منذ عدة سنين وحتى اليوم، استمر في تنبيه الاصدقاء والجيران والزملاء بالا داعي لتحمية سيارتهم في الصباح - صيفاً او شتاءاً - طالما ان سياراتهم تعمل بنظام الحقن (جمع حقنة)، بالعربي injectors لكن حتى الآن لم يستجب احد
الحقيقة اليومين الفاتن قمت بدراسة على الماشي - قلت اشوف الزملاء في مقر العمل الجديد - زملاء من جنسيات مختلفة - حا يستجيبو للدعوه الجديدة القديمة او حا يصروا على ما وجدو عليه آبائهم واجدادهم كلهم اصرو يسخنو عرباتهم قبل الانطلاق - كفر بواح
لو ما فيها كربريتور معناتا شغالة بنظام الحقن بس اوعى تقول لي كربريتر يعني شنو :)
نظام الحقن ظهر بصورة تجارية في السيارات في التمانينيات - اعتقد ان الغالبية العظمى من السيارات موديل 95 وانت طالع بتشتغل بنظام الحقن ! على العموم مكنة السيارة بنظام الحقن شكلها بكون كالشكل في الصوره ادناه - لاحظ غطاء المحركة
مكنة السيارة بنظام الكاربريتور شكلها بكون كالشكل في الصوره ادناه - برضو لاحظ فلتر الهواء بتاع الكاربريتر
11-11-2015, 09:00 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
نظام الحقن يعنى العربه بتوصل البنزين لغرف الاحتراق بواسطة بخاخات وليس عن طريقة تنقيط بواسطة الكاربريتر وهذا يتم فى الدوره رباعية الاشواط ( وهذا راى غير علمى ومن الذاكره فقط )
يا ايمن
انا بعرف انو نظام التسخين الصباحى هو لارتفاع زيت الماكينه من الكارتيل الى راس الماكينه وهذه العمليه تستغرف بشكل آمن الى حوالى الدقيقه فقط
فهل انت تقصد انه لاداعى لانتظار الزيت حتى يرتفع الى راس الماكينه و الضغط على دواسة الوقود فور تشغيل السياره والانطلاق ام تقصد شئ اخر
ارجو ان تتبسط فى الشرح ( لطفا وليس امرا )
11-11-2015, 09:57 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
شخصياً عمري ماقاعد اعمل كده .. حتى مع عربات الكربريتر .. الماعندها ارتباط بي شغلة الحقن الالكتروني للوقود دي .. بدق استارتر وبقوم جاري الشارع طوالي .. والله إلا تقيف وتبطل .. اعتقد الشغله عندها ارتباط ببعض الاشخاص .. الفي طبعهم حرص زائد .. أو عندهم عدم معرفة .. ومستجدين في التعامل مع العربات ..
11-11-2015, 10:03 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: انا بعرف انو نظام التسخين الصباحى هو لارتفاع زيت الماكينه من الكارتيل الى راس الماكينه وهذه العمليه تستغرف بشكل آمن الى حوالى الدقيقه فقط
فهل انت تقصد انه لاداعى لانتظار الزيت حتى يرتفع الى راس الماكينه و الضغط على دواسة الوقود فور تشغيل السياره والانطلاق ام تقصد شئ اخر
ارتفاع الزيت او طرطشة الزيت بشكل كافي كانت احد اسباب ضرورة احماء العربية في السبعينيات والسنوات قبلها بسبب نوعية الزيوت التي تتجمد في البرودة ولكن زيوت المحركات المتوفرة الآن لا تتجمد بالبرودة، وبالتالي ارتفاع الزيت لا يتطلب اكثر من بضع ثواني
عرف احدهم ينزل من شقته عشان يدور العربية ثم يعود للاستحمام والفطور وشرب الشاي .. جبت ليهو كتلوج عربيتو من النت .. ووريتو انو الوقت المظلوب للحركة بعد تشغيل العربية هو 3 ثواني فقط لا غير .. وبرضو مصر بنزل يدور العربية ويطلع يستحنى ويلبس ويفطر عشان ينزل يلقة العربية جاهزة تش !!!!
