..
لكن بس عاوزين منك تنورينا ان شاء الله في الخاص او البريد
الاكتروني الاسباب الرئيسية الخلتك تصل لهذا القرار...
وبعدما نقرا هذه الاسباب..قررنا انا وبسمات ان نفكر هل نغادر
معاك المنبر العام ام لا....وهذا تضامنا معاك ...ونحن منتظرين..
والله يديك الصحة والعافية
اميرة مصطفى السيد
بسمات الشيخ عبد الرحيم
| |
|
|
|
|
|
|
| |
ست البنات
فرح الطاهر ابو روضة
عبدالحفيظ ابوسن
ismeil abbas
أبوبكر عباس
محمد فضل الله المكى
معاوية الزبير
Yasir Elsharif
علي عبدالوهاب عثمان
الطيب عباس
Hani Arabi Mohamed
سيف اليزل سعد عمر
نعمات عماد
Emad Ahmed
Omer Abdalla Omer
Abureesh
Kabar
أبو الحسين
مني عمسيب
وضاحة
ابو جهينة
ادم الهلباوى
Deng
Nasr
خالد علي محجوب المنسي
صديق الموج
ودقاسم
عبدالمنعم الطيب حسن
Yousif A Abusinina
MOHAMMED ELSHEIKH
فيس بوك
تويتر
انستقرام
يوتيوب
بنتيريست