|
|
|
 Re: مسافرين همهم أنفسهم فقط هناك الطريف والعج (Re: Adam Youssif)
|
أخي آدم
تحياتي
أها دي ماشه وين وجايه من وين بالغوا أو كادوا أن يفعلوا يا زول إنت متأكد إنه الطيارة دي طايره. وبتشبه لي الجارودا (الخطوط الأندونيسية) أو السنغافورية أو الماليزية من لبس المضيفات وعلى فكرة العبد لله طار ذات مرة إلى سنغافورة فحطيت رحالي في مطار شانغي وكانت الرحلة بالخطوط السنغافورية وفعلاً كانت كما يقولون a great new way to fly ولم تكن هناك فوضى كما في هذه الصور.
| |
  
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: ولياب)
|
حبيبنا ولياب
لك التحية
Quote: بس البيبي الكبير داك ما في زول قال ليهو ( ككا) ، ولا صورة مركبة
|
يا اخوي الخواجات ديل عاااادي عندهم الـ (ككا) تسوي في الهواء الطلق تسوي قدام ناس! هههههههه
والصورة حقيقية 100% انت ما شفت حاجة لسع
سلمت،،،
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Adam Youssif)
|
الزول أو الزولة دي لا فرق لو كنت أنا واحد من الطاقم الشغال في الرحلة دي بي كل بساطة حا أقول ليهو يا مسافر إدلي وسيب السفر يلا وطراخ أرمي ليهو شنطتو في الأرض
أها دا تلحق تصحيهو أو تسألو يقول ليك بكل صفاقه معليش النوم موت ، يا أخي يموت ضميرك أكتر مما هو ميت أشيلك في رحلة مدة الطيران التقريبي فيها أكتر من 8 ساعات ولو جكساية الواحد بستحمل
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Adam Youssif)
|
| غايتو كعوجة الكرعين أنا جربتها، مريحة | سافرت مرة لرحلة امتدت 15 ساعة بدون توقف، البداية كانت مفعمة بالنشاط للمسافرين وفي قمة أناقتهم، بعد 8 ساعات الطائرة بقت زي عنبر داخلية الطلاب، القبيل سمحات ديلك بقن جنس بشتنة حايمات حفيانات، الطائرة بقت زي المسيد.
لكن معاهم حق، المقعد أبو 18 بوصة دا بعد ساعتين بتحول لكرسي إعدام، قدر ما تحاول تتعاطف معاهو ما بتجاوب معاك، قاتل الله الدرجة السياحية.
معروفة في الأوساط الإعلامية بأعراض الدرجة الاقتصادية (economy class syndrome). "DVT"
______
أنا جادي. |
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: حاتم إبراهيم)
|
يا حاتم
15 ساعة طيران؟
انا من قبيل بفكر في كمية الوقود الموجودة في الطيارة البتكفي ل 15 ساعة سبحان الله
لكن طبعا بخصوص المزز السوفت وير ديل بعد مكياجاتهن والفل ميك اب بعد ال الساعات الطويلة بتبقن زي الواحدة لمن تقوم من النوم هههههههههههههه
تحياتي
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Adam Youssif)
|
العزيز .. ادم ,
سلام ..
لك التحية عزيزي دينق .. مع الاقتباس .
| Quote: الصورة الأخيرة دي الظاهر عليها في فيلم أمريكي. |
يا دينق اسه الحاصل من المسافرين ديل ما اخير منهم الممثليين ديل ههههههه
والله فوضي وعشوائية تفتح الشهية عديييل للسفر . غايتو انا في الطيارة اول شئ بعملو
بطلع الاحذية . وبكون مضايقة من الجنبي لو كنت قاعدة ناصية ومن الاتنين الجنبي لو كنت
في الوسط وباختصار بكون رافعة حاجب ومنزلة التاني عشان ما يتحركوا كتير ولا يعملو جنس
الحاصل في البوست دا هههههههههه .