11-12-2015, 03:33 AM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
احييك واحى كل المرور نعم هذا صحيح السيارات التى تعمل بنظام البخاخات لاتحتاج الى تسخين نحن يا استاذ ايمن تثقفنا على حاجات كتيره مازالت موجوده فى الاذهان حتى مع تطؤر هذه الاشياء يعنى حتى الان فى ناس بتشيك على الزيوت يوميا الصباح والماء شى كويس طبعا ولكن ماشديد عندنا حاجه كويسه نظافة السياره من الداخل والخارج نحن شعب نهتم جدا بنظافة السياره ومكن تعمل الحاجه بنفسك وفيها متعه زى رش الحوش وسقاية الزراعه
11-12-2015, 03:50 AM
Ashraf El Bagir Ashraf El Bagir
تاريخ التسجيل: 06-20-2007
مجموع المشاركات: 819
مهندسنا أيمن والحضور الكريم بعيدا عن الناحية العلمية في الموضوع، في ناحية عملية مهمة في حكاية التسخين دي انا لاحظت مرات لمن تكون مستعجل وتطلع طوالي بتحس المكنة ما بتكون سلسة كدة في التجاوب والتعشيقات بالذات الاوتوماتيك، لكن لو اديتا دقيقتين تلاتة كدة بختلف الوضع كتير وبتبقى اكتر سلاسة وانطلاق... دا بالنسبة لينا ناس الأجواء المعتدلة والحارة، أما ناس التلج ديل حقو يخلوها مدورة من بالليل ههههههههههههههههه
11-13-2015, 07:51 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: بعض الأماكن هنا في كندا لازم تشبك العربية في الكهرباء طوالي و هي واقفة عشان البلوك هيتر يدفيها عشان تقدر تدورها ..
لكن حكايتكم حكاية يا يحي قباني - انا عشت في منطقة كنا بنغطي المحرك بالبطانية عشان تدور الصباح - لكن ظروفكم - موية اللديتر ومية المساحات بيحصل ليها شنو طيب؟
11-12-2015, 06:12 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: رف احدهم ينزل من شقته عشان يدور العربية ثم يعود للاستحمام والفطور وشرب الشاي .. جبت ليهو كتلوج عربيتو من النت .. ووريتو انو الوقت المظلوب للحركة بعد تشغيل العربية هو 3 ثواني فقط لا غير .. وبرضو مصر بنزل يدور العربية ويطلع يستحنى ويلبس ويفطر عشان ينزل يلقة العربية جاهزة تش !!!!
سلامات يا محمد المشرف
اصلاً سبب البوست هو قصة مشابهه او في الحقيقة "قصص مشابهه"
جاري السوداني في المبنى شرحت ليه كم مرة انو تحمية السيارة "لربع ساعة" كل يوم الصباح غير مطلوبة - لكن ابى يشتغل بكلامي نهائيا
الغريبة برضو طلعت ليه التعليمات من الكاتالوج بتاع العربية بتاعتو بس برضو ما اقتنع بكلام المصنع
11-12-2015, 05:50 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
شكرا كثيرا الاخ الباش مهندس ايمن على هذا البوست المفيد والله اليوم الصباح دورت العربية وانتظرت لغاية ما سخنت لكن من بكره بقوم سداري طوالي ههههههههههههه شكرا كتير
تحياتي : ياسر العيلفون .....
11-12-2015, 06:17 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
على عكس كلام الاخ المهندس ايمن، سمعت من خلال برنامج يتحدث عن السيارات ، في الشتاء تحديدا ينبغي تسخيل السيارة ان شاء الله لمدة دقيقة ، حتى لا تسبب الماء البارد شق في راس المكاينة.
والله اعلم هذا على حسب ماسمعته.
11-12-2015, 06:43 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
يا باشمهندس لا بد من قليل من الإحماء ولو لثواني كاربوريتور أو إنجكشن لا تفرق وفكرة أنك تدور العربية وتضغطا طوالى علي الطريق فكرة غير آمنة إذا لم تكن مضطرا...تزييت جيد ضمان لأداء جيد,, خاصة في ماكينات الديزل ووجود السخانات وألأتومايزرز,,,
التكنولوجيا وصلت لوجود تطبيق يمكن عن طريقه تسخين عربيتك من قارة أخرى,,
تحياتى
11-12-2015, 06:16 AM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
عن تجربة وبحكم الشغل زمان بسافر كتير جدآ داخل الولايات.. اليوم المسافر فيهو بصحا من النوم وبنقر العربية طوالى وبعد داك بنتهى من برنامج الحمام والصلاة والغيار وهلم جرا بعد داك ببقى مارق. هنا العربية بتكون اخدت ليها اكتر من 30 دقيقة مدورة. فى مرة من المرات افتكرت روحى دورتها واخدت حمامي وشربت الشاي ومرقت لقيت روحي مادورت العربية. اتوكلت دورتها ومرقت طوالى... صراحة الفرق بين الأتنين فرق السما من الواطة... فى الحالة الأولة العربية سحبها ممتاز جدا وسريعة فى التخطى... فى الحالة التانية العربية سحبها شوية فيهو فرق من الأول وتحس بيها ميتانة... الكلام دا بينطبق على الجاز والبنزين بحكم التجربة وكلهم موديلات جديدة... لو رجعتو للمانيوال بيقول ليك 5 دقايق اقل شي مرات
ومافى زول يجي يقول لي طارة كلتش ومش عارف ايه... بجيب شنطة العدة وبجيكم
نفس كلام الشباب ديل يا أيمن ما قاعد أسخن العربية وبتحرك طوالي لكن لاحظت لما اتحرك بعد دقيقتين تلاتة من التدويرة العربية بتكون سلسله وصوت الماكينة بكون عادي مازي لما تتحرك طوالي بكون الصوت عالي!! رغم إنو في الكتالوج بتاع العربية مذكور ما بتحتاج تنتظر بمجرد لمبات الانذار في الطبلون طفت.
