عزيزي الريال عايزين رجال

سودانيز اون لاين
طلحة عبدالله-
مكتبتى
رابط مختصر

ديل عايزين مرايل مش رياييل .. الريال الواحد دي الوقتي في السوق

الأسود بتلاتة ألف ..

صدق من قال :

إذا الريال أراد الحياة يوما

فلا بد من فريق الراجل الواحد أن ينفجر

ولابد لرونالدو أن ينتحر ..

أرحل

أطلع من حياة الملوك ..

يجب أن تكون هناك وقفة قوية من المدريدين ضد عبث هذا الممرن

المهرج .

دا يوم شنو دا الكلو رباعيات الخيام دا ؟؟

وبعدين تعالوا هنا يا ناس البورد اتوا هنا ما في ريالاب يشاركوني

في المناحة دي .. ؟ أول مرة أشوف لي مظاهرات احتجاج قايم

بيها زول واحد .

أنا مالي ومال أية حاجة ياخ .

ياخ الريال ده كرهنا الكورة .. لا روح لا كورة لا اي حاجة .. التقول الهلال بس

المهم .. كيفك .. طبعا انا لي سنين طويلة ما دخلت المنبر وكتبت فيهو .. لمن قلت الباسويرد ما ح يفتح معاي

لكن اهو جيت خاشي عبر بوستك ده بعد طول غياب ..

شايفك ما ظاهر في الفيس بوك...

تحياتي ...

والله عاش من شاف خط كيبوردك ياخ ..

كيفنك آزول وكيف أيامك يا حبيب ؟

شوق عظيم يا رجل ..

وأزي العيال والأهل أجمعين ؟

بيني وبينك عندي لخبطة في حساب الفيس بوك جاري العمل على اصلاحو

عشان كدا مديها صنة شوية ..

ثم ياخ أول مرة أعرفك مدريدي رغم العشرة الطويلة والله ..

اتا يا أيمن مالا مداخلاتك دائما ناقصة فيها كلمة ؟

البرشا يحرز في الأهداف والمدرب يسجل وطلحة يعيط

هو كان بيكتب في شنو ؟ صاحبكم دا؟

علي رأي جنابو عمر عثمان كما سمع من المصريين قال( كان بيكتب في مذكراته أنه كان بيدرب ريال مدريد )

ياخ أنت مفروض عشان أنيستا دا دا بس تقلب برشلونابي ..

الراجل يمسك الكورة ويجري شاقي الصفوف ولا خالد بن الوليد في زمانه .. ما حد عارف حا يعمل أيه ولا يثبتوه كيف ؟

المدرب خرجه قبل عشرة دقائق من النهاية حتى يتلقى التحية الخاصة من الجمهور .

المفاجأة حتى جماهير ريال مدريد وقفت تحييه .

تقول لي الرجل الواحد

ريال مدريد أصبح حتى لايحتاج لجهود الرجل الواحد

الممرن العبيط بتاع ريال دا دائما شايل معاهو ورقتو وقلمو في التمرين

في المباريات في العربية في التواليت الخ الخ الخ .. قاعد يكتب في طلبات مرتو

من السوبر ماركت .. لبن بدرة .. حليب طازج.. حليب طويل الأمد .. زبادي..

ملح .. زيت زيتون.. حلاوة مصاصة للشفع .. بامبرز.. الخ الخ الخ .. مرتو

شاغلا بالو وما فاضي عشان كدا بهدل فريق الملوك وخلاهو ملطشة للبسوي وما بسوي ..

لابد أن تقوم مظاهرات عارمة الغضب تتطالب برأسو أقصد برحيلو ..

الراجل دا عندو حركة فتح اللعب في كل الأحوال والظروف دون أدني احترام

للخصم.. وفي عالم كرة القدم مالم تحترم الطرف الآخر غض النظر عن مستواه

وظروفو وموقعو ووضعيتو فقد هدمت ركن قوي من أركان التفوق لأن كرة القدم

لا تعترف بالأسماء بقدر ما تميل للأكثر جهد وعطاء في الميدان.. والمفهوم البديهي

دا الزول دا ما شايلو فيما يبدو.. وبعدين برضو عندو حركة إغلاق مفاتيح اللعب لدي الخصم

مع التركيز على الأطراف وترك العمق بدون حراسة ودا استهتار واضح فطن ليهو الخصوم

في أكتر من مناسبة وركزوا الضغط ومن ثم الضرب عليهو والنتيجة دائما اهتزاز شباك الريال

عن طريق عمق الدفاع كما حدث أمس ..

رونالدو وراموس والجماعة الكبار كبار ديل من زمااااااااان قاعدين قبل الراجل دي ما

يجىء والريال ماشى في السليم لأنو المدربين الفاتوا كانوا عندهم قوة شخصية وكارزيما

هههههههههههههههههههههههههههههههه

مدرب الريال هاك بعد في الاهداف

بالله دي فريق وملكي كمان رولاندو

عامل زي القعود البتعلم في الجري

وبنزيمه قطع بنزين وجاز

والمعلم قاعد بره لسع بتفرج فيهم

يا نبيل اتا برشلونابي شهادتك في الريال مجروحة .. كما ان فوز برشلونة بالأربعة

لا يعني قوته بقدر ما يعني ضعف الريال الذي أصبح يشبه الهلال في كل شىء ..

الهلال يتحكم فيهو الكاردينال والريال يتحكم فيهو بيريز .. كان بالفريقين الهلال وريال

11 لاعبا يدافعون عن الشعار والآن أصبح لكل منهما 11 رجل أعمال يتحكمون في كل

شىء .. تبا لهذا البيريز الذي طرد ديماريا وإنشلوتي وإستقدم الممرن بينيتز بديلا لكارلو ..

ولكن في البرشا اسمح لي اقوليك ولاول مرة قوووم لف شديد

البرشا يصنع النجوم من ناحية تانية بتعرف زهرة الفيكويس

وبالمناسبة نهدي ليك وسط الزهور متصور

التاجر العابث مثلو والكاردينال في الهلال وجمال الوالي عندما كان ..

لكن برشلونة مهما حشد من نجوم سيظل فريق الراجل الواحد الذي

إذا طعنتو شوكة قال بقية اللاعبين أحي أحي أخ اخ .

دا ما بمنع انو ناس البارسا اعتمدوا ومازلوا معتمدين على الراجل الوحد

ميسي أو أيا كان إسمو في النجاحات السابقة واللاحقة إن وجدت .. راجع