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: مني عمسيب)
|
هنا الحاصل حاصل لو رفعتي الحاجبين أو غمضتي كلو كلو لأنو ما في تذاكر بي قروش والدخول مجانا والكتابة كذلك وبس لو فرط الواحد في الباسورد ممكن بكري يعمل ميت يعني إلا توسط عشان يدوك واحدة جديدة دحين يا بنت الناس أربطي الحزام وعايني لي قدام
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Adam Youssif)
|
| Quote: انا من قبيل بفكر في كمية الوقود الموجودة في الطيارة البتكفي ل 15 ساعة سبحان الله |
| A340-500 | دي بتديك لغاية 18 ساعة، أنا الخمسطاشر ساعة شفت فيهن زي 8 أفلام طقة واحدة، الباقي عديتو ماشي وجاي.
يابوي الله عندو حاجات. هسع الإيربص 380 دي بتسافر من دالاس لسيدني 19 ساعة، أبنص واحد لمن الدخان أبياااااض وراها شوف عيني، سواقة مساعدية، شفت كيف وشايلة بشر بيعملوا مظاهرة برااااحة، دايرين ليهم زي 50 بص مواصلات عادي براهم غير العفش عشان يفرغوهم، تقول لي شنو؟
ومال الشركات بتتسابق على الطيارات الصغار ورخاس لشنو؟
مُزز الطيارات هههه
______
أي سؤال؟ |
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Abureesh)
|
تعرف يا حاتم لو الله غضبان عليك في اي رحلة أكتر من ٧ ساعات تركب اي شركة طيران امريكيه سياحي بزيدوا عدد الكراسي وبضيقو المساحه والله ما تعديها مشي تجيك جلطة في ساقك انا مرة مشيت من دبي لواشنطن في يونايتد ١٣ ساعة حلفت تاني ما اقطع محيط بطيران امريكي
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Adam Youssif)
|
| Quote: تعرف يا حاتم لو الله غضبان عليك في اي رحلة أكتر من ٧ ساعات تركب اي شركة طيران امريكيه سياحي بزيدوا عدد الكراسي وبضيقو المساحه والله ما تعديها مشي تجيك جلطة في ساقك انا مرة مشيت من دبي لواشنطن في يونايتد ١٣ ساعة حلفت تاني ما اقطع محيط بطيران امريكي |
| أيوة لاقتني، لكن ما أكعب من النو فريلز | no frills
ديل بيحرموك من أي حاجة، حتى الاسبرين، والله ما يفضل ليك إلا تبقى إرهابي جوي.
غايتو الناس البيزيدوا المقاعد ديل ذكروني زمان النيسانات، بعدد ما يتملي بيرصوا صناديق البيبسي في الممر، بيسموهوا "مصران" في أدبيات السفر. |
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: Mohamed Elbashir)
|
علي طاري اعلان الخطوط الاماراتية
ديل بمارسوا معانا اسوأ انواع التفرقه العنصريه الجويه
أكثر من مرة اسافر من الرياض الي دبي بي طيارة قريبه من الفي الاعلان دى حاجه أبها
ومن دبي للخرطوم لوررى عديل
اول مرة قلت امكن صدفه والطيارات كملن ماباقي الا دى
فى العودة نفس الشى من الخرطوم لدبي لوري مكسر ومن دبي للرياض طيارة خمسة نجوم
ولو ما اخاف الكضب المضيفات زاتن بغيروهن من دبي للخرطوم
وامكن الاكل كمان
| |
|
|
|
|
|
|
|
|
|
Re: مسافرين همهم أنفسهم فقط هناك الطريف والعج (Re: لطفى العمده)
|
الأخ العزيز لطفي العمدة
Quote: علي طاري اعلان الخطوط الاماراتية
ديل بمارسوا معانا اسوأ انواع التفرقه العنصريه الجويه
أكثر من مرة اسافر من الرياض الي دبي بي طيارة قريبه من الفي الاعلان دى حاجه أبها |
الإٌماراتية براءة يا أخي. المقاطعة المفروضة على السودان لا تتيح لهم تسيير طائرات أمريكية الصنع، وبالتالي ليس لديهم خيار
المقاطعة دي عازلانا من العالم عديل لكن الناس مستهينين بيها وكويس إنو لسة الخطوط دي ما أوقفت رحلاتها للخرطوم.
| |
|
|
|
|
|
|
| |
Adam Youssif
almulaomar
مني عمسيب
ولياب
حاتم إبراهيم
Deng
Abureesh
عواطف ادريس اسماعيل
Mohamed Elbashir
لطفى العمده
محمد الكامل عبد الحليم
فيس بوك
تويتر
انستقرام
يوتيوب
بنتيريست