طبعا" التسخينة ما عندها مضار أعتقد غير ثاني أكسيد الكربون الشوية البطلع في فترة التسخينة على حسب كلام الشركة المصنعة.
11-12-2015, 06:36 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: و رجعتو للمانيوال بيقول ليك 5 دقايق اقل شي مرات
"احماء السيارة في الصباحات الباردة غير مطلوب وقد يقلل ذلك من الاقتصاد بالوقود" من كتلوج البي ام دبليو
"ابدا بالقيادة مباشرة دون تاخير، لا تنتظر حتى يتم احماء السيارة وهي متوقفة وابدا في القيادة مباشرة ولكن بسرعة معتدلة فتلك هي اسرع طريقة لوصول درجة حرارة المحرك البارد الى درجة الحرارة الطبيعية" من كاتالوج المرسيدس
Quote: يا اخوانا انتوا بتتكلموا عن الزيت ولا الجليد والبروده ؟
يا علي كل زول علي حسب المنطقة العايش فيها، غايتو انا عنهن اللِتنين .
Quote: حتى في درجات الحرارة تحت الصفر ما بتحتاج تسخن المحرك يا ود المدير - تشغل الانجن بلوك هيتر قبل تدوير العربية ومن ثم تنطلق طوالي
تحت الصفر يعني كم كدا يا ايمن ؟، يا اخي انا محل قاعد المحرك دا زاتو مرات بيحرن خليك من يسخن . لآزم يكون عندك ريموت إستارتر عشان تبرمج العربية علي أساس كل بعد فترة تدوّر لمدة 15 دقيقة .
Quote: بعض الأماكن هنا في كندا لازم تشبك العربية في الكهرباء طوالي و هي واقفة عشان البلوك هيتر يدفيها عشان تقدر تدورها .. حتى في قراش البيت ... تخليها طول الليل مشبوكة في الكهرباء ... ( ود المدير يكلمك ) :)
يا قباني والله تدقس تنسى تشبك العربية في الكهرباء الصباح تلقى المكنة دي كلها مجمّدة، بعد دآك لآزم تجر العربية لقراش بالشي الفلآني، ؤُ تخليها في القراش لمدة ساعتين بالشي الفرتكاني، ؤُ ينفضوها ليك بالهِيّت تلقى جيبك زاتو إتنفض . أما ايام كنا نعيش علي ضفاف نهر المكنزي، وحات الله كنا نخليها مدورة إسبوع كامل وكان دقست وقفتها 5 دقايق بعد دآك إلا ترجى الصيف ...
11-12-2015, 06:33 AM
Ahmed Tuhami Ahmed Tuhami
تاريخ التسجيل: 08-17-2015
مجموع المشاركات: 189
Quote: عثمان قرندى · محاسب في جهات حكومية باشمهندس ايمن .. عندى سيارة بيجو لو مارارتفعت حرارتها او شغلتها اقل شئ خمسة دقائق مابتتحرك من محلها .. كان صيف ولا شتاء
دي عربية تغيانة ساكت ...
11-12-2015, 07:08 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: اتوكلت دورتها ومرقت طوالى... صراحة الفرق بين الأتنين فرق السما من الواطة... فى الحالة الأولة العربية سحبها ممتاز جدا وسريعة فى التخطى... فى الحالة التانية العربية سحبها شوية فيهو فرق من الأول وتحس بيها ميتانة... الكلام دا بينطبق على الجاز والبنزين بحكم التجربة وكلهم موديلات جديدة... لو رجعتو للمانيوال بيقول ليك 5 دقايق اقل شي مرات
هل المطلوب فعلاً التسخين أو التبريد للانطلاق؟ نعم ولا
الموضوع من ناحية هندسية يتعلق أكثر بتأثيرات الحرارة على المعادن، متدنية كانت أو عالية، التغير السريع في درجات الحرارة يسبب إجهاد المعادن المختلفة في السيارة (اربعة أنواع على الأقل) فتتمدد أو تنكمش بنسب مختلفة، والمطلوب انتظار وصول درجة حرارتها إلى حدود معقولة يمكن معها إهمال تأثير هذا الإجهاد.
