|
دعواتكم لزميلنا المفكر د.الباقر العفيف بالشفاء العاجل
|
|
 Re: في خيبة اكثر من كده.......................................... (Re: عبد المنعم موسى)
|
اذكر عندما حضرت لكندا واجهت مشاكل فعلية من قبل الجالية اللبنانية. فاستقبلني لبناني
في المطار واخذني الى رد دير وتركني هناك وظن انني ضعيف و وحيد وعن الاعلام بعيد ولكن
بمساعدة الاخ بكري ابوبكر والاخ طلعت الطيب والاخ النصري امين عدت الى كالقري . وبعد
انتقال الاخ طلعت الى اونتاريو واجهت بعض المشاكل وفي غياب الجالية ووجود التشرذم والضياع
والتشتيت. فتحت بوست وتحدثت عن اشياء كثيرة حينها وقررت الاضراب عن الطعام. وحينها اتهمت
اتهامات كثيرة من قبل فرقة حسب الله. البعض قال انني اسئ لهذا البلد الديمقراطي والبعض قال ان
البلد فيها كمرات ومراقبة من قبل المخابرات وخصوصا البوستات والبعض قال ان مصيري السجن
وانني سأحتاج لقزازة مويه وساندويش ولن نقدمها لك. والبغض الاخر قال سيرحلونك لأنك تتطاول
على هذه البلد. وكل ما قمت به قمت به لأنني كندي يمارس حقوقه انتميت لاحد الاحزاب وعضوية
منظمة العفو الدولية كندا . وعبرت عن رأي بكل صراحة. واليوم التاريخ يعيد نفسه. فالصحفي
محمد فهمي يقاطع رئس الوزراء الكندي علنا. فلو قابلته فرقة حسب الله لهددته بسحب الجنسية
والطرد اليوم قبل عشيه. واقول دائما انا ضد العيش في الظل والهامش. واخيرا اقول لفرقة حسب
العوض فيكم على الله.
...................................وحا نكمل بكره......................
| |
 
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
طبعا فرقة حسب الله دعت لاجتماع عاجل. لدرس موضوع هذا المصري الطلع راجل
وهي تضم ابطال كانوا ملوك الجبل والغابة وناس منافقين وحتي ضحكتن كذابه وناس ملوك
الوتساب لمن ماسكه اليابوس وضارب الوتاب ناس فاهمة وفي السياسة كل واحد قاريلو كتاب.
ناس عندها بلابل وناس عندها التيمان وناس عاصروا المهدي وكتين حرر امدر مان. وناس
خريجو جامعات ابطال كبار وعندهم تاريخ في خلط بنات الناس ملوك الحفل من عرس ليعرس
وفي كل عرس هم اصحاب الجلد والراس في عرس لابسين بدل وفي عرس مكبرين عمتم زي
كمال ترباس ومع حريمهم كل يوم خناق ودواس عشان ان ستروا من الرجل حتي العيون والراس.
وفي النهاية قرروا تغير استراتيجتن لان المصري فضحن وبالرماد كتحن.
في خيبة اكثر من كده والله في كلمة غير خيبة نردده ما خلاص الخيبة فآتة اخر مدى .
.
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
محمد فهمي تاريخو بسيط ثلاث سنين سجن لا تعذيب ولازنزانه. ذنبوا تمثيل قطر وتقديم الدعم
للمسلمين إخوانا . لكنوا نبيه عمل منها رواية عظيمة وزفة بفنانا كل يوم في صدر الصحف والمجلات
والتلفزيونات كان عنوانا . وين أبطالنا مجموعة عايشه على الكذب السجمانا . بطولاتهم كذب ونفوسهم
كمان عريانا . النظام يخاف أبطال الداخل أصحاب الرؤوس العالية والصدور عريانة . مابيخشي معارضي
الوتساب . زي الغراب لابد في القش منتظر المزارع اروح لينكت التيراب.
