في حال وصول الهلال لدور الاربعة وهو ما نتمناه برقة مازيمبي كما هو متوقع.. توجد 3 فرق ذات مستوى عالي في دور الاربعة وهي بالترتيب 1- مازيمبي 2- المريخ 3- الاتحاد
قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ .. وستحسم مباراة الخرطوم هذا الجدال
المسالة يا صبري ليست مسالة (انا والكاشف اخوي) فالكاشف اخوكم احسن منكم بكتير ..
Quote: قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ ..
يا ود المشرف .. يا حبيب إنت جادّي ؟
الفرق بين تحليلي وتحليلك يكمن في الفرق بين الواقعية والعاطفية ...
مثال: رغم فوز الهلال أمس على مازيمبي وصدارته لمجموعته قبل الجولة الأخيرة إلاّ أنّ ذلك لم يشحنني عاطفياً لأطبّل بعظمة الهلال وأجعله في خيالي الأوفر حظاً للظفر باللّقب ... مستوى الهلال في مُباراة الأمس لا يؤهله للفوز باللّقب .. وإن اصطدم بمازمبي مرّة أخرى في النهائي فسيخسر اللّقب .. وكذا حاله في الخسارة بمجموع المُباراتين إن واجه الاتحاد الجزائري في نصف النهائي أو النهائي ...
Quote: الفرق بين تحليلي وتحليلك يكمن في الفرق بين الواقعية والعاطفية ...
مثال: رغم فوز الهلال أمس على مازيمبي وصدارته لمجموعته قبل الجولة الأخيرة إلاّ أنّ ذلك لم يشحنني عاطفياً لأطبّل بعظمة الهلال وأجعله في خيالي الأوفر حظاً للظفر باللّقب ...
ليست هناك عاطفة او شحن عاطفي قد يبرر التطبيل للهلال او مداعبة الأخيلة بفوزه بالبطولة *.. الشحن العاطفي موجود في التقليل من شأن المريخ ..
انا لم اجزم بافضلية المريخ على الاتحاد ولكن .. اجزم بوجود 3 فرق قوية في المربع الذهبي في حال تاهل الهلال ومازيمبي ..
_______ * قد يفوز الهلال بالبطولة .. ولكن ذلك يدخل في باب جنون كرة القدم ليس الا ..
كلامك ياصبري فيه شئ كتير صحيح بس الهلال امس بالذات قدم شوط اول استثنائي .. والشوط الثاني السبب في هبوط المستوى النقص الحاد في الاحتياطي ... يعني امس مع بداية الشوط التاني لو تم تغيير البرازيلي بي لاعب محور مدافع مثل نيلسون كان شكل الهلال بكون غير ... ااكد لك لو تم تاهيل محمد عبد الرحمن جيدا وحل مشكلة نيلسون سوف يكون للهلال كلام اخر في البطولة ... مباراة امس مباراة نجح فيها الهلال بانتزاع الثلاث نقاط رغم النقص الحاد في صفوف الفريق ...
Quote: كلامك ياصبري فيه شئ كتير صحيح بس الهلال امس بالذات قدم شوط اول استثنائي .. والشوط الثاني السبب في هبوط المستوى النقص الحاد في الاحتياطي ... يعني امس مع بداية الشوط التاني لو تم تغيير البرازيلي بي لاعب محور مدافع مثل نيلسون كان شكل الهلال بكون غير ... ااكد لك لو تم تاهيل محمد عبد الرحمن جيدا وحل مشكلة نيلسون سوف يكون للهلال كلام اخر في البطولة ... مباراة امس مباراة نجح فيها الهلال بانتزاع الثلاث نقاط رغم النقص الحاد في صفوف الفريق ...
عارف يا أسامة البرازيلي .. الوحيد في التشكيلة البتحس إنّو في راسو في كورة .. بس خايناهو القوة البدنية ...