عند تحميل المحرك بالانطلاق مباشرة نخطيء بمضاعفة تأثير الإجهاد الحراري إضافة للحمولة (هذا يحدث للكوب عند إضافة سائل ساخن فينكسر)، في المحرك ما يحدث ببساطة هو تشققات مجهرية في السلندرات والصمامات والكرنك مع الزمن وفي النهاية تتعطل السيارة بمظاهر تبدأ بالدخان الأبيض وخلط الزيت مع الوقود ثم انكسار الصمام.
وغض النظر عن طريقة التموين بالوقود، حقن أو سحب، فالمطلوب أن لا يكون المحرك تحت حمولة أثناء تمدد المعدن (أو انكماشه). لذلك فالمحركات الثقيلة (الديزل) أو التوربينية (الطائرات) لا يتم تحميلها قبل تسخينها ولا يتم إطفاؤها قبل أن تبرد نسبياً وتصل لدرجة الحرارة في المدى الذي يحميها من الإجهاد الحراري (thermal fatique).
في الطائرات والتوربينات الغازية في محطات التوليد الحراري إذا تم إطفاء المحرك سيبرد العمود الموصل للحركة وهو منحني بسبب الجاذبية، وتتلف التوربينة، نفس الشيء يحدث لعمود الكرنك في سيارات الديزل الثقيلة والقاطرات والسفن لذلك نادراً ما يتم إيقافها حتى إذا كانت متوقفة.
سيارات الركاب (الخفيفة) الحديثة تستخدم مواد جديدة في المحركات ومعادن معالجة بطرق مختلفة لتخفيض أثر الإجهادات الحرارية، من بينها تقليل المعدن في المحرك أو تقليل الحمولة بتخفيض وزن المركبة كلها، أو توزيع الحمولة على أكثر من سلندر. ____ توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.
11-12-2015, 08:02 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
Quote: سيارات الركاب (الخفيفة) الحديثة تستخدم مواد جديدة في المحركات ومعادن معالجة بطرق مختلفة لتخفيض أثر الإجهادات الحرارية، من بينها تقليل المعدن في المحرك
وأبسط مثال علي ذلك قديما كان الTiming Belt عبارة عن جنزير معدني وذلك يتطلب التزييت الكافي والآن اصبح غالبا ما يتم تصنيعه من البلاستيك أو السيليكون أو الفايبرز زيادة على تطور تقنية التزييت نفسها لكن تبقى الفكرة الأساسية لابد من قليل من التسخين !!!!
تحياتى
11-12-2015, 08:11 AM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
سلام اخي ايمن وصباحك خير وبركة....شكرا للمعلومة القيمة ..وعندي سؤال ارجو ان اجد له إجابة عندكم ...سيارتي سنتافى هيونداي 2015 على الطابلون مؤشر يوضح استهلاك الوقود كل 100 كيلومتر البداية كانت ممتازة تقريبا 6litr/100klm بعدها بدأ في الارتفاع ليصل القمة اثناء اجازتي السنوية بالسودان ليصل 12.6ltr/100klmقال لي البعض لعدم جودة البنزين هناك واحتوائه على الرصاص ....بعد عودتي للسعودية تحسن الحال قليلا ونزل الى 9.9لكنه ارتفع مرة أخرى الى 11.3ارجو شاكرا توضيح الأسباب والحلول
11-12-2015, 09:03 AM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
تسخينة البداية دي ممكن تكون منطقية ولكن الحاجة الما لاقي ليها تفسير هي تسخينة النهاية ... نحن السودانيين لما نوقف العربية وقبل ما نبطلها لازم نديها ابنصين تلاتة ونخلي دخاخينا في السماء هل من تفسير علمي يا ايمن ولا عوارة مننا ساي كدة
11-12-2015, 09:29 AM
احمد الشيخ احمد الشيخ
تاريخ التسجيل: 12-23-2014
مجموع المشاركات: 784
Quote: وأبسط مثال علي ذلك قديما كان الTiming Belt عبارة عن جنزير معدني وذلك يتطلب التزييت الكافي والآن اصبح غالبا ما يتم تصنيعه من البلاستيك أو السيليكون أو الفايبرز زيادة على تطور تقنية التزييت نفسها لكن تبقى الفكرة الأساسية لابد من قليل من التسخين !!!!
توليف درجة الحرارة مطلوب في كل المنظومات الميكانيكية، بما فيها الحنك والأسنان واللسان
ومثلما تحتاج للتسخين في البداية فأنت تحتاج للتبريد أثناء الحركة. وربما تحتاج للتبريد منذ بداية إدارة المحرك كما في سيارات السباق فهذه يخرج منها اللهب منذ بداية التشغيل وبدون تبريد ستذوب في المضمار. المؤسف أن كل هذا التطور لم يستفد من طاقة الوقود إلا في حدود 45% والباقي يتحول لحرارة.