في خيبة اكثر من كده والله في كلمة غير خيبة نردده ما خلاص الخيبة فاتت أخر مدى
.........................................................وحا نكمل بكره.............
وزف بيفنانه
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
فرقة حسب الله الخيبانة من محمود فهمي المصري كتير زعلانه . قالوليه
هذا كتير خلاص كفانا مؤتمرات ومقابلات ولقاءات. محمود فهمي فضحت الفرقة
وجبته عقابا. كلام في كلام . بالكلام فرقتنا عظيمة وعليها القيمة. البعض كونسيرفاتف
والبعض أن دي بي وفاكرين زعيمه إدريس دبي وشيء أحرار وبالانقلش ليبرال.
وفي الواقع الفرقة سجمانة ميتين تب منتظرين كان افضي قبر أو جبانة . خائفين
ومكسوفين من الموت والدفن عريانا ويادي الفضيحة لو سمعت بالخبر ريحانا.
في خيبة اكثر من كده والله في كلمة غير خيبة نردده ما خلاص الخيبة ........................
..................................وحا نكمل بكره...................................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
يا محمود مبروك دخلت التاريخ من أوسع بوابة. مع أن تاريخك بسيط
ومسيرتك قصيرة إلا إنها حقيقية وصادقة مي كذابة. عكس فرقتنا بالكلام شيء
بقول الطبيلة حنكو سنين وخارج الفرقة ذي اليتيم وشيء مناضل وشيء بطل وهم
في الحقيقة منهم الفاشل ومنهم القاتل والسارق والمارق والتاجر والفاجر والدجال.
مجموعة خيابة لمكتب الهجرة مفبركين الملفات منهم من شارك مع الخليفة في
أم دبيكرات والبعض في كرن و القلابات وهم مرتع للفشل والخيبات..............
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
معارضي الوتساب معاهم اليابوس والوتاب. طبعا الخبر انتشر زي النار في الهشيم.
سمعت بالخبر روزا ولعت سيجارة وشربت كازوزة. شالت العدة وركبت عربيتا القدة.
دخلت عليهم في الصباح الباكر وجدت حالتهم تحنن الكافر. أولا بخرت البيت بقشرة موزه .
جربت الشربة بالعطرون والليمون والملح الإنجليزي والشرخس وزيت الخروع والزيتون.
والمصيبة كل ما جاب نتيجة. وحالتهم غير معروفة لكن الوجوه مخطوفة والبطون منفوخة.
وفي النهاية قلبت عيونا ونفخت جضوما وقالت ليهم بكل صراحة لازماكن راحة ومن ثم جراحه.
لكن ده فيها خطر عليكم لان جسمكم منسم وما فيه دم. خلوني اجرب شيء أخير لان حالتكم صعبة.
وكبسيبه حالو حال التابا من الوجع اتلوا واتشابا. فقالت ليهم ده أخر وصفة وهي تأكلوا العنكوليبه
بيورتابا والفيتريته ما تفصلوها عن بتابا. لعل البطن تمشي وينفلت كرابا وهذه الوصفة صادقة مي كذابة.
لكن بتمني تخرجوا من القرية وياريت تروحوا الغابة . لان ساعة تمشي البطن وانفلت كرابا حاتطلع الغبرة
والكترابة.
وكبسيبه وعد انو ساعتها سيغني أغنيته المشهورة...........يا ناس بلدنا حبابا بخدرته الخلابة بس انحنا خيابا .
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
عفارم على روزا قبل ما تعطيهم الوصفة قبضت حقها ووضعته في جيبا.
والناس مبسوطة منها لأنها دقست كبسيبه وشيلت القفة للمدام عرديبه. طبعا
كبسيبه العامل فيها مقرم بطنوا منفوخة ووشوا مورم وخشموا مشرم . والمدام
عرديبه راقده في الطرابيزة. طبعا الشلة في الفشل والخيبة غرقاني .
