منظر شي بديع ... سيدنا مبارك حسن بركات

Quote: الشفيف الرهيف الحريف استاذنا قباني كل عام وانت والاسرة الكريمه بالف خير وعيدك مبارك ,, ومبارك حسن رحمه الله مبروك عليك كمان ,,, ياخ شيخ مبارك ده اداءه وصوتو عجيب بفقده انطفأ اخر اقمار الحقيبة على الاطلاق ,,, سبحان الله قبل كم يوم انا كنت في اجازة في وطنا الثاني السودان وكنت اجلس مع رجل يعشق مبارك حسن حتى الثمالة انه الاخ العزيز والرجل الشفيف الدكتور نصر الدين شلقامي وقدر ما اتكلمنا عن الاستاذ مبارك حسينا انو ما اديناهو حقو ابدا ابدا ,,, ولا رايك شنو انت ,,, وكدي شوف البيت ده عليك الله ،، (من تـُقل المرجرج كالخايض الوحل ،،، ) ياخي بس الحمد لله انو قربت بوستك ده بالنهار ولو قريت البيت ده بالليل كان هسة اسوي في اطرد الاحلام يا جميل واصحا هههههههههههههه .. متعك الله بالصحة والعافية ياخي .. تحياتي : ياسر العيلفون

Quote: نصر الدين شلقامي ده يا زول ما قدرك ... بتعرفوا من وين هههه

Quote: يا أبو الياء مررت للتحية وطبعا مبارك حسن بركات ده بيذكرني طوالي بملك التطريب بادي رغم أختلاف الطريقتين في الأداء عزيزي ياأخ عندي شرايط كثيرة عايزة أحولها لCD عليك الله لو في أي جهاز سريع أو Program كلم صاحبنا طرفكم وأنا ح أكلمه تحياتي للجميع

Quote: فعلا شئ بديع ياخ حمد الريح جرى بالغنية دي جري تقول ساكيهو سواري ------ Quote: نصر الدين شلقامي ده يا زول ما قدرك ... بتعرفوا من وين هههه انت زاتك ولدنا سيد الذوق دا بتعرفو من وين! يكون قريبك! فيهو ملامح منك بعد كِبر

Quote: الاعزاء يحيى قبانى معاويه المدير والاخوه زوار البوست اسعد الله اوقاتكم بى كل شئ جميل لا اود ان اعكر صفو هذا البوست الجميل ولكن عندى وجه نظر مختلفه ميه فى الميه سوف اوجزها هنا واتكلم عنها بالتفصيل فى بوست منفصل بأذن الله واستميحكم عذرا فى ذلك اولا معظم اغانى الحقيبه السودانيه القديمه ممعنه فى الوصف الحسى لى جسد المرأة لى درجه انو لو قلنا لى رسام ان يترجم تلك المعانى فى شكل لوحه مرسومه لى كانت مثل البرونو pictures حب المرأة اسمى من الوصف الحسى الجسدى الصريح والفاضح فى بعض الاحيان الحب تحسه وتعبر عنه الروح فى ارقى كلمات اللغه العربيه الجميله وصف الجسد بتلك الطريقه الصريحه فى بعض اغانى الحقيبه يعبر عن الحرمان الجنسى اكثر من ما يعبر عن الحب هذا وارجوا منكم قبول اعتذارى اذا ازعجتكم مداخلتى هذه ودام الود

Quote: لا اود ان اعكر صفو هذا البوست الجميل ولكن عندى وجه نظر مختلفه ميه فى الميه سوف اوجزها هنا واتكلم عنها بالتفصيل فى بوست منفصل بأذن الله

Quote: أهلا زينب، ننتظر البوست المنفصل لنعرف وجهة نظرك المختلفة ميه في الميه (وأظن النسبة أقل بكثير) لكن مبدئيا أقول: لمّا الناس بشكّروا كلمات غُنا الحقيبة إنما يقصدون الإشادة بملَكة الشِعر التي تتجلى في القدرة على الوصف ثم يُعجبون بالمعرفة الموسوعية لدى شعراء الحقيبة والتي يستقون منها المفردات المستخدمة في قصائدهم ثانيا جمال جسد المرأة هو أحد تجليات قدرة الخالق ودقة صنعته والتي تتجلى أيضا في الكائنات الأخرى من نبات وبحار وجبال .. الخ ومن هنا ربطه مباشرة في قصيدتنا هذه بأغصان شجر البان وبالبدر الخ وبما أن شعراءنا هؤلاء ما بيغباهم جسد المرأة -أي امرأة- فلا يحتاجون لرؤية جسد المرأة المعنية بالقصيدة عشان يوصفوهو هم في الحقيقة إنما يشكُرون الله جهرا على هذه النعمة نيابة عنا الشعراء من رُسُل الله لتبيان قدرته للناس أما ربط جمال المرأة تحديدا دون جمالات الكائنات الأخرى بالجنس فهذا من أهدافه استمرار الحياة أخيرا، اشتهاء الجنس (ما اسميتيه بالحرمان الجنسي) هو مكوّن أساسي من مكونات عاطفة الحب، فلا غبار عليه ضمن هذه المعادلة.. الجنس في شكل من الأشكال وفي وقت من الأوقات هو تعبير حسي عن الحب المعنوي

Quote: وانا ايضا مثلك اخي معاوية الزبير فقد جمعتني به وبعدد كبير من الكوكبة التي ذكرتها جلسات وجلسات لا تنسى فهو صديق قديم منذ فترة ما قبل الاغتراب حوالي اكثر من 15 عام ومازل حبل التواصل مشرع بيننا واتمنى ان يدوم هذا التواصل لانه رجل لا تمل الجلوس معه

Quote: هذا وارجوا منكم قبول اعتذارى اذا ازعجتكم مداخلتى هذه

Quote: اما شلقامي ... فغير كوستي ... و جميع ما يلزم العرسان في دكان عبد الله شلقامي ... فجمعتني معه بعض ليالي الانس ... في الرياض و العمارات ... و كلينا يحب الجمال ... فل استوب ...

Quote: الأخ قباني و ضوفه الكرام تحية طبية استمتعت حقيقة بالبوست و الاستماع للاغاني الجميلة و كلما نضغط واحدة تظهر واحدة أجمل و كنت أرغب في التعليق قبل مدة لكن ضيق الزمن كان أهم العوامل كتبت الأخت زينب مداخلة ختمتها بالآتي

Quote: الأخ الحبيب يحى قبانى .. ذكرتنا بالذى مضى .. وبناس السودان السمحين