الفيراري والمازيراتي واللامبورجيني هياكلها من الألمونيوم ولن تجد للحديد الصلب مكان سوى بعض أجزاء المحرك الصغيرة، البدن من البلاستيك والفايبر، وتحتاج لمبرد أضخم من المحرك نفسه وفتحات تهوية في أي مكان متاح.
يحمد لهم أنهم حافظوا على الشكل المألوف للسيارات، صندوق مكعب مثبت فوق أربعة عجلات متساوية في الحجم ومكان للسائق في الداخل. ____ بخصوص الحنك، هسع مش بتبدأ يومك بساخن؟ ما للضروس، انت قايل شنو.
يا حاتم يا حبيب .. إنت راجل مطّلع وأنا عندي الكثير من الأسئلة العلمية .. وكلما وجدت فُرصة سأوجه لك سؤالاً ...
السؤال الأول: ظهرت تقنية النانو ومنها هل بالإمكان صناعة أجسام تُحاكي عملية الضغط الناتج من الحرارة التي تتولد عن طريق الوقود الأحفوري .. بحيث تتحرك المكابس المصنوعة بتقنية النانو بتفاعلها ديناميكياً مع أجسام أخرى مصنوعة بنفس التقنية (النانو) ؟
يعني زي ما تقول كدا زي تنافر الأقطاب المُتشابهة في المغناطيس ...
عملية التسخين دي ما ليها علاقة بالحقن هي مرتبطة بدورة الزيت وعلاقتو بخلوص الشنبر مع جدار السلندر clearance عندما تكون الماكينة باردة بكون الشنبر منكمش داخل المجرى في البستون Piston في الحالة دي لما تقوم بسرعة بالسيارة وهي باردة الزيت بمشي في الدورة الافتراضية ليهو وجز منه بمشي بين الشنبر والسلندر لأنو الشنبر ما تمدد كفاية عشان يضيق الخلوص دا لذلك بتشوف دخان أبيض طالع من العادم ودا دخان حريق الزيت دا وإذا استمريت تمشي بالسيارة باردة لمدة شهر (مثلا) حتلقى الزيت ناقص مهما تكون السيارة جديدة لأنو جزء من الزيت ماشي خارج الدورة العادية للزيت وح تخف الماكينة وممكن يتكسر الشنبر. عشان كدا التسخين لحدي ما يرتفع عداد السخانة أقل شيء في الخط الأول بشكل أمان للماكينة خصوصا إذا كان في ثيرموستات.
موش كدا وبس في البرد دائما بتلاحظوا إنو الموية بتنقص بدون مبرر السبب إنو خراطيم الموية بتكون منكمشة وناشفة وغير مرنة وما بتكون ثابتة جيد مع كوع اللديتر والماكينة عشان كدا بتسرب عليه يبقى التسخين لفترة كافية حتمي من كافة الجوانب لحماية المحرك. ودمتم
11-12-2015, 01:24 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
قريت البوست كامل عشان ما اكرر اجابة زي اجابة اخونا حمد عبدالغفار (كتلها) واجتهاد اخونا حاتم
لا اعتقد ان الجميع غير متفق على ان التسخين لوقت طويل غير مجدي بل مضر في اخر دراسة ان اتسخين لمدة طويلة يصب التوصيلات الكهربائية في السيارة بالتلف نتيجة ال over heating
على العموم انا بعتمد على ابنص العربية المبرمج، لمن تدور العربية في ابنص اتوماتيك بشتغل برفع دوارن الماكينة في حتة كده بين 1500 و ال 2000 دورة بعد دقيقة قد تزيد او تنقص قليلا الابنص برجع لوضعه الطبيعي والاحنا بنسميها "التقسيمة" بتكون تقريبا في 1000 دورة او اقل بقليل جدا
عندها فقط ابدا التحرك
تحياتي
11-12-2015, 01:50 PM
محمد ادريس زمراوي محمد ادريس زمراوي
تاريخ التسجيل: 01-04-2015
مجموع المشاركات: 55
شايف الفتحات الأربعة الكبار الركبو فيهم البستم (البستون ) ديل والفتحات الصغار الجنبهن ديل