غي خيبة اكثر من كده في كلمة غير خيبة نردده................................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
الخلاف الماضي بين كبسيبة رمز الفشل والخيبة والمدام عرديبه .تحول إلى تلاسن
وشتائم وعراك بالأيدي ووصل الأمر بالمدام عرديبه أن ترفع عليه النعال .وفي ذات الوقت
كبسيبه اصبح كتلة من الانفعال وحلف بالشيخ عبد المتعال أن لازم ادخل عرديبه في شوال.
وبعد عدة محاولات من قبل جمعية أصحاب الحواشات. تم الصلح ووكلوهم عيش وملح.
وبعد يومين التقيا في الطريق فقالت ليه أنت أوفي صديق ورد واعز أخ ورفيق . ودار الحديث
وراء الكواليس وقالت أنا قمت بزيار قبل تشكيل الوزارة انشآ الله بنتعين في الوزارة ونركب
ونركب الطيارة. فقال لأعليك هوني عليك واذا لم نعين في هذه الوزارة انتي حا تقودي الكونسيرفتف
وانا سأتصل بإدريس دبي لأكون مساعده في قيادة الأن دي بي. وقالت اذا لم يتحقق هذا وذاك. نحاول
نتعرف على محمود فهمي المصري الظاهر عليه صادق وأصيل. سيكون ليهوا مستقبل واعد
والقرب منه بساعد.
في خيبة اكثر من كده في كلمة غير خيبة نردده....................................
وحا نكمل بكره.....................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
طبعا أعلنت الحكومة الجديدة وهي خالية من كبسيبه رمز الفشل والخيبة
والمدام عرديبه. فعرديبه أعلنت الحداد وبطلت تأكل السمك والدجاج والشرب بكبابي
القزاز. كما قررت أن تلبس الهزاز وان تنوم في عنقريب هباب. وبعد انتهاء فترة
الحداد دخلت العنقريب الهباب وذهبت تشوف كبسيبه. وجدت الباب مفتوح فدخلت
وجدت كبسيبه يلبس في كفوف. قربت شعرت بخوف لان لونه مخطوف وشوا
متورم وحنكه ملفوف وشعره منكوش ونائم في فروة من جلد خروف. قالت ليهوا
الحاصل شنوا قال ليها ترودوا طلع جلابي عين واحد جعلي في الوزارة وباعنا لان
نحن غلابه. ضحكت عرديبه وقالت لكبسيبه ده مش جلابي ده بنجابي بعرف انو
جعلي هندي.
في خيبة اكثر من كده...........................................................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
المدام عرديبه اكتشفت أن كبسيبه رمز الفشل والخيبة انو مش طبيعي.
وان سمعته بطالة بالإضافة للدجل والقوالة ونسناس زي قرد ود الياس. وقالت
ليهوا أنت إنسان ما عندك أخلاق وعائز ضرب في روسيك ده بالمدقاق.
وحا أجبلك ناس أدقوك دق العيش في التقي وأنت إنسان وسخان ومنك نظيف
وحا نعطنك في مويه الخريف. وقالت ليهوا ما تعملي فيها شفته هذا الكلام سويه
مع الناس الثانين ما أنا المسوياك ونافخاك ومكبراك وعلمتك السواك. واذا
بتلعب عليا حا اقص ضنبك واحلقلك شنبك . وبعد هذا التهديد خرجت
وتركته وحيد مع أن الدنيا كانت عيد.
| |
|
|
|
|
|
|
|
|
 Re: في خيبة اكثر من كده.......................................... (Re: عبد المنعم موسى)
|
كبسيبه رمز الفشل والخيبة اتصل بالمدام عرديبه وقال ليها
أنا وقع في مصيبة . وصلت المدام عرديبه وشليل ساندويش في
جيبه . آها قولي في شنوا قاليها أنا مستهدف في ناس بيشتغلوا
ضدي وعائذين يشنوا سمعتي. وانا حا استخدم القانون وعليم
وعليهم حا اشتكي. المدام عرديبه قالت ليهوا يارا جل اختشي
وخليك مختفي أنت نسيت كل شيء حتي المشي وهاك الساندويش
اكل ونحشي بطل كلام ادمدم ونام.