08-24-2015, 06:57 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
الهلال سيتصدر مجموعته وسيلاقي المريخ ويصعد للنهائي على حسابه وسيكون النهائي بين الهلال واتحاد العاصمة الجزائري ومستوي الفريقين في نصف النهائي حيوضح من سيكون حامل اللقب.
Quote: لهلال سيتصدر مجموعته وسيلاقي المريخ ويصعد للنهائي على حسابه وسيكون النهائي بين الهلال واتحاد العاصمة الجزائري ومستوي الفريقين في نصف النهائي حيوضح من سيكون حامل اللقب.
إذا أراد الهلال الصدارة عليه الفوز على سموحة ...
أتوقع فوز مازيمبي على التطواني بالمغرب ... وحتى لا يخرج الهلال من البطولة عليه أن يتجنب الخسارة من سموحة ...
النجيضة المُباراة النهائية طرفيها مازيمبي والاتحاد الجزائري إن لم يصطدما في نصف النهائي ...
المريخ تأهل على حساب حامل اللقب الافريقي وقبل مبارتين .. هذه لغة ارقام وحقائق بسيطة جدا ..
المريخ تأهل وقبل جولتين وبين 3 فرق جزائرية والجزائر دولة متقدمة كرويا على مستوى القارة .. لغة ارقام وحقائق ..
مازيمبي قدم امبارح كرة قوية جدا وذات مستوى عالي .. الا انه لم يحسم امر تاهلة في مجموعة ضعيفة جدا .. الهلال والتطواني وسموحتي .. لغة ارقام وحقائق ..
فتناك بعافية ..
مجموعة فيها ثلاثة فرق متساوية في عدد النقاط قبل الجولة الأخيرة وتصفها بالضعيفة ...
وأخرى فيها واحد تأهل مُنذ أن حفروا البحر .. بل أنّه نال العلامة الكاملة حتى تاريخه .. ومن خلال تحليلك تعني أنّها مجموعة قوية .. فتأمّل !!
ولو بتحسبها بإنّك فزت على الفريق البطل والفريق العمل السبعة وذمّتها في ماضي الذكريات .. بي نفس منطقك دا ممكن الواحد يبني ليك مستوى الهلال على إنّو فاز على الفريق الذي وصل للمُباراة النهائية لكأس العالم للأندية وخسرها أمام إنتر ميلان الإيطالي !!
ـــــ نصيحة: خلّيك في السياسة أحسن
08-24-2015, 09:39 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
Quote: شخصية الفريق البطل ليست متوفرة لدى الهلال والمريخ..
قبل مُباراة الهلال ومازمبي الأخيرة يا ياسر كان ترشيحي فقط للاتحاد الجزائري .. ولكن بعد مُشاهدتي للمستوى الذي قدّمه مازمبي أمام الهلال أيقنت أنّ أنياب اللّيث ما زالت بارزة ...
08-24-2015, 10:12 AM
طاهر بدر طاهر بدر
تاريخ التسجيل: 05-30-2012
مجموع المشاركات: 555
صبري ازيك ... اولا اتفق معاك تماماً انو في المراحل القادمة فان شخصية البطل جلية في الفريقين ... والاكثر حظاً وفقا لكل المعطيات هو اتحاد العاصمة الجزائري وبرضو بتفق مع المشرف بانو الهلال هو الاضعف خاصة انه عجز عن الفوز على فريق المغرب التطواني في عقر داره مما ادخله في حسبة برمه.. والثباتية تميل نوعا ما لصالح المريخ في البطولة ككل خاصة كلما تقدمت في المراحل ومن الممكن جدا انو المريخ يسويها وسيظهر من المباراة الاولى في نصف النهائي ان جود وركز ...بس منطق وواقع وعلم ....اتحاد العاصمة الجزائري هو بطل هذه النسخة اما عن الاماني اتمناها للصفوة وبالعدم للهلال لانه بذلك يكون سقف الطموحات علا وينعكس ايجابا على المنتخب القومي والاندية الاخرى والكورة في البلد عموما ودا الاهم واعجبني حديث دنيلسون محلل الجزيرة ولاعب الهلال والمنتخب السابق بالامس حين قال ان الذي صنع الفارق هو احد انتاج المراحل السنية للهلال وليس احد المحترفين ... _________________ صبري ممكن ياخي طلب ... ارجوك ياخي ود عمنا الغاني البهدلو ميسي دا ماااا كفاه ياخي عليك الله غيرا