أها الفتحات الصغار ديل حقات دورة التبريد سواء بالزيت أو الماء زي شغلانة الشرايين والأوردة ودي دوائر التبريد المغلقة زي أورنيك 15 بتاع المالية الزيت والموية بلف فيهن ومافي طريقة يتسرب إلا بوجود خلل في السيارة . نجي لتبريد الفتحات الكبار بتاعة السلندر البركب فيهن البستون ومعاه الشمبر الشمبر دا دائرة غير مكتملة عشان يكون فيها مرونة تفتح وتقفل محكوم بياي في وسطه وإسمو مخصوص شمبر الزيت جدار السلندر تبريدو ما عن طريق الدائرة المغلقة الزيت بجيها من أسفل من الكرتيل مباشرة لما البستم يرفع في الشوط باتجاه رأس المكنة طيب مهمة الشنبر هي حبس الزيت وإرجاعه للكرتيل لما البستم ينزل من الشوط لأسفل لو الشنبر كان منكمش والدائرة بتاعتو صغيرة (السيارة باردة) الزيت دا مع ضغط السرعة العالية برشح فوق في الرأس خارج دورة الزيت وما برجع وبحترق مع البنزين أو الديزل في غرفة الاحتراق وبطلع دخان أبيض . دا غير الشنبر لما يكون ما فاتح حركتو ما بتكون منتظمة وممكن يحصل فيهو تآكل أو ينكسر مع مرور الوقت يقول العربية شنبرها بقى خفيف بقت تآكل زيت عشان كدا مع التسخين بسرعة منخفضة ضغط الزيت ما بكون قوي عشان كدا ما بتسرب لفوق لحدي ما الشنبر يتمدد وتزيد الدائر بتاعتو ويقفل الخلوص بين البستم وجدار السلندر بعد داك ممكن تتحرك بالسرعة الانت عايزها .
11-13-2015, 07:45 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.
لو ان الشركات هدفها انو انت تنطلق بسرعة وتخرب العربية بسرعة وتشتري غيرها - طيب ما تصنع العربية من الاساس بشكل رديئ وتخرب بسرعة وانت تقوم بتغييرها خلال سنة - ليه اللفة الطويلة دي؟!
11-13-2015, 10:48 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لو ان الشركات هدفها انو انت تنطلق بسرعة وتخرب العربية بسرعة وتشتري غيرها - طيب ما تصنع العربية من الاساس بشكل رديئ وتخرب بسرعة وانت تقوم بتغييرها خلال سنة - ليه اللفة الطويلة دي؟!
مرحبا أستاذ أيمن، الشركات هدفها الربح بالتأكيد
لذلك وازنت تلك الشركات بين الغرضين، ففي النهاية يهمها اسمها في السوق وعدم الوقوع في يد القانون (إشارة لحادثتي التويوتا والفولكسفاغن) والتكفل بالتعويض الشخصي والحكومي.
شركات السيارات بعد دخول منافسين جدد لا يضعون حسابات للمعايير الكلاسيكية (الجودة، الامان، الفخامة) صارت تنتج سيارات من فئات مختلفة وبأسعار في متناول الجميع، عايز السيارة ست الاسم موجودة وبالشيء الفلاني، عايز "الكشا مشا" برضو في وبنفس الاسم المشهور، دي النوعية الرديئة (غالباً بسموها اقتصادية أو شبابية) الممكن ينافسوا بأرباحها الشركات المستجدة في المجال مع المحافظة على السمعة.
في النهاية، رأيي المتواضع أن استهلاك المنتج واقع لا محالة بالإجهاد الحراري تحديداً والذي تفضل الأخ حمد عبد الغفار بتفصيل بعض مظاهره، لكن أنت من يقرر معدل استهلاك مكونات السيارة.
الشركات إذا كانت تحرص على المستهلك لغيرت من المبدأ القديم لمحرك الاحتراق الداخلي، فكرة إشعال الحريق داخل علب مغلقة بالتبادل عمرها أكثر من مئة سنة ويعرف الجميع أن هذا الأسلوب كفاءته لا تتجاوز 45% في أفضل الفروض والباقي يذهب هدراً في هيئة طاقة حرارية وصوت واحتكاك. _______ الأخ حمد، الزيت داخل البستم لغرض التزييت فقط، التبريد يكون من خارج البستم "القميص"، التبريد بالزيت يعني ببساطة حرق الزيت وبدل الدخان يطلع بالعادم حيطلع نفس الدخان الأبيض من فتحات أخرى إذا تم استخدامه للتبريد.