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
المدام عرديبه هرولت لعند كبسيبه رمز الفشل والخيبة وتردد
مصيبة مصيبة. وصلت ونفسها قائم ووجدت كبسيبه نائم فستيقظ مفجوع
وحاس بالجوع. ففتح الباب وجد عرديبه لونها متغير ووشها مدور وبقي
صغير. وتردد كارثة مصيبة فقال لها اجلسي واستهدي بالله وسألها الحاصل
شنوا. فأجابته بعد ازدياد الذبح والقتل والخطف والتفجيرات اتخذ القرار بمراجعة
كل الملفات. اذا حصل ذلك سننفضح واذا سحبوا جنسيتنا وابعدونا الدواعش سيذبحوننا.
................في خيبة اكثر من كده......................................................
| |
|
|
|
|
|
|
|
|
|
Re: في خيبة اكثر من كده.......................................... (Re: munswor almophtah)
|
تحياتي الأخ منصور
المدام عرديبه ذهبت جري زي الريح التقول إسعاف شايل جريح لعند كبسيبه رمز الفشل والخيبة.
وصلت الباب زي الرياح دخلت لقتوا في المستراح مبسوط ويضحك بانشراح.
ظلت منتظرة لأكثر من ساعة وعندما خرج سألته مالك بتضحك في المستراح جنيت
والله شنوا. رد قائلا أنا احب المستراح فقالت أكيد لأنه المكان الوحيد في الدنيا
البتر تاح فيه نعم هذا سبب. قالت له وماذا عن باقي الأسباب فقال لها السبب
المهم والرئيسي هو إن أول وأخر أطيب دجاجة أكلها في حياتي وقعت في
المستراح سوسيوا وعاشت هناك تشرب وتا كل حتي كبرت. فطلعناها وطبخناها
وأكلناها لوشفتيها كانت حلوة جنس حله وطاعمه جنس طعم...........................
في خيبة اكثر من كده والله في كلمة غير خيبة نردده........................................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
طبعا المدام عرديبه لم تنام طوال الليل منتظر الصباح لتذهب لمناقشة مزرعة المستراح مع كبسيبه رمز الفشل والخيبة. منتظره الصباح بفارغ الصبر التقول قاعدة في قبر. وبعد طلوع الصباح والسكوت عن الكلام المباح توجهت صوب كبسيبه رمز الفشل والخيبة شايل ليه محريبة. طبعا عرديبه حبت دجاج المستراح واذا لم تحقق هذا الهدف لن ترتاح طبعا عرديبه ما فيها شيء إلا بطنها . وفي الطريق إلى كبسيبه كانت مبسوطة وتغني طيبة جنس طيبة وحلوه جنس حلاة.