08-24-2015, 10:30 AM
EMU إيمو EMU إيمو
تاريخ التسجيل: 02-16-2002
مجموع المشاركات: 2924
كما ذكر عثمان الإمام اذا تعثر مازيمبي في المباراة القادمة أمام المغرب التطواني بالخسارة فسوف يتاهل الهلال برفقة المغرب دون النظر لنتيجة مباراته ام سموحة
وهذا هو السيناريو المتوقع بإذن الله
الهلال × إتحاد العلمة المريخ × المغرب التطواني
النهائي : إتحاد العلمة × المغرب التطواني ولكن أتمناها المريخ × الهلال
08-24-2015, 11:24 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8في المجموعتين .. لأول مرة الهلال يتخلى عن فكرة النجم السوبر اللي بيحسم المباراة، زمان كان روحنا بتطلع لغاية ما قودوين يجيب القون وبعده اتعلقنا بي سادومبا (الكلام دا في العشر سنوات الفاتن) . النقطة الثانية الهلال بقى فريق جماعي وبداية الدفاع من مدثر كاريكا ورجوع سريع لبشة وأظهر الطاهر مع فقدان الكورة (الكلام دا شغل مدرب) زمان دا ما كان يحصل لا في الهلال أو إي فريق سوداني... النقطة الأخيرة الهلال مؤخرا لا يتأثر بالغيابات لأنه أي لاعب ممكن يؤدي المهام التي يطلبها المدرب عشان كورة الهلال اتغيرت وما بقي الفريق البيلعب كورة برازيلية وتابلوهات سمحة ...
الكلام دا عكسه تماما في المريخ يعني اذا بكري المدينة صام عن التهديف يرجع المريخ يتبارى مع مريخ السلاطين والنسور...
08-24-2015, 12:36 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
بيزكرونى بى نكتة عمك السكران قاليك عمك كل يوم يسكر ويجى فى خور فى طرف الحله وبردلب يقع اعمامك جيرانو بيكونوا قاعدين قدام الدكان ، يقوموا يشيلوهو ويوصلوهو بيته ويدخلوهو لى مرتو وولاده
يوم العصريه عمل شمطه مع واحد من الجيران ، وكالعاده مشى طشم وكالعاده برضو فى الخور وفى نفس الحته بردلب وقع الجيران القدام الدكان وكالعاده برضو مشوا عليهو وشالوهو وهم شايلنه عاين للزول الشايلو من كتفه اليمين لقاهو عمك الكان عامل معاهو شمطه فى العصر ، طوالى كورك للشايلنو - يا جماعه اقيفوا ... اقيفوا الجماعه وقفوا وقالوا ليهو - شنو مالك ؟ طوالى قاليهم - يا اخوانا فلان دا ما يشيل معانا ...
( يا حليل تمبس )
08-24-2015, 12:54 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8في المجموعتين .. لأول مرة الهلال يتخلى عن فكرة النجم السوبر اللي بيحسم المباراة، زمان كان روحنا بتطلع لغاية ما قودوين يجيب القون وبعده اتعلقنا بي سادومبا (الكلام دا في العشر سنوات الفاتن) . النقطة الثانية الهلال بقى فريق جماعي وبداية الدفاع من مدثر كاريكا ورجوع سريع لبشة وأظهر الطاهر مع فقدان الكورة (الكلام دا شغل مدرب) زمان دا ما كان يحصل لا في الهلال أو إي فريق سوداني... النقطة الأخيرة الهلال مؤخرا لا يتأثر بالغيابات لأنه أي لاعب ممكن يؤدي المهام التي يطلبها المدرب عشان كورة الهلال اتغيرت وما بقي الفريق البيلعب كورة برازيلية وتابلوهات سمحة ...
الكلام دا عكسه تماما في المريخ يعني اذا بكري المدينة صام عن التهديف يرجع المريخ يتبارى مع مريخ السلاطين والنسور...
اها اسع عليكم الله عبدو ما قرب يقول اين القطط
Quote: سلامات صبري وضيوفك بعد فوز الهلال أمس على مازمبي وعطفا على أداء الهلال في هذه المجموعة ، أتوقع أن الهلال سيكون طرفا في النهائي وهذه هي الأسباب: الهلال فريق تكتيكي بامتياز أفضل فريق تكتيكي بين الفرق ال8 في المجموعتين ..
يا عبدو ،، ما عزبتنا ياخ
08-24-2015, 01:11 PM
khaleel khaleel
تاريخ التسجيل: 02-16-2002
مجموع المشاركات: 30134
ياصبري الحق البوست الوصيفاب قلبوا ليك بيت مكه الجمل الجامعه الأهلية...(القط القط .. وقع في الخور).. أنا بهناك مع هشام عباس شكله المريخابي الوحيد المابقول (القطط القطط)
08-24-2015, 03:01 PM
كمال عباس كمال عباس
تاريخ التسجيل: 03-06-2009
مجموع المشاركات: 17851
شكرا أخ صبري طه علي هذا الإستديو الرياضي والتحليل الراقي والموضوعي والمتجرد نسبيا من العصبية والغرض! يقول الأخ محمد المشرف !
Quote: قد يختلف الناس في ترتيب المريخ والاتحاد وافضلية احدهما على الاخر .. الا ان المباراة بينهما في الجزائر شهدت لصالح المريخ .. وستحسم مباراة الخرطوم هذا الجدال المسالة يا صبري ليست مسالة (انا والكاشف اخوي) فالكاشف اخوكم احسن منكم بكتير ..
ماذا ترك المشرف لمزمل أبوالقاسم وبعض متعصبي ميدان أبوجنزير؟ بنفس هذا المنطق المتعصب كان يمكن للأخ صبري أن يقول الهلال في المقدمة لأنه يتفوق علي مازمبي ذهابا وإيابا ولكنه وضع مازيمبي كمرشح للنهائي مستبعدا الهلال المتفوق علي مازيمبي في المواجهات المباشرة ــ ويضع الفريق الجزائري في المقدمة بإعتباره حصاده الذي يجعله علي قمة الفرق الثمانية هذا بالإضافة للشكل العام والإمكانات الفنية والخبرة * والحقيقة أن بعضا من الفرق المتأهلة لدوري الثمانية ضلت طريقها من سيكافا الي ميدان كبر بطولات الأندية الأفريقية ، حيث لم يحظي بعض هذه الفرق السيكافية في تاريخه بالصعود لمراقي الثمانية الكبار في البطولة الكبري هذه فمبالك بمرحلة الأربعة ؟بل أن بعض هذه الفرق السيكافيةيلعب الان علي ما أظن في الدرجة الثانية في بلده !
08-24-2015, 03:12 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
يا صبري ياخ ما تخرب لينا الرصة تفوق الهلال على المريخ تاريخاً جاي أساساً من الوهم العايشين فيهو المريخاب أنو فريقهم قوي خليهم على كده لمن ياخدو الفيها النصيب
المريخ نار منقد
08-24-2015, 03:57 PM
الامين محمد علي الامين محمد علي
تاريخ التسجيل: 10-11-2009
مجموع المشاركات: 1676
Quote: يا صبري ياخ ما تخرب لينا الرصة تفوق الهلال على المريخ تاريخاً جاي أساساً من الوهم العايشين فيهو المريخاب أنو فريقهم قوي خليهم على كده لمن ياخدو الفيها النصيب
المريخ نار منقد
100%
08-24-2015, 04:01 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: الكورة دي انحنا الدورناها يا صبري عشان كده بدون كلام كتير النهائي هو المريخ و اتحاد العاصمة الجزائري و ح نضربوا ليكم والشمش فوق .
بخصوص الهلال ما اعتقد انو ح يقدر يتاهل
المريخ عندو الحماس وثقافة الامتار الاخيرة وعشان كده الهلال او مازنبي او التطواني كلهم المريخ حيضربم وحاجة تانية بقى عندنا تسجيل اهداف في ارض الخصم سجلنا في جميع المباريات
08-24-2015, 06:35 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
يا صبري ضربت مثل فهمت منه ان الحماس هو الذي مكن المريخ من الفوز على البطل السابق بهدفين كما مكن امل عطبرةمن الفوز على بطل الدوري ايضا بهدفين اوكي. ولكن هل الحماس ممنوع في مباريات المربع الذهبي؟؟؟؟ وما هو العيب في استخدام الحماس كأداه لتحقيق الفوز. المريخ تقدم في البطولة بثبات ونتائج ممتازة داخل وخارج استاده سوى المباراة التي اعترف فيها الخصم نفسه ممثلا في المعلق الجزائري بولوج هذف تعادلي لم يحتسب هل يمكن ات تجعل هذه النتائج مؤشرا يمكن ان تحكم به على المؤهلين للنهائي وذلك باستخدام نفس المؤشر وتطبيقه على الفرق الأخرى. اعتقد ان اتحاد العاصمة والمريخ مؤهلان لبلوغ النهائي ولكن لا اتنبأ بالبطل فالفرص متساوية. واستبعد تماما بلوغ مازيمب نصف النهائي .
08-24-2015, 07:35 PM
هشام عوض الكريم هشام عوض الكريم
تاريخ التسجيل: 12-14-2008
مجموع المشاركات: 860
الأخ الفاضل صبري العكس تماما هو الصحيح للذين يتباكون على مستوى الهلال, الهلال قدم عرض أفضل من مازمبي كثيرا في الشوط الأول وحتى أول الشوط الثاني وكان لإمكانه الفوز بثلاثة أو أربعة أهداف تراجع الهلال في الشوط الثاني هو الذي سمح لمازمبي بالسيطرة على الوسط ومن ثم اللعب وظهر تفوقه بطريقة لا تعكس المستوى الحقيقي للفريقين يجب أن لا ننسى أن الهلال لعب بفريق ناقص الشوط الثاني فلاعب الهلال البرازيلي كان ضيف شرف بحق وحقيقة طوال الشوط الثاني أستلم الكرة تسعة مرات فقط منها لعب باصين قصيرات والباقي راح للخصم, هذا اللاعب روابط كثيرة عليه كيف ضل طريقه إلى الهلال الله أعلم الهلال والمريخ أفضل فريقين في دوري المجموعات وبمراحل والبطولة هذه المرة أمدرمانيه بإذن الله فقد طال انتظارنا لها نقطة أخيرة لا أعرف لماذا يهاجم البعض نزار خليفة لأنه بلا شك كان أفضل لاعب في المباراة وهو قطعا أفضل لاعب أداء في دوري المجموعات حتى الآن
08-24-2015, 08:07 PM
طارق حرسي طارق حرسي
تاريخ التسجيل: 01-10-2013
مجموع المشاركات: 842
الهلال لديه 8 نقاط ــ له 4 اهداف ــ عليه 2 مازمبي لديه 8 نقاط ــ له 3 اهداف ــ عليه 1 ا التطواني لديه 8 نقاط ــ له 6 اهداف ــ عليه 5
ـــــــــــــــــــــــــــــــــــــــ
المجموعة الثانية :
اتحاد العاصمة 15 نقطة ــ له 9 اهداف ــ عليه 2 المريخ لديه 10 نقاط ــ له 8 اهداف ــ عليه 4 ــــــــــــــــــــــــــــــــــــــــ
ترتيب الاندية في احراز الاهداف :
* اتحاد العاصمة 9 * المريخ 8 * المغرب التطواني 6 * الهلال 4 * مازمبي 3 ـــــــــــــــــــــــــــــ
ترتيب الاندية في عدد الاهداف التي دخلت شباكهم :
* مازمبي 1 * اتحاد العاصمة 2 * الهلال 2 * المريخ 4 * المغرب التطواني 5
ـــــــــــــــــــ
* المجموعة الثانية هي الافضل هجومياً من ناحية احراز الاهداف . * المريخ واتحاد العاصمة هما الفريقين الوحيدين لم يخسرا او يتعادلا داخل ارضهم . * المريخ واتحاد العاصمة الفريقين الوحيدين فازا خارج ارضهم . * مازمبي هو الافضل دفاعياً يليه الهلال واتحاد العاصمة . ـــــــــــــــــــــــــــــــــــــــــــــــ
08-24-2015, 08:24 PM
Sulaiman Adam Sulaiman Adam
تاريخ التسجيل: 03-10-2013
مجموع المشاركات: 714
Quote: والحقيقة أن بعضا من الفرق المتأهلة لدوري الثمانية ضلت طريقها من سيكافا الي ميدان كبر بطولات الأندية الأفريقية ، حيث لم يحظي بعض هذه الفرق السيكافية في تاريخه بالصعود لمراقي الثمانية الكبار في البطولة الكبري هذه فمبالك بمرحلة الأربعة ؟بل أن بعض هذه الفرق السيكافيةيلعب الان علي ما أظن في الدرجة الثانية في بلده !
والحقيقة ايضاً بان هنالك فرق ( مركبين مكنة كبار ) شاركو في سيكافا 8 مرات وافضل ترتيب لها حققه فريق الخرطوم الوطني في اول مشاركة له في هذا العام ــ
للتذكير فريق K M K ده كان مشارك في الابطال وفي فرق اتأهلت علي حسابه ( والناس قامت وقعدت بعد الفوز عليه ) وخرج من المنافسة زي ما خرج من بطولة سيكافا واخرجه فريق الخرطوم الوطني
08-25-2015, 01:56 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
بلا شك اذا تاهل الهلال في مجموعته سيكون الفريق الأضعف في الأربع فرق المتأهلة...المريخ ظهر جليا من خلال شوط مباراته مع العلمة وجود خلل في وسط الدفاع و يمكن لأي مدرب ذكي أن يلاحظ ضعف تغطية علاء الدين يوسف و عدم وجود لاعب محور يعتمد عليه نسبة لخرمجة العب التي يؤدي بها المصري أيمن سعيد..مازيمبي و الاتحاد هي الفرق المؤهلة و يملك لاعبيها ثقافة النهائيات رغم أني أتمنى أن يلعب المريخ المباراة النهائية.
08-25-2015, 05:40 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8405
غايتو يا انتوا بتتفرجوا في دوري تاني، أو مكابرين ساي مجموعة المريخ مجموعة ضعيفة، وفاق سطيف والعلمة دي فرق منتهية، المريخ إذا وقع في مجموعة مازمبي وتطوان كان بكون بصارع في الطيش مع سموحة .. المريخ معتمد بشكل رئيسي على بكري المدينة وعلى علاء الدين يوسف(ولاعبين ما يجيبوا بطوله).. دوري الأربعة هو الإختبار الحقيقي لفريق المريخ واختبار العجوز غارزيتو.. لغاية ما يبدأ دوري الأربعة فريقي النهائي من مجموعة الهلال(الترشيحات الأولية) الكلام دا طبعا كورة بس لا يشمل الرشاوي وشراء الحكام وضربات الجزاء الهدايا...
عشان كدا يا مريخاب اطلعوا لينا من دور أم فريحانة بالصعود لأول مرة في تاريخ المريخ لدوري الأربعة في بطولة الأندية الأبطال في أفريقيا (افرحوا ما قلنا شي بس ما تشطحوا قدر دا) عشان ما قزازة السمن تتكسر
08-25-2015, 06:30 AM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
ياصبري بالغت معقول مباراة الهلال ومازمبي الهلال ما شفت أي انضباط تكتيكي من اللاعبين؟ بداية المباراة والشروط الأول الهلال كان ضاغط وأضاع كثير من الفرص أمام المرمي.. بعد الهدف الكوكي غير خطة اللعب والزم اللاعبين بمهام دفاعية صارمة، عشان كدا بشة ما تقدم وما قام بأي دور هجومي ، نفى الشئ قام به اطهر الطاهر ما تنسى فريق مازمبي فريق شرس وخطير جدا .. نجح لاعبى الهلال في تنفيذ المطلوب منهم تكتيكيا(عشان كدا ما شفت كورة حلوة وممرحلة ولعب أنيق ) الخطة تعتمد على الزيادة العددية في الدفاع والانضباط .. صراحة الكوكي قام بدور كبير في توظيف اللاعبين لتنفيذ خطة الفوز على مازمبي ...
إذا استمر الهلال بهذا الانضباط التكتيكي حتى نهاية البطولة سيكون أحد أطراف النهائي... ياصبري وين العاطفة هنا (ما يرهبوك ناس المشرف بخطاب مزمل ابو القاسم ويقوليك دي عصبية وعاطفة وفرمالات الصحافة الرياضيه)..(وشه ضاحك)
08-25-2015, 06:37 AM
طارق حرسي طارق حرسي
تاريخ التسجيل: 01-10-2013
مجموع المشاركات: 842
يعني تتوقعوا ناس الهلال منتظرين شهادة حق من المريخاب طبيعي ألا تروا في الهلال أي شئ ، مهما فعل ما حتشوفوا حاجة من الهلال(ما يا هوا دا زاتو التعصب الأعمى) حالتكم تجنن وأنتم تتهافتون للنيل من سيد البلد
الهلال بيلعب كورة تكتيكية واللاعبين قاعدين ينفذوا ما يطلبه المدرب ، وشغالين بهدوء من مرحلة إلى أخرى .. ودوري الأبطال دا لعبتنا(انتوا المخلوعين وما مصدقين فريقكم يتأهل لدور الاربعه)... متأهلين صحبة راكب مع اتحاد العاصمة وتتفاصحوا
08-25-2015, 06:16 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
تساوي فرق المجموعة في النقاط يعني احتمالين ,, يا اما الفرق كلها قوية او الفرق كلها تعبانه ,,
ارقااااام .. وحقائق :)
مجموعة المريخ في حال فوز المريخ على الاتحاد سيصل المريخ ل 13 نقطة .. فرق نقطتين من الاتحاد الاتحاد الذي لعب 6 مباريات داخل ارضه مقارنة بالمريخ الذي لعب مبارتين فقط داخل ارضه ..
ارقاااااااام ,, وحقائق :)
تعليق استاذنا كمال عباس عن ما اكتب ومزمل ابوالقاسم .. فمزمل ده شغلو .. لازم يكتب وظل يكتب طوال عقدين من الزمان وفي اجواء رياضية فاسدة واستقطاب وتعصب كروي اعمى ,, انا لم افعل ذلك .. هناك انجاز حقيقي وكورة كويسه بيلعبها الهلال والمريخ وقاعدين يقدموا مستويات ممتازة في دوري الابطال .. كونوا يكون عندنا وجهة نظر محددة في تقييم الفريقين داخل اطار هذا الانجاز ..ذلك لا يعنى الا معناهو المباشر ,, نظرة نقدية كروية لمستوى الفريقين الاعدقاء داخل اطار انجاز سوداني كروي كويس وما بطال ..
Quote: مجموعة المريخ في حال فوز المريخ على الاتحاد سيصل المريخ ل 13 نقطة .. فرق نقطتين من الاتحاد الاتحاد الذي لعب 6 مباريات داخل ارضه مقارنة بالمريخ الذب لعب 3 مباريات فقط داخل ارضه ..
مجموعة المريخ دي شبيهة بالمجموعة التي شارك فيها المريخ والهلال واهلي شندي بالاضافة لانتركلوب الكنغولي في الكونفدرالية 2012 *
المريخ لم يخسر اي مبارة وتصدر المجموعة بي 14 نقطة . * الهلال ثانياً 11 نقطة . * * انتركلوب الكنغولي ثالثاً 4 نقطة . * اهلي شندي رابعاً بثلاثة نقاط . * نجد ان الفارق في النقاط بين المتصدر المريخ و صاحب المركز الاخير الاهلي شندي 11 نقطة . * و الفرق بينهم ان الاهلي شندي حقق فوز واحد فقط . والعلمة لم يحقق اي فوز وتبقت له مبارة .
قصة اندية ضعيفة وما ضعيفة ( ده كلام ساي ) و حتي فريق العلمة الذي خسر جميع مبارياته حتي الآن . وعلي حسب ما شاهدناه لم يكن صيداً سهلا فريق منظم و يلعب كرة ممرحلة وجميلة لكن يبدو ان الفريق متأثر بهبوطه للدرجة الثانية مع وجود بعض المشاكل داخل النادي .. و المستوي الفني الذي ظهر به افضل بكثير من اندية في المجموعة الثانية بالاضافة لذلك عدد الاهداف التي احرزها فريق العلمة تساوي عدد اهداف فريق مازمبي الذي ينافس في التأهل للدور المقبل
08-25-2015, 08:56 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8405
يا حرسي انت أجرت الباسورد بتاعك لبابكر سلك!! العملة شنو البيلعب كورة ممرحلة فريق من مجموعة المريخ الجنازة دي ما قدر يطلع بي نقطة تقول شنو، مجموعتكم تعبانة تعب الموت ، مش معقول نقاط بطل المجموعة (اتحاد العاصمة) (15 نقطة )تكون أكثر من مجموع نقاط الفرق الثلاثة(المريخ/سطيف/والعلمة).(14). اقنعني مجموعة زي دي تكون مجموعة قوية كيف ؟ بلو راسكم وارجوا الراجيكم في دوري الأربعة(اتمناها هلال مريخ عشان الهلال يضمن أنه يكون أحد طرفي النهائي..)
08-25-2015, 09:42 PM
طارق حرسي طارق حرسي
تاريخ التسجيل: 01-10-2013
مجموع المشاركات: 842
مازيمبي أفضل فرق دور الأربعة ,, الهلال فاز عليه في أمدرمان بفضل ذكاء التونسي الكوكي ,, والذي هاجم مرمى كديابا بضراوة بتوظيف بشة وأطهر في مهام المهاجين , ربع ساعة وتقدم الهلال بهدف . وكان يمكن أن ينهي ربع الساعة الأولى بأكثر من هدف , ولما صحا لعيبة مازيمبي ومدربهم بنى الكوكي ساتره الدفاعي الذي صمد حتى نهاية المباراة .
----------------------------------- لا مقارنة بين مستوي مازيمبي ومستويات بقية الفرق ,
-------------------------- عشان كدة ناس المريخ ليس لديهم سوى الدعاء بأن تكون هزيمتهم منه مقبولة وعادية .
09-17-2015, 01:35 PM
khaleel khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حيدر المشرف
usama Babiker
ياسر منصور عثمان
طاهر بدر
EMU إيمو
aosman
عبدالعظيم عثمان
على محمد على بشير
khaleel
كمال عباس
خالد عبد الله محمود
الامين محمد علي
سفيان بشير نابرى
حامد بدري
MOHAMMED ELSHEIKH
هشام عوض الكريم
طارق حرسي
Sulaiman Adam
يحي قباني
الحاج حمد الحاج
محمد حمزة الحسين
Ahmed Yassin
Nasruddin Al Basheer
فيس بوك
تويتر
انستقرام
يوتيوب
بنتيريست