11-13-2015, 12:03 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: ندي سؤال ارجو ان اجد له إجابة عندكم ...سيارتي سنتافى هيونداي 2015 على الطابلون مؤشر يوضح استهلاك الوقود كل 100 كيلومتر البداية كانت ممتازة تقريبا 6litr/100klm بعدها بدأ في الارتفاع ليصل القمة اثناء اجازتي السنوية بالسودان ليصل 12.6ltr/100klmقال لي البعض لعدم جودة البنزين هناك واحتوائه على الرصاص ....بعد عودتي للسعودية تحسن الحال قليلا ونزل الى 9.9لكنه ارتفع مرة أخرى الى 11.3ارجو شاكرا توضيح الأسباب والحلول
بدر الدين تحياتي الكلام بتاع انو نسبة الرصاص عالية في البنزين بتاع السودان صحيح - عشان كده معدل استهلاك البنزين بكون كتير (من ناحية الكم) - لاحظ برضو انو الطرمبات ما بتوضح ليك فئة البنزين ( هل هو 98، 95، 91، ..الخ)، البنزين في السودان غير مصنف. البنزين في السودان اسوأ انواع البنزين - عشان كده لما نقارن الاسعار مفروض ننتبه للحته دي.
انخفاض معدل السير للتر الواحد في السعودية مقارنة بفترة سابقة ممكن يكون بسبب عدة عوامل - منها انخفاض كفاءة المحرك، الشمعات ( بسموها بوجيهات)، فلتر الهواء، حتى مقدار الهواء في العجلات .. الخ
11-13-2015, 12:14 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
زمن الكربريتر كانت البرودة بتسبب عدم كفائته في توزيع نسب الهواء والبنزين بالصورة المطلوبة وده البسبب "الرترته" عند التحرك بالعربية وهي باردة. الآن وبما انو مافي كربريتر" نظام حقن" فبالتالي ما حيكون في مشكلة في الحتة دي.
معلومة مهمة عايز اقولها برضو " الناس لما تجي تعبي بنزين تحاول قدر الامكان تعبئ الصباح بدري او اخر الليل لما البنزين يكون بارد"
11-13-2015, 01:45 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: السؤال الأول: ظهرت تقنية النانو ومنها هل بالإمكان صناعة أجسام تُحاكي عملية الضغط الناتج من الحرارة التي تتولد عن طريق الوقود الأحفوري .. بحيث تتحرك المكابس المصنوعة بتقنية النانو بتفاعلها ديناميكياً مع أجسام أخرى مصنوعة بنفس التقنية (النانو) ؟
ديل تلاتة أسئلة!
1- نعم يمكن محاكاة عملية الضغط على المكبس باستخدام تقنية النانو، على مستوى الجزيئات. 2- في حال استخدام الجزيئات تختلف الفكرة تماماً، لاحظ أننا ملزمون بحبس الغاز في علب محكمة في حالة الوقود الأحفوري. 3- التفاعل الديناميكي هنا يعتمد على القوى الأخرى التي نتجاهلها عادة عندما نعمل على مستوى أكبر مثل التجاذب بين المواد والكهرباء الاستاتيكية.
إذا كان الغرض توفير قدرة لجعل المحرك يعمل فاستبعد أن يتم ذلك بطريقة عملية يمكن تجريبها على السيارات، فالتركيز في الوقت الحالي على انتاج مواد بخصائص فريدة إضافة إلى تحسين استهلاك بعض المنتجات للطاقة. يعني يمكن مثلاً انتاج سوائل وزيوت للمحرك تعمل على الاحتفاظ بالحرارة داخل السيارة في المناطق الباردة وعلى سرعة تبديدها في المناطق الحارة.
لاحظ أن الموضوع يدور كله عن الطاقة المطلوبة لتحريك الشخص ونقله من النقطة A إلى النقطة B.
1- نعم يمكن محاكاة عملية الضغط على المكبس باستخدام تقنية النانو، على مستوى الجزيئات. 2- في حال استخدام الجزيئات تختلف الفكرة تماماً، لاحظ أننا ملزمون بحبس الغاز في علب محكمة في حالة الوقود الأحفوري. 3- التفاعل الديناميكي هنا يعتمد على القوى الأخرى التي نتجاهلها عادة عندما نعمل على مستوى أكبر مثل التجاذب بين المواد والكهرباء الاستاتيكية.
إذا كان الغرض توفير قدرة لجعل المحرك يعمل فاستبعد أن يتم ذلك بطريقة عملية يمكن تجريبها على السيارات، فالتركيز في الوقت الحالي على انتاج مواد بخصائص فريدة إضافة إلى تحسين استهلاك بعض المنتجات للطاقة. يعني يمكن مثلاً انتاج سوائل وزيوت للمحرك تعمل على الاحتفاظ بالحرارة داخل السيارة في المناطق الباردة وعلى سرعة تبديدها في المناطق الحارة.
لاحظ أن الموضوع يدور كله عن الطاقة المطلوبة لتحريك الشخص ونقله من النقطة A إلى النقطة B.
تُشكر يا حبيب على الاستجابة بالرد .. وما عدمناك ...