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
| Quote: سودانيزاون لاين على العين والراس. والأخ بكري يحسن للجميع وأصحابالشرف والكرامة من ناس كالقاري في القلب. خلي إحسانك لنفسك وبطل لولوه وأوقفالمرتب الشهري الذي تدفعه لي كل شهر. قلنا تبادل الأدوار والكذب واللولوه عهدهاانتهي احترم نفسك وورينا عرض أكتافك. |
وين إحترامك للذكرتهم فوق ديل، ياهو كلآمك الفي بوستاتك ديل ؟.دا ياهو إحترامك وتقديرك للناس ؟. يا اخي والله إنت لو كنت منأهل الواجب وبتحضر مع الناس في الملمات كنا ندي كلآمك إعتبارلكن ما شفناك لا في منشط لا في مكره، وكنت انا بقول يمكن كلآمكعني وشتمك لي إحتمال يكون صحيح، لكن يا اخونا إنت ما من الرجالالبيحضرو في الملمات عشان تدي نفسك الحق تقدح في الناس وتشيرلنساء الرجال بإشاراتك القبيحة دي .عندك رأي في الجالية اطرحو باحترام والناس تناقشك فيهو، عندك رأيفي ناس كالقري أعمل نفس الشئ وسوف تجد من يناقشك، بس طريقتكدي كان رضيت كان ما رضيت لا تتناسب وعمرك . إنت بالضبط دايرشنو، ؤُ داير تصل لي شنو ؟، ممكن نساعدك اكتب لي رقم تلفونك هناوانا باكر بجيك، أو اطرح طرح الناس تقدر تودي ؤُ تجيب معاك فيهو،لكن ارجع واقولك، اكبر ؤُ خليك قدُر عمرك ؤُ بلاش تهبل نفسك اكتر من كدا .بعدين تبادل ادوار شنو، وكذب ولولوة في شنو ؟، عشان تعرف إنك ما عارف حاجة وإنّك بتهبل في نفسك ساكت . سيب الناس في حالآ ؤُ بلآشتعرّض بالنساء، حتي تجد من الناس الإحترام ...
| |
|
|
|
|
|
|
|
|
|
Re: في خيبة اكثر من كده.......................................... (Re: معاوية المدير)
|
| Quote: قلنا تبادل الأدوار والكذب واللولوه عهدهاانتهي احترم نفسك وورينا عرض أكتافك. |
عرض اكتافي ياتو يا عبد المنعم ؟،بل إنت خليك هنا وانا قاعد معاك عشان نعرف اخرتك شنو ؟، ؤُ عايز تصللي شنو بتعريضك . يا خي إنت ليك كم يوم مليت المكان دا بكتابة قلنا ليكلا تتناسب وعمرك ؤُ مافي زول سعلك فتماديت في عملك الطفولي دا عشانتثبت للناس انّ ما تقوله حق فاكر نفسك مافي زول بيقولك عيب كدا بلآش البتعمل فيهو دا، ؤُ فاكر نفسك حا تنشر صورة سيئة للسودانيين في كالقريوالناس تخليك علي كيفك ؟. يا راجل أقصر فأنت رجل صاحب هوى، عايز تخلق لنفسك وضع ومكانة بحكاية تأبى ليك كم فطور ؤُ عشاء ودي لومك بيما بتلقاها هنا ؤُ مافي زول فاضيلك ...
| |
|
|
|
|
|
|
|
|
|
Re: في خيبة اكثر من كده.......................................... (Re: معاوية المدير)
|
هسّع انا ياهو دا مارق ماشي النادي السوداني لو عندك ايّ حاجة عايز تناقشا معالناس حبابك ألف تعال ولو عايز توصيلة انا من دربي دا بجيك آخدك معاي ولوعايز ناس الجالية ؤُ ماك لآمي فيهُن انا علي إلتزم المّك فيهم كلهم، ولو عندك طرح مفيد عايز تطرحو هنا ؤُ تناقش فيهو الناس برضو حبابك ألف، ولو عايزتلفوني تلقاهو في البروفايل . أما إذا غردك مسخرتك البتسوي فيها دي ما بنقبلآ ليك، وانا إياني المامديك عرضاكتافي ...
| |
|
|
|
|
|
|
|
|
|
Re: في خيبة اكثر من كده.......................................... (Re: معاوية المدير)
|
المدام عرديبه مبسوطة وتردد حلوه جنس حلاه وطاعمه جنس طعم إلى أن وصلت لعند كبسيبه رمز الفشل والخيبة. طبعا الزيارة بسبب إقناعه بأنشاء مزرعة المستراح. لكن عند وصولها وجدته في حالة تحنن الكافر عينه حمراء زي النار وشايلوا فرار ولابس سديري وسروال. تلفنت للإسعاف وقالت ليهوا أنا معاك ما تخاف. وصل العيادة وجاء الدكتور شايلوا جزازة وفي أيده الثانية حامل قزازة . سأله ماذا حصل قاليهوا ياد كتور كل ما اشرب الشاي عيني توجعني وبتتورم. فقال الدكتور كبسيبه قبل ما تشرب الشاي شيل الملعقة من الكباية يلله ورينا عرض أكتافك.
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
فرقة حسب الله العوض فيكم على الله . ساعة أنت مادي وأخري أنت تكره المرأة السودانية . وساعة نحن الجبناك البلد ده وأخري أنت متخلف وعقليتك عقلية القرون الوسطي. وساعة عندك مرض نفسي وساعة............نحن شربنا فلان فنجال قهوة من سبعة أعوام وساعة نحن ترجمني لفلان وساعة........................ ووصلت البجاجة والوسخنة والخساسة أن يتصل أحدكم باهلي ويقول ليهم ولدكم حاولنا نحترمه بس ما بستاهل الاحترام. تبادل الأدوار والكذب والتضليل والتلفيق صاحبه هو الغير محترم. الفرق بيني وبينكم (ال 27 شخص) تعتبروا انو غيركم ما في سوداني وان من لم يتعامل معكم فهو معزول مع أن البلد فيها اكثر من 38 الف سوداني من الجنوب والشمال. احب أقول ليكم كل البلد بتعرف رأي في القهوة السودانية امشي القهوة عشان العب الكتشينة بالشاي أو السجاير وعشان اقعد بين المحشش آتية. علاقتي مع الكنديين من العامل لرئيس الوزراء وعلاقتي مع السودانيين وخاصة المرأة السودانية ممتازة. بعرف معظم السودانيين شمالا وجنوبا .اطمئن ففي وفاة أختي الله يرحمها حضر للعزاء عدد كبير من السودانيين والكنديين والإرتريين والأثيوبيين............... بطلوا لولوة وتضليل وتزوير عبد المنعم ليست لديه ما يخجله. وكل يوم للأمام . العبوا غيرها عبدالمنعم لديه هدف ويعرف ماذا يريد العبوا بعيد........
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
حلوه جنس حلاه وطاعمه جنس طعم المدام عرديبه تغني حتي وصلت لعند كبسيبه رمز الفشل والخيبة. حامله مشروعه(مستراح الدواجن) وتقشقش في دموعه وقربة تقع في البالوعة . وقالت لكبيسيبه الحمد لله أنت كويس هذا الأسبوع ولازم نبدأ في تنفيذ المشروع. تنحنح كبسيبه وقال هذا المشروع عائز دراسة وتريس وكياسة ولازم نستشير خبير. فضحكت المدام عرديبه حتي وقعت من عنقريبه فأنكمش كبسيبه التقول عضت دبيبه. فقامت المدام عرديبه وصلحت عنقريبه وقالت اسمع ياكبسيبه انت كنت بتسوي شنوا الجامعة ثم ثانيا هل هنالك خبير بيفهم اكثر منك في هذا المجال . في خيبة اكثر من كده ..................................................
| |
|
|
|
|
|
|
|
|
|
Re: في خيبة اكثر من كده.......................................... (Re: عبد المنعم موسى)
|
المدام عرديبه ذهبت لعند كبسيبه رمز الفشل والخيبة. قالت ليهوا المرشح الرئاسي الأمريكي ده مجنون. ومليان كره وعنصرية تجاه الأمة الإسلامية وقال سيرحل الموجودين وسيمنع دخول القادمين. كبيسبه قال للمدام عرديبه ليه نحن مسلمين. قالت ليهوا كيف بشوفك بتقري القران علي الأموات وساعات توءم الصلاة. ده كلو من غير وضوء وما بملص النعلات ................................ في خيبة اكثر من كده ........................................................
| |
|
|
|
|
|
|
| |
عبد المنعم موسى
munswor almophtah
معاوية المدير
فيس بوك
تويتر
انستقرام
يوتيوب
بنتيريست