11-16-2015, 08:35 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
Quote: كيف تتصرف اذا انفجر احد الاطارات وانت تسير بسرعة عالية ؟؟؟
تشير الدراسات الي ان ٦٦٪ من حوادث انفجار احد الاطارات بسرعة اعلي من ٦٠ ميل في الساعة ( ١٠٠ كيلو متر ) حوداث مميته وتشير ايضا ان معظمها يمكن تفاديها اذا استطاع السائق التصرف بصورة صحيحة وهذا ما سنتاوله في هذا البوست .
اولآ : الوقاية خير من العلاج ويجب التعامل مع الاطارات علي انها احد الاشياء التي لا يجب توفير المال فيها لذلك يجب شراء افضل انواع الاطارات والبقاء بعيدآ عن الاطارات ذات الجودة المنخفضة .
ثانيآ : يجب الاهتمام بضغط الهواء المناسب في الاطارات ومراجعته بصورة دورية مع التاكد من عدم وجود تشققات او انتفاخات ( لاحظ الصور ٣ و ٤ و ٥ ) .
ثالثآ : لا تتخذ قرار السفر بسيارتك قبل التاكد بان حالة اطارتها ١٠٠٪ .
اذن كيف نتصرف اذا انفجر احد الاطارات ونحن نسير بسرعة عالية ؟
تخيل انك تقود سيارتك انت ومعك الاسرة في طريق سريع بسرعة ١٢٠ كليو متر / ساعة وفجأة دوي صوت انفجار قوي تلاه ارتجاج شديد بالسيارة واصدرها لاصوات احتكاك وضجة عالية .
تجعلك المفاجأة تتصرف بصورة غريزية وتضغط علي الفرامل وتحاول الخروج من الطريق الا ان السيارة تتدور حول نفسها وتنقلب عدة مرات .
وتنتهي الرحلة السعيدة بنهاية مأساوية وتتحول الي واجب عزاء .
اسأل الله سبحانه وتعالي ان يحفظنا جميعآ بلطفه ورحمته التي وسعت كل شئ وسوف نأخذ هنا بالاسباب :-
١/ النصيحة الذهبية الاولي : قد بالسرعة المناسبة فمهما كنت محترف للقيادة هناك حدود فيزيائية اذا تخطها السيارة يصبح من المستحيل السيطرة عليها .
٢/ النصيحة الذهبية الثانية : عند انفجار احد الاطارات حاول ان تبقي هادئآ قدر الامكان وقم بتثبيت المقود بكلتا يديك بقوة .
٣/ النصيحة الذهبية الثالثة : وهي الاهم ابقي قدمك بعيدآ عن الفرامل ولا تقم بضغتها نهائيآ .
٤/ النصيحة الذهبية الرابعة : ابقي بمسارك ولا تحاول تغيره او الخروج من الطريق ، ابقي علي مسار مستقيم قدر الامكان .
٥/ النصيحة الذهبية الخامسة : اذا كانت سيارتك ذات ناقل حركة يدوي قم بتغيير التعاشيق ( السرعات ) للادني تدريجيآ ولاتقم بهذه الخطوة إلا بعد التاكد من انك تسطير علي السيارة جيدآ ( اذا كانت سيارتك ذات ناقل حركة اوتوماتيكي فسوف تقوم بهذه المهمة لوحدها ) .
٦/ النصيحة الذهبية السادسة : لا تحمل هم الفرامل فأن السحب ( Drag ) الناتج عن الاطار المنفجر سوف يقوم بمهمة الفرامل وتخفيف سرعة السيارة.
٧/النصيحة الذهبية السابعة : عند انخفاض السرعة الي ٥٠ كيلومتر/ ساعة ( ٣٠ ميل ) يمكنك ضغط الفرامل بلطف حتي تتوقف السيارة .
* اذا كنت ثابت الاعصاب يمكنك تذكر الضغط علي رز التحذير ( الهزر / مجمع / Hazard ) .
* اذا كنت سائق متمرس يمكنك الضغط علي دواسة البنزين قليلآ ورفع القدم منها بسرعة لان ذلك سوف يساعدك علي التحكم في المقود ( اذا كانت الضغطه خفيفة لن تزيد التسارع ).
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن محمود
معاوية المدير
على محمد على بشير
سيف اليزل سعد عمر
جمال ود القوز
محمد حيدر المشرف
Ashraf El Bagir
أبوبكر عباس
يحي قباني
نادر النور آدم
الطيب عباس
ياسر السر
بدر المعارف محمد المساعد
أيمن الطيب
Mohammed Awad
محمد مجيدو
Ahmed Tuhami
حاتم إبراهيم
محمد يوسف طه
قسم الفضيل مضوي محمد
احمد الشيخ
حمد عبد الغفار عمر
أحمد ابن عوف
ahmedona
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست